ZKIZ Archives


果欄喪父「喺番呢度向前行!」

2014-04-03  NM  
 

 

二○一三年十月廿二日,一輛貨車駛經油麻地果欄,撞倒一名推著木頭車的運輸公司老闆,涉案司機踩油逃離現場,被撞老闆送院後證實不治。這是馮智聰永不能忘記的日子。

每一天,阿聰都要重複經過這裡。他是專營高檔生果的「進濤菓欄」老闆,本來他跟隨爸爸在果欄做苦力、跟車,去年七月自立門戶。新鋪剛開張,至親便離世,但他沒有太多時間悲傷,因為他還要照顧媽媽、妻子、三歲的女兒,即將出生的寶寶,以及爸爸遺下的車隊共十多個司機。流了一整天眼淚,他重拾心情:「地球不會因為我而停轉,咁多人要養,我點都要向前行!」

阿聰爸爸發生意外那天,他正身處四川尋找生果貨源。他憶述:「我收到消息,話阿爸出事好嚴重,已即時買候補機位返香港,但都係趕唔切見他最後一面。」阿聰自小跟爸爸在果欄做運輸,中五畢業後,索性落欄跟爸爸做苦力、跟車,一做便十五年。後來,為免運輸生意不佳,會令兩父子「一鑊熟」,便另立門戶,與兩個拍檔開進濤菓欄,開闢另一條財源。

現在每一天,阿聰都很忙,不是去了試貨睇辦,便是傾新店的供貨事宜,中間還得找時間和快臨盆的太太到柴灣檢查。難得擠出時間接受訪問,他的電話仍響個不停。「你快啲車咗啲貨去大圍先,嗰邊趕住要。」電話的另一端,是車隊司機。「每日凌晨兩點就要起身,打電話叫啲車做嘢,有時司機『射波』(即失約)要自己落場。」車隊是他幫爸爸打理的。兩盤生意在身,他忙到無得瞓:「好多時瞓兩個鐘,就有電話打嚟問我嘢,斷斷續續咁。有時真係頂唔順,要熄咗電話瞓耐啲。」那副深近視厚鏡眼鏡,也遮不住他那對熊貓眼。忙得快要崩潰,為的是麻醉傷口,「夠忙就無時間諗,咁就無得掛住(爸爸)。」他淡淡然地說。

開舖前狂交學費

阿聰跟著爸爸在果欄長大,他以往曾在其他果欄檔學做買手,邊搬搬抬抬邊偷師。「做運輸嗰時識落好多來攞貨嘅人,有把握會有五、六十個客喺手,先決定做。」他表示在果欄「偷師」三年,獲益良多:「唔喺欄做過,係唔會識。最基本,要有韌力喺幾百箱、幾萬個橙內揀爛嘅出嚟。又好似你想啲未熟嘅生果放耐啲,就要將佢哋同熟透嘅分開放,因為熟透生果會散發熱力,將啲生嘅逼熟!呢啲知識,先係最賺錢!」阿聰在開檔前亦交了不少學費。「原本預計去年五月開檔,喺果欄傾咗個舖位,業主話大家果欄兄弟,唔使簽約住啦!到我入曬貨準備開檔,佢先話唔租!貨就買曬,但水果唔擺得,俾人睇穿我無地方去貨,被迫賤價賣曬,蝕咗廿萬!」除了這一課,阿聰還因自己魯莽交了另一次學費。曾有客點名要四川檸檬,他查了來源地便衝了上去,「無打聽過,孭個背囊就上咗去,點知上到去爛地一塊,成地水蛇,嚇到買機票即日返落嚟。」

