ZKIZ Archives
股票掌故
香港股票資訊
神州股票資訊
台股資訊
博客好文
文庫舊文
香港股票資訊
第一財經
微信公眾號
Webb哥點將錄
港股專區
股海挪亞方舟
動漫遊戲音樂
好歌
動漫綜合
RealBlog
測試
強國
潮流潮物 [Fashion board]
龍鳳大茶樓
文章保管庫
財經人物
智慧
世界之大,無奇不有
創業
股壇維基研發區
英文
財經書籍
期權期指輪天地
郊遊遠足
站務
飲食
國際經濟
上市公司新聞
美股專區
書藉及文章分享區
娛樂廣場
波馬風雲
政治民生區
財經專業機構
識飲色食
即市討論區
股票專業討論區
全球政治經濟社會區
建築
I.T.
馬後砲膠區之圖表
打工仔
蘋果專欄
雨傘革命
Louis 先生投資時事分享區
地產
磨銀8年設計師磨出$8萬「真銀」
「只要有恆心,鐵杵磨成針。」咁講,好似好老土,但正是我搞呢盤生意的心路歷程。
我叫姜漢昇,今年三十一歲;我日磨夜磨,話咁快磨咗八年。無錯,我開咗間專「磨」銀器首飾嘅鋪頭Silver Smith。當初月賺只有三、四千,家用俾唔到,連女朋友都睇我唔起﹗我咩都無,有的只是恆心。由對銀器認識不深,到拜師學藝,躲在工場日做夜做,設計令人欣賞的作品,最終由淘大商場跳上山頂廣場。近月,創意工業基地元創方PMQ開張,我鋪頭亦有幸進駐,連同另外三間分店,月賺近八萬元,仲終於俾到家用啦!
我的創業故事,源自女朋友離我而去!這,就是男人的浪漫。
自小我已不愛讀書,只愛畫畫,畢業後做過售貨員,又加入過廣告公司。當時正值沙士,究竟真的經濟差,還是我黑仔?我去哪間做、哪間就執笠。後來我貪平租,在淘大商場創業徑賣自家設計T恤,日做夜做,實質賺的只有三千元。當時我和家人同住,沒本事給家用,女朋友又只想嫁人。見我收入微薄,與她要求太遠,結果被她狠狠地,「飛」了。
想發奮的我,四出找出路。有次走到維園逛跳蚤市場,我遇上銀器師傅Abram。大家閒聊,同是天涯淪落人,他說他的生意也不好,我便讓Abram在我的T恤店寄賣銀器首飾。而我每天收鋪後,會去他的家,學習將白銀打磨成銀器。學得耐,愈覺得銀器比賣衫更有可為。賣衫要同一款式準備大、中、細碼,存貨成本及去貨壓力大;賣銀器,即使滯銷,也可以熔掉,回收當中八成白銀,鑄造新的首飾。所以,我決定把時裝店結束,開設銀器首飾店Silver Smith。
千揀萬揀揀錯場
造銀器,基本原理很簡單,就是先燒熔白銀,放入長方、正方、圓形等基本模具定形,再用器具塑造出各種形狀及花紋,其間不斷經歷加熱和冷卻。方法雖一樣,但設計卻可千變萬化。坊間一般銀器店,都是由日本、韓國等入貨,千篇一律。我自問設計「破格」,夠膽將傳統圖案,如舞獅的獅頭、十二生肖及剪紙圖案,交深圳廠製成模具並製作。至於簡單的款式,如通花戒指,就有Abram幫忙,不過他一天只能做十多隻,複雜一點的新設計,分分鐘大半個月才完成。計及製造時間和材料成本,大部分首飾的售價,在五百多元至一千二百元之間。我知記者有問Abram為何這麼幫手,他只答:「我有難時投靠過阿昇,總之互相幫忙啦!」Abram真是好兄弟! 剛開業時,我以為銅鑼灣是商業區,人流暢旺,揀了銅鑼灣地帶開店,貪租金平,場內其他店舖又夠潮。怎料開舖幾個月,天天等運到!那裡人流遠不及鄰近的金百利,而且以學生居多,消費力弱,嫌我的產品太貴。我唯有把貨放在格仔鋪寄賣,希望增加銷售渠道。開始時,每月的確多幾千元,可是半年後,有些格仔鋪主竟然拖數、甚至走數。為追數,我還要出律師信和告上法庭,如是者搞了半年,才追得回數萬元。幸運的是,在那段時間,珠寶連鎖品牌Mabelle的同系公司MBlife,看中了我設計的玫瑰花擺設,邀請我在他們網站寄賣。其實,這個網站「好濫」,飾物售價由三百到幾千元;由銀器到寶石都有,他們旨在吸人流。我不一定突圍,但一試無妨,結果每月額外賺多四千。有時做人多瓣數,這裡賺一點,那裡賺一點,就密食當三番啦!
搬上山頂吸遊客
只是創業頭幾年,依然搵得一萬幾千,身邊的打工仔朋友,個個人工都高過我,我成日質疑自己:「值得嗎﹖」但望著自己的作品,我深信欠的只是一個機會。不久之後,恆隆集團的山頂廣場裝修,想引入本地首飾品牌,並來到銅鑼灣地帶搵租客,竟然找到我!我跟他們的租務主任商談租約時,提起我曾在淘大商場(同樣由恆隆發展)、每月搵三千蚊的辛酸史,既然是「舊租客」,租鋪的事這就傾好了!這裡,成為了我生意的轉捩點。由於我設計傾向中國風,而山頂外地遊客多,我的設計很受歡迎。這班客人,消費力較高,而且以旅遊心態購物,喜歡就買,我的收入增至兩萬多三萬元。那兩年間,我死慳死抵儲了數十萬,先在沙田連城廣場增設第一間分店,又在上月底於尖沙咀開第二家,逐步在遊客區「插旗」。來幫襯的客人,都喜歡我的設計特別。我聽到客人Carey對記者說:「呢度嘅款較街外特別,手工更加精細,唔易同外面重複。設計同手工對比價錢,算抵。」譁,開心得我!擴張過程中,我沒有向銀行借一分一毫。不過擴張的難題是,我產品全是人手製作,Abram根本難以負荷,因此我物色另一間內地銀器廠幫忙,把部分工序,或凡是需要鑲嵌的飾物,都交由該廠房負責。我認為,對的產品找到對的客路,就可由逆境變順境,起碼我這盤生意就是這樣。
進駐元創方拓展
去年,位於上環警察宿舍舊址的元創方,工程將近完成,正引入商戶。這商場與眾不同,目標商戶大多是本地設計師,這種氛圍十分吸引我。加上租金便宜,三百多呎的鋪,月租只是二萬多元。作為設計師,能夠進駐元創方,就如創作歌手找到夥伴一同在紅館開show一樣。為此我寫了一份幾十頁的計劃書,打算開一個新的副線品牌Metalwork,賣更有創意、更大膽的設計!這次我用真的西蘭花做模具,在西蘭花身上包上一層石膏,並在開口注入高達攝氏一千二百度的銀漿。石膏可抵熱,而銀漿的高溫則會將西蘭花燃燒殆盡,待銀漿冷卻再剝離石膏,就成為栩栩如生的西蘭花銀器飾物。你還會在我店內看見八爪魚手鐲。這真的是用八爪魚來做!此外,我會先用3D軟件,製作松鼠、白兔等動物的公仔影像,再交由3D打印公司列印出來,製成模具,做成動物銀器,鑲嵌在戒指等飾物上。這個創意令我獲得面試機會,前後花了一年,終於獲批加盟,上月新店開業。這裡有不少資深的本土設計品牌,如Chocolate Rain。能夠和這些設計師平起平坐,可以提升Silver Smith的品牌形象,我真是興奮到彈起!來這裡逛的客人,都是有心人,支持本地創作。上週,有個來自上海的女生,看見我店裡鑲了熊公仔的指環,形狀可愛,她試一試,已立即買來當旅行的「戰利品」。開業一個月,單是這間鋪已有接近一萬元盈利。雖然每間鋪平均只賺萬多二萬元,某一項成本上漲便是挑戰。但現在我有足夠能力俾家用,有今天這樣的成績,我想多謝當年的那個她!
