ZKIZ Archives


中環在線:魔童搞電視食腦唔講金 李華華

2010-1-20  AD





 

免費電視市場最近好熱鬧,有「魔童」之稱嘅城市電訊(1137)主席王維基(圖)計劃只用2.1億元打入新市場,被人質疑佢係咪全心攪局,佢噚日回應話,搞免費電視唔係單靠錢就得。

魔童噚日出席香港資訊及通訊科技獎頒獎禮後話,搞電視最緊要靠創意,市場最終會汰弱留強。咁佢有乜秘密武器節目?佢就大賣關子,話費事畀人抄橋,一旦落實獲發牌後,先會詳細介紹。

城 電另一樣俾市場質疑嘅弱點,係網絡覆蓋唔完善,目前覆蓋率只約70%;佢話o依家到發牌相信仍有1年時間,其間城電會擴展覆蓋範圍,到時候除咗離島之外, 相信大部份地區都會喺覆蓋範圍以內。佢唔知係咪講反話,話政府效率高,希望政府今年內可以發牌,到時會為市場帶來另一場改革咁話!



中環 在線 魔童 童搞 電視 食腦 腦唔 唔講 講金 華華
PermaLink: https://articles.zkiz.com/?id=13957

母子檔陪月中介講心又講金

2012-6-21 NM




龍年生仔潮催谷下,陪月員其門若 市,不但師奶爭入行,中介公司亦如雨後春筍,越開越多。五十五歲的胡陳彩雲(胡太)○六年入行做陪月,後來不甘中介公司「食水深」,遂「撬走」姊妹,自立 門戶,與三十歲的兒子胡家瑋(James),○八年用九萬元開設「好安心」。不過,中介公司門檻低,競爭大,絕非「印印腳」有錢收。胡太和James自度 一系列增值服務,由職前培訓、面試技巧到針對準父母的「湊仔班」等,成功羅致四十多名陪月員班底,高峰期月做四十多宗生意。「而家佢哋上晝驗到有咗,下晝 就要打嚟book陪月員啦!」胡太笑說。

上週六晚上七時,十八位剛修畢陪月員課程的師奶,在好安心位於太子的辦公室內上堂。「點先知道BB食得夠唔夠奶?」擔任導師的在職護士陳姑娘突然問。一名 師奶答道﹕「係咪睇小便顏色,如果茶色就唔得?」另一名師奶即驚呼﹕「嘩,如果茶色就要入院啦!係唔係磅吓條片夠唔夠重呀?」雖然大家都有證書在手,但對 陪月知識仍一知半解,陳姑娘惟有再問﹕「咁正常一個BB一日換幾多條片?」「六至八!」台下齊聲道。「咁換少過呢個數目咪知道唔正常囉!」各人恍然大悟, 立刻把答案抄在筆記本上。這班師奶個個都希望能成為「星級陪月員」,自此「豬籠入水」。做過陪月員的老闆胡太,知道要做中介,就要摸清陪月員及客人的心 理,再「對症下藥」。接下來就由建立班底和吸客兩方面,分析好安心的賺錢方程式。

四招建班底一、招募

現時由非牟利機構如明愛、職工會聯盟等舉辦,獲僱員再培訓局認可的陪月員課程,每年約有五千名畢業生,好安心會定時到不同中心舉辦招聘講座。「一班二十五 人,得一、兩個會入行,其餘只為拿到完成課程後約一千二百蚊嘅津貼。」James說,所以要先挑出有心兼有潛質的畢業生。「我哋有免費嘅陪月員分享會,俾 新人上來聽吓啲師姐嘅意見,同時推銷工作坊。」James表示,工作坊共四堂,每堂一百二十元,「佢哋肯俾錢再進修,證明真係有心做,我哋亦可以睇表現來 揀人。」James指,而客人的喜好亦是重要因素,胡太補充﹕「以前啲客鍾意老啲嘅,覺得資歷深,但而家就鍾意後生嘅,貪佢好氣力,可以大細兼顧,個樣靚 啲、有福氣、有肉地嘅亦會受歡迎。」

