ZKIZ Archives


包Sir爆肌外孫彈出

2017-03-23 NM

已故船王包Sir外孫吳宗權熱愛運動,其「爆肌」身形睇到唔少女士眼擎擎,近日包Sir另一外孫乘勢彈出,為推廣其大坑Boutique酒店——Little Tai Hang而拋個身出嚟,嘩,呢位包Sir三女包陪麗與日籍丈夫Watari Shinichiro所生嘅Tommy Watari Pao,中文名叫包建雄(跟外公姓包),Tommy仔好casual穿上T shirt一件、穿窿牛仔褲一條,已盡顯其健碩身材,平日一定勤操,一啲都唔輸蝕俾表哥吳宗權;相信是城中另一炙手可熱鑽石王老五;包Sir另一個孫Andreas Sohmen - Pao仲把炮,○八年以三十七歲之齡成為香港滙豐銀行非執董,可見包Sir與獅子銀行關係幾咁深厚,所以話跟外公姓又點話呢?

睇唔出林鄭死阿媽

林鄭「好打得」呢個朵,源自佢出任發展局局長之時,當時林鄭都非常「入戲」,將呢個朵發揮得淋漓盡致,即使死阿媽,都依然「work hard」,話說林鄭阿媽林鳳蘭,二○一○年二月廿二日在將軍澳靈實寧養院過身,隔咗一日,即二月廿四日林鄭已經開工,以發展局局長身份出席市建局重建馬頭圍道之記者會,沒露半點愁容,官場中人當日話完全睇唔出佢死阿媽,非常「硬淨」,連喪母哀傷之情感都可以暫且拋開!

中環寸嘴豉油王好彩姓王

呢排人人talk馬會,都要出席吓旗下活動,上週五沙田有「扑馬」——馬匹拍賣活動,即管去坐吓,不過都係啲馬會忠實擁躉先去「扑」嘅啫,免俾練馬師食價嘛,我見到朋友啲仔女養馬,我焗住同人夾份做埋馬主陪跑,都要掛住個馬主牌,揈吓揈吓咁。週日寶馬打吡大賽,喺馬場撞到同珍醬園太子爺Jimmy(王賜豪),佢話:「吖,點解今期寫我老豆(同珍醬園老闆王仲銘)。」豉油王——王仲銘同我老豆一齊闖蕩江湖,我仲記得喺老豆靈堂上,掛住豉油王對輓聯,寫住「你我任中華」,以為咩大中華,其實係中華酒樓夜總會,真係唔識俾佢嚇死,識就笑死,以前年年會送啲豉油同埋嘉應子俾我哋,叫我哋「嗒」清楚,吩咐指明係頭抽,老豆話齋好有「飛士」,仲話如果個個咁送法,一年慳唔少,我亦「優化」老豆庭訓,得閒攞唔少「sample」試用試食,所以我大有資格做代理,無計,呢啲職業病,豉油王都好鬼有腦筋,樂善堂揸旗時,打完仗之後將善長捐出嚟嘅地皮、舊樓重建再出租,將租金俾樂善堂營運,所以話樂善堂唔使揼人心口都搞得掂,老實講,豉油王精髓亦係醬園變地產,反而醬油變咗副業,好彩佢姓王,家陣仍稱得上「豉油王」。

工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。

孫仔較勁郭老太老懷安慰

前新地聯席主席郭炳江重獲自由後,未有參與公司業務,不過阿仔郭基煇(Adam)對老父親自領軍投來的上海徐家匯項目十分上心,這幅上海地王是郭炳江一三年以二百七十六億投得的,聽講Adam好想參與此項目的規劃;仲想住宅比例佔多些,話晒阿媽梁潔芹坐鎮建築部,梗係想帶住囝囝做嘢,然而郭炳江服刑後,公司由叔仔郭炳聯揸弗,在規劃上傾向以商業為主;咁郭炳聯囝囝郭基泓(Christopher)主理國內商用物業銷售、管理及租務,咁又有發揮機會喎,新地第三代如此投入,爭住為家族效力,唔會話咬住牙籤印印腳做少爺仔,郭老太老懷安慰。

