ZKIZ Archives


年輕夫婦頂手茶記陷兩難

2013-03-07  NM
 
 

 

茶餐廳翠華去年高調上市,一度令人對這個傳統行業刮目相看。茶餐廳是否「咁易搵錢」?不如先看看伍世德(阿德)和劉麗娜(Lienna)的故事。這對八十後夫婦,三年前不惜按了媽媽的唐樓單位,借得五十萬,頂手九龍城一間舊式茶餐廳。二人雄心壯志,將餐廳改名新興發,希望大展拳腳。但很快就發現競爭大、成本高,生意難做。盈利僅與以前人工「打個和」,更要擔驚受怕隨時「倒蝕」。本刊找來太興集團老闆陳永安,到店中試食、點評,為這對年輕夫婦指點迷津。

九龍城食肆林立,開業逾二十年的新興發,雖開在大街衙前圍道,卻亳不起眼。若非Lienna來函自薦,記者也不會「揀中佢」。她在郵件中自爆經營困難,但同時對自家食物信心十足。原來,阿德已是該店第三任老闆,創業前是好彩集團旗下酒樓的店長,「我鰠九龍城大,經常幫襯呢間茶餐廳。上手老闆係後生仔,嫌辛苦唔想做,我見有機會就搏一鋪。」阿德邊收錢邊說。時值中午,店內座無虛席,大部分是一身泥塵的地盤工人,其餘的大多是年紀較大的街坊客。晚上七點多,在金融機構打工的Lienna,踩覑高跟鞋趕回店中,準備週六的到會。店鋪營業至深夜十二時半,不時有客人摸上門食消夜。不過,兩夫婦「死做爛做」,付出與回報卻不相符。Lienna無奈道﹕「我懐朝十晚一咁做,生意額有上升,但租金、人工、食材不斷加價,盤生意可以話無利可圖。」為助這對八十後夫婦突破困局,本刊找來太興集團創辦人陳永安及總經理何小鋒,親身到店中試菜,找出當中問題及改善方法。

問題一

環境邋遢

陳永安甫到達,即先「幫襯」洗手間。出來後,未叫食物,已搖覑頭道:「間鋪感覺殘舊,去完個廁所都唔開胃啦!」掃視一圈後,再指覑座位旁的地拖說﹕「將污糟鮋地拖擺鰠度,令人感覺唔舒服。」之後,他和何小鋒參觀廚房,打開雪櫃查看後,即質問阿德:「你懐幾耐冇洗雪櫃?起晒冰鮋!」阿德尷尬點頭。陳永安指覑擺放凌亂的食材,續道﹕「食材唔應該周圍放,阻住門口通道又唔就手。」離開廚房,陳永安望一望夥計和老闆的衣著,指覑Lienna說:「你懐一身便服,俾人感覺唔整齊,連基本鮋管理模式都冇。」

建議加強清潔 減少存貨

陳永安指店鋪最好重新裝修,但因廚房太殘舊,裝修費動輒過百萬。礙於小店缺乏資金,他認為第一步應先加強清潔工作。「地拖唔好貪方便擺鰠樓面,雪櫃更加要定時清洗,確保食物唔易變壞。」他提議老闆要減少存貨,以免鋪頭堆滿汽水、麵包等乾貨,阻塞通道又不美觀。另外,應提供制服予七名夥計,「著制服整齊又乾淨,你都應該掛番個名牌,等人知你係老闆﹗賺到錢,再同業主傾續四至五年租,之後先搞裝修啦!」陳永安說。

問題二餐牌雜亂 無賣點

點餐前,陳永安接過一疊餐牌,即皺覑眉逐一攤開:「嘩﹗有成十張!點揀呀?花多眼亂,睇到頭都暈﹗」何小鋒接過餐牌細閱後說:「你唔講我都唔知招牌菜係豬手同牛腩!」形形色色的餐牌上,印有三十八款小菜、六十九款炒粉麵及五十款「碟頭飯」等。「得一個師傅點整咁多樣№?」陳永安指,店中只有一位大廚,菜式繁多,廚師的預備功夫增加,令出菜時間延長。廚師預備予記者拍照的小炒,更發現黑色「鑊踎」。另外,菜式多,要預備各種食材,亦會造成浪費。「餐牌有鮋你就要準備,冇人食,你就要丟,吃力不討好。」陳永安看到餐牌上的照片,即轉過頭對Lienna說:「鱓相影得咁肉酸,鱓客見到都唔想食,寧願唔要相。」

建議八二定律 刪減餐牌

「做飲食鮋都知道八二定律,即八成收入來自兩成食物。」陳永安提議阿德精簡餐牌,將較少客人叫的食物刪除。「你有收銀機,可以統計到邊鱓好賣,歸納一個精簡鮋餐牌,主力賣銷量好鮋產品。」陳永安指可根據各款食物的銷量做分析,定出三至四個餐牌。「餐牌可以分午市同晚市,方便客人睇,晚市鮋價錢可以提高一至兩蚊。」另外,招牌菜要印在餐牌的當眼處﹕「咁鱓客先知你有咩鎮店之寶。」

問題三味道一般難吸客

阿德捧來招牌豬手、雲吞、水餃、蝦仁炒蛋及薑汁奶茶等,供陳永安等試食。阿德指,豬手、牛腩都是師傅花三至四日炆製而成,雲吞水餃亦是每日新鮮包製。至於薑汁奶茶,是夫婦想出的「新噱頭」。然而,何小鋒淺嘗了一口奶茶後便放下,他表示:「味道合格,但冇一種想追住飲鮋感覺,飲落比較扰口。」另外,對豬手及雲吞的評價亦十分一般﹕「豬手炆得太腍,太鹹﹑冇南乳味。雲吞鮮味唔夠,水餃一上䒷已散開。」身旁的陳永安點頭認同,並補充﹕「雲吞不過不失,夠晒大粒,但唔會令人想返轉頭再食,鱓皮太易爛,湯亦唔夠味。」他指覑餐牌道,午市三十元便有套餐,送湯及飲品,比連鎖快餐店更便宜,因此街坊不會對食物質素有特別要求,但小店質素亦難提升。何小鋒直言:「鋪頭食物冇個性同特色,就好似一個大舞台冇鰦支射燈一樣,冇焦點。」

建議做出真正的招牌菜

陳永安指老闆應多與大廚溝通,給予意見改進菜式,提高產品質素。「如果你想用豬手做賣點,就要周圍去試纒,全港邊度鮋豬手最好味,你超越到佢,就可以打造成招牌菜,到時加價兩至三蚊都有人食。」何小鋒認為,招牌菜的款式不一定要新穎,可嘗試在傳統上尋求突破,他舉例﹕「太興鮋厚切午餐肉都唔係新鮮№,但做得比人好,有噱頭鮋話,就有回頭客。」另外,二人都認為菜式的分量不需太多,「依家鮋人唔使食咁大份餐,雲吞唔需要咁大粒,但可以加入蝦子﹑大地魚等增加香味,豬肉肥瘦比例做得好,令客人食完想再食先飱。」他指,酌量降低食物分量,不但有效調控成本,更可避免造成浪費。

