ZKIZ Archives


拆解「隱形債」 鐵路內房最狼死

2014-05-08 NM
 
 

 

一間公司是否值得投資,負債高低是重要指標之一。作為上市公司,負債原是公開資料,但投資者眼見的數字,卻未必是全部。在內地調控及收水的大環境下,企業債台高築,一發不可收拾,「冚唔住」,惟有扭盡六壬遮醜,「㩒」低負債比率。本刊找來基金經理及會計專家,拆解金魚缸中最熱門的三招「隱形術」。是龍是蟲,通通現形。第一招改名換姓應付賬

股價沉寂多年的鐵路股,近日終於炒起。上週五內地傳媒報導,今年鐵路投資目標上調至逾八千億元(人民幣,下同),為今年內第三次調整。消息一出,中國中鐵(390)單日急升逾百分之九,中國鐵建(1186)升逾百分之七,一眾財演出力唱好,連炒唔上的中交建(1800),都被吹捧為可追落後。不過,熟悉資本市場的基金經理Martin就踢爆,部分鐵路股的負債率比年報、大行報告顯示的更高,他解釋:「喺財務學上,要俾利息嘅欠款,好似銀行貸款、債券,先會計入負債。而有鐵路股嘅應付賬,雖多到離譜,但因為唔使俾利息,就唔計入負債比率,變相隱藏咗啲債。」在計算負債比率時,普遍用兩種方法,即財務學計法及會計學計法。前者不包括應付賬等不計息欠款,後者就計算。以中交建為例,因用財務學計法,年報上顯示的負債率僅為百分之五十,但若用後者,加上逾二千億元應付賬,負債率便急升至百分之八十。有會計師指出:「如果想顯得負債少啲,梗係用財務學的計法啦,所以見到負債率要睇清楚計法。」

鐵道部拖數

基金經理Martin指,除了鐵路股外,基建股的應付賬都特別龐大,「因為佢哋都係幫政府做嘢,政府一年先找一次數,佢哋收唔到錢咪唯有拖數囉,佢哋應收賬都特別大o架。」他指,用財務學計法,對於應付賬龐大的企業,便不能完全反映負債的嚴重。有會計師指,以會計學的計算方法,負債率超過六成已算高,但還要看營運現金流是否正數。營運現金流意即「賺咗嘅錢,有幾多真係落袋」,如果公司有盈利,但營運現金流為負數,代表公司該年沒有真正現金進賬。「如果負債率高又加上負營運現金流,間公司就好危險。」根據一三年年報,中鐵建負債率高達八成五,同時出現九十三億的負營運現金流。

第二招乾坤大挪移永續債券

「永續債券(perpetual bond)即是我問你借一百蚊,但一世唔還錢,只要每年俾九蚊息你。」基金經理Martin表示。由於不用還本金,又不用贖回,所以永續債券在財務報表上,不會列入債務,反而一個乾坤大挪移,放入股本權益內;公司持續有人還息,不叫「利息支出」而叫「分紅」,成功轉移視線。即使公司大發永續債券,仍令人有債務回落的錯覺。

內房「救星」

這種避債方法,被債台高築的內房股視為「救星」。Martin解釋:「因為內房本身嘅借款槓桿已好大,再發債嘅利息會好高,仲會再推高負債比率。所以,雖然永續債券嘅利息都唔低,要九至十釐,但唔使還本,無到期壓力。」當中最進取一定是恆大地產(3333)。去年已發行十五億美元債的恆大,同年再為旗下二十四個項目,發行二百五十億元永續債券。以財務學方法計算,去年恆大負債率約為百分之七十,按年大跌近十五個百分點,乍看以為減債成功。但若計及永續債券,負債率即激增至近百分之一百五十,創上市後新高。同樣情況亦在雅居樂(3383)及瑞房(272)等內房股出現。其中雅居樂去年發行四十四億元永續債券,成功將負債率由實際的百分之九十六,「美化」至百分之七十二。而去年備受上海釘子戶困擾的瑞房,一二年發行三十一億永續債券,利率高達十釐,但遮一遮醜後,負債率減少至百分之六十。

第三招隱惡揚善聯營公司

聯營公司,通常是指上市公司持股五成以下的投資項目,由於被視為沒有控制權的投資,在年報上,以權益法入賬,即將資產減去負債,再列入母公司的「應佔聯營公司權益」。這樣入賬的好處是自動將負債隱藏,母公司可以利用聯營公司不斷發債,只要負債總額不超過資產總額,列入母公司的「應佔聯營公司權益」都會是正數,所有債務都是「你睇我唔到」。將此招玩得出神入化的表表者,非長實(1)莫屬。由於長實只持有和黃(13)百分之四十九點九股權,僅零點一個百分點之差,長實就不用將和黃的負債記入資產負債表內。須知道長實去年計息負債只有四百二十億港元,但和黃的負債卻高達二千三百多億元。若以會計學計法,按比例計入和黃的負債,長實的負債率將由百分之十三,急升至百分之二十七。睇來「隱惡揚善」不單適用於賣樓,投資者無論買樓買股,都要打醒十二分精神。

優先股實為債

永續債叫「債」,但在財務報表上被當作「股權」;相反,優先股叫「股」,但其實被列為負債。去年一月,手機遊戲股網龍(777)的全資附屬公司,發行可贖回優先股,集資超過一億元人民幣。有會計師指,有些優先股可以贖回,又要定期派息,性質同債券一樣,只係「個名唔同」,是一種過氣的掩飾債務工具,「香港公司依家唔興啦,呢十年、八年發債息率低,只有五至六釐,發債容易好多。」由於優先股索償權次於債權人,又沒有投票權,要吸引買家,息率就要高達九至十釐,以網龍為例,其優先股的年利率竟高達百分十七。會計師解釋:「其實都正常,因為佢用附屬公司發行,風險好高;再加上佢做遊戲,無資產,一隻game死就可能無錢還,連銀行都未必敢借。」

