ZKIZ Archives


爭風呷醋 監製捧陳敏之 徐子珊女一變花瓶

2013-07-04  NM
 
 

 

無綫為挽救跌唔停收視,早前重金禮聘福將黃子華回巢,拍住兩大姐仔徐子珊、陳敏之參演新劇《My盛Lady》。以為坐定粒六做女一的徐子珊,開戲後先發現陳敏之戲份愈加愈多,甚至同黃子華對手戲多過自己一截。上週劇組分別在油塘及西環拍外景,徐子珊明擺一姐款,對陳敏之不瞅不睬,只有黐住黃子華,才變面有講有笑。明益愛將

深得監製文偉鴻歡心的陳敏之,在新劇《My盛Lady》中分別同黃子華及阮兆祥有感情線,大玩三角戀,戲份比徐子珊有過之而無不及。「阿Jazz(文偉鴻)之前喺第一集《怒火》同《法網狙擊》做導演同監製,已經好錫敏之,兩套劇角色都係為佢度身訂造!今次仲要由醜女變靚女,好有發揮,監製加咗好多同子華嘅對手戲俾佢,出街嗰陣一定搶晒鏡。」一名《My盛》幕後人員說。冇監製錫,徐子珊轉攻黐實黃子華,甚至出動私家保母車,接送對方出入片場。「子珊喺片場好黐子華,無論平時出外景,抑或喺電視城化妝,子珊次次都主動話車埋子華,叫佢唔使坐劇組車。」幕後人員續說。

有你無我

上週四(廿七日),劇組連踩十二粒鐘拍外景,下午兩點,黃子華及徐子珊到達油塘商場,子華見未埋位,於是走入咖啡店休息,子珊二仔底死跟,更挨實子華吹水。未幾,陳敏之坐低搭枱,徐子珊即扁嘴起身走人,無癮敏之唯有拎塊鏡補妝,淡化尷尬場面。有你無我,之後敏之被召埋位,子珊即刻返入咖啡店,同黃子華、阮兆祥等人繼續吹水,擺明杯葛陳敏之。至晚上八點,劇組移師至上環林士街取景,拍攝黃子華強吻陳敏之被兜巴星戲份。徐子珊當晚負責做路人甲,全程行行企企,唯有面燶燶坐埋一邊篤電話,直至記者要求三人合照,徐子珊才勉強擠出笑容配合。原本以為執到好籌,可以拍住收視福將黃子華拍劇,最後卻由女一變花瓶,難怪子珊條氣唔順到出面。

早有積怨

09年,陳敏之和徐子珊拍攝劇集《美麗高解像》時,已有積怨。其中一場戲講述陳敏之掌摑徐子珊,拍之前導演講明「嚟真」,希望一take過,拍完後,徐子珊即刻怒目陳敏之,更嗌停機要敷冰。其後有傳媒報導話陳敏之夾埋伍詠薇、苑瓊丹等「八婆團」聯手整蠱徐子珊,令她硬食幾十巴。新聞出街後,即惹怒陳敏之及伍姑娘等,指徐子珊放流料搏同情。

 

爭風 風呷 呷醋 監製 捧陳 陳敏 敏之 徐子 子珊 珊女 女一 一變 花瓶
PermaLink: https://articles.zkiz.com/?id=62835

電視風雲 - 王奇雲 皇妃監製 (2013年07月10日)

1 : GS(14)@2013-07-11 01:14:21

http://www.am730.com.hk/article.php?article=162653&d=2101

am730專欄】老媽子話近排唔多精神,做咩都無心機,本以為佢有邊度唔舒服要去睇醫生,後來細妹爆料,話老媽子係因為晚晚煲劇,夜瞓咪無精神囉,竟然電視劇係罪魁禍首,邊套咁勁搞到老人家唔願瞓,照計依家深夜時段係播緊《世青盃》,根本無可能搞到我老媽子。原來佢個幾月前,已經夜麻麻一個人匿喺房睇無記高清台,播緊嗰套由台灣藝人林心如主演嘅《傾世皇妃》,每晚睇到凌晨,後生仔都傷身啦,相勸之下,佢老人家就投訴近期好悶,無咩節目啱佢睇,唔覺意發現有呢套宮廷戲啱口味,雖然有好多演飾角色嘅藝人佢唔識,但起碼有當年演《還珠格格》嘅林心如做女主角,仲有好戲之人惠英紅做太后,加上佢老人家大讚劇中演北漢太子嘅霍建華靚仔,集合種種原因,咁就俘虜咗佢老人家煲上癮。講番呢套劇,其實係林心如自組嘅製作公司嘅首套古裝作品,係改編自網絡作家慕容湮兒嘅同名暢銷小說,故事係以五代十國做背景,所以睇起上嚟,個個都係太子同埋公主,要處理咁多不同國度嘅宮廷戲,的確唔簡單。至於林小姐當然自己擔正做女主角,而且仲做埋監製,老實講,林小姐人靚又演得,經已係無需質疑,劇中服飾又夠華麗,又有型男陪襯,至於做監製呢,可以話佢仲有好多進步空間,有好多藝人做得悶悶哋,就鍾意喺行內嘅其他方面搵啲新搞作,例如演員走去出碟唱歌、藝人去做導演咁,連出名勤力嘅「牛華」,都曾經因此損失慘重啦,所以話演員想轉型都唔係易事,之但係,向來都知東南亞劇集需求大,國內市場更加被視為會生金蛋嘅地方,唔少行外人都想去分一杯羹,更何況在行嘅藝人,當然都希望個個都喺呢行搵到食,百花齊放。
(逢周一至五刊載)
電視 風雲 王奇 奇雲 皇妃 監製 2013 07 10
PermaLink: https://articles.zkiz.com/?id=283269

逃出電視城:前監製見證無綫盛轉衰鍾澍佳控訴霸權廢人

1 : GS(14)@2015-01-11 21:05:25





「TVB裏有三類人:三分之一員工是有理想,有毅力,有才華和潛力而努力工作的!另外三分之一是不工作,不動腦,每天過着返工想着去哪吃午飯,未到四點來個tea,四點九去廁所洗手準備放工的頤養天年分子!而最後三分之一的是每天上班都絞盡腦汁來阻住人做事的真廢人!」以上是一位在無綫工作13年的監製鍾澍佳一番肺腑之言。撰文:楊潔雯



