ZKIZ Archives


老規矩 拍戲變拍拖 星女郎周秀娜:係又唔錯呀!

2013-01-24   NM
 
 

 

繼08年《長江七號》,今年周星馳再有新作賀歲,自編自導做埋監製的《西遊‧降魔篇》,安排年廿七(二月七日)上映。按照過往作風,新戲上畫,例必「換畫」!早前在內地宣傳時,周星馳自認是女主角舒淇「男友」,自製緋聞。

有傳名花有主嘅舒淇唔吼星爺,勁請對方食檸檬,但同片仲有另一星女郎周秀娜,身材樣貌唔輸蝕之外,仲要甩拖單身冇包袱。「係又唔錯呀!」周秀娜說。一人話事

《長江七號》之後,周星馳事隔五年才有新作,與郭子健聯合執導《西遊‧降魔篇》。一如過往,由劇本、揀演員到拍攝,都是周星馳一人話事。

試過黃聖依、張雨綺一片拜拜,星爺今次決定唔用新人做「星女郎」,一早預留女主角給他心目中的女神舒淇,再加宅男至愛周秀娜,兩性感女星串Q。

舒淇、娜姐級數同cup數均有別,周星馳知人善用,娜姐搏上位,要少布!舒淇貴為影后,係咁意,露吓膊。

拖手教戲

身為導演,周星馳大條道理落場教戲。有指每逢有舒淇、周秀娜埋位戲份,周導就有早無遲,跟到最尾;還不時拖住手仔教路,十分落心機。至於男演員包括文章、黃渤及羅志祥,周導無暇照顧,全交給郭子健負責。有周星馳貼身跟場,初次做「星女郎」的周秀娜坦言知道對方搵自己拍戲,開心到彈起,因為無法置信,重複多次要經理人問清楚。「星爺係我由細到大嘅偶像,我好鍾意佢,喺橫店拍嘢個陣,佢日日都教我哋做戲,好搞笑。(同佢拍戲嘅星女郎多數會變成緋聞女友)係又唔錯呀!不過幾時輪到我吖!係都女主角(舒淇)先啦!」周秀娜說。

女角變女友

周星馳開戲,女主角甚少重複,唯一不變,是每開新戲,都會搭上「星女郎」,幾乎拍一套戲,換一次畫。

朱茵92年,拍《逃學威龍2》與朱茵撻着,有指朱茵是介入周星馳與羅慧娟感情的第三者。08年,朱茵在《志雲飯局》訪問中暗指當年拍攝《西遊記》時到酒店房找男友,捉姦在床而分手。

莫文蔚95年,周星馳與莫文蔚合作拍攝《西遊記》後和朱茵分手,98年莫文蔚開演唱會,星爺帶同母親撐場,女方更即席以一曲《情與義》送給當時已分手的前度。

趙薇00年,周星馳與趙薇拍攝《少林足球》被拍得在珠海街頭,繑着手齊返酒店,態度親暱。

張雨綺05年,新人張雨綺被星爺睇中參演《長江七號》成為「星女郎」,有指星爺對她寵愛有加,安排對方與自己齊齊拍芬達廣告,二人更被拍得在廣州賓館密會。

老規矩 拍戲 拍拖 女郎 周秀 秀娜 係又 又唔 唔錯 錯呀
PermaLink: https://articles.zkiz.com/?id=43341

臨記之王親點相扮反佔中好搵過拍戲

1 : GS(14)@2014-10-06 23:14:26




■劉文俊爆企政總的臨記人工高。資料圖片



臨時演員黃海權被質疑「收錢做嘢」,身為臨記公司老闆的劉文俊昨在電話中透露認出黃海權,如果有人畀錢叫帶隊「開工」亦好難推:「搵食好艱難,可能有人搭上搭搵你幫手,一推就斷後路。支持學生角度咁做梗係唔好,但從生意角度又唔可以得失。」另一位臨記阿頭陳華昨亦在facebook貼上有關黃海權是臨時演員的報道,並留言:「收錢去做呢啲野,簡直令其他演員蒙羞!」




來源: http://hk.apple.nextmedia.com/entertainment/art/20141006/18890555
臨記 記之 之王 王親 親點 點相 相扮 扮反 反佔 佔中 中好 好搵 搵過 拍戲
PermaLink: https://articles.zkiz.com/?id=285928

