慧嫻孖中性女助手黐實睇衫
1 :
GS(14)@2015-04-08 09:09:21【銅鑼灣】歌手陳慧嫻入行30年，其中一首作品《儍女》唱到街知巷聞，就連李逸朗早前翻唱呢首歌嘅哭腔亦受到關注。不過陳慧嫻情路一直都唔算順境，佢同區丁玉、醫生男友謝國麟最後都分手收場，近年有雜誌報道話佢同身邊喜歡作中性打扮嘅女助手Elson過從甚密。
【分開嚟行】■陳慧嫻同佢位喜歡作中性打扮嘅女助手Elson行到離行離列。
【除罩唞氣】■陳慧嫻喺家居店見人少少，卒之除咗口罩唞一唞氣。
【返去新居】■兩個人上咗的士之後直駛去上水新居。
戴口罩掩人耳目
日前夜晚7點幾，慧嫻同一頭短髮嘅女助手Elson齊齊喺銅鑼灣行街。將頭髮染成金色嘅慧嫻戴住口罩，行喺馬路上完全冇人認得出，佢哋一齊行街嘅時候兩人都顯得有啲避忌，當入到I.T時裝店嘅時候兩人先表現得親密，喺舖頭入面有講有笑，不時交換揀衫心得。佢哋兩個喺時裝店足足逗留咗大半個鐘先離開，雖然唔係滿載而歸，但都顯得好滿意。之後兩人去咗日本城睇家居用品，由於夜晚時間店舖入面較少客人，環境顯得冷清，慧嫻卒之放下戒心，除去口罩，佢同Elson亦行得較埋，仲聽到佢哋討論緊想買一啲掛衫嘅掛鈎。不過當一見有人行過時，慧嫻即火速戴番口罩，又同Elson保持距離。喺日本城大約逗留咗15分鐘左右，就搭的士離開。的士過海去到上水一私人屋苑，有別於早前慧嫻嘅獨立屋寓所，相信佢哋兩個目前正為新居添置用品。採訪、攝影：畢紹基、陳辰、朱志聰、徐錦池
來源:
http://hk.apple.nextmedia.com/entertainment/art/20150408/19104202
校長笑慧嫻變儍婆
1 :
GS(14)@2016-03-08 16:12:55陳慧嫻演唱會繼大前晚請來鍾鎮濤做嘉賓，樂壇校長譚詠麟前晚終於現身，蔡一智則與老婆睇騷。校長在演唱會中段出現，當音樂響起《愛情陷阱》時，他同時由升降台出場，慧嫻即時吳若希上身驚問：「點解嘅、點解嘅？」之後二人合唱《愛情陷阱》。校長上台不忘搞笑，笑說聽到慧嫻分享曾愛上攣男的經驗：「聽講你成日遇到愛情陷阱，唔好再遇到，唔係就由儍女變做儍婆啦！」演唱會近尾聲，慧嫻再分享心事說：「當年去美國讀書，讀完書返嚟，歌手朋友同我講，我咁做係放低晒所有歌迷、事業同成就，其實我去美國原因係答應咗爸爸讀個學位返嚟，而家我51歲，仲可以有好多新想法去做。」採訪：曹家誠攝影：陳慧安
來源:
http://hk.apple.nextmedia.com/entertainment/art/20160308/19520200
認曾拍拖：因年齡差距停下來38歲鄺祖德拒戀50歲慧嫻
1 :
GS(14)@2016-03-14 01:43:50■鄺祖德爆慧嫻曾與其家人共餐，即已見家長。微博圖片
現年50歲的陳慧嫻早前在紅館演唱會中，自爆dry足十年終遇上心儀對象，並主動出擊直問對方有冇女朋友？答案是：「有男朋友！」做了儍女的慧嫻毫不避嫌於台上爆：「聽到嗰一刻猶如晴天霹靂！十年冇開齋，一開齋就遇到Mr.Impossible！」
■鄺祖德（右）昨日在fb對號入座，直認與慧嫻拍過拖。微博圖片
■陳慧嫻早前在演唱會中自爆遇上心儀對象，可惜對方是「攣男」。資料圖片
鄺祖德家族來頭勁
