ZKIZ Archives


馮仁昭四圍超:乳名梁浸浸 Yumiko誕5.5磅女

1 : GS(14)@2015-04-09 19:05:03

■Yumiko噚日剛生完,即上載BB女嘅尿片照。互聯網圖片








鄭希怡(Yumiko)噚日朝喺港安醫院為化妝師老公梁學儲生BB女,據知佢今次係擇日開刀。Yumiko噚晚大約7點半左右,喺facebook上貼上BB下半身包住尿片嘅相,喺張相嘅角落頭清楚見到印有港安字樣嘅毛毯放喺床上。喺佢發相短短十幾分鐘後已經有60幾個「like」。不過佢為咗保持神秘感,暫時未公開B女個樣,相信多少都由於媽咪Yumiko貪靚,要等兩母女變番靚啲先可以現身。至於Yumiko噚日講番囡囡出世時話:「BB今朝出世,5.5磅,成個過程好順利,亦都好感動,學習點做媽咪。」而Yumiko就笑住話B女叫做「梁浸浸」,因為噚日涼涼哋。


■Yumiko早前公開大肚照。

物色臍帶血血庫

另外,前日Yumiko喺fb表示已經為BB女物色到一間可以儲存臍帶血嘅血庫,為BB嘅將來以防萬一,最特別嘅地方係嗰間血庫嘅資料係由未有亦不打算生小朋友嘅伍詠薇提供。撰文:馮仁昭





來源: http://hk.apple.nextmedia.com/entertainment/art/20150409/19105411
馮仁 仁昭 四圍 乳名 浸浸 Yumiko 5.5 磅女
PermaLink: https://articles.zkiz.com/?id=289407

囡囡留院兩周提心吊膽Yumiko接梁浸浸團聚

1 : GS(14)@2015-04-22 22:35:08

■Yumiko在Instagram上載梁浸浸的大頭照,B女精靈可愛,是美人胚子。互聯網圖片


鄭希怡(Yumiko)在本月8日於港安醫院剖腹生了5.5磅的B女「梁浸浸」,不過,梁浸浸出生不足24小時,因呼吸系統出現問題及有肺積水情況,要轉送東區醫院ICU,令人擔心;幸好留院兩個星期後,梁浸浸終於可以出院。
Yumiko和老公梁學儲昨日分別在不同社交網貼相,公佈梁浸浸出院的好消息,又貼囡囡大頭相,梁浸浸雖然只有兩星期大,但眉清目秀,不但有雙眼皮、而且鼻仔高高、下巴尖尖,五官清秀,絕對是美人胚子。本報透過短訊恭喜Yumiko,她就透過短訊回覆:「多謝關心。」



■Yumiko早前公開與女兒拖手的照片,場面溫馨。資料圖片

■梁學儲在Instagram展示接女戰車,又代囡囡留言致謝。



老公扮囡囡留言致謝

昨午Yumiko更向傳媒報平安:「梁浸浸已經返咗屋企,我諗佢第時一定會係好獨立及貪玩小朋友,因為佢一出世想自己靜吓,出去住一排,跟住先肯返屋企。」
Yumiko續說:「喺呢段時間我好提心吊膽,亦都好擔心,好珍惜每日喺醫院見佢好短暫時間,但幸福往往嚟得好突然,喺我毫無準備下,醫生就話其實佢而家情況都開始穩定,你會唔會想帶佢返屋企?嗰一刻好開心,亦都好多謝東區醫院醫生及護士喺呢十幾日對佢悉心照顧,令佢好番得咁快。」Yumiko又感謝所有朋友同事、傳媒朋友、網上朋友對佢鼓勵及打氣。她更解釋女兒梁浸浸名字由來:「上海話係『亮晶晶』。」而她老公梁學儲就在社交網站代囡囡留言說:「我出院啦,多謝各位一直為我打氣同祝福,更衷心地多謝東區醫院所有哥哥姐姐。梁浸浸上」採訪:小米