鍾澍佳19歲入無綫,由助理編導做起,做過編導、高級編導,再升做監製。在無綫經歷年少氣盛的黃金十年,近年眼見無綫由盛轉衰,本來是創意工業主導的電視台,竟然變成工廠,甚至是工具,難怪鍾澍佳在一位服務無綫28年的劇務一鳥被離職後,突然冒出頭來鬧爆無綫內有三分一都是廢人。



■鍾澍佳在無綫出身,由低做起,所以電視圈有不少朋友。資料圖片

■一鳥在無綫做了28年劇務,早前突「被離職」。資料圖片



戥一鳥被離職唔抵


鍾澍佳日前接受本報記者專訪說:「我講嗰段嘢係針對事囉!係針對一件事同一個政策,唔係某一個個別事件,一鳥其實都唔係第一個,舊年《東張西望》福哥(資深攝影師黃展倫)被迫提早退休,發哥(周潤發)都去幫佢,之前都有好多前輩都遇過呢個問題,我講嗰段嘢,係我當年離開TVB嘅少少感受,呢段嘢放喺好多大型機構、政府私營機構,上市公司越大型都係一樣,好不幸,電視行業唔係一個工廠,係一個創意媒體行業,放喺一個創意行業,咁就好得人驚喇!」鍾澍佳公然在微博向電視霸權開火,令不少圈中人咋舌,他說:「係呀!我同天華食飯,佢話:『你做乜咁夠膽!』,我冇針對任何人,我只係想講自己少少嘅感受,其實我都喺TVB大,佢教識咗我好多嘢,裏面我都遇到一啲好好嘅老師,有呢啲老師我先會慢慢成長,愛之深恨之切,因為咁先會覺得佢唔應該咁樣落去。」



所以,當鍾澍佳見到一個又一個舊同事「被離職」,自然感觸良多,他重提一鳥被離職的事,他說:「佢係咪炒我唔係好清楚,但係一鳥絕對係第一類嘅好員工,我哋前後腳入TVB,佢入咗劇務組,劇務喺TVB嘅體制係好重要,成個製作嗰日嘅拍攝順唔順利,好多時就係個劇務好唔好,TVB傳統個劇務組係好強,呢樣係無可厚非,佢哋都係會好忙,我哋拍嘢嘅人,聲譽好好,唔係買水買飯咁簡單。TVB製作拍外景喺導演之外係得一個PA,咁下面係冇人喇!一個有經驗劇務係可以幫PA解決好多問題,所以係好重要一個部門,你睇佢同咁多藝人嘅關係,唔係口講,係累積返嚟,所以係咪拍過戲劇都會識佢。」



「制度扼殺咗佢哋」

在TVB過了黃金十年,鍾澍佳一再懷緬過去說:「我諗我個年代,其他喺行業裏面好多電影導演,無可否認幫香港訓練好多優秀製作人才,我係最後一個出嚟可以拍到電影,其實仲有三分一人好做得嘢,只係個制度扼殺咗佢哋。」



■資深攝影師黃展倫(左)被裁,發哥仗義相助。

■鍾澍佳對無綫開火,全因愛之深,恨之切。


《蘭陵王》劇照

【人物誌】執導《蘭陵王》威水

鍾澍佳,又名佳佳導演。離開無綫拍電影,北上搵食,定居北京,本想落地生根,隨後結婚,之後生了兩個女,最近為了兩女生活和教育,又決定回港居住。鍾澍佳執導的內地劇《蘭陵王》在東南亞等地熱播,在台灣破古裝劇收視紀錄,去年8月在浙江、東方、深圳、雲南四大衛視播映,更取得三天收視破億的視頻點擊率。但在香港,他繼續堅持拍攝港式小品,為香港電影出一分力。





來源: http://hk.apple.nextmedia.com/entertainment/art/20150110/18997419
逃出 電視 監製 見證 盛轉 轉衰 衰鍾 鍾澍 澍佳 控訴 霸權 廢人
PermaLink: https://articles.zkiz.com/?id=287140

煽情監製:韋家輝度橋「總之要掟仔落街」

1 : GS(14)@2015-04-22 22:31:50

■韋家輝當年加入TVB後,曾被喻為「新王晶」。資料圖片


昨凌晨《大時代》重播逾41萬人收看,《大時代》靈魂人物、監製韋家輝昨亦透過助手回覆:「好開心咁多年前嘅作品仲有人鍾意,當年用倒敍方法一開頭就掉啲仔落街幾冒險,估唔到今日變咗經典。」2011年他於《焦點影人韋家輝》一書的訪問提到入行時仍是一張白紙,靠看影帶及劇本增進知識,將電影方法用在電視中。他舉例《大時代》首集的劇情:「一開始就想到要掟仔落街,那時的電視劇多用對白推展劇情,而我則先從影像去想,總之要掟個仔落街,甚麼原因掟就慢慢再度。」



26歲升做監製

韋家輝畢業後第一份工是在銅鑼灣碧麗宮戲院做停車場管理員,之後轉職TVB見習編劇,他透露:「記憶中在TVB上課沒多久,被視為可能是『新王晶』,上課後一個多星期便被調入戲劇組,首套劇是《過山車》,之後是《飛越十八層》。」到26歲從創作組升任製作組的監製,之前並無先例。他表示在年少時覺得很多部電視劇都不夠盡:「那時會問自己『換轉我來做會如何?』到有機會便盡情發揮,於是有《流氓大亨》、《誓不低頭》,那時我綽號叫『煽情監製』。」之後電視大戰展開,韋家輝拍《大時代》,他說:「現在回望會訝異,只有20多歲很自信,只知要贏。」採訪:李森





來源: http://hk.apple.nextmedia.com/entertainment/art/20150422/19120813
煽情 監製 韋家 家輝 輝度 度橋 總之 要掟 掟仔 仔落 落街
PermaLink: https://articles.zkiz.com/?id=289808

冇面俾 林峯唔吼《使徒行者》電影版 監製戚美珍推老公苗僑偉升男一

1 : GS(14)@2015-06-11 12:40:37

2015-06-11 NM



大台打鑼宣布開拍《使徒行者》電影版,話明原班人馬,林峯、佘詩曼孭正,點知已離巢的峯少唔稀罕,一句「無興趣」,推!被老死曾志偉拉落海做電影監製的三嫂戚美珍,索性順勢推在劇中飾演臥底阿Sir卓凱的三哥苗僑偉,做電影版男一,夫妻檔上陣,話晒事。唔傾片酬即推

