ZKIZ Archives


Selfie打印甜品店吸like時代廣場「死層」人流靠晒佢

2016-09-01  NM

自由行不來香港,大商場的鐘錶、珠寶店首先頂唔順,時代廣場更驚現廿六間吉鋪,九倉發言人解畫只是轉商鋪組合。Selfie Caf今年五月於時代廣場開張,老闆陳錦棠爆出實情,指時代廣場是為救亡,減租力邀他進駐,「其實時代廣場無人行,要行街都去希慎、利舞臺啦。我計過八樓人流閒日得八十人!」老闆阿棠自稱投機者,於旺中開過八間鋪、開過五間貢茶店、兩間乳酪雪糕店,今次決定唔跟風要帶起潮流。Selfie Caf賣點是將靚相印上咖啡、馬卡龍,立即成為獨一無二的呃like神器,今年情人節於網上試業,在零宣傳下做了十多萬生意。他選擇在人流稀少的時代廣場開業,說寧願現時賺少啲,希望今個品牌可以長做長有。

在這個呃like搶hitrate大時代,擺pose自拍、配感性status,已成為很多人生活習慣。阿棠決定助大眾一臂之力,上年尾從日本引入食用墨水打印機,在各種甜品,棉花糖、馬卡龍、咖啡都能印上相片,要po相呃like就更簡單啦。客人只要將靚相以WhatsApp傳到指定號碼或上傳到Selfie Caf的手機app上,普通甜品十五分鐘即變呃like神器。

時代廣場力邀

生意上年十二月於網上開始,阿棠以兩個月時間累積人氣,情人節一炮做十多萬生意,阿棠即刻四出搵鋪大搞。撞正時代廣場無生意,力邀阿棠進駐旺一旺個場,「自由行先嚟買奢侈品,無自由行咪想我帶後生仔過嚟。」阿棠當時攝高枕頭諗,「時代廣場八樓閒日人流,八十幾個,一定無做地鋪賺咁多,但品牌會高檔好多。」最後他決定先做靚品牌,之後先全力搵真銀。預了要捱,但未想過未見官先要打三十大板。三月頭簽約,拖到五月開張,阿棠話裝修搞成兩個月,累他白蝕了大半個月租金,「淨係條柱點黐個poster已經要傾兩次,試防水台,原本預計三日,最後試咗十二日。」他之前做貢茶、乳酪雪糕,只需幾星期便裝修好。另外時代廣場要求商場關門後才能裝修,裝修工人開夜工要三千元一晚。蝕租,裝修費又貴一截,硬食。終於開張,但試業期每日做得千幾二千蚊生意,賺埋唔夠俾租。他馬上炒人、推優惠,「嚟時代廣場嘅都係闊太,開頭嗰班員工做開快餐無服務質素,喺店面黑面、玩手機,啲客都唔想入嚟。」換過一班員工,他再推「加Tag有九折」優惠,生意立即幾級跳,「原本八樓真係無人行,加咗個優惠,啲客喺社交媒體貼相tag我哋,即刻睇到多咗人嚟,我哋依家每日做到近萬蚊生意。」採訪當日,兩位女士正係被朋友Facebook的相吸引,趁放假前來一試。見到靚相印出來,兩人心花怒放,立即拍照,還說要帶其他朋友來。捧場客自動自覺放上網打卡,幫阿棠慳了一筆宣傳費。短短兩個月,生意三級跳。

開caf唔請咖啡師

接多幾倍客,阿棠都唔肯請人,仍然得三個員工。他說不是壓搾員工,而是工序簡單,以咖啡機沖及用打印機印相,連咖啡師都不用,「請普通店員比咖啡師平八千蚊,嗰部咖啡機十三萬,貴普通機兩倍。但好處係全自動,㩒個掣就出到咖啡。」阿棠指那是由經營貢茶中學到的概念,珍珠奶茶在香港火速流行時,他加盟貢茶,插旗銅鑼灣世貿廣場,日賣二千杯奶茶。豬籠極速入水,兩個月後他已經決定開分店,「我係比較投機、進取。見生意咁好,九個月內開咗五間分店,最好賺係上環地鐵站附近,因為寫字樓多,單做外賣每日都有一萬蚊生意。」兜一大個圈是解釋為何買貴機,「貢茶點解開得咁易?因為有部機,全部跟程序做,唔使train到每個人沖到同一個味。」今次他亦是考慮將來會開分店,所以寧可買一部貴的咖啡機。

