ZKIZ Archives


中環在線:股評人搶視帝飯碗 李華華

2011-5-12 AD




 

話說男士護膚纖體公司MENCE,一向搵開視帝黎耀祥做代言人,但噚日華華赫然發現生招牌變咗股評人黃瑋傑。不過,黃瑋傑嘅可觀程度似乎弱啲噃,人哋視帝露肚晒腹肌,相反有唔少師奶粉絲嘅黃瑋傑就相當「惜身」,恤衫鈕扣到上頸。

華華問黃瑋傑做乜踩過界做代言人,佢話只係同間纖體公司老闆娘蔡敏思好熟,用過佢嘅服務,覺得唔錯,所以老闆娘叫到就幫手。

自認保守拒晒腹肌

黃瑋傑唔肯講酬勞如何,至於點解唔學視帝晒腹肌?「我個人保守啲!」佢話只係上去控制吓體重,加上夜晚要睇美股,冇覺好瞓,為咗上鏡個樣冇咁殘,所以要護膚,唔係要6嚿腹肌……簡單講,即係冇排吉百利朱古力喺身,冇得晒也!

諗諗吓,真係越嚟越多股評人俾美容纖體公司睇中,就好似陸叔陳永陸,因為做電台節目,所以同電台廣告客戶Bioarchitect熟絡,對方贊助佢同佢太太囡囡美容療程,搞到佢成個代言人咁。

此外,化妝品牌Estee Lauder就搵咗青姐胡孟青拍咗個靚爆廣告。話時話,股評人郭思治渾身肌肉,睇怕遲早有人搵上門。

李華華

LiWaWa@AppleDaily.com


中環 在線 股評 人搶 搶視 視帝 飯碗 華華
PermaLink: https://articles.zkiz.com/?id=24977

無綫救亡黃宗澤升呢拍電影馬浚偉鋪路做視帝

1 : GS(14)@2011-03-27 17:42:33

2011-3-24 NM
                
佘詩曼唔續約無綫返內地賺人仔,林保怡、馬德鐘決定北上搵食,仍有約的黃宗澤和今年底約滿的馬浚偉,亦有意離無綫北上搵人仔。
主將買少見少,無綫大幅度加薪,並投其所好,好似再搵影帝黃秋生傍住黃宗澤開戲,又校啱時間推馬浚偉孭飛劇出街,幫他鋪路做視帝,氹得就氹。黃秋生幫拖
內地影視工業市場大有需求,不少娛樂公司積極羅致香港演員,酬勞幾級跳亦在所不計。花旦小生陸續部署北望神州,一向惡晒的無綫再不敢怠慢,出盡法寶留人。

「Bosco(黃宗澤)雖然仲有兩年約,不過出面已經有人開始搵佢斟合作,樂小姐知道佢好想拍電影,為咗穩定軍心,應承開戲力谷佢,好似之前
Wilson(錢國偉)要開拍《戀夏,戀夏,戀戀下》,樂小姐都好大力推薦Bosco俾Wilson,後來因為要去海南島拍外景,Bosco冇期先臨時換
人,公司又即刻再搵秋生幫手,開部警匪片俾佢同Bosco做,咁緊張,都係想Bosco見公司重視,心軟留低。」知情者說。
校啱時間