Sir 爆肌 外孫 彈出
PermaLink: https://articles.zkiz.com/?id=246496

自認加料Sell底褲 方力申狂操變爆肌男

1 : GS(14)@2014-05-14 00:59:34

http://hk.apple.nextmedia.com/entertainment/art/20140513/18718057'

                              又一個肌男胸降娛樂圈!現年34歲的方力申經4個月地獄訓練,成功搣脂激減30磅肥肉,操出41吋胸肌和6嚿腹肌,剝剩一條底褲拍廣告,超激凸的「小小方」浮誇到爆,方力申大方承認有裝假狗:「軟嘢硬嘢都攝吓!」得戚的小方揚言不介意接拍露股戲為藝術犧牲。

                前飛魚王子方力申曾代表香港參加2000年奧林匹克運動會,退役後火速加入娛樂圈做歌手,近年轉戰內地拍劇賺人仔的他,最近以過百萬人仔酬勞接拍內地品牌底褲廣告,由於要剝衫僅着底褲示人,小方由今年元旦開始苦練身材,跟轉行做健身教練的杜德智操弗,小方昨日接受電話訪問說:「自己一直有做開運動,由以前一星期三日變日日做,可能以前係運動員,更加事半功倍,由最肥169.5磅減到139.5磅,胸肌有41吋。」

汗水換腹肌

                然而,廣告相中的小方有點硬膠,身形線條更疑似造假,尤其是「小小方」超浮誇,小方坦言:「呢啲後期製作裝吓假狗,攝吓墊吓,軟嘢硬嘢都攝吓,但攝乜唔講得,係商業秘密。」問裝大了幾個size?他笑說:「大咗半個度啦,真係唔知。」小方承認有執相:「平常人影相都美圖秀秀,好在有拍片證明,唔怕畀人話身形唔係堅,終於明白男仔點解有腹肌鍾意自拍,因為用汗水換返嚟,梗係要show off。」
剝剩底褲拍廣告有否尷尬?他說:「唔尷尬,可能內褲好似泳褲好貼身,現場幫我整衫嘅女仔得23、4歲,佢攞嘢畀我攝,自己轉身變魔術。」問是否想挑戰碧咸的底褲廣告?小方說:「梗係冇,挑戰自己,呢個係好機會,希望有突破接多啲唔同戲,但性愛場面暫時過唔到自己,剝褲見八月十五都OK。」

                                                                                               
            ■小方今年元旦體重達169.5磅,拿着當日報紙做證展開瘦身大行動。            ■小方以7位數接拍底褲廣告,「小小方」浮誇激凸,他坦承有裝假狗。


節食斷六親

                  小方用4個月激減30磅,他公開地獄減肥秘笈:「多數做單槓、引體上升、sit up,亦同泰拳朋友跑步打拳踢腳,從來冇諗過可以有腹肌,去奧運嗰段時間都冇,我諗自己係游得最快但身材最唔好,因為食得多。」小方指最後階段的節食過程最重要,這期間他就斷六親:「同家人飲茶只係飲水,睇到腹肌線條出晒嚟,最後塊面凹得滯過咗龍,有段時間冇食飯仲變排骨仔,廣告出嚟都覺自己過瘦。」

                                                                                               
            ■年逾50歲的杜德智身形fit爆,難怪小方請他做健身教練。            ■小方接受健身教練杜德智特訓,操出胸肌和腹肌。


                節食減肥更令小方脾氣變得暴躁,他說:「烚嘢唔好地方係脾氣暴躁,媽咪成日引誘我食嘢.自己發脾氣,阿媽受咗我好多氣。」問女友鄧麗欣有冇讚他弗了?小方說:「有,佢話早就應該咁。」女友很滿意你身材?小方說:「但佢見唔到,嗰段時間佢喺內地拍嘢,自己更加專心節食,仲可以多啲時間做運動,拍廣告嗰日佢返嚟探班,都嚇一跳以為我病咗。」
拍完廣告後小方放縱飲食,8日後反彈16磅,他說:「夏天會再keep,估唔到人生可以做到咁樣,希望可以keep住鼓勵大家做運動。」
採訪:皓騫