慧嫻雖然冇公開對象是誰，但有周刊踢爆此人是陳秋霞姨甥鄺祖德（Enrico），今年38歲，比慧嫻細12年，兩人因為合作大碟《Evolve》而成為好友。據悉Enrico家族來頭不小，祖父鄺命光是九龍城區大地主，父親是已故無綫藝員鄺君能，兄長鄺祖盛為執業律師，胞姊鄺靄慧為養和醫院院長李維達太太；而鄺祖德亦畢業於英國倫敦帝國學院電子工程系碩士，絕對是慧嫻口中多才多藝的好男人。一直沒有表態的鄺祖德昨突然在fb打破沉默，大篇幅回應，直認與慧嫻拍過拖，但有感雙方年齡相距太大，家人亦有意見，故決定分手！就連慧嫻開騷，鄺祖德亦特意與家人去法國滑雪，擺明是避開女方。身在法國的Enrico寫着：「近日因為陳慧嫻在演唱會中的愛情自白，引起城中諸多報道，更盛傳箇中人物係我鄺祖德。事實上因為去年慧嫻推出發燒碟，我有幸能為佢編曲、製作部份音樂因而彼此認識。亦因此，我和她的感情開始有所發展，Priscilla（陳慧嫻）公餘亦有到過我家與家人共餐，不過經過再三考慮，並顧及到家人及年齡上的差距，我選擇暫時停下來，也是這個原故，慧嫻開演唱會，我決定同朋友、家人到法國滑雪。」
Enrico更語帶雙關說﹕「愛情始終要有緣份，趕『夜機』或只會變『儍女』，願慧嫻繼續星運亨通，生活愉快。」帶病的慧嫻昨日低調回應：「我病咗，可能演唱會積勞成疾，冇乜聲。啲問題我唔回應嘞，要講同想講都講咗，總之多謝大家關心啦，thank you。」採訪：鍾國仁、皓騫
來源:
http://hk.apple.nextmedia.com/entertainment/art/20160313/19527334
被爆戀情搞亂行程慧嫻暗寸鄺祖德無厘頭
1 :
GS(14)@2016-03-15 16:07:56■慧嫻獲大批網友力撐，狂轟鄺祖德「無口德」。資料圖片
現年38歲的歌手鄺祖德前日突然自爆曾跟陳慧嫻發展，又對號入座是女方口中那位「好靚仔、運動型有陽光氣息，有種貴氣好似陳百強公子哥兒嘅感覺，仲好有才華」的男士，他聲稱為顧及家人和年齡的差距，所以選擇斬情絲，還在網上寫道：「愛情始終要有緣份，趕《夜機》或只會變《儍女》」擺明嫌50歲的慧嫻年紀大！
留言針鋒相對
慧嫻前日表示不回應，到昨早近6時在社交網貼三姊弟合照並留言：「這個星期除了病要休息外，就是跟家人一起！今晚本來約好黃昏18:30吃晚飯，但突然有些無厘頭事情發生，搞到我要遲大到。去到爸媽都已回家，只有我們吹水。」慧嫻指事件無厘頭，暗示失實，隔空摑了鄺祖德一巴。至於身在法國、家族坐擁逾5億身家的鄺祖德，曾被傳是斷背，網民為他改名「無口德」更狠批：「鍾意見報上位，恭喜你，而家全香港都識你啦無口德……」、「人家說的貴氣，你至多只有『櫃』氣。」雖然口講要「避」慧嫻，但他上月底卻去探慧嫻班，還貼他們跟監製葉廣權的三人合照，難怪被網民怒轟借宣傳。
■慧嫻昨早在網晒三姊弟合照，直言被無厘頭事件阻擾了跟父母的飯局。
■鄺祖德（右）於兩周前還在網晒合照，但轉眼已「避」慧嫻遠走法國滑雪。互聯網圖片
當時慧嫻留言：「痴情…意外」，當鄺回覆「好似見唔到有呢隻歌」時，慧嫻表示：「你的心不在，又怎會看得清楚…今天終於明白意思，又怎可能不唱？針唔拮到肉唔知痛呀嘛！最近無啦啦俾針拮，痛到入心入肺…唉，有啲嘢真係要經歷過至明喎。」鄺問她：「千支針刺在身？針除了可以拮人外，更可以修補傷口嘅！」慧嫻沒好氣回覆：「係千支針刺在心，你講緊針灸？我諗拮傷人嘅針同針灸嘅針係兩種好唔同嘅針，我好明顯用錯針。」
■安仔昨日出席活動，坦言擔心慧嫻的病情。
■許志安雖然曾與鄺祖德同場，為慧嫻的電視特輯做嘉賓，但仍不知鄺是誰。資料圖片
安仔：唔識鄺祖德
此外，日前為慧嫻尾場個唱擔任嘉賓的許志安，當時祝願慧嫻快些找到幸福，昨日他到荃灣出席活動時說：「其實我唔知邊個係鄺祖德，不過我有關心慧嫻病咗。」採訪、攝影：馬建華
來源:
http://hk.apple.nextmedia.com/entertainment/art/20160314/19528174