全力留黃宗澤外,對今年底約滿的馬浚偉,無綫亦有即時行動,繼早前出席破冰飯局,樂易玲刻意與被指不和的馬浚偉同坐示好,又安排由他孭飛的古裝劇《紫禁驚
雷》於下半年推出。「馬仔多數都係拍古裝,其實好啱內地巿場,加上無綫近年有幾個古裝劇好似《金枝慾孽》、《宮心計》人搵馬仔傾劇。內地大把路數,又出得
起錢,公司都唔敢好似以前咁再拖,除咗開飲食節目《大廚出馬2》招安,又特登安排馬仔套劇下半年出街,事關佢舊年投訴過啲劇出街時間唔好,影響收視,所以
佢套《紫禁驚雷》會九月出,食正timing爭視帝,總之用盡方法氹佢留低。」一名無綫中人說。
寧濫勿枉
佘詩曼決意離巢後,六嬸方逸華急召高層照肺,講明唔希望再有TVB一手捧紅的藝人流失。為氹掂藝人乖乖留低,TVB實行軟硬兼施,甚至乜人都擸,無放過。
徐淑敏09年結婚生女,仲講明會繼續追,但TVB一樣咬住唔放,要佢加簽五年。
周家蔚06年獲選港姐亞軍後簽TVB,一直被投閒置散,入行以來最大收穫是搵到男友洪天明,但TVB照樣要佢賣身五年。
蕭正楠返內地拍劇的先頭部隊,於內地早有人識,雖然仲有兩年先約滿,但TVB已經主動傾續約,加簽三年。
高鈞賢演技俾人彈多過讚,但高鈞賢勝在聽話,好使好用,同樣一簽五年。
安仔留低

據了解,在無綫採取積極態度及銀彈政策,以幾近兩倍人工,已成功留低在內地有一定知名度的郭晉安,正在放大假陪老婆生第二胎的他,放完假便會返娘家開工。
「其實安仔都唔係好想出去闖,事關佢一家大細都喺香港,佢想多啲時間陪屋企人,公司捉到佢心理,加上嚿錢多咗好多,所以好易就傾掂。不過公司有好多小生都
冇家室,留低又唔知有冇機會,所以都向錢看;留唔留到人,都係睇公司出手高唔高。」
救亡 宗澤 升呢 呢拍 電影 馬浚 浚偉 鋪路 做視 視帝
PermaLink: https://articles.zkiz.com/?id=273627

視帝最新廣告:潛行卜佳

1 : GS(14)@2011-11-20 11:08:41

好—惡搞
2 : KENLIN(17685)@2011-11-20 11:26:39

要睇要播快d啦, 網上23條實施後, 呢d惡搞一定俾和黃投訴海關, 到時海關真係又拉又鎖又搶server, 唉....

香港, 同大陸有咩分別!!!!!
3 : GS(14)@2011-11-20 11:28:03

我最討厭海關
4 : KENLIN(17685)@2011-11-20 11:37:53

me too, 大蛇唔管專捉小蟲, 還成日捉錯蟲, 如果唔識法律既小蟲實俾佢玩...但我諗所有既執法部門都一樣架啦
5 : GS(14)@2011-11-20 11:51:45

4樓提及
me too, 大蛇唔管專捉小蟲, 還成日捉錯蟲, 如果唔識法律既小蟲實俾佢玩...但我諗所有既執法部門都一樣架啦


他們交數當然要捉蟲,這種不要得
6 : siuman1986(6109)@2011-11-20 18:32:42

ME 3。

我真係唔明點解政府都要交數...除左海關,我都好唔like 食環,為交數搞到民不聊生
7 : 龍生(798)@2011-11-21 17:19:49

好搞笑呀!!

個肥仔真係黎耀祥個仔?
8 : GS(14)@2011-11-21 22:35:04

7樓提及
好搞笑呀!!

個肥仔真係黎耀祥個仔?


堅過石堅
視帝 最新 廣告 潛行 蔔佳
PermaLink: https://articles.zkiz.com/?id=276646

【馮仁昭四圍超】陳展鵬傾續約爭視帝

1 : GS(14)@2016-10-12 07:52:30

資料圖片





陳展鵬去年畀《梟雄》嘅黃秋生搶走視帝,有周刊報道話佢見《城寨英雄》口碑好,又傾續約,於是同高層開咗兩個條件,首先係劇價同陳豪、黎耀祥睇齊,由每集3千加至3萬,同預留時間畀佢搵外快,第二係圓佢嘅視帝夢。但有唔少網民力撐《EU超時任務》王浩信攞視帝,仲有播緊嘅《律政強人》廖啟智同方中信,都不能忽視。撰文:馮仁昭




