同憶蓮《歌手》師徒對決 杜麗莎：說明我是好老師
1 :
GS(14)@2017-01-24 03:00:14前晚借住「被消失」嘅張敬軒成功炒番熱嘅《歌手2017》（前名《我是歌手》）終於播咗第一集，一如以往，台下反應一樣咁「熱烈」，觀眾交足戲，又喊又嘟嘴又係咪都起身拍手掌歡呼……真係想頒個最佳新演員獎俾呢班觀眾呀！而台上嘅7位歌手（未計軒仔），其實都係落力演唱嘅，其中就有唱功絕對係頂尖、教唱歌嘅杜麗莎！佢喺節目入面排喺光良後面出場（原本兩人中間係軒仔唱），揀咗唱約翰連儂（John Lennon）嘅英文歌《Imagine》，先唔理台下觀眾聽唔聽得明英文，但就俾同場嘅歌手互選中，成為咗並列第一位。講起同場嘅歌手，其餘幾位參賽者入面，就有林憶蓮同袁婭維跟過杜麗莎學唱歌，三位喺《歌手》入面師徒對決，第一集就俾林憶蓮領先排第二位，杜麗莎就得第三，袁婭維暫時就包尾。其實杜麗莎之前喺大陸記招已經講過，要同林憶蓮分勝負唔會尷尬，仲超級大方話：「如果真的被她打敗了，說明我是個好老師，教出的學生夠棒。」
來源:
http://hk.apple.nextmedia.com/entertainment/art/20170123/19906207