操肌秘笈:兩星期地獄餐單

早餐

                  4條烚雞柳、西蘭花/椰菜花、4-6隻蛋白

午、晚餐

                  4條烚雞柳、西蘭花/椰菜花、4-6隻蛋白、一碗飯或2個番薯

小食

                  西芹、紅蘿蔔

運動

                  一星期三日跟杜德智健身,兩日打泰拳,兩日自己做運動

三日健身

                  操肌(一粒鐘)+跑步(50分鐘)
方力申跟健身教練杜德智狂操單槓引體上升、雙槓(dips)、sit up、風火輪等器材,場地沒受限制,有時在杜德智的studio,有時在維園做運動。

兩日泰拳

                  打泰拳(一粒鐘)+跑步(50分鐘)                                                        
2 : GS(14)@2014-05-14 00:59:51

http://hk.apple.nextmedia.com/entertainment/art/20140513/18718059


一向不介意剝衫的方力申,自小已經是香港泳隊代表隊成員,曾參加奧運,之後更殺入娛樂圈,由歌壇到影壇全部見到其蹤影,他更樂於在人前晒身材,但從未見爆肌出現。
童年圓碌碌

身形圓潤,非常可愛。
2000年俊飛魚

代表香港到悉尼參加奧運,身形雖健碩,但仍未見有腹肌。
2004年火炬手

雖然已經退役,但仍有機會擔任奧運的火炬手。
2006年晒泳褲

為南亞海嘯災民籌款,穿上泳褲替攝影師紀嘉良的寫真集任模特兒。
2007年勤練肌

開始邀杜德智任其私人健身教練。
去年戰娜姐

與周秀娜在內地拍攝劇集時,大晒胸肌。
3 : GS(14)@2014-05-14 01:00:03

http://hk.apple.nextmedia.com/entertainment/art/20140513/18718062


方力申爆肌拍攝內褲廣告,很多男星為演出,也曾花功夫鍛煉腹肌和人魚線。
張家輝

去年為拍攝電影《激戰》,不吃鹽、油、糖及澱粉類食物之餘,每天只吃2、30隻雞蛋白以增加體內的蛋白質;到要拍攝前3日狂食飯,靠澱粉質來爆肌。
杜汶澤

為拍攝電影《3D豪情》,開始「白烚人生」,既在社交網上載自己的大隻照,更分享操肌心得及食譜。
張繼聰

去年為配合新碟《無限可能》練6嚿腹肌,除了節食節水,他趁拍劇、錄歌空檔健身,有時深夜收工後也舉鐵及跑步3小時。
彭于晏

為拍《激戰》狂谷肌,接受三個月地獄式訓練,方法就是每天健身2-3小時,飲食上只吃由白水煮的蛋白和雞胸肉果腹。
周杰倫

去年為演唱會而鍛煉八嚿腹肌,他練肌期間堅持少油少鹽,連大夥出去聚餐,他都堅持只吃烚菜。
自認 加料 Sell 底褲 方力 力申 申狂 狂操 操變 變爆 爆肌 肌男
PermaLink: https://articles.zkiz.com/?id=284536

秘密操肌一季復出爆肌明星袋鼠再現江湖

1 : GS(14)@2016-02-10 13:57:15

澳洲北領地袋鼠保護區(The Kangaroo Sanctuary)的明星袋鼠羅杰(Roger)最近重出江湖,一陣子沒有向公眾露面的牠,看來是秘密修行練「大隻」。羅杰的胸肌結實飽滿,保護區去年就張貼了牠弄凹鐵桶的照片,令牠「人氣」急升。該區在夏季休息後本周再開門,再公佈了羅杰的近況,寫道:「羅杰很享受我們遊客的注目。」有網民更開玩笑稱:「你現在知道你永遠打不贏一隻袋鼠了。」羅杰外表大隻其實是有原因的,保育員稱羅杰2006年母親因交通意外死亡,令牠成為孤兒,但由於樹林內沒有其他單身雌性袋鼠,牠們又在一隻雄性的領導下,所以只好不斷練大隻才可生存。專家稱袋鼠可以活12至15年,雄性體型多在後期才會長至最大。英國《每日電訊報》