繼《衝上雲霄》一開二後,無綫拍板開拍去年最高收視劇《使徒行者》電影版,並屬意沿用已經離巢的林峯做男主角,但林峯話之你,以「無興趣」為由拒絕,完全冇面俾。「林峯梗係唔接!《使徒行者》都叫做高收視,但TVB淨係俾佘詩曼攞視后,就算Seed哥都好有口碑,但林峯因為唔續約,就連豬肉獎都冇!既然係唔開心咁走,點解仲要俾面;況且林峯而家集中打大陸巿場,嚟緊又會同古天樂合作《尋秦記》,所以佢連片酬都懶得傾,一口就推咗。」林峯身邊人說。

徐子珊謀住

大台開戲,一貫慣例,自己友玩晒,《使徒行者》由曾志偉負責策劃,自己友戚美珍處女下海做監製;男主角換人,劇本亦要重新執過。「三哥三嫂同殼王玩得好埋,年前志偉叫三嫂出山幫大台主持飲食節目,三嫂碌卡搵咗好多紅人好似梁家輝、洪金寶做嘉賓;今次由佢做監製,對搵大卡士幫手都有幫助。而家林峯唔做,三嫂索性叫自己老公做男主角,反正之後都會搵啲大卡士坐鎮。」知情者說。男主角有變,女主角釘姐亦可能換,據了解,明年二月約滿的佘詩曼,仍與大台在拉鋸 階段。「如果阿佘唔續約,TVB未必俾佢做女一,加上樂小姐之前安排咗一班就快約滿嘅藝人同老闆食飯,徐子珊講到明續約條件係要有機會同想拍戲,所以如果阿佘傾唔掂,徐子珊分分鐘做女主角。」知情者說。

食得唔好嘥

電視劇收視好,亦唔擔保拍電影版有捧場客,但大台食得唔嘥,近年將收得的電視劇一開二,執多劑!

《Laughing Gor之變節》09年電視劇《學警狙擊》的Laughing哥大爆,大台搵影帝黃秋生及吳鎮宇坐鎮,捧謝天華做男一開拍電影版《Laughing Gor之變節》,公司揼本捧,不過謝天華人氣未有受惠,前年約滿大台後自組公司返內地發展。

《衝上雲霄》《衝上雲霄2》大收,不單令Cool魔張智霖人氣爆燈,大台更趁勢開拍電影版,除了安插親生女佘詩曼做女主角,又搵來古天樂、鄭秀文等大星孭飛,今年賀歲檔期收二千多萬,票房一般,慘蝕收場。
冇面 面俾 唔吼 使徒 行者 電影版 電影 監製 戚美 美珍 珍推 老公 苗僑 僑偉 偉升 升男 男一
PermaLink: https://articles.zkiz.com/?id=290790

《洛奇》金像監製胰臟癌病逝

1 : GS(14)@2015-06-12 08:56:34

憑《洛奇》(Rocky)奪得奧斯卡金像獎最佳電影的荷李活監製Robert Chartoff,前日因胰臟癌於加州聖莫尼卡家中逝世,終年81歲。


■監製Robert(右)當年憑《洛奇》奪最佳電影,更令史泰龍(中)一炮而紅。


於紐約出世的Robert Chartoff生前炮製過不少膾炙人口的作品,除《狂牛》(Raging Bull)外還有當年令他得獎兼令史泰龍(Sylvester Stallone)一炮而紅的《洛奇》,更包辦全部《洛奇》系列監製,包括現已拍完進入後期製作的洛奇外傳《Creed》。當年跟Robert一起製作《洛奇》得獎的監製Irwin Winkler讚揚他說:「Robert的成就已說明一切,他還是個樂善好施的人,甚少人知道他為印度孤兒興建學校。」先後結過3次婚的Robert,跟現任太太Jenny Weyman共育有5位小朋友。撰文:盧葦





來源: http://hk.apple.nextmedia.com/entertainment/art/20150612/19180942
洛奇 金像 監製 胰臟 臟癌 病逝
PermaLink: https://articles.zkiz.com/?id=290823

「披頭四」御用監製佐治馬田逝世

1 : GS(14)@2016-03-11 00:51:14

英國影響力最大搖滾樂隊「披頭四」的御用監製佐治馬田(George Martin),前晚在家中離世,享年90歲。佐治馬田因為發掘披頭四、監製其絕大多數專集並參與編曲演奏,被譽為「披頭四第五人」(Fifth Beatle)。


■佐治馬田(右二)與披頭四炮製了多張金唱片。


佐治馬田的經理人和披頭四鼓手靈高史達,昨宣佈他死訊。英首相卡梅倫指佐治馬田是「音樂巨人」,與披頭四合作炮製眾多偉大音樂。1926年出生的佐治馬田,二戰參軍後讀音樂,演奏雙簧管,29歲就成為EMI唱片子公司Parlophone主管,62年一聽披頭四,就洞悉他們流行潛力,一力簽下對方。佐治馬田以他的廣闊音樂知識,助披頭四音樂探索不同音樂元素,急速成長,亦不時客串彈鍵盤和負責管弦樂部份編曲,得意傑作包括在金曲《Yesterday》加上弦樂。法新社/美聯社





來源: http://hk.apple.nextmedia.com/international/art/20160310/19523512
披頭 頭四 禦用 監製 佐治 馬田 逝世
PermaLink: https://articles.zkiz.com/?id=297496

