ZKIZ Archives


黃建東肉緊咀爆楊明唔敢俾莊思明睇?

1 : GS(14)@2016-09-06 22:51:03

前港男黃建東(東東),近日喺大台劇集《為食神探》飾演一個camp爆同志,同楊明仲有肉緊咀對咀場面。東東話:「記得當初同楊明討論會係借位定係堅咀,大家都覺得係劇情需要,所以決定真咀,希望令觀眾留下深刻印象。」東東話拍攝時現場工作人員嘩聲四起,個接吻鏡頭仲要NG咗好幾次:「原來拍咀戲,NG係一件好辛苦嘅事,因為好尷尬但係又要死撐,而我個角色又狼死又鹹濕。」至於問到東東怕唔怕被定型做呢類角色:「其實冇得怕,因為自己讀戲劇出身好鍾意演戲,同埋觀眾仲未記得我個名,好希望觀眾可以記得TVB有個演員好豁得出去叫黃建東。」不過東東笑言希望莊思明冇睇到呢場戲,因為好驚激嬲阿嫂。




來源: http://hk.apple.nextmedia.com/entertainment/art/20160906/19761159
黃建 建東 東肉 肉緊 緊咀 咀爆 楊明 唔敢 敢俾 俾莊 莊思 思明 明睇
PermaLink: https://articles.zkiz.com/?id=307836

黃建東惡搞洗腦歌熱爆

1 : GS(14)@2016-10-10 00:43:58

前香港先生黃建東最近惡搞hit爆的日本洗腦歌《Pen-Pineapple-Apple-Pen》(PPAP),他將歌詞融入港式文化,以廣東話粗口諧音「芝麻gun」、「pork lego guy」、「籬滷味」引人發笑,昨日在fb上載7小時已有超過2萬個like,及逾70萬人次觀看。他昨在電話中說:「打破自己呃like紀錄,好開心!」他直言希望憑創作令自己拾回自信。




來源: http://hk.apple.nextmedia.com/entertainment/art/20161008/19794316
黃建 建東 東惡 惡搞 搞洗 洗腦 腦歌 歌熱 熱爆
PermaLink: https://articles.zkiz.com/?id=311201

黃建東呻入行辛酸

1 : GS(14)@2016-10-10 16:14:36

■黃建東參選香港先生時奪得「最具演藝潛能大獎」,但他自覺事業在倒退。資料圖片

前香港先生黃建東最近將日本洗腦歌《PPAP》以廣東話粗口諧音進行二次創作,上載YouTube只有3日,點擊率超過250萬。前晚黃建東於facebook發千字文多謝支持,及訴說入行5年辛酸。黃建東表示選完香港先生後越做越不起眼,令他氣餒及自暴自棄,幾年間暴脹40磅。而他於台慶排位,由前年尾四退到去年最尾排,令他感到自己越來越冇用。黃建東說:「點解我會倒退緊?點解我唔係行前緊?點解同期港男港姐已經企到去人群中段,而自己就會越企越後,嗰一刻真係有啲想跳落台自行了斷。」黃建東表示自己太有表演慾,所以無論前路多辛苦也會繼續。撰文:魯吉




來源: http://hk.apple.nextmedia.com/entertainment/art/20161010/19795955
黃建 建東 東呻 呻入 入行 辛酸
PermaLink: https://articles.zkiz.com/?id=311403

【馮仁昭四圍超】黃建東反串玩《PPAP》

1 : GS(14)@2016-10-28 06:24:23

前港男黃建東早前玩二次創作翻拍《PPAP學廣東話》,唔夠一個月累積一千萬人次點擊,於是阿東乘勝追擊,最近度咗一個印度反串版。阿東嘅印度女裝造型同口音都真係幾搞鬼:「我好喜歡睇寶萊塢(Bollywood)嘅音樂劇,因為佢哋隨時隨地唔知喺邊度都可以突然走出嚟載歌載舞,然後唱完跳完就會消失非常搞笑,希望有機會可以參與Bollywood嘅電影。」撰文:馮仁昭