營業資料(05/14)
營業額^:$500,000租金^:$170,000人工*:$100,000入貨$:140,000雜費$:15,000盈利$:75,000^包括山頂、元創方、尖沙咀和沙田店*4名全職員工,3名兼職員工
開業資料(10/06)#
租金^:$80,000裝修:$60,000入貨:$50,000雜費:$10,000總投資:$200,000#元創方鋪^三按一上
80後改裝旗袍變潮著搵真銀
如果說藝術家做生意一定蝕錢的話,那麼Janko(林春菊)的「新裝如初」是個異數。Janko有
典型藝術家脾氣,問她經營數字也「模模糊糊」;而她這家專門改裝旗袍的鋪頭,還要開在被指「人流不似預期」的PMQ商場。這樣計數,預期一年內應可執笠。
偏偏Janko卻在擴充,她想到以牛仔布設計「牛仔旗袍」,深受八、九十後歡迎。進而在今年六月,於柴灣開班教授長衫製作,讓學生做出獨一無二、自己的旗
袍。這樣雙線發展,月賺近四萬元。
Janko對錢銀不算看重,她說:「出份糧夠自己使就得,加上平時都冇咩時間去旅行,所以無咩所謂。」Janko每次生意變陣,都因「迫不得已」。她於○
八年在明愛白英奇專業學校畢業,後加入TVB做時裝設計,誤打誤撞做古裝,曾負責電視劇《巴不得爸爸》的戲服。雖然電視上的古裝都分不到朝代,而且設計好
似件件一樣,但Janko卻很滿足:「好充實!因為人手唔夠咩都要做。設計、選料同製作等每個工序都要跟。」不過Janko不甘心在TVB無發揮,離開後
她想創業,發現一般時裝市場的競爭太大,國際品牌分店度度都有,「我哋本土嘅無論價錢或質素都比不上,好難脫穎而出。」Janko曾於一一年的設計比賽中
獲獎,一二年又被邀展覽時裝作品。該作品展以環保為主題,Janko靈機一觸,認為有「賣點」就有生存空間。她找了一位香港的旗袍老師傅學藝,並以傳統手
藝、配以環保回收布料設計旗袍,令她終於找到自己「化舊立新」的方向。
第一階段分租減成本
有了設計方向,Janko起初用了一年時間,在不同市集中擺檔,測試市場反應。「新裝如初」鎖定設計現代感較重的時裝、並以牛仔布、麻質等為布
料,Janko希望客人穿了旗袍也可有型有款地走出來、身穿企領背心配長裙,亦可優雅上班。初步反應良好,兼且旗袍需有地方試穿、度身和改尺寸,並要有鋪
頭儲「翻頭客」,她因此膽粗粗和另兩位分別是眼鏡和紙品的設計師,一同申請進駐PMQ,成功成為首批租客,開設了「三匠」。「我哋本金唔多,分租可以分擔
開業成本。」第一步算是「落了地」,但做一門生意遠比當一個設計師有更多要顧慮,衣服由Janko設計後須出去找師傅幫忙生產,每次也要四圍奔波,還要不
停監督師傅手工,過程花耗了不少時間和精力。是故開店九個月後,Janko「再一次」膽粗粗,在觀塘找來四位車衣女工自設工場,望能訓練出自己的「左右
手」。經過不斷的嘗試和配合,最後正式聘用了其中兩位。現時工場有一名師傅負責紙樣出品,另兩位女工專注車衣。在設計師眼中,此絕對是件好事,因為可以僱
有自己專屬班子,一切放心又方便了;但在經營生意的角度,這意味人工要出多三份,生產成本又上升了。因此,Janko的生意行入下一階段。
第二階段教班增收入
Janko設計的旗袍或長衫,一式只有一件,一個尺碼,顧客著後唔啱身便要改尺碼,或要度身重做一件,每件售千多二千元。太寬鬆的話還可以改,但太窄太小
的話就沒法子了。而且不是每名客人也願意花多一點時間和金錢做衫。故此Janko索性讓顧客自己學做一件:「而且好多人唔明一件旗袍或長衫嘅定價,點解咁
高。通過上堂、親自學做,佢哋就可以理解每個細節嘅用心。」開班亦是一個低成本、高回報的捷徑。以每堂三小時的長衫體驗班為例,總共有十名學生,每位收費
四百八十元,上個月這類班開了六次,扣除布料及租金成本,利潤萬多元,即利潤率達五成。這類班經宣傳推廣,自然可多啲來、密啲手。記者見上堂的學生,有青
春少艾、中年太太甚至是和媽媽來一起上堂的男生都有。由於教的是「體驗班」,製作出來的尺碼很細不是給成人穿著,Janko引申再拓展「自己的衫自己做」
的長衫製作班,讓生意再進入下一個階段。
第三階段穩守再突擊
顧名思義,長衫製作班讓學生製作啱自己size的長衫,製作後可著出街。Janko於本月將正式推出此製作班,每班要上足四天,每天六小時共二十四小時,
價錢為三千二百元,由畫樣、剪裁、車衫等,自己一手搞掂。教班最大的支出是Janko個人時間,但對比賣衫確是較可觀和穩定。雖然試水溫的反應不錯,但香
港人貪新鮮已不是新鮮事,她坦言起碼要觀察半年,才可決定長遠發展和肯定開班的價值。這生意還有另一隱憂,就是Janko為保持特色及減低入貨成本,大部
分布料都是回收而來。由一一年的環保時裝比賽、接收朋友一批回收牛仔布開始,她就定立了以棄置布碎做衫的方向。「我們的回收布,不是指什麼有問題不乾淨的
布,而是一些可能是貨辦,或因面積太細碎而廠家不用的布。」不同的香港服裝開發公司工廠,也一直為Janko提供回收布料。因為他們是開發公司的關係,研
究完的布料通常也比較細而碎,不能拿回自己在大陸的工廠生產,所以也願意免費給予Janko。「我哋回收佢哋嘅布,其實變相幫佢哋減省咗工序,大家都有得
着。」Janko從布料開發公司「執布」,成本是零,但因每塊布料的大小也不同,大的可以做旗袍,小的可能只做到袋。由於貨源不算穩定,每次也不知拿到什
麼布料,Janko的「下一個階段」,可能也要從這個方向諗諗了!
