ZKIZ Archives


朱晨麗儲錢坐頭等

1 : GS(14)@2015-09-23 02:19:08

■朱晨麗昨日以性感打扮現身活動,並稱希望可獲更多工作機會。


朱晨麗昨日在沙田出席活動,對於近日有報道指收入不多的她突然富貴,先搬入月租15萬的金鐘服務式住宅,再以700萬購入將軍澳一個單位,並且乘坐頭等飛往歐洲血拼,她說:「過咗去嘅嘢,冇啲咁嘅事,唔回應啦。坐頭等去旅行啲錢係我自己儲番嚟。」近日不少無綫女藝人約滿走人,朱晨麗稱自己剛剛才知道徐子珊離巢,問到她會否希望可以增加工作機會?她說:「我都希望工作可以越嚟越順利,我份合約仲有好長時間,睇公司點安排,我當然希望多啲機會。」採訪:馬建華攝影:陳順禎





來源: http://hk.apple.nextmedia.com/entertainment/art/20150803/19240877
朱晨 晨麗 麗儲 儲錢 錢坐 頭等
PermaLink: https://articles.zkiz.com/?id=292515

同裕美未斬纜黃子恆夜會朱晨麗「同兄弟食飯啫」

1 : GS(14)@2016-07-09 06:36:00

■朱晨麗與黃子恆十分老友,皆因二人同屬一個經理人。微博圖片


黃子恆在無綫捱了多年,近年遇上小生逃亡潮,令他有幸衝上二線。早前黃子恆卻被爆跟人妻裕美搞婚外情,有周刊更影到裕美在其寓所在露台晾bra,裕美亦承認跟黃子恆發展感情,而黃子恆表示裕美告知他已經與老公林恩浩離婚,日前他去樂易玲生日會時,卻又透露和裕美沒有再見面。裕美與黃子恆事件發展至今不足一個月又有新進展,昨日有周刊報道,指本周一影到黃子恆夜會朱晨麗,報道指當日二人先與洪永城、唐詩詠及何雁詩等人打羽毛球,之後黃子恆陪朱晨麗返住所換衫,然後再往附近酒店餐廳食飯,還刻意選一個暗角位坐,食足3小時才離開。



■黃子恆與朱晨麗日前連同洪永城、唐詩詠等人去打羽毛球,之後二人去夜會。微博圖片

■裕美與老公林恩浩(右)搞離婚,並撻着黃子恆。資料圖片



見過鬼怕黑

記者問黃子恆是否因裕美的事情不開心,找朱晨麗傾心事?黃子恆回應並沒有關係,大家只是打波後一齊吃飯,表示跟朱晨麗只是朋友兼同事。《蘋果》昨日致電黃子恆,問他是否與朱晨麗拍拖?他說:「梗係唔係喇!梗係唔係喇!」是否見過鬼都怕黑?他直言:「梗係驚喇!但我都係同兄弟食飯箒,我哋出入餐廳影到就作咁多嘢!我都唔知點,其實唔好意思,我唔係好方便回應咁多,多謝關心!」不過,據知黃子恆和裕美並未割席,只是雙方有共識先專心工作,待裕美處理家事後,再考慮會否復合,這期間不會見面。採訪:非非





來源: http://hk.apple.nextmedia.com/entertainment/art/20160707/19684064
同裕 裕美 美未 未斬 斬纜 纜黃 黃子 子恆 夜會 朱晨 晨麗 兄弟 食飯
PermaLink: https://articles.zkiz.com/?id=302900

黃子恆開舖朱晨麗

1 : GS(14)@2016-10-28 06:24:18

■黃子恆與胞兄合資的時裝店昨日開幕。



黃子恆與胞兄合資六位數字在尖沙嘴開設時裝店,昨日開張大吉,好友朱晨麗、郭晉安和林夏薇等到場支持。黃子恆指爸爸本身做首飾生意,媽媽做水晶生意,他們亦有給予意見,黃子恆說:「我自己鍾意設計,出席頒獎禮嘅衫,好多都係自己設計,今次係第一次真正做生意。」



