ZKIZ Archives


陪跑20年憑《導火新聞線》發圍周家怡梁小冰捱出頭

1 : GS(14)@2015-03-22 14:26:30





■梁小冰(左)和周家怡日前接受本報專訪,二人憑《導火新聞線》的角色成功發揮,如打了支強心針。攝影﹕沈健程



用二十年光陰,去換取一個夢想,你說很儍?在娛圈浮沉多年的周家怡與梁小冰,近日終於憑香港電視新劇《導火新聞線》捱出頭,二人的演技均獲激讚。光輝背後,小冰試過三年沒有拍劇,自嘲幾乎與香港脫節。至於十優生的周家怡甚至放棄當律師機會,堅持她的演藝夢,終於有回報。話說回頭,這份執着,不正是她們在劇中對新聞理想的堅持嗎?撰文:嵐山


周家怡於一九九八年藝員訓練班畢業,入行近二十年,一直苦無機會,多演護士、同事等閒角,但她永遠覺得是一個機會,仍繼續落力去演,周家怡日前與梁小冰接受本報專訪時說:「好多人都話我係捱,其實我真係唔覺,即使我演過十幾廿次護士角色都好,但我從來未試過推劇,因為每個故事背景、環境、導演、監製都唔同,我可以從中學到好多嘢。」


■周家怡(左)多年前因在《火舞黃沙》飾演兔唇女而冒起。資料圖片

讀法律十個A畢業

周家怡曾試過自薦做無綫親生女,可惜被拒,之後一邊打無綫工、一邊苦讀港大法律高級文憑,終以十個A佳績畢業。雖然成績理想,但周家怡仍未打算放棄演藝工作,她說:「做咗咁多年,最失落係港視唔發牌,因為今次係我第一次做女主角,但就好似過山車一樣,以為自己今次行運行行到最頂啦,幾難先有人肯掟錢畀我做女主角呀?但上咗去又落番嚟,所以做呢行一定要好有韌力!」周家怡直言港視冇得續約,令其前路更難行,她說:「如果要做律師就一定要繼續讀上去,唔發牌時,屋企人都有再問我打算點?但我真係好鍾意演戲,所以決定留低。屋企人見我今次部劇出街有迴響,佢哋都好開心,絕對係一支強心針。」


■劇中梁小冰(右)與周家怡經常為新聞取向有磨擦。劇照

唔會妒忌佘詩曼

與無綫一姐佘詩曼是多年的好朋友,周家怡與她所演的角色卻差天共地,還經常成為被忽略的一個,她說:「以前試過畀狗仔隊鬧,話我阻住佢影另一個人,但我冇嬲,可能我冇乜新聞價值啦。」但周家怡從來沒有對別人產生妒忌,她說:「試過一次拍劇做阿佘妹仔,我從來唔會比較,因為每個人際遇唔同。朋友間冇高低之分,平時我都係叫佢家姐,喺工作上佢亦畀咗好多鼓勵我。」未來周家怡又要再重新出發,除接拍港台劇外,還有《我的女兒》和《方言》兩部電影,雖然要重回配角位置,但她一點也不介意,她說:「我唔係一定要做主角㗎,對我嚟講每個位置都好重要,只要能繼續有角色去演,已經好幸運。」





來源: http://hk.apple.nextmedia.com/entertainment/art/20150320/19082488
陪跑 20 年憑 導火 新聞 發圍 周家 梁小冰 出頭
PermaLink: https://articles.zkiz.com/?id=288731

梁小冰自感脫節 重新學戲

1 : GS(14)@2015-03-22 14:32:43





■梁小冰誕下兒子後,曾有三年沒有工作。


入行已有二十五年的梁小冰,她初選港姐時一直不起眼,因為當時在台上一個跣腳後識執生,最終登上港姐季軍,並獲當年評判之一的周潤發大讚「最有演戲天份的香港小姐」,小冰日前接受專訪時說:「好多人覺得我好精靈,但亦有人話我蠱惑,唔知係咪專登跣低,諗起都好笑。其實我份人好簡單,選美前已有演出經驗,拍過電影《小心間諜》,仲係女主角之一㖭,所以我一直都覺得自己好幸運,落妝後係一個好平凡嘅女仔,但上鏡就俾人感覺好有氣質同靈氣。」