開業資料(14年7月)
營業資料(15年6月)
阿松搵真銀揭超級紅三代班底
2016-11-03 NM
隨着前法官胡國興宣布參選特首,其餘候選人名單亦呼之欲出,特首選戰正式開波。過去盛傳會出閘的前財政司司長梁錦松,已決定Not to run。野心勃勃的他,正在商界搭建另一個更華麗的大舞台。
梁錦松已在舊僱主黑石(Blackstone)中挖走多名猛將,年初成立創投公司New Frontier,複製本土版黑石。他的主要拍檔是今年三十四歲的吳[!8544]楠(Carl Wu)。能被阿松選中做生意拍檔,就如他娶伏明霞做老婆,一樣要是「國寶級」人馬。這名吳楠(Carl Wu)除了是「僆界女神」Janice Man男友,本刊發現他更是「超級紅三代」。父系在政界響噹噹,阿爺是中共黨員,亦是前汕頭市人大常委兼副主席,大伯吳康民是前港區人大代表,阿爸經營免稅店,堂兄是經營康師傅的台灣頂新集團快婿;母系家族亦是汕頭商界的龍頭人物。
創投講求的是非常長遠的回報,過程會遇到極多變數,與其識計數,不如識人多。New Frontier已獲南豐及台灣頂新集團初期注資最少一億元,除投資香港初創企業,亦會到國內建醫院。本刊找到吳[!8544]楠做專訪,他充滿信心說:「資金無問題!」阿松果然眼光獨到。
相比很多富二三代,Carl表面上並沒有「少爺仔」脾氣,記者上週「殺」上他位於上環的辦公室,正在開會的他仍禮貌地回應,原來是阿松教落,「梁生叫我哋要同出面嘅人溝通多啲。」唔只聽教聽話,論學歷Carl更跑贏幾條街。他在紐西蘭讀中學,十九歲中學畢業後,入讀倫敦政治經濟學院,一級榮譽畢業,未畢業已獲投行UBS招手,工作期間被倫敦黑石挖角。同期黑石欲發展中國市場,請來梁錦松擔任黑石大中華區主席,阿松為建立自己班底,親到黑石分公司「揀蟀」,當時只有二十四歲的Carl是其中之一。Carl謙虛指:「因為我當時應該係黑石第一個,或者係唯一一個識講中文嘅人。」
來港後更獲阿松重點栽培,阿松往內地見客,多數帶Carl一起同行,十年來黑石多單國內「大刁」,Carl都有份參與。阿松一三年離開黑石,Carl亦獨當一面,包括負責一四年黑石買入中國最大IT外判公司文思海輝科技及參與設立人民幣黑石基金等。吳[!8544]楠在黑石十年間步步高陞,由分析員升至黑石亞洲區董事總經理,更以廿多歲之齡,榮登黑石全球最年輕董事。他指他在黑石主要做一些好深入的研究,「梁生對我哋好嚴格,俾好多方向我哋,要求我哋執行力好強。」阿松親自為Carl執教鞭,他當然非池中物。他大伯是前港區人大代表,民建聯創黨成員吳康民,Carl尷尬指:「其實我伯伯都係做過人大代表啫,無乜嘢。」言下之意,大伯「無乜嘢」,因為相比之下,他的祖父,背景更「猛」。
祖父叱咤汕頭政界
在汕頭出生的Carl,爺爺是吳華胥,生前叱咤汕頭政界。吳華胥的紀念文集,乃由中共元帥葉劍英的長子葉選平題字。根據這本紀念集,吳華胥本是汕頭市一所小學校長,一九二五年加入共青團,周恩來任命他為改組國民黨惠來縣的特派員,翌年轉為中共黨員,是黨內活躍分子。一九二七年國共內戰,吳華胥在汕頭組織武裝,曾一度獲得勝利,可是後來因據點被破壞,隻身逃到泰國再輾轉到香港。在港時曾在《工商日報》、《大光報》寫專欄及任職小學校長。五○年潮汕解放,他回到汕頭市任辦公室副主任,後來相繼出任汕頭市民政局長、汕頭副市長。八一年他八十二歲,仍獲選為汕頭市人大常委兼副主席,同時是民革名譽主委,常接待外賓。九一年去世,骨灰放在汕頭高級幹部骨灰堂。Carl爸爸吳衞民是吳華胥的孻仔,是繼室楊瑞貞所出,衞民在紀念集中亦透露 :「(爸爸)老年得子,自然鍾愛萬分。」而Carl亦是吳衞民的獨生子,即是孻孫,自然更得人愛。吳華胥在年老時都是和他們一家住。Carl的爸爸在汕頭經營免稅商品店,也有賣免稅車。而舅父吳錫盾亦是汕頭市商人,是深圳上市公司汕頭電器生產商天際股份(SZ.2759)董事長和股東,市值七十多億,他亦是現時汕頭市人大代表。他們家族成員之間關係密切,翻查資料,這名舅父在香港曾報住的地址,亦是他父母的住址。
獲台灣頂新注資
Carl家族威盡汕頭政商界,事實上國家早年已將汕頭與珠海同列為經濟特區,只是汕頭過去發展比較緩慢,不過今年初長實主席李嘉誠出錢出力,促成以色列理工學院與汕頭大學合作,在當地開設廣東以色列理工學院,打造中國「矽谷」,相信汕頭未來的創投機會多的是,Carl的人脈正好幫到手。不過訪問期間,每每講到家族背景,Carl就表現得有點尷尬,希望解釋自己並非靠關係,「其實我自己都係一邊讀書,一邊打工,這些關係都不是什麼,我哋做嘢都好professional。」不過做生意,確實是識人好過識字。當年Carl師父梁錦松過檔黑石,只是半年,已促成了中投與黑石的世紀合作,中投斥資三十億美元入股黑石,黑石創辦人蘇世民亦這樣讚梁錦松:「他與北京政商高層有很好的關係!齱v事實上,New Frontier成立只有幾個月,已獲南豐及台灣頂新集團投入一億元人民幣資金,前者相信是由現時擔任南豐行政總裁的梁錦松親自拉線,而經營康師傅、台灣頂新集團,表面上眾人風馬牛不相及,記者發現Carl的堂兄、亦是New Frontier合夥人吳嘉林,外父是台灣頂新家族魏家成員魏應交,他○五年與其長女魏妙玲結婚。而Carl指台灣頂新的集團董事、即魏老大魏應州的兒子魏宏丞亦是他倫敦黑石同事。
一千萬打殘對手
在成立New Frontier之前,梁錦松與Carl兩年前已開始合作另一盤迷你箱生意Boxful,即上門讓客人存放物品在他們的箱,再寄存在貨倉內。他們燒錢做宣傳,在港鐵、巴士落廣告,又搵《100毛》主持專家Dickson及黃慘盈拍片。為提升層次,與發展商合作,曾向九建(34)旗下紅磡「環海.東岸」買家送半年儲存服務。他們反應甚快,牛頭角迷你倉大火後,台北亦在迷你倉檢獲爆炸品,台北市長柯文哲宣布住宅區不可設置迷你倉庫,Boxful即到台灣開設迷你箱服務,取代迷你倉,標榜「全台唯一合法迷你倉庫在Boxful」,對此Carl承認都是因為有台灣的人脈關係,故對當地的資訊敏感度會較高。自Boxful推出市場後,先後引來很多競爭,一名迷你倉老闆透露當中大部分已「執笠」,其中一間迷你箱公司本來是Boxful的主要競爭對手,但去年做唔掂,已把旗下客戶賣給Boxful,對於競爭對手,Carl說:「Boxful到咗一個dominate嘅位置,其實幾難再俾人追到,你以為迷你箱好簡單,其實背後個物流好複雜。我哋係投資好多好多錢,客服呀、物流、路線安排,緊急措施呀,要做到好大規模,先可以賺到錢。」Boxful前年私募集資一百五十萬美元,去年再獲頂新、鷹君集團(41)、金朝陽集團(878)及阿松私人等注資六百六十萬美元。普通人要同Boxful鬥燒錢,簡直就是玩命!
