ZKIZ Archives


「隧道霸王」榮智健硬搶紅隧

2005-5-5  NM




每年純利超過三億的東隧,本週日 開始加價六成七。身為東、西兩隧大股東之一的中信泰富主席榮智健在一片民怨載道下企硬加價,原來最終目的只有一個,就是要製造紅隧大塞車,逼政府就範,賤 讓紅隧,完他一統三條海隧大業的夢想。面對這個「隧道霸王」,難怪環境運輸及工務局局長廖秀冬接受本刊訪問時也按捺不住,暗寸榮智健,「今時今日嘅上市公司唔 可以淨係講賺錢,都要講企業責任同公民責任。」「好緊張,呢幾日都好緊張,今朝六點幾就喺電台呼籲,都算冇事啦!」本週二清晨六時許,一開收音機就聽到環 境運輸及工務局長廖秀冬的呼籲:「早啲出門口,今日盡量搭公共交通工具,唔好自己揸車。」這天上班、上學一族都如臨大敵。一小時後,電視上見廖秀冬又緊張 地在灣仔紅隧入口處巡視交通情況。下午一時,她接受本刊訪問時已掩不住倦容。極倦的廖秀冬對今次加價事件似乎不吐不快,接受訪問時主動暗寸中信泰富主席榮 智健無社會責任。「今日社會,企業要有承擔,唔係淨係賺錢,全世界大上市公司,都係同市民、同政府合作得好。我覺得企業社會責任,係現代社會必須要有㗎,我唔相信社會接受一個完全漠視民意,漠視社會需求的公司。」被廖秀冬暗寸的榮智健現年六十三歲,被稱為「榮太子」,他的祖父是中國綿紗大王榮德生,父親榮毅仁更曾是國家副主席,所以榮智建一直與中方關係良好,被視為紅色商人,更被選為中國首富之一。他坐擁資產值五百一十三億的上市公司中信泰富,亦是東隧和西隧的大股東之一,而今次東隧加價,他正是始作俑者。「佢(榮智健)助手范鴻齡嚟開會(傾東隧加價),態度好囂張,佢話:『如果你叫我唔好加價,我想話呢個問題已經concluded(作了結論)。』即係唔使再傾。」環運局一名知情人士透露。

點 解紅隧唔塞車本週二,東隧加價的首個工作天,各方嚴陣以待,恐防紅隧癱瘓,但出乎意料,紅隧比平時更暢通,除了市民合作,提早出門及乘搭公共交通工具外, 原來最厲害的武器是政府調控交通燈號「閘車」,控制車流。當日,不少職業車司機都指在彌敦道及窩打老道一帶的紅燈時間明顯比往日長,所以該路段亦出現輕微 擠塞。運輸署發言人亦承認,週二早上九時前曾先後兩次在彌敦道調控交通燈,但否認為了控制紅隧車流。雖然上述措施非為控制紅隧車流而設,但環境運輸及工務 局長廖秀冬卻承認,為應付東隧加價而可能造成的大塞車情況,政府在全港不同地點的交通燈上「做手腳」,改變交通燈訊號的長短來控制車流。她更強調,這是針 對非常時期的非常措拖。

榮智健好惡這也難怪,當年批出東隧專營權的合約條款模糊,只訂明經營者可以在指定年期得到合理回報,即使政府否決加 價申請,也可以交由香港國際仲裁中心裁決。今次裁定東隧可加價,正是因為九七年,香港國際仲裁中心裁定東隧應可有百分之十五至十七的回報率。「東隧認為佢 係蝕頭賺尾,因為開頭八年係無錢賺,○二年申請加價五蚊又唔得。佢哋今次提出其中一個理據係,如果以一九八六年建隧道時計,當年利息有成十幾廿厘,放落基 金都有十幾個百分比利潤,今次加價只係pick up return(追回收入)。」知情人士透露。對於裁決結果,廖秀冬都說是時不我與。「其實,今次仲裁時,我哋都有要求將回報率調低至百分之十二至十四。好 不幸,個官判時已經係○四年第四季,佢睇到恒指上番一萬四千點,認為成個經濟起飛緊;同埋佢認為五、六年嘅經濟低迷,相對一份三十年嘅合約,唔算好 significant(影響好大),佢要咁判,我都冇辦法。」不過,商界一直懷疑,政府敗訴是刻意「鬆章」,因為政府都想借東隧加價,順勢將紅隧同東、 西隧合營,解決車輛分流問題。對這個講法,廖秀冬答得曖昧。「呢個我好難答,你最好講俾我聽,如果有啲咁嘅事可以講得出substantial(實料), 我都好想知道,你哋有冇多啲資料?我會好歡迎。」國際仲裁的結果令榮智健如虎添翼,政府曾要求東隧延遲加價,但中信泰富都不肯讓步。「佢話我哋(政府)已 經由○二年拖咗佢兩年幾,佢要追番,我哋根本唔夠時間做嘢,後尾先肯的士遲兩個月,小巴七月先實施,但已經叫做極限,冇得再讓。」廖秀冬坦言談判很困難。

