BigTeaRice：買完景福再買「勞」 勝曉嵐
1 :
GS(14)@2013-01-05 13:36:55好陳承龍篇野
http://www.sharpdaily.hk/article/fin/20130104/165882'昨日已經提過嘅fundmen要大手掃貨，差唔多乜貨都要，都幾堅呀！昨日成交接近900億元，而且唔係淨係旺大價股，好多唔同板塊都掃到甩轆，家電、光伏、鋼材、珠寶鐘錶等，全部炒到飛起，而且有價有量，無花無假，反映班fundmen真係乜貨都要！所以昨日睇個指數係冇意思，啲錢根本係乜股都買，尤其之前弱勢嗰啲！好似昨日提過嘅中國遠洋（1919），昨日個市回緊嗰陣時，佢一樣照升上去！走勢靚仔！
昨日再問個fund佬密友有乜好嘢，佢話都係睇啲珠寶鐘錶股。原因？就係炒水浸加復蘇咁簡單。勝曉嵐夠知啦，咁買邊隻先得㗎？最後終逼到fund佬密友講，佢哋原來收集緊隻亨得利（3389）。
睇番資料，亨得利又唔錯喎，佢主要喺大中華地區從事中高端名錶嘅零售業務，經銷包括勞力士同埋歐米茄等超過50隻牌子。再睇番盤數，公司舊年上半年純利按年增長25.6%至5.6億元人仔，即使舊年上半年經濟放緩，但佢哋喺內地嘅銷售額仍按年升8.8%，都算巴閉。高盛之前就出份報告睇3.4元，現價2.96元，潛在升幅都有成15%，可以諗諗。除咗亨得利外，其實勝曉嵐自己都有隻心水，就係隻景福（280）。雖然佢截至去年9月底中期純利倒退61.8%，但話明炒復蘇，梗係搵啲醜股博翻身啦！更重要係，博佢可能會賣盤！事關去年下半年，公司管理層好積極將資產變現，先以1億元出售新界荃灣地舖連閣樓，淨賺9460萬元，再之前又沽埋港交所（388）變現9017萬元，共折現1.85億元。賣咁多嘢博乜呢？真係可圈可點。
如果真係賣又唔錯呀！因為NAV講緊都有成2.1元，現價1.23元嘅市賬率先得嗰0.59倍，低殘程度不言而喻，不排除公司減磅套現後，會索性賣盤將價值盡情釋放。走勢上，佢都對辦，昨日大成交突破去年9月中以來嘅下降軌阻力，今次應有望再試番去年9月1.6元的阻力，潛在升幅三成，到時睇吓夠唔夠買隻「勞」戴吓！
2 :
GS(14)@2013-01-05 13:37:32呢隻野蝕到爆都敢推，服
BigTeaRice：謝老二 勝曉嵐
1 :
GS(14)@2013-01-15 00:06:00http://www.sharpdaily.hk/article ... D%E8%80%81%E4%BA%8C
啱啱過去嘅周末，應友人之邀約，上咗廣州hea吓行吓，順道探吓久違咗嘅老友謝海州，此君係乜水？乃新任雅天妮（789）主席、前主席謝超群之親弟也。
謝老二又話，家陣雅天妮由佢坐正揸fit，但係好鬼多問題仲未可以解決，淨係搞番起雅天妮個朵都有排搞啦。
話晒個brand謝咗兩年，更重要嘅係同同事之間嘅溝通好有問題，所以做起嘢嚟更難。
是咁的，以勝曉嵐認識嘅謝老二，乃係食四方飯嘅性情中人，有碗話碗、有碟話碟，佢咁樣講得出口，咁就證明內部溝通好有問題。
咁佢嗰個贏咗場交、輸咗頭家嘅阿嫂呢？謝老二呢個叔仔唔肯正面回應，淨係話，男人同女人做嘢係有啲分別嘅，明晒。
789收集後 慢慢等
總之，謝老二講明，未來嘅半年都唔會接受傳媒專訪㗎喇。
第一，佢話自己有啲怕醜，唔係好習慣面對鏡頭喎。
第二，佢話想做番啲成績出嚟先至見人。