■(左起)朱晨麗、林夏薇、蔡思貝及李佳芯昨日齊齊賀黃子恆新舖開張。

問他有否為其他藝人朋友設計衣服,黃子恆說:「大家未見到我製成品,不過都知我貪靚。」另外,朱晨麗被問到是否來撐緋聞男友,她笑言要找黃子恆給她股份:「黃子恆係好好拍檔、演員,我哋成日要出席活動,需要大量衫,自己設計幾好。」採訪:張俊銘攝影:陳俊強




來源: http://hk.apple.nextmedia.com/entertainment/art/20161028/19814286
黃子 子恆 恆開 開舖 舖朱 朱晨 晨麗
PermaLink: https://articles.zkiz.com/?id=313838

【朱晨麗着過絲襪笠頭】三個遊戲接走白雲

1 : GS(14)@2016-10-30 14:35:55

現年28歲嘅「神獸天使」白雲今日同前港男江俊霖(Kelvin)喺尖沙咀洲際酒店延開38席舉行婚宴。今朝一早,新郎哥就帶住一班兄弟團到酒店接新娘,同為2011年香港先生嘅李晉強有份做兄弟,其他都係圈外朋友。有份做姊妹嘅朱晨麗、陳芷尤、劉溫馨、于淼(Maggie)就花心思諗咗三個遊戲,第一個遊戲係要將一對絲襪笠喺兩個兄弟頭上,仲要打死結要佢哋用盡力拉開,喻意「永結同心」,有姊妹口多多講笑話﹕「對絲襪係朱晨麗着過㗎!」不過成班兄弟似乎唔介意,反而仲樂在其中。第二個遊戲終於到新郎哥Kelvin出場,佢要腿張開,將爆谷放喺袴下,跟住其他兄弟就輪流做掌上壓食晒啲爆谷,都幾重口味。而最後一個遊戲就係要成兄弟飲晒成支伏特加,新娘子白雲好緊張,叫Apple要錫住佢老公,留番畀班兄弟幫手頂酒,結果李晉強飲得最多。而一班姊妹收到開門利是之後,雖然冇透露金額幾多,但大家笑晒口影合照,似乎都幾滿意。




來源: http://hk.apple.nextmedia.com/entertainment/art/20161030/19817100
朱晨 晨麗 麗著 著過 絲襪 笠頭 三個 遊戲 接走 白雲
PermaLink: https://articles.zkiz.com/?id=314114

朱晨麗戀百億富豪開畫廊

1 : GS(14)@2016-11-10 08:02:42

■朱晨麗被指曾秘戀百億富豪劉紀明兩年。資料圖片



現年28歲的朱晨麗昨日被雜誌爆料,指她曾與身家百億的劉紀明秘戀兩年。雖然兩人現在已經分手,但拍拖期間劉紀明教曉朱晨麗不少投資學問,還介紹闊太朋友讓她認識。朱晨麗憑人脈,最近與幾位有錢太太在淺水灣一齊開高檔畫廊,每幅名畫由百萬起跳。朱晨麗在周刊訪問中表示私人事不回應,但承認與幾位女朋友合資搞生意,而她昨日至截稿前未作回覆。據聞現年41歲的劉紀明是電子大王,父親是億利達集團的創辦人劉永齡,劉紀明曾與張玉珊、姚子羚等傳緋聞。不過劉紀明為人極低調,與女星拍拖都不會公開,而朱晨麗傳前年以700萬購入將軍澳單位,翌年已可以一筆過付款,十分富貴。採訪:嵐山




來源: http://hk.apple.nextmedia.com/entertainment/art/20161110/19828294
朱晨 晨麗 麗戀 戀百 百億 富豪 畫廊
PermaLink: https://articles.zkiz.com/?id=314907

淺水灣開畫廊朱晨麗搭上張玉珊百億舊愛

1 : GS(14)@2016-11-14 01:09:40

2016-11-10 NM

月薪萬五,卻有本事住月租十五萬服務式住宅的朱晨麗,一度被指獲老闆殼王陳國強賞識,其實真命另有其人。據了解,早在兩年前朱晨麗與張玉珊的百億舊愛、電子大王劉紀明秘密拍拖;雖然二人關係剛告一段落,但畢竟曾經富貴,可以享受優質生活的她,在淺水灣開畫廊,每幅畫售價百幾萬起跳,財來有方。由一個蘇州來港住劏房的窮港姐,搖身一變成為畫廊老闆,非一般的勵志!男友低調見光死

