ZKIZ Archives


同G.E.M.有過一段情?馮允謙緋聞勝事業

1 : GS(14)@2016-08-17 08:01:28

入行5年,28歲嘅馮允謙星途嚟講,參加過《超級巨聲3》都算係講得出佢個名,不過就冇乜代表,返而感情生活就相對好睇好多。馮允謙外型斯文、官仔骨骨夠晒煞食,最為人所認識嘅緋聞女友就一定係宇宙巨G.E.M.。佢同台灣歌手林宥嘉分手之後,馮允謙成為G.E.M.嘅緋聞男友,佢哋不時喺instagram post大家嘅相出嚟o添!不過雙方就堅稱對方係好朋友。而去年有傳原來馮允謙同G.E.M.發展咗嘅同時,其實有一位拍拖四年嘅女友Crystal,不過為咗男友事業甘心做「隱形女友」,仲刪走埋fb入面嘅合照。除此之外,馮允謙曾喺《實習天使》同劉佩玥合作,佢哋仲有一夜情嘅戲份,亦有傳佢哋戲假情真撻着o添!




來源: http://hk.apple.nextmedia.com/entertainment/art/20160817/19739842
G.E.M. 有過 過一 一段 段情 馮允 允謙 緋聞 事業
PermaLink: https://articles.zkiz.com/?id=306246

廿歲出頭嫁呂良偉周海媚同「明福俠」有段情

1 : GS(14)@2016-12-30 02:58:07

50歲嘅周海媚入行三十年,當年仲係大台當紅花旦,多年來梗係有唔少人追啦,當中仲包括:林偉亮、富商伍士榮、大陸演員陳龍等等!講到最為人所熟識嘅,應該就係曾經同呂良偉結婚,又同黎明傳過緋聞。呂良偉周海媚1985年入行,翌年即刻有機會同呂良偉拍劇《小島風雲》,仲因為咁而日久生情,拍拖兩年佢哋喺1988年一齊去咗美國拉斯維加斯秘密申請註冊結婚。不過當時仲擺咗個烏龍,原來當時喺當地申請結婚,要喺一年內結婚先有效,最後佢哋嘅申請失效。而二人亦都係「婚後」一年分手。黎明周海媚喺1990年同黎明合作《回到未嫁時》,翌年再度合作拍《今生無悔》,有傳二人因為多次合作撻着,仲令到周海媚同呂良偉分手。永瀨正敏除咗香港,周海媚嘅緋聞去到日本都有,97年佢去日本拍廣告,仲有傳佢同已婚嘅永瀨正敏撻著,喺2004年有日本雜誌指,周海媚介入永瀨正敏同小泉今日子嘅婚姻,當時周海媚否認事件,同永瀨冇再聯繫,但因為咁小泉覺得丈夫不忠,夫婦關係開始破裂咁話。




來源: http://hk.apple.nextmedia.com/entertainment/art/20161229/19880324
歲出 頭嫁 嫁呂 呂良 良偉 周海媚 明福 有段 段情
PermaLink: https://articles.zkiz.com/?id=320513

【FF影像】身在街頭耳聽故事 遊觀塘親歷一段情

1 : GS(14)@2017-03-24 17:08:34

導賞團帶參加者走進平時未必留意到的地方,例如此處帶點陰森的巴士廠。



每對情侶總有專屬他們的回憶之地:初次相識、第一次拖手、第一次爭吵,還有最後一次的分手……一對情侶,文理與杏梅,在觀塘相識、拍拖到分手。兩名調查員於是展開調查,剖析這對情侶的愛情死因。不過,為何星期日傍晚,觀塘街上,有咁多人戴着耳機,偷聽他們的對話?「想試吓將故事放喺社區舞台。以前多做形式化劇場,好似今次咁一路行社區,一路做廣播劇,真係未試過。」原來所謂的分手和調查,不過是一場導賞活動。活動讓參加者一邊聽故事,一邊隨着劇情發展,遊走於觀塘大街小巷間。策劃人Thealosophers的成員羅金翡(阿翡)說:「其實想試吓舞台係咪一定要實實在在,喺大家面前建立,定係可以聽住故事,喺腦入面建立自己的舞台。」故事劇情發生在明渠、投注站、觀塘廣場、巴士廠、海濱花園五個地方,參加者會逐一到訪這些地點,親身經歷這對情侶的愛情故事。它們都是很多人或會經過,但未必曾細心留意的地方。巴士廠正是阿翡平日行經之地,但之前未曾進去一探究竟,「寫呢個故事想揀一個得意有趣有氣氛的地方,潛入去巴士廠後發覺有少少陰森,覺得幾得意。」於是在創作過程中,把觀塘內有趣的地方逐一發掘。由舊區發展而成的觀塘,埋藏着很多變遷故事,例如明渠名字的由來、往後的發展等,坊間一般導賞團多會直接介紹地區歷史文化,為何這個導賞團會讓參加者來聽愛情故事?「平時導賞團同地區文化好有關,我覺得或多或少嚇怕咗人,覺得呢件事太文藝,參加者未必好接受到,或者只吸引到某批觀眾。」阿翡認為用愛情做主題較貼近生活,聽眾更容易代入角色,再由故事中的調查員講解觀塘文化資訊,使參加者在聽故事之餘,亦能了解更多地區文化。行住聽廣播劇,參加者又點睇?一向愛看話劇的Pandora認為,故事讓她想到社區如何影響一個人,「深刻嘅係佢講到,平時放工已經七點幾,仲可以去邊度玩、拍拖呢?發覺原來社區都影響緊呢對情侶。」同樣身為社區導賞團搞手的參加者Spencer,則喜歡這種把劇場搬去街景、讓觀眾與真實環境互動的立體感,「故事始終係社區裏面,你見到活生生的工廈、投注站同巴士廠,你搭幾多景,都唔及現場睇到嗰種真實感。」



每位參加者戴着耳機,聽着廣播劇遊走在大街小巷。

阿翡笑言最初怕參加者邊聽邊走,太多事情要兼顧,後來發覺香港人習慣邊走邊接手機,完全難不到他們。



參加者Pandora認為故事深刻之處,是女主角說到平時放工已七時多,還可去哪裏玩、拍拖呢?發現原來社區都在影響這對情侶。

參加者Spencer認為看到活生生的工廈、投注站、巴士廠,無論搭建多少場景,都不及在現場看到那種臨場感。

愛情死因研究所
facebook專頁:文化按摩師故事聲帶由香港藝術中心提供記者:封愷瑜攝影:潘志恆2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170324/19968137
FF 影像 身在 街頭 耳聽 故事 觀塘 親歷 一段 段情
PermaLink: https://articles.zkiz.com/?id=328686


ZKIZ Archives @ 2019