李佳芯夾錢租村屋與男友西貢同居
1 :
GS(14)@2016-09-30 08:09:02半年之前都仲講緊與家人同住柴灣公屋嘅大台小花李佳芯（Ali），出入都係搭交通公具，估唔到，昨日就有報道指佢同已經搬咗入西貢村屋，同ViuTV主持男友陳炳銓同居，似乎打破咗兩人感情有變嘅傳聞。據知兩人同居嘅嗰間村屋，月租15,000蚊，對月入兩萬嘅陳炳銓嚟講，都幾重負擔，Ali當然知道男友情況，決定同男友夾租同分擔日常使費。之前Ali出席活動嘅時候，都未試過承認男友身份，一直都話係好好好好嘅朋友，不過唔知佢最近係感情升溫定想向男友派定心丸，除咗漏口風同傳媒講，陳炳銓未喺時候見家長，間接承認男友身份。
來源:
http://hk.apple.nextmedia.com/entertainment/art/20160930/19786198
李佳芯 金牌狐狸精捱到出頭天 2016-10-14
1 :
GS(14)@2016-10-17 03:54:10http://skypost.ulifestyle.com.hk ... %AD%E5%A4%A9/232475
【晴報專訊】 觀眾緣是一種比思念更玄的東西。上位花旦李佳芯演師奶天敵狐狸精，但偏偏不惹人討厭，更「洗底」成功變身正義女主角，連她自己也感驚訝。「我覺得好彩的是，當做衰角色時，都有一班人喜歡自己，這是我最大的幸運。」
劇集《律政強人》中，首次擔正演律師卓宜中，李佳芯（Ali）自然萬分緊張，坦言曾擔心擺脫不了狐狸精形象。「我有看留言，大家對我的評語是好壞參半，例如有人說我是『小三』樣，還是做小三角色好了。」全因她前年在《名門暗戰》演情婦Ivy，意外地深入民心，她笑說：「當初羅永賢監製找我演Ivy，我覺得如果演到奸一半、唔奸一半，這樣不會好看，不如奸到盡，而好彩觀眾竟然接受Ivy的衰，更因這角色而留意我。雖然難免被觀眾定型，但這是我的動力，觀眾除了看到狐狸精形象外，發現原來Ali也做到卓宜中般善良的角色。」
喜獲女觀眾支持
Ali自言做衰人起家，早已聽過不少批評和人身攻擊，不過近年她憑主持《學是學非》、劇集《潮流教主》飾硬朗名媛，形象漸漸入屋，更廣受網民喜愛。早前網絡紅人瓊姐在Facebook舉行最正「是非精」選舉，Ali更以過萬票勝出。「我在街上聽得最多的一句，就是女性跟我說：『我老公好鍾意你』，通常我也反問：『你不會憎我嗎？』因為換了是我，也討厭狐狸精……幸好她們都說喜歡我，我才發覺多了女觀眾接受自己。」
成名不遲亦不早
33歲的Ali看似新面孔，原來已入行八年。四年前，憑一腔演戲熱誠走出comfort zone，叩門加入無綫。「我從友台（有線）過來，舊同事說我說話太直，在新公司生存不了；有人說我年紀不小，不如嫁人，但我覺得年紀不小更要博一鋪！」捱了多年才捱出名氣，Ali笑言一切來得剛好：「不遲也不早，就算我早十年入TVB又如何？那時的我不是現在的我，可能覺得為何要妥協？所有事都有軌迹。我曾經覺得自己遲，但原來有心做，所有事情都剛剛好。」現在她成名了，但初衷未忘，只想演出每場好戲。
撰文：李潔盈
協力：文雪瑩
攝影：林良明
編輯：黃寶恩
設計：梁政敏
服裝：Ted Baker
場地：Applegreen
吳岱融拍劇鬧李佳芯臭X：我收斂咗㗎喇
1 :
GS(14)@2016-10-17 08:09:22一班無綫演員包括蕭正楠、田蕊妮、陳凱琳（Grace）、吳岱融、阮兆祥等人噚日喺商場為劇集《巨輪II》進行宣傳，近日人氣高企嘅「獸父」岱融哥同「女兒」Grace現身時，有觀眾大嗌岱融哥角色名「高天鷲」。岱融哥咁受歡迎，原因係佢喺套劇入面演技實在太出眾，無論係佢個急色樣定係鬧人個時嘅嬲樣，都俾網民大讚。咁太太睇完有咩反應先？岱融哥就話太太讚佢好戲，記者話好多網民都話「強姦」戲唔到肉，岱融哥表示唔可以去太盡，因為會俾人鬧。講到岱融哥用「臭X」來鬧李佳芯，佢話本身都唔想講，但係唔講又唔係嗰回事，所以自己演繹時都收斂咗。講到鄭嘉穎讚Grace做得不錯，Grace就話自己盡力入戲，提到未來奶奶指佢咁快要拍呢啲戲，Grace就話一齊食飯時未來奶奶用擔心嘅眼神望住話佢拍呢啲戲好辛苦，佢就將個波交番俾嘉穎，話角色有大發揮係好事。
