ZKIZ Archives


Figure教父觀塘工廈 四年升值兩倍 起動九龍東谷高樓價 「升得好恐怖」

1 : GS(14)@2015-02-10 01:04:03





■Michael Lau表示,現時工作室是自用,升值兩倍都不賣。 馬泉崇攝



【地產專題】政府自二○一一年宣佈發展九龍東,加上活化工廈政策,令工業區產生翻天覆地的巨變,一幢幢毫不起眼的殘舊工廈頓變金蛋。三年多前,第一次出擊買工廈的潮流玩具教父低價買入工廈,受惠活化工廈措施,區內炒賣投資活動增加,身家四年升兩倍;有炒家由炒住宅轉炒工廈,五年內炒出第一桶金變身成發展商;有「拉鏈大王」專買賣工廈十年,見工廈價格太高,先行沽出五億物業套現開拓其他事業,一個起動九龍東政策帶出三個故事。記者:程俊華 黃嘉銘



本港人形Figure玩具教父Michael Lau(劉建文),其創意驚人外,原來買樓亦甚具眼光。早於觀塘工廈樓價仍未飛升之前,用不足四百萬元購入觀塘偉業街一幢樓齡四十年工廈作為工作室之用,結果這筆「投資」在短短四年已升值超過兩倍,反映區內工廈狂升的最佳印證。醉心創作的Michael,早於二○○四年已正式成立工作室,由北角七姊妹道的駱氏工業大廈一個一千呎工廈單位租起,到之後租用全層三千三百方呎。除了做工作室外,亦為做貨倉及展覽室,租金由不足一萬元租到超過二萬元。



「有單位一個月摩三轉」

直到二○一一年,Michael移居九龍,打算在九龍區找新工作室。起初打算租或買,地點鎖定九龍東,「睇咗幾十個盤,由新蒲崗睇到去觀塘,呎價由五百睇到七百五十都有,覺得價錢抵就決定買,始終租人地方開支好大」。當時買樓純粹「睇feel」,只望工廈樓景,但屬全層單位,多窗高樓底同間隔適合就立即「扑鎚」,以三百九十八萬元購入逾四千方呎單位。同年底,施政報告提出「起動九龍東」計劃。Michael直言,「嗰一刻開始感受到個價升到癲,工廈好爛、冇人管理冇消防(設施),一樣係咁升,知道有啲單位一個月摩三轉,但個單位係乜都冇做過喎,呢幾年(升得)好恐怖」。近年工廈有價有市,這個放滿Michael私人珍藏的單位都有人出價想買,「有人出到一千二百萬,但自己冇多一層,個價冇意思,唔會賣,最多係開心啲!」如果以市值一千二百萬元計算,已較四年前購入價多出八百○二萬元,升幅逾兩倍。當年同一座工廈尚有另一單位放盤,「早知買多一層,但當時諗夠用就算,升值係有多一個單位先至有用」。雖然他設計的Figure身價炒高數十倍,但他認為還是「磚頭係永遠穩陣嘅投資」。





來源: http://hk.apple.nextmedia.com/financeestate/art/20150209/19034803
Figure 教父 觀塘 工廈 四年 升值 兩倍 起動 九龍 東谷 高樓 升得 恐怖
PermaLink: https://articles.zkiz.com/?id=287723

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019