ZKIZ Archives


切戒招積 左丁山


2009-02-21  AppleDaily





 

研 究主管K平時研究國家大事、世界大勢、香港政治經濟,放工之後,回家研究賽馬,交咗多年學費之後,近兩年開始脫胎換骨,由一位馬場善長仁翁變成向馬會攞錢 使之常客,經常輸,但輸得少,不時贏,但贏得大,每個月好似出多兩三份糧咁。左丁山聞之,特別喺二月一日請佢入馬場,近距離觀察,睇吓可唔可以偷師。當日 研究K一早聲明,佢嘅心水係第九場「新強勁」,其他場次冇興趣。果不其然,頭八場佢只係每場下注一百蚊,不傷脾胃,到咗第九場就狠狠地傾囊下注「新強勁」 一W三P(一注獨贏三注位置),下注注碼甚重,而「新強勁」順利贏馬,研究K大豐收;到咗二月十五日,佢又大棍扑中「祝福滿滿」與「善風」,左丁山為之服 晒。

研究K就話佢輸馬吔吔聲之時,我哋唔會知嘅,既然贏馬畀左丁山知道,就搵個藉口到IFC利苑吃午飯,搵埋公關大姐大,電腦J等。點菜之 時,居然要咗一條斤半重嘅東星斑,清蒸吃之,不亦快哉。誰知隔牆有耳,畀財務L撞到,飯後打電話嚟瘀左丁山:「喂,左丁山,o依家乜嘢時勢呀,係金融海 嘯,共度時艱嘅日子,你居然在利苑吃午飯點咗一條清蒸大東星,招積啲噃!」哎吔,多得研究K關照,食馬會嘅啫,咁都畀人彈?財務L話:「美國銀行CEO都 做騷啦,從夏洛蒂坐八小時火車去華盛頓出席國會聽證會,以示節儉,佢班行家唔敢在華盛頓一級餐廳大吃大喝啫!呢類政治正確工夫,你要學吓。」好彩啫,研究 K與左丁山都係小人物,住豪宅冇份,用二萬一千美元做一套Kiton西裝冇份,坐私家飛機更加冇份,久唔久搵到馬會錢,食番一餐靚嘅,唔使咁政治正確呀 嘛?如果我哋係曾司長、任總裁嗰種級數,到IFC利苑一定只會吃碗「臘味煲仔飯」算數!

 

隔一日,見到股票名家青姐,青姐話 大經紀T請佢到Domani吃午飯,感覺非常良好,心思思想再去過;最令佢心頭癢癢嘅,就係有其他人客食到兩點後,就走出花園外露天餐枱,坐在梳化,吃甜 品飲咖啡,噴雪茄,悠閒之至,好似下午唔使返工咁款,羨煞旁人。唉,我哋夠想學習仿效啦,不過如要強求,慎防傷身傷心。



切戒 戒招 招積 左丁 丁山
PermaLink: https://articles.zkiz.com/?id=6027

【燒得招積】告別蜜糖走天下 走訪小店覓秘製醃料

1 : GS(14)@2016-09-18 10:52:40

秘製沙嗲汁的口感濃稠,花生味突出。徐基通指,平均每日都賣近兩桶沙嗲醬,每桶重達十幾斤。



平日燒烤,周遭的爐頭都總有一罐蜜糖常伴左右。不過,次次都是它,總覺有點悶,難得山長水遠去燒烤,就不要再靠它走天下了。與其狂塗蜜糖,不如從醃料入手,靠它們帶出BBQ的另類風味吧。


