ZKIZ Archives


恭碩良葡文歌冧憶蓮

1 : GS(14)@2015-03-29 12:30:06





恭碩良(Jun)前晚在旺角麥花臣場館舉行音樂會,女友林憶蓮一早在台下為男友打點,黃柏高、許志安和倫永亮到場支持。Jun在台上點唱兩首歌送給台下的媽媽和女友林憶蓮,當Jun介紹嘉賓上台時,有不少歌迷大叫林憶蓮的名字。
Jun完騷接受訪問時表示點唱的葡文歌是唱給女友聽,他說:「內容是你是我最好知己,最好朋友,我哋一齊唱過,喺屋企會唱唔同語言嘅歌,音樂係無語言界限。」對於有歌迷大叫女友名字,問他為何不邀請女友做嘉賓,他說:「唔可以吓吓咁,自己個騷就可以,之後可以睇吓點合作。」採訪:盧妹攝影:陳俊強





來源: http://hk.apple.nextmedia.com/entertainment/art/20150328/19092568
恭碩 碩良 葡文 憶蓮
PermaLink: https://articles.zkiz.com/?id=289079

憶蓮向恭碩良示愛

1 : GS(14)@2016-03-30 14:42:07

■林憶蓮前晚在紅館舉行個唱尾場,在台上向男友恭碩良公開示愛。


林憶蓮一連四場世界巡迴演唱會前晚在紅館舉行尾場,憶蓮已經預告會做大喊包,更歡迎大家陪她一齊喊,其間憶蓮的鞋踭勾住裙腳,最後要工作人員上台幫手,憶蓮更自爆平時自己「好論盡」。演唱會中段,憶蓮對着老友鬼鬼的倫永亮說:「我好愛你呀!」倫永亮隨即指向負責打鼓的恭碩良,憶蓮甜笑說:「呢種愛同嗰種愛唔同,唔可以混淆。」現場觀眾立即起哄歡呼,接着憶蓮又喊住說:「今晚真係好開心,雖然我晚晚都有喊,不過今晚係喊得最犀利,你哋有冇一齊喊呀?大家一齊喊、一齊笑,其實係一件好簡單同開心嘅事。」最後演唱會到凌晨12時才完騷,完騷後憶蓮再度解釋愛不可混淆,她甜笑地說:「一個係友情嘅愛、一個係愛情嘅愛,我都唔係第一次公開講。」問到有歌迷在網上買門票疑遭騙財?憶蓮表示唔知情,主辦單位則說:「我哋都呼籲啲歌迷用正途去買飛。」採訪:馬建華攝影:仇志德



■憶蓮的鞋踭一度勾住裙腳,她自爆平時自己「好論盡」。

■好友倫永亮前晚騷後受訪時,作狀向憶蓮伸脷。

■周麗淇前晚單拖睇騷撐憶蓮。



來源: http://hk.apple.nextmedia.com/entertainment/art/20160330/19549252
憶蓮 蓮向 向恭 恭碩 碩良 示愛
PermaLink: https://articles.zkiz.com/?id=298751

憶蓮安仔飯局傾唔停

1 : GS(14)@2016-10-16 08:20:05

■林憶蓮等三人十分好傾,到食肆關門才離去。



林憶蓮上周三晚上與許志安及倫永亮在中環九如坊大班樓飯敍,她是胡楓(修哥)的契女,當晚修哥太太離世,相信她當時未知契媽死訊。憶蓮淡妝現身飯局,平時該食肆11時清場,但三人當晚大概11時20分才離開,傾足幾個小時,要食肆關門才走。憶蓮行出門口依然雞啄唔斷笑笑口,安仔扶實倫永亮,再和憶蓮抱抱告別。安仔發現有傳媒影相立即告訴憶蓮,憶蓮即收起笑容急步上車,倫永亮則似略有醉意,見他腳步浮浮尾隨,登上憶蓮的座駕,安仔就坐另一輛七人車走。採訪、攝影:徐錦池、黃柏倫




來源: http://hk.apple.nextmedia.com/entertainment/art/20161016/19801992
憶蓮 蓮安 安仔 飯局 傾唔 唔停
PermaLink: https://articles.zkiz.com/?id=312271

憶蓮斟《我是歌手》歌迷勸阻

1 : GS(14)@2016-12-07 08:01:06

林憶蓮去年以導師身份為《中國之星》擔任「巨星推薦人」,有傳湖南衛視下月推出的節目《我是歌手》第五季,有意找憶蓮助陣,其經理人陳鎮川表示還沒確定,但未有否認。不少網民知道後,都於憶蓮facebook留言,勸她不要參加,認為會貶低身份。據聞去年現身《中國之星》酬金高達1,500萬人民幣,誘惑的確幾大。撰文:李察




來源: http://hk.apple.nextmedia.com/entertainment/art/20161207/19857201
憶蓮 蓮斟 我是 歌手 歌迷 勸阻
PermaLink: https://articles.zkiz.com/?id=318637