林嘉欣拍戲女兒投訴

1 : GS(14)@2014-11-04 22:37:38



林嘉欣昨日在荃灣出席「全港十大育嬰室選舉2014」記者會,餵哺母乳的她,希望能有多些設備完善的育嬰室,她試過在外用膳時想餵母乳,卻惹來旁人奇異目光,最後要到廁所處理。談到於台灣為新戲《百日告別》拍攝了三個星期,嘉欣指戲份相當沉重,導演要求又高,她說:「導演要我做演得自然得嚟有演技,不停叫我保持沉重情緒。」幸好每日看女兒相片讓她得以抽離,拍攝尚有一個星期,嘉欣謂大女已投訴她不在家,細女半夜哭醒要找她,令她感心痛。問到會否再到佔中區支持學生?她指未有時間:「佢哋出得嚟有自己聲音,立場鮮明,好有希望。」採訪、攝影:馬建華



【三個粉絲去首爾】追星實錄,即上韓劇讀:http://hk.apple.appledaily.com/kstar




來源: http://hk.apple.nextmedia.com/entertainment/art/20141104/18922473
林嘉欣 拍戲 女兒 投訴
PermaLink: https://articles.zkiz.com/?id=286324

上海拍戲毀女神形象全智賢喫生果餓鬼上身

1 : GS(14)@2014-11-04 22:39:27



韓國女神全智賢拍畢熱爆韓劇《來自星星的你》後,即接拍了《盜賊門》導演崔東勳的新作《暗殺》。早前剪掉一頭招牌長髮的全智賢留在上海趕拍新片,既要低調慶祝33歲生日,未知是否連日來拍攝太緊密的關係,令她連好好大擦一頓的時間也沒有,日前她被拍得在片場不顧儀態狼吞虎嚥食柚子,配上她身上的染血戲服,令人以為女神萬聖節餓鬼上身,認真應節。上月30日是全智賢的33歲牛一,不過壽星女因要留在上海趕拍新片《暗殺》,所以未見她有大事慶祝一番,反而連日來全智賢都要在上海車墩影視城開工。日前有內地傳媒就偷拍到全智賢在片場拍攝的情況。


被噎親尷尬

全智賢與崔東勳導演再度合作的《暗殺》,自開拍以來保密工夫做足,除了擔心全智賢的造型曝光外,亦怕影響拍攝進度。在片中飾演暗殺團話事人的全智賢日前在車墩影視城的舊上海南京路景區繼續拍攝,剪掉一頭招牌長髮的她美艷不減,穿上白色喱士長裙,清純得來不失女強人本色,即時成為片場的焦點。未知是否連日來拍攝行程太緊密,只見全智賢未有好好吃午餐,惟有趁休息空檔爭取機會吃柚子,補充一下能量。全智賢懶理眾人眼光,坐在休息椅上時即掏出半個柚子,旋即狼吞虎嚥起來,更用口撕扯柚子,完全不顧女神儀態,其間未知是否柚子太酸還是被噎親,全智賢突然露出尷尬表情。



■在內地人氣高企的全智賢,獲土豪粉絲送廣告牌賀壽。

密密食冇停

之後全智賢轉到古舊電車旁繼續工作,身旁有男助手為她打傘遮太陽,而全智賢又着助手再拿出半個柚,並即企在路上大啖大啖食柚子,由於她身上的白色戲服佈滿了鮮血,即時令人誤以為她化身做美艷餓鬼食柚子,參加萬聖節派對。此外,在內地人氣高企的全智賢,日前獲來自福州的「土豪」粉絲送上生日賀禮,有網友拍下多張相片上載到微博,指有粉絲豪花逾萬人仔在福州的商場外賣廣告,並以福州S教授名義寫道:「親愛的全智賢:生日快樂!今天能與你牽手將我們的關係公告天下!」即時引起網民議論,但有人質疑廣告是P圖,亦有人覺得是炒作廣告。撰文:施洛冰



【三個粉絲去首爾】追星實錄,即上韓劇讀:http://hk.apple.appledaily.com/kstar




來源: http://hk.apple.nextmedia.com/entertainment/art/20141104/18922455
上海 拍戲 女神 形象 全智賢 喫生 生果 餓鬼 上身
PermaLink: https://articles.zkiz.com/?id=286327

查金庸 What’s Up? 黑社會搵星爺拍戲 向華勝有計

1 : GS(14)@2014-11-30 02:37:22

http://www.metrohk.com.hk/index.php?cmd=detail&id=255200&search=1

向華勝死了,這令到查金庸想起了當年有關黑社會入侵電影圈的往事。向華勝雖然是龍頭家族的後人,但是,他拍戲付片酬,倒是規規矩矩的,依足規矩辦事。但是,在當時的圈中,卻的確是有黑社會強迫拍戲之事。





