ZKIZ Archives


打內戰:閂埋門玩《巨聲4》蕭正楠梁烈唯內定入圍

2013-04-18  NM  
 

 

無線已停辦兩年的《超級巨聲》,今年再度復活!三屆《巨聲》只得林欣彤及許廷鏗彈得起,與其嘥力捧新人,無線變招,索性閂埋門搵藝員參加比賽。自己友玩曬,據知備受力捧的蕭正楠、梁烈唯,已坐定粒六入圍。捧番自己友

內地電視台搞歌唱比賽節目,收視高,廣告財源滾滾,無線決定有樣學樣,抄最近被轟賽果造馬的《我是歌手》條橋,搵藝員參加比賽。近日藝員科已經開始廣派表格,日內將會舉行試音。

「之前公司簽落大班巨聲幫,結果搞到唔少三、四線藝員無嘢做,早排班阿頭開會,藝員科高層提議捧番自己友,仲講到明參加過巨聲嘅唔可以再參加,留番啲機會俾其他藝員。大家都覺得work,話曬啲藝員熟口熟面,佢哋比賽唱歌,隨時有驚喜,會幫到收視。」無線內部人士說。

據知藝員科已廣發短訊,通知有興趣的藝員攞參加表格,日內舉行試音,由藝員科和綜藝科的高層負責,挑選十五名藝員參賽。

「做哨牙仔出曬位嘅蕭正楠,成日想揸番咪做番歌星,佢一早內定有份入圍;有高層話梁烈唯唱歌似陳小春,演得玩得,亦預咗佢一份。」除了高層心水人選,有太陽娛樂黃栢高撐腰的沈震軒和唱家班出身的胡定欣及港男羅天宇等亦會參賽。

庾澄慶做導師

藝員比賽,之前的巨星評判陳潔靈、趙增熹、陳奐仁全部冇得留低;無線有意邀請《中國好聲音》的庾澄慶及陳奕迅做星級導師,並繼續玩全民投票,由觀眾做評判。「哈林(庾澄慶)嘅身價比起幾年前做《味分天下》貴咗好幾倍,不過老細肯俾錢,依家睇佢個期得唔得!」無線內部人員透露。記者致電音樂組監製麥鎮東求證,他承認正在招募藝員參加,日內將進行試音,但比賽形式仍在商議中,未全盤確定。

唱 出 財 路

近年內地電視頻道盛行歌唱比賽騷,當中包括《中國好聲音》、《我是歌手》等,均以超高價向歌手招手,出賽費抵如黃貫中,亦十萬起跳,逐round計,十分和味。庾澄慶、那英做星級導師的《中國好聲音》,節目收視高之外,還拉隊到各地開騷,豬籠入水。

內戰 閂埋 埋門 門玩 巨聲 蕭正 正楠 楠梁 梁烈 烈唯 內定 入圍
PermaLink: https://articles.zkiz.com/?id=54620

黃金視窗:蕭正楠哨出位

1 : GS(14)@2013-04-14 13:24:23

http://hk.apple.nextmedia.com/entertainment/art/20130414/18227281
蕭正楠翻身,全靠哨牙仔唧榮給他一個轉身....,蕭正楠很開心,亦不敢太興奮,他日前接受本報記者專訪,一副招牌四萬笑容回答說:「我真係好開心,起碼去到家人哋記得我,唔再係嗰句有新嘢幫我cover晒,以前上網搵我會見到嫃嫃嫃同邪不能勝正彈出來,因為呢兩件事起碼有一百單新聞跟住我。」
「唧榮似平時嘅我」

因為有緣,所以遇上,蕭正楠慶幸可以演出唧榮一角,他說:「呢個過色真係塑造得唔錯,個頭開得好,角色好鮮明,佢係一個好有自信嘅宅男,覺得自己好靚仔,應該有好多女朋友,個樣咁醜怪都咁有自信,係咁另類個角色先咁成功。唧榮完咗係有啲失落,因為呢個角色,我演得好開心,拍《仁心II》我係一啲都唔覺得辛苦,心態好開心,演呢個角色好似如魚得水,做任何嘢好隨心,但係個效果好出,好難接到一個角色同自己咁搭咁有火花,就好似我平時生活中一啲細節放咗落去,所以有朋友話唧榮好似平時嘅我,就只係多咗棚牙,就有咁嘅喜劇效果。」
唧榮得到兩大女神陳茵媺和苟芸慧的寵幸,招來一班高登宅男妒忌,因為劈腿成為世紀賤男,蕭正楠即刻唧榮上身自爆結局,他說:「之後我想幫其中一個搞生日,但另一個又嚟咗,終於俾佢兩個當場逮捕,㩒到面都歪埋,成塊面紅晒,仲有掌印要敷冰,不過最後我同瀨尿珠會有個happy ending,感情加埋對病人關心,係勁過同苟姑娘嘅關係,所以好多謝監製安排一棚牙同兩個女神畀我,做到唧榮,真係夫復何求!」
2 : GS(14)@2013-04-14 13:30:01

