【街訪】「入場唔會戴口罩」
1 :
GS(14)@2015-06-15 08:40:00韓國爆發新沙士，卻無影響BIGBANG粉絲昨晚睇騷的熱情，只得小部份人會擔心疫情，但不會戴口罩睇騷。
Telly
「只係少少擔心啦！但入到場就唔會戴口罩喇！今次開三場我都會睇晒。」
Step
「今朝我係同BIGBANG同機由韓國飛嚟香港，睇騷時唔會戴口罩，怕焗暈。」
李小姐
「有啲擔心，都怕會傳染，就算我入到場都會戴口罩，但我只睇一場。」
Christy
「我哋覺得香港防疫措施會做得好，所以都冇擔心過，今次只係睇一場，入場就唔會戴口罩。」
Coco
「我為咗偶像BIGBANG乜都唔擔心，所以我哋唔會戴口罩！以前有乜傳染病都唔care嘅。」
來源:
http://hk.apple.nextmedia.com/entertainment/art/20150613/19182434
【街訪】人人集光洙郵
1 :
GS(14)@2015-07-04 14:06:30《RM》昨晚在亞博館舉行見面會，場外設置禮物收集處，讓粉絲將禮物放下，然後轉交給《RM》成員。雖然現場沒有出售《RM》周邊產品，但擺放李光洙代言的「能得利」檔攤及光洙的人形紙板讓粉絲「合照」。本報訪問了粉絲最期待《RM》有甚麼演出。
Mark和Jessi
「好想有機會同佢哋玩撕名牌遊戲，亦都好期待Gary同智孝喺台上跳sexy dance。」
Charisse（左）和Jamie
「最期待睇佢哋跳舞，同埋想睇佢哋喺台上玩撕名牌遊戲。」
Jonathan
「除咗想睇撕名牌遊戲，最想睇到金鐘國跳女團SISTAR首《Alone》嗰隻舞。」
來源:
http://hk.apple.nextmedia.com/entertainment/art/20150704/19207824
【街訪】年青人捧Marvel劇
1 :
GS(14)@2016-11-27 14:27:46■受訪者Blaine寧願畀錢睇劇，更推介Marvel系列劇集。
為滿足市場需要，Netflix近年更開拍Marvel系列動作劇，明年會再有另一新作《漫威鐵拳俠》（Marvel's Iron Fist）於明年3月中全球首播。《蘋果動新聞》早前做了一個街訪，發現不少年青人已經轉投網絡電視Netflix懷抱，其中不少是Marvel超英劇的粉絲。大多受訪者認為美劇製作比較認真，受訪者Blaine推介《夜魔俠》（Daredevil）、《Luke Cage》與《Jessica Jones》，他透露寧願畀錢睇劇是質素問題：「TVB入面好多ideologies（意識形態）都唔太貼地，香港一係講錢一係愛情，太過lowbrow（低俗）。」至於張小姐則表示：「我本身也鍾意Marvel戲，有睇劇集《Supergirl》跟《綠箭俠》（Arrow）。」不少年輕人都再三強調，只是間中會睇TVB的劇，而有睇Netflix劇的則表示，會用半個月至一個月時間煲所有集數。採訪：馮國康、黃芷蔚攝影：馮峰、Kaman
來源:
http://hk.apple.nextmedia.com/entertainment/art/20161127/19846615
【街訪直擊】CY放棄選特首 大叔高呼：我愛葉劉
1 :
GS(14)@2016-12-10 13:30:12你又最想邊個做特首呢？
下年三月就係特首選舉，CY梁振英今日突然開記招正式宣佈放棄參選連任特首，劇情真係峰迴路轉呀！所以暫時都淨係得胡國興法官一個特首候選人，至於之前一直葡萄嘅葉劉，就好大機會喺月中宣佈參選，而薯片叔叔就仲未表態。雖然下屆特首仲未到我哋啲小市民揀，不過假如CY有參選嘅話，香港人又會點揀呢？我哋總共訪問咗45人，睇吓佢哋點講啦！記者：UOG 攝影：Neo陳先生：橫豎我都冇得揀，曾俊華啲笑話唔錯呀張先生：葉劉啦，佢咁串，成日提供笑料袁先生：財爺啦，成日食死貓，支持吓佢啦何先生：好多選擇都得，李柱銘、王永平、甚至陳方安生都得吳小姐：曾俊華唔會只站在中央那邊，同埋講嘢順耳啲余小姐：胡國興，佢講嘢幾有說服力陳先生：我揀葉劉淑儀，他幫咁多年輕人起機黃小姐：梁振英啦，港獨之父嘛黎先生：我鍾意佢(葉劉淑儀)，她做AO時我已經欣賞她簡先生：胡國興本身係法官，希望佢對現時混亂嘅狀態，持平處理