黑石挖角專攻醫療
除了錢多,New Frontier要複製黑石,僱用的全部是猛將,團隊之中個個都是哈佛、耶魯、倫敦政治經濟學院等海歸派、做過瑞銀、美林等大行,而當中六人同樣來自黑石。其中一個成員徐宸(音︰臣),在黑石時已負責涉及十億人民幣的醫療投資項目;另一個成員袁帥,亦曾在摩根士丹利任亞洲私募基金,負責亞洲醫療的投資項目,包括公營醫院私有化、復康醫院收購等。袁帥背景亦有點「紅」,其父袁光明為成都邛崍市國稅局公務員。請得兩人,為的是一個更重頭的計劃——「顧連醫療」,他們將投資逾五億元在成都等地興建多間醫院、診所、復康中心等。另一個醫療項目「易得康」,則主攻上海的家居醫療及安老服務。事實上,去年國家宣布放寬審批及鼓勵上市融資醫療項目,剛完結的六中全會期間再頒布《健康中國2030規劃綱要》,提出「建立完善的分級診療制度」,New Frontier似乎甚懂配合國策之道。「單係顧連,我哋起緊兩千張病床,審批當然好複雜啦,但係我哋覺得我哋有全中國最好嘅團隊,最好嘅公立醫院裡面請出嚟。香港好多好好嘅私家醫院,但內地唔係特別多,我哋請咗最top嘅國際團隊嚟做呢一件事,中間嘅投資係遠遠超過一億元。」Carl說。
欲在香港上市
梁錦松是金融界揸「鑊鏟」的高手,打造這支以黑石班底為中心的團隊,又豈會是慢慢「揼石仔」。Carl說:「以前係Blackstone收購咗間公司然後營運,之後上市或者賣走。我哋呢度都一樣,係做好深入嘅研究,關於行業、公司,然後營運,搵最好嘅團隊去營運,Blackstone可能三到五年後就要賣,我哋唔同就係依家嘅項目可以賣,又可以唔賣,靈活好多。」New Frontier有一半項目在國內進行,但主要營業地點卻在香港,有投資startup的公司老闆估計他們未來想把項目在香港上市,「香港IPO當然係容易好多。」他認為亦有另一個原因,「佢哋可讓內地的同事透過加入他們的團隊,一段時間後成為新香港人。」創新科技是未來新經濟,搏連任的梁振英週一在網誌撰文吹噓在位時成立創科局,社會各界反應正面。創科局未來將撥二十億元資助創投項目,不過論背景及能力,年屆六十四的阿松以這班年輕人作班底,相對參選特首,似乎回報更高。
撰文:梁佩均、吳婉英攝影:胡智堅、李育明資料:資料組news@nextdigital.com.hk
機迷贏代幣可換真銀
1 :
GS(14)@2011-10-01 13:09:11 http://hk.apple.nextmedia.com/te ... 104&art_id=15660725
「煲機」者不分男女,就連阿嬸、大叔也迷上,一名青年直言每星期兩天來打機,玩了捉魚機半年,已輸掉萬多元,「真係上咗癮,好想聽到打中魚嗰啲跌錢聲」。
雖然機舖列明「代幣不能兌回現金」,但記者在場內目擊有人私下「交易」,一名青年公然給了另一男子 50元,取得一個內有百多個代幣的小籃。阿偉說:「只要你玩得多、玩得耐,又贏得多,自然有艇仔同你收(幣)!」他不諱言買賣代幣是「公開秘密」,熟客都知門路,有人因此「斷正」,被機舖閉路電視攝下樣貌,「你睇門口牆上貼滿通緝犯咁嘅相,寫明謝絕佢哋入場」。
2 :
abbychau(1)@2011-10-01 13:20:18 完全無遊戲性既賭博遊戲,玩左十蚊之後完全唔想玩多次
3 :
GS(14)@2011-10-01 13:21:01 2樓 提及 完全無遊戲性既賭博遊戲,玩左十蚊之後完全唔想玩多次
計數輸定了
4 :
abbychau(1)@2011-10-01 13:30:02 如果果位兄台見到呢篇留言的話,以下係我既忠告,買部返屋企玩啦,上阿里爸爸好易搵到,玩到你悶果陣賣返出去都保到值架,仲可以約埋你啲捕友上去你度一齊玩tim
5 :
GS(14)@2011-10-01 13:32:40 咁我地開間得唔得?
6 :
abbychau(1)@2011-10-01 13:33:56 個牌貴到呢
7 :
GS(14)@2011-10-01 13:35:30 6樓 提及 個牌貴到呢
又幾貴,我見D藥房仔都有一兩部呢D
8 :
abbychau(1)@2011-10-01 13:45:31 如果賣銀比客玩係犯法的, 你可以走去告佢地, 去退銀ge 機淨係可以係成人牌機舖入面裝, 你見到美國冒險樂園都封哂退銀位
9 :
GS(14)@2011-10-01 13:47:02 如果改為儲分呢
10 :
GS(14)@2011-10-01 13:47:52 同埋獎品得現金券,不可我在鋪出面安排一個人可以用98/99元買佢值100蚊的現金券?
11 :
abbychau(1)@2011-10-01 13:50:00 唔退銀既機唔好玩, 已經好少人玩
12 :
GS(14)@2011-10-01 13:51:05 11樓 提及 唔退銀既機唔好玩, 已經好少人玩
唔是唔退銀bor,是咪一定要退銀先?
13 :
abbychau(1)@2011-10-01 14:12:47 12樓 提及11樓 提及 唔退銀既機唔好玩, 已經好少人玩
唔是唔退銀bor,是咪一定要退銀先?
你唔係有興趣就咪開... 開左你都無心機管理
退銀係銀仔個銀, 唔係錢
14 :
GS(14)@2011-10-01 14:15:52 即是要跌銀那種feeling,不是玩錢
15 :
GS(14)@2011-10-01 14:16:12 問多樣識多樣嘛
16 :
GS(14)@2011-10-01 14:16:34 我細細個都好喜歡去玩,現在真是無興趣
17 :
abbychau(1)@2011-10-01 14:22:50 14樓 提及 即是要跌銀那種feeling,不是玩錢
成個遊戲ge 過程如果拎唔返銀會好唔暢順, 當然都無咩果個feeling
18 :
GS(14)@2011-10-01 14:27:08 17樓 提及14樓 提及 即是要跌銀那種feeling,不是玩錢
成個遊戲ge 過程如果拎唔返銀會好唔暢順, 當然都無咩果個feeling
用分卡都唔得? 分卡換超市現金券,超市現金券找個好似唔關事的人換錢都唔得
19 :
abbychau(1)@2011-10-01 14:28:35 18樓 提及17樓 提及14樓 提及 即是要跌銀那種feeling,不是玩錢
成個遊戲ge 過程如果拎唔返銀會好唔暢順, 當然都無咩果個feeling
用分卡都唔得? 分卡換超市現金券,超市現金券找個好似唔關事的人換錢都唔得
即係美國冒險個做法lo, 你見幾少人玩就知咁玩唔好玩
20 :
草帽(1253)@2011-10-01 14:45:46 我有玩, 幾過穩. 有時贏得多都會賣D coins畀人, 基本上個場D人係唔會理, 老細都唔理, 只要你識時務有時入返真銀去暢coins就ok. 我真係識D人或者阿嬸去贏coins當生意咁做. 其實平時閒曰朝11晚5落得場都係有錢人, 暢一次最少100. 妳係老細都費時捉搞串個場啦.
21 :
abbychau(1)@2011-10-01 14:47:01 20樓 提及 我有玩, 幾過穩. 有時贏得多都會賣D coins畀人, 基本上個場D人係唔會理, 老細都唔理, 只要你識時務有時入返真銀去暢coins就ok. 我真係識D人或者阿嬸去贏coins當生意咁做. 其實平時閒曰朝11晚5落得場都係有錢人, 暢一次最少100. 妳係老細都費時捉搞串個場啦.
我見過有人串到係櫃枱旁邊賣tim...
22 :
GS(14)@2011-10-01 14:50:33 因為唔關個老細事,老細無必要去理,何況都set 晒賠率,佢實贏
23 :
草帽(1253)@2011-10-01 14:51:35 係架, 我都係咁, 個場務係隔離, 有條友"嬲"我賣銀, 我話一舊, 即刻科水, 佢捉我咪仲蝕. 一曰打一百幾十好平常, 0個班有錢隋時打過千.
24 :
草帽(1253)@2011-10-01 14:53:49 22樓 提及 因為唔關個老細事,老細無必要去理,何況都set 晒賠率,佢實贏
唔係, 妳可以嬴爆佢, 妳嬴爆佢都係coins, 有咩用, D人玩機只係鐘意個感覺, 錢係次要.
25 :
abbychau(1)@2011-10-01 14:56:22 24樓 提及22樓 提及 因為唔關個老細事,老細無必要去理,何況都set 晒賠率,佢實贏
唔係, 妳可以嬴爆佢, 妳嬴爆佢都係coins, 有咩用, D人玩機只係鐘意個感覺, 錢係次要.
無錯無錯, 因為其實佢只係出換唔返錢ge coin, 佢要ban ge 係長期贏完之後賣銀ge 人
26 :
GS(14)@2011-10-01 14:58:17 24樓 提及22樓 提及 因為唔關個老細事,老細無必要去理,何況都set 晒賠率,佢實贏
唔係, 妳可以嬴爆佢, 妳嬴爆佢都係coins, 有咩用, D人玩機只係鐘意個感覺, 錢係次要.
是bor,個老細都無換錢
27 :
草帽(1253)@2011-10-01 15:00:03 我識D人係可以贏到一個麻包袋既coins, 聽日就可以輸晒, 所以做機舖真係好發, 有十條八條大魚係到玩開, 呢世都唔駛憂.
