📖 ZKIZ Archives

吳啟華改邪歸正做醫生溫兆倫推女友落火車

1 : GS(14)@2017-04-08 20:44:27

駱達華以前喺大台奸到出汁，正宗係嗰種見佢前面，會憎埋佢後面嘅人。唔好誤會，唔係鬧佢個人，而係想讚佢演技出色，飾演壞人出神入化。一套劇好唔好睇，奸角真係佔好多重比例：溫兆倫最出名一定《義不容情》嘅丁有康，為咗榮華富貴，用盡手段上位，推埋女友邵美琪落火車，睇到人咬牙切齒。不過「黑社會也有愛國的」，溫兆倫好快返咗大陸發展，每逢大時大節，都會展示下佢嘅愛國心。吳啟華成為程至美醫生之前，吳啟華原先亦係一個大奸角，當年喺《流氓大亨》玩弄周海媚感情，之後為咗名同利，又想黐落鄭裕玲到，非常黑人憎。佢仲奸到拍過電影，喺《九品芝麻官》飾方唐鏡，同星爺周星馳有好多對手戲。不過近年嘅吳啟華已經改奸歸正，角色仲向上流階層爬升添。張松枝呢位綠葉，默默喺大台工作接近20年，角色有正有邪，都唔知點解，見到佢個樣都諗起佢做奸角，最嬲係佢喺《酒是故鄉醇》強姦佘詩曼。連過檔咗港視之後，喺《警界線》都係做幕後老大嘅副手。劉永健因為外型個粗獷，喺大台工作咗超過十年，幾乎每次都係做殺人兇手、二世祖、古惑仔。正面形象角色，係有嘅，只得一部，就係《雲海玉弓緣》當中嘅正派公子，唔怪得劉永健心淡，揀咗北上發展。何浩源肥牛鍋除咗可以醫肚，何浩源會話仲可以用嚟燒銀紙。早前有一段佢喺舊劇《天降財神》燒一千蚊紙嘅片俾人放咗上網，網友話佢演得夠離地。原來佢喺演藝學院畢業，不過加入大台後七成都係奸角，冇得其他機會發揮，決定離巢，演舞台劇，到最近返咗去藝訓班教學生。