開舖初期低檔打個和

去年七月,進濤菓欄終正式開業。當時主要賣內地平價水果,但做極都只是打個和。「大陸水果毛利太低,有百分之七已經好好。問題係來貨質素唔穩定,啲貨嚟到質素差少少已要平賣,即係白做。」阿聰繼續分析內地水果市道:「內地市場太扭曲。供應商仲會跳過我哋,直接派貨俾零售,邊有得做?」頭兩個月白做,直至一天,有日本人上門找阿聰,指有一批日本貴價水果,問他有否興趣試賣。「嗰次有水蜜桃、巨峰提子。用咗三萬蚊入批水蜜桃,好快賣曬,埋單賺成八、九千蚊!」進濤菓欄立即轉型,轉賣貴價水果,批發零售兼做。除了改革貨源,阿聰及拍檔亦改變了營業時間,由原本的朝九晚八、凌晨再做批發,變成二十四小時營業。另一老闆、買手阿鋒說:「晚上啲客會揸車來、慢慢揀,比較捨得使錢,好易就一張單有幾千蚊。唔開舖,啲燈同雪櫃都要照開,條數喺番度。」其中一個員工、阿聰的三姑媽則說:「對面就係油麻地戲院,好多觀眾都會幫襯,所以夜晚好多客!」記者見晚上約十一時,剛看完戲的王先生便和家人花六百多元買了一箱富士蘋果,消費力相當高。

開舖九個月鬥快出貨

雙重改革下,進濤菓欄平均每月賺四萬元。現時進濤會賣哥倫比亞麒麟果、以色列蜜棗乾、及南非無花果等高檔生果,平均毛利兩成六。在果欄工作,要周旋於客人及同行外,還要和供應商打好關係。進濤的優勢在於能直接跟日本批發商取貨,「咁樣比起搵本地代理商入貨,平兩成。因為有水位,我哋有批發俾其他欄商。」其中一個供應商是日本人龍義典,採訪當日,他剛巧送一批日本士多啤梨給進濤,他以不鹹不淡的廣東話對記者說:「我哋喺香港都有鋪頭,同佢哋合作半年,賣嘅係日本九州嘅水果。」阿聰指,日本人做生意很小心,須觀察一段時間才建立合作關係。「日本人好怕你打破市場平衡,鬥平推低個零售價。我批貨都只俾信得過嘅欄商,以免佢哋亂劈價,因為日本人都睇住我點做。」由於和日本人關係良好,他可以盡快攞貨,食「第一浸錢」。「啲新奇生果主要做第一浸,之後去貨會慢,最後唔新鮮嘅仲要平價賣咗佢!」當然,他亦知日本人也會不停嘗試和其他人合作,「我份人好直腸直肚。同佢哋建立咗信任,都愈來愈多款俾我賣。」果欄競爭大,又龍蛇混雜,欄商間既是老街坊、又是互相供貨的行家及同行對手,記者感到阿聰的危機感較其他人重,去年十二月他已萌生「開多瓣」的念頭。「我想開多間鋪賣果汁、貴價果籃同日本雜貨。」新店未計入貨,他已投資五十萬裝修,醉心工作的他說:「呢間鋪仲裝咗個大雪房方便發展批發,保守估計,未來三、四年我都唔會有假放!」

未來日子向前行

工作令阿聰有安全感,去年十月的一個清晨,他父親在果欄搬貨時,遭一輛運魚車撞倒,涉案車輛事後不顧而去,在場工友見狀,即飛的死追,雙方追逐近四公里,貨車始被截停,但阿聰爸爸遭輾過重創,送院搶救終告不治。「人總有離開嘅一日,差別在點走。自知一定要向前行,做好件事。阿爸車隊有百幾個客,自己生意加打理車隊,真係心力交瘁。無得停o架!地球唔會為你停轉!」「日日對住阿爸出事嘅地方,但忙到無諗起佢。你諗嚇,一日接電話可以接到部電話無曬電,你仲邊有空間去諗?但當個人靜低,好似搭升降機、沖涼、臨瞓前,就會諗番起。」邊說邊執雪櫃的阿聰,頓一頓說:「所以我都幾享受咁忙,無得諗。」親人突然離世,總會留下遺憾。「阿爸一路都有教我做生意,遺憾係當生意行得順嘅時候,佢就唔喺度,無得一齊拍住上。」阿聰說服自己說:「可能佢覺得有工開已經好開心,又可能佢有得同個孫玩已好滿足,無咩遺憾呢!我真係唔知……。」