鄭生認為曾俊華現階段都幾受歡迎，不過可能邊個做特首最後都會變到唔受歡迎
馬生認為曾俊華喺政府工作多年有經驗，比較可取
簡生認為胡國興較適合，因為佢係前法官，可以持平處理依家混亂嘅狀態
陳生揀葉劉淑儀，因為他對葉劉「幫年輕人起機」言論好深刻
黎生都係揀葉太，自言AO時已經好欣賞佢
陳生話現實上自己根本冇得揀
何生認為李柱銘、王永平、陳方安生都係特首合適人選
李小姐覺得曾俊華會企喺香港人立場出發，至於CY，佢提都唔想提
一致希望CY冇得留低，終於如願以償啦大家
來源:
http://hk.apple.nextmedia.com/entertainment/art/20161210/19860747
【街訪】歌迷被打尖鼓譟
1 :
GS(14)@2017-01-23 07:45:13BIGBANG昨晚在啟德開騷，現場安排極度混亂，本報記者親身經歷，由於人數太多，不少人根本無按次序排隊，故出現「塞人」情況，警方最後提議改為分批入，結果越搞越亂。排了3個多小時的林小姐（圖）向本報表示：「我哋1點半到，大會安排去啟德碼頭後面一片空地等，當時冇人排。大約2、3點又安排去門口等，去到發現多咗喺右邊排隊嘅粉絲，明顯佢哋係較遲到達會場。」警方忽然指示不用跟號碼入場，突然又多了一批人自稱手持較前號碼門票的人稱要先入場，林小姐表示：「我手持600幾號票，原先指引應該係晏晝兩點半就要輪候，但等咗3個鐘，警察就畀其他人先入場。」
來源:
http://hk.apple.nextmedia.com/entertainment/art/20170122/19904829
【有樓有高潮街訪篇】港男不屑：要睇自己呎數囉！
1 :
GS(14)@2017-02-18 09:51:47陳先生：「如果有個女仔話因為我無樓而唔接受我追求，我會一巴打到佢返菲律賓，再將佢擺上高登。」
港女Seasun喺大台實況節目《有樓萬事足》入面講嘅「有樓有高潮」同「冇樓唔好白撞」，成今日網民瘋傳嘅金句。有見及此，「蘋果動搞作」就問咗一眾港男港女對Seasun嘅偉論有咩睇法！記者：倩宜 攝影：馮峰
阿謙話男仔梗係睇自己呎數啦！
伍小姐：「係技術問題，有技術就會好啦！」
葉小姐唔認同無樓就冇高潮。
問：「無樓咪白撞？」
Raymond：「叫佢返屋企瞓啦！俾粒鈕佢算啦！」陳先生：「如果有個女仔話因為我無樓而唔接受我追求，我會一巴打到佢返菲律賓，再將佢擺上高登。」吳先生：「佢都幾膚淺。」林女士：「幾十年前無呢個諗法，有份工就ok。」伍小姐：「無物業仲好，有樓仲煩，又要供又要交管理費。」林小姐：「佢唔駛同條仔結婚，同層樓結婚咪得！」
Step：「幫我問下個女仔駛唔駛睇醫生啦！佢應該有問題！」葉小姐：「佢買咗層樓，但係唔照顧我，都唔代表愛我。」
林女士話唔明依家啲女仔心態。
林小姐建議「無樓咪白撞」的話，不如直接同層樓結婚就算。
Step好好奇點解Seasun會咁在意高潮。
問：「有樓先有高潮？」
Raymond：「(翻白眼)」阿謙：「性高潮？關咩事呀？」林女士：「我就唔會咁樣諗。我唔係好明白時下女仔嘅心態。」陳小姐：「係咪真係有人咁樣講？」
Step：「咩料呀？點解咁在意高潮呀」
Lucky：「咁佢唔好要高潮囉。」陳先生：「如果個女仔咁樣講，真係好極有限。」
問：「二千呎屋入面做先有高潮？」伍小姐：「睇嚟佢好有經驗，我只可以咁講。我覺得細細地反而會好啲，安全感大啲。」陳小姐：「我唔想要咁大，會好驚。一百呎、一廳兩房已經夠。」
Step：「我怕鬼呀！」葉小姐：「我唔認同。」
問：「高潮指數同住屋尺寸成正比？」伍小姐：「關咩事？係技術問題，有技術就會好啦！」陳先生：「唔會囉。」阿謙：「唔成正比，睇自己嘅呎數嘛！」
來源:
http://hk.apple.nextmedia.com/entertainment/art/20170218/19932037
【委託實錄】貓記萬事屋 幫手做街訪又得唔得？
1 :
GS(14)@2017-04-06 07:42:06「貓記萬事屋」三位萬事屋日前獻出了第一次，幫果籽記者做街訪！
