ZKIZ Archives


中環在線:美MBA精英華爾街搵工難 李華華

2008-11-06 AppleDaily

隨 住貝爾斯登同雷曼等大型投資銀行出事,好多喺華爾街打滾多年嘅金融才俊都要執包袱,今年畢業嘅MBA學生,分分鐘會變雙失青年。路透社仲報道,出年大小企 業嘅招聘活動都減少,甚至叫停,預計華爾街會喺呢次經濟衰退中,減少4.5萬個職位,就算繼續有招聘活動,有投資銀行話,請人數目都會比以前少咁半,而且 更加揀擇o忝。即係話,職位有少無多,周街都係MBA,請人就梗係個個揀精英啦,即使帶住MBA銜頭,只要唔夠醒,一樣唔夠人爭。

細公司趁機吸尖子

不過事情又唔係去到絕路嘅,報道話,大學尖子生以前有大機構爭住請,家陣機會冇咁多,反而益咗啲細公司,趁機吸納尖子學生。仲有就係,畢業生人工平啲,所以出路都好過有5至15年經驗嘅前輩囉。
中環 在線 MBA 精英 華爾街 華爾 搵工 工難 華華
PermaLink: https://articles.zkiz.com/?id=3096

搵工 集思廣益, 繼續浮沉

http://blogcity.me/blog/reply_blog_express.asp?f=U5ESNT0PL4145585&id=215474&catID=&keyword=&searchtype=

呢排金融界好似好景左, 好多朋友出動搵工跳槽, 有兩個case幾想同大家分享下, 由其係d想入行既網友.

第 一位朋友係一位天才兒童, 21歲 英國oxford 既master degree, 本想讀埋phd., 但怕讀完除左教書冇人敢請, 於是鬥爭一論, 忍痛出來接受社會大學再教育, 某大i-bank好重視佢既interview, call齊4地老闆玩cam, 我估以佢既條件應可順利入行, 只怕佢本身冇興趣做呢行, 最後好似以下我另一個朋友咁, 浪費左一身好本領.

另 一位朋友呢排日日打電話問功課, d問題屬於101  level, 佢本身十幾年前亦係一位天才兒童,grad.後入 big 4, 再入i-bank, 再轉buy side, 最後做左asset management, 條career path好正路, 佢亦係本地第一批有cfa牌既人, 幾年前又入hku考埋econ.既master degree, 正常以工作經驗加學歷, 佢既金融知識理應強到無倫, 但偏偏佢幾乎乜都唔明, 連一份hkma新聞稿都弄不明白(注: 份野係中文, hkma既中文翻譯水平好有問題, 我也想了一陣子才估到原版英文既意思). 或許你唔明點解佢可以係呢行混左十幾年, 因為佢有背景又有一份好睇得既resume, 呃得下人. 又或者你唔明點解天才兒童之後咁質素麻麻, 呢個問題就係重點. 呢位朋友根本對金融一d興趣都冇, 佢一心做i-bank只為一個原因, 就係"夠威". 浪費左十幾年, 亦到左關鍵位, (注:detail 好長篇,我懶得寫, 總之打工打到一定程度, "料"有限既人就會遇到做唔做落去都係死既問題.) 我提議佢不如轉去政府做, 可以好似任總咁"安享晚年", 不用怕做唔到. 我地自小相識, 內心很替他可惜, 他如果唔係要威要面而入左呢行, 我信以佢既才華必有一番作為, 也有一個快樂許多的工作生涯.

金 融呢行有好多level, 但只有少數"工種"可以好風光, 搵到大錢, 滿足喜歡冒險剌激的有志青年, 更多的"工種"係沉悶不堪, 冇前途, 人工也很一般, 付出卻許多卻冇乜得益. 好彩既, 做呢一行你可能學識玩財技, 唔好彩既做在幾十年除左識炒(注:唔代表識羸)就乜都唔識.  要入行的朋友最好想清楚, 一入金融深似海, 搵慣快錢好難再入正途, 最怕好多係搵唔到又回不了頭.


搵工 思廣 繼續 浮沈
PermaLink: https://articles.zkiz.com/?id=29002

新人搵工 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130623/18308505

就快到七月咯,不少年青大學畢業生夠叻或者夠運嘅,已經搵到工做,有啲六月上班,有啲七月返工,但有啲仍然等呀,等呀,等收公司HR來信,希望收到好消息。一位新紮師兄去年升咗做營銷經理,今年第一次負責面試大學畢業生,為公司聘請推銷員,佢在浙江軒食午飯,碰到左丁山,請教請人之道,點樣揀蟀先至啱,左丁山話:「香港老闆好鍾意睇沙紙,睇學校名氣,睇申請人主修甚麼科,譬如以左丁山所知,一啲大行愛請英美名校學生,本地大學畢業生只選港大中大科大,科系就以經濟金融商科為主,素來都係咁,但係睇吓人地美國,真正用人唯才,一個史諾登咁低學歷嘅人,中學未畢業嘅都可以入到Booz Allen,領取20萬美元年薪,NSA嗰位亞歷山大將軍仲喺國會面對質詢時,稱讚史諾登嘅電腦技術高超。做營銷呢行,唔係淨係讀過營銷學(Marketing)先至掂嘅,要有不少街頭智慧,為人外向,說話醒目,但同時又要老實唔好造數砌數呃公司噃,你試吓面試一啲非名校學生,非商科學生,比較吓啦!」
幾日後,新紮師兄回報:「出咗廣告之後,收到好多信,不少係在美國讀大學嘅,從東西岸回流香港搵工,又有好多本地畢業生,但冇中大港大科大人申請,大概嫌我地公司細,人工唔多啩,依家真係花多眼亂,冇咁多時間逐個見,只揀咗十零個英文求職信寫得唔錯嘅學生嚟見。唔好彩,冇本地生在內!」
後來見到一位世姪,今年中大畢業,問佢搵到工未,佢話正在苦苦地等政府佳音,考咗政府工,就快有回音。佢好似非政府工不做咁款,問佢:「啲公僕嫌加薪唔夠,影響士氣,你點解鍾意入政府?」畢業生話:「政府工好處多到極,我申請緊份工,月薪三萬,高過晒在中環班同學,他日成為長工,福利多,終身有保障,唔會炒魷魚,幾好呀,個個同學都想考入政府呀!」唔係啩,考入滙豐,話唔定三十年後成為另一個鄭海泉呢?畢業生話:「30年?耐唔耐啲呀,或者中間俾銀行炒咗幾次呢!」政府工原來咁渴市,在職公僕仲話加薪幅度小㖭,似乎佢地是但一位行開,大把人爭住填位噃!

