ZKIZ Archives


財金猛人 趙世曾:唔結婚都要有仔女 李華華

2010-12-6  AD




 

新地(016)郭氏兄弟決裂、南豐姊妹反目,單單精采幕幕新鮮。全港市民等睇戲,估吓下一家反面嘅係邊個望族。船王之後、自己亦已創一番事業嘅卓能(131)主席趙世曾話,絕對唔希望自己嘅仔女,第日都會係咁。

佢話:「我都有各種準備同分配,做得好仔細o架,三個仔女唔同媽咪嘛,更加小心啲同佢哋做好善後準備,唔可以馬馬虎虎……內容唔講得,而且遺囑隨時可以改得o架嘛,所以做得清楚啲,將來唔會有糾紛。」

做好準備免子女爭產

「每個人都希望自己事業成功,賺多啲錢o架,到咗下一輩就會產生啲爭產嘅問題,如果你無幾多財產,咁咪無人爭囉,大家兄弟姊妹反而和諧啲。」

南 豐陳家發生嘅事,趙世曾形容係「不幸」,「人生就係咁o架喇,你想成功,又賺多個錢,後面就會有啲咁嘅問題發生……o依家唔係淨係遺產嘅問題,係太太要求 離婚喎,唔使睇張遺囑都分咗畀你先喇,有份分遺產嗰啲梗係反對,咁睇吓個官點睇喇。照計太太要求離婚,無理由唔畀佢離喎,只係唔知佢嘅財產,有無做到入基 金入面,如果喺基金入面,太太都郁唔到。」

o依家仲係「單身」嘅趙世曾話,純粹以法律角度睇呢單嘢,因為人哋嘅家事,佢都唔清楚,雖然佢以前同陳廷驊好熟。

離婚後遺多現擁5女友

離婚可以導致俾人分一半身家,呢個可能係趙世曾唔結婚嘅最大理由,「我都有啲朋友係接近啲嘅(指關係親密、穩定嘅女朋友),但結婚機會就細啲,受制於香港嘅法律,如果婚姻失敗,會產生好多後遺症」。

「一個男人可以唔結婚,但仔女就一定要有,有啲人因為唔結婚而無仔女,就唔好……唔結婚都可以好happy,一種種人嘅choice啫,有啲人鍾意結婚,有啲人唔鍾意,我就屬於比較自由嗰種人,但係仔女一定要有!」

趙 生呢套理論都幾多人buy,至少城中兩大鑽石王老五──李澤楷同李家傑都係咁諗,只不過後者搞到有啲論盡。據趙世曾講,男人真係要步入戀愛嘅墳墓,四十幾 五十歲先係「適當死亡年齡」,千祈唔好後生結婚,佢教自己個大仔都係咁;但係open嘅另一面就出乎意料咁封建,「個女就唔同嘞,女仔一定要結婚,仲要越 早嫁人越好!」

單身自由到爆,但係又有仔有女,趙世曾已經做到,佢仲經常拖住唔同嘅女伴穿梭社交場合,咁樣亦係佢嘅養生之道,「做多啲運動,人生開心啲,交多啲女朋友喇……」最後,佢默認約有5個穩定嘅女朋友,其他拖住畀大家影嗰啲,唔係喎!

對股票專一九成長揸

趙世曾嘅「專一」似乎只適用於股票,而唔係喺女人身上。「基本上,我九成股票係長揸嘅。」但強調無話死古古,「起得快,就賣咁啲;跌得快,就買番啲;如果我揸嘅股票唔到價,就永遠唔會賣,係三個大原則喇!」

有無必殺技呢?「最弊係跌嗰陣,(如果)個個去搶,你又去搶;(如果)跌到嚇親,你又去『揼』,咁係無辦法翻本嘅……除非買到一隻好差嘅股票,否則好難5年10年都唔起嘅,好少好少……總之有得賺我會走,呢個世界無撈底呢樣嘢。」

 

