【暗撻師妹】傳栢芝介入致分手
1 :
GS(14)@2017-01-31 16:01:52鄭中基當年力追楊千嬅，以千嬅出生日期作歌《二月三日》成功俘虜對方，兩人有過一段甜蜜日子，其後傳出鄭中基暗撻師妹張栢芝，千嬅於99年單方面宣佈分手。當年千嬅接受本報專訪，被問到是否被栢芝撬牆腳？她說：「我冇親眼睇到，冇親耳聽到，唔會追想番，反正都唔係最重要事。」當時千嬅還讚栢芝靚女兼有性格，問到會否憎栢芝？她說：「我點解會憎佢？另一個角度睇，佢陰功㗎，因為佢年紀細，要去面對咁多問題。」問對鄭中基有否恨意？千嬅說：「冇，我仲關心佢，呢段情令我學識同人相處，咁先至會長大。」
來源:
http://hk.apple.nextmedia.com/entertainment/art/20170131/19913216
傳楊明暗撻「白淨版Rosanne」莊思明得啖笑：邊有咁易呀？
1 :
GS(14)@2017-05-18 01:10:55浪子回頭係咪真係金不換？情史厚過演出史嘅楊明，舊年因拍《愛‧回家》，撻着同劇嘅大馬拿督千金莊思明，兩人好快就認愛，又不時喺社交平台孖住放閃，楊明早排接受訪問時又放聲氣話想成家立室，以為佢滾……係情場翻滾咗咁多年，又已屆36歲，終於肯修心養性，揀定一個伴侶，唔做浪子啦，點知一樣有是非流出。昨日有周刊報道楊明背住女友莊思明，暗媾現年28歲、貌似「白淨版Rosanne」嘅大台姐仔郭千瑜（Mina），報道指楊明喺自己擔正嗰套《抱佣情人》中，對Mina照顧有加，就算喺月前一場外景戲中，大熱天時困喺架開篷巴士上拍攝，唔使埋位個個落車唞氣期間，楊明同Mina都留喺車上，享受獨處時光。報道除咗話楊明除低頸巾畀Mina遮太陽之外，更指楊明對女方面部吹氣，又似想對女方晒肌騷quali咁，仲講到佢哋傾偈時，楊明用下身對正Mina頭部……吓？！周刊指其實好多人都見到楊明同Mina啲曖昧行為，但就當睇唔到。同晚劇組拉隊去尖沙嘴慶功，莊思明冇份演但卻有現身，楊明勁識做，攬實女友好sweet咁，周刊指Mina見到「正印」在場就扮冇嘢，楊明亦表現得比較收斂。睇番Mina個facebook，發現佢經常貼自己啲開工相上去，當中唔少得同楊明嘅合照；至於報道中提及嘅慶功宴，Mina除咗喺大合照中同楊明及莊思明同相現身外，仲有一張係莊思明同楊明包抄Mina影嘅合照，真係三個主角都喺齊度喇。報道稱，被蒙在鼓裏嘅莊思明，今個月初接受網台訪問期間，提及同楊明嘅婚事，佢承認兩人之間有共識，亦唔係玩玩吓，不過當同場嘅周志文送上恭賀時，莊思明又即刻閘住，其實莊思明係咪已經索到陣除……？對於背女友莊思明、暗撻Mina嘅報道，正身處越南拍劇嘅楊明昨日回應傳媒話：「其實我坐嗰個位，就係我要埋位嗰個位，而嗰個女同事企嗰個位，亦係埋位嗰個位，咁同事未埋位傾幾句就叫做『媾』，咁一日咪媾好多人？」至於莊思明亦對男友百分百信任，佢回應傳媒時就話：「哈哈，佢send咗段報道俾我睇啦，其實真係冇嘢、得啖笑咁囉，行過傾吓偈就話撻着，邊有咁易呀？如果係咁，每拍一套劇咪要換一個女朋友？」「其實佢係一個好有交帶嘅人，去到邊做緊乜，都會同我講，反而我自己唔算交帶，佢咁做，搞到我都要成日向佢報到。況且，千瑜我本身都識，咁就更加冇可能（撻着）啦！」問到同男友婚期，莊思明就話「在心中」：「冇呃你哋，婚期係未定，不過大家對呢樣嘢一早有共識。」而楊明頭先更喺Instagram貼咗一張佢瞓喺屋頂嘅相，仲留言話：「第一次到越南感覺非常好，天氣、風景和食物全部都好，還有謝謝劇組為我挑選的露台房間，讓我可以曬太陽。（我真的很喜歡睡覺的）」睇嚟未受周刊報道影響心情。至於莊思明就同家姐開工，兩姊妹仲輪流貼相上Instagram。
來源:
http://hk.apple.nextmedia.com/entertainment/art/20170517/20024198
暗撻中佬 澳門攬到實夢夢飛Ricky「仲係好朋友」
1 :
GS(14)@2017-06-25 10:11:18■夢夢（左）與Ricky拍拖兩年，由疑似第三者到公開戀人身份，二人大方十指緊扣。資料圖片
現年32歲戴夢夢前年與51歲太極鼓佬朱翰博（Ricky）爆出戀情，二人年紀相差近20年，當時有指夢夢是小三搶人夫，指Ricky與太太Anne尚處於同居兼未搞離婚，而Anne更聲稱試過兩次捉姦等新聞。昨日有報道指夢夢與Ricky已分手數月，女方上周二與一名年約40歲的中年男士在澳門銀河酒店賭場玩樂，其間在電子賭枱玩時，二人全程攬腰連體嬰，中年男更不時摸夢夢塊面，親暱程度如熱戀情侶。
■Ricky前妻Anne（左）曾聲稱兩次捉姦。資料圖片
■二人感情穩定時，夢夢帶Ricky見契爺林建名（左）。資料圖片
嫌冇新意
Ricky事後得悉夢夢與中年男過大海，多番迴避下才認與夢夢已分手數月，但二人不久前齊齊出席林敏驄演唱會做幕後工作，沒有異樣。二人其實聚少離多，知情者爆料，夢夢仍追求激情，想男友有新意，Ricky又常要返內地打理音樂中心，沒時間陪她。
維護新歡
本報昨日聯絡夢夢，問到與中年男密遊澳門，她說：「其實大家仲了解緊，佢係圈外人，唔想講太多！」問到與Ricky的關係，夢夢表示：「我同Ricky分開咗一段時間。原因呢啲就唔答啦，我同佢冇涉及第三者，?家仲係好好朋友，其實分手前大家有嘗試努力繼續行落去，但最終唔得，大家係和平分手。」採訪：王梓曼
來源:
http://hk.apple.nextmedia.com/entertainment/art/20170623/20065279
Next Page