ZKIZ Archives


冇得拍膊頭搞掂 宗菁華

2011-10-27  NM

上個禮拜有個澳洲對沖基金嘅話事人質疑華寶(336)公布嘅毛利率過高。Blog內短短四百字,令華寶股價跌一成,市值蒸發十六億,即係每隻字值四百萬,勁過字字千金多矣!網上資訊認真唔講得笑也。


呢個基金話華寶毛利率高,主要係靠高價賣煙葉俾國營香煙企業,咁點解咁做會令華寶豬籠入水?無他,過去國營企業買嘢,唔使公開競投,好多時候都係買賣雙方自己斟掂。咁樣做法點解有助於提高華寶嘅毛利,唔使畫公仔畫出腸啦啩? 不過,舊年中國煙草總公司開始整頓行業運作,從此國企煙仔廠買貨要投標,唔少公司嘅業績即刻走晒樣矣。影響所及,另一間上市公司澳科控股(2300)亦有排震。呢間公司專做捲煙包裝印刷,客戶包括雙喜同紅塔山等龍頭大廠,今後佢哋一樣要依足規矩投標,冇得拍膊頭搞掂。 又有本地對沖基金估計,新政策起碼影響澳科兩成單。唔淨止咁,煙草總公司要加強審核,啲單全部要由高層處理,由是拖長招標程序事小,積壓資金、加重營運成本事大,因為咁會扯低盈利。基金佬都睇到華寶、澳科面對嘅問題,本地散戶又豈可唔打醒十二個精神?

黃毅力業務多元化
富利堡嘅黃毅力業務多元化,賣水貨車之餘,走去將軍澳寶林開咗間香港茶餐廳。餐牌大大隻字寫明,下午茶餐雲吞麵、水餃麵同魚蛋麵,通通每碗三粒。明碼實價,講明只得三粒,肯定開茶餐廳先河。 黃老闆話咁做法唔驚人客鬧佢孤寒,至緊要係有言在先,以免誤導顧客造成爭拗。何以只得三粒?佢話計過數,每粒魚蛋成本係三蚊八毫二,(計到小數點後兩個位,認真唔講得笑,果然係大老細作風。)三粒則剛好啱數,放多粒,已經維唔到皮矣。 佢仲話啲魚蛋係人手將海南門鱔打出嚟者,真材實料,冇花冇假。業務多元化,肯定係好事,一於祝佢好運,起碼都好運過張大導嘅表哥茶餐廳啦。

康文署露底
煲 呔曾以至成個特區政府民望「尋底」,大家知之矣。唐、梁兩「備選人」上京「摸底」,睇吓自己有冇行,乃特區跑馬仔之指定動作。及至出年特區政府換屆、三司 十二局問責高官有幾多個會「過底」俾新特首,至今尚是未知數。成功「過底」,則不妨去茶餐廳飲杯茶,加兩蚊整番件「烘底」奶油多。 喺公園,「為免造成滋擾,請把聲浪降底」,呢個「降底」究竟開邊瓣則還請全特區最有文化嘅衙門康樂及文化事務署揭開「謎底」。呢個衙門個老頂嘅老頂曾德成 未入仕之前係《大公報》老總,又做過特首國師中央政策組參謀,理應好有文化㗎噃。咁樣「露底」法咪好唔抵?弊!

金牙大狀講嘢 工聯會專倒米
工聯會上街反對俾外傭居港權,話咁樣做會搶走本地工人嘅飯碗。當中有人尤其擔心一有居港權,外傭唔再打住家工,走去高級餐廳做嘢;外傭英語能力強,肯定揮低本地人云云。 以咁嘅理由反對外傭居港權都算奇特。咁講法,工聯會應該上街抗議官府搞再培訓;事關受過再培訓,識嘢肯定多過冇被再培訓嘅工人,咁容乜易俾佢哋搶走晒所有人嘅飯碗? 同樣道理,工聯會應該馬上上街抗議官府搞十二年免費教育,因為讀過十二年書,無論中、英文都分分鐘好過冇受過十二年教育嘅在職人士。咁班後生容乜易搶走晒低學識、低技能嘅工人嘅飯碗? 明知學識、英文都未夠班,唔自我反省、自我投資學好佢,反而要政府禁止資歷高嘅人搶飯碗,工聯會有此思維實不為怪。大佬,有名得過你叫,係工聯會噃,識見認知係咁上下㗎啦!聽呢班人支笛、由得佢哋話事,莫講佢哋嘅飯碗不保,七百萬人都通通要紮砲也!