二、簽約

每次成功轉介一單生意,好安心會收取總薪酬約兩成作為中介費。為確保有足夠陪月員,好安心和二十多個資深陪月員簽訂合約,沒有底薪,但保證一年連續「有工 開」,每年續約,而資歷較淺的則簽半年,表現好才能續約。「對佢哋來講,最緊要連續有工開,唔會疊期或有一、兩個月喺屋企坐。試過有陪月員唔續約,自己走 去接job,最後都返咗來。」James表示,為加強陪月員的歸屬感,會定時舉行聚會,以及一起做義工。胡太更要兼任心理輔導員,訪問當日,有陪月員致電 訴苦,足足傾了一小時。「有時啲有錢人唔係好識尊重人,試過一個富貴人家搵咗幾個陪月員一齊面試,鬥快換尿片。」胡太皺眉道。

三、特訓

陪月員大多半途出家,「未打過住家工」,見客前,James會先教授面試技巧:「試過有姐姐會踢住拖鞋去面試,有啲就著『行政look』,其實著素色衫最 好。」另外,陪月員不應留指甲或塗指甲油,避免指甲及化學物刺激到嬰兒,「客人好多時會問陪月員做唔做家務,唔好答『唔做』,要話『BB第一、媽媽第二, 其他事有時間就做』。」James教路。另外,他們亦不時請來專業人士為陪月員進行免費講座,如在香港護士協會聘請護士教授餵奶和掃風知識,及邀請社工來 教授如何與客人相處,亦有中醫教授產後調理湯水等。「其實陪月員面對最大嘅困難就係婆婆嬤嬤,佢哋覺得自己都識做,成日當住你面話『嘥錢』,又挑剔,為咗 避免衝突,我會勸陪月員喺唔傷害到媽媽嘅情況下,盡量跟老人家嘅意思做。」胡太補充。

四、監察

陪月員質素直接影響公司聲譽,客人可於七日內免費更換陪月員,「有時未必係陪月員做得唔好,純粹係唔夾、唔啱傾。試過有陪月員同個婆婆為媽媽嘅飲食日日 嘈,就算過咗十日,都照安排換人。」負責帶陪月員面試的胡太,亦會上門家訪,觀察陪月員的工作。公司更有個「師姊妹」制度,安排資歷深的陪月員,在新人上 班首星期,每日一電詢問情況。另外,James亦設計了一份問卷予客人,再將問卷原份放上網。「客人反應話唔好嗰啲,我就唔安排工作,等佢自然流失」 James說。

兩招吸客一、攞獎搏宣傳

搵客第一步是要打響名堂。開業初期,James試過走到母嬰健康院門外派傳單,及在Yahoo!買關鍵字,成效不大,卻十分昂貴。「而家太多公司搶『陪 月』呢個關鍵詞,搶到貴晒,一個點擊成廿幾蚊!」James現時仍有幫襯Yahoo!,但設定每月上限為八千元,「問番啲客,發現八成都係朋友介紹。」 James表示,最佳的免費宣傳其實是「攞獎搏見報」,太子辦公室內放了十多個獎項,如香港優質顧客服務協會的優質顧客服務大獎等。James更替陪月員 報名參加不同的服務獎項,「對陪月員同公司都好,係雙贏。」James笑說,為增加知名度,過去一年半內,他們做了十多個訪問,連日本的電視台都找上門。

二、開班吸客賺到盡

好安心利用太子的辦公室,開班教準父母「湊BB」,名為「自己做陪月」產前工作坊,由專業護士教導,每個課程四堂,收費九百八十元,每班只限五至六對夫 婦,「賣點係小班教學,等佢哋可以落手落腳試做,三、四班入面,就有一、兩對夫妻變咗我哋客人。」James表示,雖然母嬰健康院也有類似課程,但通常一 班有三十多人,並安排在平日上班時間,加上有時地點亦不及好安心方便,所以開辦以來都不愁客路,「好多時一開即爆滿,客人要一個月前報名。」James 說。

