ZKIZ Archives


T牌充車主冇句真 莊思敏KO林忠豪

2011-10-27  NM

莊思敏(Jacquelin)七月底跟拍拖五年的吳浩康分手,即被廖碧兒舊愛、李澤楷表弟林忠豪力追,送上新款iPhone 4GS,又以五百萬麥拿侖跑車接送,開水喉、落重本,其實全部假象!有「水哥」之稱的林忠豪,充大頭鬼追女仔,原來兼職車行經紀的他,借車行新車扮富貴柴 可夫,自稱專一卻溝女無間斷,近日又被目睹跟前組合Freeze成員之一甄穎珊食飯。大話連篇,莊思敏決定疏遠,KO林忠豪。

客串車行經紀
莊 思敏甩拖唔夠三個月,愛追星出風頭的林忠豪即攝位發力狂追,不單只公開大讚女方性格爽直,還大手筆送禮管接管送,高調示愛,其實背後另有目的。上週四(十 月二十日),明知莊思敏出席活動現場有記者,林忠豪依然大搖大擺,揸住全港第一部落地的麥拿侖跑車,到銅鑼灣利園廣場接女方收工,之後會合許志安、王傲山 等人到灣仔食飯。 有五百萬跑車招搖過市,原來一直鍾意做「中間人」抽佣賺錢的林忠豪,近日在朋友開設的車行客串做高級經紀,向一班富二代朋友sell貴價車,從中拆賬分 佣。


「水哥(指林忠豪)雖然係開環保公司,不過咩生意都做,佢似sales多過老闆,因為同李家(李嘉誠)係親 戚,好多人會俾面幫襯,搞掂一單生意就有佣分;好似佢特登用架麥拿侖載莊思敏,周街走俾人影相,已經做晒宣傳啦!架車係車行,仲未出牌,所以佢揸住嗰日要 掛T牌,如果賣得出,可以賺到幾十萬佣,全港暫時只得一架,第二部要出年三月先到,佢都係諗住sell俾班富二代。」林忠豪身邊人透露。

莊思敏落閘
林 忠豪識計數,最叻自我宣傳,近日由他負責做籌委、請到許志安現身的慈善步行籌款活動,順理成章搵埋莊思敏「情侶檔」現身,繼續扮演社交名人。 「傳佢追莊思敏之後,水哥周圍同朋友晒命,話自己成日俾人偷影,其實佢不知幾enjoy,你見佢搞慈善籌款,又話搵埋莊思敏一齊做主禮嘉賓,擺明想做新 聞,其實Jacquelin都知佢係咩人,不過唔好意思次次踢爆。好似前幾日有人見到佢同甄穎珊喺灣仔王子酒店食飯打邊爐,水哥死口唔認,其實 Jacquelin根本都唔介意,明知水哥份人冇句真。」 無發展機會,莊思敏日前公開表示會減少見面,疏遠林忠豪,「成件事愈講愈似真(指拍拖),我都唔想人哋加深誤會,嚟緊都會同佢少啲聯絡,少啲見面。」

宇宙吹水王
被一班富二代朋友稱為「水哥」的林忠豪,擅長作大認叻,同佢合作過嘅人,大部分不歡而散。

敢講唔敢認
去年底,林忠豪與廖碧兒結伴返淺水灣道寓所斷正,女方更從Hermes手袋中取出林宅鎖匙,明顯熟晒架步,但林忠豪對戀情仍矢口否認。

捐錢無影
「樂壇教父」戴思聰逝世,林忠豪竟利用和契姐戴蘊慧的交情做宣傳,聲大大話要出資300萬贊助戴家為戴思聰搞慈善紀念演唱會,還拍心口包50萬飛。今年初,戴蘊慧主動聯絡商討細節,林忠豪卻諸多藉口推搪,甚至唔覆電話玩失蹤。

老友當老襯
07年答應與房祖名合作投資Rio薄荷糖生意,林忠豪臨時縮沙唔肯俾錢,結果搞到朋友都無得做。

自認高層
林忠豪母親莊月華是李嘉誠太太莊月明胞妹,恃着自己係李嘉誠姨甥、李澤楷表弟,在一班富二代面前,林忠豪聲稱在長江實業任職高層,不時跟李嘉誠見面,但據知每次有家庭飯聚,他只能坐大廳,冇資格同首富舅父一齊坐房。 ####

