ZKIZ Archives


海嘯價競投愛駒中環在線:夏佳理俾人截糊 李華華


2008-12-24  AppleDaily


 

近 日港股交投慘淡,噚日成交得番三百零億,創06年底以來新低。正所謂「生意淡薄,不如賭博」,華華噚日撞到港交所(388)主席夏佳理,佢話港交所成交 少,相反馬會嘅投注額雖然都一樣跌,但跌幅就細好多。今個馬季,馬會投注額暫時只係跌咗5%,難怪夏佳理話:「如果港交所成交好似馬會嘅投注額只係跌咁 少,咁就發啦!」

去滑雪唔諗住拉頭馬

噚晚六合彩又冇華華份,惟有寄望今個星期日可以喺馬場刀仔鋸大樹,發個聖誕財。咁蹺夏佳 理名下兩隻愛駒「超班」同「聖河」都有參賽,華華第一時間最想知道主席準備好去拉頭馬未?點知主席話嗰日唔喺香港,會同屋企人出外滑雪咁話,所以唔會到 場。兩隻馬贏面有幾大,咁就要再衡量吓。夏佳理係愛馬、識馬之人,做過一代馬王「翠河」嘅馬主,月中馬會搞嘅馬匹拍賣會,唔知主席有冇買到心頭好呢?聽夏 佳理講,嗰次佢都有競投,不過俾人截糊,空手而回。佢話睇中隻馬成本價190萬銀,佢用200萬去投,諗住呢個時勢,應該買得到,點知有人出價220萬投 咗。計華華話,對夏佳理豐厚嘅身家嚟講,三幾十萬都只係「碎銀」皮毛,既然睇啱心頭好,應該去盡啲,只係以20萬之差投唔到,華華都戥佢唔抵!李華華 LiWaWa@AppleDaily.com
海嘯 競投 愛駒 中環 在線 夏佳 佳理 理俾 俾人 人截 截糊 華華
PermaLink: https://articles.zkiz.com/?id=4842


ZKIZ Archives @ 2019