老闆回應一動不如一靜

聽完陳永安的意見後,Lienna和阿德繼續忙覑準備下午的到會,沒有太大反應,記者問及,Lienna才表示:「佢都經歷過我懐鮋狀況,由佢把口講出鈬,更加有說服力。」但講到確實執行,二人都指有困難。首先,Lienna表示早已提供制服予伙記,只是未有嚴格執行。至於精簡餐牌,她指之前已刪減了一部分,「附近鮋麻雀館佔我懐外賣三分之一鮋生意,佢懐咩都會叫鈬食,唔可以忽視佢懐需要,總之唔可以影響依家班客。」記者反問她有否記錄什麼菜式好賣,她即表示﹕「冇,但我懐日日都鰠鋪頭睇住o架啦。」講到菜式味道被彈,Lienna笑說﹕「好唔好味就真係見仁見智,每個人口味都唔同,佢話豬手太腍我反而開心,因為鱓客係鍾意食腍鮋豬手。」另外,她亦指曾考慮只裝修廁所﹕「我問過裝修師傅,佢懐話唔肯淨係做廁所。」記者表示有裝修師傅介紹,Lienna即說﹕「好哇﹗」

按樓做老闆

其實,Lienna和阿德接手茶餐廳時,只是一心做老闆。「我睇過盤數,一個月賺到四萬o架﹗」阿德指,三年前他放棄二萬多元的工作,並將與母親同住的唐樓按了,借來五十萬,頂下茶餐廳,連同其他使費,用了七十五萬。「做到店長好難再升,唯有創業做老闆先有突破。」當時仍為女朋友的Lienna義無反顧地支持。不過,開業一年多後店鋪盈利不升反跌,因此Lienna婚後仍繼續打工,確保有穩定收入。二人見步行步,希望靠宣傳打響名堂。但陳永安直指小店「危危乎」,應覑手解決根本問題﹕「表面仲有一﹑兩萬賺,但其實佢冇計到折舊等費用,只要鋪租及食物成本一加價,已經冇得做﹗」

開業資料

頂手費$500,000水電及租金按金$220,000雜費$30,000總投資$750,000

營業資料(2/12)

營業額$400,000租金$58,000人工*$130,000*包括老闆人工,全職及兼職各六名來貨$150,000水電$40,000盈利$22,000

壹週刊fans club facebook

即上「壹週刊 fans club」睇片,聽纒陳永安點講!

年輕 夫婦 頂手 手茶 茶記 記陷 兩難
PermaLink: https://articles.zkiz.com/?id=53351

捱茶記食$30叉燒飯許仕仁折墮

2014-12-18  NM

 

前政務司長許仕仁,一個天生享樂至上的人物。

他的人生哲學是「有咁多使咁多」,千金散盡還復來。

人生前半段,足智多謀的他事業一帆風順,九七年亞洲金融風暴

擊退大鱷一役,為他贏得「橋王」稱號,仕途更上一層樓,

○五年官至特區第二把交椅。

○九年退出政壇,是他人生轉捩點。

「許老爺」出名懂得享受人生,住豪宅、歎名酒、享佳餚、

賞歌劇,「先使未來錢」令他負債纍纍,結果被指暗度陳倉,

涉嫌收取新鴻基郭氏兄弟三千四百萬元秘密賄款,被廉署拘捕。

一夜間由天堂被打落地獄,許仕仁淪落到破產,捱三十元叉燒飯。

這宗牽涉香港開埠以來被捕的最高級官員、地產商高層的世紀官司,

經過超過半年的審訊,本週一正式退庭,陪審團正商議各人罪成與否。

昔日掌管香港政經命脈的橋王,卻算不到自己風流的下場。

經過超過半年的審訊,陪審團終於在本週一退庭。許仕仁表現出少有的慌亂,平日在庭外仍對記者談笑風生的他,星期一晚離開法庭時被鎂光燈包圍,一度迷路走到法庭外的草地,找不到出口離開。平日慣於面對傳媒的他,要求記者不要再拍照,「最緊要唔好有閃光燈,因為我有青光眼。」

其實長達一百二十八天的審訊,對各名年過六十歲的被告是一種負擔。審訊由早上十時開始,直至下午四時半,郭氏兄弟都戴上耳機細聽證供,密密抄寫證人口供;反觀六十六歲的「許老爺」總是氣定神閒,怕冷的他披上棉衲、手持暖包,一入庭就閉目養神,直至審訊最後一週,主審法官麥機智開始引導陪審團,許才睜開眼睛,仔細聆聽。

關心佔領運動

宣布裁決前,許仕仁每日都表現輕鬆。高等法院位處佔領運動的心臟地帶,本案正正見證佔鐘由開始至終結,從法院玻璃向外一望,可見密密麻麻的帳篷。他在政界打滾多年,非常關心事態發展,斬釘截鐵地說︰「人大決定一定無得改!」身為橋王的他認為唯一可以改選委會,「漁農界成六十人,叫佢唔好選咁多『老左(左派)』入去咪得囉!」但他直言想不到佔領運動如何解決,結果如他所料,就算警隊成功以武力清場,卻遺下尖銳的政治矛盾未解。無須開庭的日子,與太太租住跑馬地學談花園的許仕仁,早上九時就會獨自走到附近的茶餐廳食早餐。以前飛去世界各地欣賞歌劇、瘋狂選購唱片的他,如今閒逛阿信屋、萬寧,而且是「window shopping」,只看不買。沿途不少路人投以注目禮,他都視若無睹。記者尾隨他逛街,發現他午餐到樓下燒臘店,買卅元的叉燒飯回家。其中一日,他走到樓下的永隆銀行,索取明年的免費月曆。跟以往豪花幾萬元飲酒、二十一萬食一餐的他,簡直判若兩人。唯一不變的是,許仕仁仍非常注重儀容,就算落街都「執到正」,身穿恤衫西褲。一個月前的一個早上,許早上九時走到住所附近的上海式髮廊「揚子美髮廳」剪髮,盛惠一百零八元。當日與他一起剪髮的,還有東亞銀行主席李國寶。兩人前後腳落樓,李國寶見到記者,主動說起許仕仁在樓上剪髮,還祝褔他「大步僆過」