十三年創業路

阿棠做貢茶前試過在旺中開鋪,同樣搏命。「會考得兩分,唔想打工,所以同屋企人借幾萬蚊,同女朋友喺旺中開女裝牛仔褲店。」三年間他極速彈起,在香港開了十七間鋪,其中旺中佔八間,「我包起成間廠幫我做獨家款,衫領、顏色、袖口全部改,淨係供貨俾我,開頭量小就包大陸家庭式廠。嗰陣五個阿姐忙到淨係用腰包收錢,都唔得閒慢慢用收銀機。」因做服裝最重要來貨價平,所以分店愈開愈多,高峰時月做近百萬生意。不過旺中後來惡性競爭,商鋪間寧願不賺錢也要頂死對方,他便轉型做飲食業的生意。加盟貢茶兩年間勁賺二百多萬,後來另一熱潮乳酪雪糕興起,他食髓知味,轉做乳酪雪糕,但很快蝕讓,「乳酪雪糕半年開咗七十間,好快飽和。」之後他做過北角雞蛋仔、旺角摩豆,今次為要瞓身做Selfie Caf,把心一橫將那些小生意賣盤。阿棠經歷過幾次潮流更迭轉換,深知香港人很貪新鮮,他預計熱潮會持續九個月,所以早早已經定好將來的發展,「依家已經同一間叫BU嘅公司傾,佢哋有好多Marvel、迪士尼卡通license,有電影上映,就可以同佢哋合作,食埋嗰條水。」

鋪路走出香港

阿棠甚至已經鋪路發展海外市場,進入時代廣場建立品牌形象是其第一步,「同大公司合作,佢哋見你係時代廣場會有個信心。」他短短兩個月已經與7-ELEVEN、新世紀廣場、香港空運貨站合作過。香港空運貨站上星期四十周年,向他們訂購了一批馬卡龍及租用他們的印刷機。就製成品的質素、印刷機的安全性、操作等問題,雙方來來回回可能要商討近十次。阿棠爭取的不是幾萬元生意,他是為打入各地產商的一線商場作準備,「7-ELEVEN背後是牛奶公司,新世紀背後是新地,香港空運貨站背後是怡和、九倉、長實。佢哋啲商場唔係有錢就入到,今次合作得好,會有一個關係,將來人哋先會考慮我哋。」不過連誠哥都睇淡香港密密撤資,阿棠眼光亦不放在香港,香港只是他的踏腳石,讓他打好基礎進軍台灣、澳門以及內地市場。

營業資料(07/16)

營業額:$320,000 人工#:$42,000 租金:$60,000 雜費:$18,000 食材:$76,000 盈利:$124,000#三名員工

開業資料(05/16)

裝修:$580,000 租金#:$180,000 食材:$80,000 器材、儀器:$380,000 雜費:$30,000 總投資:$1,250,000#二按一上

撰文:孫樂祈攝影、攝錄:鄭樹清ed_bn@nextdigital.com.hk

Selfie 打印 甜品 店吸 like 時代 廣場 死層 人流 靠曬 曬佢
PermaLink: https://articles.zkiz.com/?id=213858

與秋官齊聲否認不和劉松仁談爭女:最正畀晒佢

1 : GS(14)@2015-04-28 02:12:02

■劉松仁昨晚與阿姐出席活動時,笑稱自己未夠班同秋官爭女。


於無綫深宵時段重播的《大時代》,劇中一班老戲骨演技個個爐火純青,尤其是主角「丁蟹」鄭少秋和「方進新」劉松仁,令全城瘋狂緬懷「那些年」劇集有幾精采。不過人紅自然是非多,昨日有報道竟翻開40年前的舊賬,指秋官和松哥由77年《陸小鳳之決戰前夕》開始由戲內鬥到戲外,並為爭拍檔汪明荃暗地生積怨。



