ZKIZ Archives


【男女之間】一講即死 最傷感情兩個字

1 : GS(14)@2015-10-14 02:55:46

無論多甜蜜的愛侶,總會有意見不合,甚至爭吵的時候。但鬧交還鬧交,某些說話要小心別輕易說出口,因為很有可能一講即死!研究夫妻關係有超過二十年經驗的美國心理學家Dr. Jeffrey Bernstein指,胡亂叫伴侶「應該」怎樣怎樣,是導致所有不美滿的關係破裂的元兇。因為這用詞會讓對方覺得自己正在受到批評和控制。
Dr. Jeffrey Bernstein建議,向另一半表達不同意見時,我們可以用「我覺得......」來代替「你應該......」。例如將「你應該知道我會有乜感受」改為「我覺得你可以聽吓我嘅感受」─背後思想就是別霸道地要別人「應該」跟隨自己一套,反而要主動講出自己的想法;另外,爭吵時最忌翻舊帳,但若對方重提舊事,我們千萬不要直接指摘對方說「你唔應該提番呢件事」,反而應該沉着氣,向對方表明自己需要時間冷靜。感情可以由一件件細小的事去建立,同時也脆弱得可以被幾個無心的字摧毀,所以我們在情緒激動時更要小心言行,愛侶才能「床頭打交床尾和」。資料來源:Psychology Today記者:陳倢





來源: http://hk.apple.nextmedia.com/su ... t/20151013/19330524
男女 之間 一講 講即 即死 傷感 兩個
PermaLink: https://articles.zkiz.com/?id=293152

【唔捨得個女】54歲張兆輝一講即喊半夜入房聞陣味

1 : GS(14)@2017-06-10 13:09:27

一講起女兒之後將離港升學,本來一直健談風趣的輝哥突然眼泛淚光。



張兆輝除咗識得唱情歌冧老婆,查實講到佢17歲嘅囝囝張焯鏗同13歲嘅張卓姿,輝哥都一樣咁鬼冧!講到以前拍劇搞到日夜顛倒,親子時間自不然唔多,之不過睇你點樣分配時間啫,輝哥話就算佢哋瞓晒覺,都會爭取時間「親子」:「咪入去房望吓佢哋,見到佢甜睡嘅時候,已經好安慰㗎喇,有時又幫佢冚吓被,索吓佢啖味咁樣囉!」



仔女o依家都17同13歲,輝哥諗番佢哋細個就最開心。(被訪者提供圖片)

輝哥講起個女就唔停口。(被訪者提供圖片)

收工返到屋企,仔女瞓晒覺,輝哥要聞吓佢哋陣味「親子」吓。呢個係妹妹BB(被訪者提供圖片)

其實聽落一啲都唔重口味,如果你哋都係工作型父母,都一樣會咁做,你懂的!之後輝哥講到第一次要離開香港幾個月拍劇,見唔到家人嗰種感覺,講講吓仲眼濕濕話:「我有個電腦入面有好多佢哋細個嗰啲相同短片,我太太唔俾我睇㗎,因為怕我會感觸,佢話:『嘩!你睇埋呢啲咁嘅片,仲聽埋呢啲咁憂怨嘅歌,梗係唔開心喇!』」仔女細細個時就最得輝哥鍾愛,因為成日都喺自己身邊嘛,尤其囡囡呀:「細女細個好得意㗎,譬如佢自己好輕鬆行咗去前面都好喇,咁我喺後面,佢行吓停吓又望番轉頭,見到你又走番埋嚟捉住你對手拖,即係永遠都係喺身邊。見唔到我,又會猛問daddy喺邊度呀,成日都daddy、daddy。」又諗番起件冧爆事件:「個女兩歲時,夏天好熱㗎嘛,我着鞋嘅時候,已經一頭汗,佢就行去攞張紙巾幫我抹汗,嘩…仲唔值呀,超值啦!嗰陣時兩歲咋喎。」人哋話女兒係爸爸嘅前世情人真係冇講錯。



唔捨得。真係好唔捨得。

有時要離家幾個月去拍戲,輝哥掛住啲仔女就會睇相,然後好感觸。(沈健程攝)

不過細女下年會跟埋哥哥去留學,輝哥都話唔捨得,但係諗深一層都希望佢學多啲,惟有自己抽多啲時間飛去探佢哋,又話好彩近排都係喺香港工作:「咁咪可以留喺屋企,又可以去拍嘢,拍完辛苦又可以見到啲家人,如果呢幾個月又離開屋企,咁咪又少咗幾個月見面。」珍惜同家人嘅相處嘅輝哥,o依家每朝都6點半起身陪個女食早餐,抱抱、傾吓偈維繫感情。唔知輝哥遲啲又會唔會做「呷醋外父」呢?「我唔敢諗咁遠喎!呢啲嘢順其自然喇!如果佢真係搵到一個好好嘅男仔照顧佢又愛佢,冇所謂,最緊要佢開心快樂喇!細個嘅時候喺daddy身邊好快樂,大個嘅時候喺佢愛人身邊一樣要好快樂!」



哥哥已經去咗外國升學,下年到妹妹喇,輝哥兩老當然唔捨得。(被訪者提供圖片)

妹妹細個好得意,唔怪得輝哥咁錫佢。(被訪者提供圖片)

採訪:何慧斯、懷鈺攝錄:馮峰、Neo攝影:沈健程服裝:Ted Baker化妝:Frances Ho@jessicachan_make-up場地:Big Echo




來源: http://hk.apple.nextmedia.com/entertainment/art/20170608/20047946
捨得 個女 54 歲張 張兆 兆輝 輝一 一講 講即 即喊 半夜 入房 房聞 聞陣 陣味
PermaLink: https://articles.zkiz.com/?id=334973

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019