■梁學儲和Yumiko等足兩星期,終於可以接B女返家,非常開心。資料圖片

■梁浸浸之前在東區醫院留醫,現已康復回家。攝影:陳順禎



來源: http://hk.apple.nextmedia.com/entertainment/art/20150422/19120564
囡囡 留院 院兩 兩周 周提 提心 心吊 吊膽 Yumiko 接梁 浸浸 團聚
PermaLink: https://articles.zkiz.com/?id=289815

梁漢文同可愛梁浸浸游水網民好葡萄

1 : GS(14)@2016-03-15 16:07:56

梁漢文(Edmond)昨午喺自己嘅facebook專頁po咗幾張同鄭希怡(Yumiko)囡囡—梁浸浸游水嘅相,原來Yumiko兩公婆帶咗梁浸浸出埠玩,今次仲join埋叔叔齊齊游水,梁浸浸依舊咁精靈,佢攬住水泡戴住黑超,口擘擘個樣真係可愛到心都融埋。之後仲有幾張相係Edmond慈父上身餵梁浸浸食嘢,佢表情都係好精靈。有網民睇到啲相之後留言話﹕「你就好啦!可以同梁浸浸游水!」又有網民﹕「好有父愛!」梁浸浸舊年啱啱出世嗰陣因為肺積水問題,曾經喺嬰兒ICU留醫過,出院之後仲要keep住食藥,直到今年一月先至停藥。當時Yumiko仲喺facebook話要養肥梁浸浸,見到佢家陣健健康康,真係皆大歡喜呀!





來源: http://hk.apple.nextmedia.com/entertainment/art/20160314/19528564
漢文 可愛 浸浸 遊水 網民 葡萄
PermaLink: https://articles.zkiz.com/?id=298028

【馮仁昭四圍超】梁浸浸冧暈契媽阿嬌

1 : GS(14)@2016-07-12 03:19:39

阿嬌 互聯網圖片


鄭希怡(Yumiko)嘅得意囡囡梁子柔(梁浸浸)好多星級契媽,Twins嘅阿Sa同阿嬌都錫到契女燶。阿嬌噚日凌晨就擺咗條片上ig,梁浸浸行來行去,對住個鏡頭甜笑兼拍手仔萌到爆,Yumiko就叫佢整beautiful eyes,佢即眨眼放電say hi,阿嬌仲問佢鍾唔鍾意契媽,梁浸浸就點頭示意,被冧暈嘅阿嬌即啜佢面珠仔一啖。





來源: http://hk.apple.nextmedia.com/entertainment/art/20160711/19689303
馮仁 仁昭 四圍 浸浸 暈契 契媽 阿嬌
PermaLink: https://articles.zkiz.com/?id=303297

Yumiko拖女家庭樂梁浸浸未玩夠

1 : GS(14)@2016-07-12 22:08:10

【學行萌爆】■梁浸浸開始學行,前日在西貢周圍走,似乎未玩夠。








【西貢】鄭希怡(Yumiko)女兒梁子柔(梁浸浸)已經15個月大喇!自從出世後,她的人氣已經比媽媽更強勁,不過Yumiko一點都不介意,還經常為梁浸浸上載最新的成長圖輯,大家眼見梁浸浸一日一日快高長大,見證她越來越可愛得意!早前有不少廣告商向梁浸浸招手,但Yumiko仍然要細心考量,只怕囡囡年紀小太辛苦。曾經講過不怕輸在起跑線上的潮媽Yumiko,除希望囡囡開心健康地成長,還要給梁浸浸一個快樂的童年,她果然是身體力行。日前Yumiko與家人帶着愛女梁浸浸一起去海洋公園遊玩。



【共敍天倫】■Yumiko與丈夫帶着囡囡梁浸浸,準備上車離開。

■日前Yumiko與家人帶梁浸浸到海洋公園遊玩。互聯網圖片


■剛剛學行的梁浸浸新車落地,榮升車主。互聯網圖片

囡囡揸靚車

前日Yumiko與丈夫梁學儲(Andy)又帶着梁浸浸,還有外公外婆,現身西貢海鮮街的停車場,大約下午2時許,他們一行人到泊車處取車,萌爆的梁浸浸開始學行,她拖住爸爸好似小企鵝一樣,左搖右擺行過馬路,由於他們的座駕好近馬路邊,Andy要拖着梁浸浸在馬路上車,梁浸浸意猶未盡,似乎還未玩夠,仍然想周圍行來行去,一班大人只好圍住她,再抱她上車。另外,潮媽Yumiko繼續為愛女po相,剛學行的梁浸浸已經收到一架新車,成為車主,Yumiko昨日在Instagram貼相,留言:「新車落地,你要快啲考番個車牌,一齊去遊車河啦!小心駕駛,一路順風!」採訪、攝影:潘冠恩、畢紹基