慧嫻為學業暫別樂壇陳法拉棄大台到紐約讀戲劇
1 :
GS(14)@2016-12-10 03:45:29「民選港姐」朱千雪去年就同大台請假一年，去咗中大報讀企業傳播管理碩士，上月中千雪BB已經畢業喇！其實過往都有好多藝人，係佢事業方中嘅時候，毅然暫停五光十色嘅演藝事業，重拾書包，過回學子嘅生活。陳法拉法拉BB喺2013年，同大台約滿後，就走咗去紐約嘅茱莉亞學院（The Juilliard School）修讀戲劇碩士課程，呢間學校好巴閉㗎，已故喜劇巨匠羅賓威廉斯（Robin Williams）、金像影帝奇雲史帕西（Kevin Spacey）、已故「超人」基斯杜化李夫（Christopher Reeve）都係呢間名校嘅學生。今年法拉獲子華神召喚，返港演出舞台劇《前度》，之後法拉又返翻去讀書喇！徐子珊去年約滿大台後，子珊就話要專心供讀珠寶設計，去年年尾就為金星珠寶，設計其中一系列首飾，進軍設計師行例。今年佢就簽咗王祖藍嘅工作室，話工作室同佢傾緊啲電影、電視劇同真人騷節目喎！何超蓮貴為賭王千金嘅超蓮，除咗忙緊家族嘅澳洲搞酒店重建，前一排都見佢喺ig貼相「地盤妹」去視察酒店環境。日前仲俾《蘋果》見到超蓮BB，現身灣仔一間開辦會計課程嘅楷博教育(Kaplan)，據知超蓮在該處修讀ACCA，即係英國特許公認會計師公會嘅專業課程，一般都要花六、七年時間完成課程。陳慧嫻89年，慧嫻喺佢歌唱事業如日中天嘅時候，突然宣佈要暫別樂壇，到美國升到大學，95年完成學業後正式復出，推出大碟《Welcome Back》造出四白金（20萬張）的卓越成績。
來源:
http://hk.apple.nextmedia.com/entertainment/art/20161209/19860119
慧嫻個唱揭戀上攣男鄺祖德衝出嚟認
1 :
GS(14)@2017-03-23 06:27:23現年51歲嘅陳慧嫻，有學識、有唱功，眼大大又靚女，事業很OK，但情路硬係多波折，眾所周知，喺佢仲做緊歌手嘅年代，戀上唱片監製歐丁玉，可惜慧嫻於1990年要去美國讀書，同歐丁玉分手收場，結束6年情。畢業後回流返香港嘅慧嫻，喺1995年戀上因工作關係認識嘅形象設計師張卓文，可惜呢段情又係拍咗6年後劃上句號。慧嫻後來喺受訪時提到同張卓文分手後，試過患上焦慮症。有指慧嫻因焦慮症求診時，認識主診醫生謝國麟，其後共墮愛河，但到06年兩人決定斬斷5年情絲，慧嫻甩拖後一度情緒不穩兼暴肥。到前年6月，慧嫻參演填詞人潘源良「最愛潘源良是誰作品展」時向對方自爆：「我80年代係暗戀過你。」嚇到潘Sir譁然：「80年代上世紀。你早響嘛！」不過，要數慧嫻最「出位」嘅一段「戀情」，係佢舊年喺紅館舉行個唱時，自揭dry足10年終遇上心儀對象，已屆半百嘅佢鼓起勇氣直接向對方求愛，點知遇上攣男，慧嫻當時直言：「聽到嗰一刻猶如晴天霹靂！10年冇開齋，一開齋就遇到Mr. Impossible！」原本慧嫻冇開估，都冇咁快有人知道Mr. Impossible嘅身份，點知男歌手鄺祖德就衝出嚟「自首」，佢喺自己個fb打破沉默，以大篇幅回應，並直認與慧嫻拍過拖，但有感雙方年齡相距太大（鄺祖德細過慧嫻12年），加上家人有意見，所以決定分手。仲講到慧嫻開騷期間，佢亦特意同家人去法國滑雪，似係避開女方。不過鄺祖德呢番回應，換嚟慧嫻話佢「無厘頭」，網民亦批評鄺祖德冇口德，更加人指鄺祖德喺戀情「曝光」之前，仲喺社交網交貼佢去探慧嫻班嘅相，擺明係借女方宣傳。
來源:
http://hk.apple.nextmedia.com/entertainment/art/20170322/19966338
Next Page