ZKIZ Archives


國際賽收風 左丁山

2010-12-15  AD





 

二○一○年國際 大賽果然非常好睇,當日馬場人潮洶湧,氣氛好熱鬧,丁財兩旺,一啲平時少見嘅朋友,呢日都在馬場出現。區議會主席C捉住左丁山話:「我今日照你貼士買。」 當堂為之一驚,自己寫貼士,湊吓興啫,累人輸錢,真唔好意思。四場賽事之中,估唔到為港爭光嘅,竟然係莎莎郭隻「締造美麗」,因大熱門「步步穩」臨時退 出,「締造美麗」跟住落飛,我哋追都追唔切,贏出之後,練馬師告東尼笑到見牙唔見眼,莎莎郭就似乎驚喜莫名,眼神露出唔多相信夢境成真咁樣,所以話行運起 上嚟,財神會自動入門,莎莎郭係咁意就收九百一十二萬頭馬獎金,雖則佢唔會旨在,都係一筆大橫財噃。

左丁山輸足九場之後,第十場睇見韋達騎 大熱門「川河勁駒」殺聲震天,十四號「人人興旺」着燈落飛,研究C又一早話佢今日只賭一隻「人人興旺」,諗住買單Q冇肉食,返唔到本,如何是好?突然間睇 到馬經花邊新聞話十號「何方神聖」身價一千萬元,馬主就係以買入貴價貨聞名嘅蕭氏父子,呢隻馬屬蕭公子名下,於是就買6、10、14互串,估唔到就咁搞 掂,三重彩派五千五百幾,就此來一個大翻身,執番身彩。

既有大賽,就有不少商界金融界人士到馬場,左丁山與一位高人傾咗一輪,問起證監會行 政總裁韋奕禮辭職,洋人立即向證監會第二號人物開火,股壇長毛首先開炮,郭家西報隨即有專文回應,極盡攻擊之能事,究竟有何玄機?呢位高人在看台同左丁山 咬耳仔講,據佢所知,政府已通知韋奕禮,明年九月任滿後不會續約,韋奕禮就來一個聰明公關騷,先發制人,自行見記者宣佈明年提前退休,執番啲面子先。又聽 講,佢見記者之前,曾要求各位證監高層一齊企在佢身後俾記者有個photo-op,但俾人阻止咗,否則佢嘅公關騷更加盛大。

韋奕禮離任,誰人繼任要全世界公開招聘,但以二號人物林張灼華(Alexa)之經驗與資歷,點都係一個強力候選人,來自英美澳紐與內地嘅應徵人士未必叻得過呢位女士。高人話,招聘還未開始,就有人要放風宣戰,相信未來戰況相當激烈。


國際 收風 左丁 丁山
PermaLink: https://articles.zkiz.com/?id=20230

中門大開:收風專業

1 : GS(14)@2011-09-07 22:31:58

http://hk.apple.nextmedia.com/template/apple/art_main.php?iss_id=20110907&sec_id=15307&art_id=15591485

今日美國仍關心特區政治,但範圍變得十分廣泛,不再獨沽一味民主化,舊年立法會通過政改時,美國已十分低調。美國利益已轉移至中國戰略物資進口、北韓在澳門活動、賭業集團洗黑錢、美商在港利益等,而香港仍保留 50年代作為觀察中國橋頭堡地位。
所以大家從維基解密檔案中可以見到,香港外交人員收風範圍十分廣泛、細緻,與老美外交人員接觸者都會驚訝,本來只係酒會十分鐘吹水內容,但也出現在呈交華府外交滙報之中。
香港政客高官商人學者,可能從無想像過,在中國駐港特派專員國慶酒會上,拿着酒杯笑意迎人走過來的美國參贊,是早有預謀接近你,大家相識非偶然!
2 : GS(14)@2011-09-07 22:36:24

http://hk.apple.nextmedia.com/te ... 104&art_id=15591785

有工商界人士呻道,美領館除了會約見政界人士,還會定期約見商界、專業及學界人士,他們討論的話題除了政治,還有中、港經濟、人民幣政策及內地經濟問題等;由於商界及學界人士經常有機會與內地官員接觸,了解內地某些官員想法,所以他們與美國官員「閒談」時,有時難免在不知不覺或半知半覺情況下提及某些內地官員或智囊的看法。
這些財金界及學界人士原以為,有關對話內容不會曝光,偶爾「講大咗」或「講多咗」也毋須擔心,反正不會有人知道,維基解密卻將美駐港總領館機密外交電文全部放上網,還公開所有「報料人」姓名,有人開始擔心與美官員的對話萬一「不幸」被公開,有可能影響他們與內地官員的關係。尤其內地對「國家機密」的定義不明;假若北京將他們視作向美國「洩密」,後果可大可小。所以該名商界人士估計,恐怕日後不少商界會對美領館邀約「閒談」倍加小心甚至敬而遠之,一切可免則免。
3 : GS(14)@2011-09-07 22:36:49