母帶子入行

胡太可說是整盤生意的靈魂人物,一手帶兒子James入行。原在青少年中心任活動工作員的胡太,開朗健談,○六年退休後覺得生活沉悶,便修讀陪月員課程, 之後經中介公司找到陪月員工作,「客人同我分開簽約,嗰時未有最低工資,我一個月收六千蚊,有次同個客傾起,先知中介公司收咗佢一萬蚊。」除了「食水 深」,亦「不近人情」,「有個客住葵涌,我住將軍澳,問公司一個月可唔可以俾多五百蚊我搭車,佢哋好強硬咁話唔得,但個客原來俾成萬三蚊,公司淨係收錢, 咩都無幫過我!」胡太憶述時仍語帶氣憤。最後,竟然是她的第一名客人鼓勵胡太創業。於是,她「膽粗粗」以月租一萬元,租用灣仔服務辦公室,再以較低的佣 金,「撬走」一起讀陪月員課程的同學。之後生意不錯,便鼓勵兒子James辭掉員工培訓的工作,全職打理好安心。去年,公司以月租三萬元租用位於太子,約 六百呎的單位做辦公室兼課室,「呢度以前係牙醫診所,好乾淨,唔使花錢裝修。」James笑說。現在他和媽媽正撰寫《好安心坐月手冊》,於今年書展出售, 除了做宣傳,亦是母子創業路的一個紀念品。

開業資料(02/2008)

租金$10,000宣傳$30,000註冊及律師費$30,000雜費$20,000總投資$90,000

營業資料(05/2012)

營業額$176,000

租金$40,000*

人工$70,000 #

宣傳$15,000

雜費$26,000

盈利$25,000

*太子及灣仔辦公室租金

#連導師薪金及兩名負責人各支薪兩萬元

母子 檔陪 陪月 中介 講心 心又 又講 講金
PermaLink: https://articles.zkiz.com/?id=34492

講心唔講金 鄺美雲愛上無樓樓神

2012-10-11 NM




四十九歲Cally鄺美雲終於等 到遲來的春天,近日自爆覓得有情郎,與恒基兆業地產營業部總經理林達民,蜜運兩個多月,唔介意對方離過婚有個二十歲兒子,更加唔介意人稱「樓神」的林達民 無樓揸手。傳聞有五億身家的Cally,紆尊降貴同打工仔拍拖,講心唔講金!唔怕將來俾人指指點點計身家計地位,亦無諗過要結婚:「以前我好介意人哋點睇 我,而家唔會,我鍾意咪得囉!」Cally說。響單身警號

拍拖僅僅度過三個月「安全期」,Cally願意大方公開,全因為另一半。「我拍拖身邊好多朋友都知,亦唔介意俾記者知,只係唔想專登講出嚟,但我見到有記 者亂寫嘢(指林達民有老婆),所以想講清楚。」Cally說。回想今年五月經朋友介紹認識,Cally說當時並沒有一見鍾情的感覺。「因為佢公司想搞一個 同珠寶crossover嘅活動去介紹樓盤,我哋成餐飯都係傾公事,只係覺得大家幾啱傾。」事隔半個月,Cally與林達民再次見面食飯,才漸漸有觸電感 覺,為了「公還公,私還私」,兩人寧願取消生意合作,正式發展成為情侶。「咁多年嚟身邊朋友一雙一對,去佛堂見到兩公婆『同修』自己都好羨慕,其實今年年 頭自己同自己響咗個警號,突然諗起年底我五十歲,仲唔拍拖,咁點算?」

唔做煮飯婆

Cally承認過去十多二十年,一直為事業拼搏,錯過不少拍拖機會。「以前成日覺得做乜要拍拖,多個人喺身邊阻住晒,除非你另一半同你一樣咁忙,會體諒到 你嘅工作,而家我男朋友正正符合晒呢兩大條件!」對的時間遇上對的人,Cally說好耐未試過見完一個人,返到屋企感覺依然甜蜜回味。「我哋試過去餐廳食 飯,由七點鐘坐低,傾到凌晨三點餐廳打烊,之後返到屋企仲要講電話。」男友只係打工仔,離過婚有個仔,就算Cally九七年同呂良偉有過短暫婚姻,但她是 城中有名的富婆,女尊男卑,難免被人說三道四,不過Cally並未擔心。「有錢又點?都係一日三餐一張床,以前細個會好介意人哋點睇我,去大牌檔都唔敢, 而家唔會,我自己鍾意咪得囉!」不斷在訪問中重複「拍拖好開心」,但對於將來再婚的可能性,Cally有少少保留。「我冇諗咁遠,冇理由要我唔做嘢留喺屋 企煮飯抹地,咁會好嘥!」Cally說。

