ZKIZ Archives


老爺揸Fit 老公失勢 諸葛紫岐衰多口

2012-10-11  NM




當年陳法拉老公、Neway大少薛世恒失寵,由細佬薛嘉麟坐正做揸fit人,統領家族的唱片業務;老婆諸葛紫岐最風騷,叫老公做「主席哥」,甚至以「主席夫人」身份,加把嘴插手公司大小事務。

新人事新作風,並非人人頂得順,公司內不少老臣子劈炮無眼睇;薛家老師薛濟傑收到風後,決定出關重掌業務,二少被「燉冬菇」只能做掛名主席,諸葛紫岐更加無得留低,出碟大計亦胎死腹中。有名無實

Neway二少奶諸葛紫岐早前出席馬會活動,繼續剃「大家嫂」陳法拉眼眉,叫自己老公薛嘉麟做「主席哥」,盡顯風騷,可惜歡樂時光過得特別快,薛嘉麟主席 位都未坐暖,已經失勢。「二少坐咗大少個位之後,話而家樂壇捧歌手嘅做法唔work,要用新方法,可惜幾年落嚟,一樣冇起色,班舊伙記好多都頂唔順,走得 嘅都走晒。」知情人士說。

Neway旗下的公司包括星娛樂、Neway Star,加埋原本有十多名員工,但去年開始陸陸續續離職,幾乎走剩一半,「二少成日話要用新方法,但乜嘢新方法又講唔出,之後連佢老婆諸葛都入埋嚟指指 點點,早排仲幫HotCha搞形象,乜都要插手,真係好難做。老薛生(薛濟傑)見公司走咁多人,知道管理一定出咗好大問題。」知情者說。

冇得出唱片

跟日本環球唱片有合約在身的諸葛紫岐,一直希望約滿後加盟老公公司,插手管理層,無非為出碟工作鋪路,只可惜愈幫愈忙,更驚動老爺薛濟傑。眼見生意毫無起 色,薛老爺先親自出馬邀請黃栢高(Paco)加入Neway做顧問,近月更逐步插手管理,重掌公司業務。老公被架空,諸葛紫岐的歌星夢也無奈叫停,「本來 佢已經開始籌備唱片,仲叫咗王友良搵倖田來未個唱片監製幫手,計劃晒以組合形式出道,不過老爺唔准佢再搞公司啲嘢,惟有全部叫停。」大計泡湯,諸葛為「打 圓場」,近日借支持中國反日為由,聲稱要擱置出碟計劃。本刊記者曾一連數日,在Neway的公司樓下等候,一直未見薛嘉麟返公司,即使上週三(十月三日) 公司開例會,同樣無影。記者致電薛嘉麟,可惜至截稿前仍未親自回覆,其公司宣傳公關黃先生則表示,薛老先生一直是公司的顧問,對業務一向關心。

每況愈下

薛家兩兄弟,因接管家族生意而暗鬥多年,薛老爺薛濟傑原打本給長子薛世恒大搞Neway唱片公司,後來因為失寵俾細佬薛嘉麟坐正。不過二少接管後,未能把業績起死回生之餘,走勢更加每況愈下!

踢走Regen

一朝天子一朝臣,曾跟大少薛世恒傳緋聞的Hot Cha成員Regen,一直深得大少寵愛,在二少接管公司後,被打入冷宮再食「無情雞」,結果要退出組合,執包袱去澳洲讀書。

炒吳日言

在大少年代加盟的歌手吳日言,遭二少清理門戶炒魷,慘變失業歌手。早前加盟王維基的CTI,由歌手轉做演員。

睇漏Chilam

張智霖是近年Neway旗下最似樣的歌手,但早前約滿,公司竟無主動「留人」,失策。

鄭融no show

鄭融開個唱,由去年講到今年,原定年底開得成,但二少計唔掂數,個唱終極泡湯。

老爺 Fit 老公 失勢 諸葛 紫岐 岐衰 多口
PermaLink: https://articles.zkiz.com/?id=38518

諸葛紫岐 1人 6證 10個名

1 : GS(14)@2011-12-24 15:13:27

http://hk.apple.nextmedia.com/te ... 462&art_id=15917965



驚現 6張內地身份證

原來, Marie除了是非多籮籮外,她的身份也如百變星君般多不勝數。昨日有人向本報記者提供 6張 Marie不同名字的內地居民身份證影印本,證件上的肖像同是 Marie本人,但就印上 3張不同照片及 6個不同名字,分別是葛文華、諸葛鑫鑫、諸葛一文、諸葛子文、葛依依和諸葛欣欣,證件上 Marie的出生日期雖然全都是 8月 20日,但年份卻有所不同,由 1978年至 1985年共 6個不同年份,至於報稱地址則屬北京 6個不同地方。
由於 Marie被指原名為諸葛一蘇,她入行時改名諸葛梓岐,至月前再改名諸葛紫岐,再加上有傳她曾取名諸葛逸樺,大大話話 Marie一人起碼有 10個名字,分分鐘拍得上電影中要以不同身份工作的特務 007。

...