是咪真是無私隱? 講野都咁小心,呢個甚麼世界?
中門 大開 收風 專業
PermaLink: https://articles.zkiz.com/?id=275915

【先達收風】先達水盡鵝飛 店主:新年後可能執笠

1 : GS(14)@2016-01-18 01:34:12

先達廣場以往一向是低價買手機及放機地方,但近年聲譽變差,不少人對「先達」兩字避之則吉,加上上月實施的競爭法,令先達手機價位比百老匯、豐澤低不了多少,再加上早前炒燶6s一事,令商場的小商戶更難經營。記者早前去到先達掃場,光在地面一層就至少有五個吉舖招租,二、三樓更多,問及相熟店舖老闆,他認為現時先達聲譽太差,生意難做,「有某幾間黑店令到成個先達個朵臭晒,將翻新機當新機賣,出過幾次事啦!依家根本就無人會嚟,未來幾個月,慢慢會有更多店舖執笠呀!」他又形容競爭法令先達本來擁有的平價賣點全無,街外其他店舖都可以相同價位賣機,「店舖開始轉型,只做收機或維修,唔敢入新貨喇!」他指場內店舖大多營業額不足以支付租金和燈油火蠟,農曆新年過後應該會有更多商店離場,分分鐘包括他自己。記者:方健銘



光是地面一層,已經有至少五個吉舖招租。

就連二樓電梯口亦罕見人影,可見先達的冷清程度。



來源: http://hk.apple.nextmedia.com/su ... t/20160117/19455077
先達 收風 水盡 盡鵝 鵝飛 店主 新年 可能 執笠
PermaLink: https://articles.zkiz.com/?id=294418

【先達收風】iPad Pro殺到 iPad Air 2二手價封盤

1 : GS(14)@2016-03-28 14:16:54

9.7吋iPad Pro將於三月三十一日開賣,在這個賣機前夕,好多先達專做二手賣賣生意的店舖都如臨大敵! PHONEBOOK老闆然哥說:「相對上回的12.9吋iPad Pro,可能是專業人士使用居多;但9.7吋的新版iPad Pro,相對就親民得多,攞出街用亦見方便得多!如果要作較相近的機種比較,其實應該為同樣是9.7吋顯示屏的iPad Air2作比較會更貼題!須知iPad Air2已經推出了近兩年時間,論效能,可能已經有好些感覺不夠用,或心思思想換新機了,所以9.7吋iPad Pro有機會引發換機潮!」新機未正式派貨,不過已經引發起舊機冧價潮,矛頭當然直指向同吋數的iPad Air2!據知國內的收機佬,已經在星期初停止了收iPad Air及iPad Air2的二手貨,相對香港情況好一點,還有好些舖頭還肯接收二手貨,舊版iPad Air的二手價為16GB$1,400(上周價格$1,700)、32GB$1,600(上周價格$1,900)、64GB$1,800(上周價格$2,100);至於iPad Air2則為16GB$1,800(上周價格$2,200)、32GB$2,200(上周價格$2,600)、128GB$2,500(上周價格$3,000)。iPad Air的平均跌價為$300,而iPad Air2的跌價為$400-$500,「不過大家需留意,由於現在的跌價情況還未定下來,所以一般舖頭只會接收一些保養得較好的機種,所以現在大家想將舊iPad脫手,仍然是一個頗大的問題;預計新iPad Pro發貨後,還會引來新一輪的跌價潮,如果唔急於套現換機,亦可等國內收機佬重開二手價時再考慮,預計下周尾情況會較為明朗。」查詢:PHONEBOOK(旺角先達廣場1樓F17舖)記者、攝影:朱崇德





來源: http://hk.apple.nextmedia.com/su ... t/20160328/19547061
先達 收風 iPad Pro 殺到 Air 二手 封盤
PermaLink: https://articles.zkiz.com/?id=298668

