ZKIZ Archives


蔡少芬教女掃平貨

1 : GS(14)@2015-01-18 22:09:10





蔡少芬(Ada)昨日傍晚與大女楚兒現身圓方商場,二人先在書店睇書,最後Ada買了一本故事書給囡囡,接着她們手拖手向溜冰場方向進發,原來細女信兒和工人以及兩名友人在等候她們,會合後齊齊步往停車場取車,其間Ada見到店舖門外貼了「SALE」,於是即場教楚兒認字,不過楚兒搞笑地將次序調轉來讀,Ada當然即場糾正她。





來源: http://hk.apple.nextmedia.com/entertainment/art/20150117/19005342
蔡少芬 教女 掃平
PermaLink: https://articles.zkiz.com/?id=287270

王菲教女逃學嘆茶

1 : GS(14)@2015-03-17 08:43:26





謝霆鋒最近跟劉青雲到上海拍攝新片《驚天破》,無暇陪伴女友,王菲日前就被內地傳媒發現去了北京一間貴族學校接細女李嫣放學。但當時未到放學時間,戴住黑超、一身運動look的王菲在圍欄外視察校內情況,由於行為鬼祟,學校保安認不得天后王菲,把她驅趕。王菲見囡囡第一句竟然說:「蹺課成功!」之後王菲帶着李嫣去前夫李亞鵬住所附近一間咖啡店,與李亞鵬媽媽一起嘆下午茶。未足九歲的李嫣遺傳了媽媽的高䠷身材,一雙長腿襯上英式制服,看起來比同齡的小朋友成熟好多。她們嘆完茶後,王菲揮揮手跟同女兒說再見,乖巧的李嫣就跟住嫲嫲返屋企。撰文:嵐山





來源: http://hk.apple.nextmedia.com/entertainment/art/20150317/19078857
王菲 教女 逃學 嘆茶
PermaLink: https://articles.zkiz.com/?id=288601

麥包教女發憤免被分級

1 : GS(14)@2016-12-25 13:18:59

■麥包一家感情好,女兒淳琳(左一)也心痛爸爸工作辛苦。資料圖片



麥包的長女淳琳現年17歲,三、四年前放暑假時曾陪麥包開工拍劇,親睹父親被欺壓。麥包說:「我個女試過喺公司停車場陪我瞓咗兩個禮拜,佢奇怪點解我要咁樣就人哋,譬如就人拍先,個女會問『點解唔係就你?』我話冇所謂,爸爸係小演員,咪就吓人哋。」



■麥包喜見囡囡陪他開工後有所得着,努力讀書。

麥包指囡囡曾問他可感不開心,他說:「我話冇辦法,搵食係咁,我講笑話如果你唔食飯唔讀書,咁咪可以簡單啲,你肯食粥唔食飯咪得囉。佢話『唔緊要爸爸,只要你開心,我食粥都得㗎。』佢唔想見到爸爸……未至於受氣,但分咗等級囉。」麥包叫女兒勤力讀書,免他日被人分等級,結果女兒之後發憤,學業成績由昔日中等變成頭十名,麥包說:「所以我反而多謝呢啲事件令佢明白。」




來源: http://hk.apple.nextmedia.com/entertainment/art/20161225/19876325
麥包 包教 教女 發憤 免被 分級
PermaLink: https://articles.zkiz.com/?id=320106

林嘉欣借佳佳教女

1 : GS(14)@2017-01-12 08:03:24

林嘉欣昨日為海洋公園40周年開業慶典任嘉賓,主題樂園主席孔令成、副主席劉鳴煒及資深員工均現身樂園慶祝,同時宣揚保育訊息。



■劉鳴煒(左)昨日出席海洋公園40周年開業慶典。

嘉欣透露為了讓女兒認識保育,於是每星期也帶囡囡到樂園參觀,她說:「兩個女最鍾意旋轉木馬,每次都連玩三次,機動遊戲我哋就好少玩。」嘉欣指女兒對樂園動物求知欲強,她說:「舊年熊貓佳佳走咗,佢即刻問點解咁多花,我解釋佢聽佳佳年紀大上咗天堂,藉佳佳件事話佢聽媽咪都會老,心裏面有媽咪就得。」談到農曆新年將至,嘉欣表示選擇舉家留港,享受和家人郊遊樂,遠離人煙的感覺。採訪:卓寶花攝影:沈健程