當年廣告
3 : GS(14)@2013-04-14 13:34:30

http://www.residenceoasis.net/phpBB3/viewtopic.php?f=24&t=14074


文章由 Mcdull1015 » 週六 12月 30, 2006 9:21 am
曾有三十多間分店連鎖經營的金龍船餅店,已無聲無息地全線結束門市,只餘三間酒樓附設的西餅櫃位。金龍船集團發言人承認,因業務虧損,集團旗下的餅店門市已於今年中全線結業,持有效餅券的市民只可於旗下三間指定酒樓外西餅櫃位換取西餅。由於部分餅券將於明日到期,大批擔心血本無歸的市民近日蜂擁前往酒樓換餅,令西餅櫃位經常出現供不應求現象,故該集團已決定把明日(○六年前有效)到期的餅卡延長有效期三個月。

郭小姐月初發現手持之「金龍船高級奶凍西餅禮券」快將到期,遂致電餅券上的客戶熱線查詢換餅地點,詎料熱線一直無法接通,其後她再致電金龍船酒家,始知該集團餅店已全線結束門市,她須前往指定酒樓取餅。可是,當她前往取餅時卻又發生供應不足的問題,令她十分不滿。

西餅甫出搶購一空
另一名持餅券市民張小姐亦向本報投訴,該集團從未有對外公布餅店已全線結束門市,直至她近日致電分店電話,始發覺換餅安排有變。本報記者昨午十二時攜同張小姐之餅券,前往金龍船位於尖沙咀港景匯商場分店換餅,當時仍未有西餅供應,但酒樓外已有數名市民正在等候。部分人說前日亦曾到上址換餅,但西餅推出不消一會已全被搶購一空,職員更說當日只限量供應十打,並游說他多補六十元換購一個忌廉蛋糕回家。


換餅踏破鐵鞋耗一年

為了兌現一張西餅券究竟要付出多少努力?答案是花上一年時間,尋遍港九及新界。有市民直言,已花上了一年時間尋找換餅地點,至昨日始能成功兌換餅券。

昨日中午已到尖沙咀金龍船酒家換餅的黃女士,她說一年前已開始按餅券上的熱線致電查詢換領地點,惟熱線一直無法接通。她欲按照餅券上的門市地址親身前往取餅,卻又發現多間門市已結業,及後輾轉致電酒家查詢才找到確實換餅地點。
4 : GS(14)@2013-04-14 13:48:59

http://hk.apple.nextmedia.com/entertainment/art/20130414/18227283



事業剛剛起步,蕭正楠未敢輕舉妄動,特別是感情事。提起女友何傲芝,蕭正楠格外小心,不能表白太多,亦不可以否定一切的可能性,他說:「畀啲時間我,我今年36歲,係我第三個本命年,一個好機會,我都唔想娶個老婆返嚟,要餓死佢瘟臭屋就死喇!等自己有番啲穩定收入同位置,先去講將來嘅嘢,等我起碼有人欣賞我,唔好嫌棄我。」
不過,有錢有面,並不代表抱得美人歸,皆因蕭正楠的對手是何傲芝的爸爸,對於何爸爸被指棒打鴛鴦,蕭正楠立即護駕說:「有少少抱歉,自己新聞影響到人,覺得唔好意思,又驚何爸爸身邊人睇到有錯覺都唔好,我知道何爸爸唔係咁嘅人,如果我係爸爸都想個女嫁得好。」蕭正楠,要加把勁喇!
黃金 視窗 蕭正 正楠 楠哨 出位
PermaLink: https://articles.zkiz.com/?id=282559