 


牌充 車主 冇句 句真 思敏 KO 林忠 忠豪
PermaLink: https://articles.zkiz.com/?id=28680

換車換屋 慳油錢 莊思敏使大100萬

2015-03-12  NM  
 

 

拿督女莊思敏年初全裸續約蕭定一的中國3D數碼娛樂,袋走大嚿錢後,即買八十萬勞力士自我獎勵,再預訂車價超過80萬的環保電動車,為了這架新玩具,嚟緊八月會搬住山頂大屋的莊思敏再要使多十萬,於屋外加建充電站。慳油錢,莊思敏使大100萬。借車過手癮

錢要用得其所!有錢唔亂使的莊思敏訂了架環保電動車,因為新車要等三個月先到手,她又心急過手癮,於是向朋友借車,feel吓先!日前揸住朋友借出全球只有五千架,價值一百二十萬的紅色Tesla Roadster,由中環碼頭出發,踩行油去金鐘一帶兜了幾圈,沿途幾乎逢車過車。據了解,莊思敏睇中的Model S環保電動車,跟王祖藍那架是同一款,全車由十七吋平板電腦控制開關及啟動,車價八十多萬。「Jacquelin(莊思敏)換車都係諗住慳啲使,事關油錢貴過電費好多,佢平日習慣揸車出入,轉揸電車每個月可以慳番唔少。」莊思敏身邊人說。

十萬蚊設充電站

試完車,當晚要出活動化行妝的莊思敏將車駛返中環碼頭,落車跟車主朋友傾咗陣,其間又要求朋友開天窗、打開車頭了解完,朋友再拿出充電插頭跟她講解一番。「Jacquelin山頂間屋裝修咗幾年,預計今年八月可以入伙,因為買咗架電車,要使多十萬喺屋企出面裝個充電站;本來有朋友提議佢買Porsche嗰部Macan Turbo,七十幾萬抵過Tesla部Model S,又唔使再使多一嚿錢裝充電站,但Jacquelin話山頂屋企泊車個位唔大,細車方便啲,加上電車好靜,就算開到幾快都嘈唔到隔籬鄰舍。」買新車慳油錢的莊思敏試車後大讚:「架車起步快,好靜,車廂又好闊,我朋友話部車嘅電費一千蚊左右一個月,總之平過油錢。」莊思敏說。

潮車

在美國已流行一段時間的慳油環保電車,去年在香港備受熱捧,不過要買都要排隊,最快兩至三個月先有貨到。

王祖藍揸開細車的王祖藍,婚前訂定Tesla架Model S,方便長腿李亞男唔使屈住腳坐,更配埋自定車牌「HANDELA(慳啲啦)」,認真體貼。

鄭伊健鍾意試新玩具的鄭伊健,早前亦有排隊輪候,平板電腦控制全車開關及啟動的環保電車,對大細路伊健嚟講,同打機冇分別。

 
換車 換屋 油錢 思敏 使大 100
PermaLink: https://articles.zkiz.com/?id=135864

莊思敏:俾鍾舒漫冷靜吓

1 : GS(14)@2015-03-01 12:51:34





【舊愛唔幫】■莊思敏拒絕回應吳浩康是否花心男。DV圖片


莊思敏昨日傍晚六時現身銅鑼灣買曲奇餅,對於舊愛吳浩康背女友鍾舒漫啜女斷正,莊思敏發現記者即說:「我冇乜嘢答呀!」她續謂:「我哋真係好耐冇見,唔知佢啲生活習慣係點,
思敏 俾鍾 鍾舒 舒漫 冷靜
PermaLink: https://articles.zkiz.com/?id=288082