來源: http://hk.apple.nextmedia.com/entertainment/art/20161028/19814239
馮仁 仁昭 四圍 黃建 建東 反串 PPAP
PermaLink: https://articles.zkiz.com/?id=313854

黃建東為種族歧視道歉

1 : GS(14)@2016-10-30 14:36:04

早前拍片唱粗口版《PPAP》的黃建東網上極受歡迎,日前應網友要求再次拍片搞gag,但今次他於片中扮「印度表姨」教英文,惹來外界抨擊種族歧視。黃建東昨日在荃灣出席料理比賽時回應:「我喺創作過程中係諗得唔夠仔細,絕對唔係有心令人唔開心,今朝喺facebook已經刪咗條片,同發聲明道歉。」其短片於刪去前獲70萬點擊,他表示下次會小心創作。




來源: http://hk.apple.nextmedia.com/entertainment/art/20161030/19816594
黃建 建東 東為 種族 歧視 道歉
PermaLink: https://articles.zkiz.com/?id=314143

唱粗口諧音歌爆紅 揭黃建東秘啪針變俊啲

1 : GS(14)@2016-10-30 17:07:08

2016-10-19 EW

一一年的落選港男黃建東(Derek),加入無綫足足五年,至今未獲得重用,多年來只獲安排飾演一些小角色,行行企企,對白來來去去都是那一兩句,星途坎坷。不過,近日他時來運到,因惡搞日本的洗腦歌〈Pen-Pineapple-Apple-Pen〉,將廣東話粗口諧音融入歌詞,結果短短兩日已逾二百五十萬瀏覽量,瞬間成為網絡大紅人。

日前,本刊就發現,黃建東神神秘秘到天后一間中醫診療中心,搵名醫急救,似乎想整番個俊樣,食住道勢繼續在電視圈發圍。

台慶愈企愈後

現年三十五歲的黃建東,畢業於紐約州立大學佛東尼亞分校戲劇系,屬科班出身。對演藝事業充滿信心和熱誠的他,在一一年參選港男,雖然落敗,但幸好奪得「最具演藝潛能大獎」,獲邀簽約無綫,他亦深信憑才華再加努力,必能闖出一片天,可惜事與願違,一直只能演小角色。

早前,黃建東接受訪問時就表示,去年台慶因被安排企到最後一排,比前年企在尾四排的位置退了步,頓時覺得自己很沒用;此外,眼見同期的港男、港姐們已企到中段,更加痛心至極。他坦言曾因星途不如意,一度氣餒兼自暴自棄,不停喪食,幾年間暴脹四十磅,朋友、同事們都開始叫他做「肥東」。

不過,黃建東在家人的鼓勵下,很快便重新振作。而皇天亦不負有心人,近日黃建東就靠一首歌改變了自己命運,他將日本洗腦歌〈Pen-Pineapple-Apple-Pen〉(PPAP)惡搞一番,既親自度廣東話粗口諧音歌詞,又搵戰衣拍短片放上網,結果網友like爆,短短兩日已逾二百五十萬瀏覽,連帶他也多了人認識。

脫離豬頭行列

而黃建東似乎不滿足做一個網絡紅人,還想來個更大的轉變。日前,本刊就發現,他神神秘秘地出現於天后;其後,進入了一間位於商業大廈的中醫診療中心。現場所見,他和登記護士寒暄一輪後,未幾便走入一間VIP房間內接受治療。從門隙中隱約看到,一名女醫師拿着一支支細小纖幼的針,在他的面部和腹部施針;約三十分鐘後,他便戴上口罩離開診所。 據悉,黃建東光顧的中醫診所,除了提供中醫治療和推拿之外,最聞名的是針灸美容和穴位埋線。有指,城中不少名人、明星都會到該診所,找中醫師施針整靚個樣。

黃建東曾經坦言:「自己個樣唔得!」只可向性格演員方向發展的。記者發現同日夜晚,他上載了一張自拍照到社交網站,並留言:「今日試咗啲新嘢,令到我慢慢脫離番豬頭行列!」看來,他很滿意自己成功換了一張V煞面。

從門隙中隱約可見,一名女醫師正小心翼翼地為黃建東的面部施針。

黃建東坦言自己唔靚仔,故要比其他藝人更勤力,早前就自編自導自演惡搞版〈PPAP〉,還加上廣東話粗口諧音歌詞,成功在網上hit爆!