阿仙奴超級擁躉

十五分鐘後許仕仁才下樓,見到記者立即加快腳步,笑說:「唔好講單案啦,不如你同我講波啦!」許從高貝利年代已是阿仙奴超級擁躉,見證兵工廠由盛轉衰,「阿仙奴死梗啦,咁多人傷!中前場同防中都唔掂,利物浦都贏到阿仙奴,點搞!我愈睇愈心淡!」一講波經,他侃侃而談,預言阿仙奴新球季可躋身英超前四名,但笑指前四名後面要加上括弧,入面是「驚風散」三個字,「除非買到基迪拉,就可以搣走『驚風散』。」又說如果不做高官,可能會成為講波佬。每逢阿仙奴有賽事,即使翌日開庭,許一定捧場,「我係跟老豆睇波鍾意阿仙奴!點解?我都唔知,你覺得曼聯係咪霸道得滯?」許仕仁父親許聲泉,在兒子小時候就兩父子一齊睇波。許聲泉是大嶼山大澳原居民,是「皇仁仔」,後到上海交通大學讀書,之後參軍,曾是國民黨的裝甲部隊成員。後來在澳門海關工作,認識澳門慈善家崔諾枝幼女崔瑞愛,婚後在港定居生下許仕仁,並在大澳定居,在家人開設的雜貨店打點,直至晚年。許父想兒子做律師,許卻選擇加入政府。許接受訪問時坦言「怕辛苦」,就讀皇仁書院時,參加辯論隊、合唱團、朗誦隊,唯獨沒有說喜歡運動。他說只看不踢,「其實我好細個都會落場踢波,但十幾歲之後就無啦!」

欠債七千萬破產

由出生小康之家、仕途步步高陞到淪為破產人士,許仕仁的人生恍如坐過山車大起大落。七○年加入政府的他,一直官運亨通,曾任運輸署署長、財經事務司等。○○年他離開政府,出任強積金管理局行政總監,三年後離職。之後他成立顧問公司,成為新地顧問,但一年後便在時任特首曾蔭權推薦下,出任政務司司長。兩年後許仕仁離職,仍獲委任行政會議非官守成員,直至○九年離任。他的銀行結餘卻於退出政壇後暴跌。由○五年上任政務司司長的一千六百八十萬,跌至一○年負債五千二百萬。去年十一月,許仕仁被法庭頒令破產。許仕仁破產後,太太羅美美成為經濟支柱。羅美美退休前在公司註冊處任職,年前患癌正在康復中。兩夫妻無兒無女無物業,現租住跑馬地學談花園,據知生活開支由太太積蓄支付。

有咁多使咁多

許仕仁一踏上證人台自辯,便自揭人生哲學,「我冇儲蓄,一向有咁多,使咁多,有時使凸。」許識飲識食,每月都會到高級酒店餐廳豪食,○八年在香格里拉大酒店的法國餐廳Petrus吃飯,一次便花去二十一萬。他亦愛飲紅酒,許破產前,債權人為他的紅酒存貨估價,總值高達七百多萬元。他嗜好多多,喜歡收藏唱片、黑膠碟,曾一次過豪擲二十萬元掃入唱片。為追求現場感,許放假專程飛歐洲欣賞歌劇,旅程花費高達三十萬。許亦自爆○八年在社交場合認識一名年輕上海女子,雙方關係親密,先後給予上海女郎七、八百萬,也有贈送手袋、手錶等名貴禮品,○八年十月,許曾花廿一萬二千元購買一枚名貴手錶。洗腳唔抹腳的他,要靠借錢度日,九十年代他持有六張信用卡,後來增至逾十張,全部只還「min pay(最低還款額)」。如○九年底,他的一張恒生金卡欠款十三萬多,連續兩個月都只還大約四千元。從二○○○年開始已有欠債記錄,又會問銀行借錢交稅。

捲入新地內鬥

許仕仁捲入今次官司,與新地的權鬥有關。○八年二月,新地前主席、大哥郭炳湘,被兩個弟弟指患有「躁鬱症」而被休假。○八年五月十五日,郭炳湘入稟申請禁制令,阻止新地董事局開會罷免主席一職,更控告親弟及公司。庭上首次披露,郭炳湘入稟翌日,郭老太為此發信董事局,認為郭炳湘「過去一年可能受外人影響,做事手法及行為與以前判若兩人」。所謂「外人」,是指郭炳湘的紅顏知己唐錦馨(Ida Tong)。九七年九月廿九日晚上九時許,郭炳江收到張子強電話,對方說:「你大佬已經喺我度。」新地老臣子陳鉅源接載張子強到新鴻基中心講數,之後雙方定出六億元贖金,由陳鉅源單人匹馬、分兩車運送六億元現金交予張子強,郭炳湘才獲釋。不過郭炳湘獲釋後三年,仍不時收到張子強來電騷擾,令他陷入惶恐之中,患上創傷後遺症。郭炳湘舊情人、唐錦馨此時陪伴在側,成功取得郭炳湘信任。郭炳湘自從綁架後,性格變得沉默多疑。○二年郭炳江欲聘請許仕仁做新地顧問,但郭炳湘卻懷疑長實欲打擊新地,派出許仕仁作為間諜,出售新地資料,因此對許相當有戒心,反對他成為新地顧問。郭炳江指,為保家庭和諧,因此秘密轉賬顧問費予許仕仁。

全球最勁律師團

這宗被稱為「香港史上最重要的刑事審訊」長達七個月,律師團隊的規模都是史上最龐大。郭炳江律師團由英國御用大律師Clare Montgomery擔任主帥,她曾代表瑞典政府打「維基解密」阿桑奇(Julian Paul Assange)的引渡官司,又曾代表「廉署剋星」林炳昌打甩妨礙司法公正罪。郭炳聯則由英國御用大律師John Kelsey Fry代表,其代表作是為英超球隊利物浦隊長謝拉特打甩酒吧傷人案,他亦為英超著名領隊哈利列納洗脫逃稅罪名。有指郭氏兄弟採用「包起」形式聘用律師團,由被捕至案件審結為止,律師團只為此案服務,至今年八月尾,各自律師費過億元。案件拖延至今,律師費一定再加碼。被頒令破產的許仕仁,聘請了善打證監會內幕交易的大律師蔡維邦。蔡資歷較其他星級大狀淺,據知許仕仁花了三百萬元律師費。就算審訊日子延長,蔡也沒有追加費用,因他認為世紀大案機會難逢,希望累積經驗。另外代表新地執董陳鉅源的是英國御用大律師Ian Winter,代表關雄生的則是石禮謙女婿、大律師陳永豪。值得一提的是,郭炳湘亦聘用了「金牙大狀」清洪到庭旁聽,以審訊日長達一百二十八日計算,清洪單是到庭旁聽已淨袋接近四千萬。結果律政司因在香港難以物色適合人選,申請英國御用大律師David Perry為主控。他過往「戰績彪炳」,曾為美林高層簡崇諾遭妻子Nancy Ann Kissel謀殺案、陳振聰偽造遺囑等案擔任主控,均成功送被告入獄。