莊思敏入股點心店 唔知苟姑娘係拍檔

1 : GS(14)@2015-08-17 18:59:49

■莊思敏近日以七位數字入股點心店。


莊思敏對經營飲食生意,越做越有興趣,她除了入股茶餐廳「華星客棧」外,近日又入股尖沙嘴點心店「點心代表」,她昨日以低胸背心巡舖。由於餐廳近日與日本人氣卡通人物「蛋黃哥」搞crossover,推出特色點心,吸引大批食客在門口排隊,莊思敏還幫手叫枱號,安排客人入座。莊思敏決心做飲食界女王,她說:「大股東同我講,第一個月生意都回咗本,上月生意額超過60萬,成績好好,我哋諗住今年再開多兩至三間分店,下一步將店開到海外,再搞特許經營,希望5年內搞埋上巿。」苟芸慧(苟姑娘)日前被影到在店中打點,原來她都是股東之一,但莊思敏事前卻不知,莊思敏說:「我睇報紙先知,因為我係同大股東傾,我好清楚自己股權,唔知佢係邊類型入股,我就black and white寫清楚。」到底兩人誰的股份較多?莊思敏說:「我就投資咗七位數字,相信多過佢。」



苟姑娘感謝宣傳

莊思敏指不清楚苟姑娘入股形式,苟姑娘昨透過WhatsApp回覆,她強調自己一直是「點心代表」的股東,但最近公司希望擴充營業故加入新投資者。苟姑娘說:「哈哈哈,佢(莊思敏)同另外兩位最大投資人將會喺9月先正式加入!歡迎佢哋,希望大家合作愉快,亦多謝佢哋而家就努力幫忙,相信個品牌會越做越好。」問到苟姑娘是否只佔小股份?她說﹕「合約9月先開始,股份account會計。邊個大邊個小冇關係,合作開心就好。」苟姑娘否認博宣傳:「我不需要,本身公仔(指蛋黃哥)已經是很好宣傳,OK啦,有佢(莊思敏)加入,我就放心,宣傳交畀佢啦。」採訪:楊定、嵐山攝影:陳俊強



■莊思敏昨巡舖,還親自落場幫手安排客人入座。

■苟芸慧連日來在微博晒拿着蛋黃哥產品的自拍照,落力宣傳。



來源: http://hk.apple.nextmedia.com/entertainment/art/20150817/19258496
思敏 入股 點心店 點心 唔知 知茍 姑娘 拍檔
PermaLink: https://articles.zkiz.com/?id=292029

莊思敏暴增20磅變凸腩中女

1 : GS(14)@2016-02-08 03:00:12

【暴肥扯煙】■莊思敏早前接拍新戲,扮演過氣Promotion girl,不惜犧牲色相增肥20磅。


導演葉念琛與莊思敏(Jacquelin)曾傳過緋聞,更有指他對Jacquelin照顧有加。不過,最近葉念琛一反常態,早前莊思敏接拍葉念琛監製的電影《PG戀愛指引》,葉念琛竟然對莊思敏要求嚴苛,在新戲入面,全部都是青春少艾,惟獨Jacquelin飾演中女醜角,她更被勒令在短時間內增肥20磅配合角色,據知在現場拍攝期間,有攝影師提示Jacquelin影相縮肚,在旁的葉念琛卻大聲說:「唔使,我就係要佢咁核突。」



【狼吞虎嚥】■Jacquelin指與阿Bob合作的最大挑戰是要忍笑。

【黑過墨斗】■Jacquelin在戲中塗黑塊面企街賣朱古力。


■葉念琛(右)特意安排醜角讓Jacquelin發揮。

「係咁食似鬼上身」

莊思敏飾演過氣Promotion girl要不停食煙飲酒,又要變得肥腫難分,還要在戲中塗黑塊面在街上賣朱古力,果真是犧牲色相,Jacquelin接受本報訪問時說:「咁又唔可以話犧牲,每樣嘢係一個機會,每個戲必須有新人參與,最緊要係個效果好唔好,觀眾鍾唔鍾意,我拍嘅時候OK,不過,我覺得可以再好啲。」
Jacquelin覺得最大的挑戰除了增肥,還要跟林盛斌(Bob)演正劇,她說:「有一場戲係我哋兩個去到飛鵝山上面,嗰日真係好凍,坐坐吓,我見到阿Bob係度喊,我咪問佢做咩呀!佢話好凍凍到喊,當場係笑死我。」為新戲增肥20磅,至今Jacquelin仍未可以回復原磅,現在正積極收身,她說:「成個人圓晒,好彩中間有段時間去咗賽車,一賽完就冇咗10磅,拍嗰時就喺咁食,不停食,好似肥妹鬼上身咁,因為嗰時啱啱上完《碟仙》,真係有朋友以為我係鬼上身。」採訪:非非





