ZKIZ Archives


周日專訪 惠英紅:我買樓未輸過

1 : GS(14)@2010-12-20 23:39:21

http://hk.apple.nextmedia.com/te ... 307&art_id=14781291
《義海豪情》裏的楊師奶,保守而錙銖必較,靠丈夫留下的物業出租,養大兒子。現實中的惠英紅同樣保守、同樣識計數,買樓收租,善價而沽。 97年後高價買入坑口物業,一買即「蟹」,靠租金回報守到「翻身」,保住買樓未輸過紀錄。她說,「家有多餘錢如果擺銀行,倒不如買『磚頭』。」
記者:陳皓怡 攝影:程志遠

惠:惠英紅 記:記者

惠:呢 20年一直有留意樓價上落,成日覺得 10年左右(冧市)就會嚟一嚟。 97年大冧市前兩個月,我將最貴間屋(匡湖居)賣咗,承接我嗰個人就慘。因為佢短炒,佢放俾人哋,但人哋接唔到,結果要打官司。我買嗰陣 300幾萬,賣出嚟成千幾萬,佢都走去接,我覺得個波要爆。最近我都覺得個波會爆。
記:你覺得短期樓市會下跌?
惠:我相信呢個波爆咗之後,年零兩年就會嚟返,因為好多內地嘅人會嚟買。好平、區分差啲嘅,唔會有咁快復蘇,但五、六百萬啲樓,地點適中嘅樓,反而係最安全。
記:那麼最近有買樓嗎?
惠:有,上個月買,今個月先交樓,我會買一啲用嚟放租嘅。我最近喺東港城買,因為東港城屬優質樓,有港鐵。我亦問過晒租價,都幾高,若用嚟當投資就 OK。過多半年左右,睇個市落幾多,會買番間差唔多中和番之前個價。
記:為何現在仍入市?
惠:家有多餘錢如果擺銀行,倒不如買「磚頭」,因為家租金回報率,拉勻差唔多有 5至 6厘,但擺喺銀行,我當你係好大一嚿錢,都係得零點幾厘息,等於嚿錢喺度貶值緊。



「揸一成首期去炒好危險」

記:你會投機短炒嗎?
惠:我以前都有短炒,風險大啲,因為唔會只玩一間。譬如四、五百萬嘅樓,短炒首期好少,好快就放,通常呢啲會貪心,可能會擸住 3、 4間,但乘番條數,萬一要孭上身,嗰度係幾千萬。我家通常會買 400萬至 500萬嘅樓,但買咗之後放租。
記:投資物業未嘗損手?
惠:有啲師奶借錢炒樓,揸住 10%首期就去炒,我覺得好危險,我唔會咁做。我冇賭運,如果我唔用賭博嘅心態,可以賺到錢。我好缺乏安全感,唔玩 8個蓋冚 10個樽,通常一定我有嘅,先至會去賭,仲要唔好太入肉。
記:從哪時開始投資物業?
惠:好細個就知道「磚頭」,有咗間屋就好容易儲錢,因為租永遠都冇用,你係唔會返轉頭。我同細佬妹講,你一毫子都唔使畀我,儲埋去買間屋,租出去,用人哋畀嘅租,冚你嘅供款,將來結婚就唔使將你嘅人工去交租,錢就容易儲。
記:你很強調儲蓄的重要性。
惠:我可以好闊佬, 100蚊,我有 50蚊可以全部使晒佢,但剩番嗰 50蚊你唔好搞我,一定係我收埋。我好缺乏安全感,我覺得呢啲係畀我起碼到 85歲唔死,我都一定有錢食到 85歲,呢個係我畀自己嘅一個目標,呢份就係我嘅安全感。
惠英紅簡歷

家庭狀況:香港出生,本有兄弟姊妹八人,因家貧兄姊被賣斷學京戲
家庭背景:家族是滿州正黃旗人,父親大戶人家,因文化大革命期間被清算,父親帶妻兒逃難到香港
1964年:在灣仔一帶叫賣養家
1972年:下課後到美麗華夜總會當中國舞藝員
1974年:試鏡會上獲名導演張徹賞識,成邵氏基本演員
1982年:憑《長輩》奪首屆香港電影金像獎「最佳女主角」
2000-2005年:演藝事業陷入低潮,反在商界賺大錢
2005年:再次活躍於演藝圈
2009-2010年:憑《心魔》獲香港電影金像獎「最佳女主角」等七項大獎
「滙豐都畀我搭沉船」