【先達收風】SONY相機/鏡頭斷貨 二手放機有靚價

1 : GS(14)@2016-05-24 10:31:05

日本熊本地震都過咗一個多月,不過對相機業的「餘震」仍然未了!話說熊本可是日本晶片廠的集中地,好些人將之媲美矽谷對美國生產高科技產物的重要性。據相機舖的行內人稱,今次地震對三大相機大廠--Nikon、Canon及SONY影響尤大;Nikon與Canon到今天仍然是非常有限地供貨;至於SONY情況稍差一點,原本預定在四月底及五月供貨的相機與鏡頭,大家都發現不見踪影了,而且「斷供」的問題,暫時仍未見盡頭。據稱香港好些專營行貨的電器連鎖店,SONY的相機與鏡頭,都開始出現斷供情況;至於水貨商哪邊,據知還有一點存貨,而且還開始標高對一般商舖的「發貨價」,甚至還有點囤積居奇的意味。現在一般水貨的「發貨價」,已經無限貼近普羅大眾的「街價」了,以每部相機及鏡頭可賺最高10%計算,所以現時SONY相機的街價,應該會較平時貴上10%才合理。真的炒得起嗎?對不起!現實是香港消費力十分疲弱,好多舖頭都本着只守不攻的心態,所以哪管「供貨拆家」不斷提高「發貨價」,但小店方面則出現不接貨情況,甚至有客需要時,才入一部、半部,令好些大拆家生意額大跌,估計如果情況持續,拆家們都可能要跪低減價求售。
SONY「一手」相機與鏡頭近月銷數非常低,但在另一邊箱卻帶動了「二手」的機鏡價錢,據知二手買賣價錢,近兩星期平均上調了$200-$300;不過話說兩頭,如果你在這時想放相機或鏡頭,或者都會是一個賣個好價的時機。記者、攝影:朱崇德





來源: http://hk.apple.nextmedia.com/su ... t/20160524/19624615
先達 收風 SONY 相機 鏡頭 斷貨 二手 放機 機有 有靚 靚價
PermaLink: https://articles.zkiz.com/?id=301294

港澳辦來港收風

1 : GS(14)@2016-10-02 12:07:49

【本報訊】特首選舉暗戰如火如荼之際,港澳辦副主任馮巍日前低調南下收風,分別與民主黨李華明、民主思路湯家驊會面。兩人事後均指中央似乎未就下任特首人選拍板。現從事公關工作的李華明指,雖然自己非民主黨領導層,但亦有向主席劉慧卿匯報會面,早前他收到馮巍邀請於上周見面,他席間向馮表明不應讓梁連任,又講解今次立會選舉形勢,指由於梁撕裂社會,致不少本土、自決派當選。湯家驊指,他是在上月23日與馮會面,席間向馮講述梁的表現,還有「對香港而家政治兩極化、社會撕裂嘅關係」,但湯覺得對方已聽過很多這類意見。湯更直言,「我感覺係中央未拍板(下任特首人選),無論係話去支持梁連任又好,或者支持一位挑戰者又好」。全國港澳研究會副會長劉兆佳指,馮巍此舉顯示中央有意擴大接觸面,認為這是正常會面,秉承政改否決後與民主派溝通路線,但不表示將建立恒常溝通。■記者呂浩然




來源: http://hk.apple.nextmedia.com/news/art/20161002/19788556
港澳辦 港澳 來港 收風
PermaLink: https://articles.zkiz.com/?id=310915

【先達收風】金色小米5平開$1,780 跌穿底價急清倉

1 : GS(14)@2016-10-12 07:53:22

小米5都唔係出咗好耐,估唔到咁快就做落價,早個星期前街價大概在$2,080,不過最新下試機價為$1,780,不過只限金色機!



價錢抵買嗎?其實對好多舖頭來說,相當有災難性!因為上星期一般舖頭的來貨價為$1,800,現在街價平售$1,780,亦即好多行內人所稱的「穿底價」;今次落一落價,可能令唔少舖頭都要輸錢了!機身規格其實都算高,處理器行頂級的Snapdragon820,並唔係大家成日見開的大陸U;記憶體有3GB RAM配32GB ROM,一般操作絕對應付有餘;由於原設計是旗艦級機種,所以就連指紋解鎖都有埋,如果以價而論,同價位有齊以上功能的機種都幾難搵,最重要是「爆鑊」問題相對少,好多Sales話賣出後,回頭客需要維修小米5的人不多,用家放心之餘,賣機Sales又免咗好多麻煩。如果真係想尋根究底,點解會突然玩落價?肥通收到風,在國內早於9月尾推出的加強版小米5s,預計可能短時間到港;處理器行Snapdragon821配3GB RAM+64GB ROM。由於規格更上一層樓,預計好些手機迷有機會熱捧,所以舊款機急清倉,玩大落價都不無原因。查詢:流動帝國(旺角先達廣場地下G67號舖)記者、攝影:朱崇德