新人 搵工 左丁 丁山
PermaLink: https://articles.zkiz.com/?id=59502

搵工科目 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130817/18381984

上星期某個晚上,走回新亞書院一行,見到不少同學已組成不同小隊,分穿紫、紅、黃、藍等不同顏色T恤,練習叫口號,想來必是預備迎新。8月9日各大學宣佈了招生結果,收到入學通知嘅學生當然歡喜萬分,入唔到嘅,一時為之氣餒,此乃每年八月中一定發生之事,各位應屆文憑試學生最好睇開啲,入到大學第一個志願嘅,恭喜曬,入唔到嘅,咪以「艱險我奮進,睏乏我多情」嚟鼓勵自己囉。秘書L嘅表妹三年前係沙田某名校嘅高材生,以為必入中大港大,點知高考失手,八大不入,唯有讀副學士,讀咗兩年畢業,以成績接駁入咗一間英國大學,呢,今年九月返嚟香港入港大,將來搵工,邊度有僱主理會佢高考成績吖。
但未來僱主會好理會畢業生讀過乜嘢科目噃,反為主科只作參考。根據美國CNBC電視搵到嘅勞工統計局(BLS)數字顯示,2012年有284,000個美國大學畢業生只能搵到最低工資嘅工作,已比2010年嘅327,000人為少,但比十年前(2002)大增70%,即係話美國依家有好多受過大學教育嘅酒吧酒保與餐廳侍應。
讀完四年大學而只能做侍應,讀嚟做乜?中國方面,每年有七百萬個大學畢業生,相當於香港人口,今年係史上最難搵工一年。如果四年後畢業想搵到工,今年嘅大學新鮮人要在九月初選科時選修一啲乜嘢科目?
CNBC訪問咗一位在藥廠負責請人多年嘅男士,問佢點樣輔導三位女兒(分別主修化學、傳播及公共政策),呢位男士話:「要佢地選修公開演講(Public Speaking)或戲劇(Theatre)兩科,結果現在三個都搵到好工!」
CNBC再訪問不同業界人士,得出一個結論,請大學生無論主修人類學、化學、歷史、數學也好,讀四年大學要必定選修下列五大科目:(一)STEM,即理科、科技、工程與數學有關科目,學會整理數據,像科學家與工程師般理性邏輯思考;(二)商科與經濟,學識現代商業社會之基本運作模式及道理;(三)舞台演戲技巧,識如何發言說話,唔怕醜,將來做演述(presentation)好重要,此中包括Public Speaking、Debate(辯論)在內;(四)專業寫作Professional Writing,在香港嚟講,即是中英文作文俱佳;(五)參加領袖訓練活動;(六)爭取實習機會。各位2013年新鮮人,請注意及之。

搵工 科目 左丁 丁山
PermaLink: https://articles.zkiz.com/?id=73695

財會界好景 2011畢業生有錢途 海嘯後重生 老手搵工蝦碌記

1 : GS(14)@2010-09-20 22:30:45

國際人力資源顧問公司Avanza董事吳冬梅指,最近招聘市場非常熱鬧,躍躍欲試來年上市的公司,爭聘資深財會人才助陣;澳門酒店業及娛樂事業復甦,亦帶旺前綫甚至資深HR總監、數據專才等需求。不過,她提醒各位行政人員:別因搵工期太長而心急上班,有人因此誤入黑店無糧出,有人則面試時老貓燒鬚。

消費品集團財務總監陳遠秀亦留意到,近期財會專才又再搶手:「中層管理人不斷接到挖角電話,下一波,將輪到較資淺的專才。僱主須警醒如何留才了。」

吳冬梅指最近有不少資深財會人員的空缺:「08-09年跌市,2010市場靜極思動,有好大堆公司以數年亮麗佳績,獲得海外一級公司青睞,正準備2011年上市。因為要落本做好Pre-IPO準備,執靚盤數,於是爭相聘用CFO、FC(財務總監)、公司秘書。」

CFO人工被拖數



上述職位需要經驗豐富,具備上市經驗,熟悉聯交所條例及整個申請過程,幕後兼顧投資者關係,幕前要站台做演示,要型仔型女,又要識講故仔。瓣數多多,並非每一位資深行政人員都能勝任。