來源: http://hk.apple.nextmedia.com/international/art/20160210/19485917
秘密 操肌 肌一 一季 復出 爆肌 明星 袋鼠 再現 江湖
PermaLink: https://articles.zkiz.com/?id=295708

酒吧Gathering施迷魂電眼Coffee攬啜爆肌新歡

1 : GS(14)@2016-08-09 07:33:00

【緊拖不放】■上周五着熱褲的Coffee十指緊扣拖爆肌男行銅鑼灣,高調放閃。DV圖片








【銅鑼灣】因「廁格Gathering」事件出位的林芊妤(Coffee),下月踏入27歲的她感情生活多姿多采,廁格舊愛林知譽今年升呢做人夫,雖然Coffee仍是等嫁的女人,但仔去仔還在的她,好快已經又有新歡上場。日前Coffee跟爆肌男十指緊扣遊銅鑼灣,當街又攬又啜斷正,這位新歡擁42吋胸肌,跟Coffee的34D巨乳有得揮。



無綫前藝人林芊妤入行數年寂寂無聞,直至前年跟有絲綢王子之稱、達利國際集團創辦人林富華兒子林知譽爆出「廁格Gathering」事件,全城熱話,無綫召她返公司照肺,之後她不但被解約,還跟林知譽的關係告一段落,不過,樣靚兼身材正的Coffee不愁寂寞,先後跟江湖猛人「上海仔」郭永鴻、半億有米闊少梁耀鵬(Jeff)傳緋聞,但原來都是無米粥,她的真命天子是6呎高爆肌猛男。



玩掟波自隊

上周五晚上約10時半,着背心熱褲騷白滑長腿的Coffee,跟新歡十指緊扣現身銅鑼灣,着藍色tee的新歡身材高大健碩,不但比Coffee足足高了大半個頭,而且手瓜起
酒吧 Gathering 迷魂 電眼 Coffee 攬啜 啜爆 爆肌 新歡
PermaLink: https://articles.zkiz.com/?id=305110

57歲唐唐爆肌打羽毛球
除衫場邊唞涼

1 : GS(14)@2016-09-13 08:04:21

■日前唐唐打羽毛球至滿身大汗,率性地除衫唞涼。讀者提供圖片



【爆相爆片】昨日是一代巨星張國榮(哥哥)的60歲冥壽,雖然哥哥離開了13年,但哥迷和生前摯愛唐鶴德(唐唐)都忘不了哥哥。唐唐於前晚11時許,在社交網貼煙花短片並留言:「有你們,他比煙花燦爛!」



■哥哥生前常跟唐唐打羽毛球,雖然哥哥走了,但唐唐的興趣不變。讀者提供圖片

52蚊兩個鐘

哥哥生前跟唐唐共同度過18年歲月,自從哥哥走了之後,唐唐至今依然是孤家寡人,沒有人代替哥哥在他心中的地位。日前讀者何先生透過「爆相爆片」報料,於上月中在西灣河港島東市政體育館,見到唐唐跟一名中年女人打羽毛球,打了兩小時後,滿身汗水的唐唐除衫裸露上身,57歲的他率性晒胸肌身形甚弗,型到爆。何先生說:「唐唐打到成身汗,跟住就除衫休息,佢身形都幾弗,精神亦幾好,同埋幾好笑容。其實個場只係26蚊打一個鐘,屬於平民價,估唔到喺度會見到佢!」




來源: http://hk.apple.nextmedia.com/entertainment/art/20160913/19769564
57 歲唐 唐唐 唐爆 爆肌 肌打 羽毛球 羽毛 br 除衫 場邊
PermaLink: https://articles.zkiz.com/?id=308908

男星越操越弗
子丹城城爆肌晒身材

1 : GS(14)@2016-09-13 08:04:21

今年57歲唐鶴德(唐唐)同張國榮(哥哥)關係,相信大家仍好記得。哥哥嘅離開,沒令唐唐意志消沉。唐唐日前被影到去做運動,打羽毛球,身材依然保持得很弗。其實娛樂圈仲有好多半百男星也很弗,同紅酒一樣越嚟越正㗎!