28 :
GS(14)@2011-10-01 15:01:40 Zynga 都是一樣
29 :
abbychau(1)@2011-10-01 15:08:07 27樓 提及 我識D人係可以贏到一個麻包袋既coins, 聽日就可以輸晒, 所以做機舖真係好發, 有十條八條大魚係到玩開, 呢世都唔駛憂.
果d 有心亂玩, 心底有揮霍ge 欲望果陣就會咁, 但諗深一層其實都抵過去買名牌好多
30 :
GS(14)@2011-10-01 15:08:47 29樓 提及27樓 提及 我識D人係可以贏到一個麻包袋既coins, 聽日就可以輸晒, 所以做機舖真係好發, 有十條八條大魚係到玩開, 呢世都唔駛憂.
果d 有心亂玩, 心底有揮霍ge 欲望果陣就會咁, 但諗深一層其實都抵過去買名牌好多
但是買名牌有件物件,玩金幣都是得金幣bor
31 :
abbychau(1)@2011-10-01 15:11:14 30樓 提及29樓 提及27樓 提及 我識D人係可以贏到一個麻包袋既coins, 聽日就可以輸晒, 所以做機舖真係好發, 有十條八條大魚係到玩開, 呢世都唔駛憂.
果d 有心亂玩, 心底有揮霍ge 欲望果陣就會咁, 但諗深一層其實都抵過去買名牌好多
但是買名牌有件物件,玩金幣都是得金幣bor
我係講件名牌賣返出去果陣個差價同埋消費金幣個比較
32 :
GS(14)@2011-10-01 15:12:06 咁金額的確是名牌多
33 :
草帽(1253)@2011-10-01 15:23:14 29樓 提及 果d 有心亂玩, 心底有揮霍ge 欲望果陣就會咁, 但諗深一層其實都抵過去買名牌好多
一來是咁, 二來打機贏coins都是一種虛榮感, 嬴得比人多, 感覺自己比人叻. 有D有錢人覺得買個名牌唔代表比人叻. 佢同妳一齊打機, 多coins過妳, 佢反而覺得叻過你囉
34 :
abbychau(1)@2011-10-01 16:06:40 33樓 提及29樓 提及 果d 有心亂玩, 心底有揮霍ge 欲望果陣就會咁, 但諗深一層其實都抵過去買名牌好多
一來是咁, 二來打機贏coins都是一種虛榮感, 嬴得比人多, 感覺自己比人叻. 有D有錢人覺得買個名牌唔代表比人叻. 佢同妳一齊打機, 多coins過妳, 佢反而覺得叻過你囉
咁佢應該去挑街霸拳皇高達, 用錢砌出黎ge 虛榮真係虛到自己都唔信自己
35 :
GS(14)@2011-10-01 16:07:53 我想起史玉柱
36 :
punpunm(4)@2011-10-01 20:22:07 我想問咩係捉魚機
有冇人可以帶我去見識下
37 :
八旗子弟(15368)@2011-10-01 20:39:36 睇落機鋪好好賺,其實呢家賺錢嘅係唔多,風險亦都好大,買錯機番黎無人玩一鋪就high百几萬架
38 :
abbychau(1)@2011-10-01 21:15:47 36樓 提及 我想問咩係捉魚機
有冇人可以帶我去見識下
而家差唔多間間都有bo, 下次出黎同你去
39 :
abbychau(1)@2011-10-01 21:17:10 37樓 提及 睇落機鋪好好賺,其實呢家賺錢嘅係唔多,風險亦都好大,買錯機番黎無人玩一鋪就high百几萬架
洗鬼百幾萬, Gamezone 果個老細, 一係買舊機, 一係買d 熱門機, 通通都係十萬以內貨仔
40 :
草帽(1253)@2011-10-01 21:52:47 37樓 提及 睇落機鋪好好賺,其實呢家賺錢嘅係唔多,風險亦都好大,買錯機番黎無人玩一鋪就high百几萬架
而家興租機, 一係同威利拆帳, 好少會買機.
41 :
abbychau(1)@2011-10-01 22:00:49 40樓 提及37樓 提及 睇落機鋪好好賺,其實呢家賺錢嘅係唔多,風險亦都好大,買錯機番黎無人玩一鋪就high百几萬架
而家興租機, 一係同威利拆帳, 好少會買機.
d 日本板機就係同代理租ge, 但...捕魚果d 大陸野直接買仲化算, 一部都唔洗兩萬
42 :
200(9285)@2011-10-01 22:08:32 我好掛住英文版 derby owner club
43 :
八旗子弟(15368)@2011-10-01 22:12:03 我以經多年無去遊戲機中心,前几年有位朋友係日本買全新足球机,同我講要百几萬,我就無乜去引證真定假,但我都覺得好貴,最後買完番黎,朋友講比我知真係無人玩
44 :
abbychau(1)@2011-10-01 22:16:29 43樓 提及 我以經多年無去遊戲機中心,前几年有位朋友係日本買全新足球机,同我講要百几萬,我就無乜去引證真定假,但我都覺得好貴,最後買完番黎,朋友講比我知真係無人玩
推卡機的確又可能上百萬, 但而家好似大戰3 果d 就直接係連機都唔租, 直接同sega 分錢的
45 :
punpunm(4)@2011-10-01 22:29:10 咁幾時去玩
星期三放假WO
46 :
草帽(1253)@2011-10-01 22:35:05 捉魚機真係幾有feel, 唔怕D錢好似倒水咁去咪玩下.
47 :
GS(14)@2011-10-02 16:03:13 41樓 提及40樓 提及37樓 提及 睇落機鋪好好賺,其實呢家賺錢嘅係唔多,風險亦都好大,買錯機番黎無人玩一鋪就high百几萬架
而家興租機, 一係同威利拆帳, 好少會買機.
d 日本板機就係同代理租ge, 但...捕魚果d 大陸野直接買仲化算, 一部都唔洗兩萬
咁平? 不如買番部在一些學生區開,實發
48 :
龍生(798)@2011-10-02 17:24:43 一個機鋪牌2百萬樓上....你班友仔唔知米貴....
而且限制多, 地區如果太多住宅, 多半唔批...
好難搞的, 做到執都不計其數, 不是各位所想這麼易做
49 :
GS(14)@2011-10-02 17:27:12 就是擺一部機仔都唔得?
50 :
200(9285)@2011-10-02 17:27:34 48樓 提及 一個機鋪牌2百萬樓上....你班友仔唔知米貴....
而且限制多, 地區如果太多住宅, 多半唔批...
好難搞的, 做到執都不計其數, 不是各位所想這麼易做
我夠16果日入左間成人場 個呀姐俾左10銀我玩
個場係灣仔‧
51 :
abbychau(1)@2011-10-02 17:44:26 48樓 提及 一個機鋪牌2百萬樓上....你班友仔唔知米貴....
而且限制多, 地區如果太多住宅, 多半唔批...
好難搞的, 做到執都不計其數, 不是各位所想這麼易做
同感
52 :
龍生(798)@2011-10-02 17:49:56 .....無小食牌可否開檔賣茶葉蛋?
總之有就開幾大都得, 唔怕蝕的話
無就一部都唔俾...
仲有...人地用大量無賭錢成份的去COVER賭錢的
你開一部出黎賭錢....你估下會點?
53 :
200(9285)@2011-10-02 17:50:53 52樓 提及 .....無小食牌可否開檔賣茶葉蛋?
總之有就開幾大都得, 唔怕蝕的話
無就一部都唔俾...
仲有...人地用大量無賭錢成份的去COVER賭錢的
你開一部出黎賭錢....你估下會點?
我以前見過士多有機打‧
54 :
龍生(798)@2011-10-02 17:55:14 偷雞博無人拉....我都有玩過呀, 士多啤梨蘋果橙嘛
55 :
200(9285)@2011-10-02 17:56:27 54樓 提及 偷雞博無人拉....我都有玩過呀, 士多啤梨蘋果橙嘛
仲有街霸,同三國‧
56 :
200(9285)@2011-10-02 17:57:28 其實日本d彈珠機店也可以換真錢的我同事試過‧
57 :
abbychau(1)@2011-10-02 17:58:25 56樓 提及 其實日本d彈珠機店也可以換真錢的我同事試過‧
係對面街換返d 禮物
58 :
龍生(798)@2011-10-02 18:11:37 全世界都一樣, 不太過份政府也不做野...如今揚左, 可能又有一波掃蕩了
59 :
亞力士(1473)@2011-10-03 03:06:24 52樓 提及 .....無小食牌可否開檔賣茶葉蛋?