薛家燕X蕭正楠 做個快樂不倒翁 2015-02-27

1 : GS(14)@2015-03-01 10:14:25

http://www.skypost.com.hk/featur ... %92%E7%BF%81/170177
一代喜劇演員差利卓別靈有句名言:「人生近看是悲劇,遠看則是喜劇。」於薛家燕、蕭正楠,確實如此。一個被前夫拋棄,獨力養大三名子女;一個出道兩年,因誤說一句「邪不能勝正」成箭靶,被放逐北京。如今,前者笑得比誰都燦爛,後者事業、愛情得意。「沒有那些不開心的經歷,就不會有今天的我。」他們異口同聲。
二人最近合作賀歲劇《倩女喜相逢》,家燕姐飾演「發脹版」聶小倩,蕭正楠則飾演寧采臣。「蕭正楠可能有點失望,竟然搵我來演一個肥嘟嘟的倩女。」說完,家燕姐哈哈大笑。「劇集顧名思義就是為了搞笑,家燕姐一站出來就是開心的代表,她的感染力真的很大,好像有股力量,不管多累,她一定有笑聲和笑容,跟她開工,整班演員都很開心。」蕭正楠補充道。
他所言非虛,訪問現場,家燕姐笑聲不斷,動作多多,一點也不像就快65歲的人。「我的心理年齡是16歲。」她也毫無包袱,甚麼都肯扮。「因為我扮到嘛,哈哈哈。我是挑戰自己,人生這樣才多姿多采,做演員最開心就是我不止能做薛家燕,還能做很多人。」


將難關變成經驗


就算重提那位拋棄妻子、失蹤三年的前夫石保慶,及那段拍劇撲水養家的歲月,她仍是一副笑呵呵模樣。「每個人都有起有跌,每次跌都是一個機會,不跌倒,你如何感受爬起來那種成功?做人最重要就是開心、樂觀,及不斷增值自己,只有那樣,你才可以變成不倒翁。」她說到做到,這些年,她含辛茹苦養大三名子女,卻笑得比誰都燦爛。
蕭正楠也不忌諱談過去。說起那段避走北京的歲月,他直言不好過。「但望番轉頭,又會很珍惜那個過程。難關總會過,過了後就變成一個經驗,而這個經驗將來會幫助你面對其他問題。譬如,現在回內地拍劇或上節目,國語都算講得不錯,都是那段時間學的。我很感恩那段經歷,做人要知足,起碼我現在還在這一行。」


從《弟子規》學做人


除了演戲養家,家燕姐於11年前成立了家燕媽媽藝術中心,因此,她多了「家燕媽媽」這個稱號。訪問最後,問這位大眾媽媽有甚麼人生哲學跟大家分享,她語重心長地說:「大家不妨讀一讀《弟子規》,裏面有1,080個字,360句,你會從中學到做人的道理,譬如尊師重道、孝順父母、待人以誠等,小朋友三歲就能讀。現在的年輕一代,父母太過溺愛,想要甚麼就有甚麼,變成他們覺得一切都是應該的,若沒有或得不到,就是社會對不起他們。」
旁邊的蕭正楠一臉認真地聽着,說要跟家燕姐學習。「我在想,如果將來有子女,我應該會用一種比較鐵腕的方式來教導,這個《弟子規》,我一定會教子女讀的。」家燕姐忍不住補充說:「你要記得跟黃翠如說。」話音未落,二人捧腹大笑,笑得開懷。
撰文:黃艷
攝影:Lego
編輯:黃寶恩
設計:鄧俊明
家燕 蕭正 正楠 做個 快樂 不倒 倒翁 2015 02 27
PermaLink: https://articles.zkiz.com/?id=288080

翠如BB收蕭正楠二手Mini

1 : GS(14)@2015-05-18 08:38:32

蕭正楠(Edwin)和黃翠如拍拖一年,最近有報道指兩人疑同居,翠如進駐男友的華景山莊寓所。雖然兩人最近各有各忙,Edwin為新劇《公公出宮》趕戲,翠如則要拍《為食神探》,但會爭取時間見面。翠如被影到在男友家幫手打掃,當Edwin用吸塵器吸地時,翠如就幫手搬開枱椅,兩人默契儼如新婚夫婦。Edwin早前更用公司名義送了一部價值12萬、與舊女友何傲芝都擁有的二手Mini給翠如。翠如昨日電話否認急住結婚生仔並笑說:「唔係呀,純粹大家有時間,咪傾吓偈囉。生BB真係冇認真諗,佢enjoy拍戲多啲,大家開心就夠。」採訪:嵐山





來源: http://hk.apple.nextmedia.com/entertainment/art/20150518/19151062
翠如 BB 收蕭 蕭正 正楠 二手 Mini
PermaLink: https://articles.zkiz.com/?id=290418