捱茶 茶記 記食 30 燒飯 許仕仁 折墮
PermaLink: https://articles.zkiz.com/?id=124206

【壹週刊】王曼喜孖妹素顏跑街 專車接送食茶記

1 : GS(14)@2015-02-13 00:03:02





【壹週刊】王敏德同馬詩慧兩個都擁有模特兒嘅樣貌身材,兩個囡囡王曼喜、王麗嘉當然都有番咁上下。早前佢哋兩姊妹一齊去shopping,雖然最近天氣持續寒冷,但兩位美女一於少理,照著短褲、短裙,邊晒腿邊行街。掃完一大輪衫,再去掃埋護膚品,入到去SK-II,店員一邊介紹產品,王曼喜就好專心慢慢聽,相反細妹就掛住玩手機,好似一啲興趣都冇。隔咗幾日,我哋再撞到佢兩姊妹素顏去跑步,唔使講當然都係短褲出擊啦,仲要著埋背心,不知幾癢眼。記者問到王曼喜咁勤力跑步,係咪諗住打入娛樂圈,王曼喜就笑笑口咁話:「唔係,平時同妹妹都鍾意做運動,所以約埋一齊跑步keep fit啫。」細妹麗嘉隨即趁機會笑家姐好貪靚,咁作為模特兒嘅後代,貪靚都好正常嘅。跑完步之後,司機就車咗佢哋去附近嘅茶餐廳食飯,呢兩位星二代嘅生活都並非想像中咁遙不可及嘅。特約報道





來源: http://hk.apple.nextmedia.com/entertainment/art/20150212/19039513
週刊 王曼 喜孖 孖妹 妹素 素顏 顏跑 跑街 專車 接送 食茶 茶記
PermaLink: https://articles.zkiz.com/?id=287803

關智斌物業遍中港加半億身家租村屋食茶記

1 : GS(14)@2016-05-08 01:44:07

2008年開始返大陸發展嘅前男子組合Boy'z成員關智斌(Kenny),最近佢為咗宣傳新歌《次要角色》,就多咗喺香港出現。坎坷過後,35歲嘅Kenny今次重返香港樂壇宣傳新作,就見佢瘦咗好多,兼且仲學人留鬚,成個Man晒,「佬味」十足。成熟之餘,原來Kenny仲變咗小富豪,昨日有報道話,佢喺大陸發展理想,雖然人氣不及同門嘅謝霆鋒同陳偉霆,但每集酬勞都有20萬人民幣!荷包豐滿嘅Kenny,唔止同人夾份開公司投資灣仔嘅物業。報道仲話佢o依家喺中、港、加拿大等地總共有四個物業,計落佢幾嚿磚頭已穩有半億身家。
Kenny雖然投資有道,但係唔會亂使錢,宣傳期都係食茶餐廳,自己用兩萬元左右租清水灣村屋。同埋佢唔會變得財大氣粗,出席活動都好謙厚叫記者唔好成日話佢買好多樓,兼且佢唔會為賺錢爛做爛拍。





來源: http://hk.apple.nextmedia.com/entertainment/art/20160506/19600041
關智 智斌 物業 中港 加半 半億 身家 租村 村屋 屋食 食茶 茶記
PermaLink: https://articles.zkiz.com/?id=299746

【爆相爆片】索爆人妻生活貼地郭藹明茶記吹水

1 : GS(14)@2016-08-08 00:17:09

■郭藹明日前與女友人在上海街一間舊式茶餐廳午膳,被本報讀者捕獲。讀者提供圖片


人妻郭藹明(Amy)似足老公劉青雲愛低調,喜歡過「貼地」生活的Amy專心過幸福少奶奶生活後,除了陪青雲出席活動,其餘時間就是忙於打理家中一切大小事務,讀者Grace前日透過本報「爆相爆片」,分享她在上海街見到Amy與友人在茶餐廳食午飯的照片。現年48歲的Amy素顏依然索爆,讀者Grace表示,當日約下午一時多,在位於太子上海街一間叫鴻運冰廳餅店的舊式茶餐廳發現Amy與一位女友人食午飯,雖然當時是午膳時間,但似乎未有太多人發現其蹤影,加上Amy又坐於閣樓最入位置,所以見她都吃得好自在。



■今年48歲的郭藹明保養得宜,皮膚白滑,不比一眾年輕女士遜色。讀者提供圖片

■劉青雲夫婦前年於西貢購入豪華別墅自住,估計年底可入伙。資料圖片



傾裝修事宜

Grace說:「佢都食得好清淡,見佢係食米線同飲凍檸水,隱約聽到佢哋係傾裝修嘅嘢。」其實,早前亦有報道指青雲夫婦前年於西貢買入豪華別墅,雖然該屋比較殘舊,但因為無敵大海景是Amy至愛,錫老婆的青雲便決定多花點時間慢慢裝修,變成安樂窩,據知裝修已接近完成階段,或許月底前便可以竣工,Amy一向喜歡親力親為,相信她這天到上海街,應該是到附近建材店。採訪:張曦彤





來源: http://hk.apple.nextmedia.com/entertainment/art/20160807/19725972
爆相 相爆 爆片 索爆 爆人 人妻 生活 貼地 地郭 郭藹 藹明 明茶 茶記 記吹 吹水
PermaLink: https://articles.zkiz.com/?id=304825

【敗選之後】行山友最識食午餐肉 茶記炮製七色飯

1 : GS(14)@2016-09-07 21:48:24

王國興愛以午餐肉計數,指拉布浪費公帑,所以網民預備帶午餐肉去他的區議員辦處贈興。



立法會選舉結束,王國興敗選,有網民很「有心」,特別為他在facebook發起「全港各界熱烈慶祝王國興落選午餐肉會」,邀請同道中人今晚(9月6日)一起去他的區議員辦處外面,一起開香檳,更以王國興最常用作統計的食品午餐肉來「賀一賀」他,祝他以後可以專心做區議員。說起人人熟悉的午餐肉,大家又會想到有哪些食法呢?



午餐肉除了是我們從小吃到大的打風最佳儲備美食,亦是夏威夷人至愛,中環有一家以夏威夷美食作主打的小店Pololi,便可以找到一種地道夏威夷小食。這種小食叫SPAM Musubi,以用無鹽紫菜包裹醋飯和午餐肉,用的就是SPAM午餐肉,這種午餐肉飯糰細件小巧,帶在街上進食都頗適合,未想到如何吃的話可以考慮一下。而最經典的餐肉食法當然是配丁麵,不過嫌國產梅林牌吃到厭,可以換近年在香港也很受歡迎的韓國午餐肉,唐人坊餐廳老闆海哥表示,韓國午餐肉較實淨,少肥肉,其實頗難煎。「不要經常反來反去,好像煎扒般,鎖住肉汁,差不多時間反去另一邊,便已經很甘香。」另一間經常有單車友和行山友捧場的榮昌茶座,則用上本地出品的天龍午餐肉來炮製七色飯,老闆姐姐金仔表示,「這隻午餐肉煎完之後,色澤金黃而且有韌度,中間更有火腿絲。」所謂七色,其實就是白飯配上火腿、煙肉、魚片、煎蛋、腸仔、雞翼和午餐肉。全碟七色飯非常有份量,餓極的人最適合。
Pololi中環嘉咸街35-39號唐人坊餐廳紅磡崇潔街233號榮昌茶座上水粉錦公路蓮塘尾村1號記者:謝翠玲


SPAM Musubi $20(Pololi)

韓國餐蛋丁$36(唐人坊餐廳)