來源: http://hk.apple.nextmedia.com/entertainment/art/20160205/19479788
思敏 暴增 20 磅變 變凸 凸腩 腩中 中女
PermaLink: https://articles.zkiz.com/?id=295411

莊思敏攝太歲遠離小人

1 : GS(14)@2016-02-10 14:19:20

莊思敏過去一年有不少口角是非,肖猴的她踏入2016年正值和本命年猴年相冲,日前她特意攝太歲,祈求工作如意,最重要遠離是非小人,她說:「娛樂圈是非一定有,希望小人少啲啦,我接受是非同閒言閒語,但嗌交就唔好,同埋唔好成日有人攻擊我。」莊思敏去年工作運不俗,但愛情未有着落,相士批她今年有桃花,莊思敏說:「我都希望有,近4年冇拍拖,自己都心急想搵人錫。」採訪:卓寶花 攝影:陳志嵐





來源: http://hk.apple.nextmedia.com/entertainment/art/20160210/19485269
思敏 太歲 遠離 小人
PermaLink: https://articles.zkiz.com/?id=295734

余思敏整emoji蛋糕氹中基

1 : GS(14)@2016-03-11 13:31:19

■余思敏與囡囡Emma一同為老公鄭中基慶祝44歲生日。互聯網圖片


鄭中基與太太余思敏(Sammie)結婚近5年,越來越恩愛,前日是鄭中基的44歲生日,Sammie為氹老公開心,親手整愛心蛋糕,最盞鬼是蛋糕同emoji嘟起嘴圖案一樣。
Sammie昨日在facebook上載10多張相片,將她親手整蛋糕送老公的過程全面公開,不少人留言讚她是賢妻,然後她又貼了一張與老公、以及兩公婆加囡囡Emma的溫馨合照,而最重要一張一定是Sammie手捧蛋糕,然後扮Emoji公仔嘟嘴冧老公一張,相信鄭中基隔着mon都俾老婆電暈。撰文:李察





來源: http://hk.apple.nextmedia.com/entertainment/art/20160311/19524435
思敏 emoji 蛋糕 中基
PermaLink: https://articles.zkiz.com/?id=297607

余思敏買平衫爽手

1 : GS(14)@2016-05-25 10:04:00

■余思敏(左)慳家,出手買衫都只揀平貨。


購物是女人的強項,余思敏就真人示範,昨日約下午3時,她獨個兒在銅鑼灣蘋果商場購物,明顯一早鎖定目標的她進入商場後即到一間時裝店,以15分鐘快閃時間掃了超過10件衫。不過,余思敏嫁給鄭中基兼生女後,其實已是全職家庭主婦,故買衫都以慳家為主,昨日全部主攻200多元的衫款,而她買得亦相當爽手,除了所有衫都沒有試身外,基本上每當售貨員介紹給她,她都即時將衫放在胸前拼一拼便決定入手,絕對是快狠準,掃完貨後便急急腳返回座駕由司機接走。採訪、攝影:徐錦池





來源: http://hk.apple.nextmedia.com/entertainment/art/20160525/19625885
思敏 買平 平衫 衫爽 爽手
PermaLink: https://articles.zkiz.com/?id=301458

【馮仁昭四圍超】莊思敏橫店幾乎中暑

1 : GS(14)@2016-07-12 22:08:18

莊思敏近日同王祖藍拍魔幻古裝新片《神魔道》,組成長短腳之戀,莊思敏早排到內地橫店拍外景,雖然低胸戲服勁性感,心口有得唞涼,不過當地氣溫超過攝氏40度,日日焗喺冇冷氣嘅片廠開工,真係人都癲。都算捱得嘅佢,第一次拍古裝就差啲熱到中暑:「試過狂飲水降溫,但飲得多又成日去廁所,揪住件十幾磅重嘅古裝衫去廁所好重手都軟埋,最後解決方法係唔郁避免流汗。」撰文:馮仁昭





