ZKIZ Archives


講掂數 四大版稅加幅削半 李克勤 陳奕迅再唱TVB

2013-01-24  NM
 
 

 

無綫糾纏超過三年的四大唱片版稅問題,上週終於成功簽訂新合約,四大正式解封,旗下歌手李克勤、陳奕迅、陳慧琳、方大同等將於農曆年後回歸TVB再唱。據了解,雙方於事件上都作出讓步,版稅加幅稍減一半。和解成功,全因無綫揸弗人殼王陳國強親自出手!執手尾

過去幾年,無綫音樂節目星光暗淡,早前舉行的《勁歌頒獎禮》有獎無人攞,賽果被網民笑爆!「殼王(陳國強)上場後,一直都想快啲執番好同四大不和嘅手尾,眼見綜藝節目無大牌歌手撐場,收視不斷跌,音樂節目完全癱瘓;雖然話依家樂壇係一池死水,但殼王覺得作為電子傳媒,有責任推動音樂,佢希望做得番以前《勁歌》全盛期嘅氣勢,但無咗四大唱片歌手,根本無可能成事!」一名無綫人說。

阻頭阻勢

三個月前,殼王再度下旨,要求無綫集團總經理李寶安,全速解決四大唱片版稅問題。「其實年前陳志雲返TVB嗰陣,都有做嘢想搞掂番件事,本來都傾得好順利,只係李寶安主張企硬,唔肯讓步,對方搵唔到下台階,最終件事又卡住!「今次因為殼王再出聲,李寶安知道再企硬嘅話,大老細一定會唔alright,所以都即刻再同四大重新接觸;件事本來兩個月前已經可以解決,因為四大唱片作出好大讓步,增加嘅版稅減咗一半。」殼王出手,李寶安雖然不敢逆旨,但亦非採取完全合作態度。「咁耐以來,同四大最唔妥嘅就係負責睇住公司盤數嘅李寶安,佢對殼王唔敢陽奉陰違,但本來兩個月前已經整好晒合約,點知佢又質疑點解議好簽訂嘅版稅唔係永久性,而係逐年計,大家又拉鋸咗一段時間。好老實,如果早啲搞掂,之前《勁歌頒獎禮》都唔使咁核突。」知情者說。

專心搞聯頒

四大唱片雖然未正式向外公布解封消息,但無綫已暗地放寬規矩。上月尾播放的《新城頒獎禮》,以及本週日(一月二十日)直播《港台十大金曲頒獎禮》,未有將四大歌手全部剪走。四大版稅問題解決,無綫將全力投入今年搞《四台聯頒》。「《四台聯頒》由無綫負責製作,解決四大問題,先可以再傾到歌手,不過因為其餘三個電台有好多贊助鎖住晒,即使搞得成《四台聯頒》,幾個電台仲會照搞自己電台頒獎禮!」知情者說。

自食其果

09年無綫與四大唱片爆發版稅風波,雙方一直互不讓步,四大歌手被封殺,但無綫亦自食其果,因欠缺大牌歌手上節目,令音樂節目質素急降,拖累收視。封殺歌手無綫與環球、華納、EMI及Sony四間唱片公司,09年尾因版稅問題反枱。無綫鑑於每年支付三百萬的版稅,加價飆升十倍,於是封殺四大旗下歌手,無得上無綫節目外,在《勁歌頒獎禮》上全部食白果。

倒戈反抗遭無綫大封殺,一眾歌手10年初開始紛紛起革命,張學友率先亮相亞視做專訪,Eason亦為亞視拍攝音樂特輯,接受有線訪問時照講廣東話。BMA加入11年頭,BMA加入由四大唱片成立的HKRIA,形成五大唱片,雙方關係繼續僵持。

一度軟化11年尾,持續近兩年的版稅問題有望破冰,四大決定減收版稅,同時無綫亦解封四大歌手,無需歌手簽歌星約,可自由亮相其他電視台,無綫契仔李克勤率先現身《歡樂滿東華》,而Kelly亦獲邀上《環遊世界明星賽》做嘉賓。