秘製沙嗲醬印尼風味BBQ

每逢下午四時,筲箕灣東大街的某個角落,都會傳出一陣花生味濃的沙嗲香;而始作俑者就是自97年起屹立至今、並於上年於米芝蓮上榜的印尼沙嗲屋。小店由印尼華僑主理,老闆徐基通指,單是其秘製沙嗲汁串燒,一天已賣近800至1000串,可見街坊相當捧場。起初,以為這間小店只賣串燒及小食,其後發現,原來它亦會代人醃製燒烤包;而醃料當然亦是秘製的沙嗲醬。問到沙嗲醬做法,徐基通指,首先將花生與黃豆粉撈在一起,再落鑊爆香食材,然後再加蒜蓉、薑蓉等一起炒,最後加上印尼甜豉油,為沙嗲醬上色。驟眼看,雖然燒烤包的款式不算太多,但單是那惹味十足的香氣,便相當吸引了。印尼沙嗲屋筲箕灣東大街76D地下



標記肉食的丸類多達30種,當中不乏少見款式,單是看看亦眼花撩亂,有選擇困難症的朋友有難了。

蔬果汁醃肉肉質更嫩滑

若怕沙嗲膩,不妨看看這間位於沙田的標記肉食。該凍肉檔自20年前起,便一直堅持以蔬果汁醃肉。提起秘製蔬果汁,繼承家族生意的葉健強指,蔬果汁主要有十多種蔬果,當中包括西芹、芫茜、菠蘿及雪梨等;而用蔬果汁醃肉,可令肉質更加嫩滑、鬆化。與常見的黑椒汁、蒜蓉汁相比,亦相對健康。驟眼看,標記的丸類多達30種,當中不乏有趣少見的款式,如忌廉蘑菇湯包、咖喱豚肉包及流沙蕃薯包等。至於肉的款式亦十分齊全,似乎只需來這裏走一趟,便可買齊想食的食材了。標記肉食沙田正街街市1樓M12 M20



福滿BBQ專門店提供6款醃料,適合一大班口味各不同的燒烤友。

6款醃料最啱花心鬼

不過,若你比較花心,甚麼汁都想試的話,可以去位於大埔的福滿BBQ專門店。店內的醃料多達6款,叉燒、香茅、香草、咖喱、黑椒及蒜蓉,款式雖然普通,但勝在多味。值得一提的是,這裏的檔主十分細心,會於肉上鋪上三色椒、蘿蔔片及青瓜等蔬果,予客人解膩。福滿BBQ專門店新界大埔寶湖街市M8 M15 M16



記者﹕湯珮然攝影﹕許先煜




來源: http://hk.apple.nextmedia.com/su ... t/20160918/19773700
燒得 得招 招積 告別 蜜糖 天下 走訪 小店 覓秘 秘製 製醃 醃料
PermaLink: https://articles.zkiz.com/?id=309607

【今日笑一笑】老虎狗好得戚戴超浸浴勁招積

1 : GS(14)@2016-11-13 11:32:33

不少主人也喜歡惡搞家中愛犬,像外國這條影片中的英國老虎狗,便被主人以浴巾包裹、戴上黑超的躺在膠盆內浸浴,見牠放鬆至舌頭伸了少許出來,勁嘆,且顯得十分招積。
Facebook




來源: http://hk.apple.nextmedia.com/international/art/20161113/19832376
今日 笑一 一笑 老虎 好得 戚戴 戴超 超浸 浸浴 浴勁 勁招 招積
PermaLink: https://articles.zkiz.com/?id=315323

【今日笑一笑】招積狗食薯片無芝士醬堅唔掂

1 : GS(14)@2017-06-11 16:09:13

人要人權,原來狗有時都會爭取「狗權」。外國一名女主人原先想獎賞她的拳師狗吃薯片,怎知狗狗堅持不吃,直至女主人把薯片沾上芝士醬,狗狗才乖乖吃下,其後女主人再次嘗試以原味薯片餵牠,狗狗依然拒絕並別過面去,最後主人唯有就範,再次把薯片沾上芝士醬,狗狗才得戚滋味的吃下薯片,似是為自己爭取到「應有」權利而自豪。
YouTube




來源: http://hk.apple.nextmedia.com/international/art/20170611/20052308
今日 笑一 一笑 招積 積狗 狗食 薯片 芝士 醬堅 堅唔 唔掂
PermaLink: https://articles.zkiz.com/?id=335317