來源:
http://hk.apple.nextmedia.com/entertainment/art/20161017/19803550
執二攤唔好咩？ 李佳芯爆紅做埋女神
1 :
GS(14)@2016-10-17 08:09:28王君馨喺之前套《城寨英雄》演技同口碑都唔錯，結果就係林夏薇辭演《超時空男臣》可以執二攤，繼續把握機會演出。正所謂「有糊唔食，罪大惡極」，把握到機會話唔定隨時紅得起，好似佢哋就好識珍惜喇。
陳展鵬、袁偉豪
講起《城寨英雄》「花曼」王君馨嘅兩位拍檔，「拳佬」陳展鵬同「牙佬」袁偉豪原來都係執二攤就男主角。「拳佬」原本由羅仲謙飾演，不過佢忙住同老婆楊怡結婚同拍大陸劇，交咗個波俾陳展鵬，而袁偉豪就取代咗沈震軒一炮而紅。
李佳芯
由有線過檔無綫嘅李佳芯(Ali)，喺最近嗰套《律政強人》做女一，拍住「張強」方中信同廖啟智，受歡迎程度直線上升。不過，原本佢個角色係由朱千雪擔正，但千雪BB準備放棄娛圈生活，喺城大讀兩年全日制法律博士課程，先俾到機會 Ali上位。
黃翠如
愛情單元劇《愛情來的時候》今年播出第二輯，搵到少女男神周柏豪做其中一個單元嘅男主角，無綫拖咗好耐先宣佈話由吳若希做女一，不過華納彈鐘唔收貨，要由翠如頂上。
吳若希
由本地魔術師甄澤權（Louis）擔大旗嘅《街頭魔法王》系列，原本第二輯嘅助力許亦妮被指態度欠佳，得罪無綫被雪藏，吳若希就把握到機會上位，連續做咗第三、四輯嘅助手。
洪永城
無綫近年膠劇代表作《張保仔》，原本男主角預咗俾黃浩然，但係黃浩然拍攝期間感染「貝賽特氏症」，喉嚨發炎潰瘍被逼辭演，結果呢個近代著名海盜角色就由洪永城接手。
來源:
http://hk.apple.nextmedia.com/entertainment/art/20161017/19803588
踢走陳凱琳蔡思貝李佳芯為上位放棄愛情？！
1 :
GS(14)@2016-10-20 08:05:36大台新晉花旦李佳芯近日憑《巨輪II》被吳岱融掟錢鬧臭x一幕，而人氣急升，昨日周刊爆李佳芯喺年初同大台加簽咗5年合約，換取喺《律政強人》中擔正機會，結果就被佢成功跑出，就連新劇《踩過界》都係由佢做女主角，而備受力捧嘅陳凱琳同蔡思貝都要靠邊站。不過，由有線過檔去大台、身為「余黨」成員之一嘅李佳芯，就被周刊爆佢最近俾大台高層余詠珊「照肺」，叫佢要同現時效力ViuTV嘅奀星陳炳銓要「保持距離」。李佳芯喺被照肺後就立即做嘢，對內就叫陳炳銓低調的，周刊引述陳炳銓身邊人士話，李佳芯冇話要分手，但就叫男友暫時唔好見住，不過陳炳銓似乎都已經打定輸數，預咗戀情凍過水，李佳芯亦已搬離兩人喺西貢嘅愛巢，，返筲箕灣娘家住。
來源:
http://hk.apple.nextmedia.com/entertainment/art/20161020/19806248
李佳芯自稱冇男友
1 :
GS(14)@2016-10-29 13:20:32■李佳芯（右）和康華昨日出席醫學美容活動。
昨日李佳芯和康華出席銅鑼灣醫學美容院開幕活動，李佳芯指自己對外表要求不高，不打算整容，問男友是否喜歡現在的她，她斬釘截鐵說：「我冇男友。」被問到無綫棒打鴛鴦，迫令她跟ViuTV主持男友陳炳銓轉地下情，她說：「自己感情好低調，keep住朋友關係，朋友依然係朋友。」另外，問到康華的感情生活，她說：「其實dry咗好多年，自己唔知點解，可能係比較悶，同睇電視嘅我唔同，好多朋友都會坦白同我講呢樣嘢。」採訪：張俊銘攝影：陳俊強