不過高級行政人員有時也會失手被騙,吳冬梅就認識一位CFO,09年開始搵工,搵了3、4季,卻誤進黑店,今年首季返工至今還未出過糧。據悉他是透過自薦取得面試機會,入職時公司尚未埋班。最初兩個月,公司交不出糧,打人情牌說:「遲些啦,你知道環境多困難啦!」之後又託辭繼續拖欠。

她提醒:「申請上市的公司中,最終成功如願上市的大約只有一半,其他公司可能臨時轉軚,可能做做下老闆嫌煩,或者大市不利寧願押後。就算待業已久,心急找工,亦須多留意一些蛛絲馬迹,如該公司有無拖數(包括中介公司、供應商、員工的數),制度是否夠透明,以免遇人不淑,到頭來白做。」

HR總監自視過高

澳門酒店及娛樂事業又見蓬勃,吳冬梅指不少招聘要求來自大海那邊,不過,她提醒資深專才要清晰自己的能力是否脗合僱主要求,不要自視過高。她曾處理過一個個案:某奢侈品牌的亞太區新晉HR總監,自覺具備零售界及奢侈品行業經驗,認定澳門某酒店及娛樂場的HR總監位置為囊中物。他屢次要求安排面試不獲應允,居然老羞成怒,遷怒於人力資源顧問,寫了一封超長的電郵來責難,更聲言要指控顧問種族歧視。

吳冬梅表示很無奈,因為面試安排是要申請人脗合僱主要求,而僱主指定要申請人:1. 熟悉酒店及娛樂場運作;2. 要求具備開新酒店經驗;3. 需要管理3-4千人團隊;4. 通曉普通話(因為澳門人少,需大量招聘內地員工,故要求HR管理人跟員工同聲同氣,方便打成一片)。

但偏偏上述新晉HR總監只是具備零售經驗,更遑論做過酒店開荒牛,且轄下整個亞太區域團隊也不過100人,語言不通,「就算硬銷給僱主,也不會受理。何況他態度本身就有問題!」

澳門娛樂場痛失良才

有時夠經驗也會臨門失腳,有位熟悉娛樂場的分析專才,願意為新場作開荒牛,順利獲安排與新任VP見面時,竟然得失對方,更失去幾乎到手的聘書。

吳冬梅說,這位良才本來萬事俱備,任職於競爭對手公司,已經駐澳門,熟知地頭及行業數據,但偏偏見面時遇上一個謙稱剛來步到的新老闆,對方請他盡量介紹業內情況,申請人講得興起,沒留意到眼前的VP已經黑臉,事關他只是初到貴境,而非初入行,事後招聘總監指摘此人不分輕重,有眼不識泰山,竟然教未來老闆做事,更揚言永不錄用。

吳冬梅為他呼冤,因為這位助理VP,高薪厚職,工作順遂,只是抱着企業家冒險精神,願意迎接新挑戰,誰知發表行業意見時一時拿捏不到分寸,結果落敗,而該娛樂場也痛失良才,至今猶未覓得心水人選。

﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏

財會界又搶人!

金融海嘯肅殺之氣漸散,今年市道好轉,香港背靠中國,生機蓬勃,僱主的招聘意慾不約而同提升,消費品集團Moet Hennessy Diageo(MHD)財務總監、ACCA(特許公認會計師公會)前會長陳遠秀觀察到:「4大及CPA會計師行生意都向好,畢業生搵工肯定容易了!但優才難請,2011年畢業生的薪酬福利顯著提高,將有10-20%升幅,空缺最少也要請1,200-1,300人,除了會計本科,也會請非財會專業的畢業生。」

她說競爭愈烈,優才要突圍而出,「求學期最好多參與學生會,發展領導技巧;參加不同專業團體,如擔任ACCA學生大使或Mentor計劃,幫手搞業界活動,提早發展人脈,培養軟技巧。」

另小組面試時須注重團隊精神、人際技巧。舉例,遇上情景試題:

1. 如有人提供利益時,你會如何處理?(須表現出財會界看重的誠實及操守)

2. 遇上工作分配不公平,你會如何處理?(勿讓情緒造成衝突,應客觀分析,與上司商討,甚或主動出擊,爭取帶新人)

主動出擊 留住人才

陳遠秀又注意到:「最近多了挖角,同行說流失率提高,中層管理人也有一個月收幾個邀約電話。下一波將影響後生仔女,僱主須動腦筋留住人才了!例如MHD會跟Star(星級優才)Staff確認其未來事業取向,如想跨區發展的,會主動通知他其他空缺,令他產生更大向心力。過往亦不乏由基層晉升至區域高層管理人的例子。」

其他留才好蹺包括:請HR顧問調查優才的市價,主動提升Star(星級優才)的薪酬福利。提供男士產假、打造進修計劃。新人入職前邀請家人探訪公司,buy in企業文化。
撰文:梁穎勤
財會 好景 2011 畢業生 畢業 有錢 海嘯 重生 老手 搵工 工蝦 蝦碌 碌記
PermaLink: https://articles.zkiz.com/?id=270828

