ZKIZ Archives

「階下囚」國美 （493）大股東黃光裕（圖），同國美現任主席陳曉正式開火單嘢，除咗街外人會話好睇，華華101%相信，國美小股東一定會話無眼睇！好似美資基金富達 （Fidelity）咁，喺呢單嘢（黃生喺獄中話要炒陳曉魷魚）爆咗出嚟之後第二日，即喺8月6號，已經喺場內以每股平均0.312美元（約2.434港 元），大手沽咗1.792億股，套現差唔多4.36億元，持股量由5.57%降至4.37%，低過5%，即喺以後減持都唔使再披露……識得用寬頻速度沽 貨，呢隻基金，應該喺做到嘢之流！點解咁講？家陣大股東擺明玩嘢，就算呢鑊基金股東肯出嚟投票撐國美董事會，過到呢關，點知黃生又有咩新招o架，換馬玩過 第二隻股好過。

李華華

本地老牌家族沽售磚頭，被譽為樓市見頂指標不無道理，九七前何東後人何鴻章出售布力徑大宅，傅老榕家族摸頂賣富麗華酒店是經典；至早前山頂何東花園以七十億易手，其實老家族後人繁衍，各有各睇法，見磚頭價飛升，點會唔牙癢癢，梗係想沽貨分錢啦 ，好似舊年起頻頻標售物業嘅福利集團，已沽售數十億貨，一幢幢咁賣，家族以前立法局議員何世柱為首，共有十兄弟姊妹，個個有番咁上下斤兩。原來去年九月通過特別決議，將福利地產申請自動清盤，透過一太，不斷標售旗下物業，旨在分錢，連伯爺何耀光喺南灣道嘅大屋都賣埋，所以好多地產經紀都好留意富豪爭產、族人反目嘅新聞，分分鐘有大生意做嘛！

南灣道這幢大宅建於五十年代，何家持有逾五十年，去年以八億賣出。（陳浩樂攝）

「香港人血液有水貨基因」

作為水貨車鼻祖，富利堡老闆黃毅力最有資格回應：「香港人有水貨基因係事實，但睇你點演繹，香港人不嬲都係機會主義者，邊度有錢搵就去邊，香港直頭係水貨之都，七十年代日本仔來香港掃勞力士，我哋叫佢做羊牯，八十年代到台灣人來掃話佢財大氣粗，九十年代歐美人士來掃名牌貨，二千年打後韓國加埋強國人殺到。我哋都去日本藥房掃貨啦，我都有樽日本感冒丸傍身！不過水能載舟亦能覆舟，以往香港政府採取積極不干預政策，家陣搞到買兩罐奶粉都要坐監，真係唏噓！」

唔好衰俾人睇

喺花旗，星巴克宣布，未來十年會用兩億五千萬美元幫員工攻讀網上大學學位，所有員工皆可受惠。其總裁預期起碼有兩萬五千名員工因而得到沙紙。可惜佢哋嘅香港員工冇行吖，否則點會搞出張咁嘅告示呢！香港人加油，千萬要爭氣，唔好衰俾人睇吖！

中環寸嘴

工廈大王楊耀松長子，是各大有名食肆之VIP，喜歡研究已故及城中有錢佬對食之喜好，強調「貴」唔等如識食，自詡分享食經乃是提升讀者之水平。

無能廁所

唓！湯文亮轉倉去買中隻港交所就話係股神，八十億股票個倉，有幾多係佢家姐嘅先？買實股算咩股神呀？炒股梗係刀仔鋸大樹，唔好話我認叻，好似平保咁，舊年聖誕節前已升咗一輪，我喺七十八蚊左右，knock out（甩）咗我啲accumulator，再將賺到嘅去買平保嘅call option，咁平保一路升我都有貨喺手，家陣我又做咗decumulator，一百三十三蚊沽平保。講住咁多先，同你啲讀者分享咁多我又冇錢袋嘅。股市暢旺，名牌食府人氣都旺咗，呢個禮拜即管試吓近日好多鱔稿都寫嘅「禮賓傅」，用前特首個廚作招徠，標榜懷舊菜式。唔知係咪股市好，想試佢啲貴嘢都無貨，話賣晒喎！點咗鵝肝蝦多士、特首炒飯、老少平安、和牛炒四季豆，嘩，一個字：鹹得無道理，我估個廚以前喺特首府，煮慣俾啲老嘢食，老人家味覺退化，唔加鹹無味！食完呢餐晏，條脷揦住，我估塊超鬆脆嘅蝦多士，落咗唔少發粉呀。名牌食肆梗係要用吓個廁所，基本上𠌥低身個八月十五就貼住道門，最「渣」嘅係，傷殘人士廁所個英文——DISABLE都串錯字，無咗個D呀——DISABLED；呢個廚話晒喺特首府揸過鑊鏟，招呼過曾爵士，點解英文咁水？DISABLE可以話人係「無能」，男人入廁所撞到個咁屎嘅英文，特別敏感，「禮賓傅」賣懷舊菜式啫，哈，連英文都懷舊埋嘅！