開業資料(7/13)

租金*$60,000裝修$20,000器材$400,000入貨$800,000總數$1,280,000*三按一上

營業資料(2/14)

營業額$470,000租金$15,000人工#$55,000入貨$350,000雜費$8,000利潤$42,000#三個全職,兩個兼職

果欄 喪父 喺番 番呢 呢度 度向 前行
PermaLink: https://articles.zkiz.com/?id=95053

又南天佑組果欄男孩

1 : GS(14)@2016-04-15 16:30:09

徐天佑、黃又南、白只、梁祖堯跟湯駿業主演的舞台劇《夏風夜涼》繼續在葵涌的葵青劇院演出,前晚又南專程請來曾合作拍劇的陳凱琳到場欣賞,之後更在後台拍大合照。他們五個大男孩在舞台劇中自組組合「果欄男孩」,大唱大跳80、90年代的經典流行曲。天佑跟又南等表演後接受訪問,又南表示較喜歡結尾時五人穿上白衣大唱Backstreet Boys的名曲《I Want It That Way》:「嗰場感覺好感動,台下反應好熱烈,可能台下好多都係同一年代嘅觀眾。」他們笑言現實中希望有機會用「果欄男孩」身份出碟。採訪:李森





來源: http://hk.apple.nextmedia.com/entertainment/art/20160415/19571555
南天 佑組 組果 果欄 男孩
PermaLink: https://articles.zkiz.com/?id=299370

果欄百年老店 三人看舖捱斬女少東手指幾斷 夫一頭血

1 : GS(14)@2016-05-21 13:36:16

■女少東左手被斬傷包紮治理,其夫頭部被斬,滿臉披血送院(左圖)。黎家駒攝


【本報訊】油麻地果欄百年老店「游炎記」昨晚發生斬人案,果欄男女少東以及女婿看舖期間,遭5名蒙面刀手闖入狂斬,3事主以發泡膠箱及紙皮阻追殺,最終不敵被斬傷,其中少東頸部中刀重傷,東主剛巧在舖後雪房工作逃過一劫,兇徒傷人後乘七人車逃去,警方接報在附近兜截無果,傷者送現場為果欄石龍街游炎記,3名傷者分別為東主游發誠的37歲兒子嘉鉻,頸部及手腳受傷、39歲女兒敏琪,手腳受傷,其中一隻手指幾被斬甩,以及48歲姓蕭女婿,頭及手臂受傷。據東主稱,昨午曾見數名穿着西裝貌似道友的男子在附近徘徊懷疑踩線,而女兒及女婿平時都不在果欄,昨只是返回探望,事發時他剛去了舖後雪房沒目睹經過,但他自問沒與人結怨,不知兇徒動機。


■游炎記東主(箭嘴示)在場協助警方調查。

5蒙面刀手逃去

事發昨晚7時許,嘉鉻與胞姊夫婦在店內聊天之際,一輛七人車突然駛至果欄附近,5名蒙面男子跳落車,手持西瓜刀衝入游炎記不由分說見人就斬,3人立即退後取起紙皮及發泡膠箱抵擋,並且戰且走及高聲呼救,但最終被斬傷,其中嘉鉻及姊夫分別頸部及頭部中刀不支倒地,胞姊亦手腳受傷,兇徒得手後,跳回七人車逃去,現場遺下一把西瓜刀,街坊報警,警員及救護員到場,將傷者送院,並追緝涉案七人車。嘉鉻為游炎記第3代傳人,他早前接受《蘋果》訪問時稱,游炎記為果欄1913年開業最初16間檔口之一,該檔口已養活三代人,阿爺創辦人更隔代欽點他為接班人,惟嘉鉻希望跟朋友合資經營酒吧生意,對果欄生意興趣不大,但每天都會返果欄工作幾個鐘,任職OL的姊姊敏琪也間中回店幫手。





來源: http://hk.apple.nextmedia.com/news/art/20160519/19618222
果欄 百年 老店 三人 人看 看舖 舖捱 捱斬 斬女 女少 少東 手指 幾斷 一頭
PermaLink: https://articles.zkiz.com/?id=300632

