ZKIZ Archives


電視撈飯: 展鵬祥仔連環撞車 孖住上香

1 : GS(14)@2013-10-14 16:40:23

http://hk.apple.nextmedia.com/entertainment/art/20131014/18462453

                陳展鵬、鍾嘉欣同阮兆祥主演嘅電視劇《巨輪》而家晚晚播,套劇播出以嚟似乎唔係好順利,成日俾觀眾彈穿崩,出現時空穿梭。唔只咁,近日劇中主要演員仲接連出事,繼上月底嘉欣BB拍另一部劇受傷之後,展鵬同祥仔接連兩日都遇到交通意外,所以噚日去澳門媽閣廟宣傳,入廟拜神上香時佢哋三個都特別神心。

護送嘉欣BB

                噚日《巨》劇一班演員展鵬、祥仔、嘉欣BB同貝安琪等人坐船過澳門宣傳,展鵬揸住佢架百萬名車,載住嘉欣BB去緊上環信德碼頭,準備會合大隊時,同一架的士發生碰撞,最後展鵬要坐直升機過澳門至趕得切。稍後喺媽閣廟宣傳時,吸引咗唔少澳門fans到場舉牌支持,一班演員仲呼籲在場fans上網投票,參加「我至like角色」活動,之後一班演員入咗廟拜神上香。

                                                                                               
            ■展鵬架過百萬積架跑車同的士喺干諾道中發生意外。讀者提供照片            ■展鵬載住嘉欣去碼頭其間撞車,之後報警處理。
攝影:胡恩宏
          
                                                                                                                       嘉欣講到單意外話好在冇人受傷,仲讚展鵬好照顧自己,佢話:「意外發生之後展鵬叫我上船先,佢留低處理。」至於當事人展鵬就話自己架車只係花咗少少,佢話:「架車買咗全保,同的士司機有共識,返到香港會同佢聯絡。」另外,前晚同人撞車嘅祥仔話撞車剎那感覺好奇怪,佢話:「打完白鴿轉架車滑行,我心諗千祈唔好劃花塊面。」事後佢仲幫對方司機搵拖車,亦不忘宣傳送埋自己演唱會飛畀人。
電視 撈飯 展鵬 鵬祥 祥仔 連環 撞車 孖住 上香
PermaLink: https://articles.zkiz.com/?id=283926

祥仔攬媽咪爆喊

1 : GS(14)@2016-05-24 10:27:41

阮兆祥一連三場在灣仔伊館上演的「硬食放題棟篤笑」,前晚圓滿結束,在尾聲大會安排了一隻乳豬為祥仔預祝昨日49歲生日,二十多名祥仔好友一擁而上到台上跟祥仔賀壽,祥仔媽媽擁抱祥仔激動落淚,祥仔台上說:「生日對我來講唔係好大件事,最重要係媽咪喺我身邊,佢生我,最辛苦係我媽咪,所以一切榮耀歸於媽咪,同埋我嘅團隊都好錫我。」之後連祥仔都忍不住喊了出來。祥仔完騷後接受訪問,被問到會不會結婚讓媽咪更開心,他說:「媽咪畀我自由度好大,其實我成日同大家講,日子揀好,但年份未定。」祥仔女友Crystal怕醜不敢上台,他說:「佢唔係圈中人唔想上鏡。」採訪:卓寶花攝影:陳順禎





來源: http://hk.apple.nextmedia.com/entertainment/art/20160524/19624545
祥仔 仔攬 媽咪 爆喊
PermaLink: https://articles.zkiz.com/?id=301279

摩天輪下蹺手談情 祥仔毛姐109歲之吻再現銀幕?