被誤傳獲殼王垂青,廿八歲朱晨麗亦無法開口申辯,只因真命天子習慣低調,要睇男友頭的她惟有硬食。同電子大王劉紀明拍拖兩年,在富豪圈子並非秘密,男友不時帶朱晨麗出席富豪聚會,由於她乖巧口密,亦獲男友家人接納。四十一歲的劉紀明家族做電子產品發迹,坐擁不少工廈,在舂坎角亦有多間獨立屋;除了幫家族打理生意,劉紀明亦是億利達集團主席。後生多金,鑽石級筍盤。

多女埋身幾度離合

「Jimmy(劉紀明)好低調,同張玉珊、姚子羚拍拖嗰段時間佢都係唔鍾意女朋友喺外面提佢,所以姚子羚同佢更加係見光死;同張玉珊一度去到談婚論嫁地步,但Jimmy拖吓拖吓,最後冇下文。「至於朱晨麗好就得佢,但拍拖兩年,兩個都分過幾次手。之前朱晨麗俾人話同李逸朗,因為嗰時佢同Jimmy分咗手,但之後又喺番一齊。」知情者說。甘心做隱形女友,可惜富豪男友條件好多女埋身,朱晨麗最終拑唔實,數月前,二人又再次分手。

名畫過百萬起跳

富貴光環消失,但用了兩年時間收集脈絡,朱晨麗仍得到一班名媛支持,最近她跟幾個闊太合資,在淺水灣開高檔畫廊,基本如岳敏君畫作,最平百幾萬起跳,顧客非富則貴。「Jimmy教咗朱晨麗好多有關投資嘅學問,所以帶挈佢賺唔少。一四年,佢用七百萬買咗將軍澳The Parkside兩房單位,第二年已經可以一炮過俾晒錢。其實同Jimmy一齊最賺到嘅係人脈,有機會黐吓啲有錢太搞生意,藝術品海鮮價不斷升值,只要有門路,長做長有。」知情者說。

黐阿太謀後路

雖然朱晨麗在大台拍劇機會不少,但大多是做「女二」,加上被陳凱琳、蔡思貝、麥明詩等後來居上,朱晨麗決定將眼光放遠,積極為自己謀後路,對畫廊生意,非常着緊。上月尾,朱晨麗去完緋聞男友黃子恆的時裝店開幕,和邵氏大型記招後,便跟幾位闊太拍檔去淺水灣打點新鋪。只見她在場指指點點,跟拍檔商量畫作的擺放位置,甚有老闆娘風範。睇完鋪,一行人到利園食晚飯,之後由友人的司機送返天晉寓所。冇咗富豪男友,仍然有一班有錢太呵住,朱晨麗繼續富貴!

張玉珊、姚子羚箍唔住

現年41歲的電子大王劉紀明,是城中低調的鑽石筍盤,08年曾與張玉珊傳出婚訊,此外,他同大台姐仔姚子羚亦傳過緋聞。劉紀明父親是億利達集團創辦人劉永齡,以生產Olympia打字機及室內無線電話起家。子承父業,劉紀明現為該集團主席,又是上海市政協港澳委員。坐擁百億身家的劉氏家族持有40多間公司(非上市公司)包括億利達機械集團,在內地多個省市設有幾十萬平方呎的生產基地;家族在港擁多個億萬物業,大部分集中舂坎角一帶及白建時道的幾萬呎獨立屋,至於劉紀明自住的四萬呎大宅亦位於舂坎角,現市值約八億。10年,其家族曾以3.2億沽出觀塘工廈。身家幾代都食唔晒!劉紀明近年開始活躍教育公益,今年與深大合作建立「深圳大學劉紀明數學中心」,培育國家人才。

