ZKIZ Archives


平保買富通大蝕輸咗搵人賠 中環在線:利時首相揶揄馬明哲 李華華


2008-12-02  AppleDaily


 

唔知係唔係實在太擔心揸住4.99%嘅富通集團,會由毫子股進一步變成仙股,到時就真係想唔撇賬到零都唔得,上個禮拜平保(2318)居然諗到搵阿爺出面,幫佢向比利時政府尋求賠償,希望可以為呢筆巨額虧損搵番啲幫補,唔好輸得咁肉酸。

接收前股價已插水

之 不過,比利時政府一於好少理,仲講到明叫平保死心,唔應該寄望從比利時政府嗰度獲得富通持股嘅相關賠償,比利時首相萊特姆仲好抵死咁同當地傳媒話:「我好 理解平保會對呢個決定表示失望,但投資總要承擔相關風險。」乜咁似香港證監會嘅宣傳口號嘅。萊特姆仲話,平保一直對富通嘅增長前景充滿信心,事後證明呢個 並唔係一個正確嘅判斷,而中方提到股東所持股份價值大幅縮水(由差不多每股19歐元,跌到上個禮拜最低嘅0.568歐元),其實喺比利時政府插手富通前就 已經發生。咁即係暗示平保投資眼光唔夠,自己衰咗就唔好賴地硬啦。雖然平保提出,話比利時政府今次變相將富通收歸國有,用呢個理由索償,表面睇嚟有理,但 係賠得畀你,其他富通股東通通都會撲埋去要求賠償;而且收歸國有都係俾山姆大叔所害,你估佢想攬上身o架咩。不過,外交即係外交,佢哋政府發言人一方面 話,上個禮拜五已經同處理呢單嘢嘅相關人員見過面,比利時願意繼續同中方協商解決問題,但同時又證實咗首相上述言論,即係話意見接受,態度照舊啦。李華華 LiWaWa@AppleDaily.com
平保 富通 大蝕 蝕輸 輸咗 咗搵 搵人 人賠 中環 在線 利時 首相 揶揄 明哲 華華
PermaLink: https://articles.zkiz.com/?id=4301

搵人替陳德霖 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130302/18181402

樓市從現價跌三成,梁特首民望是否可以反彈三成?樓價下跌三成,是否好多人會踴躍買樓,益吓首次置業人士?樓價與政府民望嘅關係,相信無人可以講得透徹,所有人都係靠估,一啲政府喉舌報也說不出一個所以然。政治上,如果樓市跌而特首民望不升,佢推出咁多辣招,究竟有何目的?凡公共政策皆應有一個預期目標,但政府對印花稅、SSD、BSD嘅政策效用,只係含糊其詞,講到「穩定樓市,避免泡沫發生」喎,玄之又玄。如果推出辣招目的係為咗幫助年青人首次置業,則樓價起碼要跌一半,即沙田第一城細單位跌到二百萬元以下,如果樓價唔升唔跌,在現價位橫行,年青人夫婦仍然難以置業。但樓價若真的跌咗一半,有冇人買樓呀?睇吓2003年就知,當年樓宇成交紀錄低到極,大把人唔敢買樓(包括左丁山在內),麗港城第四期22座(建築面積644呎)一個單位以130萬元沽出,點解唔係我買咗呢!香港人往往在樓價認真低殘時唔敢入市,樓價上升時才搶住買樓,故此梁振英真的推低樓價嘅話,只有小撮最聰明嘅投資者得益最大,唔係大多數普通人。
梁政府除提高印花稅之外,同時要金管局配合,收緊按揭,金管局係政府一部份(雖然有天真人士話唔係),當然要合作,事實上所有央行官員都唔鍾意樓價大升特升,天生傾向就係壓抑樓價,故此陳德霖自然幫政府慢打鑼。不過銀行界有人傳出消息,陳德霖係曾蔭權陣營主要人物,曾做過曾特首辦公室主任,有此因緣,話佢唔係唐英年陣營人馬,點都冇人信。誰知人算不如北京算,唐英年做不成特首,陳德霖頓失政治依靠,雖然佢與周小川、王岐山相識多年,有淵源,梁振英想郁佢唔係咁易,但明年2014,陳德霖步入六十歲退休之年,要佢退休,大條道理啫。至於有何人可以替代陳總,梁粉陣營梗係會諗定先,冇理由輕易俾陳總自動延期做耐啲嘅,希望梁粉之中,唔好搵到一位丟面大律師之類嘅人啦,起碼要搵到一位好似羅康瑞咁嘅人物做機管局主席,其他人都順氣啲吖。全世界政治領導人都用人唯親,但在「親人」之中,都要搵叻人先至得㗎,梁先生要搵人替陳德霖,唔好急就章呀!

