| ||||||
光 大又有猛人加盟，《上海證券報》引述消息人士報道，建設銀行（939）副行長羅哲夫噚日去咗光大集團返工，坐第三把交椅做總經理，幫董事長唐雙寧同副董事 長臧秋濤手。業內人士估計，羅總主要會幫手搞好金融業務。須知道唐雙寧舊年接掌光大集團後，設定咗金融、實業、香港同集團4大戰場，旗下光大銀行之後獲中 央滙金注資200億元人仔，仲成功發行50億元人民幣次級債券，資本充足率將超過10%，不良貸款率降至2%以下，基本上已經滿足到上市條件，只等中證監 審批。而光大證券就已經獲批。 推動光大銀行上市 羅總今年55歲，92年入農業銀行，曾調任香港分行總經理、深圳同北京分行行長；2000年底調到建行，離職前係副行長。唐雙寧曾經講過，希望光大銀行盡快上市，市場都憧憬羅總加盟，若然個市好番，有助光大銀行早日上市。 | ||||||