  
             話說,當年有黑社會強擄了劉德華拍戲,賺了不少錢,後來食髓知味,打起周星馳的主意來。他們膽大包天,居然致電給TVB,向TVB拿人。跟着,方逸華打電話給向華勝:「我對他們說,星仔的片約問題,全歸向生你處理。」跟着,她補了一句:「向生,你不會怕了他們吧?」向華勝大笑說:「不怕,當然不怕!」他當然不怕,因為他馬上關了手機,而且,從此不回辦公室了。對方要找他,也找不到,當然也沒有怕的理由。據說,這宗事件搞了好幾個月,結果,對方的首腦,在一次北上談生意,被公安拘捕了,罪名是嫖妓,結果勞改了兩年,才放出來。從此,黑社會迫明星拍戲的事件,便再沒有發生了。
金庸 What Up 黑社會 搵星 星爺 拍戲 華勝 有計
PermaLink: https://articles.zkiz.com/?id=286605

財經八一八: 阿里影業夥王家衛拍戲

1 : GS(14)@2015-01-18 02:23:18

https://hk.finance.yahoo.com/new ... E%8A-220000486.html

近年電商不斷開發新業務,與本業風馬牛不相及的都會照做。去年阿里巴巴就殺入電影業,以六十億元買入前稱文化中國的阿里影業(01060),之後僅用半年時就落實第一個電影項目,更有金像導演和男主角坐陣。有錢,的確是好辦事。阿里影業今個星期就在北京舉行其第一部電影的發布會,為其打嚮頭炮的,正是來自香港的導演王家衛任監制,再由其多年來的好拍擋梁朝偉任男主角的新片。

雖然近幾年中國電影業發展奇快,中國產電影不單在本土賣個滿堂紅,更有能力反攻海外。不過,阿里首個項目最重要是安全,找來經驗較好的香港電影人,無疑是最穩陣的做法。再加上之前兩人合作的一代宗師在大陸票房極佳,一直善於看大數據做生意的阿里,當然識得計算。

雖然電影以香港電影人掛帥,但為了迎合內地觀眾口味,劇本及導演始終都要用本土產品。近年無論電視或電影,都愛用網絡作品改編,今次阿里的電影會改編自網絡作家張嘉佳的小說從你的全世界路過當中的作品擺渡人,張嘉佳更會親自寫劇及擔任導演。

王家衛出名慢工出細貨,之前一代宗師,由籌備到拍好,足足用了十年。今次這擺渡人,就預期今年上半年開始制作,究竟幾時出貨,暫時未知。王家衛尚有一出名的地方,就是拍電影經常超支,這部電影會花阿里多少人力物力,何時才能為阿里賺錢,相信才是投資者最關心的地方。
財經 八一 一八 阿里 影業 王家衛 王家 拍戲
PermaLink: https://articles.zkiz.com/?id=287241

惠英紅拍戲受傷憂破相

1 : GS(14)@2015-01-19 09:03:29





■惠英紅昨在台東拍戲弄傷左面,或有可能破相。資料圖片


惠英紅昨午在台東拍攝韓國導演朴裕煥執導、藍正龍和林依晨主演電影《神秘家族》,據悉惠英紅在拍攝躺在地上及高空有鐵罐砸下的文戲時,因角度不好,鐵罐擊中她的臉,登時血流披面,傷口長達一吋及頗深,未知惠紅英會否因此破相。惠英紅所屬英皇電影經理人部門昨在電話中說:「紅姐今日下午四、五點喺台東拍戲爆晒缸,送咗去台東一間醫院,佢左邊面傷口有一吋長,傷口都好深吓。公司都了解緊究竟係人為錯誤定係意外。」據悉惠英紅受傷後極擔心破相,故其經理人要待今日飛往台灣了解其受傷原因。惠英紅昨透過WhatsApp回覆說:「還好還好,縫咗幾針,
惠英 拍戲 受傷 破相
PermaLink: https://articles.zkiz.com/?id=287350

吳彥祖花園街拍戲

1 : GS(14)@2015-03-18 22:29:47





吳彥祖去年因媽媽去世而暫別娛樂圈,最近全面復出,日前與內地女星白百何在北京宣傳新片《滾蛋吧!腫瘤君》,前晚在旺角花園街開工。據知他正拍攝《天煞.地球反擊戰》(Independence Day)監製兼編劇Dean Devlin執導的災難片《Geostorm》。前晚約七時工作人員在場準備,兩小時後,身穿便服的吳彥祖埋位拍戲,現場見他進入一間便利店購物,之後拿着一包物品離開及上車,繼而街上的人突然慌亂地逃離,吳彥祖再來一個回頭望後的動作,非常輕鬆,估計是拍爆破場面,之後再做特技效果。採訪、攝影:陳辰





來源: http://hk.apple.nextmedia.com/entertainment/art/20150318/19079999
吳彥祖 花園 拍戲
PermaLink: https://articles.zkiz.com/?id=288666

復出拍戲不忘做好媽媽梁洛施湊三子遊迪士尼 賀長治生日

1 : GS(14)@2015-04-28 22:48:08

【美國奧蘭多迪士尼】■復出拍戲的梁洛施昨日貼上圖片,她帶三子到迪士尼遊玩,四母子齊戴cap帽,三子着兄弟裝,非常溫馨。微博圖片



現年26歲的梁洛施(Isabella)為小小超李澤楷誕下三子,4年前兩人緣盡分手,囝囝跟媽咪在多倫多生活,雖然前年Isabella宣告重返娛樂圈,但亦克盡母職全心照顧孩子。慈母Isabella昨貼上照片,她帶三子到美國奧蘭多迪士尼樂園為大仔李長治慶祝6歲生日,三子穿上兄弟裝,又與媽媽戴不同顏色的帽,溫馨滿瀉!