來源: http://hk.apple.nextmedia.com/entertainment/art/20160712/19690589
Yumiko 拖女 家庭 樂梁 浸浸 未玩 玩夠
PermaLink: https://articles.zkiz.com/?id=303418

梁浸浸潮着Yeezy Boost狂踩媽咪塊面

1 : GS(14)@2016-09-01 06:12:28

鄭希怡(Yumiko)前日在Ig po短片,見她高舉囡囡梁子柔(梁浸浸),梁浸浸先揈揈腳仔,再由媽咪腰間一直向上行,最後一腳踩落媽咪面上,Yumiko避無可避,食晒梁浸浸的無影腳,認真搞笑。
Yumiko留言:「可憐天下父母心」外,還鬼馬地hashtag「佛山無影腳」、「功夫bb」、「好彩係新鞋」等字眼,原來梁浸浸所穿的新鞋仔是由契媽鍾欣潼(阿嬌)送贈,是大前日才正式開賣的adidas Originals x Kanye West潮鞋Yeezy Boost350童裝版,鞋底用了品牌Boost技術,輕盈舒適,加上梁浸浸不太重,相信Yumiko不算被踩得太痛。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20160831/19754817
浸浸 潮著 Yeezy Boost 狂踩 媽咪 塊面
PermaLink: https://articles.zkiz.com/?id=306925

萌B大對決 梁浸浸好治癒羅敏莊囡天然鬈

1 : GS(14)@2016-09-13 00:19:17

梁詠琪前日帶歲半嘅囡囡Sofia行超市,樂而忘返唔捨得走。但咪以為最得意嘅星B一定係Sofia,因為佢仲有好多對手:第一個要講嘅梗係鄭希怡(Yumiko)愛女梁浸浸啦!唔經唔覺梁浸浸都接近歲半,同樣係眼仔睩睩非常得意,Yumiko不時都會更新愛女嘅相上facebook。同樣非常吸睛嘅就仲有黃伊汶同陳國坤個B仔陳真,事關佢只得半歲,已經喺潮媽黃伊汶嘅Instagram留咗好多足跡,陳真仲經常戚嘴擺pose望鏡頭,chok樣影相當有型!講到陳真,羅敏莊同陳國邦嘅囡囡都係叫陳禛,最特別係佢個髮型係先天鬈,令人印象深刻。而令人難忘嘅星B,當然仲有上過《愛.回家》嘅「馬家好」!即係徐榮個女徐心怡(包包)呢,佢表情鬼馬同時又好奇心大,係咁搣爸爸啲鬚,非常得意。另外「至索主播」蔡雪瑩嘅B仔都係一樣搶鏡,當時B仔啱啱出世包到實,但就已經識玩口水波,好搞笑。




來源: http://hk.apple.nextmedia.com/entertainment/art/20160912/19767968
對決 浸浸 治癒 羅敏 敏莊 莊囡 天然
PermaLink: https://articles.zkiz.com/?id=308770

梁浸浸着Melissa膠鞋仔萌爆勁吸Like

1 : GS(14)@2016-09-18 10:51:53

鄭希怡(Yumiko)的寶貝女梁浸浸(梁子柔)精靈又可愛,所以Yumiko都有為她開ig兼且經常po相吸like。雖然梁浸浸人仔細細,不過有個熱愛fashion的媽咪,打扮就當然緊貼潮流啦。梁浸浸日前穿上巴西膠鞋品牌的Mini Melissa UltraGirl+ Alice in Wonderland的淺粉紅色鞋仔,設計以荷葉邊加上黑色蝴蝶,可愛又girly,加上一條白色連身短裙仔,造型充滿夏日氣息,可愛度爆燈。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20160918/19773883
浸浸 Melissa 膠鞋 仔萌 萌爆 爆勁 勁吸 Like
PermaLink: https://articles.zkiz.com/?id=309587

