📖 ZKIZ Archives

雙幣雙股IPO明年搶出閘

1 : GS(14)@2012-11-06 00:14:35

麻煩
http://hk.apple.nextmedia.com/financeestate/art/20121105/18057817


鍾絳虹接受訪問時表示，合和公路成功為人幣股票破冰，掃除了投行和公司對發行人幣股份在執行上是否可行的疑慮，「合和成功咗之後，近日已經有多間中、外資投行聯絡我哋，想瞭解人民幣股票嘅具體操作。好多Banker亦開始掃緊一堆有潛力發人民幣股票嘅公司，遊說緊佢哋，睇嚇有冇生意做。」
「已有具potential公司」
她透露，今年餘下時間應難以見到第二隻人仔股票，但明年則很大機會，「無論是『雙幣雙股』或『雙幣單股』都有可能。我自己就覺得下一隻應該係人民幣新股，名單上已經有具potential（潛質）嘅公司。」
她與投行商討過的共識是，若果該新股是以雙幣雙股形式進行，集資規模斷不能太細，起碼要有3億至4億美元（約23億至31億港元）。「因為要集資規模夠大，上市後先可以吸引到投資者做套戥，若果集得嗰1億美金，又要開兩個櫃檯trade（交易），咁做好多嘢都唔化算。」
除集資規模要夠大，鍾絳虹認為，若成為首隻人幣股票，必然會成為市場焦點，故有關公司一定要「四四正正」，最好是高息股，收入或支出是用人民幣。「我覺得無論係現有公司配股，抑或IPO，H股都係最適合做首批發行人民幣股票嘅公司，但礙於當年內地規定，H股只可以喺境外發行外幣股票，所以要等中證監先修例，當局亦曾表達過有意願咁做。若短期內成功，相信第一隻人民幣新股嘅名銜，很大機會由H股奪得。」
至於人幣配股方面，她指較難預測何時再有，「配股始終較視乎當時市況，以及公司願意畀咩折讓，所以好難估。不過已經有咗第一隻，過程又順利，投行同公司都少咗戒心，加上近期投行想搵生意，相信隨時都有機會有第二間做人仔配股。」
2 : GS(14)@2012-11-06 00:15:14

http://hk.apple.nextmedia.com/financeestate/art/20121105/18057819


合和公路（737）的人民幣配股，認購反應相當不俗，惟集資規模不大，市場上仍有聲音認為人仔股票未成氣候。
不過，中央證券登記董事總經理鍾絳虹反駁稱，合和公路人民幣股票（80737）上市以來，公司整體成交量大增；而該人仔股票不單只有零售客戶支持，亦有長線基金認購，種種跡象均反映首隻人民幣新股的推出「很成功」。
單deal只搞了兩星期

「原本發全新股是要T+5才交收，但今次合和可以特別做到T+2，全因舊年公司原本已諗住做，但最後因為一啲理由擱置咗，但好多文件、工序已經搞掂，我連股票都印好埋。所以今次一決定去馬，先可以咁快。成單deal只係搞咗兩個星期。」鍾絳虹如此說。
鍾絳虹引述投行方面的說法，今次合和公路人民幣批股，除了一如所料受高資產的零售及私人銀行客戶（High net worth individual）的支持外，亦吸引到長線基金的參與，認購額各佔一半。
鍾絳虹表示，「一開始主要係High net worth有興趣，因為佢哋真係持有好多人民幣，但無出路。認購反映好，之後亦吸引咗啲基金參與，部份係之前無持有737嘅。」
對於有市場人士認為，人民幣新股會減少原有股票的流通量，鍾絳虹指這說法忽略了雙幣雙股是可以互換的性質，「因為兩種貨幣嘅股票，都同屬一個證券類別，可互相轉換，所以睇成交量，應該將佢哋加埋一齊計算。而80737上市之後，公司整體成交量係倍增咗。」
PermaLink: https://articles.zkiz.com/?id=281864
Next Page
ZKIZ Archives @ 2019