扮鬼扮馬賣樓

在恒基兆業地產營業部擔任總經理的林達民,今年五十三歲,早年從事保險業,八三年加入恒地由低做起,有超過二十八年物業銷售策劃經驗,目前是恒基物業代理 有限公司董事之一。持有澳洲悉尼科技大學工程管理學碩士,以及香港理工大學管理學文憑的林達民,現時為香港地產行政師學會普通會員以及香港市務學會行政人 員會士,每逢恒基新盤開售,林達民均要坐鎮,甚至要學對手「長實樓神」趙國雄,扮鬼扮馬傾力賣樓。

 
講心 心唔 唔講 講金 鄺美 美雲 愛上 無樓 樓樓 樓神
PermaLink: https://articles.zkiz.com/?id=38516

情人節應該講金 朱泙漫屠龍記

http://johnchrysostom.blogspot.hk/2013/02/blog-post_13.html
情人節應該揀選那一位情人出街呢?筆者認為應該講金最實際。
中國古代雖然曾有使用紙幣的時代,惟大部份的時間仍以金、銀、銅作通貨。大抵而言,金銀是大宗貿易的通貨,而銅則是日常交易乃至農民交稅用的通貨。影響金、銀、銅的供應主要有兩大因素,其一是礦山的開發,其二是透過國際貿易順逆差而引至貴重金屬的流入流出。因此政府在控制貨幣供應上是非常被動,而貴重金屬通貨的供應亦對民生乃至國家興衰有關。古代農民在歛收時生活固然悲慘,但豐收時農作物價賤而銅錢貴,以大額農作物換取銅錢交稅後所餘口糧而無幾。清代中葉後由於被逼開放鴉片市場令白銀流出,以白銀結算的工商業亦因白銀通貨收縮銀根短缺而窒息其健康發展。
 
近代資本主義之所以能急速發展,實有賴由西歐諸國率先逐步廢除金銀本位的政策的結果,而1971年美國尼克松總統宣佈廢除美元掛勾黃金後亦正式宣佈全球無錨貨幣(Money-on-fiat)時代的來臨。今天且讓筆者再次以對數圖(Log)分析黃金的走勢。
根據Gold Fixing Price 10:30 A.M. (London time) in London Bullion Market, based in U.S. Dollars,黃金由1968年4月1日每盎斯38美元升至2013年2月8日每盎斯1,669.75美元,這四十五年間年複合升幅為8.77%。也許是由於受美國廢除美元掛勾黃金的影響,黃金的第一個大浪由1971年1月4日的每盎斯37.325美元升至1980年1月21日每盎斯843.00美元後便經歷了長達近二十年的大熊市。直至2001年7月27日每盎斯265.85美元後又再開始近十多年的大牛市。
由長期對數圖可見,黃金第一個大浪由距離中軸回歸線極偏低的1971年1月4日每盎斯38美元升至距離中軸回歸線極偏高的1980年1月21日每盎斯843.00美元後才進入熊市。當今2013年2月8日每盎斯1,669.75美元雖已經升至距離中軸回歸線偏高水平,但其實仍不如1980年1月21日的頂之瘋狂。
當今黃金的浪是由2001年7月27日每盎斯265.85美元起動,較1998年12月10日布蘭特原油每桶9.10美元的歷史底部遲了約兩年半起歩。關於推動黃金上升的說法有許多,其一是因為美國印鈔令紙幣貶值令實物如黃金升值。但如此說法如何解釋黃金由1980年1月21日每盎斯843.00美元至2001年7月27日每盎斯265.85美元期間美鈔依然狂印的黃金大熊市呢?
因此筆者傾向相信黃金近一波的升浪源於中印崛起對黃金的實際需求增加。若如此推論正確而近年黃金的牛市升浪由2001年7月27日每盎斯265.85美元起計算,則以對數圖看這十二年半期間年複合增長是17.32%,而當中的升浪其實非常穩定地沿這期內的中軸回歸線推進而沒有明顯拗高或拗低的現象。倘若黃金的供應缺乏彈性而中印經濟持續增長刺激內需,似乎黃金這個牛市升浪尚未完結。

聖經的《賢婦贊》如此指引揀選情人的準則:「⋯賢淑的婦女,有誰能找到﹖她本身價值,遠勝過珠寶。⋯姿色是虛幻,美麗是泡影;敬畏上主的女人,纔堪當受人讚美。⋯(箴言31:10;30)」揀選伴侶猶如投資一樣,應該選擇能與自己一起擔當未來成家立室重責的伴侶,而非僅具有剎那間Juicy概念的帥哥美眉,如此「她的丈夫對她衷心信賴,一切所需從來不會缺少。(箴言31:11)」
情人節 情人 應該 講金 朱泙 泙漫 屠龍
PermaLink: https://articles.zkiz.com/?id=44022

職場點滴(14):講心又講金 亂博

http://notcomment.com/wp/?p=6683

作為一個打工仔,如果有得你揀,你會揀曾蔭權定還是梁振英做你老細?