Yumiko讚梁浸浸識擺甫

1 : GS(14)@2016-09-24 23:30:53

鄭希怡(Yumiko)前晚在尖沙嘴出席自家品牌和LCX合作的慈善義賣tee活動,她說:「出咗一啲T恤捐去童夢慈善基金,印咗幾百件,都係自己設計,希望可以賣哂。」
Yumiko靈感來自囡囡梁子柔(梁浸浸):「諗咗正面訊息,叫朋友畫出來,呢個好互相影響,佢係開心嘅小朋友,大家互相感染,佢又好開心帶畀我哋好多笑聲,希望將正能量帶畀其他家庭,我想將呢啲衫整童裝畀個女着。」並指不想囡囡當模特兒:「我自己影晒幾套衫都好攰,睇佢第日得唔得意先啦!不過可能我敏感,覺得佢識擺甫士,好喜歡影相,佢快歲半。」採訪、攝影:盧妹




來源: http://hk.apple.nextmedia.com/entertainment/art/20160924/19780097
Yumiko 讚梁 浸浸 識擺 擺甫
PermaLink: https://articles.zkiz.com/?id=309874

梁浸浸Cute爆扮花隋棠未出世B女都有長腿

1 : GS(14)@2016-10-30 14:35:57

鄭希怡(Yumiko)囡囡梁子柔(梁浸浸)係圈中出名嘅萌B,佢每次喺Instagram出現,都吸引好多網民俾like或share,難得媽咪Yumiko又大方分享囡囡嘅近況,真係好照顧大家嘅喜好呀。昨日Yumiko又喺ig貼圖喇,相中見梁浸浸托住頭半挨喺梳化,唔知諗緊乜,但見到Yumiko隨相寫嘅留言:「陪爸爸剪頭髮。」仲加多幾個瞓覺嘅圖案,應該係梁浸浸好悶喇!不過好快梁浸浸就搵到解悶方法喇!因為轉個頭,Yumiko又喺梁浸浸嘅ig貼咗張囡囡扮花嘅相,話:「今日扮我契爺最鍾意的花花。」之後仲見Yumiko貼咗張有3本書分別有煮食,顏色同一本教父母激發潛能嘅相,話要喺假期研究下,唔知Yumiko諗住點樣啟發梁浸浸嘅潛能呢?另一方面,喺上個月宣佈有咗第二胎嘅台灣模隋棠,昨日喺fb貼咗一張老公Tony孭住囝囝Max嘅相,留言話:「醫生說妹妹也是個長腿的」,之後再寫#兩個都要步上爸媽後塵、#坐教室最後一排與垃圾桶為伍,睇到Max對腳真係好長,將來佢哋一家四口出嚟時候,一定高人一等呀!




來源: http://hk.apple.nextmedia.com/entertainment/art/20161030/19817076
浸浸 Cute 爆扮 扮花 花隋 隋棠 棠未 出世 女都 都有 有長 長腿
PermaLink: https://articles.zkiz.com/?id=314122

祖兒抱梁浸浸現母愛

1 : GS(14)@2016-11-13 11:32:38

互聯網圖片



鄭希怡(Yumiko)經常在個人社交網誌上分享囡囡梁浸浸的近況,成為星級BB的梁浸浸,更深得媽咪同公司的蔡卓妍(阿Sa)、鍾欣潼(阿嬌)及容祖兒等一班姨姨寵愛。昨日祖兒在Instagram上載和梁浸浸的合照,留言:「Avery said eeeee when we were taking a picture with her.」而抱着梁浸浸的祖兒,流露出一臉慈母樣。




來源: http://hk.apple.nextmedia.com/entertainment/art/20161113/19831742
祖兒 兒抱 抱梁 浸浸 母愛
PermaLink: https://articles.zkiz.com/?id=315341