總之有就開幾大都得, 唔怕蝕的話
無就一部都唔俾...
仲有...人地用大量無賭錢成份的去COVER賭錢的
你開一部出黎賭錢....你估下會點?
我係上水幾間細場 只得賭錢機
60 :
GS(14)@2011-10-03 20:17:35 咁開放乎
61 :
abbychau(1)@2011-10-03 21:45:46 60樓 提及 咁開放乎
又唔係違規, 大把舖頭係咁, 尖咀有某老牌商場全層包哂淨玩銀仔/slot tim
62 :
GS(14)@2011-10-03 22:12:23 新港?
63 :
abbychau(1)@2011-10-03 22:15:36 no la...新港都仲有大半係'遊戲機'
64 :
GS(14)@2011-10-03 22:15:59 尖東那邊?
65 :
龍生(798)@2011-10-03 23:02:36 唔怪得機鋪都無晒我最鐘意的kof02了
球星撈多瓣商界搵真銀
1 :
GS(14)@2012-08-24 12:06:08 用個名來賺錢,都要睇產品得唔得
http://hk.apple.nextmedia.com/financeestate/art/20120824/16631319
年僅25歲的俄羅斯網球天后舒拉寶娃,剛在紐約曼克頓發佈其自家品牌軟糖「 Sugarpova」,除了包裝上印有舒拉寶娃的咀唇,其中一款更是網球軟糖,而且每包軟糖售價為5.99美元(約47港元),滿足一眾粉絲「嗒糖」慾望。
舒娃年收入逾兩億
舒拉寶娃除轉型賣糖,她仍兼任多個品牌代言包括 Tag Heuer、 Tiffany&Co.、三星及 Nike,吸金量驚人。截至今年6月,她全年總收入達2790萬美元(約2.2億港元),成為《福布斯》2012年最高收入女運動員,緊隨其後是中國網球員李娜。
舒拉寶娃決心涉足商界,是希望事業命途不因退出球壇而止步。於34歲退出球壇的美國網球名宿艾華特( Chris Evert)亦不諱言,職業網球員生涯一閃即逝,應趁早計劃退役後想過甚麼生活,因機會不常有。
與舒拉寶娃合作14年的經理人埃森巴德( Max Eisenbud),亦全力擔當其幕後軍師,為她將來轉型進軍商界鋪路。他又表示,舒拉寶娃投資金額只是數萬美元,幸獲紐約著名糖果商 Dylan's Candy Bar創辦人魯賓( Jeff Rubin)青睞,合作推出軟糖。
女網球手吸金力強
統計福布斯最高收入女運動員,網球手竟佔頭四席,緊隨的包括「中國金花」李娜、「大威」威廉絲及「丹麥甜心」禾絲妮雅琪。
「丹麥甜心」早前跟丹麥名牌內衣 JBS合作,推出個人系列內衣,更豁出去親自演繹,大騷身材。大威亦開拓商業女強人之路,除設立室內設計公司外,07年亦打入時裝市場,創立運動服品牌 EleVen,下月更會亮相紐約時裝周。
市場估計,李娜即將推出自家品牌,尤其是埃森巴德亦是李娜的經理人。李娜去年摘下法網后冠後,贏得平治、三星、 Nike及 Haagen-Dazs等贊助,合約總值數千萬美元。李娜今年總收入錄得1840萬美元,在《福布斯》2012年最高收入女運動員中排第二位。
2 :
GS(14)@2012-08-24 12:06:23 http://hk.apple.nextmedia.com/financeestate/art/20120824/16631320
網球女將吸金力強,體壇男運動員亦絕不遜色。在今屆倫敦奧運男子羽毛球單打奪金的林丹,今天將聯同一眾金牌運動員來到香港作示範表演。除了做各品牌代言人外,林丹原來早於09年,就用自己名字的縮寫「 LD」( Lin Dan)創造服裝系列,更事先張揚此舉是為退役後的事業打下基礎。
現年30歲、有「超級丹」之稱的林丹曾表示,退休球壇後無意加入娛樂圈掘金,但計劃推出個人服裝系列「 LD」。「 LD」不僅是林丹身上首個紋身,亦是其首個服裝系列。他屬意主攻年輕人市場,並曾與設計師交換意見,計劃退役後進修設計專業,努力經營 LD系列,而有關品牌暫時交託李寧(2331)負責營運。
林丹在2011年起,取代劉翔成為體育廣告天王。據內地傳媒報導,林丹去年獎金收入不夠171萬元,不過廣告收益卻異常強勁,高達1560萬元。
3 :
GS(14)@2012-08-24 12:06:46 http://hk.apple.nextmedia.com/financeestate/art/20120824/16631321
體壇明星如夠人氣,可透過自家品牌搵真銀,令退役後「荷包」更上一層樓。不過,單靠人氣支持,並不足以令品牌長做長有,李寧(2331)品牌管理出事,令品牌被列入「過氣」之列;至於高球頂尖選手「老虎」活士,自爆出婚外情,亦令品牌有沒落跡象。
曾被譽為「體操王子」之李寧,88年退役,兩年後創辦李寧品牌,04年赴港上市,上市價2.15元。其後股份受捧,成為基金寵兒,07年高見32元。不過,品牌策略出錯,價格與國際品牌 Nike及 Adidas相若,未能吸引消費者,其後更因品牌老化,設計「老土」,形象步入中年危機,加上庫存問題「爆煲」,公司已預告今年可能見紅,股價跌落深淵。
活士形象差 贊助商離棄
品牌借人氣催生,個人名聲與品牌認知唇齒相依,形象受損,品牌隨時墮落。前高球「一哥」活士,為14項高球大滿貫盟主,更於09年成為首位全年收入達10億美元之運動員。當事業走上高峰之際,09年末爆出與「虎女郎」偷食,形象直插谷底,多個贊助商,包括名錶豪雅( Tag Heuer)、 AT&T、吉列等相繼離他而去。
至於一直以自己作生招牌,與 Nike合作推出之高球用品品牌,本來市佔率不俗,不過形象及盈利隨醜聞齊齊下挫,2010年及2011年 NIKE高球產品收入,分別按年跌2%及4%。
4 :
GS(14)@2012-08-24 12:07:38 http://hk.apple.nextmedia.com/financeestate/art/20120824/16631322
Jordan波鞋長賣長有
Nike自1985年起,推出以米高佐敦命名之 Air Jordan系列波鞋,每年一款定令全球球迷「爭崩頭」。米高佐敦雖於03年正式退役,但 Air Jordan繼續成為 Nike生招牌,09年更為 Nike帶來超過10億美元(約78億港元)收入;單單一個佐敦,就為企業貢獻盈利達5%。去年底 Nike推復刻版 Air Jordan11 Retro Concord(圖),全球佐敦信徒熱搶,千元波鞋網上炒貴兩倍,美國更出現槍擊事故,場面震撼。
米高佐敦既為「吸金王」,自然惹來中國商人垂青。早前傳出有意來港上市的喬丹體育,不但以佐敦內地譯音「喬丹」命名,商標更起用他跳起扣籃招牌動作,又有殺錯、冇放過,搶先註冊他兩名孩子中文譯名,打正旗號抽佐敦水。米高佐敦怒爆就此對簿公堂,控告喬丹侵權,最終喬丹決定註銷部份易被誤解的商標。事實上,喬丹去年上半年收入及純利,分別達17億及2.8億元人民幣,證明佐敦於中國魅力驚人。
5 :
kobe bryant(28492)@2012-08-24 14:51:31 出乎意料之外, 無足球明星...