曾蔭權一上任就即時加人工,又返5日工,多年來人工加幅起碼追通脹,甚至高於通脹,任內不做不錯,什麼也沒做過,也因此沒有刺激不同既得利益者不滿而上街遊行,結果做他的下屬都少啲嘢做,每天可以無驚無險又到6點!

CY一上任就周圍揾地起樓,搞到下屬走來走去,一些地方前面長期哥爾夫球場景或開揚景,如今要起樓,當然引起很多附近居民不滿。又搞辣招阻人發達,搞到地產代理無啖好食,醫院原本擴建諗住收雙非生仔錢,零雙飛搞到醫院不滿,入境處職員要阻截孕婦衝關,零雙飛和限奶令又搞到入境處多咗嘢做。成日落區,每次一大班人示威又要大批警員到場維持秩序。CY越做得多,下屬越多嘢做,又刺激不同既得利益者不滿和反對派出來揪後腳,一年有過萬次遊行,警員做到氣咳,做CY的下屬就每天都驚濤駭浪又過6點!

以打工仔心態而言,CY做老細,下屬每日返工好像打仗,仲要人工加幅低於通脹,相比老曾,無驚無險到退休,你話打工仔跟邊個着數啲?

相信CY亦知警員辛苦,除了出言撐警隊,國務院還高調接見警隊高層,顯示中央都很體恤警隊。上司能夠表現體恤下屬當然好,不過跟你寒喧幾句,員工笑笑口心裡仍會問:「你知我辛苦就好,幾時加人工?」打工仔出來打工都只是求財,有理想服務市民都唔可以當飯食,有錢才可以改善生活,講心不講金,多勞少得,不如少勞少得好過,仲唔使孭鑊!

如果老細唔識做會點?下屬要老細滑鐵盧有好多方法,明明睇到當睇唔到, 見到你扣錯鈕都唔話你知, 樣樣側側膊,細鑊唔孭大鑊缷番俾老細。

近日入境處20名員工集體請病假,導致深圳灣口岸超過10萬人過境緩慢,出現大批旅客輪候。然後又有屋宇處員工罷工,接連有政府部門不滿而曠工,是否一種警號就來爆煲?那些經常喜歡公民抗命的遊行人仕,相信很快可以自遊行了!

職場 點滴 14 講心 心又 又講 講金 亂博
PermaLink: https://articles.zkiz.com/?id=81301

港女半數講心唔講金

1 : GS(14)@2012-02-06 22:39:36

http://hk.apple.nextmedia.com/te ... 104&art_id=16045248
【本報訊】港女予人學歷高、收入高、眼角高的「三高」印象,今回終獲大平反。一項訪問了 2,000位香港、新加坡、馬來西亞人士的調查發現,近半港女「講心唔講金」,接受另一半的收入低過自己,比例是三地最高。但港女「唔講金」卻「冇信心」,近半港女沒信心找到如意郎君。近半港男則表明,若女友過肥,會遭拋棄。記者:姚國雄
港女 半數 講心 心唔 唔講 講金
PermaLink: https://articles.zkiz.com/?id=277581