馮仁昭四圍超:黃翠如話蕭正楠霸道

1 : GS(14)@2015-08-14 09:08:51

黃翠如噚日喺尖沙嘴出席手錶活動,講到有報道話佢逼蕭正楠同居,佢話:「大家有時間聚吓,點解啲人咁有興趣?其實只係喺街嘅相。佢(蕭正楠)霸道啲,大家難得一齊,會互相尊重同珍惜,唔明點解次次都寫我唔寫佢。」佢亦都否認男友丟咗舊愛何傲芝啲嘢:「娛樂新聞只係得啖笑,大家都唔係對方初戀,難道要將對方過去delete?」撰文:馮仁昭





來源: http://hk.apple.nextmedia.com/entertainment/art/20150814/19254656
馮仁 仁昭 四圍 黃翠 翠如 如話 話蕭 蕭正 正楠 霸道
PermaLink: https://articles.zkiz.com/?id=292002

如果我是蕭正楠/唐詩詠

1 : GS(14)@2015-10-29 07:46:56

「阿哥」和「阿妹」嫌疑太大,而家已發展到不是"friend zone"咁簡單,我們是兄弟幫,光明正大,有乜好怕。看看黃翠如的fb回應,真摯過至尊寶話,愛你一萬年。問同事如果你是蕭正楠或是唐詩詠,面對另一半陰魂不散的好「兄弟」,你會點,除了一位肯流露真感情,說要出動金仔高射炮殲滅一齊異性孽緣之外,一個二個先嘆一口氣,再扮大方,可惜嘴裏說不介意,身體也很誠實。老實說,人是理性的動物,人也是感情的動物。有名有份做得你男女朋友,禮貌上也要佔地盤,感情世界,沒有「大方」這兩個字,換轉是你,世人都認為你的洪永城/黃翠如跟他的" brother"才是真愛,叫你靠邊站,你又會點?記者:李聰、馬朗澄、黃力





來源: http://hk.apple.nextmedia.com/su ... t/20151029/19351176
如果 我是 是蕭 蕭正 正楠 唐詩
PermaLink: https://articles.zkiz.com/?id=293539

蕭正楠黃翠如預演婚禮

1 : GS(14)@2016-02-04 17:24:32

蕭正楠昨日與女友黃翠如在淺水灣為新劇拍結婚戲,同場還有黃宗澤(Bosco)及張繼聰等,二人被取笑是預演婚禮,翠如直言不想有預演的感覺,她笑說:「如果咁講就唔係太好,因為劇情話我結完婚之後,會同Bosco有親密接觸。」蕭正楠則笑說:「我已經打咗佢(Bosco),佢搶走我老婆。」他坦言感到尷尬,結婚是一生人一次,不想在戲內演了出來。


■Bosco(右)自爆近日黑氣纏身,頸骨移位又撞傷肋骨。


Bosco自爆近日黑氣纏身,繼早前頸骨移位後,前日又不慎在浴室跣腳撞向浴缸,撞傷了肋骨,之前做運動又弄傷手肘。另外,張繼聰被問到老婆謝安琪(Kay)內地巡唱被取消,是否已回復心情?他說:「心情冇咩,希望佢好好享受呢兩場演出,之後好好休息喺屋企做金絲雀。」撰文:陳以晴





來源: http://hk.apple.nextmedia.com/entertainment/art/20160204/19477954
蕭正 正楠 楠黃 黃翠 翠如 預演 婚禮
PermaLink: https://articles.zkiz.com/?id=295281

蕭正楠

1 : GS(14)@2016-02-15 18:03:54

■蕭正楠表示與黃翠如情侶檔酬勞好好,不介意將酬勞給予翠如。


蕭正楠(Edwin)與黃翠如首次情侶檔出席商場新春活動,同場還有組合Super Girls。大會安排Edwin、翠如與情侶獅合照,而兩人在台上不停打情罵俏,翠如更多次甜蜜凝望男友,Edwin則為女友獻唱《感激我遇見》。他們透露初一已到雙方家中拜年,翠如笑謂與未來奶奶打牌時故意鬆章。如何慶祝情人節?翠如說:「我哋一陣拍外景,不過佢話好掛住曹永廉,仲成日同阿廉講電話,我嬲㗎。」Edwin笑指翠如呷阿廉醋,翠如自嘲是第三者:「我叫阿廉做姐姐㗎。」他們又謂情侶檔酬勞好好,Edwin表示意義重要過錢,又笑謂不介意將酬勞給予翠如。採訪、攝影:盧妹





來源: http://hk.apple.nextmedia.com/entertainment/art/20160215/19491070
蕭正 正楠
PermaLink: https://articles.zkiz.com/?id=296006