志 在紅隧榮智健企硬加價,令東隧每年收入增加逾一億元。不過,他真正的目的並非這區區一億元,而是每年有六億多元盈利的紅隧。「東隧咁加法,啲車谷晒去紅 隧,紅隧梗係亂,到時佢哋(中信泰富)咪大條道理建議攞埋紅隧,將三條隧道一齊經營,分流啲車,咪唔會塞死一條隧道囉!」運輸署一名官員說。為得紅隧,中 信泰富早於九七年已作部署。九七年開始,中信泰富先不斷增持東隧股權,至今已成東隧最大股東,持逾七成股權;九九年,中信泰富旗下的香港隧道及高速公路管 理有限公司便投得紅隧的管理權,所以中信泰富其實已一步一步「進駐」紅隧。到了○一年,便開明車馬問政府攞紅隧,建議將紅隧與東、西隧合組聯營公司, 劃一收費,解決紅隧擠塞問題。這個建議驟看不俗,但其實是要政府免費將紅隧拱手相讓。「○一年時,紅隧仍收緊十蚊(的士、小巴及單層巴士),未加過價,當 時佢哋就假設紅隧冇得加價,認為紅隧賺唔到錢,冇價值,所以就唔肯用錢買。」廖秀冬透露。對榮智建來說,這個確實是如意算盤,事關他擁有的西隧不單負債五 十七億元,而且目前仍然虧蝕。根據○四年資料,西隧每年約有六億五千萬元收入,扣除四億一千二百萬元的負債利息及營運開支,剩餘的二億四千萬仍不足以繳付 債項。據西隧的資料,現時該隧道的累積虧損達二億一千三百萬元。至於東隧,每年約有三億元盈利,但仍不足以幫西隧填債,榮智健看準每年有六億多元的紅隧, 一旦將三條隧道合併,西隧可立即脫債,其五十七億債項會轉給合營公司;其次三條隧道合併後,總盈餘更可達十億元,屆時西隧不單可轉虧為盈,東隧盈利亦會上升。

如 意算盤打不響不過,政府都不笨。「佢夠膽提出零價錢俾紅隧佢,而家佢揸住兩條已經咁惡,俾佢揸埋紅隧,咪俾佢掐住條頸。」知情人士說。事實上,政府亦不可 能免費送上紅隧,因為現時政府發行的「五隧一橋」債券,主要賺錢的只有紅隧,一旦政府失去這隻「金蛋」,不單每年少收六億八千萬元,而且隨時要用五十多億 元贖回巿場上的債券。如意算盤打不響,中信泰富就在○二年申請加價,加幅更高達三成三,但至○四年底裁決後,因要追加過去兩年半應有盈利,最後加幅達六成 七。廖秀冬也承認:「佢(中信泰富)係想攞紅隧,佢都公開講咗,做生意梗係咁。但係我哋政府點可以隨便將公帑,公家擁有資產賤送、賤賣。」要解決隧道加價 的計時炸彈,政府明言不會斥資回購東、西隧,最可行的方案仍是將紅隧同東、西兩隧合營,延長東隧專營權。廖秀冬承認與中信泰富談判多時,但雙方在多方面, 包括汽車流量、營運期、內部回報率等全部都有分歧。「呢啲談判有得亦有失,又唔係佢賺晒,所以傾咁耐。如果我咩都俾佢,今日都傾完啦,你要維護公眾利益, 唔可以俾佢賺晒。」廖秀冬說。中信泰富企硬,政府又不想蝕,廖秀冬坦言談判不知何時了,只嘆:「我係咁㗎啦,我對商界一樣企硬。」