■梁小冰於一九九○年參選港姐奪得季軍。資料圖片

■周家怡和梁小冰在劇中互相對立,但私下卻成為好朋友。



冇錢結婚

小冰在無綫八年,曾在《清宮氣數錄》中飾演慈禧太后,又於陳小春版《鹿鼎記》分飾阿珂及陳圓圓,有「古典美人」美譽。不過,小冰在一九九八年事業高峯時,突然選擇離開無綫,並於二○○○年嫁給陳嘉輝,她直言也許當時年紀小,小冰笑說:「我喺無綫八年拍咗二十幾部劇,差唔多全部係古裝。對一個中五畢業嘅女仔嚟講,冇得玩、冇得瞓、冇得見朋友同屋企人,覺得自己冇正常人生活,身心都好疲累。」之後小冰過檔亞視,又在中台兩地發展,收入卻勝從前,她說:「因為我要照顧屋企,所以八年收入全部畀晒媽咪,到我同嘉輝想結婚時就冇錢,天無絕人之路,畀我哋去過台灣拍咗部《少年梁祝》,一部戲已經有一百萬,直情係以前嘅三年人工。之後再去亞視一年都有一百萬,反而覺得
梁小冰 自感 脫節 重新 學戲
PermaLink: https://articles.zkiz.com/?id=288732

梁小冰激嬲囝囝

1 : GS(14)@2015-03-31 08:24:30





梁小冰、周家怡等昨日在九龍灣出席電影《回憶中的瑪妮》首映禮,小冰透露由於最近工作繁忙,惹8歲兒子不滿,她說:「我啱啱由內地返,攬住佢但佢黑面,下個月9號係佢生日,到時要同佢慶祝下。」她指兒子最近被狗仔隊跟拍感到不快,她說:「有導演想搵阿仔拍戲,不過佢話唔做藝人,要做醫生,而且佢都唔鍾意我哋做藝人。」此外,家怡表示自從港視劇《導火新聞線》播出之後多了不少工作機會,希望工作越多越好,稍後會為杜琪峯新戲客串演出,她說:「套劇下個禮拜四會喺戲院有條宣傳片播,剪咗一條trailer,多啲唔同方法宣傳都好。」採訪、攝影:王連連





來源: http://hk.apple.nextmedia.com/entertainment/art/20150330/19094610
梁小冰 激嬲 嬲囝 囝囝
PermaLink: https://articles.zkiz.com/?id=289151

【馮仁昭四圍超】梁小冰食到雙下巴

1 : GS(14)@2016-08-19 06:55:53

梁小冰(右)同朱潔儀噚日喺中環出席Biba服裝店開幕禮,小冰自爆最近喺內地大魚大肉,搞到有雙下巴,雖然食得開心,但都要努力減肥先得。小冰話而家喺內地發展,佢都想多啲返香港拍戲,問小冰係咪TVB搵佢回巢?佢話:「我老公喺裏面,如果我都係就冇人照顧小朋友,我同老公都將小朋友放喺第一位。」同場嘅朱潔儀就話最近有內地導演搵佢拍戲,自己唔想玩票性質做花瓶,想多啲發揮。撰文:馮仁昭




來源: http://hk.apple.nextmedia.com/entertainment/art/20160819/19741733
馮仁 仁昭 四圍 梁小冰 食到 到雙 下巴
PermaLink: https://articles.zkiz.com/?id=306528

似僆妹遭當街罵梁小冰還拖鬧大媽

1 : GS(14)@2016-11-16 05:10:13

■小冰上周素顏陪老公行山時十分青春,難怪經常被當作僆妹。微博圖片



現年46歲的梁小冰跟老公陳嘉輝育有9歲兒子,外表完全不似師奶的她,前日化身粉紅lady開心出席友人的公司喬遷之喜,怎知到晚上,她卻怒火沖天撰文爆被大媽當僆妹鬧阻過馬路,兩人在街上舌戰。