《十年》監製:排斥本土等於除根

1 : GS(14)@2016-03-16 07:33:02

談本土思潮,自治派、城邦派、港獨派、革新派,各有論述,近年不僅泛民也主張本土,就連建制派及財爺,亦爭取本土話語權。何謂本土,誰說了算?角逐今屆金像獎最佳電影的港產獨立電影《十年》,5條獨立短片大談本土、港獨、赤化、以普滅粵,創下獨立電影罕見票房佳績。其中1條短片〈本地蛋〉中,廖啟智一句「千祈唔好慣」如當頭捧喝,這金句原來是出自年輕導演兼監製伍嘉良的手筆,「香港人呢十幾年面對嗰種嘅荒謬,真係日新月異,嗰種荒謬程度真係好創新科技,挑戰緊香港人個耐性係邊,願唔願意妥協」;十年後的對白,警醒當下的香港人,一切為時未晚。記者:李鈺廷《十年》5名年輕導演不問賺蝕,不用商業計算,純粹建構5組十年後的故事,向觀眾提問,「我哋問緊嘅問題,原來觀眾自己都問緊;原來我哋擔心嘅嘢,香港人都係擔心緊;原來我哋想點樣搵出路,原來香港人都係搵緊出路;大家都知道,個將來大家有份」,有誰共鳴?票房、入座率可見一斑,「裡面蘊含著香港人嗰種共鳴感、嗰種力量,我覺得好巨大」。近年本土思潮掘起,執導短片亦以「本地蛋」為題的伍嘉良認為,打壓越大,反作用力越大,「咁自然不過嘅事,都要被label(標籤)、被排斥,個原因又係唔講邏輯嘅,咪激發到好多香港人希望爭取同守護番嗰種本土」,直言政府不應打壓和排斥本土意識,更要努力保存和強化,「如果一個地方冇咗佢一路以嚟流傳嘅精神、文化價值,佢就冇咗一個根,冇咗歷史,冇咗文化嘅蘊釀;畀好多外來嘅、差劣嘅、唔同嘅價值文化不斷溝淡、衝擊」。他指政府不應假以土地不足為由,輕視本地農業發展;電影業界亦不應只歸咎網上侵權令票房下滑,而是多製作符合港人口味的影片,重新吸引觀眾入場。一部由年輕人執導的《十年》,5名導演無心插柳,卻造就本港獨立電影奇蹟,伍嘉良亦承認,本土電影威力不容小覷,「《十年》觀眾個對象就剩係香港人,即係本土、關心香港人嘅人為一個對象,有呢個成績,我哋覺得有一種好大嘅共鳴感;觀眾去睇,並唔係純粹一種消費、輕鬆、娛樂,而係佢好想睇吓一個對香港將來嘅想象會係點樣呢?」



智叔金句由來

上世紀八十年代,香港經濟騰飛;九十年代的移民潮,上流機會處處;港人一直搵錢至上,直至前年,一場由年輕人發起的雨傘運動,一眾已上位的中年人紛紛政治覺醒,走上街頭,走進社運,走入議會,希望填補過去數十年的政治缺失,為下一代抗爭,未時已晚嗎?伍嘉良執導的短片〈本地蛋〉中,飾演本地蛋商的廖啟智一句「千祈唔好慣」,成為電影金句;共鳴背後,執筆的伍嘉良亦希望此對白能敲響警號,希望當下成年人反省。「我寫嘅時候,想像吓佢(智叔角色)嘅處境,佢眼前嘅小朋友,佢自己嘅下一代搞成咁,佢社區入面年輕嘅朋友又搞成咁,我會唔會有一種反省呢?係咪應該有一種悔咎呢?如果一個有良知、願意對自己負責的人,我覺得要問呢個問題:究竟過去、現在,甚至乎將來嘅決定,有冇對得著下一代呢?有冇諗過我們選擇咗習慣,可能自己個代唔會直接受到影響,可能係下一個十年,可能係大家個小朋友,會面對一個好沉重嘅代價呢?」



「佩服」梁美芬

伍嘉良口中的「搞成咁」,就是連下一代都變成「小紅衛兵」,本土、本地等詞也動輒成禁語的十年後預像,卻遭經民聯立法會議員梁美芬批評為劇情過時,認為應起用「城管」而非「紅衛兵」。伍嘉良笑言「佩服」梁美芬的膽識,「我覺得佢個評價幾得意,咁係咪代表城管係一種進步呢?咁係咪佢話緊而家嘅城管,就係以前嘅紅衛兵呢?佢係咪描述緊偉大嘅毛主席嘅思想係out(過時)呢?佢都幾好嘢喎」。回看今天,香港雖沒有小紅衛兵,本土一詞亦非禁語,但也有青少年軍、國民小先鋒,「去殖」之聲絕非只聞樓梯響,電車、郵筒、校徽,仿佛有英皇冠、有殖民色彩就是禁忌,「香港人呢十幾年面對嗰種嘅荒謬,真係日新月異,嗰種荒謬程度真係好創新科技,挑戰緊香港人個耐性係邊,願唔願意妥協」。這位年輕導演筆下的「千祈唔好慣」,除了反思,也是寄語,「有好多違背良知嘅事情,是非黑白顛倒,你係明知道嘅,你係分辦到嘅,但你選擇咗妥協嘅,呢一種咪係唔好嘅習慣」。



被荒謬捧紅

普教中、青少年軍、李波失蹤、學生血的控訴;過去一年,有人說現實比電影更荒謬,甚至有人戲言不用看《十年》,劇情已活脫脫呈現眼前,但不少人仍堅持入場,一睹光影下的十年後是何等荒誕。在香港,荒謬捧紅了《毛記》,也捧紅了《十年》;在外媒爭相報道表揚之際,還得吃一棍內地黨媒以「思想病毒」狠批,但「病毒」荒謬得落畫後,仍繼續在社區蔓延、感染:教會、議員、大學學生會包場的放映座談會,遍地開花,還殺入香港電影金像獎,登陸本港和海外電影節,製作團隊當然鼓舞,但一切都是意料之外,原來他們盤算過最壞情況,「甚至乎冇人睇嘅話,咁就包場邀請人睇」。「開頭有得去電影節已經係一個bonus(獎勵)嚟!」伍嘉良坦言,當初5條短片剪接完成,根本無計劃在戲院上映,「係完全冇」。一套近乎零卡士、零宣傳的獨立電影,若能登上電影節已是佳績,最終《十年》公映近2個月,場次不多,票房突破600萬元;整體入座率高達七、八成,單計日間入滿率亦過半,個別場次更爆滿,伍嘉良說,以香港獨立電影界及上映規模計,此等入座率和票房實屬罕見,「無論係院方、電影影迷或者影評人,佢哋都講番佢哋觀察到嘅數字,係有啲瘋狂」。惟熱潮過後,伍嘉良更希望做好地區巡迴放映座談會,與市民深入交流。《十年》由5個短篇電影組成,有觸及敏感話題「港獨」的〈自焚者〉、賣雞蛋無路避走寶島的〈本地蛋〉,還有標誌廣東話沒落的〈方言〉等。【早前報道】《十年》全線落畫監製:會再傾戲院上映考慮出碟
http://bit.ly/1LsdJVN《十年》熱潮學界延續兩大學1,700張門票早售罄
http://bit.ly/1ouvMFB