再陷僵局去年余詠珊上場頒布新令,要求歌手上無綫節目前簽一張「粉紅紙」,證明節目版權屬於無綫,但四大唱片為保障歌手利益,拒絕簽署,關係再僵化。

講掂 掂數 四大 版稅 加幅 幅削 削半 李克勤 李克 陳奕迅 再唱 TVB
PermaLink: https://articles.zkiz.com/?id=43342

胎死腹中 計唔掂數拒開喉 甄子丹即棄林建岳


2014-04-24  NM  
 

 

雄心壯志,想自己做埋電影公司老闆的宇宙最強甄子丹,去年三月被林建岳收歸旗下,合組開設「Super Hero超級英雄電影」公司,並敲定以郭子健執導的《九龍城寨》,作為公司頭炮作品。埋牙一年,礙於宇宙最強堅持開戲預算要一億五千萬,林建岳認為投資風險太高,難以回本,雙方拉鋸多時仍無法達成共識,甄子丹見金主咬極唔入,索性轉投荷李活最大經理人公司Creative Artists Agency(CAA),正式和林建岳分手,疊埋心水繼續搵街外錢。企硬億五打頭炮

林建岳愛廣收天下兵器,甄子丹又發夢要自己做埋老闆,雙方一拍即合,合組「Super Hero超級英雄電影」公司,投資開拍電影,並確保宇宙片酬由三千萬(人民幣)起跳。去年三月,新公司成立的記者會上,甄子丹透露將會「一年拍兩至三齣戲」,其中包括有馮小剛執導的動作喜劇,鄭保瑞執導、講述美國一個武術家如何成為一代宗師的《大師》,以及由郭子健操刀的《九龍城寨》三個項目。甄子丹的如意算盤是以預計今年開拍的《九龍城寨》,作為公司頭炮作品,電影雖以龍蛇混雜的九龍城寨作為背景,宇宙最強亦曾聲稱不會花錢重現九龍城寨:「搭景唔會啦,電腦特技搞掂就算。」話雖如此,但宇宙好胃口,預算愈計愈大,最終投資額高達億五。

有數得計蝕硬

據瞭解,雙方經多月磋商,最終林建岳以億二作為投資上限,但甄子丹依然企硬,不肯讓步。「部戲當大陸可以收得,收一億返三千三百萬,以子丹開億五嘅預算,要收五億,先叫做打和;仲未計宣傳發行嗰筆,投資過億嘅戲,宣傳費郁嚇幾千萬,子丹嘅《葉問》雖然有好口碑,啱啱賀歲嘅《大鬧天宮》亦收過十億,但靠佢自己孭嘅票房,隨時唔過兩億,億五開《九龍城寨》,幾乎蝕硬!」知情者說。

搵定靚位落台

搓波一年,《九龍城寨》最終胎死腹中,林建岳拒開水喉,令宇宙最強老闆夢碎;撞正美國經理人公司Creative Artists Agency(CAA)搵上門,有埋靚位做下台階,甄子丹決定同林建岳分手。唔做老闆,甄子丹六月中先開袁和平執導的《臥虎藏龍II鐵騎銀瓶》,緊接再拍《葉問3》,片酬四千萬人仔,新高!搵街外錢,免煩!

胎死 腹中 計唔 唔掂 掂數 數拒 拒開 開喉 甄子 子丹 丹即 即棄 林建
PermaLink: https://articles.zkiz.com/?id=96982