挑釁警員 果欄波子男被捕

1 : GS(14)@2016-06-06 02:58:07

■保時捷司機不滿被抄牌,與警員對峙。


【本報訊】警方昨展開全港大規模檢控違例泊車行動,其間在油麻地果欄及深水埗分別票控一輛保時捷跑車及一輛客貨車司機時遇反抗,保時捷司機不甘被抄牌,連同男乘客挑釁警員,結果當場被捕;另一南亞裔司機欲搶回證件時與警員糾纏,涉襲警被捕。


■司機以粗言辱罵警員,最後被制服。


昨下午4時,警員在窩打老道近新填地街交界,票控一輛違泊的保時捷跑車時,57歲姓林司機不滿被票控,與44歲姓梁男乘客落車與警員理論時大罵警員:「你行埋一邊!」並以粗言辱罵警員,最後兩人因涉嫌在公眾地方行為不檢被捕。另昨下午5時,51歲南亞裔司機駕客貨車送生果至欽州街近福華街時,疑因駛過影線被交通警截停票控,但司機交出證件後搶回,警員警告司機從對方手中取回證件擬票控時,司機與警員糾纏最後被制服。■記者馬耀文





來源: http://hk.apple.nextmedia.com/news/art/20160602/19637773
挑釁 警員 果欄 欄波 子男 被捕
PermaLink: https://articles.zkiz.com/?id=301856

工人燒焊燒着雜物 果欄三級火 波及逾10欄檔

1 : GS(14)@2016-09-06 04:35:39

■消防員向起火欄檔射水,黑煙直沖逾10層樓高。溫瑞麟攝



【本報訊】油麻地果欄一個正裝修欄檔,昨午工人燒焊不慎燒着雜物起火,火勢一發不可收拾,波及十多個欄檔,消防到場將火警升為三級,焚燒約5小時才被救熄,事件中無人受傷。有果商擔心火警令中秋水果供應緊張,推高價錢。記者:黎家駒 劉永明昨午4時24分,近石龍街一個欄檔突冒煙,火勢迅速蔓延,濃煙滾滾而上約十數層樓高,其間傳出多次爆炸聲,消防派出150人,合共8煙帽隊及8條喉灌救,果欄大多是鐵皮屋,堆滿發泡膠及紙箱,令火勢越燒越旺,約13分鐘後將火警升為三級,40多人自行疏散,消防亦移走風煤樽等危險品。火警期間,警方封鎖窩打老道西行,介乎上海街和渡船街全線,以及新填地街北行,介乎永星里和窩打老道的全線,現場一度擠迫。目擊者Rick憶述,途經果欄時看到濃煙突然直沖而上,鐵皮屋火光熊熊,「啲火蔓延得好犀利,燒到啪啪聲,好大煙」,他估計該處約有不少鐵皮屋受波及,消防深入搜查,帶果欄內的人離開險境。火警於晚上9時19分救熄。



■現場火勢猛烈,部份果欄鐵皮屋燒至崩塌。劉永明攝

火場附近現壓縮氣樽

在果欄工作的孔先生表示,起火位置為一間開業多年的欄檔,近日正進行裝修工程。事發時有工人在燒焊,懷疑意外燒着雜物,初時只有煙冒出,但不久濃煙沖天。孔又說,昨天是周日假期,加上果欄在夜間開工,所以火警發生時果欄內少人,沒造成傷亡。消防處九龍西分區指揮官盧錦榮表示,起火位置在果欄西南部,火場面積20乘30米,在附近發現屬於第二類危險品的壓縮氣樽,火警原因仍在調查中。



被列為二級歷史建築、103年歷史的油麻地果欄,正名為油麻地水果批發市場,範圍由渡船街至新填地街、窩打老道至石龍街為限。1913年已有人在此進行食品交易,不只賣水果,還賣蔬菜、雞、魚、雜貨及米等,至60年代起菜欄、魚欄及雞欄悉數遷走,獨剩果欄。