職場生力軍太揀擇搵工難

1 : GS(14)@2012-08-11 18:29:47

http://hk.apple.nextmedia.com/news/art/20120811/16594956
勞工處資料顯示,今年上半年共有56萬個職位空缺,較去年升近四成,暑期工空缺較去年升近兩成,惟統計處最新公佈失業數字(本年4至6月),15至19歲失業率達14.8%,微升0.7%。
為青少年提供職業輔導的聖公會麥理浩夫人中心部門主任林志宏表示,適合中學畢業生的職位有增無減,惟青少年搵工「揀擇」,「好多都要求人工高、地點好、工時穩,對追 quota(跑數)或體力勞動嘅工,都耍手擰頭」。
林志宏又稱,最低工資效應令薪酬普遍上升,以保安為例,人工增幅近三成,由去年約8,000元增至逾萬元,但僱主仍反映請人難,「想請後生仔都請唔到」。他表示,年輕人搵工越來越「奄尖」,「佢哋鍾意寫字樓工,厭惡體力勞動,但冇考慮自己嘅學歷同經驗係咪啱份工,所以有人搵極都搵唔到」。
辦模擬面試傳授技巧
該中心今年與中電合辦職業導航計劃,教授搵工技巧及舉辦模擬面試,有100名待業青年參加。多名面試考官表示,不少年輕人只着重「想做甚麼工」,卻未有考慮條件是否合適。「有人話想做社工同營養師,但根本冇呢方面嘅訓練」。
中電高級人力資源經理陳顯生則發現不少人面試前沒充足準備,連被問為何選擇這份工,也「口窒窒」。周綺萍提醒青少年,不要只着眼工作待遇,應着重發展前景,見工須了解公司背景及工作要求,衣着整齊及顯示對工作的誠意,才可提高受聘機會。
2 : GS(14)@2012-08-11 18:30:22

http://hk.apple.nextmedia.com/news/art/20120811/16594957

觸動輔導中心職場進階課程導師程翠雲表示,時下職青自幼在父母保護遷就下成長,「有人仲拎緊父母零用錢,打工只係要同父母交代,認為上司會遷就自己」,常與上司發生磨擦,轉工也頻密。
中電近年積極招攬新血,卻面對年輕員工嚴重流失問題。中電高級人力資源經理陳顯生表示,思維創新、熟悉資訊科技是年輕人賣點,惟他們不及上一代珍惜工作機會,常遲到早退、被委派「苦差」時黑面等問題。「90後唔鍾意畀人話,好容易放棄,流失率較整體高四倍,達10%」。
家長式管理不合時宜

陳顯生指家長式管理已不合時宜,近年為公司管理人員開班教授軟功管理,「用苦口婆心語氣引導下屬,少咗磨擦,工作效率好咗」。專業旅運助理分行經理譚善華改用軟功後,流失率下降。
《蘋果》記者
3 : Sunny^_^(11601)@2012-08-12 08:53:56

如果比人日日罵我都走啦.
4 : GS(14)@2012-08-12 10:58:26

我就覺得時代唔同,做野同請人的是平等的,你唔可以用以前學徒的心態叫人學佢
職場 生力軍 生力 揀擇 搵工 工難
PermaLink: https://articles.zkiz.com/?id=280864

【職場秘笈一】畢業搵工必讀 專家拆解六大面試難題

1 : GS(14)@2015-05-19 08:48:54

獵頭公司CoreSearch董事總經理張慧敏笑指部份求職者錯把見工當成角色扮演,「有時連自己見嗰份係咩工或者點解自己想做嗰份工都唔知」。


每年八大資助院校有約一萬五千名學士畢業生,為數不少會選擇投入勞動市場,加上私立大學、海外大學、副學士、高級文慿......六、七月的勞動市場不缺就業機會,但處處充滿競爭。苦讀十數載終得一紙證書,對於初入職場的「新豬肉」來說,或是一張面試機會的入場券,但絕不保證成功獲聘。面對你不愛,卻總是找上你的「競爭」,你,有信心突圍而出嗎?今日為大家嚴選六條最難答面試問題,並找來獵頭公司老闆,人稱Son姐的張慧敏為你逐一拆解,不用付款上堂,助你輕鬆成為Interview之皇!1.請你介紹一下自己。
Son姐:面試官叫你介紹一吓自己,其實係想聽吓你嘅表達能力,同埋睇吓你係咪有備而來。好似見工做記者咁,你可以講講你家庭同背景點令你對新聞行業有興趣。2.點解唔請啲有經驗嘅,要請你?
Son姐:你可以話,你呢份工係需要有人返工、有熱誠、肯拼搏、肯努力,呢啲條件我都有,只係差經驗,如果你肯畀機會我,就可以累積。3.畢咗業幾個月都未搵到嘢做嘅?
Son姐:可以照直講,之前冇經驗,用咗幾個月時間,試唔同工種,今次揀呢份工係有備而來。以上三條唔算難題?仲有其他唔識得答嘅問題?睇埋下條新聞!記者:林幗欣攝影:林寶益許頌明





來源: http://hk.apple.nextmedia.com/financeestate/art/20150519/19152059
職場 秘笈 畢業 搵工 必讀 專家 拆解 六大 面試 難題
PermaLink: https://articles.zkiz.com/?id=290468

失業率高 讀文科競爭大 港生畢業難搵工 僅10%留台發展

1 : GS(14)@2016-03-15 15:16:42

■逢甲大學大三生區子珊指台灣生活較香港舒服,考慮留在當地做記者。朱永倫攝


【負笈台灣(二之二)】記者曾昭坪、朱永倫台灣直擊在台港生畢業後,究竟留台發展或回港工作?現時港生若想留台工作,大部份可透過工作評點配額制申請,但統計顯示目前僅約一成在台港生畢業後會申請留台工作。何解?除了當地青年失業率高,有指學科錯配,也是導致搵工難的因素之一,因當地渴求科技、金融等專業人才,但港生卻多選文科!另外,工資水平、家人意願亦是港生考慮因素。