來源: http://hk.apple.nextmedia.com/entertainment/art/20161012/19797875
馮仁 仁昭 四圍 陳展 鵬傾 續約 爭視 視帝
PermaLink: https://articles.zkiz.com/?id=311696

「回家」即刻奸變忠陳豪奀星奸角變視帝

1 : GS(14)@2016-10-14 06:52:19

大台對啲藝人係點?除咗一系列嘅「方丈」行為之外,其實都幾好㗎!最叻就係「洗底」。陳豪
Moses喺大台咁多年,做親都係好男人,其實佢未入大台仲係拍戲嗰陣,做得嘅都係奸角,奸得嚟仲要奀,好似喺《特警新人類》嗰陣做謝霆鋒嘅奸仔上司同《算死草》入面陷害葛民輝嘅家丁何春,都係奸得嚟只係嘍囉級!講到最難忘,一定係《烈火戰車2極速傳說》入面嘅「喪偈」,戲中佢想向男主角鄭伊健(Sky)打愛滋針,不過最後自食其果,畀人打斷腳之餘,仲因為愛滋而死。陶大宇1983年大台藝訓班畢業後加入大台嘅陶大宇,雖然有「師奶殺手」稱號,不過早前出道嗰陣,都係做配角同奸角,代表作就有《大時代》入面做丁蟹(鄭少秋)二子丁益蟹,喺戲中佢除咗係黑社會話事人之外,仲強姦楊羚飾演嘅方敏,最後都係畀丁蟹掟落樓而死。而陶大宇喺《壹號皇庭》及《刑事偵緝檔案》後開始彈起。馬德鐘93年就加入大台嘅馬德鐘,主要都係飾演配角,同時佢都有喺電影方面發展,代表作喇喎!一定係《強姦2之制服誘惑》,佢飾演強姦犯同注冊牙醫Philip Wong,喺戲中佢舔女主角朱茵面珠嘅一幕,絕對係經典之一。吳鎮宇大台出身嘅鎮宇1992年起轉戰電影圈,都做過唔少奸角就好似《絕代雙驕》嘅江玉郎同《中華英雄》嘅無敵,不過最膾灸人口嘅一定係《古惑仔》系列嘅「o靚坤」,而佢喺2003年化身做Sam哥返大台拍《衝上雲霄》成為佢代表作之一。




來源: http://hk.apple.nextmedia.com/entertainment/art/20161014/19800133
回家 即刻 奸變 變忠 忠陳 陳豪 豪奀 奀星 星奸 奸角 角變 變視 視帝
PermaLink: https://articles.zkiz.com/?id=312010

恃住強勢 爆陳展鵬搲掂做視帝

1 : GS(14)@2016-10-30 17:30:34

2016-10-12 EW
恃住強勢

無綫近年花旦、小生大逃走,而為箍住一班已經有知名度的藝員,無綫絞盡腦汁。消息人士透露,當紮小生陳展鵬捉緊機遇,早前續約時便開出兩大條件:薪酬一集由三千加到三萬,以及登上視帝之位。據悉,無綫高層基本上欣然接受,並落力為他鋪出視帝之路。

最近,陳展鵬眼見《城寨英雄》收視與口碑俱佳,於是食住個勢再向高層扭計,勢要與緋聞女友胡定欣再續前緣。有指,原本新劇《同盟》安排了馬國明擔任男主角,不過「準視帝」開金口奪角,而馬國明在剛播完的《為食神探》又失手,試問如何爭鋒呢?