講金又講心

1 : GS(14)@2012-06-04 23:20:01

http://hk.apple.nextmedia.com/su ... t/20120604/16393679
看看百貨公司、 Boutique的時裝、手袋、鞋子,由來已久的閒閒地每款標價過萬,市道再如何不景也還是有人買,有人付鈔,年紀輕輕,濃妝艷抹的女子一手挽着一個上了年紀的男子,或者一張附屬卡,嬌嗲的、貪婪的、渴切的;恨不得每一樣都到手。
日前蘋果國際新聞版大字標題男女關係掀糖心風暴。大佬,這是新聞嗎?也許在外國是吧,四十多年前在電影界打工時,已見月薪幾百元的新人新星手挽名牌袋,一坐下來名牌打火機輕脆的一響,似乎個個都有個「甜心爹哋」照顧,無限量的供應一切奢侈品以及物質金錢所需。時至今日,公開場合出現的商家名人小二小三,也都以手袋的牌子價錢驕人,無論市道多麼艱難,有大客戶罩住,日子過得悠哉游哉,根本不必以工作換取些微的工資,價值觀老早改變,不僅年輕女孩羨慕,年輕男子也是如此,「甜心契媽」照顧着,果然各取所需,各有各撈,另類的男性女性平等之至。
發展到今天的糖心網站的用戶,大有笑貧不笑娼的趨勢,堂而皇之的有錢就好辦事,來者不拒的明買明賣交易,還美其名曰這樣的交易不同於娼妓,而用錢來買青春肉體以性愛換取金錢也不算是嫖客,講金也講心云云。果然是如此嗎?當一個女子可以把自己當貨品一樣出賣,當一個男子用錢來買自己的慾望,這種交易買賣的男女關係,當然是交易,世界無論如何改變,人的價值,人的尊嚴與生命的意義在不道德的交易中遭受踐踏,世人還笑貧不笑娼呢。

蔣芸
mcwriter@appledaily.com
2 : abbychau(1)@2012-06-07 13:20:18

呢排專欄唔知點解講"笑貧不笑娼", 學生時期我都對呢個題目搵過下, 因為覺得呢句野好無理, 因為一來會令娼妓增多, 二來也是令女性的本錢改變
好心就search 下先, "笑貧不笑娼"唔係一個普遍社會現象, 只係一個用黎啁貶不合理觀念的語句
想描寫呢用現象唔可以用其他人笑唔笑黎當成一個原因, 財貌交易原自於一來有富豪急於求成, 成功利用金錢衝破既有價值觀而進行大小規模的海選, 然後當事件增多, 金錢所用以交換的事物慢慢改變

要把這個過程說完恐怕又要打很長
3 : GS(14)@2012-06-07 22:49:05

富豪用錢都是能買這個set的女仔
4 : abbychau(1)@2012-06-07 22:51:11

結果是有人選結果才有我後面的一句
5 : abbychau(1)@2012-06-07 22:52:15

我想講ge 係作者又寫d 自己唔了解ge 野
6 : GS(14)@2012-06-07 22:55:15

5樓提及
我想講ge 係作者又寫d 自己唔了解ge 野


咁你用數字,他用感覺,感覺當然就是錯的啦
7 : abbychau(1)@2012-06-07 22:56:06

感覺通常是對的, 不然已經無人用, 但寫文不可以寫成這樣
8 : GS(14)@2012-06-07 23:30:16

7樓提及
感覺通常是對的, 不然已經無人用, 但寫文不可以寫成這樣


你認為嚴謹,要用心理推
9 : abbychau(1)@2012-06-07 23:32:59

寫專欄可以唔嚴謹, 但寫乜係作者自己揀, 揀個自己唔係好識ge 寫, 咁即想比d 讀者睇自己發up 風, 睇完就覺得好心理唔平衡, 一黎無用, 二黎佢仲要有錢收
10 : GS(14)@2012-06-07 23:34:05

9樓提及
寫專欄可以唔嚴謹, 但寫乜係作者自己揀, 揀個自己唔係好識ge 寫, 咁即想比d 讀者睇自己發up 風, 睇完就覺得好心理唔平衡, 一黎無用, 二黎佢仲要有錢收


