【專題籽】「結婚都要三個人住」 閨蜜會呷醋會隨傳隨到
1 :
GS(14)@2017-05-27 08:55:28每年二人都會悉心為對方籌備生日派對，讓對方當一整天公主。
【專題籽：九十後話】「原來朋友仔感情再天真，亦是我永遠也會愛惜的人。」歌詞老套，但道出了不少人的心聲。吳穎愉（WingYu）和林百欣（Regina）初中認識，做了好朋友11年，「如果佢係男仔，我諗我哋結咗婚好耐。」
相約在大清早，WingYu比約定時間遲了大半小時，Regina沒生氣，反而笑笑口稱並不出奇，11年來，已習慣了對方是遲到大王。好朋友除了可以包容缺點，原來最高深的境界是，習慣你的一切缺點，再理所當然地縱容你的任性。問到點相識，竟然釀起羅生門，一人一個版本。WingYu話純粹是中一開學時，一起食過午餐，就自然地做了朋友。Regina就指，一次放學同車，WingYu突然上前哭着問她可否做朋友，「我懷疑冇人同佢做朋友，然後我好cool咁講咗聲好，?家就知同佢做朋友有幾大鑊。」點識都好，知己難求，搵到就好。WingYu是典型水瓶座，事事以感性行先，絕對是用水造的女人。Regina說：「經典！細個有次吳穎愉打電話嚟，話唔見咗$8，喊咗幾個鐘。哈哈，我叫佢?啲小事唔好煩我。」而Regina就是義字行頭，名副其實「夠雷氣」，WingYu畀人蝦也好，做錯事也好，事前會講道理分析，但最後還是站在對方那邊，WingYu：「?種支持比所有嘢嚟得重要。」
失戀大過天 好姊妹寸步不離
中學畢業後，兩人升上不同的大學，讀截然不同的科目，但感情無疏遠。認識多年，沒有驚天動地的經歷，但有細水長流的見證。同步成長，雙方處事和思想都越來越成熟。唯一沒變的是，兩人都是大醋埕，愛呷對方男友醋。性格一凹一凸都好少鬧交，但為了呷醋就成日都嘈。誰較重色輕友？WingYu指Regina，Regina又反指WingYu，這問題應該問不出答案，打和啦。記者分開二人，再「靜靜雞」問了一條千古難題：「男朋友同好朋友跌落水救邊個？」Regina口硬，話只可救一個的話，寧願兩個都不救。不過另一邊廂的WingYu，果然感性行先，她認真想了想，「咁我一定救林百欣，男朋友可以搵第二個，但好朋友就只得一個。」少女心事，戀愛一定大過天。Regina與拍拖年半的男朋友分手，失戀要生要死，食不下嚥。合乎意料地，已遠走的男友不會回頭，但身邊的好姊妹則半步不敢離開。WingYu說：「佢嗰時話要自殺，我嚇到鼻哥窿都冇肉，日日放工放學就上佢屋企，睇佢死得未。」每日都買一大堆零食、寶礦力、粥上Regina屋企，擔心她不進食會日漸消瘦，又擔心她會傷害自己，於是一有時間就約她到處散心，去去離島和澳門。分手陰霾半年左右就被WingYu擊退，Regina：「男朋友冇咗，份工冇咗，但我知一定會有佢。」對方難過，獨有的權利是，另一位一定隨傳隨到。閒時又會買一些小食，偷偷放在對方家門，然後待對方發現，給予一個小驚喜。每當對方生日，肯定會安排一場大龍鳳，WingYu最長試過用半年去籌備Regina的生日會，訂餐廳、買禮物、裝飾佈置，年年如是，風雨不改。連她們都異口同聲：「如果佢係男仔，我諗我哋結咗婚好耐。」講起結婚，WingYu笑笑口講起小時候的約定，「以前我哋講過，邊個結婚先就要留多一間房畀對方，總之三個人要一齊住，永遠唔可以分開。」而且伴娘一定要是對方，日後有了小孩，亦會是小孩的契媽。這種約定，比起甚麼矯揉的山盟海誓，來得直接，來得動聽。
Regina（右）分手極傷心，更要生要死，WingYu帶她去澳門散心。
初中時期兩人的樣子都很青澀。
記者：劉芷晞攝影：周芝瑩、鄧鴻欣（部份圖片由受訪者提供）編輯：梁浩維美術：孔文彬2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170527/20034698