記得帶埋隻雞
對有關佢「感情缺失」之提問,唐唐喺兩分十三秒之內四度重複「我係唔會回應任何以緋聞為包裝嘅報導」,足見佢細個之時背書肯定絕對攞足一百分。 耶穌被捕後,聖彼得三度否認識得佢,何以唐唐要否認多一趟?原因可能係唸咗三次「我係唔會回應任何以緋聞為包裝嘅報導」,都冇隻雞走出嚟啼,向佢通水已經到數,可以慳啲,以致佢要背多趟書。 拍過《狂情》、現今幫唐唐統籌公關嘅Heidi•關鄭麗敏下趟唔該記得帶埋隻雞啦,OK?

保育、保良兩落空
立法會搬咗去添馬艦,中環大葛樓冷冷清清淒淒慘慘戚戚。更是愁煞人者,係大葛樓之奠基石,油漆剝落,雖然主禮嘉賓港督卜公爵士嘅大號隱約可見,但仄師名號則不復辨認矣。煲呔政府滿口保育,見諸大葛樓嘅一片荒涼景象,你話又似唔似啦! 不過,口保育而實不至都總好過保良局,佢哋門口石柱副對聯,金漆照人,但「大英」二字則刻意剷走。忘本如此,又何以言保良哉?保育、保良兩落空,呢個就係今時今日香港地嘅可悲境況啦!

冇得 得拍 拍膊 膊頭 搞掂 菁華
PermaLink: https://articles.zkiz.com/?id=28688

金融雲端:歐智華有膊頭

1 : GS(14)@2012-02-29 23:07:46

http://hk.apple.nextmedia.com/te ... 307&art_id=16112335
金融 雲端 智華 有膊 膊頭
PermaLink: https://articles.zkiz.com/?id=278024

浪漫月巴睇90s - 月巴氏 愛在深秋,個膊頭。 2016年01月22日

1 : GS(14)@2016-01-24 23:05:40

http://www.am730.com.hk/column-299291
一睇條題,係咪立即感到一份性感的詩意?

1.某一夜,我再次亂咁在YouTube搵舊歌聽。天意,竟然讓我唔覺意碌到去一首90年代舊歌,《海潮》。噢,一首好有畫面的舊歌。
2.你我之間任愛意沖淡,卻似今天遺忘浪漫~
3.就是這兩句副歌,令我立即遙想起一個畫面,畫面中一個身世悲苦但性格堅強過大把男人的女子,正在以slow motion的姿態走難(嚴格來說是導演正在用慢鏡來呈現這個走難女子的艱險),而因為是慢鏡,我清楚看到,該名走難中的女子件衫是,跌膊的。
4.這是一個刻在我腦袋多年的震撼畫面。


5.如果你(有幸或不幸地)同我差唔多大,應該睇過《火玫瑰》。說穿了,不外乎又是另一個恩怨情仇的故事,但編劇巧妙在借用了《長腿叔叔》的意念,劇中的長腿叔叔名叫Uncle Rain,由(仲未會因為見到某國國旗而異常激動的)溫兆倫飾演,而孤兒院的苦命女子,是溫碧霞……故事大概係咁啦:(件衫熱愛跌膊的)溫碧霞離開孤兒院後,終於知道當日是邊個害死自己一家,而呢個邊個咁啱就是溫兆倫老竇王偉,中間又再攝入溫兆倫細佬羅嘉良;(件衫熱愛跌膊的)溫碧霞為搜集王偉犯罪證據,假意同羅嘉良結婚,偏偏呢個羅嘉良遺傳了老竇的邪惡DNA,搞到已經好慘但又不失美艷動人(兼件衫熱愛跌膊)的溫碧霞更加慘,慘到流落戰火中的越柬邊境,(件衫)成日都要(跌膊)走難……願傾出心裡愛的溫兆倫遠赴當地營救,咁最後(件衫熱愛跌膊的)溫碧霞究竟報唔報到仇?而溫兆倫同(件衫熱愛跌膊的)溫碧霞又能否修成正果?好緊張呀~