來源: http://hk.apple.nextmedia.com/entertainment/art/20160712/19690705
馮仁 仁昭 四圍 思敏 橫店 幾乎 中暑
PermaLink: https://articles.zkiz.com/?id=303439

莊思敏首收大信封

1 : GS(14)@2016-08-11 06:08:35

互聯網圖片


莊思敏任職的DBC數碼電台在開台5年後宣佈停播,昨晨她返回電台準備開咪時,就收到人生第一個「大信封」,更將自拍照放上Instagram。她接受本報電話訪問時說:「封信嘅內容,通知返電台去到9月7號唔做,呢個係我人生中收到第一封大信封,希望呢一封係最後一封。」而前晚她收到一位神秘人送的玫瑰花,但到現在仍未知道送花人的身份。撰文:何永寧





來源: http://hk.apple.nextmedia.com/entertainment/art/20160811/19731127
思敏 首收 大信
PermaLink: https://articles.zkiz.com/?id=305401

【馮仁昭四圍超】銀幕初吻頂硬上王思敏真咀林耀聲

1 : GS(14)@2016-09-01 06:24:25

■王思敏話導演陳志發(右)指唔可以借位,所以頂硬上同林耀聲錫錫。





【熱血點五步】現正上映嘅電影《點五步》入面,男主角林耀聲有位暗戀對象,佢個名叫王思敏(Sadie),今年20歲。Sadie日前接受本報專訪時話13歲隨父母由內地嚟香港定居,外表斯文但其實性格男仔頭,而且熱愛打遊戲機,一度打到入港隊。問佢點解會接拍《點五步》呢部戲?Sadie話好巧合:「嗰時啱啱考完DSE,喺學校附近行行吓,有人突然問我有冇興趣拍戲,就咁我就去咗面試,仲俾佢哋揀中咗。」



■林耀聲喺戲入面除咗棒球技術了得之外,仲暗戀王思敏。劇照

■王思敏日前受訪時話7年前嚟香港唔識廣東話,好彩有一班同學幫忙。


戲中冇對白

不過,Sadie喺戲入面一句對白都冇,但就要獻出銀幕初吻畀林耀聲,有冇覺得好唔抵?Sadie笑住話:「問過導演可唔可以借位,佢話唔可以,惟有頂硬上啦!」問係咪林耀聲靚仔,所以唔介意錫錫?佢即刻否認:「唔係呀,咁拍戲吖嘛,而且都唔係好激嗰種。」近年中港矛盾加深,甚至爆發仇恨情緒,Sadie就話過去7年都好開心,身邊嘅人都對佢好好:「我初初嚟一句廣東話都唔識,同學好幫我,最後我由聽唔明到聽得明晒,好開心。」Sadie話當年打網上遊戲機都試過有人講難聽說話,但佢唔會介意。場地提供:學園祭撰文:馮仁昭




來源: http://hk.apple.nextmedia.com/entertainment/art/20160901/19755768
馮仁 仁昭 四圍 銀幕 初吻 頂硬 硬上 上王 思敏 真咀 咀林 林耀 耀聲
PermaLink: https://articles.zkiz.com/?id=307032

莊思敏話方中信天價

1 : GS(14)@2016-10-18 08:15:34

莊思敏和陳君宜昨日於中環為食店引入蠟筆小新作點心造型做宣傳,思敏獲妹妹思明和思華撐場,陳君宜說:「蠟筆小新下月有戲上,可食住個勢,我都好鍾意小新,衰衰格格又唔算鹹濕。」會否找跟小新似樣的方中信做代言?思敏笑說:「天價喎!其實睇睇吓髮型同眉都幾似。」思明被問到男友楊明跟蔡思貝合作時一支飲管兩份飲,她說:「冇乜嘢囉,直播緊又冇兩杯嘢飲,不過趕得切最好用兩支管,趕唔切就揭開個蓋。」對於之前被指介入她與楊明的龔嘉欣,最近又疑似當小三,思明說:「佢冇插入嚟,佢比較易惹呢啲新聞,今次笑吓算。」攝影:羅慧敏