神奇諸葛多假名

諸葛紫岐昨驚爆出有 6張內地身份證,名字和出生日期都不同。其實她入行以來也改過幾次名,出生日期也被指報流料。

姓名:諸葛紫岐 出生日期: 79年 8月 20日
姓名:諸葛一蘇 出生日期: 79年 8月 20日
姓名:諸葛一文 出生日期: 81年 8月 20日
姓名:諸葛梓岐 出生日期: 79年 8月 20日
姓名:諸葛逸樺 出生日期: 79年 8月 20日
姓名:諸葛鑫鑫 出生日期: 79年 8月 20日
姓名:諸葛欣欣 出生日期: 85年 8月 20日
姓名:諸葛子文 出生日期: 83年 8月 20日
姓名:葛文華 出生日期: 78年 8月 20日
姓名:葛依依 出生日期: 84年 8月 20日
2 : honey(6546)@2011-12-24 22:52:33

爆料者是何許人?點解會集齊佢d身份證?
3 : 龍生(798)@2011-12-25 18:42:02

要咁多個名做乜? 莫非係強國特工??
4 : GS(14)@2011-12-25 19:57:16

2樓提及
爆料者是何許人?點解會集齊佢d身份證?

他好似好處心積慮
5 : phemey(3929)@2012-02-07 18:53:12

我經常碰上諸葛紫岐及薛嘉麟.這星期日就遇上薛嘉麟
6 : honey(6546)@2012-02-07 19:20:40

5樓提及
我經常碰上諸葛紫岐及薛嘉麟.這星期日就遇上薛嘉麟

你地同一個堂口,一齊返教會?
7 : phemey(3929)@2012-02-07 20:23:11

No,在另外一些組織
8 : greatsoup38(830)@2012-02-07 20:36:07

7樓提及
No,在另外一些組織


是不是你在Blog之前提過的
9 : phemey(3929)@2012-02-07 20:40:02

應該冇,不敢亂講
10 : greatsoup38(830)@2012-02-07 20:49:22

9樓提及
應該冇,不敢亂講


又是一些乜乜會,唉
11 : honey(6546)@2012-02-07 21:42:16

咁諸葛紫岐究竟叫咩名先真?
12 : GS(14)@2012-02-07 21:43:15

11樓提及
咁諸葛紫岐究竟叫咩名先真?


在未發現真是假之前,他個名是真名
諸葛 紫岐 10 個名
PermaLink: https://articles.zkiz.com/?id=277024

諸葛紫岐闊太look睇黎明全身Chanel逾10萬

1 : GS(14)@2016-05-08 01:56:23

黎明演唱會最近成為熱話,每晚都吸引不少圈中人捧場,包括阿sa、Joey、Eason兩公婆、林嘉欣等等。日前,諸葛紫岐(Marie)更以一身富貴Chanel total look到場睇騷,身穿2016春夏系列的白色彩間背心及短裙,不過就未有跟足runway穿上同款背心外套,反而披搭了另一個春夏look的銀灰色tweed jacket,揹了同季的銀色圓形手袋,cyber味十足,Marie全身行頭索價超過10萬,絕對是闊太指標。





來源: http://hk.apple.nextmedia.com/entertainment/art/20160505/19598231
諸葛 紫岐 岐闊 闊太 look 黎明 全身 Chanel 10
PermaLink: https://articles.zkiz.com/?id=299878

【馮仁昭四圍超】諸葛紫岐襯衫除婚戒

1 : GS(14)@2016-09-09 05:09:15

諸葛紫岐同雷頌德夫婦前晚去咗中環出席《潮遊鏡花水月》首映,諸葛着上白紗透視裙,黑色內衣若隱若現,發現佢冇戴婚戒,佢話:「襯衫囉!」但諸葛上次同老公薛嘉麟出席活動,無名指有戴婚戒,佢話:「呢個問題咁毒嘅,其實都係要尊重佢。」問佢同老公有冇問題?佢話:「冇冇冇,上次佢都認晒錯,我好大方。」撰文:馮仁昭




來源: http://hk.apple.nextmedia.com/entertainment/art/20160908/19763615
馮仁 仁昭 四圍 諸葛 紫岐 襯衫 除婚 婚戒
PermaLink: https://articles.zkiz.com/?id=308214