甄子丹

有名你叫「宇宙最強」就梗係唔講得笑啦!今年53歲甄子丹係武打巨星,演過葉問,「雞扒胸」同「朱古力」喺佢身上面全部搵到晒,真材實料嘅佢睇得又打得!


郭富城

今年50歲嘅城城,果然係舞林王者,上個星期先至開完一連十五場《舞林密碼演唱會》,入行踏入25周年嘅佢真係有心有力,喺演唱會上面晒肌,睇到個fans都嘩嘩聲!


劉德華

今年54歲嘅華仔也很弗!雖然佢就唔係sell爆肌,不過佢嘅鋼條身材都令好多男士葡萄。華仔仲試過喺演唱會上面晒「朱古力」,睇到fans流晒口水呀!




來源: http://hk.apple.nextmedia.com/entertainment/art/20160913/19769573
男星 星越 越操 操越 越弗 br 丹城 城爆 爆肌 肌曬 身材
PermaLink: https://articles.zkiz.com/?id=308909

周殷廷隨時爆衫爆肌

1 : GS(14)@2016-09-17 17:53:00

周殷廷昨日在apm出席活動,首次獻唱跳舞新歌《Killa》:「我哋仲帶埋4位dancer,都係公司畀錢,好開心公司咁支持我。」他為拍新歌MV,兩星期只吃烚蛋白及雞肉,現已有6嚿腹肌,還表示已隨時準備好爆衫演出:「我唔介意爆衫㗎,大家敬請期待。不過我對身材自卑係真,去游水都係着平腳,三角好耐冇着啦。」




來源: http://hk.apple.nextmedia.com/entertainment/art/20160917/19772799
周殷 殷廷 隨時 爆衫 衫爆 爆肌
PermaLink: https://articles.zkiz.com/?id=309481

爆肌身材 天使面孔金剛芭比愛舉重

1 : GS(14)@2016-10-17 08:09:17

戰鬥民族果然非同凡響,不要以為這位俄羅斯美少女長相如「芭比」般就好欺負,因她有一身強勁肌肉,二頭肌粗如大腿,令無數男士無地自容。住在伏爾加河(Volga River)附近恩格斯城(Engels)的20歲文斯(Julia Vins),擁身一張天使臉孔,配上一副爆肌身材,反差之大令人咋舌,亦讓她在社交網吸引到超過32.8萬名追隨者。文斯當初誤打誤撞開始健身,「我15歲時去健身只想保持體型,但我不知道如何舉重,所以就找了全健身室最大隻的男人,跟住他重複練習。」她自此開始了舉重人生,可直腿硬舉(Deadlift)190公斤、蹲舉215公斤以及推舉120公斤的槓鈴。她每天都會健身,就連去旅行也不中斷,「我現在能成為別人的榜樣感覺很棒,俄羅斯有很多少女犯了錯,選擇服用類固醇,結果令聲音和臉容也改變了。我已向所有人證明,長得可愛的同時,也可不服用類固醇就能舉起千斤重。」文斯亦稱不少人想打擊她的自信,「不少男人曾對我說:『你有這副臉蛋可以當模特兒了,為什麼毀了你的身體?』但很多時這些男人都生活不開心或一事無成,我才不會理會他們。」她亦有一位已交往4年的男朋友,非常支持她繼續舉重,甚至擔任健身教練幫她鍛鍊肌肉。英國《每日郵報》




來源: http://hk.apple.nextmedia.com/international/art/20161017/19803616
爆肌 身材 天使 面孔 金剛 芭比 舉重
PermaLink: https://articles.zkiz.com/?id=312414

18年前打波先嚟落雨四眼仔32歲Eric操爆肌做教練

1 : GS(14)@2016-11-14 01:13:12

2016-11-10 NM

「打波先嚟落雨,唔通連個天都唔鍾意我?」這個社會福利署洗腦宣傳片播足十幾年,令人印象深刻!片中個四眼仔Eric(鄭仲軒),原來已經32歲,今年三月做埋人老公,同拍拖四年的女友結婚。當年瘦削四眼仔,如今是個任職健身教練的爆肌男,還會不時參加不同的健美先生選舉,堅大隻佬!播到今時今日