餐肉七色飯$48(榮昌茶座)



來源: http://hk.apple.nextmedia.com/su ... t/20160907/19762705
敗選 之後 行山 山友 友最 最識 識食 午餐肉 午餐 茶記 炮製 七色 色飯
PermaLink: https://articles.zkiz.com/?id=308038

【美酒佳餚巡禮】中環海濱變茶記 飲杯奶茶廿四味雞尾酒

1 : GS(14)@2016-10-28 06:24:42

The Velvet Wood-No.18 1杯=3張標準品酒券以奶茶及Singleton18年單一麥芽威士忌調成,茶香夠濃,口感軟滑,但奶香和茶味比酒味重。



美酒佳餚巡禮內的「美酒佳餚新發現區」,每年都有不少有趣古怪的新酒,今年這裏更增設了雞尾酒區,以「香港」作為主題,所以不少參展酒吧都推出了創新的本地特色雞尾酒,去迎合這主題。「我們用雞尾酒的形式,去重新展現一些新的茶餐廳飲品。」The Envoy調酒師盧廷俊(Toby)說。說起香港最有特色的飲品,怎可以不提起奶茶,Toby就用了自家製的奶茶及Singleton18年單一麥芽威士忌,創作了一款非常具地道特色的雞尾酒。奶茶混合了紅茶、伯爵茶、英國早餐茶及普洱四款不同的茶,再加花奶和煉奶沖成,而Singleton18年本身亦帶淡淡的茶味,令這杯酒口感和味道都很有趣。另一間酒吧Bao Bei則用廿四味為主調成雞尾酒,聽起來好像會很苦,但味道卻絲毫不苦,更有廿四味特有的淡淡藥材味,原來是因為加了新鮮芒果漿、杞子和薄荷葉,三樣材料的甜味平衡了廿四味本身的苦味,亦令這杯基酒是Belvedere伏特加的雞尾酒有清新的感覺。還有酒吧Sohofama用花雕和龍舌蘭酒為主,加上羅漢果洛神花茶調成的雞尾酒,洛神花比較酸,而羅漢果夠甜,因此酸甜夠平衡,為了令大家更易入口,亦加入了些本地產的蜜糖在其內,所以餘韻帶甜。不過最重要的都是可以一邊喝酒,一邊看着這班型仔調酒師表演,這樣就真的值回票價了。



Panama Hat 1杯=3張標準品酒券嗜甜人的至愛,用冧酒加甄沾記椰子糖提煉的糖漿調成。

Haig-a-horlick 1杯=3張標準品酒券用好立克加Haig Club單一穀物威士忌調成,賣相活像一杯胚芽好立克,口感順滑,入口帶穀物香。

Cufflinks 1杯=3張標準品酒券鹹檸特地到西環一間潮州食店入貨,加入Singleton12年調成,喝起來帶甜,餘韻還帶點薑的辛辣。


Remedy24 1杯=3張標準品酒券基酒是Belvedere伏特加,另外還有新鮮芒果漿、杞子和薄荷葉,中和了廿四味的苦味。

醉羅漢 1杯=3張標準品酒券用花雕和龍舌蘭酒為主,加上羅漢果洛神花茶調成,酸酸甜甜很醒胃。

美酒佳餚巡禮2016日期:10月27日-10月30日地點:中環海濱入場:$100(預購價,連5張標準品酒券)增值:每張標準品酒券$20記者:黃子卓攝影:林栢鈞、鄧鴻欣




來源: http://hk.apple.nextmedia.com/su ... t/20161028/19814577
美酒 佳餚 巡禮 中環 海濱 變茶 茶記 飲杯 奶茶 廿四 四味 雞尾酒 雞尾
PermaLink: https://articles.zkiz.com/?id=313867

【爆相爆片】戒夜蒲目標結婚吳浩康拖女茶記擦蟹

1 : GS(14)@2016-10-30 14:35:56

■吳浩康早前在訪問中表示已屆適婚年齡,拍拖都以結婚做目標。資料圖片



現年33歲的吳浩康(Deep)過往夜蒲「闖禍」,早前在訪問中聲言要修心養性,表示:「搬早啲去玩,咁就冇嘢。」他的感情生活多姿多采,先後跟胡定欣、莊思敏拍拖,其後戀上鍾舒漫更到談婚論嫁階段,但因婚前被爆連媾六女,婚事撻Q,分手收場。Deep早前承認有新戀情,並謂適婚年齡,拍拖都以結婚做目標。



【有商有量】■吳浩康和新歡到茶餐廳撐枱腳,先在門口慢慢揀蟹。讀者提供圖片

【十指緊扣】■吳浩康和女友拍拖未夠半年,非常恩愛。

【並排而坐】■為免食相被看到,吳浩康和女友選坐背着門口的卡位。


穿街坊裝

拍拖未夠半年的Deep,被讀者施小姐透過本報的「爆相爆片」,分享了大前晚孖新歡在順利邨撐枱腳擦蟹。施小姐形容Deep的新歡樣子平凡,是年逾30歲的熟女。當時穿上T恤短褲街坊裝的Deep,孖女友到一間門口有養海鮮的舊式茶餐廳開餐。Deep與新歡手拖手,先在門外水缸揀了幾隻蟹,然後便入餐廳坐卡位,兩人排排坐,齊齊背着門口,未知是否怕被看到食相。


「幫我好多」

記者昨日致電Deep,他大方承認和女友撐枱腳:「同我食飯嗰個女仔係我女友,呢段時間幫我好多。」Deep近日忙着替ViuTV拍歌唱節目及打理唱歌學校工作,他很感謝女友在身邊支持。他未有仔細講及兩人拍拖的甜蜜事,他說:「都係生活點滴,我同佢知就OK,至於將來,我哋會好好去經營一下先。」並自爆與女友因為跟同一位唱歌老師而認識,那麼女友可會出道做歌手?Deep說:「佢自己諗喇,如果佢需要support,我就會幫手,暫時我都係做番自己工作先。」採訪:非非、皓騫




來源: http://hk.apple.nextmedia.com/entertainment/art/20161030/19816708
爆相 相爆 爆片 戒夜 夜蒲 目標 結婚 吳浩 康拖 拖女 女茶 茶記 記擦 擦蟹
PermaLink: https://articles.zkiz.com/?id=314117

林耀聲茶記廣告捱轟

1 : GS(14)@2016-11-25 07:36:48

■林耀聲(左)的茶餐廳廣告,被網民責應做好產品及服務質素,而非品牌形象。互聯網圖片



電影《點五步》造就林耀聲跟胡子彤為人認識,戲中的棒球拍檔早前為茶餐廳拍攝網上廣告。故事以嫁娶為背景,講述林耀聲娶外籍老婆,以奶茶代替中國茶斟茶給父母,事後又一齊到翠華用餐,胡子彤飾演侍應,一口氣講出十多人的點餐,令人嘆為觀止。廣告放上餐廳網頁,累計超過86萬瀏覽次數及有2.9萬個like,可算相當成功。不過,亦有過千留言一面倒指摘餐廳,主要是針對其價錢貴到離地、專做內地客的生意、產品及服務越來越差。剛出席完多倫多電影節的胡子彤,昨接受電話訪問:「我都係做好自己工作,冇留意其他。」採訪:何永寧




來源: http://hk.apple.nextmedia.com/entertainment/art/20161125/19844528
林耀 耀聲 聲茶 茶記 廣告 捱轟
PermaLink: https://articles.zkiz.com/?id=316980

【動畫●每日健康】一日兩餐茶記勁肥膩 喪跑4個鐘先消耗到

1 : GS(14)@2016-12-09 00:32:12

大部份打工仔,一日三餐,有兩餐都喺街外解決,如果計埋下午茶,隨時有兩餐半。茶餐廳,當然係最方便之選。茶餐廳食物,肥膩就多人知,不過好多人會話:「做運動咪得囉!」口口聲聲做運動就得,不過到底做幾多運動,先可以抵消食物中嘅卡路里?