諸葛紫岐反擊解約莊端兒

1 : GS(14)@2016-09-24 23:30:50

■諸葛紫岐的公司發聲明,否認莊端兒(小圖)的指控。資料圖片



莊端兒近日爆出與張致恒分手,又被揭曾結婚,前日她在記招宣佈跟經理人諸葛紫岐劃清界線,更乘機爆大鑊。諸葛紫岐旗下的星韜國際娛樂文化有限公司昨發聲明,指從未接納莊端兒單方面提出解約,並於上月9日向莊端兒代表律師發律師信,同時澄清莊端兒寫真集是由星韜娛樂找出版社投資推出,並否認莊端兒指公司要她做超越底線一事:「指控完全歪曲事實,尤其『超越底線』之說含糊不清,並無真憑實據支持。」此外,同門的呂晶晶撐諸葛紫岐,反擊莊端兒,她昨在微博怒斥:「人性真係好恐怖,深深體會『反轉豬肚』這句名言。」撰文:楊定




來源: http://hk.apple.nextmedia.com/entertainment/art/20160924/19780118
諸葛 紫岐 反擊 解約 莊端 端兒
PermaLink: https://articles.zkiz.com/?id=309865

莊端兒再爆seed大數諸葛紫岐曾捧打鴛鴦

1 : GS(14)@2016-09-25 10:28:19

■莊端兒昨聲稱諸葛紫岐不喜歡張致恒,曾製造分手新聞逼他們掟煲。資料圖片



星韜國際娛樂否認要莊端兒自資出寫真,莊端兒卻再爆公司要她夾幾千元影profile相:「我之前跟莊思敏做過model,影相唔使夾錢,但我問過已離職嘅前經理人,對方講要喺份糧扣。」她亦不滿諸葛曾棒打鴛鴦:「佢打嚟叫我分手,認為我可以搵個好啲,佢直接幫我出新聞逼分手。」


不滿逼分手

莊端兒指當時只得轉地下情,但近日難忍張致恒(Steven)偷食才真分手,不過甩拖的她前日竟披頭散髮離開二人的愛巢,她說:「呢度係我屋企,真係分手,佢被爆偷食嗰晚已立即執嘢走咗。」她又寸呂晶晶在其感情事上抽水:「喺我傷口撒鹽,博乜嘢。」




來源: http://hk.apple.nextmedia.com/entertainment/art/20160925/19781289
莊端 端兒 兒再 再爆 seed 大數 諸葛 紫岐 岐曾 曾捧 捧打 鴛鴦
PermaLink: https://articles.zkiz.com/?id=309982

Chanel忠粉諸葛紫岐着貓貓emoji新裝

1 : GS(14)@2016-11-20 23:52:08

諸葛紫岐前日去跑馬地出席《明周》48周年派對,穿反光的灰黑色圖案恤衫,配黑色傘裙、高踭鞋,典型的貴婦look。與一般阿太無異,諸葛至愛Chanel、Dior、Hermès這類經典貴牌,這晚去派對的恤衫就出自Chanel今個秋冬系列,光感十足的真絲上印有貓咪、CC logo、勝利V字手勢、山茶花等emoji圖案,有趣度up!配襯Van Cleef& Arpels的Alhambra系列四葉草motifs鑽石長耳環,食正大耳環熱潮,又不失貴氣。




來源: http://hk.apple.nextmedia.com/entertainment/art/20161119/19838629
Chanel 忠粉 諸葛 紫岐 岐著 著貓 貓貓 emoji 新裝
PermaLink: https://articles.zkiz.com/?id=316279

【馮仁昭四圍超】入稟法院討公道諸葛紫岐告莊端兒

1 : GS(14)@2016-12-07 07:41:13

■莊端兒9月開記招,聲稱8月已向諸葛提出解約。





諸葛紫岐曾力捧旗下性感女星莊端兒,可惜呢對賓主今年9月擘面,莊端兒喺記招上聲稱8月已向諸葛發律師信,單方面提出解約,佢當時爆料指所有事發生喺自資出寫真集之後,其中喺接拍電影《作家的謊言》上更有拗撬。



