📖 ZKIZ Archives

電視風雲 - 王奇雲 皇妃監製 (2013年07月10日)

1 : GS(14)@2013-07-11 01:14:21

http://www.am730.com.hk/article.php?article=162653&d=2101

【am730專欄】老媽子話近排唔多精神，做咩都無心機，本以為佢有邊度唔舒服要去睇醫生，後來細妹爆料，話老媽子係因為晚晚煲劇，夜瞓咪無精神囉，竟然電視劇係罪魁禍首，邊套咁勁搞到老人家唔願瞓，照計依家深夜時段係播緊《世青盃》，根本無可能搞到我老媽子。原來佢個幾月前，已經夜麻麻一個人匿喺房睇無記高清台，播緊嗰套由台灣藝人林心如主演嘅《傾世皇妃》，每晚睇到凌晨，後生仔都傷身啦，相勸之下，佢老人家就投訴近期好悶，無咩節目啱佢睇，唔覺意發現有呢套宮廷戲啱口味，雖然有好多演飾角色嘅藝人佢唔識，但起碼有當年演《還珠格格》嘅林心如做女主角，仲有好戲之人惠英紅做太后，加上佢老人家大讚劇中演北漢太子嘅霍建華靚仔，集合種種原因，咁就俘虜咗佢老人家煲上癮。講番呢套劇，其實係林心如自組嘅製作公司嘅首套古裝作品，係改編自網絡作家慕容湮兒嘅同名暢銷小說，故事係以五代十國做背景，所以睇起上嚟，個個都係太子同埋公主，要處理咁多不同國度嘅宮廷戲，的確唔簡單。至於林小姐當然自己擔正做女主角，而且仲做埋監製，老實講，林小姐人靚又演得，經已係無需質疑，劇中服飾又夠華麗，又有型男陪襯，至於做監製呢，可以話佢仲有好多進步空間，有好多藝人做得悶悶哋，就鍾意喺行內嘅其他方面搵啲新搞作，例如演員走去出碟唱歌、藝人去做導演咁，連出名勤力嘅「牛華」，都曾經因此損失慘重啦，所以話演員想轉型都唔係易事，之但係，向來都知東南亞劇集需求大，國內市場更加被視為會生金蛋嘅地方，唔少行外人都想去分一杯羹，更何況在行嘅藝人，當然都希望個個都喺呢行搵到食，百花齊放。
(逢周一至五刊載)
PermaLink: https://articles.zkiz.com/?id=283269

單車靚女同皇妃撞樣　奧運咁多明星相

1 : GS(14)@2016-08-13 14:50:12

英國劍橋公爵夫人凱蒂（Kate Middleton）臉上的酒窩是她的標記，被評為「史上最美皇族成員」之一。但原來高貴如王妃都會有「撞臉」的時候，與她樣子酷似的就是法國奧運單車手普雷沃（Pauline Ferrand-Prevot）。今年24歲的普雷沃雖然和凱蒂相差10歲，一頭金髮又和凱蒂的深棕髮色有別，但網民仍然能夠指出她們多個相似之處。普雷沃和凱蒂同樣有「招牌」酒窩，大家都有一雙杏眼，而普雷沃如凱蒂一樣，喜歡束起頭髮，就連化妝也差不多，網民均認為兩人相似度極高。另外，眼利的觀眾亦發現，美國射箭男團銀牌得主埃利森（Brady Ellison）與金像影帝里安納度狄卡比奧（Leonardo DiCaprio）「撞臉」，兩人同樣擁有一臉金色鬍子和憂鬱眼神。英國《每日郵報》




來源: http://hk.apple.nextmedia.com/international/art/20160812/19733500
PermaLink: https://articles.zkiz.com/?id=305528
Next Page
ZKIZ Archives @ 2019