梁洛施19歲憑電影《伊莎貝拉》奪葡萄牙波圖國際電影節影后,20歲為香港首富李嘉誠幼子李澤楷未婚生仔,由爺爺取名李長治,翌年她再誕下一對孖仔H&N,不過李澤楷始終沒有娶Isabella做老婆,兩人更於4年前發聲明宣告分手,三名孩子由兩人共同撫養。Isabella與三子留在多倫多生活,前年她終於回歸娛樂圈,復出做舞台劇和接拍電影《念念》,日前才現身北京宣傳新戲,工作結束後即飛返囝囝身邊,做回平凡的好媽媽。



長腿似媽咪

昨午,Isabella在社交網貼出與三子在美國佛羅里達州的奧蘭多迪士尼樂園的相片,樂園的時鐘指着8時51分,Isabella一早帶孩子遊迪士尼,原來是為大仔長治(Ethan)慶祝6歲生日,四母子戴上不同顏色的cap帽,三兄弟着上紅藍間條兄弟裝,孖仔H&N更趷高腳仔興奮張望,短褲下露出長腿,遺傳了媽咪的高䠷個子。戴黑超孭背囊的Isabella更蹲下伸手護着囝囝,盡顯慈母本色。奧蘭多迪士尼是世界最大的主題樂園,亦是迪士尼的總部,Isabella為長治在樂園大搞《魔雪奇緣》(Frozen)生日派對,網友都留言祝福。



■梁洛施在迪士尼為大仔長治(Ethan)搞《魔雪奇緣》派對,慶祝6歲生日。微博圖片

■09年梁洛施為李澤楷誕下兒子,由爺爺李嘉誠取名長治。



讚囝囝自律

其實Isabella和李澤楷和平分手後,現年26歲已是三子之母的她,雖然復出拍戲仍不忘做好媽媽,去年她接受《蘋果》專訪,提到如何教育三子時說:「我覺得discipline(自律)好緊要,我啲小朋友喺discipline方面幾唔錯,7點鐘瞓覺,7點鐘起身,要跟住schedule。」問到回來工作有否不捨得兒子?她說:「佢哋而家開始大同埋返學,唔使24小時專注佢哋身邊,我覺得都係一個right timing做番嘢,想專注事業,佢哋唔一定要黐實媽媽,其實都想快啲復出,不過baby仲細。」



■雖然復出拍戲,但梁洛施仍兼顧家庭,分配時間照顧三子。資料圖片

■梁洛施痛錫長治,她曾在fb留言:「我非常好,湊住三個囝囝很忙,哈哈!」資料圖片



而Isabella復出作品《念念》將於後日在香港上映,昨經理人Roy接受本報電話訪問,表示她不會返港宣傳,問到Isabella的新工作?他說:「睇緊劇本,佢都好關注部戲嘅反應,大家咁耐冇睇佢拍戲,想知有幾鍾意。而家有十幾部戲搵佢,港產片、合拍片、西片都有,但未傾好,如果劇本同檔期OK會拍,希望下半年開工。」採訪:皓騫





來源: http://hk.apple.nextmedia.com/entertainment/art/20150428/19127648
復出 拍戲 不忘 做好 媽媽 梁洛 洛施 施湊 三子 迪士尼 長治 生日
PermaLink: https://articles.zkiz.com/?id=290006

Stephy笑小方 拍戲好過真咀

1 : GS(14)@2015-05-06 23:16:08

應采兒、鄧麗欣(Stephy)、柯有倫、秦沛和姜麗文等,昨日在屯門出席網劇《天才在左瘋子在右》開鏡活動,兼任監製的應采兒說:「我冇片酬,仲碌爆晒人情卡。」Stephy男友方力申在《華麗轉身》一劇中與鍾嘉欣拍咀戲,Stephy笑指沒施加壓力,不過覺得小方拍咀戲比跟自己咀嘴做得更好。父女檔上陣的秦沛、姜麗文在劇中分演精神病院長與病人。秦沛可有指導囡囡演出?姜麗文笑說:「就係因為有殺無賠(電影《癲佬正傳》經典對白)呢句對白,20幾年嚟都冇香港男仔敢追我。」採訪:藍文浩攝影:葉君海