■多名果商及工人趕到現場了解火警情況。

2016年審計報告曾指,行政局1969年曾通過將果欄遷往政府興建的市場,一度計劃遷往長沙灣及葵涌,但因用地轉變用途而擱置搬遷,一直拖延至今已有47年。2007年至2013年政府各部門已接獲1,533宗有關油麻地果欄投訴,認為有需要考慮搬遷計劃。過去,果欄曾發生至少兩宗較嚴重的火警。2014年7月4日,一名70歲果檔商人,在油麻地果欄店內進行香蕉催熟工序,駁喉將乙烯輸入有香蕉的房間後,將乙烯樽利用升降台運走時,氣樽漏氣遇火花爆炸,老翁灼傷雙手手臂及頭臉,一度命危。2012年3月6日,一名蝸居果欄的50歲姓葉男子,因涉及一宗盜竊及藏械案需出庭應訊,惟他棄保潛逃被通緝,被便裝警拘捕時,他情緒激動以天拿水自焚,面及手部被燒傷,需送院敷治。




來源: http://hk.apple.nextmedia.com/news/art/20160905/19760427
工人 燒焊 燒著 雜物 果欄 三級 波及 10 欄檔
PermaLink: https://articles.zkiz.com/?id=307581

【人狗兩團圓】一個為「美」甘去蹈火海的人 果欄賣溫情

1 : GS(14)@2016-09-17 17:52:54

睇見甘生一副「有美萬事足」嘅樣,隔住個芒都覺得冧!



「貨同錢都唔係大問題呀!我係驚隻狗啫,因為始終都係一條命嚟o架嘛」9月4號,油麻地果欄一場歷史之嚟最嚴重嘅火災,燒毀超過20個欄檔,呢場三級火,差啲就令果欄檔主甘先生同佢嘅愛犬美美陰陽相隔。當日甘生受訪時嘅呢句說話,感動到唔少人,大家都緊張埋一份。好好彩,美美最後都冇穿冇爛,由甘生抱出火場。



肥嘟嘟嘅美美喺油麻地果欄受盡萬千寵愛

美美的媽媽Bobo(右)都係由甘生領養(圖片由被訪者提供)

果欄嘅狗BB當咗美美係媽媽,睇吓美美個樣幾無奈(圖片由被訪者提供)

美美,一隻喺果欄長大,典型又普通嘅唐狗女。十幾年前,美美嘅前主人突然唔做果欄生意,而將美美遺棄。當時甘生見到美美喺果欄游離浪蕩,冇人理佢,唔忍心美美成為流浪狗,結果就收養咗美美,仲一養就養咗十幾年,甘生話:「美美已經係我哋一家人嚟o架,我哋舖頭有張全家幅,美美企喺頭位o架!」。肥嘟嘟嘅美美,唔只係甘生一家人嘅心肝寶貝,喺油麻地果欄入面,其他欄主同送貨工人都同樣咁錫美美!「美美係行到邊都有人餵嘢畀佢食o架!即係好似狗融入咗喺我哋果欄裏面一樣。」甘生一邊摸住美美個頭,一邊笑住講。



充滿愛心嘅甘生,不時都會暫養一啲未揾到主人嘅狗BB(圖片由被訪者提供)

甘生的一張全家幅,盡顯美美喺甘家嘅地位!(圖片由被訪者提供)

果欄有唔少流浪貓貓,甘生同其他欄主都會輪流餵佢哋

果欄人畀外界嘅感覺係「茶瓜送飯,好人有限。」但原來粗魯嘅外表,卻懷住善良嘅心。除咗美美,果欄仲有唔少流浪貓貓,果欄人不但唔會將佢哋趕盡殺絕,甘生仲聯同幾位欄主輪流餵佢哋,等佢哋唔洗餓死。「其實大家見到我哋啲貓貓狗狗,就好似見到果欄嘅朋友,呢度仲有人情味,呢啲就係香港以前嗰代嘅人情味,守望相助。」