Yumiko爭寵輸畀梁浸浸

1 : GS(14)@2016-11-20 23:52:03

鄭希怡(Yumiko)昨日穿低胸及大露背裝現身尖沙嘴,擔任一間化妝品專櫃明星店長,她更即席為女顧客護膚及推介產品。穿上超性感長裙的Yumiko笑指沒有經老公過目,因自己在老公眼中的重要性,隨着女兒「梁浸浸」出世後已被取代。她又指梁浸浸開始愛上扮靚:「我化妝時佢會好留意我,有次我拎轉背執袋,佢拎咗我支唇膏搽上塊臉,變成花臉貓。」日前Yumiko已為好姊妹蔡卓妍(阿Sa)預祝生日,問到送甚麼生日禮物?她笑說:「係咪要送靚仔?唔使啦!佢咁多人追,祝佢永遠開心幸福。」不少人想透過Yumiko認識阿Sa,她表示也會先為姊妹過濾朋友。採訪、攝影:馬建華




來源: http://hk.apple.nextmedia.com/entertainment/art/20161119/19838500
Yumiko 爭寵 輸畀 畀梁 浸浸
PermaLink: https://articles.zkiz.com/?id=316264

霆鋒送大廚熊公仔梁浸浸:幾時教我煮嘢食?

1 : GS(14)@2016-12-28 08:12:21

Yumiko個女梁浸浸,喺萌B界中,一直人氣高企,就連明星藝人都爭住同佢集郵!o依家歲半大嘅梁浸浸,除咗係媽咪爹哋嘅金叵羅,Uncle、Auntie亦錫到燶!霆鋒叔叔就喺過去咗嘅平安夜,喺上海同成班英皇藝人開騷,但喺台上掛住煮麵嘅霆鋒,就俾入場嘅觀眾怨冇得聽佢唱歌。雖然歌迷鍾意聽霆鋒唱歌多過睇佢煮餸,不過似乎無阻霆鋒發展佢嘅廚藝事業。日前,霆鋒叔叔就送咗個Bear Bear熊俾梁浸浸做聖誕禮物,而Bear Bear熊頭上就戴住頂廚師帽。梁浸浸就話(當然要搵爹哋媽咪代勞):「多謝uncle霆鋒送比我的chef nic nic熊仔,幾時教我煮好嘢食?」




來源: http://hk.apple.nextmedia.com/entertainment/art/20161228/19879241
霆鋒 鋒送 大廚 公仔 浸浸 幾時 教我 我煮
PermaLink: https://articles.zkiz.com/?id=320348

梁浸浸賣萌捧巨元寶

1 : GS(14)@2017-01-28 12:04:16

互聯網圖片



鄭希怡(Yumiko)愛將囡囡梁浸浸的可愛相開心分享,昨日在Ig上載幫囡囡扮靚靚的新年造型相,向朋友提早拜年。



鄭希怡

梁浸浸身穿一件紫紅色中式裙仔,雙手捧着巨型金元寶,表情超萌。Yumiko更以手機App幫梁浸浸的細眼睛加工,及加了一對兔耳仔,相當可愛,旁邊又有大吉大利揮春,獲不少網民讚好,更有人指梁浸浸變了張栢芝。




來源: http://hk.apple.nextmedia.com/entertainment/art/20170128/19911136
浸浸 賣萌 萌捧 捧巨 元寶
PermaLink: https://articles.zkiz.com/?id=324520

梁浸浸兩歲生日 沙灘玩餐飽

1 : GS(14)@2017-04-22 10:43:40

鄭希怡(Yumiko)同老公梁學儲上個禮拜撇甩囡囡梁浸浸,飛咗去美國旅行玩餐飽。兩公婆日前終於返港,仲即時同囡囡梁浸浸補祝兩歲生日。Yumiko喺IG上載咗一段短片,見到梁浸浸望住兩個蛋糕仔上面嘅蠟燭,用力吹呀吹,但試咗幾次都吹唔熄,嘟起個嘴仔嘅梁浸浸,可愛到暈。



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170421/19996483
浸浸 兩歲 生日 沙灘 玩餐 餐飽
PermaLink: https://articles.zkiz.com/?id=331208

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019