來源: http://hk.apple.nextmedia.com/entertainment/art/20161018/19804062
思敏 話方 中信 天價
PermaLink: https://articles.zkiz.com/?id=312588

澳門騷耍大牌 趕司儀莊思敏落台金宇彬被數五宗罪

1 : GS(14)@2016-10-24 06:12:18

■金宇彬前晚在澳門舉行見面會,被力數五宗罪。  網上圖片



憑人氣韓劇《繼承者們》彈起的金宇彬,前晚在澳門金光綜藝館舉行粉絲見面會,金宇彬方面因入座率偏低而扭計不願出場。事後有知情人士爆seed,力數金宇彬方面耍大牌、不合作、累死主辦商、扔掉粉絲禮物及趕司儀莊思敏落台五宗罪。金宇彬今次舉行的澳門騷認真多阻滯,先因為颱風「海馬」來襲,令他延遲24小時至前日才抵達澳門,之後晚上的見面會又被爆入座率只得三成。其實今次見面會籌備很匆忙,上周一才公開發售,僅得數日時間谷飛,票房自然差強人意。見面會原定前日傍晚6時30分開騷,據知金宇彬方面要坐夠八成觀眾先出場,最後有人施壓,金宇彬才肯於7時左右出場。加上金宇彬整個團隊都勁不合作,要求奇怪及無理,更拒絕在現場與粉絲玩新遊戲,堅持翻炒兩年前的遊戲。據知情人士表示由於金宇彬方面一直遲遲不讓主辦開售門票,最終只賣得一成飛,令有關人士要周圍派飛。而金宇彬前日抵澳門時獲近百粉絲接機,現場有收下粉絲的禮物,但據悉他未落車就將禮物扔掉,而前晚完騷後又即撲返韓國,但笑容明顯牽強。



■莊思敏(右)前晚擔任見面會的司儀,尾段時更發生被趕下台事件。

■前晚完騷後金宇彬即火速走人,笑得牽強。


「都有hard feeling」


至於前晚擔任見面會司儀的莊思敏昨在電話中直認見面會中間曾出現誤會,但詳情她就不知,亦表示事前沒有與金宇彬做綵排。對於有現場觀眾發現她在結尾時被邀請落台,她直認有此事,但強調是小誤會。問到會否感覺被人趕落台時,莊思敏說:「其實我都同好多韓國人合作,佢哋嘅工作態度比較強硬,咁當然喺言語不通情況下,佢哋就不停咁推我,我都會有hard feeling。之後我自己諗番,佢哋真係心急,同我溝通唔到,用身體語言話畀我知落台嘞落台嘞。」她表示當時被一位韓國人拉落台,落台後都有禮貌鞠躬,但事件不會令她拒絕同金宇彬再合作。採訪:施洛冰




來源: http://hk.apple.nextmedia.com/entertainment/art/20161024/19810032
澳門 耍大牌 司儀 思敏 落臺 金宇 彬被 被數 數五 五宗 宗罪
PermaLink: https://articles.zkiz.com/?id=313430

【馮仁昭四圍超】莊思敏冇打算簽無綫

1 : GS(14)@2016-11-25 07:36:55

莊思敏前晚喺劇集《幕後玩家》一巴打落小三劉佩玥塊面,真係大快人心,噚日佢喺商台做訪問時大讚龔嘉欣演技好,佢話:「而家開始進入高潮位,龔嘉欣演得好好,見佢經常都要調整情緒處理喊戲,非常努力。」佢仲話希望下月9日約埋一齊睇大結局。咁佢自己又有乜嘢打算?會唔會簽約無綫:「而家幾享受處理自己工作,唔係專注一個巿場,希望有更大空間發展。」撰文:馮仁昭




來源: http://hk.apple.nextmedia.com/entertainment/art/20161125/19844557
馮仁 仁昭 四圍 思敏 打算 簽無
PermaLink: https://articles.zkiz.com/?id=316999