來源: http://hk.apple.nextmedia.com/news/art/20160316/19531886
十年 監製 排斥 本土 等於 除根
PermaLink: https://articles.zkiz.com/?id=298079

《殭》收視低 監製怪觀眾網民:畀發哥你拍都死

1 : GS(14)@2016-05-21 13:13:39

無綫劇《殭》大結局收視平均有25.8點,最高收27點,前晚該劇監製陳維冠接受傳媒訪問時,就話有啲失望,仲話拍呢套劇,其實只係想改變觀眾睇電視劇嘅習慣——就係唔好齋聽人講,亦唔好只係睇一兩集就下判斷,而係要真真正正去煲——陳維冠仲話,作為電視媒體係要不斷去試,而作為觀眾,陳維冠話,佢哋都要不斷進步。有網民反問:叫人睇多幾集先知好睇?點解唔索性將唔好睇嗰幾集刪走佢:「識拍戲啲人去晒邊,有啲咁嘅監製,畀發哥你拍都死。咁大反應係為喜見無綫任用新面孔,拍啲無乜點拍嘅題材,但點解可以拍成咁!叫人睇多幾集先知好睇就死啦,不如將唔好睇嗰前幾集取消好過,將啲出外景錢放喺有用的地方,例如編劇。點解無綫變到現在咁……」





來源: http://hk.apple.nextmedia.com/entertainment/art/20160518/19616018
收視 監製 觀眾 網民 發哥 你拍 拍都 都死
PermaLink: https://articles.zkiz.com/?id=300556

無綫亂局余珍惡鬥 監製被辭職

1 : GS(14)@2016-05-21 18:29:43

【派系鬥爭】■余詠珊(右)和曾勵珍水火不容,令下屬慘成代罪羔羊。資料圖片


【內憂】無綫新劇《親親我好媽》,由前戲劇製作部總監梁家樹愛將關永忠監製,演員有陳敏之、黃智賢、江美儀等,據知,早前因演員投訴劇本差及高層權鬥問題,被高層曾勵珍下令「停廠」四日。昨日本報收到消息,指關永忠要為停廠負全責,成為事件的政治犧牲品。事關《親親我好媽》是助理總經理杜之克下旨開拍,而杜之克跟綜藝科總監余詠珊同一陣線,兩人與戲劇製作部總監曾勵珍勢成水火,今次因監製出錯搞到停廠四日,故關永忠要孭黑鑊被犧牲!其實,去年汪明荃落敗視后,羅家英已在微博留言:「梁系已飄蓬葉落,你明白的!」屬於梁家樹派系的關永忠被犧牲很正常。消息指關永忠接到大信封後,無綫下旨叫他低調處理,對外表示是自己「請辭」,而非「被辭」,昨日記者致電關永忠求證,問到是否離開無綫?最初他否認:「唔係,冇呀!」記者指因「停廠」事件傳被炒魷,他說:「舊聞喇!我而家做緊呢套劇後期,未知幾時出街,仲剪緊。」由於傳聞言之鑿鑿,記者再次致電給他,關永忠終改口:「唔係未辭職,係未走,公司規定辭職要六個月通知,自己喺無綫三十年,夠皮啦,唔係長情,鍾意就做啦。」


【慘被犧牲】■任職30年的無綫監製關永忠,成為權鬥犧牲品被辭職。資料圖片

關永忠直認唔開心

問到是否做得不開心請辭?關永忠坦言:「有啲影響,個人都攰。」是否跟停廠有關?他強調:「冇人同我提過呢件事,停廠停外景成日都有,牽涉搭景、演員檔期,其實係煲大咗,冇乜大問題。」余珍兩高層鬥爭激烈,記者指他不是珍姐黨羽,關永忠說:「我哋都係under佢嘅員工,TVB係老細,我哋出TVB糧,打工仔可以做乜,上面有乜指示做乜。我好少同老細打交道,多一事不如少一事。」採訪:非非





來源: http://hk.apple.nextmedia.com/entertainment/art/20160520/19619567
亂局 局余 余珍 惡鬥 監製 辭職
PermaLink: https://articles.zkiz.com/?id=300840

《十年》紐約首映監製研日韓台合拍國際版

1 : GS(14)@2016-07-09 06:35:56

預示香港前途的獨立電影《十年》,破天荒獲第35屆香港電影金像獎頒發「最佳電影」大獎,並獲邀到世界各地舉行多場放映會,電影六名監製及導演,在紐約參與北美首映時透露,正研究開拍《十年》國際版,初步屬意邀請台灣、日本及韓國導演,把各地社會議題串聯以引起關注。駐紐約記者:鄭柏齡由《浮瓜》、《冬蟬》、《方言》、《自焚者》及《本地蛋》五套短片組成的《十年》,內容涉及人權、民主、言論自由等議題,被中共喉舌《環球時報》批評帶有「思想病毒」,另一方面卻引發大批港人共鳴。電影六名核心成員包括導演郭臻、黃飛鵬、歐文傑、周冠威,監製蔡廉明及身兼導演及監製的伍嘉良,獲邀到紐約參與電影首映及其他公開活動,亦是六人首次一同於海外參展。蔡廉明透露,構思中的「國際版」不是《十年》續集,而是邀請台灣、日本及韓國等地導演合作,「把《十年》想法延續到其他國家,讓他們思考十年後過得怎樣」。伍嘉良補充,《十年》即將參加台北電影節及在當地院線上映,已有導演與他們接洽,估計最早能合作成事的是台灣;兩名監製仍在考慮如何找投資者,但不會以眾籌方式集資。事實上,《十年》今年4月獲獎後,已先後到過日本、澳洲、英國等地放映,完成紐約及台北影展後,影片將繼續到加拿大、甚至荷蘭放映。蔡廉明指,華人越多的社區對影片越感興趣,相反,香港大型院線卻不斷以「沒有檔期」為由,不予《十年》重新上映。現實中,「銅鑼灣書店」事件、歌手何韻詩被取消個唱等,較電影來得更加荒誕,導演之一歐文傑指,獲獎後承受巨大政治壓力,「有投資者找我當導演開戲,我向他推薦嘉良(伍良嘉、《十年》監製),投資者聽到《十年》後連忙說不好」;雖然被部分電影工作者揶揄他們不夠「醒目」(smart),不懂得在界線上遊走,但歐文傑認為,作為導演只要「真誠講出自己想說的話」,即使資金有限,亦能夠觸動觀眾。