東隧加價 事件簿95:東隧以無法達到15-17%的合理回報,申請加價一倍,但被行政局否決。1/96:東隧將加價申請提交獨立仲裁人仲裁5/97:仲裁人裁定東 隧可加價,私家車及的士收費由10元加至15元,其他種類車輛收費加幅亦高逾五成;並建議每約5年增加收費5元,及在03年實施第二次加價,唯有關建議沒 有約束力。9/02:東隧向行政長官會同行政會議申請由03年1月1日起加價三成三。7/03:政府否決有關申請,八月,東隧將加價申請提交獨立仲裁人仲 裁。1/05:政府收到仲裁人的裁決,東隧的回報率未達到15-17%的指標,獲准加價。東隧於五月一日實施新收費。

職業車司機心聲貨櫃車司機山哥「我公司每日俾多四千八百元」「今次東隧加價,老細『焗住俾人搶』,如果頂唔住,炒人執笠,到時咪又係累死我哋!」山哥說,貨櫃運輸公司大多先與客戶以包運費、隧道費等全包形式簽約,所以東隧增加的收費就要運輸公司承擔。「以我所屬嘅公司來計,四十部貨櫃車就算一日走一轉,隧道費每日就增加四千八百元。」

的士司機袁志華「冇晒啲過海客啦!」「今次加得實在太離譜,乘客坐一程就俾多廿蚊,平時啲過海客今日都唔敢搭,有幾個客本來日日由順天邨坐去太古坊,今日 就只係坐去藍田地鐵站,$26.2搞掂。八折的士已經搞到我哋好傷,而家又無晒刋過海客,一更只係搵到五百零蚊,扣埋租錢、石油氣錢,實際只係得二百蚊收 入,遲早真係唔使做、唔使食!」


隧道 霸王 榮智 智健 健硬 硬搶 搶紅 紅隧
PermaLink: https://articles.zkiz.com/?id=22509

港島走失 主人焦急小狗紅隧過海 三市民懸紅兩萬助尋犬

1 : GS(14)@2015-06-15 00:22:31

■小狗阿拉丁在港島流浪16日後,本月7日凌晨從紅隧由港島過海至九龍,之後失去蹤影。互聯網


【本報訊】一隻10個月大的混種狗,上月獲動物組織安排到北角寶馬山一家庭暫養,其間走失不知去向,小狗流浪兩個多星期後被人發現由港島沿紅隧過海到九龍,之後失蹤至今,狗主焦急萬分,在facebook張貼尋狗啟事後,獲熱心巿民資助兩萬元懸紅尋犬,希望有心人提供線索。記者:洪藹婷



上月走失的黑白色混種狗阿拉丁(Aladdin),10個月大,約15公斤重,屬中型雄性犬。原於漁護署狗房接受照料,約6星期大時轉交香港救狗之家(Hong Kong Dog Rescue,簡稱HKDR),在南丫島生活等待合適狗主領養,同胎3隻狗女先後被人領養,其中一隻Gaby去年10月由周小姐領養,並帶返北角寶馬山賽西湖大廈家中生活。