日前,本刊發現黃建東神神秘秘地到天后一間中醫診療中心登記問診。

黃建東參選港男時,曾做拱橋給苟芸慧坐在身上,出位行為被喻為「Pose王」。

跟着,女醫師又將一支一支的針插入黃建東的腹部,看來他除了想變V煞臉之外,還想殲走豬腩肉。

在診所逗留了大約三十分鐘後,黃建東戴上口罩離開,跟着到附近的超市買蔬果食物。

針完面的黃建東,在街上,不時搵地方照鏡,非常貪靚。

一一年選港男時,黃建東身材fit到爆,經過幾年的歲月洗禮後,已變成肥嘟嘟的「肥東」。

豬頭東

黃建東表示早前自覺星途黯淡,做人很失敗,因而自暴自棄,不停喪食,搞到口腫面腫。

V煞東

接受治療後的晚上,黃建東上載了一張V煞面的自拍照到社交網站,明顯很滿意自己現時的俊樣。

想睇更多現場實況,請立即掃描QR Code,click入《東周網》。

撰文☆黄識 採訪☆何碧珊 攝影☆梁比利 設計☆林文俊
粗口 諧音 歌爆 爆紅 揭黃 黃建 建東 東秘 秘啪 啪針 針變 變俊 俊啲
PermaLink: https://articles.zkiz.com/?id=314174

【馮仁昭四圍超】黃建東改浪漫冧觀眾

1 : GS(14)@2017-03-22 00:47:23

鍾意惡搞扮鬼扮馬拍片放上網嘅黃建東,又有新搞作,不過今次唔再惡搞,同巨聲幫出身嘅李雯希認真翻唱《美女與野獸》主題曲。阿東本身係讀戲劇同音樂劇出身,佢話自己都有浪漫感性一面,一直有彈琴、寫歌,唔驚因為正經觀眾覺得悶。阿東話今次拍攝遇到尷尬事:「因為突然要除鞋,咁啱我對襪穿咗窿,真係好尷尬,好彩冇異味。」撰文:馮仁昭




來源: http://hk.apple.nextmedia.com/entertainment/art/20170321/19964539
馮仁 仁昭 四圍 黃建 建東 東改 浪漫 觀眾
PermaLink: https://articles.zkiz.com/?id=328242

瑪姬、黃建東曖昧耍花槍

1 : GS(14)@2017-04-05 23:56:54

黃建東和緋聞女友瑪姬、何紫綸(Ann)和好友陸詩韻等,前晚在尖沙嘴出席「博愛醫院董事局就職晚宴」,朱紫嬈擔任表演嘉賓。黃建東和瑪姬否認拍拖,瑪姬說:「暫時係close啲,大家條件唔差,佢好勤力、好有拼勁。」黃建東即尷尬說:「有啲難關一齊過,互相支持。佢係我杯茶,絕對係好女仔,不過佢要求高,唔易感動到佢。」同場的陸詩韻以性感低胸大露背裝現身,談到之前她包場和異性睇戲,被指忽然富貴,她說:「好多人都笑我係單身惹嘅禍。」Ann則讚包場舉動:「好sweet,如果我係佢男友就好啦!」問陸詩韻會否包養另一半?她說:「唔好話包養,都要有自己經濟能力,有上進心,最重要孝順。」採訪、攝影:羅慧敏




來源: http://hk.apple.nextmedia.com/entertainment/art/20170405/19979906
瑪姬 、黃 黃建 建東 曖昧 耍花槍
PermaLink: https://articles.zkiz.com/?id=329293

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019