如果早餐食個餐蛋麵,中午食個焗豬扒飯,以為好小事?跑步消耗卡路里,每小時大約470千卡,餐蛋麵一個就743千卡,跑步要1小時30分鐘,先抵消得到。焗豬排飯,卡路里有1300千卡,非常誇張,如果跑步就要2小時30分鐘,相加就要4小時。你每日有4小時跑步嗎?或者,你可以連續跑4小時步嗎?如果女同事太忙,安坐辦公室叫茶記外賣,中午食個乾炒牛河,下午茶再食西多士,又係大件事。就算有做開瑜伽,瑜伽消耗卡路里,每小時180千卡。乾炒牛河就970千卡,瑜珈要做5小時20分鐘。西多士都唔弱,522千卡,瑜伽要做3小時。食齊兩樣,每日要有做足8個小時的毅力。每日返工都用了大半日,就算足夠運動的確可以消耗吸收的卡路里,你實際有多少時間運動?不如選擇食得健康點。記者:李聰攝影:周芝瑩



乾炒牛河,炒粉極多油,不如轉做湯河,卡路里立即變成450千卡卡路里。

餐蛋麵走餐,低卡一點,大約614千卡卡路里,而且醃製食物容易致癌呀。

焗豬排飯?炒飯底加炸豬扒,忍忍口轉煎豬排飯吧,751千卡卡路里已經比焗豬扒飯少得多。


西多士,油炸再塗牛油,試試轉做果占多,只有26千卡卡路里。

想輕輕鬆鬆健康?,記住留意健康蘋台
http://health.appledaily.com.hk/




來源: http://hk.apple.nextmedia.com/su ... t/20161208/19858328
動畫 每日 健康 一日 兩餐 餐茶 茶記 記勁 勁肥 肥膩 喪跑 個鐘 鐘先 消耗
PermaLink: https://articles.zkiz.com/?id=318809

【老店結業】觀塘恆安街最後一間茶記 今日消失

1 : GS(14)@2017-03-03 01:00:09

黃慶健寫得一手好字,店內的菜牌也是出自他的手。



去年10月,市建局決定收回觀塘恆安街重建,而這條街上的最後的一間食店─華漢茶餐廳,也會在3月1日搬走。這間有超過35年歷史的老茶記,滿載住觀塘街坊的回憶,不少人下午也愛來打躉,飲杯奶茶吃件三文治,或是和老闆聊聊天。老闆黃慶健更花了大半生時間在這茶記,1992年因為經營「華漢」的叔叔移民加拿大,做生不如做熟,黃慶健夫婦兩人就付了65萬頂手費接手經營,一直至今,約七年前才交由兒子黃廣洪接手。「爸爸每次巡舖也有些不捨得及不開心,始終經營多年。他會睹物思人,看到一事一物,會想起自己曾在這辛苦工作多年,突然要執笠,總有點不捨。」阿洪在電話中說。

華漢靚奶茶4月重嚐


華漢最出名的就是一杯靚奶茶,坊間大多會拼茶,他們就選擇自己撈,焗茶的時間亦會較長,而且要撞四次,沖泡出的茶才夠濃滑。雖說是結業,但其實是休業才對,因為阿洪已在附近找到新舖,「找新舖也找了很久,合共約有三至四個月,而且租金相對較貴。舖面積約少了四、五成,但租金卻沒變,除開後約貴五至六成。」他還說,新店將於4月尾便開業,會繼續用「華漢」這名字,並保留菜式的味道、餐廳綠色的主調,當然還有由爸爸親手寫的菜牌,希望街坊仍有懷舊茶記的感覺。記者︰黃依情2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily


健叔七年前將舖頭交予兒子阿洪接手,雖然與父親經營的手法不同,但同樣將餐廳打理得井井有條。

每家茶記也有自家的沖奶茶方法,華漢的茶最少要撞四次,而且不拼茶,沖出來香濃幼滑。

華漢因政府收回恆安街重建而要搬遷,將於三月一日結業,並已另覓新店,於四月尾重開。



來源: http://hk.apple.nextmedia.com/su ... t/20170302/19944282
老店 結業 觀塘 恆安 最後 一間 間茶 茶記 今日 消失
PermaLink: https://articles.zkiz.com/?id=327484

【大隻男逼茶記】猛男卡位撐枱腳:feel到大家嘅熱氣

1 : GS(14)@2017-04-14 11:13:36

幾位大隻男帶我們見識香港地有幾「寸金寸土」。



上回提到,我們邀請四位大隻佬,與我們瘋狂「撐枱腳」。他們位位極具份量,外形威猛。提起出街食飯,香港餐廳有幾狹窄,相信亦不用多說。今次他們現真身,帶我們見識肥人「鬼見愁」餐廳,包括茶記、麵舖……距離之親密,竟然可feel到對方身上傳過來的熱氣!


12吋圓凳,夠坐嗎?

飲食組報道2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170414/19989664
大隻 隻男 男逼 逼茶 茶記 猛男 卡位 feel 大家 熱氣
PermaLink: https://articles.zkiz.com/?id=330572

任達華茶記醫肚小春擺完酒澳牛慶祝

1 : GS(14)@2017-04-28 02:11:00

香港人工作咁忙,食過快飯除咗咬老麥,仲有咩揀?咁不如茶餐廳啦,快起上嚟廿分鐘搞掂,一個鐘頭lunch break咁就偷到大半個鐘做自己嘢。任達華試過一支公喺茶餐廳暗角一邊食,一邊煲電話粥,佢話係跑完步搵地方坐低食嘢休息下。華哥仲有次被影到喺中環食麵俾人圍,全部都係fans,個個上前集郵,華哥都有求必應。至於曾志偉同譚詠麟一班明星足球隊嘅成員,有昤就會約埋去茶記食飯,長沙灣嘅大中華飯店就係佢哋心水。茶餐廳夠地道,唔只係平民選擇嚟,陳伶俐嫁咗俾新加坡隱形富豪胡嘉烈後人劉頌銘後依舊貼地,曾經喺被影到喺茶餐廳食完嘢之後豪邁撩牙。同樣家族背景鴻厚嘅落選港姐李潔瑩,之前都被影到同老公黎諾懿喺西環食車仔麵,三餸都只係$36,非常抵食。



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170426/20001682
任達 華茶 茶記 記醫 醫肚 小春 擺完 完酒 酒澳 澳牛 慶祝
PermaLink: https://articles.zkiz.com/?id=331692

【64載茶記】深水埗雪山茶餐廳轉手 邊度仲有懷舊冰室?