網民毒舌:蕭正楠被揶揄食軟飯

1 : GS(14)@2016-04-13 17:08:58

黃翠如榮升19億富千金,有網友橫跨娛樂及財經討論區開帖留言,主講準女婿蕭正楠,有人讚他「腳頭好」,有人讚他是股神,葡萄成份居多。匿名:蕭生腳頭好,何爸眼淺走寶,這就是命運……
Chi Keung Mak:蕭公子真識貨,這些機會……
Kl Leung:蕭正楠就大X鑊,之前俾何傲芝老豆老母嫌棄係窮X一名,今次仲要上埋市吳浩望:Hi原來又一個軟飯王
Damien_Duff:要跟人姓喇木亥牛寺:蕭公子叻過唔少投資者,佢做足功課人間仙人:南哥醒,識揀BB,不要芝士
sasa711:原來蕭公子先係股神,投資有道





來源: http://hk.apple.nextmedia.com/entertainment/art/20160413/19568393
網民 毒舌 蕭正 正楠 楠被 揶揄 食軟 軟飯
PermaLink: https://articles.zkiz.com/?id=299221

蕭正楠貼身做阿四 黃翠如開工大晒

1 : GS(14)@2016-06-12 02:51:15

2016-06-01 iM

黃翠如與蕭正楠自兩年前拍劇撻着後,一直愛得高調,隨着翠如BB激變億萬千金,身份升呢,蕭正楠對女友更為着緊,新劇一煞科便孖住到韓國預支蜜月,慶祝拍拖兩周年。

日前兩人為新劇《幕後玩家》拍外景,由於戲內外同是情侶,攞正牌拍拖,蕭正楠如貼身阿四服侍翠如BB,惜女友唔爭氣,演技依舊麻麻,NG不特止,還大擺千金小姐款,幾乎玩殘全劇組。

霸位攞飯

自ViuTV開台後,無綫收視備受追擊,即擺蕭正楠、黃翠如上枱,安排他們於新劇《幕後玩家》飾演情侶,企圖搶收視。愛得纏綿的二人相當受落,蕭正楠大讚女友着婚紗省鏡。晉身為「億萬駙馬」的蕭正楠,不但把口 女友,行動更實際,日前到粉嶺和合石墳場拍外景,自動波替翠如BB打點一切,甫到場便匆匆下車,打算幫女友霸定位化妝,惜張繼聰早一步坐低。眼見翠如BB只得罰企任由化妝師為她整頭,身旁的蕭正楠一臉不悅。

由於當日是重頭戲,蕭正楠跟其他演員在烈日下對劇本及試位,相反熱到溶的翠如BB只顧住妝容,手執名牌粉盒不停補粉,搞足半粒鐘。直至夠鐘放飯,蕭正楠又一馬當先為女友揀定啱口味的飯盒,繼而「同車」共食享受二人世界。

升呢錫身

不但獲男友呵護備至,且又屬無綫高層余詠珊黨的翠如BB,備受力捧,雖然已升上一線地位,但演技麻麻,縱使蕭正楠在場教路,仍頻頻NG,她也未有歉意。

加上今時今日已是億萬千金,翠如BB份外錫身,因位處郊外開工,蚊患嚴重,拍到半路,被惡蚊咬到一撻撻,又熱又攰下,忟爆的她鏡頭外一言不發,做獨家邨;相反其他女演員龔嘉欣、劉佩玥、莊思敏等有講有笑,相映成趣。臨收工前,因見男友在拍攝,備受蚊叮的翠如BB,忍不住點龔嘉欣替她搽止痕膏,繼而又懶理小演員在旁也照噴蚊怕水,嚇得龔嘉欣即時出手保護小演員雙眼,令台前幕後側目,敢怒不敢言。

撰文、採訪☆娛樂組 攝影☆何國豪 設計☆美術組
蕭正 正楠 貼身 做阿 阿四 黃翠 翠如 如開 工大
PermaLink: https://articles.zkiz.com/?id=302108