搵人 人替 陳德 左丁 丁山
PermaLink: https://articles.zkiz.com/?id=53468

保險經紀爭先恐後搵人碌 VISA 咭買保險 中環客

來源: http://hkcitizensmedia.com/2016/12/09/%e4%bf%9d%e9%9a%aa%e7%b6%93%e7%b4%80%e7%88%ad%e5%85%88%e6%81%90%e5%be%8c%e6%90%b5%e4%ba%ba%e7%a2%8c-visa-%e5%92%ad%e8%b2%b7%e4%bf%9d%e9%9a%aa/

12月初一直係酒店淡季,只不過,12月7日之後,突然間酒店booking full咗好多,酒店booking多咗,因為各大保險經紀見到外儲數字勢色唔對,係咁叫客瘋狂嚟香港,用埋 VISA 同 Mastercard碌埋啲保單佢。

VISA
VISA

話說上個月唔準中國啲保險客用銀聯碌保單後,雖然初期見走資情況有好轉,只不過,正所謂你有張良計,我有過牆梯,個個見VISA同Mastercard仲碌到,就急急辦張VISA卡同Mastercard,用嚟碌咭喺香港買保險。外管局見到今個月走資走成咁,應該好快會封埋VISA同Mastercard碌咭買保險嘅大門,所以依家啲保險經紀急急安排啲中國豪客,總之有咭就快快嚟香港碌咗佢,否則蘇州過後無艇搭。

如果資金外流無法阻止,中環客睇,做埋呢轉,香港保險業界準備要過漫長嘅寒冬。除非做番好對香港客嘅服務,否則保險界都係等死一大批人,無走資嘅自由行客,我睇唔到點解要同班無乜服務提供到嘅香港保險佬買保險。

中環客

保險 經紀 爭先 恐後 後搵 搵人 人碌 VISA 咭買 中環
PermaLink: https://articles.zkiz.com/?id=227075

中環行蠱惑:「金融老鼠」北上搵人仔

1 : GS(14)@2011-11-21 23:13:49

http://hk.apple.nextmedia.com/te ... 104&art_id=15819881

人民幣嘅威力強大,香港各行各業,早已改為主打內地客,咁樣雖然謀殺咗香港呢個經濟體系嘅獨立性,但亦令香港人唔再係「金融老鼠」嘅主要目標,近年少咗本地倫敦金騙案就係一個指標。細莊最近喺東莞見番個相識多年嘅江湖大哥,久別重逢,坐低同佢慢慢傾,講到「金融老鼠」轉型北上搵人仔嘅最新動向。
大哥目前喺東莞同香港都分別有靚會所同 office,業務需要,北上時間多,留喺中環時間少,卡片上牌頭多多,係「精英會」、「財俊會」之類嘅名譽主席、會董之類。細莊知道,呢類會通常同當地政府嘅工、商部門有關係,掌握有「經濟實力」老闆嘅料,再加上由官員出面,要收會員易如反掌。

大款被呃唔敢出聲

名義上有關官員幫助成立呢類商會係促進商業交流,同埋安排不同類型嘅培訓講座,實質搵食卻另有瓣數。喺大陸法制下,有錢人隨時可以變成一無所有,所以內地好多有錢人都想借香港嘅投資移民計劃,買多一個身份做保險,因此,呢啲商會「實際」業務,其實係推銷投資計劃同賣保險。
香港「金融老鼠」睇中呢個市場需求,就搵機會埋手,佢哋亦睇中大陸禁止未獲批准嘅境外投資,所以內地有錢佬即使被呃,亦唔敢貿然報官,更何況「金融老鼠」多數已搞掂官府,所以唔怕一般有錢佬。
大陸佬咁易中招?細莊聽完半信半疑,大哥笑笑口講:「英雄難過美人關。你估我喺性都東莞開會所淨係飲酒咩!」不過,大哥都係嗰句,人如果唔貪,呢班人都唔會有機會。

逢周一刊出
環行 蠱惑 金融 老鼠 北上 搵人 人仔
PermaLink: https://articles.zkiz.com/?id=276659

劉玉翠轉戰內地搵人仔

1 : GS(14)@2015-05-10 23:43:53

劉玉翠、狄易達等昨日到樂富出席港台舉辦的「2015年選民登記運動」,劉玉翠表示會親身投票,履行巿民義務權益。約滿港視後,笑言做西貢師奶,又簽了內地經理人搵人仔。狄易達則有盡公民責任做選民,他預告母親節會給媽媽驚喜,令人揣測是帶女友吳亞馨見家長,他說:「冇呀,只係好多朋友話我而女仔叻,我會喺食飯時會同爸爸一齊氹媽咪開心。」採訪、攝影:卓寶花