■諸葛紫岐噚日發聲明,指追究莊端兒嘅誹謗性言論。資料圖片

■莊端兒自資出寫真集,大晒惹火身材。資料圖片


聲明追究損失

諸葛事後回應話從來冇逼藝人去做唔想做嘅嘢:「合作講求彼此誠信,如果誠信出現問題,好難合作!」事隔超過兩個月,諸葛同星韜國際娛樂文化有限公司噚日喺微博貼出聲明,內容提到:「就近日莊端兒小姐透過不同媒體及召開記者招待會,所述有關諸葛紫岐及星韜國際娛樂文化有限公司(「當事人」)的誹謗性言論及惡意虛假行為,我們已委託資深大律師處理,於今天入稟高等法院,控訴莊端兒小姐,除了討回公道,並追究事件發展至今對當事人所帶來的傷害及損失。」諸葛噚日封嘴,莊端兒就透過好友迪子表示冇回應,佢嘅舊愛張致恒就以短訊回覆:「我唔方便回應。」撰文:馮仁昭




來源: http://hk.apple.nextmedia.com/entertainment/art/20161206/19856038
馮仁 仁昭 四圍 入稟 法院 公道 諸葛 紫岐 岐告 告莊 莊端 端兒
PermaLink: https://articles.zkiz.com/?id=318509

范萱蔚轉行做化妝師黃倩婷簽諸葛紫岐再做人妻

1 : GS(14)@2017-02-08 22:31:37

梁慧恩(Viann)係加入RoadShow做主持入行,之後拍埋電影同做埋綜合節目司儀。除咗佢之外,仲有邊啲大家久違了嘅女主播?佢哋又做緊咩呢?范萱蔚現年29歲嘅范萱蔚,04年參加舞台劇被經理人公司賞識,入行後佢仲做埋歌手,亦有喺RoadShow擔任主持。不過2010年後,范萱蔚轉行做化妝師,2014年仲同拍拖六年做私人教練兼舞蹈員嘅男友結婚,前年做埋媽媽o添!何恩欣見到呢個名未必知係邊個,不過講起佢英文名Yannes,相信好多朋友都記得當年佢主持嘅《週末爆機王》為觀眾介紹唔少電玩遊戲,而佢近年主要接司儀工作,亦不時出席活動。張紫櫻喺新城做DJ入行嘅車車(張紫櫻),早年加入亞視做配音及主持,2012年被裁後加入RoadShow主持至今。除此之外,佢仲會客串ViuTV節目。黃倩婷2007年參選亞姐入行嘅黃倩婷(Cindy),2009年離開亞視,翌年加入RoadShow做主持,直至去年佢簽約諸葛紫岐旗下嘅星韜。




來源: http://hk.apple.nextmedia.com/entertainment/art/20170208/19921682
範萱 萱蔚 轉行 化妝師 化妝 黃倩 倩婷 婷簽 諸葛 紫岐 岐再 做人
PermaLink: https://articles.zkiz.com/?id=326003

諸葛紫岐囝囝愛唱歌

1 : GS(14)@2017-02-19 13:59:59

諸葛紫岐與老公薛嘉麟(右二)昨晚帶同兒子薛華韜現身銅鑼灣的保良局活動,一家三口上台獻唱「一點燭光」。諸葛笑言兒子不怕羞兼好開心,問到平時會否安排囝囝學興趣班,她表示:「星期一至五返學已唔停咁學嘢,學語言嘅嘢;爸爸教唱歌,佢識唱簡單嘅兒歌。」記者笑言會否簽囝囝做歌手,薛嘉麟反指老婆係「偉大領導」:「出世紙就簽咗,最緊要玩得開心,自己鍾意返學就好。」




來源: http://hk.apple.nextmedia.com/entertainment/art/20170219/19932782
諸葛 紫岐 岐囝 囝囝 囝愛 唱歌
PermaLink: https://articles.zkiz.com/?id=327041

諸葛紫岐睇中王浩信

1 : GS(14)@2017-08-06 11:39:05

王浩信及諸葛紫岐昨日到灣仔BB展出席奶粉品牌活動,王浩信在台上分享近況時,笑謂要經常看老婆陳自瑤的社交平台:「三秒內要like。」諸葛紫岐表示對大伯薛世恒做藝人不知情,問她會否爭取大伯做旗下藝人時,她反而笑指對王浩信走漏眼:「睇吓有冇機會合作,條件佢自己開,畀張支票佢填,最緊要開心。」問到可以任填空白支票?王浩信說:「盲俠大律師咩?點會呀?畀我都唔敢亂填啦。」對於《踩過界》第二季網上已經有得睇,他直言會影響香港結局篇收視:「好無奈,但可以令多啲內地觀眾認識,港劇嚟講點擊率都算唔錯。」採訪、攝影:盧妹




來源: http://hk.apple.nextmedia.com/entertainment/art/20170805/20111819
諸葛 紫岐 岐睇 睇中 王浩
PermaLink: https://articles.zkiz.com/?id=339792


ZKIZ Archives @ 2019