【馮仁昭四圍超】憶蓮出戰《歌手》惹公憤

1 : GS(14)@2017-01-07 00:29:02

微博圖片





香港天后林憶蓮噚日宣佈出戰湖南衛視歌唱比賽節目《歌手》(前名《我是歌手》),據知會同內地歌手譚晶、蕭敬騰領軍嘅獅子合唱團,以及光良、杜麗莎、林志炫等決戰,消息仲指側田會以挑戰歌手身份加盟,其經理人承認洽談中。不過消息傳出後,有粉絲激烈反對憶蓮參賽,留言:「愛錯林憶蓮!」認為憶蓮已經係殿堂級歌手,點解要參加一個出名造假嘅節目。撰文:馮仁昭




來源: http://hk.apple.nextmedia.com/entertainment/art/20170106/19887586
馮仁 仁昭 四圍 憶蓮 出戰 歌手 公憤
PermaLink: https://articles.zkiz.com/?id=321636

同憶蓮《歌手》師徒對決 杜麗莎:說明我是好老師

1 : GS(14)@2017-01-24 03:00:14

前晚借住「被消失」嘅張敬軒成功炒番熱嘅《歌手2017》(前名《我是歌手》)終於播咗第一集,一如以往,台下反應一樣咁「熱烈」,觀眾交足戲,又喊又嘟嘴又係咪都起身拍手掌歡呼……真係想頒個最佳新演員獎俾呢班觀眾呀!而台上嘅7位歌手(未計軒仔),其實都係落力演唱嘅,其中就有唱功絕對係頂尖、教唱歌嘅杜麗莎!佢喺節目入面排喺光良後面出場(原本兩人中間係軒仔唱),揀咗唱約翰連儂(John Lennon)嘅英文歌《Imagine》,先唔理台下觀眾聽唔聽得明英文,但就俾同場嘅歌手互選中,成為咗並列第一位。講起同場嘅歌手,其餘幾位參賽者入面,就有林憶蓮同袁婭維跟過杜麗莎學唱歌,三位喺《歌手》入面師徒對決,第一集就俾林憶蓮領先排第二位,杜麗莎就得第三,袁婭維暫時就包尾。其實杜麗莎之前喺大陸記招已經講過,要同林憶蓮分勝負唔會尷尬,仲超級大方話:「如果真的被她打敗了,說明我是個好老師,教出的學生夠棒。」




來源: http://hk.apple.nextmedia.com/entertainment/art/20170123/19906207
同憶 憶蓮 歌手 師徒 對決 麗莎 說明 我是 是好 老師
PermaLink: https://articles.zkiz.com/?id=323814

憶蓮《歌手》衰太穩陣 迪瑪希升Key飆高音攞第一

1 : GS(14)@2017-01-31 03:13:29

張敬軒被爆遭內地封殺,喺湖南衛視節目《歌手》被消失,於是大家再關注呢個節目!上個禮拜播出嘅第一集,唔少網民都金睛火眼去搵軒仔喺邊。結果就算CG點勁,劇組點努力剪走有佢嘅片段都好,總會喺畫面某個角落,發現紅頭髮嘅軒仔!由於軒仔喺第一集已經被消失,所以前晚出街嗰集《歌手》畫面睇落舒服好多,少咗突如其來嘅大特寫,又少咗啲偏左偏右冇中間嘅鏡頭,而且仲可以見到一班歌手坐定定喺休息室wide shot。不過有啲嘢,點都唔會變,就係台下觀眾嘅反應!當歌手們喺台上獻唱,台下觀眾都表現得勁入戲,都唔知佢哋係咪真係聽得明。無論係迪瑪希、定係林憶蓮唱緊歌,觀眾照舊如痴如醉、喊晒口,唔講仲以為節目叫《我是觀眾》。大陸歌唱節目嘅特色,點可以唔提「X叫」!歌手聲嘶力竭地飆高音,台下觀眾跟住high!第一集唱《一個憂傷者的求救》嘅迪瑪希,喺第二集佢又揀咗俄羅斯歌手Vitas嘅作品《Opera2》,相信台下都冇乜邊個聽得明歌詞。不過迪瑪希多次「X叫」硬爆高音,連升3次Key,觀眾就high到企晒起身,完全符合國情!反觀一向被公認唱功一流嘅林憶蓮同杜麗莎,喺冇「X叫」加持之下,都係輸畀迪瑪希。賽果係迪瑪希第1位、第2位係譚晶、第3位係林憶蓮、第4位係獅子合唱團、第5位係杜麗莎、第6位係袁婭維,排第7位嘅光良於首輪淘汰賽出局!