來源: http://hk.apple.nextmedia.com/entertainment/art/20150510/19142026
劉玉翠 劉玉 轉戰 內地 搵人 人仔
PermaLink: https://articles.zkiz.com/?id=290244

Bobby苦惱搵人救車

1 : GS(14)@2016-03-05 01:26:34

【渣甸山】歐陽震華(Bobby)星期一下晝戴住黑超喺渣甸山嘅油站入油,入完油之後Bobby冇即刻開車走,反而落車行咗去油站一個疑似係維修嘅地方,仲搵咗個男職員傾偈,傾傾吓仲拉埋個男職員行返去部座駕到。除低咗副黑超嘅Bobby,皺晒眉同個職員指手畫腳研究車窗玻璃,睇真啲車窗黐咗黑色玻璃紙,估計係唔符合規格,所以想搵人研究吓,之後個男職員拎出電話影低Bobby的車窗,最後佢哋傾咗10幾分鐘後,Bobby先揸車走人。採訪、攝影:徐錦池、畢紹基





來源: http://hk.apple.nextmedia.com/entertainment/art/20160304/19515256
Bobby 苦惱 搵人 人救 救車
PermaLink: https://articles.zkiz.com/?id=296834

戴妃外訪必帶性玩具?保鑣:漏帶要搵人送

1 : GS(14)@2016-08-16 06:11:17

英國已故威爾斯王妃戴安娜,生前外訪日程緊湊,她的前貼身保鑣沃爾夫(Ken Wharfe)就大爆,戴妃每次外訪都要帶同一件性玩具,視為「秘密吉祥物」。有次誤將自慰器留在肯辛頓宮,她命人立即用外交信袋送到她正訪問的國家,並當着一班政要前收下用密封袋袋好的自慰器。沃爾夫的回憶錄更新版即將出版,他近日在報章連載,披露戴妃鮮為人知一面。他憶述戴妃1992年11月出訪法國巴黎時,有一晚與皇室職員舉行狂野派對,買了一個自慰器,更取了法國花名,稱之為「小工具」(Le Gadget)。沃爾夫隨後一天整蠱戴妃,他說服戴安娜大姐薩拉(The Lady Sarah McCorquodale)將「小工具」放入戴妃手袋。他稱:「戴妃與法國總統希拉克(Jacques Chirac)及保羅麥卡尼見面時,翻找手袋途中發現了它。她沒感到被冒犯,反而覺得很有趣。自那時起『小工具』便成為她所有外訪的秘密吉祥物。」沃爾夫又指,戴妃「依賴」自慰器已到迷信程度,1993年3月他陪戴妃訪問尼泊爾,戴妃向他說:「我希望帶著『小工具』,沒有它所有事情都會不順。」他告訴對方將自慰器遺留在肯辛頓宮一個抽屜內,戴妃表現很驚愕,要他打電話給秘書,將自慰器放入外交專用袋子,送到駐尼泊爾的英國大使館。被密封袋好的自慰器,最後在記者招待會前由專人用銀盤呈上,不過外交袋卻交到戴妃的隨行人員手上,他更當着賓客打開它。沃爾夫續說:「在場人士一片沉默,接着戴妃說:『噢,那一定是給我的』然後開始大笑。」而隨行人員就親切地將自慰器放入自己口袋,政要們都沒有說話,只是交換了數個困惑的眼神。英國《每日鏡報》




來源: http://hk.apple.nextmedia.com/international/art/20160815/19737001
戴妃 外訪 必帶 性玩具 保鑣 漏帶 帶要 要搵 搵人 人送
PermaLink: https://articles.zkiz.com/?id=305929

孫慧雪飲醉搵人咬

1 : GS(14)@2016-10-21 05:28:08

■孫慧雪昨透露之後播出的劇集,每件衫都是性感Deep V。



孫慧雪和何紫綸昨日在北角出席日本清酒活動,孫慧雪穿上吊帶露背裝,她指最近會較密實,因之後播出劇集性感尺度更大,每件衫也是Deep V,但男友沒干預她的工作。對於鄭嘉穎不滿女友陳凱琳拍亂倫戲,雪雪說:「男友冇理我工作,佢唔夠關心我。」早前雪雪跟男友買大床:「嗰日只係幫朋友買枕頭,我好慳唔使買。」問她可會調酒,她說:「我只會淺嚐,我飲醉會咬人。」