來源: http://hk.apple.nextmedia.com/entertainment/art/20170408/19983942

---

獨家私照晒冷重溫《大亨》MV大劉擔正做主角

1 : GS(14)@2017-04-16 14:41:11

由3月29日開始，一連18日、合共22集「劉鑾雄講大劉」，即時總點擊（影片及文章）逾1,000萬。今日終於到尾聲。錢銀，女人，男人的話題。而關於「大劉」，坊間焦點亦一樣：股壇狙擊手、明星港姐女友情史更一籮籮，送Hermès送物業從不手軟，甚至將稀世名鑽贈予女兒，出入有「毛巾黨」開路，蔚為奇觀，花生不盡。今次劉鑾雄首次接受專訪，由「劉鑾雄」身份去講番「大劉」，「光環」多咗定少咗？感情分多咗定少咗？如果有追看過去這21集，應該心中有數。「大劉」商場上長袖善舞，「劉鑾雄」則善於講故事，而且金句不絕。既然來到訪問終章，節錄部份重溫：講奇遇。「不知幾多人寫信嚟，或者阿媽帶埋個女嚟，想我去照顧佢個女喎！望都唔敢望聽都唔想聽啦！點知你係咪捉黃腳雞㗎！如果俾人咁樣屈你強姦，係一個笑話嚟㗎嘛！」講「股壇狙擊手」。大劉說：「我唔係股壇狙擊手，每次有呢啲行動，次次百分之一千都係被迫。我可以誓神劈願講，完全係被迫！」生意失敗，大劉自嘲：「我係廢柴中嘅廢柴，懵炳中嘅懵炳！」但講到最漂亮一仗，他卻說：「冇一單我覺得係最漂亮同滿意！因為我唔想嘅！絕大部份香港人係低估咗我嘅智慧！」* * * * * * * * * * * * *家族失和，大劉24歲入院割膽，卻冇錢出院，要問老工人借錢，感懷身世一個人在醫院流淚：「四十幾年前冇錢，真係遇佛弒佛，遇父刺父，都要做！」可是他不認自己狠：「狠，我唔承認囉！好有膽量我認嘅。其實我好心軟。好多嘢人哋對我唔住嘅，我都好易算，因為我好滿足，老天爺成日都照顧住我，我已經好開心。」膽一早冇咗，依家連腎都換埋，關於「萬惡之源」，大劉感悟：「今日嚟講，人喺死亡邊緣，你會更加珍惜自己健康。因為無論我搵多幾多，或者我搵少幾多，我都唔會使得到㗎喇。」但在另一集，大劉也曾後悔年少輕狂；「我嗰時後生咁happy，但我睇番轉頭，依家後悔後生嗰時唔好咁happy，搵多啲錢。」「錢有機會就搵，但唔需要刻意，都已經夠食夠着，已經好夠，唔需要去爭做第幾富豪，我要引述好多人講：『我心中富有咪得囉！』」就係咁。* * * * * * * * * * * * *風流半生，大劉說自己都曾經戇居過。「嘥咗10幾、20年，冇專心事業，嘥埋時間喺無謂女人身上。」原來他還是曾經受傷的男人：「一定會，做生意又有，男女朋友之間又有，一定會有。」「我唔係一出世就八、九十歲㗎！」大劉難得講笑。做過後生仔、經歷過求戀期的他，譚詠麟的歌反映其矛盾的「感情抉擇」，《一生中最愛》、《遲來的春天》琅琅上口。但哪位才是他一生中最愛，大劉不願開名。* * * * * * * * * * * * *「他拼命追，我拼命追，追得到又如何？」徐小鳳有首《大亨》，大劉形容他創業期間、捱得最辛苦的時候，用這歌自勉。現送上此歌，及大劉提供的珍貴圖片，為「劉鑾雄講大劉」劃上圓滿句號。統籌、採訪：陳月媚攝影：陳俊強攝錄：NEO、馮嘉銘、吉吉【劉鑾雄講大劉（1）】獨家千億富豪劉鑾雄24歲問家傭借錢入院割膽
http://bit.ly/2ngVqNq【劉鑾雄講大劉（2）】走過三輪水貨「風扇劉」血淚史：唔夠半年已經冇錢出糧
http://bit.ly/2obalOj【劉鑾雄講大劉（3）】遭猶太人出賣大劉：我係廢柴中嘅廢柴，懵炳中嘅懵炳！
http://bit.ly/2mPTGzh【劉鑾雄講大劉（4）】家道中落老父開廠俾人呃晒大劉10歲前冇床瞓
http://bit.ly/2nr56WG【劉鑾雄講大劉（5）】大劉親剖與父關係：初則口角，繼而動武
http://bit.ly/2on7WQC【劉鑾雄講大劉（6）】聘福臨門廚師為家廚大劉狠批昔日飯堂：依家唔啱胃口！
http://bit.ly/2oLevsv【劉鑾雄講大劉（7）】保鑣變毛巾黨大劉驚握手：啲男人小完便唔洗手！
http://bit.ly/2oBDr69【劉鑾雄講大劉（8）】渣甸山大業主帶鎚仔收樓：扑爛咗，再做過！
http://bit.ly/2nzVt76【劉鑾雄講大劉（9）】大劉鬧廢青：叫佢咪去旅行？仲慘過殺佢老竇老母！
http://bit.ly/2oBFA51【劉鑾雄講大劉（10）】出手太狠跌200億大劉：我點會唔怕輸！
http://bit.ly/2p4k31h【劉鑾雄講大劉（11）】首開腔為供股集資解畫大劉：每次狙擊都係被迫
http://bit.ly/2nSgPh2【劉鑾雄講大劉（12）】股民爭買窩輪牛熊證覺「抵賭」大劉譏：啲人冇腦吖嘛！
http://bit.ly/2nL2CBy【劉鑾雄講大劉（13）】花逾200億收購珍藏大劉終於遇上一生最愛
http://bit.ly/2nqQv1A【劉鑾雄講大劉（14）】日日同款藍色Polo恤大劉一季置裝費幾百萬
http://bit.ly/2olNm2l【劉鑾雄講大劉（15）】換腎悟生死大劉：搵多幾多，都唔會使得到㗎
http://bit.ly/2pkVXzz【劉鑾雄講大劉（16）】飲水思源難大劉：有需要嘅時候幫一幫，扶一扶
http://bit.ly/2p34RSE【劉鑾雄講大劉（17）】曾為愛情落錯注大劉：嘥咗十幾廿年喺無謂女人身上
http://bit.ly/2osUA48【劉鑾雄講大劉（18）】大劉論盡摯友彤叔亦師亦友痛心羅兆輝染不良嗜好
http://bit.ly/2oaTfLU【劉鑾雄講大劉（19）】大劉講分家：我大仔，或者甘比，從來冇提過要分身家
http://bit.ly/2pAAzGu【劉鑾雄講大劉（20）】圖解新聞．大劉身家咁樣分
http://bit.ly/2pAOYCA




來源: http://hk.apple.nextmedia.com/entertainment/art/20170416/19991339

---