高登女神

朱晨麗是高登女神,裙下臣更加絡繹不絕。不過,緋聞男似兵多過似男友,真命天子,收得好密實。

黃子恆16年7月,無綫二打六黃子恆被爆出與仍未離婚的裕美相戀,搞到滿城風雨,但轉頭黃子恆已轉向,被發現與朱晨麗打完羽毛球,再撐枱腳三小時。女方否認戀情,只以「好兄弟」形容雙方關係。

李逸朗15年4月,李逸朗(Don)與朱晨麗被拍到前後腳入場睇戲,更攬住返男方寶林邨屋企,之後Don落樓外賣老麥,兩粒鐘後,朱晨麗才獨自離開打的回家。當時朱晨麗未有承認戀情,聲稱二人是「閨密」。

李晉強12年1月,24歲的應屆港姐朱晨麗與港男李晉強暗撻三個月,二人坐港鐵拍拖挨到實斷正,事敗後即彈開各行各路,戀情維持半年告終。

撰文、攝影、攝錄:娛樂組
淺水灣 淺水 畫廊 朱晨 晨麗 麗搭 搭上 上張 張玉 玉珊 珊百 百億 舊愛
PermaLink: https://articles.zkiz.com/?id=315400

朱晨麗自畫像送男友

1 : GS(14)@2016-11-20 23:52:09

朱晨麗(Rebecca)有份投資的淺水灣畫廊昨日開幕,鄺美雲、黃百鳴、黎燕珊、黎小田和鄭明明支持。Rebecca表示跟兩位朋友夾份投資,她說:「一直都鍾意畫畫,後來開始跳舞同拍劇就冇再畫,今次總共投資咗七位數,不過都唔及一幅名畫嘅價值。」Rebecca透露第一幅自畫像是素描畫,送了給初戀男友,她說:「幅畫係畫兩個人拖住手,仲寫咗首詩。」問Rebecca現在會否有興趣再提筆畫畫?她說:「睇吓有冇時間同心情啦。」又會否畫人體素描呢?她說:「冇所謂,都係藝術一種,要開始留意吓拍劇嘅對手,睇吓有邊位身形OK,可以做我嘅model。」採訪:曹家誠攝影:沈健程




來源: http://hk.apple.nextmedia.com/entertainment/art/20161119/19838453
朱晨 晨麗 自畫像 男友
PermaLink: https://articles.zkiz.com/?id=316280

【馮仁昭四圍超】朱晨麗錫郭晉安復仇

1 : GS(14)@2016-12-03 05:12:35

劇照





《致命復活》劇情高潮迭起,郭晉安被綁架住荒島十年,返番現實世界乜嘢都冇晒,包括老婆同事業,一切生活重新做起。前晚講到朱晨麗送上門,好多人都有十萬個為甚麼,原來朱晨麗就係被一秒輪姦嘅陳庭欣個妹,同家姐一樣,佢都好鍾意郭晉安,但家姐喺單綁架案入面死咗,於是佢就想喺郭晉安身上搵線索,為家姐報仇,呢個死亡之吻,就會掀起另一個高潮。撰文:馮仁昭




來源: http://hk.apple.nextmedia.com/entertainment/art/20161202/19851946
馮仁 仁昭 四圍 朱晨 晨麗 麗錫 錫郭 晉安 復仇
PermaLink: https://articles.zkiz.com/?id=318106

朱晨麗偕母迪士尼慶生

1 : GS(14)@2016-12-17 23:54:34

■朱晨麗和媽咪與《星戰》的白兵合照。



剛剛29歲生日的朱晨麗,有來自蘇州的家人陪伴一齊度過,日前她跟疑似朱母和一女友人帶同兩名小孩到迪士尼樂園玩!當日是朱晨麗正日生日,而朱媽媽則專程來港為女兒慶生,現場所見朱晨麗非常高興,她跟卡通人物影相,又陪媽咪玩機動遊戲,沿途細心扶媽咪上落。巡遊期間,她們遇到《星球大戰》的白兵,便第一時間衝上去影相。朱晨麗穿上短裙大晒長腿,沿途更有不少人一眼便認出她,還有人上前跟她合照,她全部來者不拒!其間同行的兩名小孩,突然間扭計,朱晨麗即刻充當歡樂小姐氹他們開心,之後她又跟朱母一齊玩自拍。採訪、攝影:畢紹基、孔志豪