身價十級跳

在演藝界捱了二十年的陳展鵬,由無綫轉去亞視, 八年前再回巢,終於憑着俊朗的外型、熟練的演技,漸漸攀上小生之位。近年,無綫出現一線花旦、小生逃亡潮,有傳高層為免再流失更多有知名度的藝人,惟有出盡條件去留人,當紮的陳展鵬當然成為頭號目標。據消息人士透露,陳展鵬見機不可失,於是用盡自己的優勢開出兩大條件:首先加人工是必然的,拍劇價要同「視帝級」的陳豪和黎耀祥看齊,由一集三千加到三萬,還要給予出外商演搵真銀的機會;第二就是登上每個無綫男藝人夢寐以求的視帝之位。

其實與無綫續約前,陳展鵬就曾借傳媒向高層放風,他笑說:「雖然大陸拍劇,拍一兩套就可以喺香港買層好basic嘅樓,但我喺香港呢個基地仲未企穩,我又唔係視帝級,而且一直都只係演專業人士,角色未夠多元化,從演員角度嚟講,仲爭一個畀觀眾肯定嘅角色。」而為鋪路給陳展鵬成為今年的視帝,高層在去年的台慶,已率先給他頒發「 最受歡迎電視男角色」,更找來新進的「金牌監製」文偉鴻為他度身訂造角色。陳展鵬果然憑住《城寨英雄》拳佬一角,打出勢不可擋的人氣,成為今屆視帝的超熱之選。

約睇演唱會

同時,更有傳陳展鵬因《城》劇奪得女主角胡定欣的芳心。他不僅高調大讚女方,更表示希望與她傳緋聞:「唔驚,佢咁靚、咁好、咁完美,若傳就真係益咗我。」而為加快媾掂「女神」,他還不時在社交網,自製用情太深的形象,好似早前在網上留言:「當你在茫茫人海裏搵到適合而喜歡的人。但突然知道她已有心愛的人!這種感受你知道嗎?我還可以做甚麼? 」弦外之音,相信只有胡定欣最能明白。

此外,陳展鵬還在各大社交網狂上載二人的合照,又相約睇鄭秀文演唱會及行山等等。最重要是屬資深煙民的陳展鵬,平時在片場煙駁煙,但因為胡定欣是無煙者,所以他惟有死忍;還有指,他向雙方的共同密友透露,準備為女方戒煙、戒陋習云云。

女神冧出面

陳展鵬的連番攻勢,似乎冧到胡定欣暈得一陣陣,也力讚對方說:「展鵬係一個好好條件的男仔,係一個好男仔, 各方面都好好!」另外,她又坦言自己恨拍拖:「想㗎!係女仔都想有人錫,不過真係要睇緣份。」而為了加強緣份,有指陳展鵬挾着《城寨英雄》之強勢,向高層扭計,要讓他在新劇《同盟》與胡定欣再續前緣。據悉,《同盟》原本由馬國明擔任男主角,可是他主演的《為食神探》收視與口碑都未如理想,所以高層就順水推舟,陣前換將。

日前,在新劇《同盟》的開鏡拜神儀式上,陳展鵬與台前幕後打成一片,前輩與他談笑風生,而後輩則對他必恭必敬,就連監製亦都特意和他親近寒暄,視帝風範表露無遺,同場的胡定欣看在眼裏,一定加分不少。

撰文☆馬木義 攝影☆娛樂追蹤組 設計☆李浩然
恃住 強勢 陳展 鵬搲 搲掂 掂做 做視 視帝
PermaLink: https://articles.zkiz.com/?id=314180

王浩信話郭晉安拎視帝

1 : GS(14)@2016-11-18 17:56:34

■王浩信對攞視帝有少少信心,但否認以約換獎。



陳展鵬(煎pan)去年視帝寶座敗給黃秋生,雖然今年憑《城寨英雄》奪視帝呼聲甚高,但昨日有報道指王浩信於頒獎禮前夕主動跟無綫續約,加上未有要求加人工,以及深得無綫高層余詠珊歡心,因而大有機會力壓煎pan憑《EU超時任務》爭奪視帝。事後煎pan接受周刊訪問直認恨攞視帝,又指自己「唔識做人」。王浩信昨日在尖沙嘴出席活動,他否認以約換視帝:「一年前續約,似乎冇可能。其實本來都有少少信心,但《致命復活》出咗街之後,我嘅信心就大減,郭晉安真係好犀利,搞到我個心好忐忑,個心好想佢攞,但係自己又有啲想攞。」撰文:魯吉