瑟雍珍雲想從影 傾唔掂數2AM忽然解散

1 : GS(14)@2015-03-27 08:45:03





韓國每年都有新組合湧現,很多前輩組合往往都因為人氣不再而難以長久,而曾經來港演出、由成員李昶旻、任瑟雍、趙權及鄭珍雲組成的靚聲四人男團2AM,昨日就突然宣佈解散,成員任瑟雍及鄭珍雲正式轉投新東家以演員身份重新出發,而李昶旻及趙權就留守所屬的JYP事務所,狠心結束組合的七年情,令粉絲大表不捨。四人男子組合2AM於08年憑人氣情歌《這首歌》而嶄露頭角,雖然當時韓國歌謠界大多以跳舞組合最殺食,但2AM憑靚聲及主打催淚抒情歌的路線而成功闖出一片天,成為韓國樂壇中數一數二的靚聲實力派男團,更於樂壇企穩足足七年。



■希望投身演藝發展的任瑟雍,近日在新劇中扮演同性戀者。

■相關人士強調,2AM解散不涉及成員不和的因素。


■趙權考慮到跟公司多年的感情,故決定續約。

強調冇不和

可惜,韓國昨日就傳來2AM解散的消息,令粉絲非常不捨。有指組合在本年2月時,跟所屬的JYP事務所合約已到期,成員跟JYP經過一輪商討後,任瑟雍及鄭珍雲因為想在演技方面有更大發展而決定解約,趙權則因為想繼續唱歌而續約留守舊公司,至於昶旻就因合約仍剩下六個月而留在JYP,但滿約後仍未知其去向。有相關人員強調2AM解散並不是因為成員之間鬧不和,並說:「各自發展會很辛苦,但四人關係並沒有變壞,與JYP的關係亦保持良好。短時間雖然無法再看四人合體,但之後仍有機會合作。」


■紅極一時的女團Wonder Girls早年亦已解體。

拍劇扮同志

據知,任瑟雍已經確定轉投新東家SidusHQ,而鄭珍雲亦正與mystic事務所協商具體的簽約事宜。其實早於2010年開始,任瑟雍已先後演出多套劇集包括《扮基追女仔》、《Hotel King》等,演技都備受讚許,到近期演出tvN新劇《豪苟的愛》(前譯:浩九的愛)扮演同性戀者,演技得到更大突破。而鄭珍雲亦於2011年開始拍劇,所以投身劇界對二人來說是不錯的選擇。有消息指,趙權是出於義氣才選擇留下,由於趙權於01年已加入JYP,跟公司經歷了高低等日子,加上他跟JYP社長朴震榮的關係有如親生兄弟,所以在面對合約問題時,趙權爽快決定續約。2AM解散的消息傳出後,網民都大表不捨,有人指出過去JYP曾捧紅多個人氣藝人,包括Wonder Girls、Rain、朴智胤等,但最後都不敵解散及解約的結果,現時連2AM都決定離開,加上JYP旗下的組合miss A、2PM等人氣又大不如前,令人擔心JYP的前景。撰文:金美兒





來源: http://hk.apple.nextmedia.com/entertainment/art/20150327/19091317
瑟雍 雍珍 珍雲 雲想 從影 傾唔 唔掂 掂數 2AM 忽然 解散
PermaLink: https://articles.zkiz.com/?id=289015

與官摸底傾唔掂數 收地賠償 鄉事索價高5倍

1 : GS(14)@2016-09-27 07:10:09

■姚松炎指若果鄉事不滿收地金額,應該公開叫價。



【橫洲黑幕】【本報訊】元朗橫洲公屋發展用地規模大縮水,據了解其中一個原因是鄉事與政府就收地賠償金額「傾唔掂數」,有原居民「獅子開大口」,收地賠償金額索價每平方呎3,000元,較政府賠償價高逾5倍。若以屏山鄉委會主席曾樹和經營的橫洲停車場中,約8.5公頃私人土地推算,收地賠償高達27.4億元,與地政總署現時收地政策只賠償4.24億元,相差多達23億元。記者:譚靜雯 陳建平



候任立法會議員姚松炎昨在《城市論壇》中稱,據他了解,橫洲車場的持份者反對建公屋計劃,是認為政府收地賠償金額不足,他說有消息指有原居民曾開價,要求政府每平方呎收地賠償金額3,000元,「鄉事派話摸底時(政府提出嘅收地賠償)唔夠價」。