最憎人霸道

在港視劇《導火新聞線》演巴辣「皇阿媽」的小冰,原來現實中都不會任人欺負,她前晚在微博寫道:「今晚喺紅綠燈等過馬路嘅時候,遇到個阿嬸企喺我後面嫌我僆妹掛住食魚蛋擋住佢過馬路,即刻用討厭我的眼神睥我一眼,然後繞過我前面去衝紅燈過馬路,我正想提醒佢係紅燈唔好過,佢過完之後即刻轉頭鬧我食嘢阻住晒佢行。」小冰越寫越扯火:「佢以為我真係僆妺唔敢還口,激到我無明火丈三千起,追咗佢成條街大大聲教訓番佢……我最憎啲惡女人橫行霸道,唔好以為我似僆妹就隨便恰人。」



【勁睥】■梁小冰食魚蛋等過馬路,後面心急的大媽嫌她擋路勁睥。設計圖片

【衝燈】■大媽以為小冰是僆妹,過到一半毫無忌憚轉頭鬧小冰。

【速撇】■小冰即還以顏色,追着大媽鬧到她收聲。

昨日記者致電小冰了解,她透過短訊回覆:「這是日常生活平常師奶遇到的小事,諗住講出嚟等大家安慰一下我盛怒的心。我都係有血有肉的普通人,同大家一樣行街、買餸、逼地鐵,遇到很多不公不平不正不義不滿的人和事,都會出聲和反抗,以免縱容更多的惡人打橫行欺負弱者,更不會因為自己係公眾人物怕事而不敢反抗,當然大多時候我會選擇忍耐以免激親自己。」



■梁小冰(左二)前日開心出席友人公司喬遷之喜,怎知晚上即遇上不快事。微博圖片

老公惡十倍

對於被當僆妹,小冰笑說:「昨晚完全冇化妝,所以望落似囉,成日去街市買餸,啲阿叔阿嬸話妹妹想買乜呀?其實我生完仔後,呢十年老咗好多喇,佢哋冇望真啫!」問到老公的反應?小冰說:「老公呵番喇,仲話如果喺我身邊等佢去鬧,唔使我咁激氣,惡起上嚟佢比我惡十倍,試過BB出世頭一年,住喺樓下個男人日日冇嘢做喺屋企揼釘、鑽牆、整水喉,每次嚇到我個仔驚醒大喊,我懇請停止佢唔聽,仲自私到話之我死,結果我老公用兩秒衝落樓下,用雷公咁大聲鬧爆呢個男人變態自私,從此老公係我英雄!我老公一係唔出聲,當佢出聲你一定後悔!」採訪:皓騫




來源: http://hk.apple.nextmedia.com/entertainment/art/20161114/19832617
似僆 僆妹 妹遭 當街 梁小冰 還拖 拖鬧 大媽
PermaLink: https://articles.zkiz.com/?id=315656