十八年前,Eric為政府拍了首個處男廣告,沒想過這條宣傳片可以播到今時今日。「拍嘅時候我十四歲。都幾尷尬,每年都會播,會考放榜前實播!當時係阿媽同我講,話有個人搵我拍廣告,嗰時僆仔冇錢,想搵零用,咁咪去囉。」三千多元的酬勞,亦是Eric至今唯一的廣告。

好勝心強

不過,當年瘦弱的四眼男,如今已變成令人難以想像的爆肌男。「由細到大都鍾意做運動,乜都玩!我唔係高大型,比較奀瘦,對做運動亦有好大障礙,所以想自己大隻啲。」瘦仔階段的Eric,體重只得百二磅。「我個人好勝心強,習慣咗做gym後,就keep住健身,而家體重都升到一百六十幾磅。(今年係咪結埋婚?)係呀!我同女友拍咗拖四年,今年三月二十四日結婚。」

澳洲學拳

未當健身教練前,Eric做過很多不同類型的工作,但冇一份做得長,三十歲前,他去了澳洲一轉working holiday。「喺嗰邊用咗年半學拳同做運動,返到香港真係想做同運動有關嘅工作,所以就入咗呢行。」據了解,公司VO2對Eric十分器重,還以他作為icon。「公司對我好好,不過屋企人、朋友同公司都認為我而家咁嘅身形啱啱好,唔使再谷大隻啲。九月我參加咗HK WFF PRO搞嘅健美先生選舉,拎咗個獎,下一個目標係十二月嘅Mr. Olympia。」Eric說。

撰文、攝影、攝錄:娛樂組
18 年前 打波 波先 先嚟 嚟落 落雨 雨四 四眼 眼仔 32 Eric 操爆 爆肌 肌做 教練
PermaLink: https://articles.zkiz.com/?id=315401

板燒胎盤「進補」爆肌男:味道有啲似肝臟

1 : GS(14)@2016-11-16 04:54:02

澳洲一名肌肉男為求身材更加健碩,竟烹調並吞下太太誕女後留下的胎盤當「補品」,更形容味道似肝臟。渾身肌肉的柯蒂斯(Aaron Curtis),將胎盤放進雪櫃冷藏一周後,決定香烤食用,希望可令身型更完美。他將烹飪及食用過程拍下分享,不過亦一度懷疑自己的決定是否正確。柯蒂斯在片中表示:「我認為最好先洗去上面的黏液和煮熟它……減低死去的機會」他亦只敢切下一部份胎盤烤熟再進食,他形容:「我一點點食,我不想食物中毒,我想它的味道似肝臟,中間不太乾身。」他好不容易吃完煮好的部份胎盤,友人隨即問他會否吃光剩餘的胎盤時,妻子就介入阻止。她並非唯一對此感噁心的人,不少網民亦留言狠批,「我以為只是鬧劇,現在我只想嘔」、「恭喜你成為食人族」。英國《每日郵報》




來源: http://hk.apple.nextmedia.com/international/art/20161115/19834551
板燒 胎盤 進補 爆肌 肌男 味道 有啲 啲似 肝臟
PermaLink: https://articles.zkiz.com/?id=315533

筋肉女騷爆肌網民:唔健康兼無女人味

1 : GS(14)@2016-11-16 05:10:08

健美體態人人稱羨,外國這位女健身迷擁有一副強健體態,在鏡頭前炫耀全身上下的結實肌肉,引起網民熱議。片中的女健身迷相信來自美國,短片指她擁有「0%體脂率」,只見她全身上下看來毫無一絲贅肉,手臂、腹背及大小腿肌肉結實,體態非常健美。不過,上載片段的網民卻形容她的健身方式「危險」,另一位網民就說:「嚴厲節食令體脂率降低是非常瘋狂的做法,(沒有人是0%的,特別是女性),但這很不健康及醜陋。」但亦有網民大讚這位「女金剛」的決心。根據英國皇家護理學院(RCN)指引,20至39歲的健康女性體脂率應介乎21至33%之間。英國《每日郵報》