來源: http://hk.apple.nextmedia.com/entertainment/art/20150506/19136952
Stephy 小方 拍戲 好過 真咀
PermaLink: https://articles.zkiz.com/?id=290198

林文龍平請Bobby拍戲

1 : GS(14)@2015-06-10 08:41:47

林文龍昨日到新城電台宣傳有份投資的新片《我們停戰吧!》,電影8月才上映,但已先後在外地的影展橫掃了多個獎項,林文龍與女主角林熹瞳更成為影帝影后。林文龍見有好成績,準備再下一城繼續開新戲,他說:「下一部係女性驚慄片,但唔會搵老婆(郭可盈)演,佢要專心照顧個女,下年小學派位。」談及歐陽震華(Bobby)不獲無綫續約,林文龍說:「佢喺TVB二十幾年,天下無不散之筵席,唔知中間發生乜事,Bobby唔使唔開心,出嚟我請佢食飯。」會否邀請Bobby拍新戲?他笑說:「我唔會拒絕唔用佢,出到我呢張牌,佢冇得貴,倒貼都要嚟。」採訪、攝影:張俊銘





來源: http://hk.apple.nextmedia.com/entertainment/art/20150609/19177119
林文 龍平 Bobby 拍戲
PermaLink: https://articles.zkiz.com/?id=290745

唔恨拍戲 姜河那:我最想拍紀錄片!

1 : GS(14)@2015-06-11 12:38:30

2015-06-11 NM



年紀愈大,愈不想大,最好可以時光倒流重返學生時代。現實生活中,無可能回到過去,難怪青春電影長拍長有。韓國電影《Twenty》由《陽光姊妹淘》編劇李炳憲處女執導,搵嚟三位喺偶像劇熟口熟面嘅男演員擔正,姜河那做代表嚟香港宣傳。成日喺電視劇入面做學生,姜河那都話想返回學生時代,仲話唔做幕前,希望可以轉行做幕後拍紀錄片!唔係啩?最喜歡飲酒

《Twenty》由金宇彬、2PM成員李俊昊,以及姜河那主演,講述三個死黨面對二十歲呢個人生關口,有期待同時又有不安,於是喺二十歲呢一年定下人生目標,努力實現之餘鬧出唔少笑話!三位男主角年齡相近,姜河那仲曾經同金宇彬喺《繼承者們》合作過,今次再度合作,加多個李俊昊,喺鏡頭以外就好似拍緊另一套《Twenty》咁好感情:「跟他們工作,發生很多趣事,每一天都過得很開心,我們經常講笑,拍攝氣氛很愉快,其中有一場戲講我們去飲酒,玩得很高興,令我印象最深刻。」呢一場戲真係啱晒佢,因為姜河那出咗名好酒量,牛高馬大嘅金宇彬都自嘆唔夠佢飲。「我很喜歡飲酒,家中有個大酒櫃,每天都會淺嘗幾杯,不過我甚少喝醉,就算偶爾醉倒了都不會發酒瘋,只會去睡覺。」

唔想做演員

姜河那近兩年不停拍電影,今年就有三部戲排住隊上映,連埋上年套《怪談少女》,算係非常多產。雖然喺演技上獲得肯定,不過如果返去二十歲,姜河那想試吓行另一條路:「時光倒流的話,我想我未必會再做演員。其實我以前有一個夢想,希望拍攝紀錄片,現在,我仍然會在家中看紀錄片頻道,有時候看到一些故事都會很心痛。」塞翁失馬,焉知非福,而家成為最有潛質嘅演員之一,導演李炳憲都十分睇好佢:「當初起用姜河那的時候,當然會有一絲不安,始終起用新人會有點擔心,不過他非常努力,表現非常好,有幾場戲更加超乎我的預期,效果非常好,令我很驚訝。」

無懼新沙士T-ara握手抱抱樣樣齊

韓星嚟香港同歌迷作近距離接觸,fans梗係開心,不過最近韓國新沙士肆虐,就算幾開心,都要安全至上。韓國女團T-ara嚟到香港,喺商場出席握手會,由於成員智妍忙於拍戲,六缺一。今次T-ara宣傳自己主演嘅微電影,佢哋每人主演一個愛情小故事,喺握手會上佢哋同fans玩遊戲,5位成員超級進取,一個繑住男fans隻手,一個同女fans頭貼頭,仲有一個輕碰男fans嘴嘴,令無得上台嘅fans叫到拆天!最後fans開始排隊同T-ara握手,上台之前fans要先噴消毒酒精,T-ara賣口乖話唔介意,仲話fans對手會為佢哋帶來溫暖,真係識做!
唔恨 拍戲 姜河 河那 我最 最想 想拍 紀錄
PermaLink: https://articles.zkiz.com/?id=290787