來源: http://hk.apple.nextmedia.com/su ... t/20161012/19797784
先達 收風 金色 小米 平開 780 跌穿 底價 清倉
PermaLink: https://articles.zkiz.com/?id=311731

【先達收風】Mate 9少量派貨餓客 OnePlus 3T缺貨炒上$4,288

1 : GS(14)@2016-12-03 04:43:37

話說手機場都靜咗好一排,原因是欠缺機王級手機撐場,影響大家消費意慾;但呢兩星期情況有些改變;在十一月底臨尾幾日,先後有OnePlus3T及華為 Mate9到場,終於打破了幾個月來悶局。



先講較先落場的OnePlus3T,行最新Snapdragon821處理器,配6GB RAM,再加雙1,600萬像素前後鏡頭,對很多追硬件規格的玩家,真係有非同尋常吸引力!所以到場幾日間,已經開始出現斷貨情況,據知廠方定價為64GB ROM版$3,388、128GB ROM版$3,788,不過在求過於供情況下,11月30日最後炒價為64GB/$3,688、128GB/$4,288。據知現時市面仍然相當缺貨,而且廠方下一批貨預計要到聖誕節前後才到埗,所以這個炒價可能要維持多一段時間。



華為Mate9暫時來貨不算多,其中水貨也進駐旺角先達。

OnePlus3T暫時以128GB版本最搶手,原因係上代OnePlus3只有最高64GB版本,而且64GB與128GB版本,官方定價只係相差$400。

另一個機場討論重點,一定是11月30日開記招、連日同步推出的華為Mate9了,機身行新一代 Kirin960八核心處理器,搭載首款Cortex-A73 CPU SoC及Mali-G71八核 GPU,令手機性能表現,相比上一代 Kirin處理器,CPU性能提高了18%、能源效益提高15%、圖像顯示性能及能源效率相比上一代分別提升了180%;係!同某品牌出機一樣,同大家玩數字遊戲,不過一樣受不少追高規格人士鍾愛。實機試玩過,感覺係幾順暢,而且佢個「Leica雙鏡頭」的確係影得幾靚,2,000萬像素黑白鏡頭及1,200萬像素彩色鏡頭,都相當實淨加有感染力;價錢唔貴,市價同官方定價一樣,都係賣緊$4,780,不過據知香港行貨派貨量極少,少到就算連鎖式電器店,每間差唔多只分得十位數字之內的Mate9,至於細一點的手機舖仔,差唔多係唔派貨。行內人都話華為行早年iPhone的「饑餓營銷」策略。據知不少手機玩家都開始對Mate9問價,一眾小商舖只有記望下周開始,香港官行會派多少少貨等大家有得賣啦!據知水貨哪邊,由於香港行未見多貨,所以水貨價都水漲船高,定在與香港官價睇齊的$4,780,大家以為水貨可以平幾嚿?可能大家要等多排了。至於手機定位更高一層,而且華為首玩兩側呈弧形屏幕的 Mate9 Pro($6,280),大家則可能要等到聖誕節前先見到實機了。查詢:麗達屋(深水埗長沙灣道226-242深之都商場1樓29-30號舖)記者、攝影:朱崇德




來源: http://hk.apple.nextmedia.com/su ... t/20161203/19853480
先達 收風 Mate 少量 派貨 貨餓 餓客 OnePlus 3T 缺貨 炒上 288
PermaLink: https://articles.zkiz.com/?id=317990

【先達收風】Samsung Gear S3水貨殺到 膠帶版frontier平開$2,880

1 : GS(14)@2016-12-09 00:04:18

Samsung Gear S3智能手錶到貨!老實講,一直對Gear S系列冇乜好感,因為設計太前衞,冇乜手錶感覺,不過今次Gear S3真心感覺幾靚,而且功能亦見齊全。