【27年情誼】Face To Face吳少芳感謝李進:招積的暖男

1 : GS(14)@2017-07-01 09:53:42

由1990年李進發掘Face To Face,Jodi就當佢係恩人。(陳慧安攝)



香港樂壇曾經有不少組合,包括90年出道、由吳少芳(Jodi)及蔡慧玲(Connie)組成的Face To Face,二人當年由曾任黎明、鄭秀文經理人的李進(Frankie)一手發掘,兩年出過三張唱片。如果你是70後,即使不是二人fans,也會聽過《情迷Milano》、《一些》等K歌,惜Jodi於92年發生車禍致四肢癱瘓,人生亦從此改寫。聚散有時,但友情永在,組合解體後,Jodi和拍檔Connie一直保持聯絡,Frankie則成為她眼中大恩人,二人日前相約茶聚,Jodi大讚Frankie是暖男,十分細心,又指當年「出事」後,全賴Frankie替她處理保險賠償,現在才有安穩生活,因此全家人都很感激他,坐在Jodi身旁的Frankie即耍手擰頭,揚言只是舉手之勞,不足掛齒。
Jodi與輪椅為伴25年,早前更因為輪椅忽然損壞,停在馬路中心,幸妹妹及家人在場,把她推回路邊。生性樂觀的她,重提Frankie當日到醫院探望她時經常皺眉,問Frankie得悉她情況後是否很難過?Frankie坦言當時感到心嗡、可惜,因為她還很年青,惟這場人生經歷,令她現在跟年青人分享更有說服力,Jodi即點頭示意,並說:「上天關了我一道門,同時為我開啟一扇窗。」此外,Jodi爆當年與Connie參加歌唱比賽,原來是Frankie親手把她倆「叮」走,之後才邀請她們試音及加盟新公司。Jodi笑謂:「我哋以為佢係鹹濕佬,所以第一次見佢揾多個朋友陪,又以為佢只係講吓,隔咗半年睇新聞真係有新唱片公司開,先至道係真。」
Jodi續謂:「以前好驚Frankie,因為佢係老闆,兩個字形容佢,就係『招積』,可以一隻手摔死你嗰啲,試過有次錄音前一晚去燒烤,結果第二日聲晒沙被佢鬧到飛起。」雖然Frankie已忘記這一幕,但就反應好大,立即反問Jodi:「係咪有呢件事呀!我好少上去聽你哋錄音喎!」。Jodi即笑謂:「你嗰日咁啱喺度,好彩監製幫我講大話,話我因為病先至聲沙,但其實我之前一晚去咗BBQ,以前真係好貪玩。」被Jodi指「招積」,Frankie不諱言當年的確少年得志,所以有點「寸」,因此很多不認識他的人都不喜歡他,故他也有好好反省。不過,Jodi說Frankie其實也是玩得之人,試過在加拿大用衫笠頭扮黎明,成功撇甩瘋狂追車的歌迷。採訪:小米、懷鈺攝錄:馮峰攝影:陳慧安後期:Roy場地:La Villa


講起27年嚟嘅往事,佢哋笑得好開心。(陳慧安攝)

仲玩自拍。(陳慧安攝)

Jodi口中Frankie好惡,但又係暖男。(網上截圖)


當年嘅Face To Face,左係Jodi、右係蔡慧玲(Connie)。(網上圖片)

首張同名大碟,當中有《一些》。(網上圖片)

第二張大碟,呢個look點會唔記得《情迷Milano》。(網上圖片)


第三張碟。(網上圖片)

Jodi當年跟黎明去美加登台,記得Frankie嘅「百厭」事。(網上截圖)



來源: http://hk.apple.nextmedia.com/entertainment/art/20170629/20072908
27 情誼 Face To 吳少 少芳 感謝 李進 招積 積的 的暖 暖男
PermaLink: https://articles.zkiz.com/?id=337209

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019