6 :
自動波人(1313)@2012-08-24 15:00:13 拳賽獎金好高
7 :
GS(14)@2012-08-25 00:09:35 5樓 提及 出乎意料之外, 無足球明星...
球星無提
夥中國社科院搵真銀 蕭若元明反共暗染紅
1 :
GS(14)@2012-08-30 11:40:02 http://hk.apple.nextmedia.com/news/art/20120829/18002945
據本報翻查港交所資料,中國3D數碼娛樂大股東為無限創意有限公司(Unlimited Creativity Holdings Ltd),而蕭若元則為無限創意最大單一個人股東,所以蕭若元雖安排兒子蕭定一任中國3D數碼娛樂主席,個人亦非該公司股東,但他實際仍緊握公司控制權及利益。
有政界人士指出,蕭若元一直以和中共「誓不兩立」為賣點,又曾公開表示因受中共打壓而要出售內地美容生意;但今次中國3D數碼娛樂通告卻揭出蕭若元竟可與內地官方機構合作「搵真銀」,特別是中國社會科學院是國務員轄下機構,「冇官方開綠燈,根本冇可能搞得成」。
此外,中國3D數碼娛樂另一股東劉堅,為上海富派投資管理有限公司總經理,在上海金融界頗吃得開,據知在上海及中國官場人脈極廣,顯示蕭若元與內地關係並不簡單。
財經評論員孫柏文認為,中國3D數碼娛樂與中國社科院合作計劃的通告,令人發現大股東蕭若元與北京有非比尋常關係;香港公司進軍內地娛樂事業,必定要顯示與北京政府有關係,他會建議股民審慎留意。
2 :
GS(14)@2012-08-30 11:43:56 http://www.hkexnews.hk/listedco/ ... LN20120821037_C.pdf
董事會欣然宣佈,於二零一二年八月二十一日(交易時段後),本公司(i)與中國社會科學院社會科學成果開發中心訂立中國社會科學院諒解備忘錄;及(ii)與中國人文科學發展公司訂立中國人文科學發展公司諒解備忘錄,內容有關彼等之可能投資及合作。
中國社會科學院諒解備忘錄
中國社會科學院社會科學成果開發中心為中國社會科學院全資擁有。根據中國社會科學院的官方網站(
www.cass.net.cn) ,中國社會科學院於一九七七年五月成立,是中國哲學社會科學研究的最高學術機構和綜合研究中心。中國社會科學院在人文和社會科學領域取得突出成就,包括出版大量學術著作、論文及研究報告。就董事於作出一切合理查詢後所深知、盡悉及確信,中國社會科學院社會科學成果開發中心及其聯繫人士為獨立第三方。
根據中國社會科學院諒解備忘錄,本公司與中國社會科學院社會科學成果開發中心同意合作,本次合作需要完成包括但不限於以下四件事:
(i)設立中國人文發展投資基金(「該基金」)(投資額待定);
(ii)參與合作開發燕郊「中國學者之家」基地建成之後後期項目;
(iii)中國社會科學院社會科學成果開發中心協助本公司於中國北京籌建文化俱樂部;
及(iv)與社科院人文公司影視中心合作進行市場化營運。
該基金投資方向包括但不限於:
(i)文化地標綜合體投資;
(ii)文化企業改制;
(iii)文化創意園區;
(iv)3D製作技術轉化轉換項目;
(v)近代歷史紀錄片、人文地理紀實、電視劇電影投資與拍攝;
及(vi)電影院建設及收購等文化娛樂相關項目(「中國社會科學院投資」)。
根據中國社會科學院諒解備忘錄,本公司與中國社會科學院社會科學成果開發中心同意於中國社會科學院諒解備忘錄簽署日期起計一年內就中國社會科學院投資簽訂正式的投資協議。於簽訂正式的投資協議後,中國社會科學院投資須在下列
先決條件達成後,方告完成:
(i)社科中心已獲得中國社會科學院社會科學成果開發中心及有關中國政府部門就中國社會科學院投資出具的批准文件;
(ii)中國社會科學院投資符合中國及香港相關法律法規的規定和要求;
(iii)獲得董事會及全體股東
對本次投資所必需之批准;及
(iv)雙方在中國社會科學院諒解備忘錄及正式投資協議中的保證和陳述於任何時候均屬真實及正確。如中國社會科學院諒解備忘錄訂立各方於中國社會科學院諒解備忘錄簽訂日期起計一年內無法簽訂正式的投資協議,則中國社會科學院諒解備忘錄將自動終止,不再具備任何效力。
除有關保密規定的條款外,中國社會科學院諒解備忘錄對訂立各方均不具法律約束力。
中國人文科學發展公司諒解備忘錄
中國人文科學發展公司為中國社會科學院全資擁有。根據中國人文科學發展公司之官方網站(
www.ccph.com.cn) ,中國人文科學發展公司於一九八零年成立於中國北京,主要從事國際商業貿易、國際交流與合作、信息服務業務、廣告業務及諮詢服務。
根據中國人文科學發展公司諒解備忘錄,本公司與中國人文科學發展公司同意參與影視製作項目合作。所有將合作的項目均須經中國人文科學發展公司諒解備忘錄簽訂各方共同同意後方可作實(「合作項目」)。中國人文科學發展公司諒解備忘錄簽訂各方須簽訂正式協議以規範各合作項目之條款(包括但不限於注資、各方之權利與義務)。
根據中國人文科學發展公司諒解備忘錄,本公司須按以下方式向中國人文科學發展公司之指定賬戶支付預付款人民幣六百萬元整(「預付款」):(i)人民幣三百萬元現金於中國人文科學發展公司諒解備忘錄簽訂日期起計7個工作日內支付;及(ii)人民幣三百萬元現金須於中國人文科學發展公司諒解備忘錄簽訂日期起計90日內(「90日期間」)支付或倘90日期間內並無合作項目在進行,本公司可順延第二期預付款90日,即於中國人文科學發展公司諒解備忘錄簽訂日期起計180日內支付。
如本公司未能按照以上方式支付預付款,且在催告後15個工作日內仍未改正的,中國人文科學發展公司有權解除中國人文科學發展公司諒解備忘錄。而如在中國人文科學發展公司諒解備忘錄簽訂日期起計181日後沒有合作項目在進行,本公司則有權解除中國人文科學發展公司諒解備忘錄,且中國人文科學發展公司應向本公司退還預付款,惟本公司授予中國人文科學發展公司用於合作項目前期籌備的不高於人民幣五十萬元中的已使用費用則不獲退還。
預付款須經中國人文科學發展公司諒解備忘錄簽訂雙方聯合簽署同意用款的書面文件後方可使用。經本公司與中國人文科學發展公司雙方一致同意,中國人文科學發展公司可就合作項目收取一定金額的項目管理費,費用自預付款中撥付。
合作項目的開發將依托中國人文科學發展公司廣播電視節目製作經營許可證等各種證照、資質。中國人文科學發展公司將就此給予支持和協助,並保證開展的相應業務遵守中國適用法律法規並符合中國文化產業政策及導向。除有關預付款的條款外,中國人文科學發展公司諒解備忘錄對訂立各方均不具法律約束力。
如中國社會科學院投資或合作項目中任何一項落實,其將構成創業板上市規則第19章項下所指之本公司須予通告交易。
中國社會科學院投資及合作項目可能未必得以落實,股東及本公司有意投資者在買賣股份時應審慎行事。
3 :
GS(14)@2012-08-30 11:50:34 http://sdinotice.hkex.com.hk/di/ ... 8&src=MAIN&lang=ZH&
湯毓銘同故凱珊是夫妻,股權是分併計算,王云芳及劉堅亦同
http://sdinotice.hkex.com.hk/di/ ... AIN&lang=ZH&sa2p=1&
譚小姐都有
http://sdinotice.hkex.com.hk/di/ ... =MAIN&lang=ZH&&pg=1
王生就是買了這一批股票
http://www.hkexnews.hk/listedco/ ... LN20120110029_C.pdf 4 :
GS(14)@2012-08-30 11:51:54 http://www.kui.name/event/2007-0 ... E6%92%BC_n39211.htm
外籍女司機傷頸