未買錶先睇規格,1.3吋(360 x360)彩色顯示屏,而且仲使用Corning Gorilla Glass SR+特硬錶面,處理器行Exynos7270(雙核心1.0GHz),有768MB RAM配4GB ROM;操作感覺是爽利的,不過最重要係錶身設計外形,有點介乎運動型手錶及潛水錶之間,好多手錶玩家都讚今次設計,係歷代最平衡及討好的款色!大家最關心當然是價位問題,今次Gear S3分別有兩個不同版本,分別為使用黑色錶身配膠錶帶的Gear S3 frontier,及銀色錶肉配黑色皮帶的Gear S3 classic,兩者行貨價錢同為$3,398。韓國水貨哪邊都在行貨推出後,同步到貨,價錢會平上一點,只需$2,880,兩者差價為$518!不過暫知水貨只返了膠錶帶版的Gear S3 frontier,聞說原因為皮錶帶被一眾行家不大看好,說香港天氣熱,唔太多人喜歡皮帶款色云云;而且今次Gear S3 frontier的黑色錶帶亦做得特厚,所以質感唔錯,仲帶一點高格調潛水錶感覺,所以被一眾水貨舖看高一線。
Gear S3功能都幾全面,配合它的潛水錶造型,錶身還配置有IP68抗水、防塵功能,能於水深1.5米下使用長達30分鐘;其它功能還包括內置揚聲器接聽電話、接收即時訊息、手錶短訊回覆、內置GPS記錄運動足跡、氣壓與高度計、實時心率監測、健康數據追蹤、日程提示及藍牙播放音樂等。由於錶身受體積所限,只裝得下380mAh電池,不過配合Samsung的慳電配置,每次叉電可以用上3至4天,唔似一般智能手錶,日日要為叉電而煩惱;另外手錶內還有一個低電量模式(Power off Watch),會在電量少於百分之五時自動啟動,能供用家用多10小時,這亦是個頗貼心的設計。查詢:三禾電氣(旺角亞皆老街83號先達廣場1樓F33)記者:朱崇德


水貨只返了膠錶帶版的Gear S3 frontier,錢為$2,880。

跟錶會有無線叉電座一個,只要接上一般microUSB線就可以叉電。

原封包裝內,有兩條長短不同的原廠錶帶,方便配合大家不同的手腕粗度。


錶身具的IP68抗水、防塵功能,配合類似潛水錶的造形的確相當合襯。

錶底有心跳感測器,方便接收用家的健康數據資料。



來源: http://hk.apple.nextmedia.com/su ... t/20161208/19858305
先達 收風 Samsung Gear S3 水貨 殺到 膠帶 frontier 平開 880
PermaLink: https://articles.zkiz.com/?id=318803

【先達收風】少量舖頭 新年「紅假」限時營業

1 : GS(14)@2017-01-29 10:32:09

新年流流,當然希望萬事順心!不過手機這種日常使用最頻繁的物品,總有機會出現故障,你話咁唔好彩,農曆年「紅假」期間,需要整手機或買新手機要怎麼辦?其實好多人都未必知道,旺角先達在年初一至年初三(初四開始回復正常營業),都會進行有限度服務;好些店舖老闆,在這幾天都會返舖頭,開開門、拜拜神,甚至順手做一、兩單生意;暫知有極少數店舖,仍然會有限度開門營業。據知當中包括買賣手機舖頭、維修手機舖頭,及專賣手機配件及機套等。不過一般營業時間會比較短,大概會在下午2點開門,下午5時後就會陸續收舖。記者問了商場內不少舖頭,「開門舖」主要集中在「上一層電梯」的二樓,如果有需要為手機睇急証人士要留意了。記者、攝影:朱崇德2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170129/19912126
先達 收風 少量 舖頭 新年 紅假 限時 營業
PermaLink: https://articles.zkiz.com/?id=324645

