|
||||||
散戶聽到永義國際(616)個名,都會敬而遠之,事關呢間公司最出名嘅係供股。不過,最近一次供股,竟然一反常態,得到股東大力捧場,噚日公佈錄得超額認購逾14倍,真係世事無絕對! 與印商Raja口徑統一 相信近排上演嗰場官永義大戰印度商人Raja,大家仍然有印象。噚日華華問過永義大股東官永義同第二大股東Raja,對於今次供股活動有乜嘢意見。官永義話,呢次超額認購反映好多人都認為公司值錢。佢行使供股權,佔擴大後股本31.7%,維持原來權益。 Raja亦話,公司價值被低估,所以今次供股活動反應熱烈。佢自己已經全數行使供股權,相信亦可維持原來28%嘅權益。 諗唔到大家口脗咁夾,不過,永義噚日嘅股價就唔多應景,跌咗成8.65%,收0.475元,係第五大跌幅股份。 |
||||||