橫洲屬丙區農地

涉建屋計劃的橫洲棕地屬「丙區」農地,即遠離市區、不擬計劃發展的地域,按地政總署的收地賠償政策,現時「丙區」每平方呎官方收購價約463.5元,以曾樹和經營的橫洲停車場佔地約17公頃為例,當中約8.5公頃屬私人土地,若按政府標準收地價推算,賠償金額約4.24億元;若以原居民「開價」每呎3,000元計,收地賠償高達27.4億元,兩者相差多達約23億元。現時已經公開涉摸底的文件,及官員交代的摸底內容,均沒有提及收地賠償金額及準則,未知官鄉議價過程及個別地主有否參與。姚松炎稱,若果鄉事不滿收地金額,應該公開叫價,「我呼籲原居民同埋鄉議局可以企出嚟,清晰話畀市民聽,到底佢係要求政府乜條件,先肯將棕地攞出嚟」。他更加促出席論壇的上水鄉事委員會主席侯志強「出價」,「大家介唔介意話畀我聽,其實新界原居民開乜價錢?」侯志強否認開天索價,指政府賠償金額有既定制度,鄉事難以主動開價,「原居民咁多次收地,都未曾同政府講過價錢,只係因應政府嘅(賠償)等級,因而去接受」。雖然侯稱難開價,但他在2014年底,談及當局擬收地建農業園時,強調要「甲級價」才賣地予政府。鄉事與政府就收地賠償拉鋸有迹可尋,2014年4月,有報道引述時任元朗區議會主席梁志祥稱,橫洲土地多已出租,「預期回收土地建屋會遭業界及土地持有人反對」,梁更加指「即使政府以最高補償額只有約800多元1呎左右收購……他認為政府並不容易與業權人談判成功」。《城市論壇》主持蘇敬恆昨表示,梁志祥、鄧慶業、曾樹和及鄧達善等多名曾與政府摸底的鄉事派人士,及發展局官員均拒絕應邀出席。當局昨未有回應橫洲收地賠償問題。




來源: http://hk.apple.nextmedia.com/news/art/20160926/19782059
與官 摸底 傾唔 唔掂 掂數 收地 賠償 鄉事 索價
PermaLink: https://articles.zkiz.com/?id=310056

【終講得掂數】馬勒當拿唔告Konami 出手幫《PES》做宣傳

1 : GS(14)@2017-05-13 01:34:13

Konami Digital President久保隆之(左三)專誠飛到阿根廷同馬勒當拿代表會談,最後見雙方都握晒手,證明銀彈攻勢成功。

馬勒當拿定美斯好波?當然年代唔同無得同場比試過,夾硬比對兩位球王都唔公平,但至少馬勒當拿叻在捧過1986年世界盃,到1990年更憑一人之力踢到入世界盃決賽,呢方面美斯仲未做得到。不過馬勒當拿咁有江湖地位,照計都無乜人敢冒犯佢,但偏偏足球遊戲《PES2017》(亦即《Winning Eleven2017》)在未得到馬勒當拿同事而在遊戲中用上疑似佢嘅肖像,今年3月時馬勒當拿已經出聲話想告開發《PES2017》開發商Konami。Konami當然即刻要補鑊,Konami Digital President久保隆之(Takayuki Kubo)更親身飛到阿根廷同馬勒當拿代表談判,終於都傾得掂數,庭外和解。雖然Konami到底付出馬勒當拿幾多錢就未有對外公佈,但相信出手都有返咁上下,在剛簽下的協議中,馬勒當拿將會為《PES》系列足球遊戲進行推廣,直至2020年為止;而馬勒當拿亦承諾捐出部份酬勞用以改善阿根廷基層足球設施,皆大歡喜。資料來源:Kotaku, El Eco文:布偉倫2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170510/20016122
終講 講得 得掂 掂數 馬勒 當拿 拿唔 唔告 Konami 出手 PES 宣傳
PermaLink: https://articles.zkiz.com/?id=332498

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019