| ||||||
新 世界發展（017）主席鄭裕彤前排俾人誤傳佢抱恙入院，真係大吉利是。不過唔緊要，事關鄭家今年底將會有喜事──彤叔嫡孫鄭志剛（Adrian）噚日透 露，計劃今年11月同未婚妻拉埋天窗喇。Adrian舊年中已經同女友Jennifer Yu訂婚，噚日同傳媒行家食晏時，公佈今年底就會結婚，婚禮形式未定，但一定喺香港舉行，唔係灣仔會展就係君悅酒店，話晒係自己地頭嘛。佢哋舊年喺君悅搞 咗個casual嘅訂婚禮，結婚應該隆重好多啩！不過Adrian實在太忙，中港百貨、內地地產同私募基金都係歸佢負責，嚟緊仲要去歐、美同日本周圍睇投 資項目，所以佢話，結婚去邊度度蜜月都未諗好。前排市傳彤叔入院，當時佢身在北京，收到電郵即刻打電話落香港搵阿爺問清楚，先知係流料。 | ||||||