拆解 隱形 鐵路 內房 房最 最狼 狼死
PermaLink: https://articles.zkiz.com/?id=98541

退休裁縫:呢個女人天下最狼

1 : GS(14)@2011-11-28 23:08:50

是你好色先定個女人狼,好似搞錯次序

http://hk.apple.nextmedia.com/te ... 104&art_id=15841078
徐伯 69年結婚,育有四名子女,至 96年離婚後與家人再無來往。 97年,年過半百的徐伯回江蘇鄉下認識比他小 18年的阿華,失婚的阿華原籍湖北,當時已有一名 10歲女兒:「初初識佢時覺得佢好斯文,無不良嗜好又唔賭錢,儀表乾淨企理。」兩人交往一年後結婚, 99年更誕下兒子杰仔:「諗住搵個伴過埋下半世,當時唔覺得佢係為錢同我結婚。」
徐伯形容阿華來港前千依百順,至 03年,她帶着兒子持單程證來港團聚後即性情大變,「冷言冷語,一開聲就係要錢要家用;一日到黑唔返屋企,返到家就借意鬧交。」妻子其後自行搬出旺角住所,至 08年尾正式離婚。
「呢個女人好犀利、工於心計!離婚初時只係話要一蚊贍養費,但幾個月後就向法庭申請分身家,若唔順佢意就會打官司打到我一蚊都無,仲話『啲錢都係留畀你個仔㗎啦』。」徐伯無奈啞忍,答應把亞皆老街和大角嘴兩個自置單位轉名給她,換取對方承諾好好對待兒子,供書教學。
雙方又口頭協議,若大角嘴的單位被收購重建,賣得的錢阿華可留 40萬元,其餘交回徐伯,但最後對方反口:「我收唔到錢,佢又唔畀我見個仔,『人財兩空』。」
2 : GS(14)@2011-11-28 23:09:18




3 : 200(9285)@2011-11-28 23:11:47

佢 on 9 姐
4 : Wilbur(1931)@2011-11-29 00:02:23

3樓提及
佢 on 9 姐


不能同意更多 smiley
5 : 龍生(798)@2011-11-29 02:07:44

佢先好色, 但女人更狼...才是正解吧...

記得有人講過, 比較各地女人, 其實香港女性還是值得尊重和拍拖的...

至少港女未必狠到呢個地步....
6 : Wilbur(1931)@2011-11-29 08:53:35

5樓提及
佢先好色, 但女人更狼...才是正解吧...

記得有人講過, 比較各地女人, 其實香港女性還是值得尊重和拍拖的...

至少港女未必狠到呢個地步....


香港女性一係唔同你一齊

如果肯同你一齊,多數會合力搞好頭家

點都唔會係謀你份家產既hihi...
7 : 亞力士(1473)@2011-11-29 14:28:35

2樓提及




張相係咪佢黎架 好地地屋企著黑絲透紅底
8 : 肥B(18468)@2011-11-29 15:55:47

7樓提及
張相係咪佢黎架 好地地屋企著黑絲透紅底


唔關事, 內地的「文化」黎架, 無論廠的工仔定街上的行人, 都不時到「C夫」的, 當然, 美不美係另一回事, 但係「透」呢家野, 大陸人係唔多著意的...
9 : GS(14)@2011-11-29 21:54:41

6樓提及
5樓提及
佢先好色, 但女人更狼...才是正解吧...

記得有人講過, 比較各地女人, 其實香港女性還是值得尊重和拍拖的...

至少港女未必狠到呢個地步....


香港女性一係唔同你一齊

如果肯同你一齊,多數會合力搞好頭家

點都唔會係謀你份家產既hihi...


咁大陸那些相對來講真是好有心計,但是...
10 : 肥B(18468)@2011-11-29 22:36:50

但是......乜呢?
11 : GS(14)@2011-11-29 22:37:54

10樓提及
但是......乜呢?


香港那些是不是前期大投入,後期大效益?
12 : 肥B(18468)@2011-11-29 22:47:57

咁就好難講了, 投入 VS 效益, 於人與人之間的關係, 係用唔著...
13 : GS(14)@2011-11-29 22:49:00

12樓提及
咁就好難講了, 投入 VS 效益, 於人與人之間的關係, 係用唔著...


但是如果想講心,香港唔錯的
14 : 肥B(18468)@2011-11-29 23:04:39

13樓提及
12樓提及
咁就好難講了, 投入 VS 效益, 於人與人之間的關係, 係用唔著...


但是如果想講心,香港唔錯的


呢個都係睇你彩數架咋....否則, 那有咁多剩男剩女來?
15 : GS(14)@2011-11-29 23:09:54

14樓提及
13樓提及
12樓提及
咁就好難講了, 投入 VS 效益, 於人與人之間的關係, 係用唔著...


但是如果想講心,香港唔錯的


呢個都係睇你彩數架咋....否則, 那有咁多剩男剩女來?


做媒人好有市場,剩男剩女是教育制度問題
16 : 龍生(798)@2011-11-30 20:10:42

6樓提及
5樓提及
佢先好色, 但女人更狼...才是正解吧...

記得有人講過, 比較各地女人, 其實香港女性還是值得尊重和拍拖的...

至少港女未必狠到呢個地步....


香港女性一係唔同你一齊

如果肯同你一齊,多數會合力搞好頭家

點都唔會係謀你份家產既hihi...


正是如此
退休 裁縫 呢個 女人 天下 最狼
PermaLink: https://articles.zkiz.com/?id=276753

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019