■大葉大學大四生陸艷雯指港人工高但競爭激烈,仍未決定是否回港。


台灣當局於2014年7月開始實施工作評點配額制,評點項目包括學歷、人工、語文能力和工作是否配合政府政策等,畢業僑生累積點數須達70點或以上,並由僱主代為申請,才可留台工作。除農林漁務、土石採礦和公共行政等,基本所有行業港生都可申請。新制推出至今,申請人次並未足額,各地僑生累計僅2,139人申請,當中187人為港生,最終149人獲准留台。若以每年約1,500港生畢業計,即只有約一成留台。


■近年多港生赴台留學,但畢業後搵工不易;圖為國立臺灣大學畢業生。 資料圖片

IT金融人才吃香


去年成立的台灣行政院全球攬才中心正主力在十大關鍵領域上招攬人才,大部份均屬科技IT及金融行業。該中心組長陳明珠指現時港生來台多選讀人文學科,但當地則需要理工、商業及醫學衞生方面人才;統計顯示,過往留台港生中最多人從事綜合商業批發和電腦系統設計等行業。學科錯配,加上當地青年失業率高企,國立清華大學中國文學博士2年級港生江曉輝坦言備受就業問題困擾:「我想喺台灣搵教席。」但若要在台考高中或以下教師證則需要台灣國民身份,畢業港生只能做代課老師,「或者喺大學先做『講師仔』……但其實台『流浪博士』有很多,搵呢啲教席都唔容易」。家人意願也是港生考慮是否留台因素,江曉輝指其認識的港生回港找工作較多:「始終家人喺香港。」大葉大學歐語系大四生陸艷雯指亦說:「離開屋企幾年,媽咪希望我返香港,屋企人想我返就返。」去年本港大學畢業生平均起薪為10,000至12,000港元,較留台港生平均32,890新台幣(約7,700港元)為高。陸艷雯指想在外企做行政工作,香港人工較台高,但競爭也較激烈:「同埋台灣買樓比較易,自己最終目標係想有車有樓……而家都仲係十五十六。」



有學生冀延遲畢業


國立台灣師範大學讀音樂系二年級的馬文慧認為,在台找工作不易,指較希望回港發展:「返到香港總有公司或者行業需要我哋呢啲人才,有聽過學長學姐畢業後(喺台灣)難搵工,之前都有新聞話畢業生希望延遲畢業,驚一出嚟社會搵唔到工。」逢甲大學讀外國語文的大三生區子珊則指畢業後想留台發展,因已大致適應台灣環境,覺得台灣生活比較舒服,香港生活卻太緊張:「完全無諗過返香港,或者留係台灣做記者,屋企人好支持我。」



畢業僑生留台就業流程


.須先獲在台合資格僱主聘用.僱主向勞動部門申請聘僱許可,有效期3年.依評點配額制計分,滿70點才可在台工作.辦理外僑居留證註︰截至今年1月底,透過此制累計申請總人數為2,139,其中港生人數187(9%);核准留台總人數為1,833,當中港生人數149(8%)資料來源:台灣海外聯合招生委員會





來源: http://hk.apple.nextmedia.com/news/art/20160314/19528717
失業率 失業 文科 競爭 港生 畢業 難搵 搵工 10% 留臺 發展
PermaLink: https://articles.zkiz.com/?id=297976

留學紐約搵工難?就業博覽會幫到你

1 : GS(14)@2016-04-01 15:44:00

不少在美留學生畢業獲得學位後,即時面對「搵工問題」。想留在美國,除了適合工作難尋,簽證與身份也是大問題。為了讓即將畢業的學生更易踏入職場,美國就業輔導基金會將於4月1日舉辦就業博覽會,共有10多間廠商提供就業空缺,畢業生的年薪起薪點有望達到4.5萬美元(約35.1萬港元)。駐紐約記者:曾偉旻僑教中心主任王映陽表示,美國就業輔導基金會過去成功令200多個留學生獲錄取。14屆以來結合許多在美的台灣商企業,協助留學生找到工作,廠商需要多種語言的人才,能向學生提供專業知識,所以覺得博覽會是一個雙贏、互利的活動。目前已有10多間分別在金融、工程、建築等公司廠商參與,包括CTBC銀行等,剛畢業的留學生,起薪點由年薪約2.5萬至4.5萬美元(約19.5萬至35.1萬港元),如果有工作經驗及進修的學生起薪更可達4萬美元以上。廠商代表賴昭誠說:「我們需要工程管理、財務規劃,及行銷部門需要攝影專才的留學生。辦理H1B簽證不是問題,甚至還能幫表現優秀的獲聘者直接辦綠卡,一般來說我們支付的薪水都會高過當地公司許多。」就業輔導基金會會長蔣得敏以過來人身份現身說法,她說當時找工作真的不容易,不過幸得基金會籌辦就業博覽會,而如果找不到合適的職位,基金會也會透過轉介持續提供協助。除就業博覽會,基金會也提供影視與藝術相關的工作機會。法拉盛文化藝術中心經理劉昌漢表示,影視或藝術相關工作本來就是「夾縫中的夾縫」,最近也留意到有兩個實習空缺,希望留學生到博覽會進一步了解。基金會執行長周白萍說,留學生在海外奮鬥相當不容易,尤其缺乏相關資源跟工作簽證的協助。「就業博覽會」於4月1日下午2點到6點,於紐約台北經濟文化辦事處舉行。周白萍提醒學生當天務必攜帶相關履歷,廠商會進行即場面試,呼籲學生把握今年唯一一次機會。博覽會當日也會請律師到場,直接解答相關勞動法例及簽證上的疑難。





來源: http://hk.apple.nextmedia.com/international/art/20160401/19553702
留學 紐約 搵工 工難 就業 博覽會 博覽 幫到 到你
PermaLink: https://articles.zkiz.com/?id=298982

【搵工必讀】8個不能犯的求職信錯誤!