來源: http://hk.apple.nextmedia.com/international/art/20160707/19685042
十年 紐約 首映 監製 日韓 合拍 國際版 國際
PermaLink: https://articles.zkiz.com/?id=302889

《穿越》監製激讚黑島結菜

1 : GS(14)@2016-08-07 02:13:53

日本NTV電視台將筒井康隆經典小說《穿越時空的少女》翻拍成全新日劇,起用年僅19歲的黑島結菜飾演女主角,劇集今晚便在日本播出大結局,而亞洲電視頻道GEM(now tv151台)就於本月15日起開播。


黑島結菜


《穿》劇監製松本京子日前在東京接受《蘋果》訪問,原著小說以往曾拍成不同電影、日劇及動畫,松本監製花了很多心思拍出不一樣的版本。松本大讚黑島結菜是個出色女演員,今次在劇中有別其以往戲路,發揮出可愛及活潑一面。採訪、攝影:吳家偉





來源: http://hk.apple.nextmedia.com/entertainment/art/20160806/19724600
穿越 監製 激讚 黑島 結菜
PermaLink: https://articles.zkiz.com/?id=304715

兩度與陳凱歌合作 奧斯卡常客《霸王別姬》監製心臟病猝死

1 : GS(14)@2016-09-07 21:46:15

【1953-2016】■英國著名監製Donald Ranvaud於蒙特利爾酒店內猝死,終年62歲。



英國著名監製Donald Ranvaud本來正於加拿大蒙特利爾電影節擔任評審,他於當地時間周日晚上突然於酒店內猝死,終年62歲。電影節的發言人已確實其死訊,但未有透露原因,有指他是死於心臟病。



■Donald監製的作品中,最為港人認識的是張國榮主演的《霸王別姬》。

89年旅居中國

Donald監製過不少著名作品,最為港人熟悉的是下周一60歲冥壽「哥哥」張國榮主演的《霸王別姬》。曾是記者並於1975年創辦獨立電影雜誌《Frameworkin》的Donald,於1989年開始做全職電影監製,於1989年至1993年在中國居住時監製了陳凱歌《邊走邊唱》及《霸王別姬》兩部作品。Donald其後搬到去拉丁美洲居住,將注意力放在當地電影,於1998年監製了由巴西導演路達沙利斯(Walter Salles)執導的《中央車站》(Central Station),該片更獲奧斯卡最佳外語片提名。之後Donald與巴西名導費蘭度梅維里斯(Fernando Meirelles)兩度合作,監製了《無主之城》(City of God)及《無國界追兇》(The Constant Gardener)。《無主之城》及《無國界追兇》分別於04及05年獲得4項奧斯卡提名,英國女星麗素慧絲(Rachel Weisz)更憑《無國界追兇》獲奧斯卡最佳女配角。


閉幕全場默哀

蒙特利爾電影節主席Serge Losique形容Donald是位好友、作家及對電影上了癮。電影節於當地時間周一舉行閉幕禮,期間全場為Donald進行了一分鐘默哀,而為得獎者舉行的慶祝活動亦取消以示尊重。撰文:泰米


■《無主之城》在04年獲得4項奧斯卡提名。

■長澤正美(中)及中井貴一(左二)出席蒙特利爾電影節閉幕禮時,有向Donald默哀。



來源: http://hk.apple.nextmedia.com/entertainment/art/20160907/19762424
兩度 陳凱歌 陳凱 合作 奧斯卡 奧斯 常客 霸王 別姬 監製 心臟病 心臟 猝死
PermaLink: https://articles.zkiz.com/?id=307997

【馮仁昭四圍超】伍嘉良監製台版《十年》

1 : GS(14)@2016-09-30 08:09:11

電影《十年》其中一位導演伍嘉良早前接受有線節目訪問,講到《十年》獲獎引發金像獎改制風波,佢話:「我哋創作劇本時冇諗過會發生咁多事,甚至可唔可以上映都唔知。」佢唔同意搞藝術唔好涉及政治,因為香港已去到臨界點,電影可以帶出社會問題等大眾討論。嚟緊佢會做台灣版《十年》嘅監製,創作台灣本土故事。聽日金馬獎會公佈入圍名單,唔知《十年》有冇機會參加年底嘅頒獎禮呢?撰文:馮仁昭




來源: http://hk.apple.nextmedia.com/entertainment/art/20160930/19785935
馮仁 仁昭 四圍 嘉良 監製 臺版 十年
PermaLink: https://articles.zkiz.com/?id=310752

做監製有着數?錢國偉捧起唔少女 老婆都娶埋

1 : GS(14)@2016-10-27 06:02:39

錢國偉係大台節目監製出身,負責過唔少綜藝節目,好似《美女廚房》同《味分天下》等等,共通點係女女女......唔係《巨輪II》個隻,而真係好多女藝人參與啲花瓶助手角色。後來錢國偉轉行做導演,最出名嘅一定係《喜愛夜蒲》系列,簡單啲講,佢真係培養咗好多女藝人出道:賈曉晨(JJ):《美女廚房》嘅「美少女廚神」冠軍,之後參加埋錢國偉另一套《味分天下》,做助手「梳打」,因為佢有對長腿,加上性格單純,大台啲遊戲節目都必定預佢一份。何佩瑜(Jeana):同JJ一樣,都參加過《美女廚房》嘅「美少女廚神」比賽,亦拍過《夜蒲》系列。一直以性感女神作招徠,錢國偉新戲《辣警霸王花》當然唔少得佢個份。陳靜(DaDa):《夜蒲》女陳靜原本叫「百香園E神」,佢嘅E cup巨乳就得到錢國偉賞識,拍咗第一集《喜愛夜蒲》。不過13年佢突然神隱,三個月後又宣佈復出,打亂咗《喜愛夜蒲3》嘅部署,錢國偉仲明言永不錄用。連詩雅(Shiga):連詩雅除咗係位歌手,其實都係第一代《夜蒲》女,佢仲憑呢套戲獲提名第31屆金像獎最佳新演員。陳宛蔚:曾經係《味分天下》擔任助手嘅「雜果賓治」陳宛蔚,待遇絕對係最特別嗰個,因為佢同錢國偉傳緋聞足足傳咗6年咁耐,直到12年先認拍拖,上年仲拉埋天窗。