來源:
http://hk.apple.nextmedia.com/entertainment/art/20161029/19815561
著背心行山特別好feel？ 李佳芯：卸下濃妝回歸自然
1 :
GS(14)@2016-11-12 05:55:03最近被力捧嘅大台小花李佳芯，有傳佢被施壓，要佢同ViuTV主持男友陳炳銓轉地下情，雖然事後佢再三否認自己有男友，兼且唔認被「棒打鴛鴦」，之不過跟住又話李佳芯妒忌黃翠如。報道話李佳芯同黃翠如素有積怨，呢個要追索喺有線時期，嗰陣翠如喺做娛樂主播，李佳芯已經係旅遊節目主持，人氣高過翠如，亦早過對方無綫，點知翠如同洪永城有高層照住，翠如眨吓眼就做女一，李佳芯就要捱上去，仲要俾人打壓戀情，反而翠如同蕭正楠可以名正言順拍拖，難怪佢覺得眼紅紅。唔知係咪呢排太過煩惱，搞到李佳芯壓力好大，所以咪走咗去行山減壓，昨日李佳芯喺ig貼咗條行山片，行山素顏係常識吧！但係佢仲著住一件背心，好悠閒咁喺度行樓梯，佢仲留言話：「當精神太累，卸下濃妝、舒適衣著、隨意走動、回歸自然，就好。」之不過呢幾日又天氣都轉涼，如果佢真係著住背心行山，睇嚟好大壓力喎！
來源:
http://hk.apple.nextmedia.com/entertainment/art/20161112/19831443
海報排位被貶低 揭李佳芯暗鬥蔡思貝
1 :
GS(14)@2017-02-12 00:39:412017-02-01 EW
近年無綫花旦買少見少，令一眾「有線幫」獲得力捧，僅過檔四年的李佳芯，上年已在《律政強人》中成功踩低黃智雯，火速升呢擔正做女一；更順手攞埋台慶頒獎禮「飛躍進步女藝人獎」。
不過，風頭一時無兩的李佳芯，在正開拍的新劇《踩過界》中，卻慘遭被指演技欠佳兼聲線「高八度」的蔡思貝追擊。在海報排位上，李佳芯更被蔡思貝力壓，地位岌岌可危。日前，兩女在灣仔拍外景，只在埋位時有交流，一拍完即彈開，暗鬥連連。
保持距離
李佳芯和蔡思貝都是無綫近年力捧的花旦，前者在四年前由有線過檔，後者則是一三年的港姐亞軍，一個是「有線幫」，另一個則是「選美派」，兩個同樣劇接劇，更已坐上「女一」的地位。
不過，一山不能藏二虎，近日兩女一齊接拍新劇《踩過界》，但海報排位上卻有差異，身為男主角的王浩信企正正中間，身旁是蔡思貝，相反李佳芯則位處最角落。明顯地，李佳芯的地位受壓，還要被網民力插演技浮誇和「海豚音」的蔡思貝騎住，心中應該不是味兒。日前下午，兩女在灣仔法院門外為《踩》劇拍攝時，表現避忌，保持距離。在等埋位期間，李佳芯獨自站開靜靜地記對白及排練，相反有「人肉發電機」之稱的蔡思貝，雖然未有跟男藝人打牙骹，但卻不停與小演員嬉戲，不時細聲講大聲笑，搞到李佳芯皺晒眉。
諗計出位
而當李佳芯和蔡思貝發現有記者到場探班後，兩女的僵局才稍為緩和。其後，男藝人楊證樺拎出手機跟在場的全體演員selfie時，她倆也總算合拍地站在一起，頭貼頭笑住影大合照。臨尾上演群戲，李佳芯和蔡思貝才有交流，李佳芯主動輕搭蔡思貝的膊頭，狀甚老友，但一拍完即分別向左右走。
據知，兩女鏡頭前後鬥個不停，劇中要戴假牙扮哨牙妹的蔡思貝，造型上已十分突出，她還諗計再突圍︰「初初開劇有唔開心，戴起副假牙醜樣咗 ； 後來，我直頭戴住嚟行中環，訓練自己同副假牙合二為一，?家收工都唔捨得除。（想靠醜出位？）都想多啲觀眾留意。」而李佳芯亦不讓對手專美，飾演型格女法官的她，穿上貼身衫裙，大晒「事業線」及玲瓏浮凸身形，她說︰「完全唔識調整出『事業線』，比我想像中難，（要買唔同bra配合？）係呀，因我平時好少露『事業線』，原來着唔同衫有唔同方法。」一個醜，一個野，各施各法鬥出位。
撰文、採訪☆娛樂組攝影☆娛樂突發組設計☆蘇文傑
Next Page