【馮仁昭四圍超】余思敏買雪糕氹女

1 : GS(14)@2016-12-24 10:42:39

鄭中基老婆余思敏前日帶住大女Emma、細仔Evan同工人姐姐去到銅鑼灣時代廣場間超市入貨,余思敏買咗餅乾、杯麵、醬料同肉,至於用嚟搽手嘅防敏感乳霜,佢問店員都問得好仔細。余思敏一行人離開時經過一個雪糕專櫃,Emma即雙眼發光用英文對住媽咪講「雪糕、雪糕」,原本唔準備買嘅余思敏,最後都敵不過囡囡苦苦哀求嘅眼神而屈服。撰文:馮仁昭




來源: http://hk.apple.nextmedia.com/entertainment/art/20161223/19873993
馮仁 仁昭 四圍 思敏 雪糕 氹女
PermaLink: https://articles.zkiz.com/?id=319883

余思敏陪子女去嘉年華

1 : GS(14)@2016-12-31 01:06:38

■余思敏(右二)未有搵丈夫鄭中基陪伴,反而相約前有線主播去玩。互聯網圖片



有線娛樂新聞台前主播余思敏,早年為鄭中基誕下一對仔女,前日相約前主播王堯君和鄭文,還有單身的衛志豪去飲茶,然後眾人帶同子女一齊去嘉年華玩機動遊戲,一班小朋友玩得開心,還影了不少相,在網上開心分享。不過一班媽咪應該好忙,要照顧小朋友,又想自己一齊玩,所以都好攰。



■張頴康一家三口亦有現身嘉年華。DV圖片

王堯君在Instagram貼了一張大合照,並留言「玩到癲」、「係咁畀錢」等等,鄭文之後又貼相:「足足玩咗十二個機動遊戲,超級盡興!」、「可惜贏唔到公仔」。除了前有線幫,還有張頴康一家三口現身嘉年華,趁着聖誕享受親子樂。採訪、攝影:徐錦池




來源: http://hk.apple.nextmedia.com/entertainment/art/20161230/19880847
思敏 子女 嘉年華 嘉年
PermaLink: https://articles.zkiz.com/?id=320678

莊思敏係阿妹五倍?莊思明被當玩具:這些錢我沒本事賺

1 : GS(14)@2017-01-26 07:44:03

莊思敏係阿妹五倍?莊思明被當玩具:這些錢我沒本事賺莊思敏日前喺微博話收到邀請,對方話「100萬玩一夜」,當時已經嬲嬲地,未夠一個星期,唔知係人有樣學樣,竟然有位叫內地網民,再向佢出飯局價,仲開到去「1000萬包夜」,價值十級跳,連莊思敏自己都唔相信值呢個價錢。無耐莊思敏阿妹莊思明亦喺Instagram貼咗張相,原來又係呢位網民搵佢,仲問莊思明:「可以花兩百萬找你玩嗎」。莊思明睇見就梗係嬲啦,佢喺Instagram留言:「不好意思,我是用多少錢都買不到的,因為我不是一件玩具!這些錢我真的沒本事賺,留給其他人吧!大家以後可以慳番唔使再問我!謝謝!」




來源: http://hk.apple.nextmedia.com/entertainment/art/20170124/19907252
思敏 阿妹 五倍 莊思 思明 明被 被當 玩具 這些 錢我 我沒 本事
PermaLink: https://articles.zkiz.com/?id=324007