有冇被鬧係「o靚妹」? 46歲童顏梁小冰揭謎底

1 : GS(14)@2016-11-16 05:10:13

由前晚開始,唔少網民都封咗梁小冰做偶像,講真,香港好多人都認得佢,就算係千禧BB,都應該睇過佢飾演「皇阿媽」嘅《導火新聞線》。如何想像一個明星當街當巷追住個大嬸嚟鬧?唔係鬧,其實係講道理,小冰一直都係善意,好聲好氣提佢咁樣過馬路唔啱好危險,點知大嬸鬧番佢轉頭話佢阻住地球轉。喂,容忍都有限度喎。但係呢,亦有網民錯重點,擺咗去46歲小冰喺文中提到三次呢個term:「0靚妹」!「阿嬸企係我後面嫌我0靚妹掛住食魚蛋擋住佢過馬路」「佢以為我真係0靚妺唔敢還口」「我最憎d惡女人橫行霸道,唔好以為我似0靚妹就隨便恰人」有網民就諗喇:「究竟個大嬸有冇兜口兜面話過小冰「0靚妹」先?「呢位大嬸,會唔會仲後生過46歲嘅梁小冰?」問到被阿嬸鬧0靚妹,46歲仲keep住童顏嘅小冰,接受《蘋果》訪問時就話:「昨晚完全無化妝,所以望落似囉!唔係第一次㗎喇,成日去街市買餸,啲阿叔阿嬸成日話妹妹想買咩呀!試過嘉玲姐(劉嘉玲)同查小欣見到我就『嘩!點解你仲係中學生咁嘅樣㗎!』其實我生完仔後,呢十年老咗好多喇,佢哋冇望真啫!」




來源: http://hk.apple.nextmedia.com/entertainment/art/20161114/19833332
有冇 冇被 被鬧 鬧係 靚妹 46 童顏 梁小冰 謎底
PermaLink: https://articles.zkiz.com/?id=315659

陳法蓉斥梁小冰作料

1 : GS(14)@2016-11-29 00:14:36

■陳法蓉昨再開火,講外套事件。資料圖片



兩位前港姐梁小冰和陳法蓉日前出席慈善活動,為了「一件外套」嗌交,小冰不滿被陳法蓉當眾訓斥。陳法蓉昨日微博反擊:「咁大隻死貓我真係啃唔落!」當日同場的王殷廷撐陳法蓉:「或者小冰一時間敏感咗啲。」洪欣及朱茵亦讚陳法蓉是個無私的人。小冰昨撰文「一件外套的價值」,她心痛說:「要求一個驕傲自大的人向自己道歉,簡直是癡心妄想!」小冰大爆3個月前陳法蓉半夜曾致電求助,但未有透露詳情,小冰說:「道歉不是要求別人低三下四認錯,而是希望珍惜彼此關係。」對陳法蓉獲友力撐,她說:「想救火就不要再火上加油。」採訪:魯吉




來源: http://hk.apple.nextmedia.com/entertainment/art/20161128/19847441
陳法蓉 梁小冰 作料
PermaLink: https://articles.zkiz.com/?id=317385

梁小冰北極追女

1 : GS(14)@2017-01-31 03:13:29

■梁小冰自言雞年最想與老公去看北極光及到馬爾代夫裸泳。



大年初三,肖雞的梁小冰做開心跳舞雞,在香港處女開金口又跳又唱《跳舞街》,雖然現年47歲但歌聲就好卜卜脆,她說:「今年願望返香港拍多啲本土製作,自從生BB之後,我同老公(陳嘉輝)十年冇拍過拖,雞年想同老公去北極睇北極光、去馬爾代夫裸泳。」問到會否想生個「小雞女」?小冰笑說:「如果上天畀多個女我,我會好開心,不過尾班車一定要快啲趕搭,所以我恭祝陳生龍精虎猛,有心有力。」對於雞年犯太歲,小冰冇有怕:「入行三十年事業低潮多過高潮,夫妻之間都有好多磨合先有今日和睦,未學識成功先要擁抱失敗,所以流年唔好我一啲都唔介意。」採訪:余燕儀攝影:沈健程場地:The AIR(The ONE)




來源: http://hk.apple.nextmedia.com/entertainment/art/20170130/19912633
梁小冰 北極 追女
PermaLink: https://articles.zkiz.com/?id=324711