呢 幾個月股市風高浪急,但係趙世曾話投資策略無乜變,唯一唔同嘅係投資組合,「以前係藍籌多,o依家係紅籌同H股多啲,佔一半以上,香港就買公用股收息,滙 豐(005)就長揸。」趙生最長情嘅,原來係大笨象而非美人,唯一同佢絕緣嘅應該係地產股,「地產股好,即係地產好;地產好,我做地產嘅都好,所以唔需要 揸地產股。」

講開地產,卓能嘅地皮好早買落、又唔係做地產代理,所以趙世曾可以準時5點收工去打波,「政府干預基本上係OK嘅,香港政府同大陸一樣,做緊宏觀調控之嘛,呢次藥就重啲,啲地產代理好唔happyo架,點搞?修正吓囉,加到7%至唔超過10%就夠啦。」

講到發水限制,「發水兩成都OKo架,啲樓起出嚟靚啲之嘛!政府一味出口術,出唔到就落重藥,又嚇你唔減就再重啲……有少少打錯好人,太犀利係會整『彎』個市道……要收手嘞!」

後記

下晝5點做完訪問,74歲嘅趙世曾,趕住由灣仔過海去何文田打籃球;30出頭嘅攝影師,趕住去睇跌打,醫膝頭哥舊患;視年齡如秘密嘅華華,一走出門口就幫發炎嘅左手手筋搽藥膏。養生之道,都係得個聽字。

李華華

LiWaWa@AppleDaily.com

 


財金 猛人 趙世 世曾 結婚 都要 要有 有仔 仔女 華華
PermaLink: https://articles.zkiz.com/?id=20078

個唱有仔有淚有肉睇張繼聰台上示愛冧阿Kay

1 : GS(14)@2015-12-16 09:28:47

■張繼聰為個唱狂操跑步做gym,大騷腹肌胸肌鋼條身形。


張繼聰前晚在九展舉行演唱會,老婆謝安琪(Kay)與兒子張瞻、好友白只當然席上支持,還有陳凱琳、林夏薇、方力申等來撐場。阿聰在台上當然多謝Kay,囝囝有上台獻花,亦重提曾幫陳奕迅作歌,之後齊齊捲入已婚三角緋聞搞氣氛,笑言「榮幸」。阿聰更安排特別環節憶亡友在生時對他鼓勵,獻唱當時紀念他而作的《是什麼》時流淚,表達感性一面,更表示:「我最重要嘅人都喺度。」最後個唱尾段,他大唱快歌勁騷六嚿腹肌及兩塊大胸肌,Kay就在台下跳不停。
Kay雖沒有上台,阿聰都大講肉麻情話:「記得出道後,有一年3月13日,第一次上《勁歌金曲》,有個女仔3月13日生日,咁啱喺屋企睇住電視,聽到有個男仔好有型彈結他唱歌,呢個女仔後來變咗我太太。」



■Kay與囝囝張瞻全晚坐唔定舉橫額撐阿聰。

■阿聰囝囝張瞻上台獻花,為個唱大添溫情。

■阿聰展舞姿,與舞蹈員大跳貼身舞。


■阿聰在台上憶念自小扶持他的亡友,一時感觸流下男兒淚。

「我老婆冇得頂」

阿聰完騷後接受訪問,透露之前為了操肌,要食清淡烚菜節食狂做運動,更因此脾氣暴躁:「我老婆冇得頂,試過有次夜晚跑完步,返到屋企想食麥皮豆漿,打開雪櫃乜都冇,嗰時好嬲惟有去瞓,第二朝打開雪櫃擺滿晒食物,工人姐姐爆料話Kay半夜三更揸車去買,好多謝佢對我好脾氣,同埋佢舞台經驗豐富過我,需要佢技術上協助。」記者問阿聰為何不叫Kay上台,他笑言:「好嘢留返畀自己。」採訪:曹家誠攝影:陳慧安





來源: http://hk.apple.nextmedia.com/entertainment/art/20151214/19410861
個唱 唱有 有仔 仔有 有淚 淚有 有肉 肉睇 張繼 聰臺 臺上 示愛 Kay
PermaLink: https://articles.zkiz.com/?id=293934

【未做爸爸】港男都想有仔趁嫩生?