【先達收風】韓版S8+水貨深宵到港 64GB版炒起$8,480

1 : GS(14)@2017-04-22 10:23:18

機身顏色有三種選擇,分別為紫、藍及黑三色。

4月18日是SAMSUNG迷的大日子,因為水貨版GALAXY S8正式到貨了!大家手上越行越慢的Note5及S7,捱了一年有多的時間,終於可以讓它脫手,並換上一部新手機。S8+又幾時到貨?估唔到真係冇走數!在同日的晚上、近半夜的12點鐘,亦正式登陸香港。或者大家聯想到水貨商,想用「擠牙膏」式營銷策略,令機價炒起!不過對唔住,現實是暫時S8及S8+貨量非常少,據三禾電氣老闆Simon表示:「暫時S8及S8+的貨源比較緊張,兩部機的到貨量,首批每款都在10部之內,所以只能提供給一早已落訂的客戶,至於Walk-in客,可能要等20號及21號的第二批次手機了!」首批到港的S8+,與S8同樣屬韓國水貨版,不過機身已內置有香港繁體中文介面,所以在香港網絡對應上完全冇問題,機身有三款顏色選擇,分別為紫、藍及黑三色,記憶體容量為64GB ROM+4GB RAM,處理器可能與香港行版有點點分別,韓國水貨版使用了三星自家八核心處理器,至於香港行版推出時,有望可能使用Snapdragon835處理器,Simon表示:「跟據以往S7系列經驗,使用三星處理器的水貨機,效能上可能有點點不及Snapdragon版本,不過就電量控制方面,可能會做得好一點,有些舊客戶表示使用時間更會因而長上一點,不過今次情況是否一樣,可能要待行貨版S8及S8+推出後作進一步求證。」至於大家最關心的問題,當然是機價了!S8+/64GB版首批水貨賣街價為$8,480,如果以美國大型電訊商AT&T公開售價作比對,的確是有點高了!因為當地的定價為850美元(約港幣$6,600);不過大家需要注意者,是首批韓版S8($7,880)及S8+是「飛機手帶貨」,所以就成平上會比較高,亦是令機價向上調的一大原因;Simon續稱:「由於在4月18日的早上,韓國當地首批只放出細版的S8,所以首批到港的是5.8吋細芒版S8;及後在同日的稍後時間,6.2吋的S8+亦開始發貨,不過由於要等第二輪飛機到港,所以直至同日的近半夜12點才能到港。」機價會逐步向下調嗎?老實講!頭批到貨機一定成本高一點,如果貨量充足,機價估計有望逐步向下調;不過暫知到貨量暫時不太穩定,Simon說:「據知緊接的幾天,都會有水貨S8及S8+到港,不過『韓國買手』表示,暫時亦未能知到確切的數量;新到水貨機暫時會主力供予提早預訂的機迷,如果貨量有多者,才會供Walk-in客選購。」查詢:三禾電氣(旺角亞皆老街83號先達廣場1樓F33)記者:朱崇德2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/su ... t/20170420/19995040
先達 收風 韓版 S8 水貨 深宵 到港 64 GB 版炒 炒起 480
PermaLink: https://articles.zkiz.com/?id=331083

西環集中營:京關注UGL事件 向港政界收風

1 : GS(14)@2017-05-26 23:51:34

特首梁振英因被指干預立法會調查UGL事件,令UGL事件再被炒熱,他企圖逼專責委員會成員梁繼昌辭職,反而引來法律學者張達明及劉進圖公開撰文,質疑UGL事件中梁未清楚交代的疑點,特別是劉質疑梁與UGL或有未公開後續協議,季陶聽聞已引起一些接近北京人士「關心」,私下向香港政界打探。


憂為習訪港添暗湧

該政界中人稱,當日梁振英獲增補為全國政協委員時,曾說過已就UGL事件主動向中央交代,強調從未接獲任何地方稅務局查詢,即梁已向中央保證UGL事件「冇手尾跟」,令他可順利成為政協副主席;但現在張達明及劉進圖卻對UGL事件提出更多問題,包括梁與UGL是否有未公開的後續協議,「究竟CY當日向中央『交代』內容,有冇交代埋張、劉兩人提出嘅問題?呢個相當重要,因為佢哋嘅指控若屬實,梁就有可能觸犯法律」。他又指曾有一些接近北京人士私下問他,有關質疑「幾大可能是真?」該政界中人稱,「我答佢哋真係唔知,因為只有梁同UGL先最清楚,但梁到今日冇清楚回應張、劉提出嘅問題」,但他也多補一句,「但只要睇梁『秒回』梁繼昌,但對張、劉提問就唔答,背後代表乜,大家心中有數」。至於接近北京人士為何如此「關心」UGL?該政界中人認為今年7.1國家主席習近平來港,任何「風吹草動」也會令北京神經緊張,個人猜測由於UGL事件涉及外國公司,之前又是海外傳媒爆料,「北京可能要評估,萬一劉進圖等人質疑嘅嘢係真,會唔會忽然又有外媒爆料?要知道梁唔止係特首,仲係國家領導人」。季陶周一、三、五刊出



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/news/art/20170526/20034311
西環 集中營 集中 京關 關註 UGL 事件 向港 政界 收風
PermaLink: https://articles.zkiz.com/?id=333991

【iPhone X收風】台機多到水浸 機價會大插水?