來源: http://hk.apple.nextmedia.com/entertainment/art/20170111/19892731
林嘉欣 佳佳 教女
PermaLink: https://articles.zkiz.com/?id=322183

楊思琦教女保護自己

1 : GS(14)@2017-04-29 23:24:47

邵仲衡和楊思琦昨日在尖沙嘴拍攝ViuTV劇集《詭探》,劇中楊思琦演心理醫生,為飾演茅山術士的邵仲衡解決問題,邵仲衡大讚拍檔楊思琦工作有紀律,他說:「今日玩嘅係醫生同病人,頭先佢着背心、短裙拍嘅。」但因轉場拍另一幕,所以思琦改穿長褲。娛樂圈壓力大,問他們可曾要看精神科醫生,邵仲衡笑說:「我未有,仲係新人,返嚟呢行都係一年多啲,遲啲就唔敢包。」而楊思琦稱指自己多數是做聆聽者,5歲女兒也經常發問,她說:「佢成日問刁鑽問題,通常科學問題難答啲。」思琦亦開始教女兒性教育,教她不要讓陌生人接觸身體。採訪:王連連攝影:仇志德



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170428/20003860
楊思 思琦 琦教 教女 保護 自己
PermaLink: https://articles.zkiz.com/?id=331863

【強勢詠春】爆粗師傅教女仔 防胸襲自衞術

1 : GS(14)@2017-06-10 12:23:28

Master Wong的網上影頻道超過一百萬人訂閱。(互聯網)



在網上影片頻道有過百萬訂閱者的武術師傅Master Wong是越南華僑,爸爸是中國人,問及其中文全名,他竟笑說:「我都記唔起自己中文名係乜,大家叫返我Master Wong啦,易記嘛。」他在越南出生,11歲移居英國,廣東話竟如此流利,原來他於當地做廚師打工學懂,跟他聊天時份外有親切感。他上次來港已是五年前,這次是要跟徒弟去越南練武,中途停香港見朋友及粉絲。



雙手叠腹前看似簡單,這個動作可助你踏前一步打人,亦可頂手踭擊退敵人。

女生不幸被胸襲時,可伸直手捉緊對方的手腕向外扭。

別以為Master Wong自小骨格精奇,他學功夫的原因竟係:「細個讀書俾人蝦,好想保護自己。」達到呢個目的,他覺得要學些快狠準的功夫,便從自衞術學起,又學詠春及太極,研發一些剛柔並重的招式。7年前開網上影片頻道,不是為生計,而是想用最有效率的方法,幫助不同國家的人,有個免費渠道學武功,遇人不淑都有還擊之力。他的學生主要是警察、保鑣、保安等猛人,收徒弟是隨緣,亦會在世界各地辦講座及交流。他將在香港開訓練課程,結合女士keep fit及自衞術,這次他教一些簡單姿勢及動作,想學習便要睇片。記者:梁慧琳攝影:張志孟




來源: http://hk.apple.nextmedia.com/su ... t/20170605/20044407
強勢 詠春 爆粗 師傅 教女 女仔 防胸 胸襲 襲自
PermaLink: https://articles.zkiz.com/?id=334641

【馮仁昭四圍超】楊張新悅配給教女

1 : GS(14)@2017-07-29 03:41:01

由黎燕珊同曾美華主持嘅奇妙電視節目《朝拜傲媽》,新一集邀請修讀法律後,再完成環境管理學碩士嘅楊張新悅(右)做嘉賓。從小就向三個囡囡灌輸「不可浪費」嘅楊張新悅,習慣瞓覺至開冷氣,同埋着親友送嘅二手衫。楊張新悅講到同老公都係名校出身,不過佢哋唔強求囡囡係咪讀名校,只要開心去讀書就得。撰文:馮仁昭




來源: http://hk.apple.nextmedia.com/entertainment/art/20170728/20103633
馮仁 仁昭 四圍 張新 配給 教女
PermaLink: https://articles.zkiz.com/?id=339075

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019