來源: http://hk.apple.nextmedia.com/international/art/20161114/19833395
筋肉 女騷 騷爆 爆肌 網民 健康 兼無 女人味 女人
PermaLink: https://articles.zkiz.com/?id=315648

劇迷嫌《鬼怪》冇肌睇翻loop孔劉李棟旭爆肌片

1 : GS(14)@2016-12-21 23:42:01

近日唔少煲劇迷陷入咗選擇困難症,事關喺Viu熱播中嘅韓國新劇《鬼怪》中,兩位男主角孔劉同李棟旭各有專長及特色,孔劉扮演長生不死嘅鬼怪,為咗了結生命,幾百年嚟都尋覓佢嘅鬼怪新娘,點知當鬼怪新娘金高恩出現時,活喺世上900幾年嘅孔劉初嚐戀愛嘅滋味,佢為自己是否結束生命而不斷爭執。至於飾演地獄使者嘅李棟旭,失去記憶嘅李棟旭連自己名字都唔知道,佢為咗工作一直都冷漠無情,直到劉仁娜嘅出現,佢終於開始一步一步對劉仁娜產生感情。劇迷對於兩個男角同樣鍾愛,特別係二人喺劇中成日鬥氣鬥嘴鬥法力,真係十足十睇緊情侶耍花槍一樣。不過呢有追開韓劇嘅觀眾可能會奇怪,劇集播出已經六集,點解仲未有韓劇男星指定動作「騷肌」場面?事實上韓國男星拍韓劇一向都好大方,赤裸上身騷肌肉係指定動作,而孔劉同李棟旭亦唔係吝惜嘅人,二人之前拍劇都有騷肌場面,當中孔劉由早年未算好大隻時都有騷過肌,而李棟旭之前拍《鋼鐵人》時仲苦練過一身肌肉。雖然唔少劇迷都話即使孔劉唔除衫,但係佢哋都可以看穿佢件衫,睇到衫下面嘅一身肌肉,不過呢想睇孔劉同李棟旭肌肉好簡單,睇返佢哋舊作就大把有得你睇,當中孔劉身形操到最高峰境界就應該係2013年上映嘅韓片《嫌疑犯》,當時佢因為扮演曾經係朝鮮特殊部隊中嘅成員而操到一身爆肌,喺片中孔劉仲要應付大量動作戲。但係對於女粉絲來講,今年2月喺韓國上映嘅《男與女》就令粉絲睇到「心心眼」,片中孔劉同全度妍有火辣床戲,兩人大演不倫之戀,此片係孔劉首部情慾戲,佢都算好大方,全裸上陣肉搏全度妍,激情場面真係滿足晒女粉絲想睇孔劉Body嘅心意。至於李棟旭身形予人感覺偏瘦,不過其實佢係禾稈冚珍珠,本身成日操弗自己嘅李棟旭,曾喺多齣劇集都有露肉場面,好似《Hotel King》、《鋼鐵人》等都有多次騷肌。兩個都咁正,真係叫人點揀喎。




來源: http://hk.apple.nextmedia.com/entertainment/art/20161221/19872033
劇迷 迷嫌 鬼怪 冇肌 肌睇 睇翻 loop 孔劉 李棟 旭爆 爆肌 肌片
PermaLink: https://articles.zkiz.com/?id=319682

【馮仁昭四圍超】靚仔教授爆肌迷倒阿婆

1 : GS(14)@2017-05-18 02:08:25

28歲意大利「全球最靚仔數學教授」Pietro Boselli日前襲港出席餐廳揭幕活動,兼為大家樂拍攝港產網絡短片《奪啡奇兵》,Pietro飾演爆肌教授,除衫展示44吋結實胸肌,又以水手裝造型踩單車,兼大講廣東話對白。黃文標、黃建東、「最可愛婆婆」許碧姬等都有份演出,同Pietro做對手嘅許婆婆話:「阿婆80幾歲都畀呢個靚仔搞到心肝仔卜卜跳呀!」撰文:馮仁昭




來源: http://hk.apple.nextmedia.com/entertainment/art/20170516/20022323
馮仁 仁昭 四圍 靚仔 教授 爆肌 肌迷 迷倒 阿婆
PermaLink: https://articles.zkiz.com/?id=333292

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019