1 : GS(14)@2017-11-05 16:41:10

講到炒iPhone X,一直以來都係一遍利好消息,最高場內有人話會炒5萬!不過臨出機前夕,終於「淡風」不斷;唔係要大家一定信,你亦可當場內人出口技想壓價,不過點都好,想知清楚iPhone X的價格走勢,都係應該了解當中細節。


說10月31日萬勝節這一天,「最嚇鬼」的消息,首數電訊服務商的「台機」終於到貨,意即Apple正式將iPhone X,交到電訊服務商貨倉內!據場內人消息稱,呢部iPhone X唔止用家睇好,就連台都睇高一線,因為可以夾到客上台甚至加長服務合約;不過未出貨前,一直話貨量緊張,所以好多台主事人,都變得進取一點,入貨量較慣常「重手」一點,就算正式派貨時,供貨被打過七、八折,都夠機畀客嘛!不過,正式到貨後一點數,今次Apple竟然好似黃大仙一樣,有求必應喎!所以變成好多台都有非常「重貨」的iPhone X,後果會係點?多出咗的iPhone X,當然好大機會成為「後門機」,轉落場內細舖,甚至經炒賣iPhone的「艇仔」,轉上國內銷售啦!或者大家會問,可有甚麼證據台機貨多?好實質的證據就冇喇!不過據行內人稱,其實大家在預訂iPhone X時,有否發覺身邊朋友,「1-2個星期送貨」名額特別少呢?據知就是有部份貨量,分咗落「台機」方面,所以一般人都是「3-4個星期送貨」居多。由於預計香港整體iPhone X數量,可能會比預期充足,預計機價會大大插水,價錢是多少?據稱台機方面,會在萬勝即後1至2日內報價,如果對炒價方面有興趣者,這兩天要特別留意。記者、攝影:朱崇德



來源: https://hk.lifestyle.appledaily. ... e/20171101/20200592
iPhone 收風 臺機 機多 多到 水浸 機價 價會 會大 大插 插水
PermaLink: https://articles.zkiz.com/?id=343786

【iPhone X收風】引入美版水機有玄機 炒價暫定在$12,000-$13,000

1 : GS(14)@2017-11-05 16:41:10

iPhone X炒價大吹淡風,估計絕大部份人的心裏疑問,一定係機價會由最高的5萬蚊,下插到甚麼水平呢?


老實講,一日台及連鎖店的「後門機」未報價,都真係好難估到iPhone X的放售價!據以往慣例,大家手揸的iPhone,去到搵收機佬賣機,放售價一般都係「後門機」機價,再減上$500-$800,而呢個差額,就係收機佬當中所食的差價。你可能會話,收機佬咪穩贏冇輸?都唔係架!機價上落有時可以非常快,幾百蚊差價都可以一、兩個鐘內發生,如果唔係,大家放機時,又點會成日見到放機價會上上落落呢?「後門機價」未出台!咁大家又點知iPhone X放機價會下跌?其實這與早前盛傳iPhone X有可能炒上5萬有關;據知已經有水貨佬,被早前大炒iPhone X的消息所吸引,並搭好路從最多貨國家之一的美國着手,將引入美版水貨!暫時計算出來的引入價,「大機」256GB的到港價格,大概在$12,000至$13,000左右;所以暫估香港iPhone X的大機炒價,應該唔會高過呢個價位,否則大量入美國水機就得喇!大家可能又會問,美國的水貨機到港又是否行得通呢?據水貨佬解釋,其實當年iPhone7高價時,都曾經引入過美國的水貨機,不過唯一留意點,是有美版機有「雙網」及「三網」兩個版本;基本上「雙網」版本,會同香港版的網絡制式完全冇分別,至於「三網」版本,就會多加CDMA網絡制式,亦即同國內版iPhone X完全一模樣。記者:朱崇德



來源: https://hk.lifestyle.appledaily. ... e/20171101/20200596
iPhone 收風 引入 美版 水機 玄機 炒價 暫定 12 000 13
PermaLink: https://articles.zkiz.com/?id=343787

【iPhone X收風】全線放機價炒起 老行尊都睇唔清!

1 : GS(14)@2017-11-13 03:35:33

今次iPhone X炒價,真係考起好多老行尊!基本就連場內大莊,好多人都估錯晒價格走勢!11月3號首日開賣,原本好多人諗住會大炒,點知先達場內開市後,都只是以$11,200(256GB/黑)價位為最高,同預想的炒上5萬、10萬天差地別。