來源: http://hk.apple.nextmedia.com/entertainment/art/20161027/19813393
監製 有著 錢國 國偉 偉捧 捧起 起唔 少女 老婆 都娶 娶埋
PermaLink: https://articles.zkiz.com/?id=313683

有女主角都唔做「巨胸翠如」爆電影監製叫「陪瞓」

1 : GS(14)@2016-11-23 07:53:22

■Larine未參加美選前,曾有知名電影監製要求她陪瞓。



Larine還爆未參選《美選》前,有次與朋友去卡拉OK,被現場的知名電影監製要求陪瞓一晚,之後便可以做女主角,Larine當然冇答應。她承認參加《美選》是入行最後一個嘗試,但參選以來被其他佳麗杯葛,她淡淡然說:「我成日俾人寸,但我都分唔清邊句係真寸邊句係假寸,仲同其他人笑埋一份,可能咁樣反而激嬲咗佢哋!」




來源: http://hk.apple.nextmedia.com/entertainment/art/20161123/19842608
女主角 都唔 唔做 巨胸 胸翠 翠如 電影 監製
PermaLink: https://articles.zkiz.com/?id=316669

篤走珍姐愛將監製?江美儀認珍姐搵過佢

1 : GS(14)@2016-12-07 08:01:00

江美儀昨日回應早前有傳佢接到好籌、喺新劇《親親我好媽》中擔正做女一,不過有指佢對劇本諸多要求不滿,更趁戲劇製作總監曾勵珍放大假時,單人匹馬殺上珍姐老頂、當時仍係助理總經理杜之克房中,越級投訴屬珍姐「馬房」嘅《親》劇監製關永忠。結果唔止套劇臨時煞停四日要大執劇本,最後喺無綫任職30年嘅監製關永忠都要執包袱走,江美儀:「第一次做女主角,當時可能有啲……人哋做女主角好順利,但自己就好似唔係咁開心,好擔心影響到人,但我完全冇帶隊上去投訴。只係默默同黃智賢睇吓嚟緊啲戲點做…最近珍姐都有send messgae畀我,叫我唔好為呢啲無中生有嘅事唔開心,仲叫我如果返去就搵佢傾偈。」但係又幾巧合喎,有傳你投訴完後,就冇拍過珍姐啲劇,江美儀就表示:「唔係,我現在開緊工,開《同盟》(文偉鴻監製),可能咁啱得咁橋。」問到有冇打畀關永忠?江美儀就話一向有聯絡。




來源: http://hk.apple.nextmedia.com/entertainment/art/20161207/19857329
篤走 走珍 珍姐 愛將 監製 江美 美儀 儀認 認珍 姐搵 搵過 過佢
PermaLink: https://articles.zkiz.com/?id=318623

雪藏半年冇運行前亞視監製爆陳展鵬「黑材料」

1 : GS(14)@2017-01-12 08:03:25

依家大家都鍾意講舊時,回帶mode吸引過新聞,可能因為香港已經沒有明星。依家紅嗰啲受力捧嗰啲,都四字頭。好似啱啱喺《勁歌金曲》頒獎禮拎咗首半金曲(佢一個人都拎咗一首)嘅陳展鵬,今個月14號都踏入四字頭喇。陳展鵬依家真係好紅呀,又拎視帝又拎金曲,大家都話,陳展鵬拎金曲金同最受歡迎男歌星,指日可待,雖然,佢一個人拎金曲獎嗰陣,係咪嘴…依家嘅陳展鵬,備受力捧,但唔知點解,其五官硬膠程度,同人氣成正比。咁硬,會否對演戲帶來不便呢?要問佢本人喇,不過就咁,在一片考古熱潮中,陳展鵬啲舊事,又再被翻起。前亞視著名監製楊紹鴻去年出咗本書講古,其中一個chapter,係講陳展鵬嘅。94年加入無綫藝員訓練班嘅陳展鵬,其伯樂原來係楊紹鴻。95年陳生入行嗰陣,仲係演戲BB班,98年楊紹鴻搵佢拍大陸劇《少年英雄方世玉》,佢形容當時嘅陳展鵬係「演技很嫩」,而且冇戲味,但楊紹鴻睇中佢亦正亦邪氣質喎。後來楊紹鴻04年入亞視,見番陳展鵬,於是搵佢拍《愛在有情天》,男女主角係當年勁派花生嘅馬景濤同陳秀雯。楊紹鴻仲搵陳生唱埋劇集插曲,又帶佢北上宣傳開拓人仔市場。就係咁,陳展鵬成為楊紹鴻御用班底,逢親開劇都搵佢,陳亦開始站穩小生之列,但後嚟點解又同亞視鬧翻呢?楊紹鴻原來都知0架,係因為李小龍。楊紹鴻話,嗰陣亞視要求陳展鵬拍李小龍宣傳片,咁陳展鵬又有啲少爺脾氣,佢覺得呢(以下都係楊紹鴻講嘅…),開劇已經好攰喇,忽然又要拍李小龍特輯,要著緊身衫,咁自己已經好攰啦,又冇時間操靚個Figure,突然就話要拍……陳展鵬覺得咁樣唔好,斷言拒絕,死都唔接。鬧脾氣嘅結果,當然係雪藏。陳展鵬俾亞視雪足半年,以示懲戒。陳展鵬一怒之下,唔續約,轉投無綫。陳展鵬嘅fans係咪要感謝李小龍?




