ZKIZ Archives


副總裁離職:情至義盡

1 : GS(14)@2016-02-04 17:16:32

■製作部副總裁趙汝強(中)昨離職,自言對公司狀況無能為力。曹家誠攝


【本報訊】亞視出糧日期一拖再拖,昨日下午亞視製作部副總裁趙汝強在亞視發言人黃守東陪同下,跟亞視門外的記者宣佈離職,自言對公司情至義盡:「我覺得自己已經無能為力,所以由今日開始,我光榮引退。」他隨即上車離開,未有回應傳媒提問。亞視前執行董事葉家寶昨日接受電話訪問時,表示跟亞視合約到3月完結,目前是離職前休假。他亦有聽聞亞視最新事態進展,呼籲勞資雙方克制,「因為我真係冇返亞視都個幾月喇,而家係放離職前休假,所以到底公司最近發生啲咩事,同埋佢嘅進展我都係聽聞,所以如果我去評價就好唔客觀囉。只不過希望雙方可以克制,大家共同去解決個問題同困難」。葉家寶透露自己仍未收到12月份薪金,亦聽聞部份員工亦面對同樣情況。




葉家寶希望亞視永恒

對於早前被判15萬罰款,葉家寶稱前日已經自掏腰包付錢:「噚日最後一日交罰款,15萬會追番公司嘅,因為嗰時公司講過係會負責㗎嘛,我希望最緊要盡快解決咗出糧先囉,等員工可以安心過年囉。唔單止係呢個,仲有我啲律師費,啲律師費仲未畀呀。」趙汝強昨日啟動了《僱傭條例》10A條自動離職,變相炒亞視魷魚,葉家寶認為每個同事都有自己的決定,亦尊重每個同事的決定。但他承認作為一名高層目前非常難捱:「我唔知道而家個即時問題喺邊度,係咪淨係資金困難係一半原因呢?定係仲有好多其他原因呢?我真係唔知道,所以唔方便去評價。」至於亞視能否捱到4月1日這個期限,他覺得取決於通訊局,但無論如何他都希望亞視可以永恒。■記者曹家誠





來源: http://hk.apple.nextmedia.com/news/art/20160204/19478779
副總 離職 情至 至義 義盡
PermaLink: https://articles.zkiz.com/?id=295217


ZKIZ Archives @ 2019