6.Well,故事,問心,並不是甚麼劃時代巨獻,但因為一班演員,為故事add上大量value,王偉演技是毫無疑問的好,溫兆倫唔做奸仔做癡心男,一樣掂(喬立這角色也成為當年一個經典角色);至於羅嘉良,OK啦——但由始至終最最最最最重要的,是海潮的化身,溫碧霞。(這裡要俾個credit想出「海潮」這名字的編劇,大佬吖點樣先可以諗到這麼一個浪漫的名字?)
7.溫碧霞早在80年代頭出道,在《靚妹仔》做配角,從未受過演技訓練的她,已相當自然地演繹了一個反叛少女應有的感覺,簡單來說就是:有實感。但當時大家更留意的是主角林碧琪。然後,溫碧霞繼續拍戲,就是再遇不上叫人難忘的角色(但這同當年香港電影情況有關,從來只會集中塑造男角。女角?靚就得),唯一難忘是關錦鵬《地下情》那個model,在香港盛世下keep住冷眼旁觀的美艷model。

8.直至1992年的《火玫瑰》,不得了。我清楚記得當年這齣劇所掀起的迴響係幾咁大,就好似我班同學,大家明明將要面臨主宰前途生命的中五會考,但我們還是拚命追劇,以方便討論——同女同學主要傾劇情,同男同學主要傾海潮,個膊頭。這絕對是很奇妙的一回事。古今中外美艷動人女星大把,最主流的自然是憑藉天賦美貌,更主流的是憑天賦美貌與身材,只有溫碧霞一人,是.靠.膊.頭(再配合埋那永恆微鬈的亮麗長髮),咁講,並不是話佢不夠靚或甚麼,而是溫碧霞強在能夠另闢蹊徑,達到一個肯定前無古人更加後無來者的「見膊如見人」之境!

9.一切,全靠《火玫瑰》。當時,還是電視強世,一齣成功的劇,足以讓出道超過十年、明sell嫵媚的溫碧霞成功進入尋常百姓家;而90年代初的主流女性形象,絕對是玉女,溫碧霞卻能在玉女淹沒的情況下,找到自己位置,奇妙。90年代的溫碧霞,也拍了(唯一一齣)三級片《驚變》,但嚴格來說,這比較似是一齣展示人性陰暗面的驚情片,一個嫵媚美艷(兼愛露膊的)女子,周旋在一個臭男人世界,唔算好好,叫做OK啦。但無論點,一個女演員能夠演繹一個事隔多年後人哋依然講得出名的角色,是極度難得的——尤其在香港,這個普遍不尊重、重視女演員的地方。
10.你對我說句也許是緣慳?這推測我早已慣~Sorry我又情不自禁忍唔住唱。

月巴氏~90年代,可能是我們最後的快樂時代。

撰文:月巴氏
facebook: https://www.facebook.com/fatmoonba
blog: http://fatmoonba.blogspot.com/
email: fatmoonba@yahoo.com.hk
浪漫 月巴 巴睇 90s 巴氏 愛在 深秋 個膊 膊頭 2016 01 22
PermaLink: https://articles.zkiz.com/?id=294981

幫手湊細佬陳嘉桓孭BB車上膊頭

1 : GS(14)@2016-07-06 07:59:05

陳嘉桓(Rose)經理人兼媽咪Ronnie舊年宣佈再婚,下嫁白鶴派武術宗師陸智夫個孫Johnson再大埋個肚,23歲陳嘉桓就喺舊年8月再做家姐,細佬Jaxton家陣接近1歲,做家姐嘅Rose錫到Jaxton燶,睇開佢個微博都會知!前日Rose既做孝順女又做好家姐,陪媽咪同細佬去太古城商場shopping。佢哋先到Zara睇童裝同女裝,之後再到誠品逛書店同睇精品。Rose着住今年潮流興嘅露膊裝再加短褲仔,沿途唔少人都認得佢,手指指話:「佢係model嚟㗎!」(雖則佢正職係藝人。)雖然BB主力都係媽咪湊,不過離開商場上的士嗰陣,只見學過功夫嘅Rose,三爬兩撥摺好架BB車,閃電手將BB車條帶擺上膊頭,再輕鬆走幾步上車,完全體現出力嘅表現。曾經講過想25歲前做媽咪嘅佢,幫手湊細佬絕對係最佳實習機會。





來源: http://hk.apple.nextmedia.com/entertainment/art/20160705/19681739
幫手 湊細 細佬 佬陳 陳嘉 嘉桓 BB 車上 膊頭
PermaLink: https://articles.zkiz.com/?id=302585

港姐港男結果出爐胡㻗搭三點式佳麗膊頭有反應?