「阿珂」梁小冰捧劉玉翠場廿年前《鹿鼎記》絕密照曝光

1 : GS(14)@2017-02-06 07:28:02

陳少霞98年喺陳小春主演嗰套大台劇《鹿鼎記》演「雙兒」,呢一班韋小寶老婆仔老友鬼鬼,月前佢哋相約敍舊,日前「建寧公主」劉玉翠仲為朱咪咪紅館個唱擔任表演嘉賓,而陳少霞都有約埋「阿珂」梁小冰同「神龍教教主夫人」馮曉文捧場,小冰就將啲相放上facebook,三個人完騷後仲入後台搵阿翠大合照同送花,認真老友。小冰前日透過WhatsApp回應《蘋果》,話之前一晚由秘道入場,小冰仲俾咗幾張《鹿鼎記》嘅相《蘋果》,佢仲喺短訊話:「《鹿鼎記》20年前絕秘照片第一次大公開,那是1997年11月拍攝的40集金庸小說改編電視劇。當年大家20出頭,未埋位的時候就打架!轉個頭又攬頭攬頸親親熱熱,友情就係由打打鬧鬧培育番嚟嘅。唔信?有圖為證!」呢班姊妹有幾情深,小冰繼續話:「你睇『建寧公主』劉玉翠真係刁蠻任性㗎!『阿珂』都欺負!『蘇荃』馮曉文真係好美艷,而『方怡』徐濠縈就成日織長長的冷頸巾俾……」雖然小冰唔講落去,但都應該估到係當年同阿徐拍緊拖嘅陳奕迅啦。




來源: http://hk.apple.nextmedia.com/entertainment/art/20170206/19919512
阿珂 梁小冰 劉玉翠 劉玉 場廿 年前 鹿鼎記 鹿鼎 絕密 曝光
PermaLink: https://articles.zkiz.com/?id=325660

梁小冰陳松伶合體回到少女時代

1 : GS(14)@2017-06-18 11:18:10

喺幕前消失咗一段日子嘅45歲何婉盈,最近喺電視節目同好拍擋曾航生再度合體唱《再見亦朋友》,結果惹嚟唔少迴響,除左唱功,佢嘅外貌都冇乜點變!查實唔止何婉盈,同樣係港姐出身嘅梁小冰同埋陳松伶,佢哋嘅時間都好似停留咗喺當年咁。呢三個分別係45.46.47歲嘅女人,到底有何共通點?就係曾合拍94年嘅風水命理劇《清宮氣數錄》。昨日小冰喺微博貼咗同何婉盈、46歲陳松伶嘅合照,三個夾埋138歲,但感覺仍然年輕。席上仲有陳嘉輝(小冰老公),王喜、黃淑儀、林嘉華太太劉寶珍聚會,小冰仲貼咗好多聚會嘅相片上網:「昨(前)晚暴雨下仿如隔世的美麗相聚,首先要多謝Ling姐同王醫生又大又漂亮又溫馨的家,神級廚神GiGi姐精心炮製又嫩又滑的洋蔥煙三文魚和香檸薑雞翼,Ling姐親自下廚包你食完再三回味的白汁蜆肉,重頭戲在於我跟松松相隔二十年後再合體,大家還記得我們合作過的戲嗎?當然還有何婉盈、王喜、Jumbo姐姐、Karen、Charles、陳生同一班熱情的朋友,溫暖又幸福的聚會!」小冰昨日接受《蘋果》訪問,佢透過WhatsApp回覆:「係呀!松松相約我同何婉盈一齊飯聚呀。一齊飲香檳啦!可能太開心太興奮喇!有成二十年冇見又冇相聚,傾到半夜都唔願走,同時又慶祝何婉盈農曆生日又補祝嘉輝六月十三日生日,又請到我們的偶像神級?神GiGi姐(黃淑儀)親自下廚啦!好幸福啊!松松跟我同何婉盈合作一部清裝劇《清宮氣數錄》而相遇相識相知相交,當年我們三人同時係女主角但就一場對手戲都無,所以合作非常愉快。那部戲當年有非常高的收視呢!直到九六年我同松松再合作《新上海灘》,在哈爾濱拍攝時就開始食飯約會了,記得我們對上一次相聚是二十年前在她家裏,當年還大唱卡啦ok呢。」




來源: http://hk.apple.nextmedia.com/entertainment/art/20170618/20059875
梁小冰 陳松伶 合體 回到 少女 時代
PermaLink: https://articles.zkiz.com/?id=335765

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019