來源: http://hk.apple.nextmedia.com/entertainment/art/20170130/19913062
憶蓮 歌手 衰太 太穩 穩陣 瑪希 Key 高音 第一
PermaLink: https://articles.zkiz.com/?id=324709

吳雨霏目標超越憶蓮

1 : GS(14)@2017-03-04 10:18:36

吳雨霏(Kary)走出小產陰霾,重新工作,前晚她以性感露腰、魚網絲襪配四吋高踭鞋的造型,出席銅鑼灣一間化妝品牌店舖開幕,她說:「真係好耐冇見大家,要花啲心機打扮吓,今年真係衝,會多啲見大家。」
Kary表示兩年沒出碟:「最近開會都開始緊張,有少少無形壓力,上次隻碟係林憶蓮幫我做,點樣可以做得好過佢呢?我要求又高。」談到偶像憶蓮參加內地節目《歌手》,Kary說:「成日都睇住佢,佢唱我就喺電視旁邊緊張,希望佢贏啦!」問Kary會否參加?她說:「我?家好輕鬆,開心就做,唔開心就唔做,等再唱好啲先挑戰自己。」採訪、攝影:馬建華




來源: http://hk.apple.nextmedia.com/entertainment/art/20170304/19946664
雨霏 目標 超越 憶蓮
PermaLink: https://articles.zkiz.com/?id=327763

憶蓮恭碩良放閃 教小朋友玩狗

1 : GS(14)@2017-03-25 10:34:24

【公園追逐】■林憶蓮望着恭碩良在草地上和狗仔追逐,露出幸福笑容。





【數碼港公園】林憶蓮(Sandy)最近忙於演出內地歌唱節目《歌手》,她先後獻唱多首廣東流行曲參賽,技驚四座,並以大熱姿態殺入決賽,風頭一時無兩。Sandy人氣急升,壓力自然大,是時候要停一停,唞一唞,所以日前Sandy和男友恭碩良(Jun)一齊放狗,享受一下悠閒生活。


慈父上身

Sandy和Jun拍拖多年,感情穩定,更共賦同居,日前他們現身數碼港公園拍拖放狗。當日下午5時許,他們帶同兩隻愛犬到數碼港公園,阿Jun拖着愛犬,非常活躍,不時跟其他狗隻玩,Sandy則似乎心不在焉,不知是不是最近工作壓力大,不停地撳電話,之後有位外籍人士接近,她才放下手上的電話攀談。



【耐心教導】■恭碩良蹲下教小朋友如何和狗隻相處,父愛爆棚。DV圖片

【交流心得】■憶蓮和恭碩良(右)輕撫狗仔,又跟其他狗主交流心得。

接近黃昏,數碼港公園的人流越來越多,憶蓮開始提高警覺,同時亦放下手上電話,陪Jun放狗和傾偈,亦不時輕撫愛犬。後來有位外籍小朋友行近,想跟他們的愛犬一齊玩,不過又不敢行得太近,這個時候平日粗獷狂野的Jun,突然間慈父上身,蹲下教導小朋友如何跟小動物相處,盡顯溫柔一面,跟憶蓮十足模範夫妻。最後天色開始入黑,憶蓮和Jun跟一名外籍人士邊行邊傾,三人兩犬一齊開車離開。採訪、攝影:徐錦池、吳耀輝




來源: http://hk.apple.nextmedia.com/entertainment/art/20170325/19969075
憶蓮 蓮恭 恭碩 碩良 良放 放閃 小朋友 玩狗
PermaLink: https://articles.zkiz.com/?id=328777

【馮仁昭四圍超】張惠妹幫拖對唱憶蓮《歌手》奪冠

1 : GS(14)@2017-04-17 07:20:09

■林憶蓮(左)噚晚喺決賽搵台灣天后張惠妹合唱,贏得冠軍。微博圖片





林憶蓮返內地參加《歌手2017》,是非不斷,如張敬軒喺開賽前「被退出」,教唱歌嘅杜麗莎亦喺早段出局。前晚終於舉行總決賽,雖然有8位歌手比賽,焦點就落喺憶蓮同哈薩克籍歌手迪瑪希之爭。迪瑪希就捉晒內地歌唱比賽路,以Michael Jackson串燒歌參賽,更加入喪嗌歌技、跪地chok樣、打鼓乜到齊。



■王賢誌(右)帶同性伴侶去長沙撐憶蓮。互聯網圖片

導演指導觀眾反應


而憶蓮就搵咗台灣天后張惠妹幫拖,兩個平靜對唱《也許明天》,有時憶蓮畀阿妹歌聲蓋過,不過最後都係壓倒性贏咗迪瑪希,登上冠軍寶座。之前佢喺節目季前宣傳片強調「我不喜歡光環」,不過光環都係落喺佢身上。憶蓮之後接受內地傳媒訪問,提到抱住學習心態嚟參加,喺呢三、四個月學到好多,仲感謝阿妹氣管炎發作都嚟幫手。另外,憶蓮嘅粉絲王賢誌帶埋同性伴侶Kevin去長沙撐場,之後喺facebook打千字文講感受,又講到節目嘅觀眾收錢傳聞唔係事實,仲話入場要提早4小時,又要核對身份、金屬探測搜身,銀包電話都要寄存,開騷前有監製導演指導現場反應。撰文:馮仁昭




來源: http://hk.apple.nextmedia.com/entertainment/art/20170417/19991990
馮仁 仁昭 四圍 張惠妹 幫拖 對唱 憶蓮 歌手 奪冠
PermaLink: https://articles.zkiz.com/?id=330856


ZKIZ Archives @ 2019