1 : GS(14)@2016-09-13 00:19:17

《2016香港小姐競選港姐決賽》昨晚舉行決賽,今次大台就搞搞新意思,玩港姐同港男玩crossover,喺問答環節入面,港男四強之一嘅胡㻗,同港姐候選佳麗5號蘇韻姿同台。問題講到,本身雙方當大家兄弟,蘇韻姿越嚟越鍾意胡㻗,問蘇韻姿點辦好。叻哥問完問題後,胡㻗隻左手一嘢搭落,身穿三點式嘅蘇韻姿膊頭,話:「我哋係好朋友」。之後即刻彈開向後縮,冇幾耐就用左手遮住自己下體,乜咁敏感呀?蘇韻姿睇嚟都feel到唔對路,睥咗胡㻗一下,但係又即刻入戲,輕輕掃佢左臂,仲叫胡㻗做BB o添!至於港姐同港男結果,昨晚亦一同宣佈。港男三甲分別係:冠軍—4號黎振燁、亞軍—9號丁子朗、季軍—1號鍾君揚。港姐三甲分別係:大熱奪冠—6號馮盈盈、雙料亞軍—2號劉穎鏇、季軍—7號陳雅思。




來源: http://hk.apple.nextmedia.com/entertainment/art/20160912/19768223
港姐 姐港 港男 結果 出爐 三點式 佳麗 膊頭 頭有 反應
PermaLink: https://articles.zkiz.com/?id=308768

栢芝抱Quintus過大海Lucas高到阿媽膊頭

1 : GS(14)@2016-11-06 15:49:07

經常被網民野生捕獲嘅張栢芝,昨日又有網民喺澳門捕捉到佢到三母子嘅影蹤喇!昨早網民喺澳門見到栢芝帶住大仔謝振軒(Lucas)同二仔謝振南(Quintus)排隊搭的士,9歲嘅Lucas已經長得好高,高度已經去到栢芝膊頭,而網民就話6歲嘅Quintus,都開始搣走咗好多baby fat,但依然好可愛得意。咁唔知係咪等的士等得太耐啦,其間Quintus就要媽媽栢芝抱佢。而好多網民見到栢芝趁假期帶埋兩個仔去澳門,就誠意推介佢哋去澳門美食節添,唔知栢芝又真係會唔會去美食節,品嚐當地嘅地道美食呢!




來源: http://hk.apple.nextmedia.com/entertainment/art/20161106/19824492
芝抱 Quintus 大海 Lucas 高到 阿媽 膊頭
PermaLink: https://articles.zkiz.com/?id=314246

兩人咬耳仔 拍膊頭代受訪

1 : GS(14)@2016-12-11 12:58:55

【特 稿】梁振英宣佈不連任特首後,一直拒絕就事件開腔的曾俊華,以及民建聯前主席曾鈺成,昨日現身民建聯區議員出任會長的青年活動,兩人一到場即吸引大批現場人士握手和索取卡片,不少人舉起手機拍照留念,成為全場焦點,兩人更不時「咬耳仔」交流。


曾俊華離場:你嚟你嚟


曾俊華到場後,即坐在曾鈺成旁邊,其間兩人不時「咬耳仔」,似有不少議題交流。曾俊華心情似乎相當輕鬆,早前曾俊華曾讚記者因一手影相、一手拍片,還要寫稿,應收取「3份人工」,他看到在場追訪「雙曾」的記者,不少人也手執兩部機,隨即笑說:「你攞兩部機,我以為你攞至少3部㖭!」「雙曾」其後上台時,大會安排了「梁粉」創科局局長楊偉雄站在兩人中間,不過無礙「雙曾」溝通,兩人一度彎腰避過楊偉雄,台上繼續密斟,曾俊華身旁的中聯辦台灣事務部部長,上台後亦主動與曾俊華交談。「雙曾」未待活動結束,即雙雙提早離開,曾鈺成更充當曾俊華開路先鋒,率先行到傳媒「咪兜」,曾俊華跟隨其後,當記者以為曾俊華會答記者問題時,他主動拍拍曾鈺成膊頭,向曾鈺成說「你嚟,你嚟」,即快閃離開會場,在場記者即繼續追着曾俊華,他反指向曾鈺成說:「佢講嘢呀。」曾鈺成對此未見介意,全程微笑等候追訪曾俊華的記者返回現場後,才開始受訪。■記者林俊謙




來源: http://hk.apple.nextmedia.com/news/art/20161211/19861881
兩人 人咬 咬耳 耳仔 拍膊 膊頭 頭代 受訪
PermaLink: https://articles.zkiz.com/?id=319132