1 : GS(14)@2017-06-10 13:47:37

雪山茶餐廳傳出即將結業消息。



「活在觀塘」專頁版主原人(袁智仁)於面書發佈消息,說屹立於深水埗已近64年的雪山茶餐廳即將於月底結業。記者致電茶餐廳想向老闆查詢,接聽電話的員工卻表明老闆這幾天都不會在餐廳,當記者進一步問及結業消息時,員工就回應:「我們做到今個月月尾,之後的事就不關我們事了。」原來雪山茶餐廳即將轉讓,換言之即是轉老闆,而並非結業,「我們老闆是第二代,下一手就是第三代。」員工說。



雪山茶餐廳的室內裝潢充滿舊日風情,黑色鐵椅、白色椅背、通花燈罩、階磚地板,時間在它們身上留下痕迹,它們也見證着餐廳由昔到今。餐廳食物質素高之餘,價錢也很相宜,午餐包飯及飲品,四十元有找。尤其是炸豬扒,香脆無油;而炸魚雖是雜魚魚塊,但非常香口有魚味。不過雪山茶餐廳雖然並非結業,但轉手後,菜式是否依然保留仍是未知之數。一起來數數還有哪些讓人可感受老香港情懷的冰室小店。



黑色鐵椅、白色椅背,充滿舊日風情。

雪山茶餐廳是街坊的聚腳點。

雪山茶餐廳深水埗青山道62D號記者:黃子卓2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170610/20050942
64 載茶 茶記 深水 雪山 餐廳 轉手 邊度 度仲 仲有 懷舊 冰室
PermaLink: https://articles.zkiz.com/?id=335244

黃寶欣賣撻再開茶記

1 : GS(14)@2017-06-18 22:07:17

■黃寶欣昨日在兩間舖內不停穿梭,自言是邊學邊做。

黃寶欣今年初和友人合資在九龍城開餅店賣蛋撻,不足半年再做老闆,在蛋撻店側開懷舊茶餐廳。昨日本報在九龍城見她不停在兩間舖穿梭,寶欣獲悉記者在場,即坦承有份投資茶餐廳,但不肯透露投資金額。寶欣又說:「星期一(19日)先正式做生意,今日係招呼朋友試食,比吓意見。」事後黃寶欣再接受電話訪問,她說:「都係同餅店拍檔合資,呢間茶檔喺內地已經有,香港就係第一間,主打懷舊風。」有指她不足半年再做老闆,她說自己都是邊學邊做,但之後都會好忙,因為餅店「酥妃皇后」會開分店。採訪、攝影:吳耀輝、徐錦池




來源: http://hk.apple.nextmedia.com/entertainment/art/20170617/20058563
黃寶 寶欣 欣賣 賣撻 撻再 再開 開茶 茶記
PermaLink: https://articles.zkiz.com/?id=336020

【馮仁昭四圍超】食麵吹水直落陶大宇茶記殺手

1 : GS(14)@2017-06-22 08:03:21

【紳士風度】■陶大宇離開時遇正有食客入內,即好有風度幫手開門。





陶大宇當年憑劇集《刑事偵緝檔案》系列,成為第一代師奶殺手,近年專注喺內地拍劇搵真銀。今個月初見佢一支公去咗茶餐廳食麵,仲同老闆呃水吹。



【雞啄唔斷】■陶大宇同茶記老闆好熟,傾到眉飛色舞。DV圖片

幫食客開門

當日下晝6點幾,大宇去到跑馬地新昌明茶餐廳開餐,佢揀咗近門口一張枱坐低,叫咗碗麵同凍檸茶醫肚。前後食咗20分鐘左右,不過佢食飽後冇即刻埋單走人,反而繼續坐低同老闆吹水。佢哋非常好傾,就算有食客眼望望都冇理,吹足30分鐘水大宇至肯離開。當佢行到去門口時,咁啱有食客準備入內,大宇非常有風度客串做門僮,幫對方開門。大宇前日接受電話訪問時,話餐廳老闆係枱波波友,幫人開門都係方便人方便自己,佢話:「好小事啫,嗰度地方淺窄,冇乜所謂。我同老闆識咗好耐,佢係我啲枱波友,而且佢同好多藝人都好熟,所以有好多明星去食嘢。」大宇話無綫都有搵過佢傾合作,如果要拍嘅話,最少要有3、4個月留喺香港,但目前佢每星期都會上內地幾次,所以驚時間夾唔到,如果就到時間,都會幫無綫拍劇。撰文:馮仁昭




來源: http://hk.apple.nextmedia.com/entertainment/art/20170620/20061526
馮仁 仁昭 四圍 食麵 麵吹 吹水 直落 大宇 茶記 殺手
PermaLink: https://articles.zkiz.com/?id=336343

開完餅店開茶記 黃寶欣希望開多幾間啦

1 : GS(14)@2017-06-23 01:44:42

今年50歲嘅黃寶欣,喺80年代同鄭敬基合唱《酒杯敲鋼琴》而熱爆K場,不過喺97年退出娛樂圈做咗人妻後鮮有露面,直至14年現身老友鄭敬基嘅演唱會做嘉賓,冇耐仲同朋友合資搞生意,喺九龍城開咗間「酥妃皇后」,原來佢已經結束20年婚姻,回復單身嘅黃寶欣,一切重新開始!前日《蘋果》路經九龍城,發現寶欣不停喺餅店同隔離一間茶餐廳穿梭,茶餐廳內雖然坐咗唔少人,但門外就貼住未營業嘅告示,佢喺餐廳裏面指手劃腳,又同啲店員同埋啲食客喺度密密傾,似乎係收集緊意見!記者趁寶欣返回餅店時上前問佢,係咪開咗茶餐廳,再做老闆?佢亦大方承認:「係呀!(獨資?)唔係,係集團一齊做嘅!(投資幾多錢呀?)唔講錢喇!」問寶欣舖頭有乜招牌菜?佢都好保密咁話未講得,話只係招呼啲朋友俾下意見,星期一先至會正式開業。事後《蘋果》再打電話俾寶欣,佢就話呢排都好忙,因為舖頭好多嘢要準備。講到呢間走懷舊風嘅茶餐廳,寶欣話:「我哋呢間『茶檔』其實喺大陸已經開咗,香港就係第一間,咁一定希望將來可以開多幾間啦!」問她擔不擔心會好辛苦?寶欣就話:「做嘢一定要親力親為,辛苦啲都要。」