11月4日周六,好多人都以為是出口「水貨」的最後死線,一定會因為搶貨「交數」而炒起!誰知由於貨量太多(同日Apple開了8次iReserve,而且長開長有!),就連最當炒的256GB黑機,都只是低報$10,100。11月5號周日,正所謂水貨佬都要休息,加上銀行放假回唔切錢,令收機倍加困難,所以好多人都諗住價錢會下滑,不過又對唔住喇!誰想該日下午3、4點過後,大批自由行襯放假落嚟掃貨,256GB黑機拉高上$10,700、256GB銀機亦高報$10,500,不過一樣有價而冇貨,令不少收機舖飲恨!11月6日周一,其實一致是看淡的,事關日版水貨今日到港應市,加上Apple又開始派貨,所以源於機多的原因,機價一定會下滑;不過現實是機價不跌反升!其實當中不無原因,首先是先達早上11點一開門,已經有不少拉水貨的大陸人在先達守候,據稱每拉一部上大陸,都有近千元的賺錢水位,再來是今早第一輪Apple的iReserve,竟然在3分鐘內完結,須知上周六的8次iReserve,都開成十多分鐘或以上,所以令人估計今日的放機量較少,不過更重要的是香港果農的團結,近幾日的放機人的確見少了,所以在貨少的前提下,機價不斷上升。截至11月6日下午2時為止,最新的放機價機為256GB黑機/$11,050、256GB白機/$10,950、64GB黑機/$9,100、64GB白機/$9,100,如果放機人數一直維持低水,機價有望繼續上升!不過亦老實講句,放機價好受放機數量影響,所以亦不太建議大家胡亂入市。記者、攝影:朱崇德



來源: https://hk.lifestyle.appledaily. ... e/20171107/20206413
iPhone 收風 全線 放機 機價 價炒 炒起 老行 行尊 尊都 都睇 睇唔 唔清
PermaLink: https://articles.zkiz.com/?id=344082

【先達收風】Panasonic玻璃藍無邊手機 平價中階$1,980入手

1 : GS(14)@2018-01-08 01:02:34

Panasonic Eluga C($1,980)這個機身閃亮藍色好罕見。

全新旅遊專頁,即like籽想旅行:https://fb.com/travel.appleseed千零蚊手機,都可算相當入門級,好多人都偏向實用性為購買原則。最近日系機都加入這個戰團,所講是Panasonic Eluga C($1,980)。


Panasonic手機都好耐冇走進大家的眼前,但這部Eluga C一出場已令人眼前一亮,所講是它的特別機身配色,找來三禾電氣老闆Simon作講解:「機身的藍色非常搶眼,有點似玻璃及水晶包裹的設計,如果經現場的燈光折射,還有點幻彩的感覺,這個藍色相當有日系感覺,效果較htc U11藍色更討好。」


雖然是平價入門機,不過一樣有不俗包裝,用來做聖誕禮物都不失禮。

跟機配件幾齊,除叉電線及火牛多,還有透明機殼及保護貼等。



千餘元的機價,對硬件的要求都不會太高,而且還有點似國產機的感覺:「處理器使用MTK八核,配上4GB RAM及64GB內存,看規格已是中規中舉,不過驚喜位是使用了一個接近Android7.0原生系統,沒有多餘的App放在手機內,令手機運行十分順暢,而且操控介面亦是一貫日系機的美觀,而且還直接支援多國語言,算係個幾實用的配置。」不過肥通覺得更重要的,是它使用了現時最流行的三邊超幼邊框設計,細細部機已有不俗的5.5吋屏幕設計,而且畫質有點鋒利的硬朗設計,這是入門機中少見的靚芒選擇,如果說不好之處,感覺是有點點的偏藍感覺,唔通佢想襯返機身隻藍色?


屏幕感覺畫面線條非常清晰硬朗,個人來說是頗喜歡的,而且機底位置還有指紋辨識功能。

操作系統好精簡,唔見太多日本的專用Apps,令手機操作更爽利。



其他功能都跟得手機潮流好緊吓,例如有指紋解鎖功能,以平價機嚟講算有交代了,唔通你想有臉部辨識解鎖啩?機背會發現有雙鏡頭設計,一樣是主力玩相片虛化效果,亦即所謂的「淺景深」,不過老實講句,好似效果就較一般了。


手機使用雙鏡頭設計,主力玩相片虛化效果。留意機背的藍色有點底層紋理,還會因應現場光的折射而變色。

相機的虛化效果一般,反而我覺得佢就咁影相會來得更細膩寫實。



雖然千餘元不算高價,但人總是貪心的,這個價錢還有其它機款選擇嗎?就此求教Simon:「這個價錢已不太多了,很久未見這種平價日系機,對上一部已經是近一年前的htc Butterfly3,當年開價都要逾二千元,Eluga C可插雙卡,外形更美觀,機價還要低於二千元,比舊款更抵買。」查詢:三禾電氣(旺角先達廣場1樓F33)記者:朱崇德攝影:張志孟



來源: https://hk.lifestyle.appledaily. ... e/20171220/20249881
先達 收風 Panasonic 玻璃 無邊 手機 平價 中階 980 入手
PermaLink: https://articles.zkiz.com/?id=346418

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019