■孫慧雪(右)昨日活動結束後,與助手到筲箕灣食飯。

活動後,雪雪跟助手到筲箕灣Soho東一間餐廳開餐,其間她不停撳電話,發現在場有記者影相,她更主動向記者打招呼,雪雪要了一碟飯,不夠10分鐘,整碟飯已經一掃而空,之後她們坐多一陣,由雪雪埋單,然後一齊折返嘉亨灣寓所。採訪:王連連攝影:仇志德




來源: http://hk.apple.nextmedia.com/entertainment/art/20161021/19807187
孫慧 雪飲 飲醉 醉搵 搵人 人咬
PermaLink: https://articles.zkiz.com/?id=313031

搵人大掃除 家務幫有92折

1 : GS(14)@2017-01-17 01:53:45

正所謂「年廿八洗邋遢」,如果想找家務助理幫手大掃除的話,上網或用手機方便可完成。惟因應通脹,今年大掃除服務每小時最低建議收費加價約5%,且越近新年越貴,故有意找幫手則要趁早。再培訓局轄下的樂活一站,今年繼續提供新年大掃除服務,由完成相關培訓課程的專業家務助理上門清潔。因應通脹,今年大掃除服務每小時最低建議收費加價5元,加幅為5.26%,九龍及新界區每小時收100至120元,港島及離島區收110至125元,並按單位面積加聘人手及工時,越近新年越貴,但最終收費仍由僱主與助理商議。


平三成買V8吸塵機

至於中介人應用程式「HelloToby」及「家務幫」,亦有相關的服務配對。據HelloToby數據顯示,其家務助理平均收費為每小時110元。而家務幫即日起至2月3日,提供大掃除92折優惠,至19日每小時收費145元起,年廿三至年廿九(即20日至26日)則155元起,如果正月才清潔,收費達170元一小時。如果自己動手大掃除的話,則不妨趁歐元低水,到歐洲網站買部Dyson最新款V8吸塵機,價錢可以是香港的7折。
V8吸塵機於德國Amazon只售565歐元(約4,663港元),相較本港官網賣6,980元,平足足三成。




來源: http://hk.apple.nextmedia.com/financeestate/art/20170116/19898386
搵人 大掃除 家務 幫有 92
PermaLink: https://articles.zkiz.com/?id=322756

【動畫】搵人打殘老公同老爺奶奶毒妻反遭綁樹上

1 : GS(14)@2017-04-14 11:12:47

90後女子曉紅是紹興諸暨人,去年2月她結婚,5月份生了女兒,夫婦一起在杭州臨安生活,也算是美滿。但曉紅說,結婚後她與丈夫的感情其實並不好,她提出離婚,丈夫卻不同意。除此之外,老爺奶奶平時對她也不好,奈何自己身在異鄉,無依無靠,她一肚子火,便動了找人幫自己出氣的念頭。為此,曉紅先後加了多個QQ群,並發佈「有沒有人辦事情」等消息,沒出幾日便收到了回覆。一番討價還價之後,3男子同意以6萬元人民幣(約68,000港元)的價格幫紅「教訓」她老公和她的老爺奶奶。準備行動後,三人分頭買了迷彩服、手套、口罩等工具後,便踏上了南下的列車,輾轉到了杭州臨安。 曉紅要求他們把老公和老爺奶奶綁起來,使勁打,要打致殘廢!「我婆婆的手機是我送的,也要拿回來!我老公的錢包也要搶過來!」三男滿口答應,第二天便聯繫曉紅說事情已辦妥,於是曉紅開車載着三人來到一處偏僻的山地。當她索要手機和錢包時,袁某突然從後座勒住了曉紅的脖子,並拿出鎅刀威脅她交出財物。曉紅立即把身上近兩萬塊錢和幾部手機都給了他們,還把支付寶裡的錢都轉到了銀行卡內,並將銀行卡和密碼都交了出來。得手後,歹徒將曉紅綁在附近山坡的樹上,便駕駛着曉紅的車往杭州方向逃去。見歹徒離去,曉紅掙脫了繩子逃下了山,中途遇到好心人借了手機報警。警方去往杭州的路上將三名罪犯拘捕,據他們供稱,起初三人以為只是普通的打人,但沒想到「僱主」又要他們把人打殘廢又要入室搶劫,經過一番商量,三人還是覺得直接搶劫這女子容易得手。出事後,曉紅十分後悔,現在正在與丈夫辦理離婚手續,該案件也在進一步審理當中。綜合報道




來源: http://hk.apple.nextmedia.com/international/art/20170414/19990141
動畫 搵人 人打 打殘 老公 老爺 奶奶 毒妻 妻反 反遭 遭綁 樹上
PermaLink: https://articles.zkiz.com/?id=330533

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019