投資物業從未損手,但其他投資則幾乎沒贏過。惠英紅即使機關算盡,穩陣至上,不沾手迷債、 Accumulator,但買債券仍難逃一輸。她買的是雷曼債券。
「當初選擇時,係考慮到佢有百五年歷史,背景好。」不過,縱使屬於第二債權人,但至今仍未獲賠償,眼白白見到投資的 400萬元「凍過水」。
惠英紅亦有投資股票,「買邊隻死邊隻,所以我話我冇賭命,買仙股又死、買貴股又死,買滙豐( 005)都死。」她只買過 5隻股票,包括銀行股、油股,煤礦股等,當中滙豐約 120元買,「真係慘,滙豐都畀我搭沉船!」
惠英紅眼中,股票與賭博沒兩樣,「今日一買,第二日,吓?跌咗十幾萬?吓?又十幾萬?每日十幾萬、十幾萬咁,我唔係李嘉誠,開始怯。我都係買咗 20萬啫,最後得番 2000蚊。」惠英紅所講的是華益控股,現已易名為亞洲物流( 862)。
「我最鍾意新鴻基」


「英雄莫問出處」,七料影后惠英紅, 4歲就在灣仔叫賣養家,自小看盡人性百態,亦悟出賺錢之道。 17歲入電影圈,已可斥逾 8萬元購入紅磡一單位, 97金融風暴前兩個月,靠自己的眼光轉手大賺 700萬元, 97年後再入市,高價買入將軍澳坑口區一物業,怎料樓價未見底,但她靠租金回報守到「翻身」,保住買樓未輸過紀錄。
影后除了演技了得,投資技巧同樣不容小覷。她選擇物業,有一套心得。「先睇邊個地產商,再睇就係區分,如果嗰個地方只係得的士出入,人哋唔會租,所以要識揀。」
如何選發展商,她說:「最鍾意係新鴻基,由 99至 00年啲樓質素好高,啲則係靚嘅,亦唔係太『發水』,用料都幾靚,而且唔會呢邊閂門,隔幾層都聽到。」
搞生意淨賺 2000萬

82年憑《長輩》奪首個金像獎最佳女主角。 28年後,憑《心魔》再奪金像獎最佳女主角,更成為「七料影后」。惠英紅說,曾步入女演員的尷尬期,進退維谷,差點放棄自己的生命,但演藝事業的低潮正是她在商界賺大錢的歲月。
賺女人錢要捉準時機

與很多女演員一樣,超過 30歲踏入艱難歲月。「嗰陣三十幾,演十幾廿歲嘅角色,又過唔到自己嗰關,演 40歲自己又唔想。」在近 5年演藝事業真空期,她做過兩門生意,都是搵女人錢。
「我係一條點樣嘅命呢?去到咁上下,就會遇到一啲機遇,好似做生意咁,都唔係自己安排做。」投身影圈以來,惠英紅同時做過不同的生意,經驗令她學到做生意,「時機要捉得準,特別係女人錢」。這 5年裏, 3年做減肥機生意,賺得最多,她與好友鍾慧冰共賺逾 2000萬元。另外,開設美容院亦賺近 400萬元。
「穀種唔可以蝕」

很多女演員希望最終能跳出影圈,創一番事業,但惠英紅卻暫不考慮再戰商場。不是很成功嗎?「做生意未必係賺錢,如果一鋪又蝕、兩鋪又蝕、三鋪又蝕,當時喺尷尬期,明白穀種唔可以蝕,一定要賺。嗰陣壓力好大,要做好多嘢,打咗好多人情牌。」
事實上,惠英紅首次從商即蝕,她的第一盤生意是搞飲食,「廚房話你知一斤菜賣 10蚊,原來可以用兩蚊買,你去查佢咩?大廚拉大隊走人!」自言不能落手落腳去做,飲食業亦非專長,「做生意始終係由自己銀包攞出嘅錢,如果自己冇時間睇,將嚿錢求其去買大小,咁我唔會賭呢一鋪。」
周日 專訪 惠英 我買 買樓 樓未 未輸 輸過
PermaLink: https://articles.zkiz.com/?id=272168