億萬磚頭冇老婆名

英皇娛樂酒店嘅CEO余永焯，近日頻頻出手買豪宅，繼年初掃入三伙紅山半島，近日又幫襯新地買赤柱村道五十號，澳門賭場開放逾十年，英皇楊發大達，連佢馬仔都豬籠入水，難怪杜琪峯愛將黃卓玲○九年閃電下嫁呢位億萬打工皇帝，雖然為第三任老婆，似乎腳頭唔錯，婚後，老公單係炒賣物業就賺三千五百萬，手持無按揭嘅貨，未計升值都有億半，不過物業見唔到黃卓玲個名囉 ！

金牙大狀講嘢開水炮好過掟氫氣彈

監警會成員關治平認為對付示威者，開水炮好過開槍。佢係葉劉匯賢智庫嘅黨友，葉劉出身保安系統，關生加入佢嘅黨，認同其女強人作風，殆無疑問。關生個人資料透露，佢興趣之一係射擊，同葉劉肯定合晒何尺。按關生開水炮好過開槍嘅邏輯，開槍肯定好過掟手榴彈，掟手榴彈好過出迫擊炮，出迫擊炮好過投擲燃燒彈，投擲燃燒彈好過掟中子彈，掟中子彈好過掟氫氣彈，掟氫氣彈好過一鑊熟、冚家剷。究竟你想做乜先？古語有云，割雞焉用牛刀。班人上街示威啫，又唔係要同你死過，使唔使一嘢就話要開槍啊？恃住庫房有錢，警察武備不斷升級，莫非真係想逼到班人作反為止？

去年8月，滙控宣布斥資25億美元（約194億港元）回購股份，把股價由50多元托高至去年12月的60多元，平均入貨價接近60元。

到今年2月，滙控公布去年業績，業績全面倒退，稅後利潤大跌九成，只賺約100億港元，期內股東權益暴跌過千億港元，差不多科科「見紅」。管理層為了「遮醜」，宣布再斥資10億美元（約78億港元）回購股份，估計到本月中將耗盡，到時又要想其他辦法托價。過去幾年，不少美國大型上市公司業績改善，手頭現金充裕，便花費巨額金錢回購股份，令市場流通股份減少，每股盈利上升，藉此刺激股價向上。加上美國政府徵收股息稅，公司回購股份而不增加派息，也可以減輕稅務負擔。美國道指是以股價而非市值計算指數，過去一段時間道指持續向上，公司回購股份應記一功。近年這股回購歪氣蔓延至香港股市，一些恒指成分股也加入回購行列，其中最進取的是領展和滙控。早於2014年6月，領展已開始進行大規模回購股份行動，直至2016年3月已花費30多億元現金回購股份，試圖托高股價。到去年8月，又重施故技，再花費十多億元回購股份托價。換言之，領展至今已花掉約50億元回購股份，相等於約4%已發行股份。至於滙控，去年花掉194億元回購股份，約佔已發行股份的2%。回購的股份只是庫存起來，並沒註銷，日後可再找機會配售。今次再花78億元回購股份，則會全數註銷，不會庫存起來。本地上市公司手上現金充裕，又找不到什麼好的投資機會，理應把現金派發給股東，讓股東自己尋找出路。特別是香港沒有徵收股息稅，增加派息並不會增加股東的稅務負擔，故此節省稅款的理據不能成立。

即使公司管理層覺得股價偏低，值得吸納，也應該拿自己的金錢去購入股份，而不是用公司的現金去回購股份，人為地托高股價。公司管理層決定用公司的現金回購股份，其實是存着巨大利益衝突，監管機構理應正視問題。不少上市公司向管理層發出認股權證，容許持有人以指定股價認購公司股份。若然公司股價長期低迷，股價低於認股權證的認購價，認股權證便等同廢紙，持有人不會行使認股權。管理層動用公司的現金去回購股份，推高股價，而認股權證的認購價又沒有作出相應調整（例如回購4%股份，認購價便調高4%），持有人便可以從中取利。過去一個月，有報導指滙控一面回購股份，管理層一面沽貨獲利。行政總裁歐智華合共沽貨45萬股，套現約2,900萬港元。財務董事麥榮恩及風險管理總監繆思成，亦加入沽貨行列，二人合共套現約200萬港元。滙控管理層若然看好公司前景，又怎會沽貨離場？從過去十多年可見，金融市場「賤精」橫行，管理層不單沒有創造價值，還透過種種方法去推高股價，然後沽貨離場，享受退休生活。小投資者知道管理層的真面目後，自然也加入沽貨行列，令公司股價大幅下挫。2000年電盈收購香港電訊，大股東及管理層率先沽貨獲利，之後股價暴挫，值得股民引以為鑑。

林本利曾任教於理工大學，現為專欄作家及教育中心校監（http://www.livingword.edu.hk）作者網誌 - http://lampunlee.blogspot.com