「貓記萬事屋」創辦人譚亦軒（喪貓）和核心成員胡曼儀（牛小貓）和文睿嵐（皇后貓），宗旨是「一日不吃飯，一日不做事」，既然吃了果籽記者請他們吃的高級乾炒牛河，當然要幫手解決一個疑難作等價交換。一於叫他們幫手做不少記者都怕怕的街訪，很多人都以為街訪很容易，其實其間食咗幾多個檸檬，唔通記者又話你知咩？仲要企足唔知幾耐先夠料交差，到底貓記今次又能否順利完成委託呢？請睇片。記者：黃子配攝影：梁志永
來源:
http://hk.apple.nextmedia.com/su ... t/20170406/19981130
【街訪】「有吸引力」
1 :
GS(14)@2017-05-14 10:50:55奇妙電視今晚8時開台，究竟市民是否知道香港再多一個新免費電視台出現？日前本報於旺角訪問12市民，當中僅兩位知道奇妙開台，不過仍有市民抱住期待態度，希望奇妙令香港電視業帶來新氣象。
陳太
有留意奇妙開台，認為奇妙節目有吸引力：「都有吸引力，除咗飲食節目之外，因為我睇飲食節目太多，之外都OK啦，其他都幾好，都會睇嘅。」
馬小姐
知道奇妙開台及表明會力撐：「杜汶澤嗰個都OK，都會睇。我好鍾意睇電視，睇now、無綫、ViuTV都會睇，睇吓啲節目吸唔吸引，睇劇、去旅行嗰啲都會睇。」
蔡先生
雖然不知道奇妙開台，但獲悉杜汶澤有份主持節目時，表示會捧場：「杜汶澤，睇！得啦直情！又有煮食又有旅遊嗰啲，聽落都正！」
胡小姐
「我覺得幾好，有啲節目好似港台31台，教啲家長點湊小朋友，舊陣時我哋冇呢啲節目會幫到大家，我覺得實用，幾好！」
來源:
http://hk.apple.nextmedia.com/entertainment/art/20170514/20020472
【街訪】歌迷等6個鐘見偶像
1 :
GS(14)@2017-08-06 18:41:07SMTOWN首度來港舉行家族騷，中港兩地粉絲自然爭住捧場。
Kyle：
支持SHINee嘅溫流，都係下午兩、三點就到，雖然朋友仔唔係SHINee fans，不過都叫埋一齊嚟睇騷。
Kalie：
支持SHINee嘅Key，我三點幾就到場等。
Chloe、Stephanie：
我哋係撐EXO，最愛伯賢同燦烈，噚晚我哋冇去機場接機。EXO之外，我哋都鍾意Red Velvet。
內地歌迷陳小姐、程小姐：
專程來港看騷，我們是SHINee的粉絲，最喜歡Key和鐘鉉。
來源:
http://hk.apple.nextmedia.com/entertainment/art/20170806/20112822
【盲測真假肉】有肉味會出肉汁 街訪實測邊種最似肉？
1 :
GS(14)@2017-12-05 00:50:45這次找來真牛肉、傳統素牛扒來跟Beyond Meat比較一下，看看分別在哪裏啦。
全新旅遊專頁，即like籽想旅行：
https://fb.com/travel.appleseed素肉潮流已流行一段日子，不過近年再興起新一股素食科技熱潮，半年前才在香港推出的Food2.0 Beyond Meat，主要由豌豆、椰子油等製成，賣相、味道方面都與真肉相似。這次找來真牛肉、傳統素牛扒來跟它比較一下，看看分別在哪裏啦。
兩種素牛扒之中，Beyond Meat的像真度較高，甫打開包裝已聞到肉味，烹調時顏色還會慢慢變深，而紅色汁其實是紅菜頭，用作模仿煮真肉狀態。記者亦進行街坊試食，街坊們基本上都猜得到傳統素肉是素肉，還能試得出是用甚麼食材製造。至於另一款Beyond Meat，不少人說既不像肉，但又不知道是甚麼味道，均聲稱是新奇、從未嚐試過的味道。最後無論是味道或質感，兩款素肉跟真肉始終有明顯分別，價錢方面，Beyond Meat相對較貴，平均每100g要$35，比起素肉跟真肉，售價貴兩倍多。
Food2.0 Beyond Meat主要由碗豆、椰子油等製成，賣相、味道方面都與真肉相似。
記者亦進行街坊試食，街坊們基本上都猜得到傳統素肉是素肉，還能試得出是用甚麼食材製造。
記者：莊芷君攝影：王國輝
來源:
https://hk.lifestyle.appledaily. ... e/20171129/20228634
Next Page