來源: http://hk.apple.nextmedia.com/entertainment/art/20170111/19892794
雪藏 半年 冇運 行前 亞視 監製 陳展 材料
PermaLink: https://articles.zkiz.com/?id=322185

率大王18人開餐 16餸自動變45例牌監製李漢源轟澳門食店劏客

1 : GS(14)@2017-02-03 03:10:27

■無綫監製李漢源指年初三帶隊到澳門拍攝花車巡遊後,在食店開餐被濫收費。互聯網圖片



年初三帶隊到澳門拍攝花車巡遊節目的TVB體育科節目監製及製作主任李漢源,收工後大夥兒到附近的食肆開餐,不過這一頓飯被濫收費用,李漢源在facebook貼出單據以及食肆卡片,他不吐不快:「拍攝製作澳門花車巡遊節目,跟着食晚飯,18個人叫16個餸,飯店覺得我們人多要加大三倍,變了45個例牌,一隻雞,另新年加兩成服務費,對澳門的食真反感。」



■李漢源在fb上指不是錢的問題,只是不滿被搵笨。

■安德尊和張美妮到澳門主持花車巡遊直播。

■李漢源上載收據到fb,指飯店將16個餸變45個。互聯網圖片

每碟餸加三倍

本報致電李漢源,被問到澳門濫收費用一事,他說:「唔好意思,我唔想回答。」據知李漢源大前晚到澳門食飯,一行18人包括大王安德尊,食肆夥計在未經他們同意的情況下,自動將每碟小菜加大三倍,他們即場跟夥計理論,一班夥計連聲道歉,並解釋以為他們不夠食才自動加大,最後李漢源以新年為由,不想初三赤口,便結賬完事。當晚在場的安德尊曾表示如果開不到數,他可以包底。同行工作人員知道食肆收費貴,所以不敢亂叫飲品,安德尊向眾人推介蔗汁,並表示由他請客,問夥計幾錢一渣,當大家聽到88元一渣,安德尊便說:「咁叫一渣算啦。」之後安德尊請大家飲啤酒,夥計拿了兩支未開瓶的啤酒,夥計表示18元一支,各人示意價錢合理,當他們準備再叫的時候,夥計拿來一支未經冷藏的啤酒,夥計指冰凍啤酒是28元,最後工作人員只要了一支凍啤酒。


張美妮:太過份

事件旋即成為網上熱話,張美妮亦留言說:「太過份啦!」有網民指食肆有劏客之嫌,求公開食肆名稱,亦有人認為TVB有錢,不應該計較,李漢源回答網友留言:「不是錢的問題,是搵笨。」不過有網民持相反意見,認為新年加二服務費無可厚非,亦有網民研究當晚飯桌相,認為加大份量是正常。採訪:魯吉、唐琛悠




來源: http://hk.apple.nextmedia.com/entertainment/art/20170202/19914767
大王 18 人開 開餐 16 自動 45 例牌 監製 漢源 澳門 食店
PermaLink: https://articles.zkiz.com/?id=325129

金像電影連續兩年內地被禁《十年》監製挺《樹大》得獎「港片進入新時代」

1 : GS(14)@2017-04-12 22:42:35

■首次贏得金像影帝的林家棟(右),與《樹》片拍檔任賢齊分享殊榮。



【第36屆香港電影金像獎之河蟹餘波】第36屆香港電影金像獎頒獎禮曲終人散,由三位新導演聯合執導的電影《樹大招風》成大贏家,囊括最佳電影獎在內的五大獎項。惟該片被內地封殺,獲獎名單片名被河蟹消失,相信跟電影題材涉及內地貪污及《十年》餘波有關。《十年》監製蔡廉明則認為新導演將本土帶入電影:「港產片進入一個新時代!」



金像獎最佳電影《樹大招風》被內地封殺,是繼《十年》連續兩年有最佳電影被內地打壓。同樣被抵制的還有獲獎電影《點五步》,相信與片中有傘運畫面有關。《樹》片的「死因」除了因導演是有份執導《十年》的歐文傑外,電影因觸及內地貪污問題禁忌。



■《樹大招風》劇組前晚在尖沙嘴慶功,展示五個獎座。

■小齊在《樹》片中借向內地高官回購花瓶行賄,觸犯內地禁忌。劇照

■《十年》監製蔡廉明(小圖)認為現時年輕導演關注本土問題,並用作電影題材。《十年》劇照


合拍片失獎

去年遭封殺的《十年》被喻為香港預言書,題材觸犯內地禁忌而被封殺,《十年》監製蔡廉明昨在電話中說:「近年年輕導演多咗機會拍港片,佢哋將對香港感覺寫落嚟,關注香港本身問題,港片可以話進入一個新浪潮或者新時代。上一代好多笑片、警匪片、黑道片。現在題材豐富,有一個新氣象。內地封殺冇辦法,但今年電影金像獎嘅結果,對香港電影係好事。」有圈中人認為今年得獎電影,充份反映本土電影抬頭,合拍片在主要獎項全軍盡墨,曾國祥的合拍片《七月與安生》獲12項提名,最後只獲一項技術獎,反映電影人對合拍片的投票心態。《樹》片三位導演前晚在尖沙嘴出席慶功宴,互撐不覺受牽連,黃偉傑說:「其實都唔會,我哋都係拍香港電影,杜Sir(杜琪峯)冇影響過我哋創作、冇改過任何嘢。作為創作者,我哋希望想講嘅古仔、做有良心嘅戲,所以會繼續堅持落去。」歐文傑自言不會因內地打壓而放棄以社會作議題的電影:「我哋做創作唔會咁樣去諗,反而睇題材會唔會感動到我哋,呢個唔關政治上同審查上嘅問題。」



■內地新浪網的金像獎名單,最佳導演、電影及男主角均沒有《樹大招風》片名,連新演員獎都刪了《點五步》片名。

■胡子彤(左)不擔心《點五步》在內地上映有影響。


華仔賀家棟

憑《樹》片封帝的林家棟受訪時,表示獲獎無負契媽夏萍及母親的支持,對於《樹》片被內地河蟹,他說:「唔需要諗太多,鍾意睇嘅人有方法去睇!」劉德華昨亦在官網留言:「恭喜影帝!恭喜家棟、你的努力、我看到了、電影圈也看到了!為你驕傲……」姜皓文(黑仔)輸給曾志偉失落最佳男配角,台上志偉戲言「一部撼黑仔26部戲」,黑仔表示:「佢鼓勵我,鼓勵得好好,佢攞獎我好開心,我梗有機會撼番佢嘅,佢實至名歸。」胡子彤憑《點五步》奪最佳新人獎,前晚他出現該片慶功宴,提到《點》被河蟹時說:「我唔清楚,因為前排喺北京宣傳,反應都幾好,唔擔心有影響。」他表示女友歐鎧淳亦有恭賀他。另外,無綫前晚直播金像獎頒獎禮平均收視只有22.3點,觀眾人數約145萬,比去年平均24點遜色。採訪:張俊銘、盧妹、馬建華攝影:陳慧安、葉君海




來源: http://hk.apple.nextmedia.com/entertainment/art/20170411/19986192
金像 電影 連續 兩年 內地 被禁 十年 監製 樹大 得獎 港片 進入 新時代
PermaLink: https://articles.zkiz.com/?id=330132

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019