1 : GS(14)@2016-12-06 03:56:19

大家仲記得嘛,喺不久之前,無綫為觀眾上映咗一幕世紀之吻,唔係因為經典,而係因為咀嗰兩個人加埋有109歲,講緊嘅係52歲黎耀祥同57歲毛舜筠喇!但呢個世紀之吻好可能唔會再有得睇,因為《愛.回家之八時入席》將會喺明年1月散席,呢個月中煞科。雖然早前有傳毛舜筠同劇組唔係太配合,結果喺無癮嘅情況下,向曾勵珍請辭,唔肯續約添食!不過話晒係專業嘅演員,又點會俾呢啲嘢影響工作,爛尾收場?而喺大前晚9點左右,一班演員就去到中環摩天輪拍戲,拍攝一場好浪漫嘅聖誕節戲,主角當然就係世紀情侶黎耀祥同毛舜筠啦,佢兩個主角拍談情拍拖戲,兩個喺浪漫氣氛下,邊行邊傾,當大家都好期待109歲嘅世紀之吻,哎,再一次失望喇,因為呢場戲佢哋兩個冇鍚,真係浪漫變浪費。話晒摩天輪係一個景點,當然有唔少人去現場遊覽喇,再加上有明星喺度拍戲,所以現場吸引咗唔少人圍觀,劇組方面都有晒安排,出動吊臂喺高空拍攝,唯一最大嘅問題,係現場太近海邊,時不時吹起大風,吹到啲演員啲頭髮亂鬼晒,不過大家都冇理,繼續爭取時間埋位拍攝。著晒聖誕衫嘅湯盈盈,唔駛埋位見嗰陣,好嘆咁坐喺度食嘢,唔知真係以為佢開緊party!




來源: http://hk.apple.nextmedia.com/entertainment/art/20161205/19855700
摩天 輪下 手談 祥仔 仔毛 毛姐 109 歲之 之吻 再現 銀幕
PermaLink: https://articles.zkiz.com/?id=318345

老竇提供12萬Daytona 310萬McLaren辣跑黎耀祥仔富貴約女

1 : GS(14)@2017-07-09 03:55:15

■黎耀祥認與囝囝Kirk共用金鋼Daytona錶及跑車。資料圖片



現年53歲的黎耀祥自09年問鼎視帝後,事業一帆風順,收入亦翻了幾番,20歲兒子黎正橋是其心肝寶貝,當然可以分享父親「成果」,不但可借戴父親12萬金錶,亦可隨意駕駛310萬辣跑約女去街,一於老竇搵錢,仔享福!



黎耀祥三度問鼎視帝,吸金力絕對強勁,密密做密密賺,已由深井搬入上水,雖然獨立屋只是租住,但據知祥仔亦有買樓收租,買車更是祥仔的嗜好,近年更由日本車轉買歐洲車,而且越買越豪,300多萬買辣跑亦無手軟,還不介意與寶貝仔黎正橋(Kirk)共用。



■在美國讀書的Kirk亦以幾十萬的「大黃蜂」代步。微博圖片

■黎耀祥兒子Kirk今年4月在facebook晒310萬紅色McLaren跑車(右)。


今年初購入

不過,昨日有周刊報道,指年僅20歲的Kirk,原來不時都在社交網炫富。今年4月,Kirk曾在社交網貼了一張有數架跑車的相片,有朋友留言問哪一架是他的,他即留言回覆,指其中一架紅色、價值310萬的McLaren辣跑是他擁有,朋友又問他價錢是否要「1,200,000?」,他便回應「x3」,意思是要三倍。其實早於去年9月,他已上載自己在美國駕駛的大黃蜂Camaro座駕,有朋友好奇留言說「You are so rich」,Kirk則回覆「美國冇稅」,似乎對錢銀並不太在意。根據運輸署紀錄,這架價值310萬的紅色McLaren,是祥仔今年1月以公司名義購入,這間公司董事,除了祥仔和太太梁耀蓮外,兒子Kirk也是董事。除了駕駛幾百萬跑車四圍去,Kirk亦被影到跟貌似湯洛雯、名叫Christy的女朋友到快餐店醫肚,當時Kirk手上戴着約值12萬元的勞力士金鋼Daytona。



■Kirk的女友Christy,是他中學時師妹。互聯網圖片

■Kirk戴的金鋼Daytona約值12萬。


視花邊新聞

對於囝囝辣跑加名錶上身,祥仔昨日透過短訊回覆傳媒:「有睇囝囝新聞,車同錶係我所有,借兒子共用。」祥仔續謂:「現在南京做《風雲》音樂劇。其實只是花邊趣聞一則,不多回應了!謝謝妳!有空再聊!」然而,祥仔其實不止一次讓兒子駕駛其座駕,Kirk18歲考獲車牌時,祥仔已將自己的寶馬房車給他使用,當時Kirk載着媽媽好友、李麗珍的愛女許倚榕兜風,慶祝成功考獲車牌。採訪:楊定




來源: http://hk.apple.nextmedia.com/entertainment/art/20170707/20081195
老竇 提供 12 Daytona 310 McLaren 辣跑 跑黎 黎耀 耀祥 祥仔 富貴 約女
PermaLink: https://articles.zkiz.com/?id=338610

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019