官義岱 給力 拆拿 薄熙來仍未輸晒

1 : GS(14)@2013-10-01 16:27:51

http://www.metrohk.com.hk/index.php?cmd=detail&id=220587&search=1

薄熙來雖然今次判咗終身,但阿爺對佢,可以話係「仁至義盡」。點解咁講呢?過去,黨政領導貪污兩千萬元,好多都重刑過薄熙來。2000年原江西省副省長胡長清貪污544萬,死刑立即執行。2007年原藥監局長鄭筱萸貪咗649萬,都係死刑。薄熙來貪兩千萬只係判終身,算係「輕判」。況且,佢有可能坐十零年監就可以假釋。不過,阿爺留咗一着,就係剝奪政治權利終身,務求要佢無辦法東山再起。經過今次庭審,可以話薄熙來已經由神壇跌咗落嚟,但偏偏各位不可以就此判定佢一定玩完。點解咁講呢?所謂今日唔知聽日事,難保有朝一日,左翼路線會再次興起,到時薄熙來有可能喺某個時刻被特赦啟用,如果天下大亂,薄熙來絕對有可能成為民粹領袖被請出山。若然中國未來有一天實施多黨制民主,薄熙來仍可能成為極左政治力量嘅代表人物。總之,大家絕對唔可以話實佢冇得再玩!(薄案分析五之五‧完)








官義岱
官義 義岱 給力 拆拿 薄熙來 仍未 未輸 輸曬
PermaLink: https://articles.zkiz.com/?id=283767

揭十買十賺 未輸過 師奶樓神毛舜筠逆市贏錢秘笈

1 : GS(14)@2016-06-20 03:37:14

2016-06-08 EW

相隔六年重返無綫拍處境劇的毛舜筠,劇中飾演財務助理,管數了得,其實戲內戲外一樣精明,現實中在投資地產和股壇方面,從未蝕過錢,炒樓廿七年至今,單是賣樓已獲利三千一百多萬,全部有賺冇輸。至於炒股則主力買藍籌,但見好就收,逆巿都一樣有錢賺。

成績彪炳的她,早前獲邀出席投資講座大談心得,直言︰「我唔算好叻,但係就會賺錢。」故近年她都是打風流工,閒時跳舞、做瑜伽、遊埠等,學廚也要飛到巴黎;拍檔黎耀祥也大爆她是「隱形富婆」。

低入高賣

現年五十六歲的毛舜筠,隨着兩個女兒長大,大女令山已到加拿大留學,細女亦山亦已上中學,今年初見無綫搵來同是演技派的黎耀祥和陳國邦跟她做對手,她才答允出山拍處境劇《愛.回家之八時入席》。

向來工作為興趣的她,皆因投資理財了得,炒樓更是主要收入來源,自八九年開始投資物業,先後擁有十個物業。由於她做足功課,所揀都是傳統豪宅區的九龍塘、跑馬地等,貪有名校網及配套充足,巿場需求大,永遠長賣長有;加上她眼光獨到,每次都是低入高賣,從冇損手,至今共賺三千一百多萬。她自認是個有遠見的投資者,說︰「投資樓巿,我通常都會先畀一筆錢出嚟,然後放租畀人幫我供,我唔鍾意短期炒賣,長揸總有着數。」街外錢一齊搵,她還向好姊妹蔡少芬傳授投資之道,將持有的沙田單位賣給前保安局局長李少光,蔡的賬面淨賺百幾萬。

見好就收

毛舜筠自言從前賺到錢就愛買珠寶,不過首飾買多過戴,最終只放在保險箱,但嘗過炒樓賺錢後,已未有再買珠寶,錢搵錢更實際,由樓宇投資踩埋過股票巿場。

自九五年趕移民賣樓賺了一筆,她回流後因睇了投資理財必看的《窮爸爸.富爸爸》而大受影響,本來對股票一竅不通,惟有每日學習睇財經版,由睇唔明到開始懂得掌握,更攞炒樓賺的錢轉投股票,在股壇同樣戰無不勝,冇輸過。

早前她跟張堅庭及著名股巿評論員陳永陸出席投資講座,她毫不保留公開其心得,「我唔算好叻,但係就會賺錢,我嘅投資心得就係唔好貪心。見好就收,好有信心嘅,就擺耐啲,我唔信消息,乜嘢會上到八千點到萬二點,有講等於冇講。至於心水,我專注買藍籌,如和黃、滙豐等等。我唔買期指,只會細細哋玩吓。朝早開電視睇下個巿,賺少少就放,其實我買股票都靠運氣,但唔會博。」