甘生的欄檔就正正喺火場對面

點解美美咁肥?呢張相解釋晒佢

除咗食,美美最鍾意就係瞓

甘生又覺得唐狗一心只跟住主人,好乖,比好多番狗好好多。仲希望大家唔好買寵物,支持領養:「我哋去買嘅時候,咪助長佢哋(繁殖者)配更多、配更多好得意嘅(寵物)出嚟,咁你有冇諗過你養呢隻係成功嘅配種,但係有幾多唔成功而畀人唔要?」「可以不愛,但不要傷害」,油麻地果欄做到,唔知大家又做唔做到呢?採訪:植詠珊(Cathy)攝影:馮峰、Neo導演、剪接:Roy編審:懷鈺




來源: http://hk.apple.nextmedia.com/entertainment/art/20160917/19773103
人狗 狗兩 團圓 一個 甘去 去蹈 火海 的人 果欄 欄賣 溫情
PermaLink: https://articles.zkiz.com/?id=309465

果欄三級火 現場仍圍封

1 : GS(14)@2016-12-29 08:16:10

油麻地果欄今年9月4日發生三級火,24間商舖變成廢鐵,再次令人關注果欄防火安全。事隔3個月,《蘋果》重返現場發現燒毀範圍仍圍封,但年近歲晚生意興旺紙箱放滿地,連滅火筒亦被紙箱遮擋難尋。油尖旺區議員林健文一直跟進果欄火警,他指果欄不屬法律定義上建築物,不受消防條例監管,當局若不盡快修例,類似大火隨時再臨。



■油麻地果欄9月發生三級火,24間商舖燒成廢鐵。

近歲晚紙箱放滿地


九龍果菜同業商會有限公司副理事長張志祥稱,果欄一直放置10支小型手提滅火筒,火警後再增添6支大型流動滅火筒,以備不時之需。6支容量30公斤的大型滅火筒將放於窩打老道、果欄一、二、三街等,會提醒商販留意電線保養,並且注意拖板安全。記者日前重返果欄,發現火警現場已圍起鐵板進行清拆工程,為防石棉塵外漏,環保署亦派員監察工程進度。不過年近歲晚果欄內人流不斷,大批市民前去購買生果,不少裝生果紙箱放滿地。油麻地果欄擁百年歷史,列為香港二級歷史建築,大部份建築物以鐵皮搭建,且有數十年歷史不符現今消防標準,若發生火警可能出現火燒連環舖情況。消防工程顧問梁錦得建議,可在果欄範圍內加添消防喉轆設備,一旦遇到緊急情況,商販可自行緊急滅火,阻止火勢蔓延。梁同時建議安裝自動灑水系統。不過果欄內建築物殘舊,相信安裝起來有難度,「啲建築物結構未必可以承受到安裝灑水系統,若然要改過晒會係好大工程」。對於商販增添大型滅火筒,梁錦得認為滅火筒並非越大容量越好,應該留意滅火率,「有時大支滅火筒功效可能衰過細支」。他稱,商會應聘請專家教授所有從業人員滅火筒使用方法、擺放位置等。■記者金敏琍、周子惇




來源: http://hk.apple.nextmedia.com/news/art/20161229/19879602
果欄 三級 現場 仍圍 圍封
PermaLink: https://articles.zkiz.com/?id=320413

果欄派西柚講《西遊》徐克出賣星爺愛情史

1 : GS(14)@2017-01-14 07:54:31

■周星馳昨日出巡到果欄為其監製的賀歲片《西遊伏妖篇》宣傳。



農曆新年見到周星馳,大概都猜到他今年有賀歲片。由星爺監製、徐克執導的《西遊伏妖篇》,將於大年初一(28日)上映。昨日下午1時,星爺、徐克聯同演唐僧的吳亦凡,齊齊殺入油麻地果欄進行「西遊派西柚」宣傳活動,吸引約300名粉絲圍觀,大部份都是吳亦凡的粉絲,人群由果欄企到出窩打老道,為免人車爭路發生意外,有警員到場了解。



