ZKIZ Archives


【畀錢坐監】冇導演冇台辭 入冊兩日盛惠$1000

1 : GS(14)@2016-07-15 05:16:38

朴信惠飾演不良少女,曳到被懷疑縱火。《Doctors》截圖


【三個粉絲追韓劇】熱播韓劇《Doctors》女主角朴信惠飾演不良少女,作為中學生,打架、逃學、去clubbing乜都做齊,仲被懷疑縱火,搞到被收押!朴信惠在獄中孤立無援,試問有邊個會鍾意坐監呢?而在韓國,竟然有個地方要你畀錢坐監!動主播阿仙和一日主持Joyce足足坐2小時車,用自己方法由首爾,去到位於江原道洪川郡嘅Prison Inside Me(내안의감옥),是一個自願入冊又無人監視嘅「偽監獄」,兩人嘗試「入冊」體驗後,正式成為「動釋囚」!



喺監獄中孤立無援,又照顧唔到患病嘅嫲嫲,勁傷心。《Doctors》截圖

韓國竟然有個地方畀人畀錢坐監,要用自己方法坐2小時車去。

藍色建築物就係Prison Inside Me



「入冊」前記得通知家人,因為電話會被強制性收起,換上囚衣,帶上基本日用品,就隨工作人員「入冊」。「入冊」的地方是一間大約20呎嘅獨立房,參考了韓國教導所嘅獨立房形式而興建,類似香港嘅「水飯房」,當然乾淨舒服得多,Joyce話:「似高級版嘅監獄!」房內有廁所、一個洗手盤、一張枱和一個儲物櫃,完!而最似監獄嘅地方,是房門下嘅活動門,用來派飯!



一個畀人自願入冊又無人監視嘅「偽監獄」

入面有三層,共28個「監倉」。

「入冊」前記得通知家人,因為電話會被收起



入住「犯人」要跟住被安排嘅時間表生活,包括幾時食早、午、晚三餐,幾時用公家浴室沖涼,幾時瞓覺等,而大部份時間都要獨留房間,焗你與世隔絕,冥想一下,思考人生,放鬆心情。在「偽監獄」住兩日一夜,基本收費約$1000,如果額外報名上心靈課程,則收費約$1680。



換上囚衫

帶啲日用品,其他嘢都扣留!

之後就困喺約20呎嘅房自我反省。



坐監不吉利,偏偏有人願意畀錢做監躉,原來為了減壓避世。Prison Inside Me創辦人權勇碩先生指,雖然以「監獄」為主題,但相信「入冊」嘅人反而獲得心靈自由,外面嘅世界先似監獄!他以自己為例,「以前我做檢察官,每個禮拜做足100粒鐘,壓力爆登,仲慘過坐監!」結果他靠吸煙和飲酒減壓,直言:「如果有一日我做做下嘢死咗,咁我人生算啲咩?」他認為人是需要有一個減壓、治療心靈嘅空間,先有力繼續走人生路,所以就想興建一個地方畀人「向壓力說不」!



房嘅設計參考咗韓國教導所獨立房,只得廁所,洗手盤,枱和儲物櫃。

門下面有個活動門用嚟派飯!

創辦人權勇碩(右)指,興建呢個地方係想畀人避世減壓,逃離壓力爆登嘅社會監獄。



三年前權勇碩終於儲夠錢,興建了「행복공장(幸福工場)」,Prison Inside Me是其中一橦建築物,有三層,共28個「監倉」。而其他地方是讓「犯人」放風時走走,親親大自然,例如有農田可耕種,亦有禮堂讓導師講心靈治療嘅課堂,例如關於九型人格,認識自己,或開營火會分享和拋開心事,結果吸引了不少專業人士和公務員去鬆一鬆!



除咗喺房冥想,仲有放風時間,或者上心靈治療嘅堂。

仲可以親親大自然,好好放鬆!



主持:動主播阿仙和一日主持Joyce記者及繙譯:卓惠媛(Joyce)攝影:陳家文、李錦鏵《Doctors》片段由Viu提供:
https://goo.gl/3XJSlB【三個粉絲追韓劇】
http://hk.apple.nextmedia.com/enews/animation/kfans/





來源: http://hk.apple.nextmedia.com/entertainment/art/20160715/19695164
畀錢 坐監 導演 冇臺 臺辭 入冊 冊兩 日盛 1000
PermaLink: https://articles.zkiz.com/?id=303843


ZKIZ Archives @ 2019