睇拍戲 黑雨笨豬跳 佘詩曼有包袱窒步

1 : GS(14)@2015-06-11 12:46:05

2015-06-04 NM



張智霖、佘詩曼再結前緣的電影版《十月初五的月光》前後拍了七個月,最後一場煞科戲於澳門觀光塔拍「You jump I jump」笨豬跳,女主角阿佘三心兩意,一時話跳一時又話唔跳擔心傷及舊患,幾經掙扎下,終於要替身頂上。替身上陣

煞科戲當天(五月廿六日),黑雨影響下澳門觀光塔狂風暴雨,劇情借用《鐵達尼號》經典對白「You jump I jump」,只是場景由跳船改為笨豬跳,男女主角張智霖和佘詩曼在惡劣天氣下依時埋位。「一早已經預咗替身俾阿佘,因為佢有畏高,所以都知佢唔跳得。」工作人員說。替身stand by,但站在觀光塔上的阿佘仍企圖親自上陣,在場工作人員為她綁上安全措施,Chilam亦準備就緒,一切如箭在弦,阿佘忽然膽怯,幾經掙扎,要替身頂上。「阿佘話跳又唔跳,都搞咗成粒鐘!其實都唔怪得佢,佢條頸同腰傷嘅舊患,一chok落去,真係有機會傷到舊患。Chilam就跳同唔跳都得,既然阿佘最後決定唔跳,咁就無謂嘥時間拆開再拍大頭,用埋替身仲方便。」工作人員說。

超時超支

煞科戲搞掂,工作人員推出蛋糕慶祝。導演葉念琛一早預備好兩個蛋糕,一個是慶祝阿佘生日,另一個是慶祝《十月初五的月光》完成拍攝。電影由去年十二月開始,經歷七個月拍攝期,有指因為Chilam、阿佘、薛家燕及陳喬恩等演員的檔期難相就,結果原定兩個月拍攝期嚴重超出預算。

洗米華派錢

據有份埋位的家燕姐說,在澳門拍攝期間,有份投資的老闆周焯華(洗米華),也曾經帶過大家去賭場耍樂。「華哥帶咗我、Chilam同其他八個人去賭場玩,仲派咗幾百萬泥碼俾我哋,佢每鋪落十萬蚊,我就每鋪一萬蚊,我幫華哥甩牌,最後贏咗廿萬,八個人平分,幾好運呀!」薛家燕說。
拍戲 黑雨 笨豬 豬跳 佘詩曼 包袱 窒步
PermaLink: https://articles.zkiz.com/?id=290797

家棟拍戲難滿足評審

1 : GS(14)@2015-09-24 01:50:16

林家棟前日48歲生日,前晚電影《死開啲啦》演員在鑽石山包場睇優先場,更以蛋糕為他慶祝,他說:「生日年年都有,呢部戲係好好禮物。」會否想參加奧斯卡?他說:「將來有機會喺香港提名已經好開心,有時都好難滿足唔同評審,做自己嘅事就得。」採訪:溫敏芝攝影:陳俊強





來源: http://hk.apple.nextmedia.com/entertainment/art/20150923/19305449
家棟 拍戲 滿足 評審
PermaLink: https://articles.zkiz.com/?id=292558

黃百鳴大爆星爺拍戲秘史

1 : GS(14)@2016-02-03 14:03:11

2016-02-02 EW

二十四年前的電影《家有囍事》,肯定是港產片中的經典,幾多場面loop過無限次?幾多對白背到滾瓜爛熟?幾多畫面歷久不衰,更獲封網上cap圖王?

今年賀歲檔期,《家有囍事》將重新上映。舊片新上,除了數碼修復,還加入十分鐘未曝光片段;此外,《家》片的監製兼要角黃百鳴,更親爆拍攝背後,周星馳(星爺)鮮為人知的秘聞逸事!

想夥拍曼玉

原本的《家有囍事》是沒有周星馳(星爺)份兒的,三兄弟角色分別敲定為林子祥、黃百鳴和張國榮(哥哥)。可是,電影開拍前,林子祥在三藩市的寓所發生火警,他未能趕返港演出,黃百鳴惟有臨急抱佛腳找星爺頂上。

黃百鳴憶述:「搵星仔嗰時,佢開好高嘅片酬,急於用人都照畀佢,仲同佢講明錢可以畀,但係三兄弟之中花心細佬個角色唔揀得。星仔係想同張曼玉(Maggie)做對手嘅,唔使問梗係想同靚女做對手啦;但之前已經畀劇本張國榮睇咗,哥哥OK咗(花心細佬個角色)!」黃百鳴任由星爺在餘下兩兄弟中揀一角,當時星爺聲言「打死唔做乸型」,惟有選做不忠丈夫一角。