謝老二講到咁，睇怕真係要畀啲時間佢嘞，即係嚟緊呢半年都唔使掂789啦，又或者咁，如果對佢真係有信心嘅話，大家咪慢慢收集等半年囉，反正789嘅股價喺官司解決之後，見過4毫子高位，o依家已經落番3毫子左右橫行，唔算貴吖。
BigTeaRice：信德記 買830 勝曉嵐
1 :
GS(14)@2013-01-24 01:06:42http://www.sharpdaily.hk/article ... %A8%98-%E8%B2%B7830
大家有冇發現近期好多財演對後市嘅睇法都好safe，一係話累積升幅好多，冇乜值博率，極其量有啲正面嘅就話反覆尋頂，但都係幾百點上落，唔係講得好進取。有啲仲搞笑，勝曉嵐見有個投資專欄（當然唔會開名），經常「今日的我打倒昨日的我」，由此可見，大部份睇法對後市都抱幾大戒心，呢股畏高症病群，正好顯示個市好safe！
雖然大股唔係好肯行，但係二、三線甚至「粒臣股」都炒得火熱，尤其一批央企殼股，買盤好進取。唔好以為係一般莊家炒作咁簡單，好多都係啲fund佬所為。事實上，勝曉嵐側聞上星期「德記」同「瑞記」兩大外資幫派，喺京城一個武林大會交流嘅時候，大家手頭只剩得錢，一定要搵嘢買；而喺佢哋心目中，有央企背景支持就冇有怕，所以呢排好積極掃呢類股。
據德記一位基金經理同佢身邊嘅好友講，啲fund好鍾意呢兩日升得好勁嘅遠東環球（830）。因為佢個業務前景佳，一來城鎮化，二來有中國建築（3311）呢個強勁股東支持，前景睇高幾班。無疑，德記昨已出報告話830睇3.1元左右，但最關鍵係呢位坐鎮上海德記經理好少同人講鍾意乜嘢股票，故佢開得聲話得，應有後着。830自中國建築入股後，1.6元水平震咗好多次倉，現穿2蚊個大位就轉晒勢，睇怕今次可以基金盤個勢展開復仇！
2 :
ant2012(35387)@2013-01-24 09:19:411樓提及
http://www.sharpdaily.hk/article/fin/20130123/170510/BigTeaRice-%E4%BF%A1%E5%BE%B7%E8%A8%98-%E8%B2%B7830
大家有冇發現近期好多財演對後市嘅睇法都好safe，一係話累積升幅好多，冇乜值博率，極其量有啲正面嘅就話反覆尋頂，但都係幾百點上落，唔係講得好進取。有啲仲搞笑，勝曉嵐見有個投資專欄（當然唔會開名），經常「今日的我打倒昨日的我」，由此可見，大部份睇法對後市都抱幾大戒心，呢股畏高症病群，正好顯示個市好safe！
雖然大股唔係好肯行，但係二、三線甚至「粒臣股」都炒得火熱，尤其一批央企殼股，買盤好進取。唔好以為係一般莊家炒作咁簡單，好多都係啲fund佬所為。事實上，勝曉嵐側聞上星期「德記」同「瑞記」兩大外資幫派，喺京城一個武林大會交流嘅時候，大家手頭只剩得錢，一定要搵嘢買；而喺佢哋心目中，有央企背景支持就冇有怕，所以呢排好積極掃呢類股。
據德記一位基金經理同佢身邊嘅好友講，啲fund好鍾意呢兩日升得好勁嘅遠東環球（830）。因為佢個業務前景佳，一來城鎮化，二來有中國建築（3311）呢個強勁股東支持，前景睇高幾班。無疑，德記昨已出報告話830睇3.1元左右，但最關鍵係呢位坐鎮上海德記經理好少同人講鍾意乜嘢股票，故佢開得聲話得，應有後着。830自中國建築入股後，1.6元水平震咗好多次倉，現穿2蚊個大位就轉晒勢，睇怕今次可以基金盤個勢展開復仇！
who is 上海德記經理?
Next Page