■暫託狗主周小姐曾帶着阿拉丁妹妹Gaby在寶馬山四處找尋。

先後現身灣仔中環

至上月17日,周小姐又將阿拉丁帶回家中暫住,原定24日出席公開領養活動找尋新主人。周小姐表示,阿拉丁在其家中生活了6日,至上月22日下午3時許,菲傭帶阿拉丁出外散步時,阿拉丁突然甩開菲傭手上狗繩,沿金督馳馬徑往山上跑去。周小姐事後向HKDR求助,義工在寶馬山貼街招,與其創辦人Sally沿山上尋找,阿拉丁一度被大廈保安發現在家附近徘徊,未幾又狂奔離去。之後有人先後發現牠曾在銅鑼灣高士威道、灣仔酒吧區及中環紅棉道出現。直至上周日(7日)凌晨3時許,有人駕車駛經紅磡海底隧道時,發現一隻黑白色混種狗由港島沿紅隧走往九龍,周小姐收到消息後前往紅隧管理公司翻看錄影片段,相信該小狗便是阿拉丁,但至今仍未找回牠,甚為擔心。周小姐在fb發佈阿拉丁走失消息後,近日有3名熱心巿民願意合資兩萬元懸紅尋犬,若提供失狗出沒的相片亦可獲1,000元獎金,周小姐表示感激萬分,希望可以盡快尋回阿拉丁。





來源: http://hk.apple.nextmedia.com/news/art/20150614/19183675
港島 走失 主人 焦急 小狗 紅隧 隧過 過海 三市 民懸 懸紅 兩萬 助尋 尋犬
PermaLink: https://articles.zkiz.com/?id=290838

劉德華炸A貨紅隧

1 : GS(14)@2016-07-06 07:59:02

■劉德華大讚搭建的假紅隧仿真度十分高。


邱禮濤執導、劉德華主演的《拆彈專家》日前已經煞科,最後的煞科戲是在紅隧拍攝大爆炸場面,但紅隧每日交通繁忙,當然不可能借出來拍爆炸場面,電影公司只可搭建一條假紅隧來拍,看過這假紅隧的人,包括華仔都讚仿真度相當高,他笑說:「喺假紅隧拍戲,以為自己喺紅磡!」


■拍完煞科戲後,華仔與邱禮濤及劇組人員開香檳慶祝。


當晚拍攝煞科戲時下着大雨,拍畢已是凌晨時分,工作人員都好開心可以收工!華仔與邱禮濤於「紅隧」管道口開香檳慶祝。提到這條經過近兩個月搭建的紅隧將會拆走,華仔有些不捨:「有啲嘢唔走,另一啲嘢就唔嚟,或者下次我哋搭建其他嘢。由上次中環到今次紅隧,希望香港電影越來越國際化,達到我哋自強不息嘅理念。」撰文:鍾國仁





來源: http://hk.apple.nextmedia.com/entertainment/art/20160705/19681224
劉德華 貨紅 紅隧
PermaLink: https://articles.zkiz.com/?id=302579

【馮仁昭四圍超】劉美君海報下架 紅隧Ban噬樣

1 : GS(14)@2017-07-01 09:53:47

現年52歲嘅劉美君,喺80年代憑大膽情慾歌《午夜情》爆紅,之後嘅《最後一夜》、《愛是無涯》等都好受歡迎,08年喺紅館舉行處女演唱會後,相隔九年,將喺10月14及15日再踏紅館舉行「劉美君千色演唱會」。不過,據知劉美君嘅個唱海報,竟然被紅隧以驚嚇為由強迫下架!呢張海報有兩個劉美君,一個係烈焰紅唇靚樣,另一個係噬大口嘅猙獰表情,效果出位。據了解,有關當局認為海報或會令人產生幻覺、驚嚇,擔心會造成交通意外,所以唔能夠通過審批。海報概念原意展現劉美君多變一面,對於海報被禁,劉美君以短訊回覆:「第一下反應係愕然,突然間被ban咗張海報,但係再諗吓係開心嘅,因為貫徹劉美君係要被ban吓。」



■劉美君嘅海報被紅隧以驚嚇為由下架,要改潔淨版(右圖)出街。


怕造成意外


劉美君所屬環球唱片發言人表示:「上個禮拜四(22日)收到通知,都冇辦法,因為呢個係當局監管機制,怕會造成交通意外,公司惟有配合,重新設計另一款海報。」為咗可以如期喺今日出廣告,環球喺短時間內重新提交新版本,劉美君面上嘅驚嚇影像被消失,表達唔到海報原意!




來源: http://hk.apple.nextmedia.com/entertainment/art/20170629/20071873
馮仁 仁昭 四圍 劉美 美君 海報 下架 紅隧 Ban 噬樣
PermaLink: https://articles.zkiz.com/?id=337223


ZKIZ Archives @ 2019