涉及交通意外的其中一部銀色積架房車,由大家樂集團主席陳裕光及其妻子羅寶靈共同以公司名義持有,另一輛銀色平治房車由拔萃男書院校友湯毓銘持有。
http://www.kui.name/event/2009-0 ... 8%B2%BB_n222046.htm
布力徑25號大屋(又稱布力徑Bayview6號屋)現引發裝修費的糾紛,經營恆新室內設計公司的NewHallDesignLtd.昨天入稟高院,向海橋投資興訟追討上述大屋的裝修費大約177萬元。根據公司註冊處的資料,海橋投資的董事為湯毓銘以及胡凱珊。
5 :
GS(14)@2012-08-30 11:53:01 http://realforum.zkiz.com/thread.php?page=11&tid=6268
劉堅
6 :
GS(14)@2012-08-31 00:03:29 http://www.hkexnews.hk/listedco/ ... LN20120830045_C.pdf
中國3D 數碼娛樂有限公司(「本公司」)董事會(「董事會」)注意到昨天若干報章文
章「文章」)就蕭若元先生(「蕭先生」)與本公司之關係作出失實報導。 該些文章指
出蕭先生緊握本公司之實質控制權。
董事會謹此澄清蕭先生是無限創意控股有限公司(「無限創意」)之執行董事,一間
於創業板之上市公司。本公司董事會與無限創意之董事會並無相同的執行董事。 無
限創意只是本公司之主要股東,持有911,013,840 股,佔本公司現有已發行股本約
22.54%。 本公司主要於中國及香港從事娛樂事業,專營電視節目及影片製作、分
銷、發行權、香港及中國影院經營及管理、藝人管理、借貸業務、收購企業債券、
優先股及證券投資業務。
董事會認為與中國相關機構訂立發展協議符合本公司一般
及正常業務。 除上述者外,本公司與無限創意是兩間獨立的上市公司。而蕭先生並
沒有緊握本公司之實質控制權。 7 :
GS(14)@2012-08-31 11:12:23 http://hk.apple.nextmedia.com/news/art/20120831/18004586
【本報訊】以反「港共」為賣點的人民力量,其港島區名單上的立法會候選人蕭若元,日前被踢爆與中共過從甚密,與國務院轄下的中國社會科學院攜手「搵真銀」。蕭若元延至昨日終透過聲明回應事件,他未有否認自己是與中國社科院有生意合作的中國3D的大股東,但堅稱只「低度參與」相關業務工作,並將於短期內全面退出生意管理。
本報前日報導,蕭若元作為股東的上市公司中國3D數碼娛樂,與國務院轄下的中國社會科學院攜手「搵真銀」,大搞電影、地產及娛樂城業務,反映他與北京的關係非比尋常後,蕭若元一直未有回應。
短期內全面退出管理
截至昨天,蕭若元終發出聲明,一邊指兩年前出售所有美容業務,主要是因為「極不喜歡國內的營商環境」,一邊承認仍有以主席身份,「低度參與」中國3D單一大股東「無限創意」的業務運作,但他同時指,將於短期內全面退出生意管理。
蕭若元強調,中國3D有其董事局和獨立經營方針,董事局主席蕭定一雖是其兒子,但他「不會幹涉他的業務,亦無能力、無興趣干涉」。
8 :
200(9285)@2012-08-31 20:11:30 我撚信你呀‧
9 :
GS(14)@2012-08-31 22:12:05 8樓 提及 我撚信你呀‧
邊個今日有買生果,頭版好似A25版有個廣告,貼上來得唔得?
10 :
GS(14)@2012-09-03 18:55:51 無人貼我貼啦
11 :
鉛筆小生(8153)@2012-09-19 17:06:42 耐人尋味的故事
但自從人民力量既掘起, 社會開始沒有中間派系
只有極偏左, 極偏右
而民主黨被分化了
再看埋呢個故事
8078, 又要炒作了?
12 :
GS(14)@2012-09-19 21:42:33 炒唔炒去第二個台講
根本人民力量是搶緊白鴿票源啦
13 :
鉛筆小生(8153)@2012-09-19 21:46:11 12樓 提及 炒唔炒去第二個台講
根本人民力量是搶緊白鴿票源啦
搶緊白鴿票源不重要,
係把部份白鴿票推左去建設派
14 :
GS(14)@2012-09-19 21:47:06 13樓 提及12樓 提及 炒唔炒去第二個台講
根本人民力量是搶緊白鴿票源啦
搶緊白鴿票源不重要,
係把部份白鴿票推左去建設派
最多推去假民主那班人
15 :
dennis001(8614)@2012-09-19 22:46:11 蘋果又開始抹黑
真係民主唯我正宗,誰敢不從
16 :
鉛筆小生(8153)@2012-09-19 22:47:40 15樓 提及 蘋果又開始抹黑
真係民主唯我正宗,誰敢不從
這世界根本沒有民主
【搵真銀】試玩HQ Trivia問答App 最高獨贏14萬
1 :
GS(14)@2018-01-15 03:28:49 問答遊戲HQ Trivia,答對12題最高可獲約14萬獎金。
亞視翻生,還在直播App中加入「百萬富翁」遊戲,與其玩這個沒有獎金的遊戲,不如玩問答遊戲HQ Trivia,成功過關就可以賺真錢。HQ Trivia每次的獎金由2,000美金(約15,600港幣)起,目前最高有18,000美金(約141,000港幣),所有贏家會平分當次遊戲的獎金。當玩家獎金累積到20美金以上,就可以透過PayPal拿錢。
HQ Trivia以直播形式進行,香港時間星期二至日會在凌晨4點及早上10點開始,星期一只有早上10點一場。遊戲玩法與「百萬富翁」差不多,共12條多選題,但每題只有10秒回答。題目多為常識和冷知識題,例如「哪一位創造了經典的小黑裙(Little Black Dress)?」和「麥當勞創辦人曾經擁有哪一隊棒球隊?」等。很多問題都頗刁鑽,要拿獎金並不容易。
玩家累積獎金達20美元後,就可以透過PayPal拿獎金。
每題只有10秒回答,節奏非常快。
記者實試,第一題為「Pizza上最常見的配料是?」,選項有辣肉腸、花生醬、熱情果,因為答題時間較短,還未看清楚答案就夠鐘。賽後檢討,應該要一目十行和冷靜才能專心答題。HQ的節奏很快,通常一場直播只有十多分鐘,小休一下已夠時間玩。要增加勝算,最好與一班朋友或同事一起玩;另外答錯後也可繼續答題,熟習下問題和節奏;其次,透過App推薦朋友加入HQ,每場就可多一次答錯的機會;最重要當然是多看點書。若你自問英文不錯、博覽群書不妨挑戰下,祝大家贏多點。文:梁志穎攝影:梁志永、周芝瑩全新旅遊專頁,即like籽想旅行:
https://fb.com/travel.appleseed
來源:
https://hk.lifestyle.appledaily. ... e/20180108/20267601
股票掌故 |
香港股票資訊 |
神州股票資訊 |
台股資訊 |
博客好文 |
文庫舊文 |
香港股票資訊 |
第一財經 |
微信公眾號 |
Webb哥點將錄 |
港股專區 |
股海挪亞方舟 |
動漫遊戲音樂 |
好歌 |
動漫綜合 |
RealBlog |
測試 |
強國 |
潮流潮物 [Fashion board] |
龍鳳大茶樓 |
文章保管庫 |
財經人物 |
智慧 |
世界之大,無奇不有 |
創業 |
股壇維基研發區 |
英文 |
財經書籍 |
期權期指輪天地 |
郊遊遠足 |
站務 |
飲食 |
國際經濟 |
上市公司新聞 |
美股專區 |
書藉及文章分享區 |
娛樂廣場 |
波馬風雲 |
政治民生區 |
財經專業機構 |
識飲色食 |
即市討論區 |
股票專業討論區 |
全球政治經濟社會區 |
建築 |
I.T. |
馬後砲膠區之圖表 |
打工仔 |
蘋果專欄 |
雨傘革命 |
Louis 先生投資時事分享區 |
地產 |
ZKIZ Archives @ 2019