黃翠如教蕭正楠食榴槤

1 : GS(14)@2016-08-09 07:10:51

黃翠如昨日於黃埔出席「小魔王挑戰賽」決賽,翠如BB指自己懂得4、5個魔術,最厲害的是變走錢幣,但男友蕭正楠卻嫌不夠精采,她笑說:「佢睇一半就走咗,嫌變銀仔太流。」剛從馬來西亞回港的翠如自爆吃了20粒榴槤後肚痛,她買了大量貓山王回港給親友分享,可惜男友不懂欣賞,她說:「我會教佢乜嘢為之世界美食。」提到陳倩揚離開無綫,有指跟余詠珊引入大量「有線幫」有關,屬「有線幫」的翠如BB說:「我好鍾意倩揚,一入TVB佢就介紹我用乜嘢皮膚敏感藥,希望倩揚有多啲嘢做,佢做戲好好睇,希望佢可以拍多啲劇。」不希望她留TVB嗎?翠如說:「希望佢喺TVB,地球係圓嘅,好多人都返TVB。」採訪:羅慧敏攝影:陳慧安





來源: http://hk.apple.nextmedia.com/entertainment/art/20160808/19726805
黃翠 翠如 如教 教蕭 蕭正 正楠 楠食 榴槤
PermaLink: https://articles.zkiz.com/?id=304998

蕭正楠嘆強姦戲男蝕底

1 : GS(14)@2016-10-16 08:20:03

蕭正楠昨日凌晨一面鬍鬚造型開工,提到他擔正的《巨輪II》中,吳岱融兩度企圖強姦繼女陳凱琳成焦點,他大讚對方出色:「始終喺劇中係繼父、養女嘅關係,所以唔可以太過份,點到即止,每次拍強姦戲,男係慘過女,男又怕摸到人,覺得佢博懵,拍強姦戲男仔係蝕底啲。有場佢望住個女,去攬個女時,個心態係有獸性喺裏面,呢個係非常之出色。」




來源: http://hk.apple.nextmedia.com/entertainment/art/20161016/19802036
蕭正 正楠 楠嘆 強姦 戲男 男蝕 蝕底
PermaLink: https://articles.zkiz.com/?id=312263

《幕後玩家》 賤男Bosco 搞散黃翠如蕭正楠

1 : GS(14)@2016-11-29 07:55:28

大台劇《幕後玩家》就嚟大結局,開始進入高潮,有角色開始變奸,又會有角色會死,感情關係七國咁亂,要幾複雜有幾複雜。黃翠如嘅角色顧成雙都ready變奸喇!喺劇中同「Sean」蕭正楠離婚;不過有網民就覺得翠如BB始終太靚女,點奸都奸唔嚟,唔多buy翠如BB做奸角喎。話晒翠如一直做「乖乖女」嘅角色,演技要跳出觀眾「框架」都唔係咁易!網民嘅評價係「翠如好用力咁話俾我哋知佢開始變奸」、「我覺得係翠如做唔到奸角,不過翠如呢種性格奸起嚟好恐怖」。跟住就嚟劇透……小心小心!!
o依家劇情暫時講到翠如一直以為Bosco係好人,唔知對方害死間接胞弟陸永,仲想同Bosco聯手,對付家姐陳煒。之後劇情嘅發展又係估唔到,Bosco同老婆(龔嘉欣)同情婦(劉佩玥)分手後,會走去撬老友牆腳,狂追翠如BB;「雙黃」連成一線攞咗間公司嘅控制權。跟住翠如BB會越變越衰,利用完蕭正楠就同對方離婚,轉去同Bosco喺埋一齊。嚟緊仲有兩星期就大結局《幕》劇,啲衰人呼之欲出喇,不過原來除咗Bosco同翠如BB之外,仲有一個「幕後玩家」,到底邊個會係最終Boss呢?




來源: http://hk.apple.nextmedia.com/entertainment/art/20161129/19849186
幕後 玩家 賤男 Bosco 搞散 散黃 黃翠 翠如 如蕭 蕭正 正楠
PermaLink: https://articles.zkiz.com/?id=317518

蕭正楠激咀半裸翠如

1 : GS(14)@2016-12-03 04:42:43

■黃翠如和蕭正楠前晚在劇集《幕後玩家》上演浴室激咀戲。電視圖片



黃翠如與男友蕭正楠前晚在劇集《幕後玩家》上演一場浴室激咀戲,翠如疑似半裸上陣,跟蕭正楠鴛鴦戲水,網民看到相當肉緊,翠如昨接受傳媒訪問時說:「現場三十人,拍親熱戲點會有感覺,只係擔心身上包嘅保鮮紙同打底衫會露出來。」蕭正楠知道網民的反應後說:「估唔到拍出嚟咁激,我都盡量用個身幫佢遮多啲,所以大家見我扭嚟扭去,希望用個身遮住佢,等佢唔使露咁多。」蕭正楠、新婚夫婦陳智燊和宋熙年昨在中環出席Larry Jewelry周年酒會,蕭正楠直認有送鑽石給女友黃翠如,他說:「平時有送,佢好似男仔唔會戴,但係《幕後玩家》條紅色手繩穿住鑽石就係我送。」採訪、攝影:卓寶花