來源: http://hk.apple.nextmedia.com/entertainment/art/20161118/19837161
王浩 信話 話郭 晉安 拎視 視帝
PermaLink: https://articles.zkiz.com/?id=316119

陳展鵬攞視帝示愛 胡定欣拒公開戀情

1 : GS(14)@2017-01-02 16:55:18

2016-12-21 EW
陳展鵬和胡定欣憑劇集《城寨英雄》定情後,還相繼在新加坡和大馬封帝封后,剛在周日(十八日)舉行的《萬千星輝頒獎典禮》再度孖住冧莊。

由幕前拍檔轉為真情侶,兩人在事業和感情路上拍住上,在港首奪「視帝」的陳展鵬,份外風騷,原預告獲獎會當眾跟胡定欣「咀嘴」,更打算趁機公開戀情。惜胡定欣怕戀情見光死,拒絕讓二人關係公告天下。

錫完又錫

陳展鵬和胡定欣自《城》撻着後,再在新劇《同盟》朝夕相對,二人不時同車出入,又一同撐枱腳,關係如膠似漆。剛在上月他們在大馬頒獎禮後,承諾若在港同樣得獎,會公開世紀之吻,周日終於在港冧莊,但卻走數。

當晚先宣佈視后得主,身穿超低胸長裙的胡定欣,噴血指數爆燈,待一眾女藝員送抱後,她主動走向陳展鵬攬了一下才上台。席間她講感謝辭,也不忘提到男方,指自己太性感,令陳展鵬不敢直望。

而首度在港當視帝的陳展鵬,因緊張漏了答謝女方,但在後台訪問時,即補鑊對女方照顧周到。風騷的他,應記者要求下,吻胡定欣臉五秒找數,怕羞的胡定欣只得以手指當嘴,回吻男方面頰。其後在節目《皇者駕到》受訪時,二人被要求兌現咀嘴承諾,陳展鵬笑言會生BB,但最終也只錫多次女方臉。

互見家長

據知陳展鵬本打算借得獎時,製造雙喜臨門話題,向胡定欣發表愛的宣言,以公開二人關係,但遭女方拒絕。由於戀情剛萌芽不久,二人都小心保護,加上胡定欣五個月前才跟音樂人陳明道分手,為免新戀情見光死,dry足多年的陳展鵬只得無奈配合,但始終攞獎掩不住興奮心情,陳展鵬才忍不住蜻蜓點水式兩度錫胡定欣。而當晚二人的父母,也湊巧到場,乘機安排見家長,感情似更進一步。

鏡頭前有所避忌,其後他倆各自跟粉絲吹喇叭慶祝,便分別乘坐七人車到九龍城匯合《城》劇演員打邊爐慶功,至凌晨三時多便散場回家。心情大好的胡定欣指由她埋單,而陳展鵬就錫住女方,「今次佢請,咪下次到我囉,冇乜嘢好爭。」

着情侶裝

周一(十九日)早上,二人隨《同盟》劇組出發到台灣拍外景,竟有默契地穿上黑衫黑褲配藍色外套的「情侶裝」,由頭到腳都襯到絕。雖然僅瞓得幾小時,他倆精神不俗。據知是次外景時間長,聖誕節也要在當地過,同劇的姚子羚講明男友會飛過去探班,而陳展鵬也不讓她專美,期望盡快完成拍攝便可去玩,似乎寓工作於拍拖。

此外,陳展鵬表示拍畢回港再搞慶祝活動,但問及在頒獎禮見家長?他即大搞爛gag說︰「我又冇做錯嘢,做咩見家長?呢啲讀書時期先會發生。(冇互相介紹咩?)邊有時間,大家都忙嘛!」雖然胡定欣下令要低調戀情,但陳展鵬卻有意無意透露情侶關係。