來源: http://hk.apple.nextmedia.com/entertainment/art/20161217/19867844
朱晨 晨麗 麗偕 偕母 迪士尼 慶生
PermaLink: https://articles.zkiz.com/?id=319364

朱晨麗自爆喪食增磅

1 : GS(14)@2017-02-12 13:52:39

朱晨麗昨日在灣仔為婚紗展擔任模特兒行騷,元宵節要在工作中度過,問她有沒有男仔約會?她笑說:「有,我爸爸,佢都係男仔,今晚約咗屋企人食湯圓,媽咪特登買湯圓,叫我放工早啲返。」雖然未拍拖,但她仍堅持保持神釆,要有最佳的狀態。早前新年放了兩日假,她因放任狂食賀年食品而增磅不少。另外,前晚港鐵尖沙嘴站發生縱火案,朱晨麗希望傷者早日康復,社會能平安。她平時也會搭港鐵,未遇過身邊乘客有異樣,她說:「平時出入為求方便都會搭,但未遇過乜嘢事,只要注意身邊人,亦唔好食煙食嘢。」採訪、攝影:王連連




來源: http://hk.apple.nextmedia.com/entertainment/art/20170212/19925498
朱晨 晨麗 麗自 自爆 爆喪 喪食 食增 增磅
PermaLink: https://articles.zkiz.com/?id=326551

朱晨麗租15萬栢舍郭羨妮有四小強護身

1 : GS(14)@2017-04-22 10:22:27

選港姐被指係入娛圈捷徑,但當中有唔少港姐出身嘅佳麗,喺大台捱騾仔搵萬零蚊之餘,衣食住行忽然離奇十級跳,收入與支出變成一個平行空間,究竟憑乜富泰?至今依然係一個謎!好似11年度港姐冠軍朱晨麗,前年被指喺無綫月薪僅得15,000元,但竟然出入有司機七人車接送,全身名牌,仲試過坐頭等機位歐遊,而且又由將軍澳寓所搬到當時月租15萬嘅金鐘太古廣場栢舍服務式住宅,再用700萬購入將軍澳The Parkside。有指佢由「麻雀變鳳凰」,全靠泊到「殼王」陳國強碼頭,舊年另傳佢同張玉珊百億舊愛劉紀明有戀事,所以變得富貴,仲喺淺水灣開畫廊。而99年港姐冠軍郭羨妮,就喺07年被指搭上殼王,有指佢旋即脫離拍劇捱日子生涯,Benz跑車兼進駐西貢獨立屋豪宅,更喺電影《臥虎》中擔任第一女主角,拍戲又有「四小強」保鑣貼身護駕,富貴氣焰迫人來。不過,有指郭羨妮嘅女王生活只維持短短6個月,之後就打返原形,重過平民生活,現已成為人妻人母。



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170420/19995819
朱晨 晨麗 麗租 15 郭羨妮 有四 小強 護身
PermaLink: https://articles.zkiz.com/?id=331056

【馮仁昭四圍超】朱晨麗送吻賀何廣沛

1 : GS(14)@2017-08-04 06:35:46

最近喺劇集《超時空男臣》入面飾演公公嘅何廣沛(小冬),今日29歲生日喇。劇中小冬被飾演「二小姐」嘅朱晨麗力追,最近朱晨麗不時喺Ig上載好多佢同何廣沛嘅甜蜜劇照,為慶祝「男朋友」生日,朱晨麗噚日貼上扮咀何廣沛嘅相,仲留言話:「生日快樂大個仔啦,生生性性吖!」何廣沛個樣都好冧吓。撰文:馮仁昭




來源: http://hk.apple.nextmedia.com/entertainment/art/20170804/20110712
馮仁 仁昭 四圍 朱晨 晨麗 麗送 送吻 吻賀 賀何 何廣 廣沛
PermaLink: https://articles.zkiz.com/?id=339605

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019