■婆婆從星爺(中)手上拿到西柚,笑不攏嘴。

■(右起)徐克、星爺及吳亦凡向圍觀途人拋西柚。

■昨日活動有近三百粉絲圍觀,檔主叫苦。


徐克等足二十年

其實,電影公司今次只跟果欄其中一檔生果檔合作,但由於人太多,即使檔口已在最側位置,但其他檔口亦難免被人群攻陷,不少檔主都一臉愁容,怕生果被撞爛,大叫撞爛要照價賠償,但現場氣氛的確很熱鬧,星爺也說:「今次呢個《西遊》送西柚都唔知邊個諗出嚟嘅?」主持即說:「聽聞係你諗㗎喎!」但星爺就謙稱:「呢啲咁好嘅橋點會係我諗出嚟吖!」星爺在活動上被司儀問為何找徐克合作?是否因為徐克好正?星爺笑着回應:「係呀!就係咁嘅意思囉!」他還說笑謂:「其實我都搵咗佢三、四十年㗎喇!」徐克即表示:「其實都應該有二十年,我都等咗好耐,因為佢都打過畀我講過,但係我都唔知係真定假,就算佢本人講都唔知係真定假。不過最終都促成咗今次合作。」


吳亦凡受寵若驚

至於演唐僧的吳亦凡坦言收到星爺及徐克的演出邀請很激動,又爆他今次演的是個反傳統的唐僧。司儀又問星爺片中的愛情元素?星爺笑指這部份導演最耍家,徐克隨即笑說:「我將你嘅私人愛情史拍晒出嚟,我冇參與意見。」採訪:張俊銘攝影:陳慧安




來源: http://hk.apple.nextmedia.com/entertainment/art/20170113/19894819
果欄 派西 柚講 西遊 徐克 出賣 星爺 愛情史 愛情
PermaLink: https://articles.zkiz.com/?id=322514

【90後創業】用日本天然地下水做刨冰 每日果欄入貨調果漿

1 : GS(14)@2017-10-09 02:48:24

草莓煉乳刨冰$48。



尖沙嘴上個月新開了間刨冰店「氷川菓屋」,招牌白桃沙冰非常暢銷,皆因所用的水蜜桃產自山梨縣,甜度比其他桃更高,而唧在刨冰表面的調味果漿,是老闆蔡溢億(Nick)每日去果欄買新鮮水果自製而成。



「她很好人,昨天我沒帶錢,我說欠一百二十元,但水果要急用,她都肯讓我賒數。」Nick笑着跟我說果檔姐姐有多好人,接過一袋水果後,就準備回店開始調配果漿,不過調配果漿的步驟,通常都交由女朋友林文欣負責。「我對甜品沒有太多認識,很多甜品製作方面的,都是她去努力研究。」Nick說。阿欣接過水果,就開始調製果漿。我問Nick果漿內到底有甚麼材料,Nick才答了我兩三種材料,阿欣隨即打斷他:「不可以說啊!」可見她對自己的秘方有多緊張。



藍莓乳酪刨冰$58。

熱情果刨冰$48。

他們用來刨冰的冰來自北海道,是地下天然水,刨出來的冰口感較綿。

他們用的冰並非普通的冰,「我們的冰來自北海道,是地下天然水。香港的冰口感比較脆,日本冰比較綿,因為一片片,口感會比較好。」阿欣說。一盒天然冰要過百元,入面有六塊冰磚,但一塊冰磚只可以大約刨到五碗冰。「我想日本冰的成本,對比香港冰或自己用水做冰來說,貴十多倍。」Nick說。他們賣的刨冰總共有六款,其中一款是季節限定,用日本當造水果去做,如果那款水果當造季節完了,就會轉新產品,好像白桃當造季節就快完,秋冬可能就轉推日本士多啤梨。其餘有些固定的,例如黑糖黃豆粉、士多啤梨、藍莓、熱情果等,這些水果是一年四季都有的。其實自製果漿、用日本天然冰,無論時間或金錢,成本絕對不低,但是阿欣認為:「甜品是一樣令人開心的食物,我覺得你用心去做,客人會吃得出,所以我很堅持要調到自己喜歡的味道。」客人開心,覺得值回票價,他們就已經很滿足。氷川菓屋地址:尖沙嘴山林道10-12號山林閣地下2C號舖記者:黃子卓 攝影:王國輝、許先煜2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170918/20155988
90 創業 日本 天然 地下水 地下 刨冰 每日 果欄 欄入 入貨 貨調 調果 果漿
PermaLink: https://articles.zkiz.com/?id=341892