床戰莊思敏 咖啡妹變代替品陳山聰:我係最辛苦

1 : GS(14)@2017-02-05 10:39:40

TVB賀歲劇《乘勝追擊》大玩重口味連續三集都有陳山聰同莊思敏啲床戰,莊思敏「湯碗胸」喺公仔箱老是常出現!呢套劇主要講「義仔」陳山聰做世紀賤男,周旋喺「Dawn」傅嘉莉同「夏美詩」莊思敏嘅三角關係……陳山聰昨日出席宣傳活動,問佢係唔係喺《乘勝追擊》好多床戲?陳山聰就話:「其實有幾場激烈動作場面,拍攝嘅時候幾辛苦,不過好多謝Jacquelin(莊思敏)、Kelly(傅嘉莉)對我嘅信任,多謝導演嘅拍攝手法,令到觀眾覺得好激,喺拍攝同時大家都唔知背後嘅辛酸,其實我係最辛苦。」陳山聰又話大家都係專業演員,好多嘢都係點到即止,除咗kiss有錫嘴之外,其他只係蜻蜓點水,只係導演拍攝手法,令畫面好似好勁咁,因為好多位要hold住,佢仲笑言:「同拍一套真正武打嘅動作片冇咩分別。」問到覺唔覺得尺度好大膽?山聰講:「我覺得咁喇!一套題材比較偏門啲,講賭、講老千,我覺得應該要有一啲元素喺度,雖然會喺電視尺度踩界,但係我覺得有呢啲先會豐富,希望觀眾都可以接受吓一啲另類嘅題材,我覺得有啲會睇到好開心,當然小朋友盡量唔好睇。」山聰又話呢套劇會更多高潮位,講佢點同陳展鵬反目,佢會點對Jacquelin,最後自己會變成點,佢仲有啲劇透……最後佢演嘅「義仔」係一個人都冇喺身邊。山聰事前有同女友備案,讀劇本嗰陣,女友都有喺身邊,佢同女友講呢場好激,女友仲講笑指益咗山聰,又指女友知道呢啲係工作。




來源: http://hk.apple.nextmedia.com/entertainment/art/20170203/19916823
床戰 戰莊 思敏 咖啡 妹變 代替品 代替 陳山 山聰 我係 係最 辛苦
PermaLink: https://articles.zkiz.com/?id=325298

有線索主播做幸福人妻余思敏甘做鄭中基背後女人

1 : GS(14)@2017-02-08 22:31:34

講起劉明軒,就會聯想到一班有番咁上下質素嘅有線女主播,雖然當中有唔少人已經過檔,甚至轉行,但亦有好多人嫁咗人,生活得幾幸福咁㗎!余思敏啱啱喺上個月,喺老公鄭中基個唱中當眾咀嘴晒恩愛嘅余思敏,喺2011年同鄭中基奉子成婚,同年佢辭職並誕下囡囡Emma,佢再喺前年生埋囝囝Evan湊成「好」字,余思敏當日喺紅館台上發表有「愛的宣言」效果嘅說話:「我可以做到嘅嘢好少少,我只能夠喺佢後面畀佢最強大嘅後盾同支持,等佢可以冇任何後顧之憂可以做佢鍾意做、想做,同埋需要做嘅嘢。」陳貝兒貴為有線娛樂新聞台嘅開台主播,於03至09年期間活動於有線,其後離職及一度轉行,兜兜轉轉都係返番去娛樂圈,現為無綫主持及主攻司儀工作。佢喺2011年宣佈與拍拖兩年嘅圈外男友黃國棟結婚。婚後佢繼續幕前工作,亦有擔任綠色非牟利團體Green Monday嘅執行總監,致力推動綠色環保生活態度。鄭文同樣係有線娛樂台主播嘅鄭文,早於07年已跟男友李英傑喺丹麥註冊結婚,到2010年先喺香港補擺喜酒,其後鄭文分別於2010年及2015年先後誕下囡囡Sabrine及囝囝Sansone,而鄭文更為咗多啲時間照顧囡囡,於2011年毅然離開有線,跳槽到now,現時幫老公手,做賢妻良母。




來源: http://hk.apple.nextmedia.com/entertainment/art/20170208/19921681
線索 主播 播做 幸福 人妻 妻余 思敏 甘做 鄭中基 鄭中 背後 女人
PermaLink: https://articles.zkiz.com/?id=325997

【馮仁昭四圍超】莊思敏想去韓國發展

1 : GS(14)@2017-02-18 00:51:29

莊思敏現時自由身,噚日佢去新城接受訪問,話妹妹莊思明離開大台後加入新經理人公司,主力發展唱歌,但佢話呢方面係弱項而無意加入。莊思敏話想搵經理人幫佢發展韓國同內地市場,仲踩埋前經理人:「最重要係搵個做到嘢嘅經理人,始終藝人同經理人關係最密切,例如點幫你計劃接工作,人選係緊要過揀公司。」撰文:馮仁昭




來源: http://hk.apple.nextmedia.com/entertainment/art/20170217/19930448
馮仁 仁昭 四圍 思敏 想去 韓國 發展
PermaLink: https://articles.zkiz.com/?id=326768

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019