秋官:20幾年前打死佢


一向鍾意講笑的秋官,昨日透過WhatsApp留言笑謂:「唔係結怨呀,係40年前打死咗佢呀!應該係20幾年前一拳打死咗佢!我同佢(松哥)冇乜嘢不和地方,係同西門吹雪不和之嘛,打到死為止。」松哥和阿姐昨日在九展出席宣傳,松哥與秋官口徑一致說:「唔係呀嘛?我邊有咁巴閉呀我,冇資格同佢結怨,佢唔係同我,葉孤城(秋官飾演)係同西門吹雪之嘛。」談到爭同阿姐合作,松哥謙讓說:「冇得爭,你話佢哋合作幾多部,我得三部,仲要幾十年先一部,最正最後生畀晒佢,邊有得爭。」他表示與秋官雖然少聯絡,問有沒有約食飯?他說﹕「少,我哋唔夠佢班。被翻炒舊聞?冇所謂,得啖笑,觀眾又知,你同我都知係亂寫。」



■有指鄭少秋(左)和劉松仁在現實中鬥足四十年。《大時代》劇照

■有傳劉松仁拍攝《陸小鳳》時,不滿秋官加入搶鏡。資料圖片



松哥坦認最喜歡丁蟹

松哥強調與秋官沒有不和,還期望再次合作,但就拒拍《大時代》電影版,他解釋:「我唔鍾意重拍嘢,除非另外一部。」他坦認《大時代》最喜歡丁蟹這個角色,但不會要求加戲份「遲啲死」:「我邊有咁小器,我咁大量,韋家輝搵我拍時已知(六集戲份)。成個戲我最鍾意丁蟹,寫得最突出最特別,由呢個人物帶起成個戲。」阿姐則說:「冇呀,問佢哋啦,我點知箒。」當年《大時代》編審曾謹昌昨亦在電話中否認:「大家一開始就知道大家戲份係點,如果松哥唔死,青雲條線又點走出嚟?」採訪:嵐山、魯吉





來源: http://hk.apple.nextmedia.com/entertainment/art/20150427/19126617
秋官 齊聲 否認 不和 松仁 談爭 爭女 最正 正畀 畀曬 曬佢
PermaLink: https://articles.zkiz.com/?id=289988

【另類攝影師】Google街景靠晒佢 揹18公斤背包首闖哈佬喂

1 : GS(14)@2016-10-12 07:53:21

全香港第一個,暫時亦是唯一個「Google街景計劃作業員」Raf自言影了香港八九成,但影海洋公園影哈佬喂節目卻是第一次。



Google Maps大家都應該用得多,亦應該都有用過它的街景功能,不過你又知唔知道原來Google Maps上全香港大大小小的所有街景都只是全靠一個人負責拍攝?他的名字叫何文豐(Raf),他是全香港第一個,暫時亦是唯一個「Google街景計劃作業員」,全香港毋論是用車拍攝的街道實景,又或是偏遠的行山徑,都是由他一手拍攝,Raf:「做這工作已有四年,四年來基本上好天便外出拍攝,唔好天就在辦工室做相片處理及後期工作。」