1 : GS(14)@2016-05-21 13:37:47

搵過工嘅都知,求職信(cover letter)好重要,有冇interview靠哂佢,不過有8大求職信錯誤時常出現係你我之間。1.求職信都冇調查發現,一半招聘者認為求職信必不可少,但另一半承認從來唔睇求職信。為咗增加安全系數,有封求職信係好啲嘅。2.倒模求職信係,網上有好多求職信範例可以炒,但如果僱主見到你張求職信內容同人哋嗰張差唔多,好難有意欲請你。3.Dear sir或Dear madam做吓調查,了解收你封求職信係咩人,叫咩名,唔好再用sir或madam啦!有啲誠意好嗎?4.Proofreading根據調查,66%招聘者話當見到求職信上有錯別字,會重新考慮寫呢信封嗰個人適唔適合做呢份工。所以話做好校對,唔好有錯別字,大家中學都做唔少proofreading,有晒經驗啦!5.關於你自已求職信梗係講多啲自已,唔好寫啲離地球太遠嘅嘢,僱主唔需要知嘅,講吓自已點解做呢份工先啦!6.讚吓公司求職信除咗講自已,當然又要講吓你有幾欣賞間公司。唔使講「公司係我家,人人愛護它」嘅,提人哋旗下有咩品牌,講到自已好了解間公司就ok。7.太長一份工幾多人見呀?成座山咁高嘅求職信,要睇晒已經好辛苦啲招聘人員,你仲要寫水蛇春咁長嘅求職信,睇死人咩!封信簡簡單單,唔好同個人履歷撞就得。8.有冇後續留下聯絡電話,叫人有問題可以隨時搵你。咁都做唔到?好難有工搵你。





來源: http://hk.apple.nextmedia.com/financeestate/art/20160519/19618098
搵工 必讀 不能 犯的 求職信 求職 錯誤
PermaLink: https://articles.zkiz.com/?id=300667

【打工正能量】搵工迷惘人人試過 畢業生唔使驚

1 : GS(14)@2016-06-06 03:02:51

六月份,又到畢業季節,不少應屆畢業生都開始找工作。讀了20年書,離開凡事也包容你的校園,正式往外闖,你準備好了嗎?第一次找全職工作,感到迷惘是正常的,認清自己興趣,善用職業介紹資源,可能會令你搵工過程更暢順。1.忠於自己:選擇行業、工種前,先問問自己想怎樣,分析自己有何特質,不要盲目跟從社會、家人、朋友的路徑。明明喜歡四圍跑,就別找一份坐定定的工,你的本錢是年輕,畢業後先試自己喜歡的工作吧。2.追求目標:想清楚自己想透過工作追求甚麼,是穩定還是挑戰?金錢還是舒適?幫到人還是有前途?若你自小有個社工夢,別因為別人說銀行工有「錢」途就做,到時入職了才是惡夢的開始。3.上求職網:選定了行業、工種後,就要開始留意該範疇有沒有工作機會,養成每天上求職網站的習慣,遇上合適的就行動,每日都寄幾封求職信,等待回音的過程就沒那麼漫長。4.行職業展:除上網搵工,求職日、求職展覽也是好機會,如果有空就多去一點。5.求助中介公司:來來回回見了十餘份工,仍未找到合心意的當然會沮喪,不過其實你也可以試試到職業中介公司登記,不少公司都會透過中介找合適的求職者。6.慳字行先:最後的忠告相當重要,搵工過程可以很漫長,期間不要太揮霍,這樣壓力會少一點,媽媽也放心一點。記者:陳穎欣資料來源:targetjobs.co.uk



大公司的大型招聘活動也是好機會,有些公司幾個月就辦一次,好好把握機會。

求職展覽提供很多工種介紹,有空不妨去看一下。



來源: http://hk.apple.nextmedia.com/su ... t/20160602/19637063
打工 能量 搵工 迷惘 人人 試過 畢業生 畢業 唔使 使驚
PermaLink: https://articles.zkiz.com/?id=301906