撰文、採訪☆娛樂組

攝影☆梁比利、娛樂突發組

設計☆美術組
陳展 視帝 示愛 胡定 定欣 欣拒 公開 戀情
PermaLink: https://articles.zkiz.com/?id=321104

「視帝」陳展鵬1280萬購晉海3房戶

1 : GS(14)@2017-10-18 05:15:23

https://www.mpfinance.com/fin/da ... 7025&issue=20171017
【明報專訊】將軍澳及日出康城一帶住宅,向來受電視藝人歡迎。新地(0016)開賣不足一個月、累售直撲千伙的日出康城晉海,其中一位藝人買家,正是憑《城寨英雄》「拳佬」一角奪得「視帝」寶座的陳展鵬(圖)。美聯助理區域經理吳紹輝表示,陳展鵬斥資1280萬元,以母親名義購入一伙高層3房單位,打算讓母親享清福。

以母親名義入市 實呎1.8萬

吳表示,陳展鵬今次購買「磚頭」孝敬父母,是因為見市場氣氛不俗,決定斥資逾千萬元,送贈單位予母親,購入單位為晉海1A座高層實用面積708方呎3房戶,成交價1280萬元、實呎1.8萬元,據悉,陳展鵬自己並未參觀過示範單位,並以母親名義入市。陳早於2003年購入藍田匯景花園,據悉當時以他父親名義入市。

晉海II首日收100票

至於日前以折實平均實呎14,598元首推227伙的晉海II,昨日起向公眾開放示範單位,據悉首天收逾100票。新地副董事總經理雷霆表示,晉海每輪銷售均沽清,市場上尚有大批向隅客,為免令準買家失望,因此首推晉海II其中227個單位,餘貨900餘伙將於明年推售,售價屆時料有調整空間,該227伙暫為年內最後一次大型銷售。

雷霆:擬保留900餘伙明年推

新地代理總經理陳漢麟續稱,是次銷售安排中將會設有F組,專為過往多次入票而未能購入單位的準買家而設,會提供優先選購,今次亦不設大手安排,詳細會在稍後銷售安排中公布,並會視乎入票量決定何時推售。
視帝 陳展 1280 萬購 晉海 房戶
PermaLink: https://articles.zkiz.com/?id=342798

視帝黎耀祥1350萬沽碧堤 帳賺近800萬

1 : GS(14)@2019-05-02 10:11:36

https://www.mpfinance.com/fin/da ... 8143&issue=20190502
【明報專訊】樓市旺勢持續,有業主趁高價沽貨。土地註冊處顯示,深井碧堤半島1座高層D室,屬實用面積940方呎套3房戶,上月下旬以1350萬元易手,實呎14,362元。原業主為「視帝」黎耀祥及其太太梁耀蓮,早於2007年9月557萬元購入,持貨近12年,帳面獲利793萬元或59%。

西九四小龍之一的荔枝角泓景臺,錄額印鬆綁易手勁賺個案。利嘉閣分行聯席市務董事周鍵喬表示,泓景臺1座高層D室,實用面積492方呎(建築面積678方呎),2房間隔,以878.8萬元沽出,實呎17,862元(建呎12,962元)。原業主2016年2月以約600萬元買入,3年後額印鬆綁,轉手帳面獲利約278.8萬元或46%。

泓景臺額印鬆綁 3年賺46%

中原地產高級資深區域聯席董事余倫鋒表示,柯士甸站THE AUSTIN 5座低層B室,實用面積659方呎,2房間隔,以1950萬元易手,實呎29,590元,原業主2013年10月1331.5萬元購入,帳面獲利618.5萬元或46%。

碧瑤灣業主持貨37年賺17倍

老牌豪宅薄扶林碧瑤灣,錄長情業主沽貨勁賺個案。利嘉閣分行經理陳漢白表示,碧瑤灣25座中層A室,實用面積976方呎,2房連工人房間隔,連車位,以1588萬元易手,實呎16,270元。原業主1982年11月以90萬元買入,持貨至今37年,帳面獲利1498萬元或17倍。
視帝 帝黎 黎耀 耀祥 1350 萬沽 碧堤 帳賺 賺近 800
PermaLink: https://articles.zkiz.com/?id=352597

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019