後來,哥哥約黃百鳴見面傾戲,坐低劈頭一句說:「百鳴,你唔好同我爭,我睇完劇本,我要做cam cam哋嗰個。」而且,哥哥更指明,Tomboy對手要由毛舜筠來演,肯定好睇。黃百鳴覺得張國榮選角是計過度過,但此舉竟誤打誤撞,成全了星爺的心願,能夠跟張曼玉做拍檔。

網上流傳星爺對Maggie有好感,更有追求之意,黃百鳴斬釘截鐵的說:「咁我冇聽過喎,就算追都係拍戲嗰時追,拍完戲Maggie肯定唔睬佢!」

撐珍妹入屋

影壇盛傳,星爺難服侍,黃百鳴眼中卻不是這回事,還力讚對方說:「嗰時佢好好㗎,叫佢做乜都得,同埋好跟劇本做。」其實,星爺也曾就一、兩場戲提出個人意見,當中最神來之筆便是Maggie撞破他和李麗珍(珍妹)偷食一場,黃百鳴娓娓道來:「原本話星仔同珍妹踩到番梘跌落花園,撞正Maggie經過,三人會合偷食就穿煲;但星仔話可以加料,跌落樓嘅過程加。最後大家都應該記得,嗰段戲星仔跌落去見到Maggie就喺下面,擰轉頭又見珍妹喺上面,心諗唔掂嘞,於是雙掌一撐,將珍妹撐番上間屋度,出嚟真係幾好笑,而且得星仔一個諗到,喺跌落樓咁短促嘅時間,都可以玩到啲嘢。」

激勵谷德昭

黃百鳴透露,當日電影分了三個編劇,分別為戲中三條主綫寫劇本,而星爺的跟場編劇正是當年新入行的谷德昭(肥谷),他第一次將寫好的對白交星爺時,星爺睇完只說一句話:「呢個就係劇本喇?!」肥谷自尊心當堂被打沉,並向導演請辭,獲導演勸解:「畀人窒一句就唔撈?以後點喺電影圈生存?」於是他痛定思痛,狂煲星爺曾拍過的戲,重新寫過劇本,之後的劇本星爺亦十分滿意,以後更錫肥谷錫到燶,有戲開都預他做編劇。而《家》中的「鐵拳無敵孫中山」、「巴黎鐵塔反轉再反轉」好大可能是肥谷被星爺逼出來的啜核之作,至於「無定向喪心病狂間歇性全身機能失調症」,更是黃百鳴選為經典中的經典,鍾意它夠「 繞口」。

當年為迎合台灣市場,電影還專登找來識閩南話的人改寫〈相逢何必曾相識〉給星爺唱,網上久不久都會翻hit。黃百鳴指,星爺當日不僅完全冇抗拒、冇詐型,更抵得諗即學閩南歌詞,而且好快上手,當場已經唱到並完成拍攝。

另外,哥哥當年憑《英雄本色》、《縱橫四海》等英雄片在韓國大受歡迎,所以為配合韓國發行商要求,後來加入了一幕,講述吳君如演的大嫂被賊人擄走,常家三兄弟勇救大嫂的槍戰場面,亦即是今次重新上映的加長版十分鐘情節。

三個蒙面賊

話說當年黑社會暴力入侵娛樂圈,《家》的底片在剪接期間,被三個蒙面賊持槍打劫,幸好最終賊人未有得手。所以,後來要補拍的該段荒山野嶺槍戰戲,三兄弟絲襪笠頭的靈感也是來自劫菲林事件;同時,由於案件未破,當年警方高度戒備,更派出警員監場拍攝,以防有人再來搞事。

故此,加長片段絕對得來不易,而且,如今再配廣東話版本,黃百鳴也花盡心思。除請吳君如拔刀相助外,星爺的對白則找來「翻版星爺」溫超代勞;反而要配張國榮的聲音最頭痕,cast過無數人之後,發現譚耀文「聲演」最似,結果由阿譚負責,才卒之大功告成。

撰文☆錢慧 攝影☆梁比利 設計☆吳俊彪
黃百 百鳴 鳴大 大爆 爆星 星爺 拍戲 秘史
PermaLink: https://articles.zkiz.com/?id=295111