職場慧眼:創業失敗點搵工

1 : GS(14)@2016-10-26 08:01:32

「我十年前畢業後加入一本地公司,負責市務和跟進產品開發,直到被規模和知名度大的客戶邀請過檔擔任經理。幾年前,我創立自己的公司,一腳踢處理業務。但自從失去了一主力客戶之後,生意大受打擊,浮浮沉沉直至去年底決定重投職場。直到現在都沒有幾次面試機會。在最後一份工作,我並沒有在CV上註明是自己的公司,這樣有沒有甚麼問題?是否因為工作經驗非大公司而沒有面試機會?面試時,我初時說是因公司生意不行,老闆決定本年內結束。後來我直接說我是創業者,因經營問題不能維持而要重投職場,可惜結果一樣落選。我想了解當中出現了甚麼問題,和我有甚麼地方可以改善的地方?請教一下你會有甚麼建議?」創業路從來艱辛,講真是空手入白刃,根本九死一生,你只不過嘗試了一次,未能成功很正常。既然當日有勇氣拿得博一次,不成功不便成仁,只要放得低就得,有甚麼大不了?你知道從經驗中汲取的教訓,有多麼的難能可貴嗎?是歷練、智慧,絕對不可能是負累!你要是識得用,實在是非常有用,足以令你在眾求職者中突圍而出。可惜你不敢直說,作故仔顧左右而言他。面試不是角色扮演,吞吞吐吐、欲言又止,肯定會影響你面試的表現。你可知你不敢在CV寫、不敢在面試講的,都是你的賣點?你完全沒有必要隱瞞真相。當你垂頭喪氣,自己都不相信你自己的時候,怎能夠讓僱主信服你是個人才?大公司小公司有甚麼關係?你當日不是有小公司做起,被大公司邀過檔的嗎?你首要正視及克服的,是你判了自己失敗的心魔。收拾心情,剪個靚髮,換套新衫,重整旗鼓再衝刺!張慧敏
http://www.facebook.com/HKcareerdoctor




來源: http://hk.apple.nextmedia.com/financeestate/art/20161026/19812281
職場 慧眼 創業 失敗 點搵 搵工
PermaLink: https://articles.zkiz.com/?id=313476

職場慧眼:「獵頭說」搵工中須知

1 : GS(14)@2017-01-07 00:28:01

不管因為甚麼理由要搵工也好,要是沒有經濟負擔,瀟灑得起的話,當然不妨跟潮流裸辭,放假攤唞一下慢慢再搵工未遲。否則的話,緊記保持低調。工未搵到四處張揚露口風,其實不是存心想走,只是希望話事人收到風會識做,主動出手留人。口口聲聲話要走,結果還不是死死氣留低繼續做,狼來了的故事,大家應該耳熟能詳。不過最戇居的,莫過於以為可以兇老闆,作為爭取想要的,不管是升職還是加薪的談判籌碼。即使爭取成功,被迫妥協老闆條氣不會順,做了極壞的示範榜樣,始終難有好結局。要在辦公時間內去見新工的話,臨急臨忙、趕頭趕命去見工,肯定會影響表現;又要不斷講大話,身體突然很不適、家裏突然有急事,同事老闆都不儍,騙得了誰?值得賠上自己的誠信嗎?不如乾脆申請一日半日假,好好準備。世界很細小,行業圈子更加小,好事不出門,醜事傳千里,出師未捷身先死,算這種。其實搵工是很私人的事,不必四周圍和朋友討論收風,職場如戰場,是敵是友要到出了事之後才知道。我有專程北上見最後一關的candidate,為免飛機會有延誤,專登由早一日到,約了之前的舊下屬晚飯吹水,以為十拿九穩冇問題,大家分屬好友毋須隱瞞,笑談間透露了此行的目的。那舊下屬來一個毛遂自薦,結果大意失荊州,把囊中物雙手拱讓,他被蒙在鼓裏還把賬算在我頭上,我幾乎為此蒙上不白之冤。最後一點,就是記住不能三心兩意,立場要堅定,方向要清晰。盲頭烏蠅及清兵的下場,毋須我多講了吧?搵到新工,不是一了百了,是另一個新挑戰的開始,下回分解。張慧敏
http://www.facebook.com/HKcareerdoctor




來源: http://hk.apple.nextmedia.com/financeestate/art/20170106/19887544
職場 慧眼 獵頭 搵工 工中 須知
PermaLink: https://articles.zkiz.com/?id=321585

職場慧眼:「獵頭說」搵工後須知

1 : GS(14)@2017-01-12 08:01:19

搵到新工後的第一個新挑戰是,辭職!作為一個資深獵頭人,親身經歷鐵證如山。事實是明明經已不舒適的舒適圈,但偏偏理智克服不了恐懼逃避的心魔,硬要迫自己陷入兩難的局面,結果搞到一團糟。如果老闆上司真正賞識重用,何解等到要辭職的時候才空群而出挽留?那個一早值得擁有的職級薪級,何解要等到辭職有新工的時候才突然慷慨?不是不可以改變主意,而是當初決定要走的人和事依然存在的話,留下來的話面對只能是相同的困境局面。除了注定重蹈覆轍,還有其他可能嗎?根據我這個資深獵頭人這些年來所見所聞,改變主意的人不少,但留下來之後能善終的,沒有幾個。講到底,會重用相信一個曾經有離心的員工的老闆,能有幾個?走得瀟灑不等於不負責任,即使和老闆上司同事相處得不愉快,不管是自己掏腰包或是新公司願意出錢賠通知金即時走人,都是絕不可取之策,不能做衰自己個朵。



新公司很急很等人用,但求職者一樣有權堅持有交帶,盡責任做好交接。如果新公司說不能等,要不馬上上班,要不拉倒,這份工不要也罷。因為要的只求快求就手,而不是因為你最適合。被埋沒、被看扁,搵到新工意氣風發拍枱起身,以為好型可以出一口氣?膚淺之極!真正雪前恥的最佳報復是爭氣,不是鬥氣。拿出真本事在新工作崗位發光發熱,擦亮所有人眼睛,有甚麼比以失去你來對舊公司作最大的懲罰更心涼?每一次轉工,都是令自己進步的寶貴機會,誰是誰非也好,事過境遷,放下是放過自己,專心專注做好新工作最實際。張慧敏
http://www.facebook.com/HKcareerdoctor