1 : GS(14)@2016-06-20 05:50:18

現今社會興遲婚,導致男男女女都越來越遲才生小朋友,我們在街頭訪問了一些男士,看看他們認為男人幾多歲做爸爸才是最理想,當中又有甚麼考慮因素?



另外,其實男人做爸爸時的年紀,對自己及仔女又有沒有影響呢?曾有外國學者做過相關研究,到底「青春daddy子女更pretty」、「早做老竇竟然會折壽」、「阿爸老餅寶貝較長命」、「父親高齡自閉易形成」,又是甚麼一回事?記者:黃子配攝影:楊錦文





來源: http://hk.apple.nextmedia.com/su ... t/20160620/19661014
未做 爸爸 港男 男都 都想 想有 有仔 仔趁 趁嫩 嫩生
PermaLink: https://articles.zkiz.com/?id=302278

【動畫】大叔變得好搶手離婚有仔女反令人有安全感

1 : GS(14)@2017-02-03 03:10:18

曾離婚及有孩子的男子以往都被列為「不受女性歡迎」,不少異性都對他們敬而遠之,但時移世易,荷蘭阿姆斯特丹大學的研究人員發現,離婚男現在已成為女性的「新寵」。52歲商務軟件專家霍普利(James Hopley)兩年前離婚,與結婚19年的太太離異。雖然他頭髮已變灰白,六塊腹肌不再,但卻發現反而更受較他年輕的單身女士歡迎。在跳舞班、乘飛機赴西班牙途中都受到異性「放電誘惑」。「我曾約會38歲的女性,如果你像我般曾結婚一段長時間,單身女性會認為你是好丈夫的材料,你明白應如何分享事物及在家中幫忙,真的很吸引她們。」霍普利稱發現自己較20多歲單身時更受歡迎。女士們指他最優秀的地方就是其令人喜歡的性格、友善的微笑及藍眼睛。而他作為3個年齡介乎14至19歲的孩子父親,亦是其吸引之處。研究人員指出,女性態度轉變,因為她們現時發現離婚反而是一個男性能託付的象徵,如果他們已為人父更覺欣慰,因為正是可靠及男子氣慨的象徵。她們反而不太考慮經濟因素,有人生教練指出,「女性想感覺安全及有保障,事實上年長男性可能有點沉悶,兩鬢可能斑白,但未致於惹人討厭,令他們成為理想對象。」另外,現今不少年輕男性都熱衷在網上結識很多異性,女士們都對「一腳踏幾船」的年輕男性感到不耐煩,也令離婚男士更有優勢。英國《每日郵報》




來源: http://hk.apple.nextmedia.com/international/art/20170202/19915667
動畫 大叔 變得 搶手 離婚 有仔 仔女 女反 令人 安全感 安全
PermaLink: https://articles.zkiz.com/?id=325110

香取秘戀廿年疑有仔

1 : GS(14)@2017-04-06 07:41:44

前組合SMAP成員香取慎吾一直有個圈外人女友,《週刊文春》拍得二人外出撐枱腳,女方左手無名指更戴有戒指。



香取慎吾

40歲的香取與年長兩歲的女友拍拖逾20年,在港區寓所共築愛巢,二人以往甚少結伴外出,但隨住SMAP解散,香取似乎無需再隱瞞戀情。尊尼事務所只稱他暫無結婚打算,香取同時被爆去年跟女友帶住一名少年遊夏威夷,懷疑是一家三口旅行。




來源: http://hk.apple.nextmedia.com/entertainment/art/20170406/19980938
香取 秘戀 戀廿 廿年 年疑 疑有 有仔
PermaLink: https://articles.zkiz.com/?id=329450

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019