方皓玟拍膊頭演《一念無明》

1 : GS(14)@2017-01-14 12:25:42

方皓玟及談善言等一班演員昨日到灣仔出席第三屆「首部劇情電影計劃」頒獎禮,結果由大專組的《淪落人》及專業組的《G殺》奪得。負責分享拍攝經驗的方皓玟,稱有份演出的電影《一念無明》就是贏得首屆,得到贊助資金才成功開戲,她說:「成個拍攝日子好短得十六日,金姐(金燕玲)都只係客串咗一日,而且資金唔多,連剪片導演都要自己做番,大家都係拍膊頭演出。」



■剪了平頭裝的談善言(左)昨日戴假髮擔任頒獎禮嘉賓。

至於剪了平頭裝的談善言昨日戴假髮示人,她稱因最近在電影《告別之前》內飾演癌症病人,所以就一口氣剪短,談善言說:「係第一日感覺有少少奇怪,自己之後都習慣咗,?家出席活動一係就戴假髮又或者戴帽。」採訪:曹家誠攝影:陳俊強




來源: http://hk.apple.nextmedia.com/entertainment/art/20170114/19896090
方皓 皓玟 玟拍 拍膊 膊頭 頭演 一念 無明
PermaLink: https://articles.zkiz.com/?id=322657

張敬軒《歌手》刪剩膊頭

1 : GS(14)@2017-01-24 03:00:15

■軒仔於前晚播出的《歌手》被cut走,只見其膊頭。互聯網圖片



張敬軒傳被內地封殺,近日更被湖南衞視《歌手2017》踢出局,原本軒仔已錄影的第一集已被刪剪。該集前晚播出,軒仔當然不見蹤影,但無論劇組如何努力,鏡頭也見到軒仔的紅頭髮和膊頭。而節目公佈結果指杜麗莎和迪瑪希奪得歌手互投第一名時,迪瑪希走向杜麗莎握手,原本坐在光良與杜麗莎中間的軒仔,竟變成一個空隙,估計電視台利用CG特效將軒仔「消失」。至於前晚首回合賽果,杜麗莎與林憶蓮師徒對決,由憶蓮領先排第2,杜麗莎排第3,首名是迪瑪希。曾是憶蓮唱片監製及男友許愿昨表示也有收看比賽,但認為憶蓮與杜麗莎唱功不同難以比較。採訪:魯吉




來源: http://hk.apple.nextmedia.com/entertainment/art/20170123/19905652
張敬軒 張敬 歌手 刪剩 剩膊 膊頭
PermaLink: https://articles.zkiz.com/?id=323817

【來龍去脈】錄一集《歌手》刪剩膊頭

1 : GS(14)@2017-02-18 09:51:44

張敬軒於兩年前因為發表佔中言論:「眼前的香港,陌生得不能再陌生。人民是無辜的!堅決反對暴力鎮壓民眾!」當時他「被退出」內地節目《我是歌手4》,直至今季趕上尾班車,成功取得該節目第5季參賽一席位,其後他在個人官方微博,以千字文發表對內地矢志不渝的堅定立場,結果遭陳淨心狙擊,中港兩地網民亦鬧爆他。終於,本來已「入閘」為《歌手》錄好第一集的軒仔,最後亦冇得留低,所有他的鏡頭都被節目刪除,剪無可剪也只能見到他的紅色頭髮及膊頭(箭嘴示)。




來源: http://hk.apple.nextmedia.com/entertainment/art/20170218/19931739
來龍 去脈 錄一 一集 歌手 刪剩 剩膊 膊頭
PermaLink: https://articles.zkiz.com/?id=326879

【美圖晒晒】王思聰新歡畢業了竟騎上男同學膊頭

1 : GS(14)@2017-07-07 02:42:08

萬達集團董事長王健林之子王思聰的新歡、內地網紅豆得兒(李惠玥),近日從北京舞蹈學院畢業,她的畢業照近日曝光。她穿着畢業袍擺出各種pose,如露出長腿、與男同學雙雙嘟嘴,亦騎上一名男同學的膊頭上。現年22歲的豆得兒,來自四川都江堰,因清純可愛,古靈精怪而在微博,網絡上走紅,深受粉絲喜愛。而王思聰陪她到醫院進行婦科檢查,令她嫁入豪門的呼聲極高。新浪微博




來源: http://hk.apple.nextmedia.com/international/art/20170705/20079694
美圖 曬曬 思聰 新歡 畢業 了竟 騎上 同學 膊頭
PermaLink: https://articles.zkiz.com/?id=338294

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019