咁寫專欄就是用你個人風格去演繹嘛,寫得唔好,他又可以駁,他仲發
11 : abbychau(1)@2012-06-07 23:36:57

我覺得專欄淨係可以用黎連載小說
12 : GS(14)@2012-06-07 23:38:19

11樓提及
我覺得專欄淨係可以用黎連載小說

就算亂作都得?
13 : abbychau(1)@2012-06-07 23:42:49

唔係
14 : GS(14)@2012-06-07 23:43:25

13樓提及
唔係


咁要點?
15 : abbychau(1)@2012-06-07 23:44:44

好正當咁比人去追係得小說, 唔洗好似專欄咁post要格硬post 爛文
16 : GS(14)@2012-06-07 23:45:35

15樓提及
好正當咁比人去追係得小說, 唔洗好似專欄咁post要格硬post 爛文


哈哈,如果我給人罵就是罵交啦
講金 金又 又講 講心
PermaLink: https://articles.zkiz.com/?id=279697

河國榮投票講心唔講金

1 : GS(14)@2016-03-06 16:12:14

河國榮、王灝兒(JW)及樂隊Kolor,昨日於荃灣出席「2016選民登記運動」啟動禮。本身已經是選民多年的河國榮說:「以前有時係冇得選擇,而家會投啲對香港市民有心嘅人,而唔係淨係對錢有興趣嘅人。」他又指剛過去的新界東補選,因他剛巧不在香港,所以沒有參與。此外,同場的JW被問到好姊妹何超蓮被傳和吳克羣復合一事,她代好友澄清:「係朋友,冇其他。」至於另一好友鄧紫棋(G.E.M.)則跟內地歌手華晨宇傳緋聞,JW表示只知道G.E.M.近日忙於瘦身,其他事就不太清楚。採訪、攝影:譚倩宜





來源: http://hk.apple.nextmedia.com/entertainment/art/20160306/19518186
河國 國榮 投票 講心 心唔 唔講 講金
PermaLink: https://articles.zkiz.com/?id=297031

張國鈞:講金句慧根不及樹根

1 : GS(14)@2016-09-13 07:57:43

■張國鈞受訪時稱非常感激鍾樹根的支持。



【本報訊】民建聯張國鈞今屆立法會選舉於港島區領軍出戰,由原擬退黨參選的鍾樹根抬轎,終以4.1萬票奪港島區建制第3席。張國鈞受訪時稱,非常感激鍾樹根的支持,「佢係冇講過我一句壞話」。雖繼承鍾的席位,但張明言未如對方有「慧根」能成為金句王,自嘲當年的「北極企鵝多」只是失言。上屆以兩名單出戰港島的民建聯,曾鈺成及鍾樹根成功當選,共奪逾6萬票。今屆因應港島區少一席而縮至一張名單,由張國鈞牽頭、鍾樹根排第二,總得票驟減兩萬多,只排第五。曾鈺成選舉當晚仍落區為他催票。42歲、身兼民建聯副主席的張國鈞承認,知名度不及港島區票后、奪逾6萬票的新民黨葉劉淑儀,指投票日上午已發現不少屋邨投票率不高,反映支持票未盡出,加上地區不時有人指「民建聯夠票」,惟有由曾鈺成最後動員;由於目的是建制保三席,對結果亦滿意。曾揚言考慮退黨參選的鍾樹根,不滿被迫退居第二,風頭更勝張國鈞。張訪問期間特別感謝鍾的支持,舉例指在漁灣、小西灣等有不俗成績,「呢啲票坦白講,係鍾樹根嘅票」,又指整個選戰中,「鍾樹根係冇講過我一句壞話」。他甚至為鍾在選舉期間遊埠作解釋,指鍾早在報名前表明,8月中要為太太慶祝60大壽,需離港一星期。


認「北極企鵝多」失言


雖成功「取代」鍾樹根成為議員,張卻笑稱未必繼承鍾的「金句王」衣鉢,「我諗我未必有咁嘅慧根」,「要做金句王都要睇性格嘅」。他自嘲過去的「企鵝論」(指北極人少企鵝多)只是失言,「(若果)期望我喺議會入面有好多金句娛樂大家,就可能令大家失望」。他稱希望擔當各方的溝通橋樑,形容性格「和得人」,意即容易令人覺得他「有得傾」,「起碼佢哋(外人)覺得同張國鈞傾偈,唔係浪費佢時間,唔係門面工夫」。他指教育和房屋政策是其未來工作重點,同時認為傳統的街頭戰與網上戰都不可或缺,因為不單止青年,不少長者亦開始使用網上平台,網絡亦覆蓋不常在家的選民,未來會搞好網上戰。■記者呂浩然




來源: http://hk.apple.nextmedia.com/news/art/20160913/19769247
張國鈞 張國 講金 金句 慧根 不及 樹根
PermaLink: https://articles.zkiz.com/?id=308836