來源: http://hk.apple.nextmedia.com/financeestate/art/20170111/19892564
職場 慧眼 獵頭 搵工 工後 須知
PermaLink: https://articles.zkiz.com/?id=322128

炒散App搵工 收入隨時等同全職

1 : GS(14)@2017-01-25 07:35:49

【科技透視】又到年尾,不少打工仔出完「雙糧」都計劃辭職去旅行,出發前後透過不同「搵工App」做「炒散」,至少不用做「廢青」。以往找散工,很多時都要「蛇頭」(炒散中介人)介紹,今時今日只要一App在手,就可以配對合適散工,炒散收入隨時等同全職打工。所謂「炒散」源自酒樓用語,由於餐飲業全職工時太長,入行的人買少見少,因此業界一般會聘請俗稱「炒散」的臨時散工,以應付人手不足問題。智能手機發展成熟,配對合適散工的App越來越多,目前iOS及Andriod已有不少「炒散App」,例如提供展覽推廣等兼職及臨時工的「職到」、大型活動兼職「職神」等。


善用年輕一代勞動力

「炒散王」創辦人鄭正宇(Chris)表示,至今已協助3.4萬人配對心儀工作,認為「炒散」工作模式十分適合年輕人,亦能幫助餐飲業解決人手問題。 Chris表示,香港人學歷普遍越來越高,因此飲食、保安等工時長、晉升空間細的工種無人願意做,「炒散王」3.4萬個會員中,18歲至30歲界別群組最為活躍,可見「炒散」可善用年輕一代勞動力。如果於嫌上述的工種過於單一,可考慮於HelloToby的平台利用一已之長,登記成專家,等客人「搵上門」。HelloToby首席執行官譚君傑稱,全職自由工作者越來越多,例如有一位結他導師,每月靠教結他及出席活動,收入已等同過去全職打工。



■鄭正宇認為「炒散」工作模式十分適合年輕人。 李家皓攝



農曆新年將至,已有不少客戶要找家務助理來大掃除,譚君傑謂家務助理近期供應較緊張,而每小時收費為90元至140元。為了配合節日,今年將會推出相關服務,例如代客到黃大仙廟上頭柱香,又會找知名的網上相學家,在網絡上為客戶看相改運。對於近年加入「炒散」行列的人有上升趨勢,合眾人事顧問公司總經理蘇偉忠指,「做完又可以唞吓去旅行,唔夠錢又可以炒一排」,近年經濟環境不景氣,餐廳聘用「炒散」可減低營運成本。但他提醒,部份「炒散」不會有面試,其服務態度及質素相對參差。他續稱,「炒散」無需透過真人介紹便可即時上班,是加快行業發展,惟App公司或需做到上班前先核證身份及基本資料,方對僱主方有較佳保障。記者:范穎琛 梁偉聰 岑梽豪




來源: http://hk.apple.nextmedia.com/financeestate/art/20170124/19906849
炒散 App 搵工 收入 隨時 等同 全職
PermaLink: https://articles.zkiz.com/?id=323923

職場慧眼:搵工的疑問

1 : GS(14)@2018-01-28 18:45:46

「Son姐你好,上年年尾見份新工,我用咗好多時間準備,自覺表現唔錯,相信考官對我嘅印象都幾好。但係等咗兩個月,一直都未有消息,我打電話問HR,佢話我入咗最後三甲,管理層考慮緊用邊個,但佢都答唔到我幾時有最後決定。期間我一直都追,甚至諗過要求第二次面試,我對呢份工好有興趣,希望係新環境可以大展所長。想請教下現階段我有甚麼可以做,一方面我唔想坐喺度等,另一方面又怕太過急進破壞咗件事,但我唔想被動等結果,希望son姐指教。」你有幾渴望得到這份新工作我完全感受得到,雖然人事部說你是三甲人選之一,不過作為獵頭老人,我可以確實你絕不是他們的首選。如果你是管理層的心水,人事部無論如何會主動聯絡你keep you warm,都唔會對你如此冷淡。之所以一直拖拖拉拉,旨在拖延時間,萬一首選有變卦,你可當候補替上。因為不管職位職級高低,簽了offering letter辭埋職,都可以因為被公司挽留成功,或者另有更好條件的offer,最後關頭變卦不出現。第一次面試你所說的考官,是人事部還是部門主管?如果只有人事部,你的而且確沒有甚麼可以再做。不過無論你如何心急,切記欲速則不達。作為求職者,沒有可能要求給予第二次面試的機會,人事部如果覺得你很煩,或者覺得你咄咄逼人,你都很難有運行。如果有部門主管,你可有他的名片聯絡方法的話,可以嘗試跟進。如果這份工作你真的非常喜歡,即使今次不成功,建立關係為他日再申請留下伏線,亦是可行的做法。新工既然未有着落,你要收拾心情做好目前的工作,免得顧此失彼兩頭唔到岸才是。張慧敏



來源: https://hk.finance.appledaily.co ... e/20180124/20283680
職場 慧眼 搵工 工的 疑問
PermaLink: https://articles.zkiz.com/?id=347557

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019