■蕭正楠昨直認有送鑽石給女友翠如。





來源: http://hk.apple.nextmedia.com/entertainment/art/20161203/19853322
蕭正 正楠 楠激 激咀 咀半 半裸 裸翠 翠如
PermaLink: https://articles.zkiz.com/?id=317941

翠如未了解蕭正楠

1 : GS(14)@2016-12-06 03:56:09

黃翠如與林奕匡昨日去到上水中心,出席「玩轉極地聖誕舞會」與觀眾玩遊戲預祝聖誕。黃翠如正忙於拍新劇《使徒行者2》,與新婚的周柏豪有不少對手戲,她指柏豪好厲害,可以拍劇期間搞婚禮,她說:「喺佢新婚之後都有見過面,好戥佢開心,佢女友好型,佢又好型,之前同佢合作《愛情來的時候2》大家都有傾過愛情嘅嘢。」對於有否受影響心急結婚,翠如笑言:「我冇佢咁犀利,拍劇期間去婚禮,聽聞佢女友負責好多籌備工夫,花咗好多心思。」翠如指秘婚屬驚喜事,但對她來說太早,更未有人向她求婚,坦言與男友蕭正楠從未傾過結婚,她說:「拍拖以來大家都要工作,拍拖時間唔夠,未好深了解。」採訪:張俊銘攝影:陳順禎




來源: http://hk.apple.nextmedia.com/entertainment/art/20161205/19855371
翠如 未了 解蕭 蕭正 正楠
PermaLink: https://articles.zkiz.com/?id=318337

翠如怨蕭正楠「好耐冇見佢」

1 : GS(14)@2017-01-02 01:05:47

■蕭正楠和黃翠如綁着手做蛋糕,他更餵女友食零食。



蕭正楠(Edwin)與女友黃翠如昨日以情侶檔在尖沙嘴The ONE出席IQ博士35周年反斗狂歡派對,Edwin更情深向翠如BB大唱冧歌,第一首揀了鄭伊健的《Together》,原因是他的妹妹喜歡伊健,而妹妹又有到場,所以送首歌給她。不過翠如聞言即扮呷醋,她說:「你都冇唱畀我聽嘅!」



■蕭正楠與女友黃翠如昨日以情侶檔出席商場活動,兩人現場有不少親密互動。

情深款款唱歌

為了?女友,Edwin唱第二首情歌時,特別安排一張孤獨的凳給翠如BB,左右前後都沒人,只有翠如BB在中央聽男友唱歌,畫面上Edwin的表情是情深款款,但效果卻有些突兀和搞笑。昨晚是除夕,翠如BB雖然好重視,想和男友一起歡度,可惜昨日Edwin在活動後要北上開工,她當然失望,更埋怨說:「都真係好耐冇見佢,今年好多節日如聖誕都冇得一齊過,希望農曆新年有假放啦!佢喺上面開工嗰陣,都有唔同嘅人send相畀我㗎,原來佢喺戲裏面好多動作場面,我都係睇相先至知,Edwin完全冇同我講,所以都有啲擔心。」採訪:曹家誠攝影:仇志德




來源: http://hk.apple.nextmedia.com/entertainment/art/20170101/19882863
翠如 如怨 怨蕭 蕭正 正楠 好耐 耐冇 冇見 見佢
PermaLink: https://articles.zkiz.com/?id=320933

沙灘談情好地方蕭正楠拖翠如BB睇日落

1 : GS(14)@2017-02-09 23:44:13

麥明詩前日就約咗新仔Emil Cheung,去到淺水灣約會,過往不少圈中情侶都愛選擇到沙灘拍拖談心。
Mandy Lieu洗米華(周焯華)去年,洗米華被爆同Mandy帶同囡囡周願,喺泰國過情人節,佢哋兩個仲同BB女一齊去咗沙灘玩,當時Mandy仲幫洗米華懷緊第二胎,真係一家四口都可以好浪漫。黃翠如蕭正楠2014年,蕭正楠同何傲芝分手後,就被《蘋果》影到佢同黃翠如高調咁去淺水灣拍拖,兩人浪漫睇日落、踏浪、踩腳、片石,情到濃時蕭正楠仲想親吻翠如BB。尹蓁晞(Yumi)陳偉成(Avis)
Avis同周秀娜分手後,就同o靚模Yumi撻着咗,14年仲被《蘋果》影到佢哋去大浪灣同陽光玩遊戲,Avis仲幫Yumi搽太陽油由個背脊掃到落大髀,場面好鬼火辣,但最後Yumi同Avis都係分手收場,未能開花結果。