【洛杉磯直擊】新年派利是講心定講金? 美國華人都係派20蚊

1 : GS(14)@2017-01-29 10:31:34

年三十晚,不少太太除了忙著買菜煮團年飯外,不少人亦都抓緊時間包利是,趕著在過年前預備得妥妥當當。平時在香港,收得最多的一定是廿蚊雞(20港元),到底在美國的華人利是裏面包多少錢呢?記者在洛杉磯華人眾多的蒙特利公園市(Monterey Park)街頭訪問,發現原來最少都有廿蚊雞,不過是美元!駐洛杉磯記者:張紫茵剛剛第一次派利是的小曼表示,今年第一年出來工作可以包紅包,她預備了500至1,000美元(約3,900至7,800港元),主要是派幾個小朋友,所以每封都好有份量,最大封會包200美元(約1,560港元),還說是「才工作所以不會太大(封)」最小封都有100美元,出手闊綽全因都是派俾自己人,「都是家裏人很親嘛,不是發很多人的那種」。看來很有福氣的太太Tina剛在市場買了好多菜預備煮團年飯,她表示每年都會預備1,000美元左右包利是,最大封會包100美元(約780港元),最少都有20美元(約156港元),都會派給朋友﹑孫子孫女。看來洛杉磯的華人派利是都很大手筆。來洛杉磯探女兒的羅太太表示,現時國內都流行在微信發紅包,可以一對一的發給對方,又可以在微信群裏面發一個紅包,大家一齊搶,所以都在微信群組內每個人都可以得到紅包,跟朋友及同事都是這樣玩,大家都搶得好開心。雖然她現在人在美國,可是也會在微信上向國內親朋戚友發紅包;她還偷偷的跟記者講,為了不要輸給時差,她昨晚已經不睡覺一直在玩搶紅包了。記者在搭Uber時跟一個美國司機聊天,他表示一直於華人區長大,所以每年新年都會去華人同學家庭玩,順便逗利是。他笑指,有一年同學的媽媽錯把包給同學的利是給了他,裏面有1,000美元,是他這輩子收過最大封的利是!




來源: http://hk.apple.nextmedia.com/international/art/20170129/19912422
洛杉磯 直擊 新年 派利 是講 心定 講金 美國 華人 都係 係派 20
PermaLink: https://articles.zkiz.com/?id=324591

趣BLOGBLOG:講金又講心

1 : GS(14)@2017-05-14 10:44:53

■買到好股票、穩定收息,較傳統的銀行定存、或者高息外幣更具吸引力。





母親節送甚麼畀阿媽,相信是不少子女頭癢的事。今年買了一手中電(002)予母親,原因不外乎每年穩定派息、每年收到四張股息支票,但背後卻想他們知道買到好股票、穩定收息的好處,較傳統的銀行定存、或者高息外幣更具吸引力。很多父母都有炒股,而經常在電視節目中向財演吐苦水的,亦是年長的長輩,不過炒來炒去,都是垃圾的三四線股。很多時候,長輩買股票,為求有穩定回報,但殊不知買中妖股,股價大跌之餘,股息年年欠奉,過了一段時間要大折讓供股抽水,買中幾次,就對股市心死,到了大時代重臨,又被熾熱氣氛吸引入場再買、然後再中伏。香港不乏好股票,但更慘是有更多的衰股票,長者認定了買磚頭好過買股,就是源於成世人,總遇上幾個股渣,守也守唔到。
https://www.facebook.com/stockwing1


早一兩個月寫過買藍籌自製年金,有網友嫌月供會有碎股,想知道50隻藍籌的入場費及股息,統計了數據。買港股煩的地方,是每隻港股一手股數都有分別,藍籌由一手最少的騰訊(100股)至最多的吉利(5000股);最貴藍籌一手入場費是新地(016),以上周四收市價計,最低消費一手1000股超過11萬,隨後是長江基建(1038)及九倉(004),入場費皆超過6萬元。至於股王騰訊(700),每手100股約2.5萬元,兩電則大約3至4萬,煤氣(003)約1.6萬元。最低入場費是內銀,中行(3988)4,000元有找,工行(1398)亦大約5,000元。去年每手派息最多藍籌是電能(006),有近4,000元,這是由於有派特別息的因素;新地及長建則分別有3,850元及2,260元;中電則有1,400元,股息皆超過3厘。幾年前,曾經參加過中電專為股東而設的睇廠活動,「團友」更興奮話,早年曾遇過大老闆米高嘉道理帶隊睇電廠,更難得是帶同子女同行睇電廠運作情況,這是買股收息之外的意外之獲。股榮
https://www.facebook.com/stockwing1




來源: http://hk.apple.nextmedia.com/financeestate/art/20170514/20020700
BLOGBLOG 講金 金又 又講 講心
PermaLink: https://articles.zkiz.com/?id=332915

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019