【真假香印】果欄店主:$100都買到日本香印

1 : GS(14)@2017-10-09 03:50:22

香印提子分很多產地,其中以山梨比較便宜,$150有一束(約650克)。



早前有網民懷疑市面上有假的日本香印提子,更有人發佈相片,表示$100不可能買到日本香印,盒上面的簡體字出賣了它的真正身份。看看這被懷疑是假香印的盒身設計,跟岡山晴王的盒有99%相似,就連招紙都極其相似,只欠沒有印「晴王」兩隻字,品種是否香印就不得而知了,但就一定是冒充日本產地的冒牌貨。



「其實靠外表,真的分辨不到,最簡單分辨到的方法就是看包裝紙。」黎勤欄負責人梁梓謙說。想知道果欄行家,如何教你分辨哪款香印來自甚麼產地?即刻去片!記者:黃子卓攝影:徐振國



真正日本產的香印是沒有核的。

盒上面的簡體字出賣了這批香印提子的真正身份。網上圖片

2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170924/20162230
真假 香印 果欄 店主 100 都買 買到 日本
PermaLink: https://articles.zkiz.com/?id=342307

【果欄行家教路】水晶梨/香印提子/赤肉瓜 中秋抵買日本水果

1 : GS(14)@2017-10-09 04:03:07

果欄行家表示今年中秋,最抵買的就是鳥取縣水晶梨、山梨香印提子及北海道赤肉瓜。



中秋節還送碌柚楊桃?太老套了。潮流興送日本水果,不過那麼多款水果,不懂選又確實令人頭痛。今次由果欄行家教路,教大家中秋怎樣選靚水果送禮,「黎勤欄」負責人梁梓謙說:「抵買的話,可以選水晶梨、山梨香印提子,北海道赤肉瓜也可以試試。」


烏取縣水晶梨,4個$100。

1.當造之選:鳥取縣水晶梨

中秋節大家都喜歡送梨,因為剛入秋,吃梨較滋陰解渴。果欄價比市價便宜約百分之十至十五,假如一箱鳥取縣水晶梨,果欄賣五百多元,市價就要六百多至七百元一箱。送禮的話,建議買比較青身的水晶梨,因為比較新鮮,如果見水晶梨黃透了,代表那隻梨已返貨一段時間,不太新鮮。



山梨香印提子,1束$150。

2.近年大熱:香印提子

山梨香印提子比長野香印提子便宜,長野香印約每箱$1,500,山梨約$1,200。過往,長野香印提子的確比山梨香印提子好吃,花香味重一點及甜一點,但今年山梨香印提子的質素,基本上比得上長野香印提子。買之前記得看看莖的顏色,青色即新鮮,啡色則代表已放了一段時間,如果提子粒粒均勻飽滿夠扎實,又沒有黃色色斑,夠青綠色,那就是靚提子。



北海道赤肉瓜,每個$120。

2.極抵買:北海道赤肉瓜

北海道赤肉瓜,果欄約賣每個$120至$130,市面約賣$150至$180。赤肉瓜是夏天的瓜種,臨近中秋已是水尾,但水尾質素不會特別差,因為每個時期都會有不同品種出,尾期有尾期的品種,水準可以保持。揀瓜時,記得留意椗位新鮮與否,椗位新鮮代表是新的瓜,如果想知道成熟與否就要看底部,輕輕用手指按幾下,赤肉瓜有少少腍就可以吃了。



黎勤欄地址:油麻地新填地街地段1號記者:黃子卓攝影:徐振國2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170927/20164986
果欄 行家 教路 水晶 香印 提子 赤肉 肉瓜 中秋 抵買 日本 水果
PermaLink: https://articles.zkiz.com/?id=342410


ZKIZ Archives @ 2019