ZKIZ Archives


嘉頓後人張詠賢深圳鮮師

2013-07-11 NM
 
 

 

珠寶設計師、嘉頓新抱張王幼倫的女兒張詠賢,去年在英國倫敦大學畢業。廿二歲的她沒像母親設計首飾,也不跟父親張力正做心臟外科醫生,更沒參與家族生意,反而選擇在深圳執教鞭,為的就是教小朋友英文,亦乘機多學普通話,她開心說:「我鍾意細路哥,所以鍾意教書。」中港兩邊走

張詠賢(Jennifer)每逢週一清晨六時,便來到灣仔碼頭乘坐皇崗過境巴士返深圳,經過約四十五分鐘車程才到達皇崗關口,然後再乘十分鐘的士,八時前到達深圳市羅湖區的百仕達小學。到週五放學後,她又回來香港度週末,「回來陪家人,週日鍾意留屋企prepare lesson。」 採訪當日,Jennifer由朝直踩至五時半才放學,她笑話:「初初好攰,第一個星期返屋企失咗聲,現在慣咗。」 以Jennifer的學歷和背景,要在香港找份「好工」絕對不難,何解要教小學?她的母親張王幼倫忍不住說:「真係咁啱!佢畢業返嚟,我叫佢搵份自己鍾意、有熱心做的工作,唔使考慮賺幾多錢,叫佢乜都試,點知佢一試就鍾意小朋友,鍾意教書。」揀深圳的小學任教,就是為了學好普通話,「我同個女講,要喺嗰個環境先學得好普通話,因為除咗學校,喺深圳佢同人溝通都用普通話,喺香港進度有限。」碰巧有auntie介紹這份教書工作,Jennifer亦專登往當地視察,「最初也擔心語言溝通問題,嚟到夠膽講佢哋聽得明;細個去過深圳一次,以為好遠,其實好方便、好快到。」

活動教學

決定任教後,Jennifer參考學校的教材,以及當時的美籍老師如何教學生,再上網搵資料自製教材。她取長補短,使用活動教學,透過唱英文兒歌、遊戲和story reading令學生更易入腦,「呢度開心啲、易記啲,推動佢哋想學嘢。」Jennifer的靈活教學有口皆碑,「消息」亦很快在學生家長間廣傳,甚至有家長去了Jennifer的課堂參觀,「搞到我都好緊張。」由於有高年班的學生都要求有reading class,於是本來只負責教小一的Jennifer,放學後亦會替二年級學生補習,逢週一更要和四個六年級學生上reading class。

寄住人家

以為張太會在深圳租個單位給女兒居住,誰知Jennifer原來寄住在當地的家庭,「其實可以選擇同外籍老師一齊住,一係住喺host family,可以學普通話。」為了學好普通話和了解當地人的生活文化,Jennifer最終揀了host family,代價是要替屋主的十二歲兒子補習英文,他們的規條是,「我同佢父母講普通話,小朋友講英文。」寄人籬下,Jennifer初時不太習慣,「好似插入人哋family,每餐要人照顧。」為了答謝這家人,除做私人補習老師,她還會自製蛋糕慰勞他們,「朋友俾recipe,我跟住嚟做。」由於沒有客房,屋主駱先生本打算讓出兒子房間給她,但她一點也不驕縱,「我話用書房就得,書房有sofa bed。」早排發生H7N9禽流感,在國內教書的她有無擔心?「我最鍾意食雞,daddy都提我少食雞,及唔好凍親。」見住小朋友英語有進步,她也開心地說:「初頭一句都唔識,現在可以傾偈,幾有滿足感。」


嘉頓 後人 張詠 詠賢 深圳 鮮師
PermaLink: https://articles.zkiz.com/?id=64963


ZKIZ Archives @ 2019