拒買基金

身為長勝將軍的她,一直主張投資要穩陣,縱使金融海嘯都未有觸礁,惟獨○六年被相熟銀行員工游說買基金即出事,三個月即蝕十多萬。

事後她向傳媒爆大鑊,「我一向唔買基金,覺得畀銀行抽佣唔抵,嗰陣有百幾萬,打算喺半年後用來買樓,畀銀行講到基金回報好、好穩陣,最後畀佢咗,但唔夠三個月,銀行打嚟話蝕咗十幾萬,又話長線投資冇問題,但我講明係短線投資半年,佢就叫我止蝕。」由於她覺得銀行存欺騙成分,揚言要開記者會,幾經交涉,銀行只肯賠本金,幸慶不致血本無歸,因此她發誓以後不再沾手基金。

開工快閃

一早搵夠的她,拍戲拍劇反變副業,自一○年拍畢處境劇《天天天晴》後,至今年初才復出拍《愛.回家》,貪處境劇開工時間穩定,收工還可以回家吃晚飯。早前她被指要求多多,因自己用錯粉底,竟要求劇組重拍,且開工期間又經常黑面。

日前早上她駕車到數碼港,跟黎耀祥、胡渭康、陳國邦等拍外景。當日天氣炎熱,身穿婆仔背心的她,到場後一直留守室內涼冷氣,期間獲工作人員悉心整頭和化妝,弄足一個鐘。但她僅拍了一場戲,約半小時已收工。快來快閃,有工作人員透露︰「毛姐唔舒服,走先!」結果改先跳拍其他演員的部分。

法國學廚

打風流工的她,未開劇前生活優哉游哉,閒時打網球、跳舞、踏單車、玩高空瑜伽等;每逢兩個女放假,一家四口又會出埠旅遊,早已周遊列國;兩年前大女過加拿大讀書,她不惜停工陪女到當地適應生活。玩多過做,就連拍檔黎耀祥也大感羨慕,曾當住她面前笑說︰「毛姐鍾意旅行,見佢環遊世界好開心,自己仲係草根演員,仲要捱,我都想好似你咁,有咁多錢,唔使拍劇,有人爆你係『隱形富婆』。」不過她馬上轉移視線,拉開話題。

向來識歎的她,計劃辛苦拍劇後,即明年一月飛往法國繼續修讀藍帶廚藝學院的烹飪課程,整個課程共廿七萬多港元,而去年她已完成第一級,她說︰「藍帶課程共分三級,初級課程最辛苦,希望捱埋其餘兩個課程。」待畢業後,她有意出書和做烹飪節目,但怕太困身,不會開食店,還是留時間給家庭和投資方面,似乎收穫更多。

炒樓達人

毛舜筠多年來眼光獨到,投資的物業均穩賺無賠,一轉手身家即翻了幾倍,廿年間靠炒樓賺逾千萬,認真厲害!

索千金 吸睛相簿

經歷三段婚姻的毛舜筠,九四年下嫁電影兼美術指導的第三任丈夫區丁平,婚後育有兩女區令山(21歲)及區亦山(15歲)。由於是她一手一腳湊大,母女感情要好,對於兩個女的個性,她指大女聽話,幼女則較反叛。而兩女自小入讀港島的國際學校,直至發現大女思想早熟,七歲半時已帶男同學回家,踏入青春期已問她十六歲可否拍拖。緊張的她,主張女兒學業為重,不惜舉家由港島搬到沙田,並送女入讀校風較純的基督教國際學校(ICS)。

大女令山高中畢業後到溫哥華的英屬哥倫比亞大學(UBC)升學。長得亭亭玉立的她,盡得阿媽美貌真傳,甚得當地男孩子歡迎,現有一個叫Andrew的男朋友 ,她不時在網上大方放閃錫錫和溫馨拍拖照,打得火熱。

撰文、採訪 娛樂組 攝影☆娛樂突發組 設計☆黃潤群
揭十 十買 買十 十賺 未輸 輸過 師奶 奶樓 樓神 神毛 毛舜 舜筠 逆市 贏錢 秘笈
PermaLink: https://articles.zkiz.com/?id=302127