成龍拍戲炸倫敦巴士市民以為有恐怖分子

1 : GS(14)@2016-02-09 12:14:24

英國倫敦國會大廈附近一部雙層巴士周日爆炸着火,嚇了途人一跳。原來一切純屬虛驚,因為那只是影星成龍有份演出的電影在拍攝爆炸場面而已。爆炸炸穿巴士車頂,火燄衝上半空,瓦礫散滿一地。不少途人被嚇壞,有人在Twitter宣洩不滿:「拍片的人,下次你們在拉姆貝斯橋炸巴士,請先告訴我們,以免嚇驚公園的小孩。」其實,倫敦交通局曾在Twitter在網站通知公眾,周日中午會有人在那裏拍戲。電影《The Foreigner》的製片商亦有在Twitter提醒公眾。《The Foreigner》由執導過占士邦電影的馬田甘寶(Martin Campbell)擔任導演,演員除了成龍,還有皮雅斯布士南(Pierce Brosnan)。英國《每日郵報》/《都市報》





來源: http://hk.apple.nextmedia.com/international/art/20160209/19485065
成龍 拍戲 倫敦 巴士 市民 以為 恐怖 分子
PermaLink: https://articles.zkiz.com/?id=295635

【馮仁昭四圍超】王梓軒望Bob帶挈拍戲

1 : GS(14)@2016-03-28 14:16:16

王梓軒、亢帥克前晚喺九展擔任歌唱比賽表演嘉賓,梓軒話最近有幾個廣告客戶想攞佢首《碰不上會更美》做廣告歌,其中一個客戶要求佢扮韓劇《太陽的後裔》男主角嘅軍裝look。另外,佢老友林盛斌(Bob)有電影主角做,梓軒笑話:「我成日問佢幾時幫吓細佬,點解佢成日咁多嘢撈,唔喺手指罅漏啲畀我。我知佢唱歌好聽好感人,我諗住寫歌同佢交換啲電影拍。」撰文:馮仁昭





來源: http://hk.apple.nextmedia.com/entertainment/art/20160328/19546928
馮仁 仁昭 四圍 王梓 梓軒 軒望 Bob 帶挈 拍戲
PermaLink: https://articles.zkiz.com/?id=298660

三鬼攜手搞笑咒怨母子vs貞子 拍戲院宣傳片

1 : GS(14)@2016-05-08 02:56:18

日本電影《午夜凶鈴》同《咒怨》都係恐怖片中嘅經典,當中兩大惡鬼首次銀幕大戰,喺6月開畫嘅新片《貞子vs伽椰子》中上演鬼打鬼情節。雖然片商稱呢套係鬼片,不過宣傳策略上就絕對係同笑片無異。繼伽椰子同囝囝俊雄開Instagram玩溫情後,近日貞子、伽椰子同俊雄就齊齊為戲院拍攝幾段宣傳廣告,除咗硬銷唔同味道嘅爆谷外,三鬼仲提醒入場觀眾幾樣事項,例如唔好攝影、唔好發出怪聲、關掉手機、坐番自己購票座位,仲擺明針對貞子話請修剪好前額頭髮至好睇戲、切勿從畫面爬出等...認真搞笑。





來源: http://hk.apple.nextmedia.com/entertainment/art/20160507/19601533
三鬼 攜手 搞笑 咒怨 母子 vs 貞子 拍戲 宣傳片 宣傳
PermaLink: https://articles.zkiz.com/?id=299987

【馮仁昭四圍超】李逸朗真刀拍戲驚險

1 : GS(14)@2016-07-06 07:59:09

李逸朗(Don)最近為網絡電影《迷離夜話》拍一場打鬥場面,因劇組事前冇預備道具刀,所以要用真刀拍攝,Don話:「從未試過用真刀拍,雖然只係一把輕巧叠得埋嘅軍刀,但都好鋒利。現場有武指示範同指導,不過同一個動作要反覆做好多次,揮刀時刀尖要喺特約演員面前畫過。我哋糾纏嘅過程其實好驚險,好驚傷到人,自己又受傷。」撰文:馮仁昭





來源: http://hk.apple.nextmedia.com/entertainment/art/20160705/19681324
馮仁 仁昭 四圍 李逸 逸朗 朗真 真刀 拍戲 驚險
PermaLink: https://articles.zkiz.com/?id=302597

【馮仁昭四圍超】吳卓羲擬開公司拍戲

1 : GS(14)@2016-07-12 03:19:40

吳卓羲、李幸倪(Gin)等噚日喺鑽石山出席「麥當勞叔叔之家慈善基金」義賣開售日活動。自由身一年嘅吳卓羲話:「暫時唔會簽公司,同經理人籌備緊工作室,想拍多啲電影。我同楊怡同一個經理人,希望一齊合作,之後會一齊去雲頂登台。」感情方面,他表示空白一片。另外,Gin嘅「倪」字被當眾錯讀做「兒」字,佢話有啲尷尬,不過已經習慣。





來源: http://hk.apple.nextmedia.com/entertainment/art/20160711/19689320
馮仁 仁昭 四圍 吳卓 卓羲 羲擬 擬開 公司 拍戲
PermaLink: https://articles.zkiz.com/?id=303299

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019