「全香港差不多影了八九成,但今次卻是第一次入海洋公園影哈佬喂節目。」據他說Google Maps近期都積極加入期間限定的節日原素,好像新年花車巡遊,聖誕燈飾等,讓用家在Google Maps上也能看到特別的節日氣氛。不過今次可說是Raf的最大挑戰之一,原因很簡單:「因為我好驚鬼,甚少玩鬼屋。」他笑說。據知今次目標雖然只是拍攝其中兩間鬼屋及部份海洋公園內景,因要維持步速兼重覆拍攝,所以大概已需時一整天,大家看到的Google街景絕對得來不易!「真係粒粒皆辛苦!」只因用作拍攝的街景背包足足有18公斤重,行街還好,背著來行山就認真攞命!但Raf自言滿足感令他繼續投入工作:「很想把整個香港的街景都拍下來,讓香港人看看!」據他說未來更計劃會在Google Maps,帶來舊有的香港街景,讓大家懷緬一下,而今次哈佬喂的拍攝,更會在今個星期尾開始在Google Maps上看得到,即使沒時間出去玩,只要打開電腦亦能感受到猛鬼氣氛。記者:韓繼聰攝影:伍慶泉


先去影BB班級的糖果街,雖然鬼妖唔得人驚,但街景背包重18公斤,仲要均速行,都咪話唔辛苦。

室內環境易與街景背包有碰撞,所以會用其他秘密拍攝工具協助。

據Raf說Google Maps近期都積極加入期間限定的節日原素,好像新年花車巡遊,聖誕燈飾等,讓用家在Google Maps上也能看到特別的節日氣氛。


街景背包大概分兩大配件,下方的是電池電腦及GPS裝置。

上半部就是由多個鏡頭組合的全景拍攝鏡頭。

記者親身實試背起背包,感覺相當重,背著來行山應該相當辛苦,難怪Raf會說:「粒粒皆辛苦!」



來源: http://hk.apple.nextmedia.com/su ... t/20161012/19797852
另類 攝影師 攝影 Google 街景 靠曬 曬佢 18 公斤 背包 首闖 闖哈 哈佬 佬餵
PermaLink: https://articles.zkiz.com/?id=311729

【動畫】郵輪婚照樣衰到喊老夫婦:恨不得燒晒佢!

1 : GS(14)@2017-05-13 05:33:55

深圳一對年過七旬的諸葛老夫婦,分別穿上西裝和婚紗,繳付3,480元人民幣(約3,920港元)拍攝人生第一次的婚紗照。在海上郵輪拍攝婚照後,原本攝影公司承諾1個月寄出相冊,但延至3個月後才收到婚照。諸葛先生收到相冊後感不不滿,效果不好、化妝也不行,也沒有修圖,他生氣地說:「恨不得燒掉!」今年76歲的諸葛先生訴說,與妻子(70歲)結婚已45年。今年2月8日,妻子報名參加新景界旅行社舉辦的「老會玩」郵輪旅程,亮點就是海上婚紗藝術照。兩人結婚至今仍沒有拍過婚紗照,決定在郵輪上「留下美麗的一刻」。負責攝影的是廣州市蜜月旅拍攝影公司,兩人挑戰了30多張相,承諾1個月後寄出相冊。沒想到的是,相冊遲遲未收到,諸葛先生的女兒在微信查問其他團友有否收到相冊,而新景界職員則推說正在趕工。女兒說:「老人家難得照個婚紗照,千盼萬盼等着早日看照片,你們這不是調戲我們感情嘛。」經過多番催促,終於有團友在4月底收到相冊,但對製作效果十分不滿。諸葛先生拿到相冊後也感到氣憤,「恨不得燒掉」。他說:「當時在拍出來在電腦上看還是可以的,我老太婆說,有點太胖了,他(工作人員)說不要緊會給你們修。」他對旅行社的安排也挺滿,但對攝影公司製作相冊十分不滿,而諸葛先生的女兒希望蜜月旅拍退款,但遭到拒絕;新景界旅行社也未對事件作出回應。蜜月旅拍發言人蔣小姐覆稱,的確有承諾修圖,沒修到可以彌補。她說:「化妝等的人比較多,可能個別沒有做到位,另外照片是客戶現場選,如果不滿意,可以重新修圖或者重新製作,無法退款。」深圳大件事




來源: http://hk.apple.nextmedia.com/international/art/20170513/20020175
動畫 郵輪 照樣 衰到 到喊 喊老 夫婦 恨不得 燒曬 曬佢
PermaLink: https://articles.zkiz.com/?id=332830

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019