創辦人曾稱未輸過沽空官司

1 : GS(14)@2016-10-20 08:01:25

【本報訊】今次被判罪成的Citron創辦人Andrew Left,原來靠沽空股票搵食已經很多年,他曾表示過,從沒有輸過任何一個由沽空報告所引起的官司,而恒大(3333)則是Citron首次登陸香港狙擊的股份,可能連Left自己也未想過會因狙擊恒大而被禁足香港股市。有報道指,今年46歲的Left於美國大學畢業後,曾經在期貨公司工作,之後開始沽空生涯,並於十多年前成立Citron,他曾自言自己的金融專業知識就是靠多年來沽空股票而來。Citron自2006年起「看上」中資企業,截至2011年五年間曾狙擊的18家海外上市中資企業,當中有15家企業的股價跌幅超過三分之二,有7家更要退市收場。2012年他狙擊恒大,就是其首次質疑在港上市的中資企業,但2014年Citron被證監正式起訴,去年Left就向傳媒表示,已沒有興趣研究及投資A股和港股,未來將會專注投資美股。去年10月Citron曾狙擊加拿大製藥廠Valeant,質疑Valeant利用旗下藥房的連繫,虛構銷售幻象,拖累Valeant的股價由高峯期時大跌87%。




來源: http://hk.apple.nextmedia.com/financeestate/art/20161020/19806468
創辦人 創辦 曾稱 稱未 未輸 輸過 沽空 官司
PermaLink: https://articles.zkiz.com/?id=312814

參選未輸過美首名華裔州參議員:改變現狀要從政

1 : GS(14)@2017-06-18 22:07:07

現時美國政壇不時看到華裔面孔,但今年已89歲的鄧稚鳳(Mae Yih)可算當中領頭的佼佼者。作為美國史上首位華裔州參議員,她服務俄勒岡州(Oregon)長達26年。鄧稚鳳在紐約接受《蘋果》訪問指,如要改變現今社會上的缺失,華人對政治不能再置身事外,「在決策過程中,所有人必須參與發聲,為社會改變作貢獻」。駐紐約記者:鄭柏齡鄧稚鳳應美國華人博物館館(MOCA)及百人會(C100)邀請,在紐約舉行新書發佈會。1976年當選俄勒岡州眾議員、1982年晉升州參議員的鄧稚鳳,把26年從政點滴寫成新書《東方遇見西方:一座溝通祖國與居住國之間的理解、友誼、信任、和平與繁榮的橋樑》(East Meets West: A Bridge to Understanding, Friendship, Trust, Peace and Prosperity Between My Mother and Adopted Countries)。書封面上,鄧稚鳳在前總統朗奴列根陪同下,與中國前領導人趙紫陽握手見面,正好印證這位華裔女性在美國政壇的歷史地位。發佈會後,鄧稚鳳接受《蘋果》專訪,憶述70年代俄勒岡州華人選民極少,議席得來不易,「選民支持我的原因,不在於華裔身份,而是我用心工作」,她表示,當年逐家逐戶拜訪選民,直接了解選民訴求,相反,對手只在報章上賣競選廣告,「我每日工作十多小時,回電話、回信件,永遠最晚一個離開辦公室」,最終,鄧稚鳳在1976年贏得選舉,至2003年退休時,經歷6場選戰從未落敗。「總統傑佛遜說過『管事最少的政府,就是最好的政府』,這是我的從政理念」,鄧稚鳳表示,擔任州參議員期間,以推動減收房產稅、完善公立學校制度,及與中國建立經貿關係三項政績深感自豪,「減收房產稅最複雜、困難,但我跟丈夫皆認為,遇到困難唯一解決方法,只有加倍努力克服」。與當年全州華裔居民不到0.5%相比,現時全美華裔人口達400萬,但華人卻絕少涉足政治,「在政策過程上,每個人皆需要參與,為改變社會作貢獻」,鄧稚鳳續說,當對某些事情感到不滿時,除了投票支持心儀代表外,最佳做法是直接參政,而且「必須競選連任,一屆任期時間不足夠帶來改變」。在1992年,鄧稚鳳率團赴福建考察,為美國商人早期在中國投資探路。目前,俄勒岡州是全美少數、對華錄得貿易順差州份,「我總算作出一點點貢獻」,出生於上海的鄧稚鳳認為,中美之間要建立經貿合作,總統特朗普需先了解中國文化及認識兩國差別,「互相尊重,了解雙方共識在那裏,關係只會建基於友誼之上」。




來源: http://hk.apple.nextmedia.com/international/art/20170617/20059214
參選 未輸 輸過 過美 美首 首名 華裔 參議員 參議 改變 現狀 從政
PermaLink: https://articles.zkiz.com/?id=335994

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019