來源: http://hk.apple.nextmedia.com/entertainment/art/20170209/19922093
沙灘 談情 情好 地方 蕭正 正楠 楠拖 拖翠 翠如 BB 日落
PermaLink: https://articles.zkiz.com/?id=326119

田蕊妮蕭正楠跑馬地拍劇追蹤原來冇申請

1 : GS(14)@2017-02-18 09:51:48

【偷雞拍劇】■該場戲講述田蕊妮搭的士,抵埗後落車。


【跑馬地】【三男迎接】■(左起)田蕊妮、曹永廉、蕭正楠及何廣沛在跑馬地拍外景。

田蕊妮偷雞拍外景

田蕊妮、曹永廉跟蕭正楠等早前深夜時分在跑馬地街頭拍TVB劇《超時空男臣》,不過因為沒有做場地申請,擔心被街坊投訴所以全程都顯得小心翼翼。就算期間被一名男住客用電筒照射,工作人員都是客氣的輕聲勸喻。




來源: http://hk.apple.nextmedia.com/entertainment/art/20170218/19932435
田蕊 蕊妮 妮蕭 蕭正 正楠 跑馬地 跑馬 拍劇 追蹤 原來 申請
PermaLink: https://articles.zkiz.com/?id=326889

蕭正楠生日傷腳坐輪椅

1 : GS(14)@2017-03-25 10:34:25

■扭傷腳的蕭正楠要坐輪椅,還唱生日歌為自己贈興。互聯網圖片



蕭正楠前日40歲生日,生日前一日他收到女友黃翠如人肉速遞送上蛋糕到錄影廠為他賀壽,一定心花怒放。昨日翠如突然在Ig放了一條短片,當時蕭正楠正坐在輪椅上唱生日歌,翠如還留言送上一句:「受傷到醫院還會唱歌的怪人。」據知,蕭正楠於前日生日當天如常開工拍劇集《深宮計》,怎料在拍攝期間發生意外,拍攝吊威吔場景時不慎扭傷,還要即刻送往醫院診治,經過醫生診症後,未發現斷骨,但可能傷及韌帶,因腳已經腫脹,建議他要照磁力共振,但是骨科剛剛又收工,所以未能確定傷勢。他要留待今日或明日再到醫院照磁力共振,昨日則留在家中休養。撰文:非非




來源: http://hk.apple.nextmedia.com/entertainment/art/20170325/19969062
蕭正 正楠 生日 傷腳 腳坐 輪椅
PermaLink: https://articles.zkiz.com/?id=328778

發尋人啟事急搵女友黃翠如蕭正楠:重酬

1 : GS(14)@2017-06-10 13:09:29

使唔使咁閃先?正當唐詩詠同洪永城分手已成定局,以往經常同尼pair連埋一齊講嘅蕭正楠同黃翠如,感情依然甜蜜如軟糖,早排詩詠失戀,明明係洪永城老死嘅翠如BB,就忙住陪失戀嘅唐詩詠。至於係翠如BB另一半嘅蕭正楠,早排就飛咗去橫店拍《宮心計2》,唔知蕭公子係咪見住同劇嘅馬國明同黃心穎,喺橫店一雙一對觸景傷情,搞到單思病發作,昨日佢就喺Ig貼咗女友翠如BB張相,留言話:「橫店第十一日!尋人啟事,好重酬!」眼睛已盲!咁身在橫店嘅蕭公子昨早11點幾,就喺社交網絡出重酬,尋找身在香港嘅女朋友黃翠如,事隔5個多小時,事主黃翠如終於浮面,喺Instagram度報告行蹤,留言話:「太認真玩所以消失了一陣,報到了,我老大。」咁好多網民見到翠如BB現身,就留言大讚佢哋好鬼sweet之餘,當然仲有網民問蕭公子攞酬勞啦!呢對情侶真係閃到爆,大家真係要戴太陽眼鏡先頂得住呀!




來源: http://hk.apple.nextmedia.com/entertainment/art/20170608/20048767
尋人 啟事 急搵 女友 黃翠 翠如 如蕭 蕭正 正楠 重酬
PermaLink: https://articles.zkiz.com/?id=334977

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019