來源: http://hk.apple.nextmedia.com/entertainment/art/20170619/20061250
開完 完餅 餅店 店開 開茶 茶記 黃寶 寶欣 希望 開多 多幾 幾間 間啦
PermaLink: https://articles.zkiz.com/?id=336487

香港茶記捕獲賈躍亭

1 : GS(14)@2017-09-17 12:09:11

【明報專訊】小琴成日都聽到啲人話喺街「野生捕獲」藝人歌星,不過噚日收到消息,有人喺香港「捕獲」到一位名人,呢位名人嘅出現,相信最關注嘅會係一班內地網民,原因係今次被「捕獲」嘅人,就係樂視創辦人賈躍亭。

自從樂視失利,上市公司易主,賈躍亭就一直喺美國專心搞佢嘅汽車,但就畀內地討債者指摘佢避債,仲上埋官方「老賴榜」(欠債不還人士名單)。雖然時不時傳出賈躍亭將回國,但都係只聞樓梯響,其行蹤仍然成迷。

大方合照 臉色唔錯

但勢估唔到,噚日有內地網絡名人爆料,話見到賈躍亭喺香港一間茶餐廳同朋友食飯,仲大方同路人親切合照;睇番幅相,賈躍亭臉色都唔錯,不過笑容就略嫌生硬,可能佢冇諗過會畀人發現啩。據講佢今次來到香港係搵投資者傾汽車業務同解決樂視非上市系公司債務問題,唔知啲債主會趕嚟香港呢?

email: piano@mingpao.com

[小琴密語]


來源: http://www.mpfinance.com/fin/dai ... 0511&issue=20170916
香港 茶記 捕獲 賈躍 躍亭
PermaLink: https://articles.zkiz.com/?id=340818

【葵芳茶記】$35吉列豬扒大過面 食客反映太大份食唔晒

1 : GS(14)@2017-09-17 14:50:22

店面相當懷舊。



說起葵芳,第一時間想到的一定是掃街,原來除小食,還有不少值得捧場的舊式食店。這間在巷尾的懷舊茶餐廳「銀河美食屋」,是不少街坊學生的飯堂,每逢中午必定人頭湧湧。要數最多人點的,必定是招牌吉列豬扒飯,皆因份量超大,豬扒足兩大塊,更可以免費加一隻太陽蛋,連飲品只是$35。不想吃太飽的話,不妨試試吉列石斑沙律,石斑同樣份量十足,三大件石斑配一大碟沙律,口味酸酸甜甜,減輕油膩感,最適合夏天吃,連凍飲只是$28。



老闆林良(良哥)由九十年代便一直從事茶餐廳,這家茶餐廳由2000年開業至今,轉眼十七年。問老闆有何秘訣,老闆笑言沒太大技巧:「一是豬扒用料要好,二是要新鮮即炸,三是要用心去做。」由於一直是親力親為,食物多年來甚少加價,一直貫徹大件夾抵食原則,難怪多年來深得街坊喜愛。



每塊豬扒都是即叫即炸的。

吉列豬扒飯連飲品$35。

吉列石斑沙律連飲品$28。


廚房工作由老闆親力親為。

銀河美食屋老闆林良(良哥)。

銀河美食屋地址:葵芳美芳街昌鴻大廈8號舖記者:葉浩昇、賈碧嘉@Foodcaptain.hk攝影:許先煜、蕭志南2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170909/20147119
葵芳 芳茶 茶記 35 吉列 豬扒 大過 食客 反映 太大 大份 份食 食唔 唔曬
PermaLink: https://articles.zkiz.com/?id=341043

【茶記Pizza】雪菜肉絲魚香茄子溝埋做餅 冷萃茶浸六個鐘勁回甘

1 : GS(14)@2017-11-05 15:24:21

旺角花園街一帶的茶飲店開到成行成市,最近又有一間加入戰團,除了賣茶飲,還主打「港派」。貌似Pizza但鋪上五香肉丁、雪菜肉絲、魚香茄子等茶記菜式。

旺角花園街一帶的茶飲店開到成行成市,最近又有一間加入戰團,除了賣茶飲,還主打港味派。門口一個個貌似Pizza,但鋪上五香肉丁、雪菜肉絲、魚香茄子等茶記菜式,吸引到不少老一輩停下來張望。不過香港這間茶店其實又是分店,今年5月在上海、廈門和武漢已開了6間。它的姊妹店是由歌手黃寶欣有份開的酥妃皇后和港嘢茶檔,不過茶店的老闆不是她,而是90後的Benny和朋友合作開的。Benny在瑞士讀酒店管理,實習時做過洲際酒店的人力資源部,又到日本東京麗思卡爾頓酒店做過廚房,他說不太喜歡做酒店穿著正式西裝,大家都恭敬拘謹的樣子,反而比較喜歡隨性,畢業後做一年文職後還是決定創業。


想打入年輕人市場在旺角插旗,單是月租已要十萬,他兼顧店面和廚房,300呎的鋪位同時沖茶和焗餅。特色的「港派」,貌似薄餅的餅底配上香港特色食物。餡料由港嘢茶檔新鮮做出來,而餅底則是酥妃皇后的師傅全人手搓揉,加入法國、英國和意大利三種芝士,在店內焗十五分鐘即可新鮮出爐。五香肉丁加上芝士,依舊是熟悉又地道的五香肉丁味,肉丁頗大粒,吃得出不是罐頭肉,是新鮮豬肉製成。榴槤芝士派表面厚鋪上D24榴槤肉,中間有一個層軟芝士,榴槤味非常重。


五香肉丁派$25

榴槤芝士派$30

冬陰海鮮派$30



飲品選擇不算多,除了常見的水果茶,另有果醋茶。玫瑰沙冰不止樣靚,奶蓋表面有玫瑰花辦,中間有玫瑰花釀混合冷萃茶,下面有爆珠增加口感。奶蓋用法國芝士打好放隔夜,加入地中海海鹽,口感算是濃密,不過記者試畢都覺得幾款飲品偏甜。茶飲用了昆明、台灣的高山茶葉,而且大部份都用冷萃茶沖泡,冷萃茶即用冷水泡茶,茶葉要在0至5度低溫浸至少6小時,低溫可保留更多咖啡因和營養,減少澀味和酸味,直接喝到回甘的味道。


茶飲用了昆明、台灣的高山茶葉,而且大部份都用冷萃茶沖泡。

飲品選擇不算多,除了常見的水果茶,另有果醋茶。

香港這間茶店其實是分店,今年5月在上海、廈門和武漢已開了6間。



妃嘗樂地址:旺角弼街64號地下A號舖記者:黎婉婷攝影:王國輝



來源: https://hk.lifestyle.appledaily. ... e/20171030/20198430
茶記 Pizza 雪菜 肉絲 魚香 茄子 溝埋 埋做 做餅 冷萃 萃茶 茶浸 浸六 六個 個鐘 鐘勁 勁回 回甘
PermaLink: https://articles.zkiz.com/?id=343704

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019